أخذوا الحذر يا اهل قطر من أكتتاب دانة غاز

[بوسعد]

السلام عليكم ورحمة الله وبركاته

هذه الأقتباسات المتعددة من منتديات الإمارات للأوراق المالية
وبالأحرى من موضوع ( كل ما يتعلق بشركة دانة غاز ( ضع سؤالك وجوابك )


العجب كل العجب من الاكتتابات الجديده
نزلت الطاقه وقبل ان تنزل الاكتتاب تم استهلاك اكبر اسهم الشركه لاصاحب المحسوبيه وكبار الجيوب وراح فيها المواطن الفقير الذي كان يتمنى ان بدخل كي يعدل وضعه المالي قليلا او يسد دين في رقبته

نزلت دانه غاز وراس المال ممكن ان يغطى من قبل المواطنين 20 ضعف المبلغ المطلوب لكن تم فتح المجال امام ابناء مجلس التعاون ماهو المقصود من الاكتتابات الجديده هل هو عدم استفادة الافراد من هذه الاكتتابت هل تكوين راس المال المطلوب من غير ان يستفيد الفقير

يخبرني احد الاقارب الذين يعملون في احد البنوك ان اعداد السعودين جنونيه وبشكل غير طبيعي في الاكتتاب

من المستفيد في النهايه وانا متاكد بسبب الاعداد الكبيره لن يجد المكتتب اكثر من 130 سهم كما حصل في الطاقه مذا سوف نفعل ب130 سهم هل سوف تكفي لبترول السياره ام تعب الوقوف في طوابير الاكتتاب

الله يرحم اكتتابات زمان يوم كان فيه حس بالمواطن والكل كان يستفيد


------------------



اخوانى الأعزاء
اليوم سرت مصرف أبوظبى الأسلامى للأكتتاب فى أملاك "نعم أملاك وليس دانا غاز"
ولأن هذا البنك ايضا لديه أكتتاب دانا غاز فبالصدفه لاحظت شى أرجو أن لا يكون سبب أزعاج او بداية مشكله لكم.

" طلبات الأكتتاب أنتهت منذ الصباح وعند سؤالى للمسؤول من باب الفضول أخبرنى اذا اردت الحصول عليها يجب عليك الحضور أول النهار - طبعا اليوم هو ثانى ايام الأكتتاب فقط "

صراحه مع دخول عدد كبير من الخليجيين أتوقع أن تظهر تجاره جديده الا وهى تجارة بيع طلبات الأكتتاب فى السوق السوداء كما يحدث فى بعض الدول الخليجيه - خذو الحذر يا أخوان وأتاكدو قبل الذهاب للأكتتاب من توفر الطلبات.

والسموحه منكم

--------------------


مقتبس من منتديات الإمارات للأوراق المالية

بالعربي الفصيح أخذا الحذر يالربع

--------------------


يعني اذا طلع للواحد 100 سهم يحمد ربه

هذا هو بصراحة كلام احد الموظفين في بنك الشارقة عندما ذهبت اليوم للاكتتاب




--------------------


كم تتوقعوا يخصص لكل فئة؟؟؟؟

في اعتقادي 3000 سهم مررررره كثيره ومستحيله

لان في الشريحه الاولى 700 مليون سهم

اذا قلنا يخصص 3000 سهم

اذا عدد المساهمين = 700 مليون / 3000 = 233333 مساهم فقط!!!!!! مستحييييييييل العدد اكثر بكثير



--------------------

وهذا الأقتباس من منتدانا


واحد من الربع كان في بنك دبي الاسلامي اليوم
رايح يبي يكتتب

اتصل فيني عقب الظهر وقال انه ما اكتتب وبيرد الدوحة وخلاص ما يبي يكتتب
قلت له ليش شاللي صاير

قال ما في طلبات اكتتاب
واذا عندك الطلبات يبيلك 3 سنوات و8 شهور لين يوصلك الدور
يقول من كل الجنسيات في الطابور
ويقول في ناس عيني عينك يدخلونهم جدام اللي ماسكين الصف


-------------

وللعلم رحت الإمارات الأسبوع اللي طاف بالضبط يوم الجمعة في الليل
ويوم السبت أنا في ابو ظبي
فتحت حساب ببنك أبوظبي الوطني
بعدها رحت الوسيط التابع لهم وفي نفس البنك
شفت العجب
سعوديين وخليجيين يسألون عن دانة غاز
المهم رحت البورصة حسب تعليمات الوسيط علشان افتح رقم مستثمر بأبوظبي
( ياهي زحمة :eek3: وياهي ربكة في البورصة )
مع ان كان يوم السبت وفي نص الشهر بس أيش أقول
أكتتاب على الطريق والحمدلله فتحت رقم مستثمر
المهم بعدها وفي اليوم الثاني الأحد رحت بورصة دبي علشان فتح رقم مستثمر بدبي
من الساعة 9 الى الساعة 12.30 وصل رقمي
والحمدلله قتحت رقم مستثمر
الزبدة أيش شفت في دبي
عوائل خليجية جاية البورصة على شان الإكتتاب
الساعة 10 ما تقدر تتحرك من كثر الزحمة
مع ان بورصتهم أكبر من بورصتنا بكم مرة
هذا والإكتتاب لين الحين ما فتح يومه الأول

وانتوا شفتوا أو سمعتوا باللي حصل في الدوحه أمس واليوم
والحين واحد من الشباب يبغي ياخذ مني معلومات علشان أخوه ونسايبه ونسايبهم كلهم
يبغون يرحون الإمارات للإكتتاب
تتوقعون كم مرة بيتغطى الإكتتاب

وشوفوا النتيجة ( السودة )


اللي يبي يشتري اي كمية من اسهم دانا غاز قبل طرحها للتداول عن طريق السوق السودا يبعث لي رسالة خاصة

النهاية حاسبوا يا أهل قطر من الخطر
وبلادكم خير ونعم صحيح ان السهم بريال
بس ما يسوى إذا طلع التخصيص لك 100 أو 300 أو 500 سهم أو أكثر
لأن سعره بيكون في التداول من 5 إلى 10 والله اعلم يمكن اكثر ويمكن اقل
شوف انت عاد واحسبها بنفسك
هل يسوى التعب هذا وهم السفر والخساير على السكن والبترول اللي صاير سعره سعر الذهب عندهم


تحياتي للجميع
وخلكم في بورصتنا أخير وأرحم

[سلطان]

يعطيك العافيه يابوسعد , وانا اتفق معاك ان اللي بيستثمر فلوسه في فترة الاكتتاب في بورصتنا ربما

يستفيد اكثر , وخلنا في ديرتنا ابرك , والخير مقبل ان شاء الله

[concord]

صادق يا بوسعد

الاكتتاب ما فيه فايده كلشششششش

[بوسعد]

يعطيك العافيه يابوسعد , وانا اتفق معاك ان اللي بيستثمر فلوسه في فترة الاكتتاب في بورصتنا ربما

يستفيد اكثر , وخلنا في ديرتنا ابرك , والخير مقبل ان شاء الله

الله يعافيك من كل شر اخوي الحبيب سلطان
وبورصتنا الحين بالذات فرصة ما تتعوض
بس الحذر مطلوب
تحياتي لك

[الرابح]

الله يعافيك من كل شر اخوي الحبيب سلطان
وبورصتنا الحين بالذات فرصة ما تتعوض
بس الحذر مطلوب
تحياتي لك

بصراحه انا اؤيدك 100% ,, وازيد بدال ما تحط فلوسك في الامارات لمدة

يمكن توصل شهرين او ثلاثه خلها عندك في الدوحه والله بورصتنا واااايد زينه

ولله الحمد

تحياتي

[بوسعد]

صادق يا بوسعد

الاكتتاب ما فيه فايده كلشششششش
جزاك الله خير اخوي concord
والله يوفقك يارب

وهذه معلومات إضافية توني متذكرها بعد ما قريت هذا الرد


على حسب علمي ... غير مسموح بفتح حساب جديد في البنك البريطاني بغرض الأكتتاب...!!!

انا شخصيا غير مقتنع بشركة عليها مشاكل وفوق هذا ان بعض المؤسسين بدأوا بالبيع من تحت الطاولة...

بالفعل من شهر تقريباً كنت في أبوظبي
مع أخو زوجتي ونسايبه في ابوظبي
وجلسنا وتفاهمنا بالموضوع قبل نزول أخبار دانة غاز
يومها اتصل في واحد ويبغي يتأكد منه بالضبط
قاله عندي من 2 ملوينين سهم لين 7 ملايين
إذا تبغيهم الحين تجيني معاك الكاش او الشيكات
ونوقع التنازل وتشتريهم بالضمان الموكل من المحامي شخصياً
المهم هو حب يتأكد مني
قلت له لا اعرف عنها اي شي
لأنه فهم ( دانة غاز ) مسهمين فيها قطر مع الكويت والإمارات
والحين أوضحت الرؤية
بيع من تحت الطاولة

وسلامتكم

[بوسعد]

ما قصرت أخوي الرابح
على هذه الإضافة
تقبل تحياتي العطرة

[shared]

انه اليوم سالت واحد من الربع عند فكره عن اسواق الامارات و نصحني اني ما تعب نفسي قال لي ان كان في اكتتاب في شركة اغذية حط فيها 40000درهم و ما حصل الا عن 37سهم بس و القهر ان الاكتتاب كان بس حق الامارتين و الناس في البحرين زحمه على hsbc اذا طلعت 30سهم وايد زين ........
اذا الواحد يبي يشتري في السهم لا يتعب روحة و يشتري في السوق السوده السهم بدرهمين ولا ثلاثة احسنله و اوفرله .......
عني انه بكتتب في شركة ناس العقارية و بنيان احسن لي و ابرك ..........

[$.$.$]

خلك وضارب بالدوحة احسن لك من عقب سنة واتحصل ضعفها

[hammoor alkhore]

حبيبي كلامك صحيح الامارات اشوي النوك والشركات تعلما ايلمون افلوس على حد مايقدرون ويااخذون عليها فايدة وبعين اريجعونها , البنك المركزي ايضعيف عندهم.ولا وزارة التجارة.

[الحزينه]

يــعـــطـــيك الف الف عافيه يا بو سعد :app: والله انه كلامك عين العقل وجزاك الله الف خير اتمنا انه اهل قطر يعملون بنصيحتك

ومايتعنون ولا يخسرون .وبورصتنا وبلادنا فيها الخير ولبركه ان شاء الله .. والانسان بالنهايه ماياخذ الا رزقه لو وين ما كان .


والله يوفق الجميع

اختك الحزيـــــــــــــــــنـــــــــه :(

[ROSE]

انا والله اشوف مامنها فايده هالشركة


وماراح اكتتب فيها



جزاك الله خير اخوي

[أسد الاسلام]

بصراحه كلامكم عدل وعين الصواب بلادنا الخير والبركه

[شقران2]

والله الناس محتاره

[الشراكة]

شكراً لك يابوسعد على هذا التحذير والتوضيح للاكتتاب لأخوانك المساكين إلي ماعندهم أي معلومة عنها !!!

ولا تخاف بندفع أفلوس البترول ... ولا تحمل هم !!!!!

[h2004]

الصراحة بديت اهون عن الاكتتاب في هذه الشركة شكلها تجميع سيولة من العالم ولعبت بنوك واستثمار ومن ثم اعادة الفائض

[a71bx]

ما لنا الا ندعي لهم بكل خير والتوفيق بأذن الله

وكل واحد عقله في راسه ... والاغلبية تعرف هالشي وبعد تروح !!! :looking: :looking:

[Aigner]

يالربع ويش رايكم بواحد اعرفه من اهل دبي واقوله شرايك اكتتب في دانة غاز قال لي انت مجنون تخلي بورصتكم وتجي عندنا علشان شركه بتمسك بيزاتك شهرين وتنزل في السوق مادري متى و لو خصصوا لك 1000 سهم بتنزل في السوق ب3 دراهم يعني اللاف ب3000 درهم يعني السالفه ماتسوى ويقول لي انا مب حاط فلوسي فيها لما تنزل السوق باشتريها وفي الفتره اللي انت مجمد فلوسك فيها باطلع ذهب من البورصه بلا تعب بلاخساير بلا هم

[هاجن داز]

بوسعد

كلامك صحيح.... لكن الناس انجنت بمرض الاكتتاب

ولو واحد منكم يمر التسجيل العقاري ويشوف الطوابير على التوكيلات

شئ لايصدق

كل واحد يسافر ومعاه 13 بطاقه لهله مع التوكيل
وطيران لبوظبي..

والله بورصتنا من احسن البورصات في العالم
وفيها الخير الكثير

الله المستعان

[الأستشاري]

قوافل المستثمرين السعوديين تتدفق برا على دبي بعد تعذر الحجز على الخطوط
السعودية للاكتتاب في "دانة الغاز"

جدة، الرياض: عمر المطيري، خالد الغربي
شهدت رحلات الطيران المتجهة إلى الإمارات أزمة مقاعد لتوجه المواطنين السعوديين لدولة الإمارات للمشاركة في مساهمة شركة الغاز والتي سمحت دولة الإمارات بدخول أبناء دول مجلس التعاون فيها.
وبالاتصال على مكتب حجز الخطوط السعودية أفاد بأنه لا توجد حجوزات لدبي من جدة والدمام قبل يوم 29 من سبتمبر الجاري, ومن الرياض يوم 30 الجاري.
وتعد شركة "دانة الغاز" أول شركة غاز إقليمية في القطاع الخاص حصلت على الموافقة من السلطات الإماراتية لطرح أسهمها للاكتتاب العام بقيمة 2.06 مليار درهم, بدأ الاكتتاب فيها أول من أمس.
وذكر عدد من المساهمين أن الإجراءات كانت مبسطة حيث تقبل البنوك الإماراتية فتح حسابات بموجب وكالات مصدقة وصورة الجواز للسعوديين الذين لم يتمكنوا من الذهاب إلى الإمارات. إلى ذلك تدفقت قوافل من المسافرين من الرياض والمنطقة الشرقية عن طريق البر للحاق بالمساهمة في الشركة الإماراتية والتي خصص السهم الواحد فيها بدرهم مما شجع الكثير من المواطنين على التوجه إلى الدخول في مثل هذه المساهمات خارج السعودية. من جانبه اعتبر أستاذ العلوم السياسية والاقتصاد بجامعة الملك عبد العزيز بجدة الدكتور صادق عبد الحميد مالكي أن توجه المواطنين السعوديين للمساهمة في الشركات والبنوك الخليجية
ظاهرة صحية و تصب وفي صالح المساهم السعودي.
واستغرب عدم وجود خدمة في البنوك السعودية لتمكين السعوديين الراغبين في المساهمة في الشركات الخليجية عن طريق البنوك وهو ما يتطلب تفسيرا من قبل مؤسسة النقد العربي السعودي. وأكد أن توجه رؤوس الأموال إلى الاستثمار في دول الخليج شيء جيد خاصة أن الاستثمارات السعودية خارج الدول العربية تقدر بالمليارات ومن الأفضل أن تستثمر رؤوس الأموال السعودية في الدول الخليجية والعربية.
وأضاف أن البنوك السعودية عبارة عن محافظ لحفظ الأموال دون أن توفر لأصحاب رؤوس الأموال أوعية استثمارية متنوعة على مستوى الداخل فيما يحقق الاستثمار في الخارج أرباحا خيالية.
ولفت إلى أن الأسهم السعودية تمر بتطورات غير منطقية فيما يخص ربحية السهم في الوقت الذي يوجد فيه فائض كبير من الأموال مما أدى إلى التضخم في سوق الأسهم وبقاء الاستثمارات
محدودة مما وضع السوق في حال غير مستقر.
وأوضح أنه من الأفضل أن تتدخل مؤسسة النقد في وضع سياسة البنوك وإلزامها بتوفير الاستثمارات الصناعية التي يحتاج لها البلد و تكون عوائدها على المستثمرين والمساهمين
مرتفعة.
وقال إنه بالنظر إلى الاستثمار في العقار فإن عوائده السنوية لا تصل إلى 10 % من رأس المال فيما تتجاوز العوائد الصناعية في بعض الحالات 50 % من رأس المال.
وخلص إلى أن مجمل هذه الأوضاع جعل المستثمر السعودي يتوجه إلى الاستثمار في الدول المجاورة إذا لم تتوسع البنوك السعودية في الاستثمار المحلي أو تغير وضعها من محفظة نقود
إلى غير ذلك.
وحول تكلفة السفر والإقامة بالنسبة للذاهبين للاستثمار في دولة الإمارات أكد أن المستثمر لا تعيقه مثل هذه الأمور ولا ينظر لها ولن تؤثر عليه.
من جانب آخر أكد مصدر بالخطوط الجوية العربية السعودية عدم إمكانية تأمين رحلات لمواجهة الطلب على السفر إلى الإمارات حيث توجد 4 رحلات يوميا من جدة والرياض والدمام إلى
دبي تستوعب أكثر من ألف راكب يوميا إضافة إلى أن الخطوط سيرت خلال الثلاثة الأيام الماضية رحلة إضافة يوميا يزيد استيعابها عن 300 راكب, مشيرا إلى أن الخطوط السعودية لديها86 محطة محلية ودولية و من غير المنطقي أن توجه الرحلات إلى جهة معينة وتترك المحطات الأخرى.
في السياق ذاته أوضح محمد الغبيوي الذي يعمل مزارعا أنه يستعد للسفر بعد غد السبت للمشاركة في عملية اكتتاب "دانة الغاز". ويحاول الغبيوي وعائلته المكونة من 4 أفراد بعد أن اتخذ جميع الإجراءات اللازمة لعملية الاكتتاب في الشركة كسب أكبر عدد من الأسهم قبل الانتهاء من عملية الاكتتاب في بداية أكتوبر المقبل, حيث حددت الجهات المعنية في الشركة الحد الأعلى للاكتتاب لصغار المستثمرين بـ75 ألف سهم والحد الأدنى 3آلاف سهم والمخصص لهم ما يقارب الثلث لهذه الشريحة من مواطني دول الخليج. وأشار زميله خالد بدر العتيبي بأنه يسعى وأفراد عائلته جميعا والمستقر في مدينة الدمام الذهاب للإمارات في نفس يوم ذهاب الغبيوي والذي يصادف اليوم الوطني الذي يعني عطلة رسمية لكافة الموظفين في القطاعين العام والخاص بالسعودية والتي أعلنت عنها الدولة لاحقا وهي إجازة مناسبة في أول أيام الأسبوع لفتح محفظة استثمارية في بورصة دبي للاكتتاب ليتسنى له الاكتتاب بأكبر قدر ممكن من الأسهم.

[abadi]

الله المستعان شوف الطمع شيسوي يسبب الهلع..
على هالحالة التخصيص يمكن حتى مايتجاوز 200 سهم وهذا توقعي

[بوسعد]

ماقصرتوا والله يالربع

أخوي shared
أخوي $.$.$
اخوي هامور الخور
أختي الحزينه
اختي المشرف UAE_ROSE
اخوي أسد الاسلام
أخوي شقران2
أخوي الشراكة
أخوي h2004
أخوي a71bx
أخوي الثيم
أخوي المؤشر الحالي
أخوي الأستشاري
أخوي abadi

بكل هذه المداخلات المثمرة
واللي بالفعل إنشاء الله تجيب نتيجة طيبة على بورصتنا الحبيبة
ومثل ما شفتوا البورصة أرتفعت اليوم ولو لشي بسيط
بس هذا هو خيرها
وإما دانة غاز فشكلها مثل ما ذكر أخوي الأستشاري المقال المنقول
ان الأسعوديين بالطوابير :deal: :deal: ومرتبينها صح
ويمكن يستحوذون على اقلبية الأسهم المطروحة :con2:
وعليهم بالعافية ويعطيهم خيرها ويكفيهم شرها :nice:

تحياتي للجميع والله يوفقكم

[عضو قديم]

والله بكيفكم قولوا اللي تقولونه
انا اليوم رحت البنك البريطاني فرع السد لان لي حساب جاري عندهم واكتتبت ب 40000 الف سهم ب40400 الف ريال وعمل مانيجر شيك علشان عيوزي تبي تشتري اسهم وانشاء الله رايح دبي اشتري لها اما انا فا خلاص اشتريت وخلصت لكن والله الله ان اللي شغال في البنك يقول لي ان سعر السهم وصل في السوق السوداء الى 2.5 ريال وانا ما راح ابيع لين يوصل 100 ريال على اقل تقدر هههههههه واثق

[الأستشاري]

عضو قديم كم بيطلعلك من التخصيص؟؟؟؟؟؟؟؟
شركة أعمار ماوصلت 100 وهذي على أي اساس توصل

[خبير أقتصادي]

أروح الأمارات و أصف طابور للشارع تحت الشمس , عشان أربح الفين لا و أرجع الأمارات طابور أستلمهم :looking: - خوش مشروع :D .

تسلم أخوي على موضوعك المهم جدا و تنبيهك لمن لا يعلمون ماهية الأكتتاب (بدانة الغاز)

[ولد المعاضيد]

اللي حاب تصيده ضربة شمس يروح

انا من رأيي تستثمرون فلوسكم في بلادكم
ما تسوى تسافر وتخسر على 100 او حتى 500 سهم

ويعطيك العافيه اخوي على طرحك للموضوع

ولد المعاضيد

[الأستشاري]

الإقتصاد> عربي
02:01 آخــر تحديــــث 2005-09-23

أزمة مقاعد على رحلات الطيران حتى نهاية سبتمبر
"زحف" سعودي براً وجواً للاكتتاب في "دانة غاز"


الرياض - عبد النبي شاهين:

ارتبكت رحلات السفر الجوية والبرية من السعودية الى دولة الإمارات بسبب تدفق مئات بل آلاف المواطنين السعوديين الى الإمارات للاكتتاب في اسهم شركة “دانة غاز”، والتي تتيح لأبناء دول مجلس التعاون المساهمة فيها، حيث شهدت رحلات الطيران المتجهة إلى الإمارات أزمة مقاعد، وذكر مكتب حجز الخطوط السعودية انه لا توجد حجوزات الى دبي من جدة والدمام قبل يوم 29 الجاري، ومن الرياض يوم 30 الجاري.

وأكد مصدر في الخطوط السعودية عدم إمكانية توفير رحلات لمواجهة الطلب على السفر إلى الإمارات حيث توجد 4 رحلات يومياً من جدة والرياض والدمام إلى دبي، تستوعب أكثر من ألف راكب يومياً إضافة إلى أن الشركة سيرت خلال الأيام الثلاثة الماضية رحلة إضافة يوميا تزيد طاقتها على 300 راكب، مشيرا الى أن الخطوط السعودية لديها 86 محطة محلية ودولية و من غير المنطقي أن توجه الرحلات إلى جهة معينة وتترك المحطات الأخرى.

وذكر عدد من المساهمين السعوديين في تصريحات ل”الخليج” أن اجراءات الاكتتاب كانت مبسطة، حيث تقبل البنوك الإماراتية فتح حسابات بموجب وكالات مصدقة وصورة الجواز للسعوديين الذين لم يتمكنوا من القدوم إلى الإمارات، فيما طالب عدد من الراغبين في المساهمة في شركة “دانة غاز” بأن يفتح المجال لهم للمساهمة عبر البنوك والمصارف السعودية وفروع البنوك الخليجية والاماراتية في السعودية، خاصة وأن قائمة المؤسسين تؤكد أن السعوديين يحتلون المرتبة الثانية بعد الإماراتيين ويواجه الراغبون في المساهمة في الشركة تحدي السفر الى الإمارات وافتتاح حسابات بنكية في الدولة. وإلى ذلك تدفقت قوافل من المسافرين من الرياض والمنطقة الشرقية عن طريق البر للحاق بالمساهمة في “دانة غاز” والتي خصص السهم الواحد فيها بدرهم ما شجع الكثير من السعوديين على التوجه إلى الدخول في مثل هذه المساهمات خارج المملكة.

ومن جانبه اعتبر أستاذ العلوم السياسية والاقتصاد في جامعة الملك عبد العزيز في جدة الدكتور صادق عبد الحميد مالكي، أن توجه ابناء المملكة للمساهمة في الشركات والبنوك الخليجية ظاهرة صحية وتصب وفي مصلحة المساهم السعودي.

واستغرب عدم وجود خدمة في البنوك السعودية لتمكين السعوديين الراغبين في المساهمة في الشركات الخليجية عن طريق البنوك وهو ما يتطلب تفسيراً من قبل مؤسسة النقد العربي السعودي. وأكد أن توجه رؤوس الأموال إلى الاستثمار في دول الخليج أمر جيد، خاصة أن الاستثمارات السعودية خارج الدول العربية تقدر بالمليارات ومن الأفضل أن تستثمر رؤوس الأموال السعودية في الدول الخليجية والعربية.

وأضاف: إن البنوك السعودية عبارة عن محافظ لحفظ الأموال لا توفر لأصحاب رؤوس الأموال أوعية استثمارية متنوعة على مستوى الداخل، فيما يحقق الاستثمار في الخارج أرباحا خيالية.

ولفت إلى أن الأسهم السعودية تمر بتطورات غير منطقية في ما يخص ربحية السهم في الوقت الذي يوجد فيه فائض كبير من الأموال، ما أدى إلى التضخم في سوق الأسهم وبقاء الاستثمارات محدودة وهذا الأمر وضع السوق في حال غير مستقر.

[الأستشاري]

أكثر من 5 آلاف مركبة عبرت منفذ البطحاء مع تعذر استقبال البنوك السعودية للطلبات
تواصل تدفق آلاف السعوديين إلى الإمارات للمشاركة في اكتتاب "دانة الغاز"

الرياض: خالد الغربي, طارق النوفل، عدنان غزال
واصل آلاف السعوديين أمس تدفقهم على منفذ البطحاء للسفر إلى الإمارات بغية الاكتتاب في شركة "دانة الغاز" الإماراتية التي خصصت 700 مليون سهم للمواطنين الخليجيين.
وأكد مصدر في إدارة جمارك منفذ البطحاء أن المنفذ يشهد ازدحاما كبيرا منذ 3 أيام، حيث عبرت المنفذ خلال تلك الفترة 5 آلاف مركبة بعد أن كان يستقبل من 200 إلى 300 مركبة عبر بوابة الخروج يوميا.
وأشار إلى أن يوم الثلاثاء الماضي شهد تفويج أكثر من 1890 مركبة سعودية, وازداد عدد المركبات أول من أمس إلى 2133 سيارة, فيما دخلت 1843 مركبة المنفذ حتى عصر أمس.
ونفى المصدر أن يكون ازدحام السيارات في المنفذ ناتجاً عن قلة الموظفين، مشيرا إلى أن أغلب السيارات السعودية تسجل أول خروج لها من المنفذ مع قلة خبرة الموظفين الجدد بالاستخدام السريع لأجهزة الحاسب الآلي.
وتوقع عاملون في مؤسسات ومكاتب النقل البري والسياحة في المنطقة الشرقية مغادرة أكثر من 15 ألف راكب خلال فترة الاكتتاب في شركة "دانة الغاز" التي تستمر لغاية 2 أكتوبر المقبل، موضحين لـ"الوطن" أنه غادرت محافظة الأحساء خلال اليومين الماضيين نحو 32 حافلة تابعة لعدد من مؤسسات ومكاتب النقل والسياحة في المحافظة إلى الإمارات، على متنها العديد من المستثمرين الراغبين في الاكتتاب.
إلى ذلك ذكرت مصادر مصرفية أمس أن البنوك السعودية تعذر عليها الدخول ضمن البنوك التي يمكن لها استقبال طلبات الاكتتاب في الشركة نظرا لأن هذا الإجراء يحتاج إلى موافقة السلطات الرسمية المسؤولة عن الأسواق المالية في الإمارات, وهو ما ينطبق أيضا على فرع بنك الإمارات في الرياض حيث يصنف على أنه بنك سعودي يخضع لجميع الأنظمة والقوانين النقدية والاستثمارية المعمول بها في السعودية.
واضطر السعوديون لفتح حسابات جارية لهم في بنوك إماراتية للمشاركة في عملية الاكتتاب حيث بلغ عدد فروع البنوك أكثر من 100 فرع مشارك, ليتسنى استلام فائض الاكتتاب من تلك البنوك.
وفي السياق ذاته طلب صغار المستثمرين السعوديين من المؤسسين والقائمين على الشركة وضع آلية من شأنها الإسراع في رد فائض الاكتتاب بعد التخصيص والعمل على تقليص مدة إرجاع الفائض والتي قد تصل إلى 5 أشهر، مطالبين بتحويل المبالغ المالية الفائضة إلى حساباتهم الشخصية في البنوك المحلية السعودية، بدلاً من الوضع القائم حالياً والمتمثل في إرسال شيكات الفائض بريدياً والذي عادة ما يتأخر في وصوله إلى المكتتب.
وقال معتصم محمد - موظف في إحدى مؤسسات النقل في المحافظة - إن مكاتب النقل البرية في الأحساء شهدت كثافة كبيرة في أعداد المسافرين المغادرين، منتهزين فرصة إجازة نهاية الأسبوع وإجازة اليوم الوطني للمشاركة في الاكتتاب.
وأكد أن كثيراً من ركاب الحافلات يحرصون على إنزالهم بالقرب من البنوك الإماراتية المخولة بالاكتتاب في الشركة.
وأكد أن الغالبية العظمى من المستثمرين في الأسهم يغادرون الإمارات فور الانتهاء من تفعيل حساباتهم البنكية "في المرة الأولى" واستكمال إجراءات الاكتتاب حيث لا تتجاوز فترة بقائهم 48 ساعة.
وأشار كل من زهير الغزال وهشام العيسى وصلاح الشاوي "مستثمري أسهم محلية وخليجية" إلى أن طرح اكتتاب شركة "دانة الغاز" الإماراتية أثار اهتماماً كبيراً لدى مواطني دول مجلس التعاون الخليجي، مع قناعة صغار المستثمرين بأن أرباح الشركة مضمونة بنسبة خمسة أضعاف مع بدء عمليات التداول فيها، باعتبار أن الشركة تمتلك أصولاً في مجال تجهيز ونقل ومعالجة وتسويق الغاز الطبيعي ولديها خطط للتوسع في هذا القطاع الذي يشهد نمواً كبيراً في مختلف دول العالم، علاوة على معقولية أعداد الأسهم المخصصة للمكتتب الواحد وهي 3 آلاف سهم لكل مكتتب من صغار المستثمرين، وبالتالي معقولية أرباحها المجزية والتي قد تصل لكل مكتتب إلى 12 ألف درهم إماراتي - على حد توقعاتهم -.
وأكدوا انسيابية إجراءات الاكتتاب في المصارف والبنوك الإماراتية من خلال 10 مصارف مخصصة لذلك هي: أبو ظبي الإسلامي، أبو ظبي التجاري، الاتحاد الوطني، الخليج الأول، المشرق، دبي الإسلامي، الإمارات الدولي، Hsbc، الشارقة، العربي المتحد.
وأشار رمزي الموسى - في اتصال هاتفي صباح أمس أثناء تواجده في أحد المصارف في دبي - إلى أن الاكتتاب في أسهم الشركة لم يقتصر على فئة الذكور الخليجيين فقط، مؤكداً أنه شاهد عددا من النساء الخليجيات كن قد حضرن إلى الإمارات لهذا الغرض وهن يكتتبن في أسهم الشركة بصحبة أولياء أمورهن، لافتاً إلى أن غالبية المكتتبين السعوديين والخليجيين عادة ما يفضلون الاكتتاب في بنوك إمارة دبي.
وأضاف أن مصارف الاكتتاب في دبي شهدت صباح أمس زحاماً كبيراً من السعوديين واستنفاراً جيداً من العاملين في إنهاء واستكمال إجراءات الاكتتاب.

[index]

من قبل اسبوعين كنت مرتب للسفر للامارات للاكتتاب في الشركه
لكن بعد بداية الاكتتاب صرفت النظر عن الموضوع تماما . . بعد ما سمعت
الكل في المجالس يتحدث عن الذهاب للاكتتاب . . حسب احصائيه اخيره
ان عدد المكتتبين السعوديين وصل الى 23000 في اول 3 ايام . . وللحقيقه
اشك ان الشركه ستضمن 3000 سهم لكل مكتتب حسب ماورد في الاعلان

فيه ملاحظه هامه
الشركه ستعتمد على استيراد الغاز من ايران . . ماذا لو حدثت ازمه سياسيه
مستقبلا بين الامارات وايران او تم فرض حصار على ايران بسبب برنامجها النووي
او . . اي احتمال آخر . . بصراحه الشركه اللي ما تعتمد على موارد البلد نفسها
الاستثمار فيها يتطلب الحذر . . والله اعلم .

[القبقب]

والله مشكور يابوسعد

انا هونت خلاص

[بـوصـالـح]

ما يسوى عليك من قلب

[بوسعد]

والله بكيفكم قولوا اللي تقولونه
انا اليوم رحت البنك البريطاني فرع السد لان لي حساب جاري عندهم واكتتبت ب 40000 الف سهم ب40400 الف ريال وعمل مانيجر شيك علشان عيوزي تبي تشتري اسهم وانشاء الله رايح دبي اشتري لها اما انا فا خلاص اشتريت وخلصت لكن والله الله ان اللي شغال في البنك يقول لي ان سعر السهم وصل في السوق السوداء الى 2.5 ريال وانا ما راح ابيع لين يوصل 100 ريال على اقل تقدر هههههههه واثق

أخوي عضو قديم أنت :nice:
بس لأنك عندك أحساب قديم بالبنك البريطاني
يعني الله يهنيك في الإكتتاب
بس أخوي اللي ما عنده أحساب لازم يروح الإمارات :eek2: ويصف طابور من الصفجر لين مايجي دوره :( علشان يكتتب :deal:
وآخرتها يمكن يحصل 1000 ويمكن 3000 ويمكن تناتيف وهو اللي أحتمال كبير بيكون :shy:
هذا والله اعلم
على هذا الإساس ناس تأيد وناس متحطمه :looking:
تحياتي

[بوسعد]

أروح الأمارات و أصف طابور للشارع تحت الشمس , عشان أربح الفين لا و أرجع الأمارات طابور أستلمهم :looking: - خوش مشروع :D .

تسلم أخوي على موضوعك المهم جدا و تنبيهك لمن لا يعلمون ماهية الأكتتاب (بدانة الغاز)

اي والله ياخوي طابور عريض ماله نهاية الى بضربة شمس محترمة ولا لايفوتك مافي مواقف في دبي الى لعدد شحيح من السيارات
يعني يمكن تمشي في الشمس لين ما تنظى
بس الصراحة أبوظبي عندهم مواقف 10000% تحت الأرض وبسعر 2 في الساعة يابلاش
بس تعالى شوف الناس وين جالسة تصف فوق الرصيف :anger1: وسادة الشارع
لا هذا في الأيام العادية كيف في أيام الإكتتاب :con2:
وعلى فكرة أنا رايح أبوظبي إن شاء الله تعالى بس علشان أحضر عرس
ومن هناك بشوف أخبار الإكتتاب وين أوصلت
تحياتي

[بوسعد]

اللي حاب تصيده ضربة شمس يروح

انا من رأيي تستثمرون فلوسكم في بلادكم
ما تسوى تسافر وتخسر على 100 او حتى 500 سهم

ويعطيك العافيه اخوي على طرحك للموضوع

ولد المعاضيد

الله يجيرنا منها يارب
والله يعافيك من كل مكروه

[بوسعد]

ماشاء الله عليك جالس تتحرى أخبار دانة غاز خبر خبر
الله ينور طريقك يارب

[concord]

عدد المكتتبين طاف ال 3 مليون

شوفوا الصورة

وشوفوا عدد الطلبات كم وصل

:court:

[بوسعد]

من قبل اسبوعين كنت مرتب للسفر للامارات للاكتتاب في الشركه
لكن بعد بداية الاكتتاب صرفت النظر عن الموضوع تماما . . بعد ما سمعت
الكل في المجالس يتحدث عن الذهاب للاكتتاب . . حسب احصائيه اخيره
ان عدد المكتتبين السعوديين وصل الى 23000 في اول 3 ايام . . وللحقيقه
اشك ان الشركه ستضمن 3000 سهم لكل مكتتب حسب ماورد في الاعلان

فيه ملاحظه هامه
الشركه ستعتمد على استيراد الغاز من ايران . . ماذا لو حدثت ازمه سياسيه
مستقبلا بين الامارات وايران او تم فرض حصار على ايران بسبب برنامجها النووي
او . . اي احتمال آخر . . بصراحه الشركه اللي ما تعتمد على موارد البلد نفسها
الاستثمار فيها يتطلب الحذر . . والله اعلم .

الله يعين إذا جاء الحصار الإقتصادي على إيران
مش بس دانة غاز بتتأثر الظاهر نتجينا مشاكل أحنى في غنا عنها

الله ياخذكم ياللي في بالي :anger2:

تحياتي لك أخوي index

[بوسعد]

والله مشكور يابوسعد

انا هونت خلاص

حاضرين للطيبين أخوي القبقب
بس شوف المشاركة اللي فوقي بمرتين لأخوي concord
الظاهر بانت الحقيقة :court:
صورة أكتتاب بالملايين عبر الإنترنت :nice: :eek2: :nice:

[بوسعد]

ما يسوى عليك من قلب

وينج يا أكتتابات قطر طولتي علينا :deal: :deal: :nice: :deal:

[بوسعد]

عدد المكتتبين طاف ال 3 مليون

شوفوا الصورة

وشوفوا عدد الطلبات كم وصل

:court:

الله المستعان أخوي concord
وشكلك جربت الإكتتاب بالإنترنت بس علشان تتضح الرؤية للناس
ماقصرت ياشيخ :app: :eek2: :deal: :deal: :eek2: :app:
بس أقولك أنت بنتروح الإمارات وبتعطيهم الرقم الخاص قيك :D
ولا بتسفهم :funny:

[concord]

الله المستعان أخوي concord
وشكلك جربت الإكتتاب بالإنترنت بس علشان تتضح الرؤية للناس
ماقصرت ياشيخ :app: :eek2: :deal: :deal: :eek2: :app:
بس أقولك أنت بنتروح الإمارات وبتعطيهم الرقم الخاص قيك :D
ولا بتسفهم :funny:


هلا بوسعد

لا والله ما لي نية اكتتب بس كنت ابي اعرف كم عدد الطلبات عشان احطها في المنتدى
ومثل ما توقعت طلعوا فوق ال 3 مليون

وكل البيانات اللي حطيتها لهم وظللتها بالاسود كلها بيانات غلط

بس عشان تتضح الصورة