ابي رأيكم لأني حيران

[سهم قطري]

السلام عليكم اخواني الكرام انا ناوي اشتري كروزر gxr وارد البريمي اشرايكم تنصحوني ولا لا لانه بصراحة سعره اقدر عليه وعندي امكانية بس خايف من سالفة انه بدون ضمان فمادري تنصحوني آخذ وشكرا لكم

[PoBox]

تبي الصراحة ضمان التويوتا في قطر
قلة ادب مب ضمان

كل شي بيستوي في السيارة راح يدفعونك عليه
مهما كان ونادر ان شي يشمله الضمان

فوجودة وعدمه واحد بالنسبة للتويوتا
لو كراج محترم مثل البي أم مثلا ممكن نقول الضمان شي اساسي وجوهري
لكن في التويوتا الضمان على الجير والمكينة
وذول ان شاء الله مايصيدهم شي لسواقة عادية

[المجروح81]

تبي الصراحة ضمان التويوتا في قطر
قلة ادب مب ضمان

كل شي بيستوي في السيارة راح يدفعونك عليه
مهما كان ونادر ان شي يشمله الضمان

فوجودة وعدمه واحد بالنسبة للتويوتا
لو كراج محترم مثل البي أم مثلا ممكن نقول الضمان شي اساسي وجوهري
لكن في التويوتا الضمان على الجير والمكينة
وذول ان شاء الله مايصيدهم شي لسواقة عادية


انا اييد اخوووي
لان والله هالمواتر ع السواقه العاديه مايضرهم شي وبعدين صح كلام اخوي الضمان صعب تحصله في قطر لان لازم تسوي كل تشيكات في الوكاله عشان مايطيح ضمان
وهي صعب تلاقيه والموتر اخر شي تويوتا
يعني لو رنج ولا بورش بقول لازم الضمان لان هالموتر بصراحه بدون ضمان ماينفع


انا اقولك افحصه وشوفه اذا نظيف توكل ع الله وانشالله ماعليك شر وقبل لاتشتريه بس استشير اخوانك وربعك بيفدونك بعد

[الكاسر007]

من وين بتشتريه من الدوحه ولا من الامارات
ومن اي معرض بتشتريه رجاء التوضيح
وهل بتشتريه من واحد يعني من ربعك
رد على الاسئله
وكم ماشي او اصفار

[سهم قطري]

مشكورين يا أخوان والمووتر باخذه جديد اصفار من معرض باريس او الفاخره يعني اتوكل على الله وشكرا

[الدبلومااسي]

الله يوفقك ومواصفات البريمي احلى وحد علمي ان الفاخره وباريس يعطون ضمان وتشييكات في التيسير على حسابهم وانت استفسر منهم وموفق

[سهم قطري]

تسلم بوفرح وان شاء الله باحجز واحد اليوم

[الكاسر007]

بيعطونك ضمان على شركة التيسير وهو نفس ضمان الشركة ويمكن احسن
توكل على الله وخذه ترى التويوتا ما يتعطل

[الهاوي28]

يبه انت بتركب وشو

اكيد بتقول تويوتا

وانا اقولك الكروزر شيخ المواتر

عندك انا مثلا دايما اخذ تويوتا ولا ادري بشيء اسمه وكاله

[جغرافي قطر]

بالنسبه لي انا عندي واحد ماخذه اصفار وماشي عندي الحين 35000 كم
وعبدالغني سعر الجي اكس ار عنده اقل شي 165000 وانت طالع لين 182000 اللمتيد
بس وارد البريمي مميزاته احلى بوايد زتوفر على نفسك اكثر من 20 الف
وبالنسبه للضمان اعتقد انه عبدالغني يطلب عليك انه تسوي التشييكات كلها عنده واذا ما الزمت بهالشرط يطيح الضمان من السياره
ولاتنسى انه الكروزر نادر يخترب لانه مب الماني تتلعوز وياه ببرمجه والا كهربه والا شي ثاني
واذا كححححححححححححح بس وده حق اقرب كهربائي يطلعه لك وكاله ومافيه شي وقطع غياره متوفر باي مكان
اسمحولي على الاطاله بس حبيت اشارككم في هالموضوع