البنك الخليجي ... الى أين سوأل للخبراء ؟

[al_qa76ani]

نحن القطرين شرينا اسهم الخليجي بخمس ريالات وتداول في الاسواق وفي الواقع انا شخصيا شريته بسعر السوق المهم بدون ما اقول خسران او ربحان البنك والاخبار يقولون بناخذ الخمس ريالات الباقيه على مدى 3 سنوات ومن الاربااح
وسمعت ان اخوانا الخليجيين شروه بعشر يعني بسعره الكامل وهم بيتداولونه عقب 3 شهور طيب في حالة انهم شروا اسهمنا مثلا هل هم مطالبين بالخمس ريالات او في حالة ان احنا شرينا اسهمهم هل بنعفى من الخمس الباقيه اذا كان ما سمعته صحيح كيف بينعرف منهو اللي بيدفع الخمس ريالات الباقيه عن كل سهم ؟ انا سامع وبصراحه ما أدري شي عنه الا اني شريته في التداول والسبب ان سعره كان الاقل في البورصه بعد المواشي ..

يا أخوان اعتقد ان في الأمر مكيده وبتنكشف في الشهرين االجايين والا اشقول الخبراء ؟؟

[قلب الأسهم]

نحن القطرين شرينا اسهم الخليجي بخمس ريالات وتداول في الاسواق وفي الواقع انا شخصيا شريته بسعر السوق المهم بدون ما اقول خسران او ربحان البنك والاخبار يقولون بناخذ الخمس ريالات الباقيه على مدى 3 سنوات ومن الاربااح
وسمعت ان اخوانا الخليجيين شروه بعشر يعني بسعره الكامل وهم بيتداولونه عقب 3 شهور طيب في حالة انهم شروا اسهمنا مثلا هل هم مطالبين بالخمس ريالات او في حالة ان احنا شرينا اسهمهم هل بنعفى من الخمس الباقيه اذا كان ما سمعته صحيح كيف بينعرف منهو اللي بيدفع الخمس ريالات الباقيه عن كل سهم ؟ انا سامع وبصراحه ما أدري شي عنه الا اني شريته في التداول والسبب ان سعره كان الاقل في البورصه بعد المواشي ..

يا أخوان اعتقد ان في الأمر مكيده وبتنكشف في الشهرين االجايين والا اشقول الخبراء ؟؟


كل شخص يملك أسهم في الخليجي عليه دفع باقي راس المال (5 ريال للسهم) في حين الطلب بالسداد مثله مثل مصرف الريان ،،، ومهما كانت طريقة استحواذه على السهم : كان اكتتاب ولا اشتراه من السوق ولا جاه هدية ,,, الخ ..... ومهما كان سعر الشراء أو الاكتتاب ،،،،،،،،،، ومهما كانت جنسيته

المرجح ان باقي راس المال يستقطع من الأرباح ولن يكون هناك حاجة لدفع باقي راس المال قبل سنة 2009 ان تم فعلا.

لا يوجد في الأمر مكيدة ولا شي :nice:

[sahari]

(وسمعت ان اخوانا الخليجيين شروه بعشر يعني بسعره الكامل )

الخليجيين اشتروا السهم ب5 ريال لكن كان هناك علاوة اصدار +عمولة وسيط

عشان كذا طالع عليهم السهم بسعر اغلى من 13 ريال كحد ادنى

[al_qa76ani]

سهارى وقلب الأسد كلامكم صحيح 100 % واللي يسمع كلام الناس يضيع توني سائل وتاكدت من الكتيب ايضا ..انه الخليجين اكتتبوا بزيادة تسمى شراء خاص بس الحين سوال يطرح نفسه هل ينصح بالشراء في الوقت الحالي ؟؟

[خشوف]

يعني هل بندفع خمس ريال لكل سهم عندنا ؟

[عتيج الصوف]

اذا ا اردت ان تعرف الخليجي ,,,راقب الريان

[deepbluesea]

اذا ا اردت ان تعرف الخليجي ,,,راقب الريان

:con2:


هممممم

الفرق بينهم بيكون حدود ال 4 الى 5 ريال


يعني راح الريان ، روووح يا خليجي

والريااااااااااااان ررررررررررررررايح رااااااااااااااايح

وشكله بعد بيصيده الرادار ، (( مايدري بقانون المرور اليديد ))

[مفلوز]

شتان ما بين البنكين .... الريان بنك مكمل وداعم ومدعوم من ولمشاريع بروه ... أما خليجي ما ادري ليش نزل للإكتتاب أصلاً؟

[al_qa76ani]

بصراحه انا اعتبر الخليجي بنك نكبه اوله كان ربوي وما شريته ويوم نزل وشريته لانه اقل سعر في البورصه بسبب الطمع اللي فيني اني احسن من مستوى دخللي ثبتني ورفع كل الاسهم الباقيه اعتقد انه كان مقصه يقصد به رفع الاسهم من قبل كبار المشتثمرين وتثبيت اسهم صغار المستثمرين لكن اكيد له يوم وبيرتفع .

[قلب الأسهم]

بصراحه انا اعتبر الخليجي بنك نكبه اوله كان ربوي وما شريته ويوم نزل وشريته لانه اقل سعر في البورصه بسبب الطمع اللي فيني اني احسن من مستوى دخللي ثبتني ورفع كل الاسهم الباقيه اعتقد انه كان مقصه يقصد به رفع الاسهم من قبل كبار المشتثمرين وتثبيت اسهم صغار المستثمرين لكن اكيد له يوم وبيرتفع .

بيجي يوم بتشوف السهم بـ 40 و 50 ريال ويمكن أكثر (وهذا ينطبق على مصرف الريان أيضا) وذيك الحزة بتعرف معنى الاستثمار في قطاع البنوك.

تذكر شي واحد اخوي انه لا يوجد في قطر بنوك خسرانة ،،،، جميع مشاريع القطاع العام والخاص والطفرة القادمة تحتاج تمويل والتمويل من البنوك ،،، والبنوك لا تمول بخسارة.

البنوك الحالية (الوطني ، التجاري ، المصرف ، الدولي ، الدوحة ، الأهلى والاولى للتمويل) تتطلع لرفع روؤس اموالها لتستطيع مجارات البنوك الخارجية لأن بعض مشاريع الدولة ذو الربح الوفير تذهب للخارج للتمويل لعدم مقدرة البنوك المحلية على التمويل. البنوك هالأيام تدخل في تحالف وتأخذ قروض من بنوك عالمية لسد ثغرة التمويل.

سنرى في نهاية العام اكتتابات جديدة لرفع روؤس اموال أغلب البنوك.

ذكرتها من أشهر من قبل ان الشراء الخليجي والريان تحت سعر ال 15 ريال فرصة لن تتعوض مع مرور الأيام.

تحياتي

[عتيج الصوف]

http://www.qatarshares.com.qa/data/141/143/storm_937779092_695081176.jpg

من اعداد اخونا ابو تركي جزاه الله خير