خبر ان شاء الله يكون في خير

[سوق واقف]

السلام عليكم ورحمة الله وبركاته


اليوم على الفطور كنت جالس مع شخص من مؤسسة البترول في أمسعيد المهم قالي كل عمارات الوكره راح تخلى من عمال البترول في نص 2008
قلت له أشلون قالي عماراتنا راح تخلص عما قريب وراح يكون أجباري للموظفين السكن في سكن المؤسسة ...
والي ما يبي يرجع أمسعيد يقطعون بدل السكن عنه ويدفع من جيبه ...

يا رب يكون خير على أهل البلد والمقيمين الي مب لاقين سكن الصراحة :app:

[مضارب جديد]

هذا هو سبب ان اكثر عمارات الوكره معروضه للبيع:con2:

[فهد الخاطر]

حاب اوصل لكم رساله بان البديل موجود وهناك عدة عمارات في الوكرة تم تاجيرها باسعار خياليه سواء لمحلات تجارية او شقق سكنية وبعضها تصل ايجاراتها الشهرية الى 100 الف ريال وتكلفة البناء الي قام بها صاحب العقار 5 مليون وبالنسبة للمحلات التجارية فاول ما تتعدى دوار الوكرة الاول بتشوف عماره على يدك اليمين خالصه وفيها مكتب سفريات لعلي بن علي تقدر تستفسر عن اجار الباب الواحد بكم لكن لا تنصدم اكثر من 10 الاف ريال

[الوفي]

مشكور اخوي فهد على الخبر
ويعطيك العافيه

[امـ حمد]

مشكور اخوي علي الخبر الحلو ويعطيك العافيه

[ANONYMOUS]

كلامك صحيح..

في مسيعيد مسوين مشروع ضخم للسكن.. على عدة مراحل.. وكل اهل مسيعيد بيسكنون فيه.. اذا كفّاهم :)

وكذلك هل دخان.. في مشاريع سكن لقطر للبترول..

ولفان .. اوريدي عندهم سكن..

وهل الدوحه ( قطر للبترول اللي في الدوحه) بيبنون برضوه سكن في لوسيل..

واحتمال يخف الضغط شوي..

بس الاهم.. الخدمات.. ومدارس ومستشفيات في ذيك المناطق