ضروري لكل تاجر ومشتري من خلال المنتديات تكفون دشوا طلبتكم ..

[ذيبه مزاجيه]

السلام عليكم

الصراحه و الله مادري من وين ابتدي بس في شي قاهرني و قعدت افكر وايد ما لقيت الا اكتب هالسالفه اللي صارت معاي لعل و عسى اعرف من الغلطان انا و الا وحده تسمي نفسها تاجره هي من احد المنتديات مب من هني ..

المهم الموضوع هو حقوق التاجر(ه) واللي يشتري من عندهم

انا وحده اشتري من المنتديات بس مب دايما .. المهم .. دشيت احد المنتديات لقيت شي قلت بشتريه من تاجره مب من قطر .. يعني السالفه فيها تحويل فلوس و مصاريف شحن و عمولة تحويل و عفيسه ومراكض.. قلت ما يخالف . .
وبعدين التاجره يبين عليها انها طيبه و محترمه و حليوه قلت مافي خوف دام انها خايفه الله ان شاء الله ما بيصير شي .. لا و المبلغ المدفوع مب شوي يعني !!!

المهم هي قالت لي حولي لي الفلوس و انا على طول ان شاء الله برسل لج الطلبيه وكلها 5 ايام ان شاء الله بالكثير او اسبوع و بتوصلج الطلبيه قلت اوكي تسملين و بارك الله فيج .. وفعلا ارسلت الفلوس كامله و في نفس اليوم الحمدلله يعني صوبي انا اكتمل ..

ونطرت على البضاعه .. اسبوع ما اشوف شي .. اسبوعين ولا شي قلت لها اختي ما وصلت الطلبيه .. راحت تاكدت و قالت طلع الطلب من بلادي ووصل بلادكم روحي تأكدي و كل ما يروح اخوي يسأل يقولون ما وصل شي كلش .. ترا للامانه المره ارسلت البضاعه بس بقدرة قادر ما وصلت سبحان الله يمكن ضاعت في البريد و الا شي بعد انا ما احط في ذمتي ..

المهم كل ما ارسل رساله لها (رساله خاصه) تقول لي و الله طرشتها و جذي و شيكي البريد واروح و لا اشوف شي قلت لها انزين و الحل صار لي شهر و شي اراكض ؟!

قالت لي اوكي طرشي لي فلوس شحن لبضاعه جديده برسلها لج مره ثانيه قلت لها اوكي .. عاد اهلي قالوا لي مايصير دام ان من طرفج وفيتي اللي عليج خلاص هي المسؤوله عن الطلب اللي ضاع .. لا تدفعين و جذي .. عاد كلمتها وحده من اهلي وقالت لها يعني انا ما اقدر ارسل فلوس غير و ما اقدر اتحمل مسؤولية ضياع البضاعه وجذي عصبت و قالت لي انتي تقصدين ان انا حراميه و ان انا ما طرشت شي و اقص عليج و جذي ..انا الحمدلله ما اكل فلوس حرام يعني المره تنرفزت مع ان الواحد لازم يقول الحق !!

وعقب قالت لها قريبتي انزين شنو الحل .. قالت التاجره انا هالسالفه بحط لها نهايه و فلوسكم بردها لكم و ردوا لي بضاعتي و انا شنو يضمني انكم ما خذتوا البضاعه و سكتوا عليها ؟

قلنا لها يا اختي تاكدي لو وصلت البضاعه هاي لو لقيناها طبعا .. راح نردها لج .. واليوم اللي عقبه غيرت رايها و قالت برسل لكم وحده ثانيه على حسابي والفلوس ما برجعها و هذي اخر كلام عندي .. يعني لاحظوا ان محد جبرها ترسل غيرها على حسابها ؟!

المهم جذي جذاك .. وصل الطرد الثاني .. وعقب قالت لي لو سمحتي قولي اذا وصلت الطلبيه و لا تخافين ما بطلب منج الفلوس خليتها في ذمتج لين يوم القيامه و مادري وشو انزين..ولو فيج ثقه و ذمه رجعي الطرد الاول .. يعني في الذمه هاي اسلوب حد يتكلم فيه ؟ يعني وصلني الطرد الاول و بخشه يعني و الا ببيع اللي فيه ؟!

قلت لها ان لو انا مثلا طرشت لج الفلوس ناقصه من حقج اني ارسل المبلغ كامل او ما تسلميني البضاعه و ترجعين فلوسي .. ولو ارسلت الفلوس و ما استلمتيها ما بتهمج و بقول لج و الله طرشتهم و مالي خص ضاعوا ما ضاعوا ترسلين الطلبات ..
في نفس الوقت انتي ارسلتي الطلبيه و ضاعت في البريد شنو ذنبي انا تعصبين علي ؟؟وتقولين لي ادفعي و في ذمتج وانتي و امانتج ومادري وشو ؟؟

وعقب قلت لها كلام الحق يزعل هالايام وسألت اكثر من شخص قالوا ما تدفعين فلوس اكثر على اساس مب ذنبج ضاع الطلب في البريد و جذي .. قالت لي على فكره سالت التاجرات وقالوا لها انها غلطانه انها ارسلت لي طلب غيره و المفروض ما ترسل ..

يعني بالعربي يضيع علي الطرد و الفلوس !!!! هاي اللي فهمته ..

وعقب قلت لها فلوس الشحن مزعلتج ؟ مب مشكله برسلهم لج اذا تبين و انا اتحمل الخساره ..

قالت لي خلهم صدقه لج ؟! تخيلوا هذي رد بالله عليكم ؟؟ وقالت لي ما ابي اتعامل مع امثالج من الزباين و جذي ..

قلت لها اختي الواحد يختار ملافظه عدل .. وانا ما قلت لج صدقه و من هالكلام علشان تقولين جذي ؟! عيب و الله

واذا كان في وحده من التاجرات امثالج اسمحي لي الله الغني الصراحه .. انا قد تعاملت مع تاجرات قمه في الادب و الحترام لكن مثل هذي الصراحه ما شفت !!!

اانا ابي احد يعلمني لو سمحتوا و لا هانكم ربي ,, ويقول لي من الغلطان انا و الا هي ..

اتمنى انكم تردون علي تكفون ترا متضايقه حدي و ابي من يفهمني من الغلطان ..

اذا انا غلطانه اعتذر لها و ارسل لها الفلوس و الله الغني و الله العظيم و حتى طردها الثاني اللي و صلني عافته نفسي .. مع اني مالي ذنب في ضياع الاول و ربي شاهد علي

واذا هي غلطانه مابي منها شي الله الغني بس ابي اريح ضميري الله يخليكم لا تسفهون الموضوع الله لا يسفهكم ان شاء الله ..


والسموحه على الاطاله حبيت افضفض و ما لقيت احد .. وانتوا يا التاجرات لكم وجهة نظر اتمنى تردون علي غلطت بشي ؟؟

وانتوا ياللي شريتوا من النت عن طريق المنتديات صادفكم نفس الموقف و شلون تعاملتوا معاه لا هانكم ربي ..وهل انا صاجه و الا غلطانه ؟؟

واشكر كل شخص استحمل طول الموضوع والله من الضيقه طولت عليكم بس كلي امل ارد على الموضوع و القى ردودكم ..

بارك الله فيكم ان شاء الله

[زمن الغدر]

المهم انتي تسوين الي يرضي ربك ومقتنعه فيه
والي تشوفيه يريح بالك وضميرك
والي صار سوء تفاهم وكله صدفه

[nor85]

مشكله. انا صراحه جربت اشتري من البنات عن طريق النت بس ماصار مشاكل معاهم انا باعطيك نصيحه لاتشترين الا من الناس المؤثوقه في النت واهم معروفين لاتتخبطين في ناس ماتعرفينهم وفيهم الكويس وفييهم للاسف اللي مش .على العموم لادرين بال وكل واحد يرد على حسب التربيه

[بودحوم]

اختي مافيه شي أسمه ( ضاع الطرد )

أكيد أنها خذت ورقه ( إيصال ) بالبضاعه اللي طرشتها لج .

المفروض تعطيج صوره من الإيصال وتراجعين به البريد وتقولين لهم هذا الطرد مرسل من البلد الفلاني وللحين ماوصل .

وهي في نفس الوقت المفروض تراجع بالإيصال الجهة اللي حولت عن طرقها البضاعة , وتقولهم أن البضاعة ماوصلت .

واكيد ان البضاعه راح ترجع لها إذا الطرف الثاني ماستلمها بسبب الضياع أو خطأ في عنوان المرسل له .

[بنت الدوحه]

اختي ذيبه مزاجيه وسعي صدرج

كلام اخوي بو دحوم عدل

هي المسؤوله الاولى عن اللي صار وانتي ما غلطتي

والتاجره تتحمل كل شي لانه الطرد بيرجع لها على كل حال

لو اخطأت في العنوان

ومره ثانيه يالغاليه خليها تصور لج الايصال الحين في النت كل شي سهل

تصور الايصال عشان تتأكدين انها ارسلت لج الطلب

وبعدين مشاكل البريد اكيده مع الكل وتحصل كثير

يمكن هي طرشت لج البضاعه على البريد المسجل لانه يتأخر احياناً في الوصول

المفروض قايله لج على وشو مطرشته

وسعي صدرج حبيبتي والناس اجناس بتلاقين الطيب وغيره

لكن فعلا مب عدل كلامها تقول صدقه !! ليش انا دافعه فلوسي ما طلبتج صدقه

الله يهديها

طرشي لي اسمها حبيبتي عشان اتجنب التعامل معاها لاني اتعامل مع تاجرات واخاف اطب فيها وتوهقني مع الزباين

[عيون أصايل]

عزيزتي ذيبه مزاجيه ،،
(( أكيد أنها خذت ورقه ( إيصال ) بالبضاعه اللي طرشتها لج . )) كلااام بودحوم صحيح المفروض أنها ترسلج صوره من الوصل هذا عشان تبري ذمتها وانتي ترتاحين ،،

أنا عن نفسي أتردد أشتري من أحد برا البلاد الا اذا كانت مواقع تسوق عالميه هذا شيء ثاني لأن مثل هالأمور تصير مرات والواحد منا يتجنب مثل هالمواقف بصراااحه ،،

أنتي عملتي عين العقل عزيزتي وأرجعي طالبي بحقج وقوليلها ابي صوره من وصل ارسال الطلبات ؟؟؟
والله يأجرررج خير عزيزتي ويعوضج عن اللي راح ................. ،،

[تراب قطر]

اختي انا بصفتي بايع او مشتري لازم اتفق مع الشخص اللي بوصله الغرض يعني

اقوله مثلا شنهي طريقة الشحن اللي تبيها...تبيها مع رقم تتبع((علشان تكون في امان)) مثل الارامكس والدي اتش ال والفيديكس

او بالبريد العادي((الارخص)) وهذي بتكون عرضه للضياع

من وجهة نظري البايع المفروض يعرض هالشي والزبون بيتحمل الشحن

ومن حق الزبون يختار طريقة الشحن اللي تعجبه وفي حال اختار يكون هو يتحمل المسؤوليه..في حال اختار بالطريقه الامنه عن طريق الشركات العالميه لازم البايع يعطيج رقم التتبع او مايثبت شحنه للبضاعه لج

واعتقد حتى لو شحن عادي في فورمه للشحن تبين انها طلعت بأسمج فالتاريخ الفلاني

اتمنى اني فدتج يا اختي

[ذيبه مزاجيه]

يا جماعة الخير الشي اللي خلها تعصب علي و تقول لي انتي تعتبريني حراميه بس لان اختي سألتها ممكن رقم الوصل لان البريد قالوا .. هي شوطت الله يهديها وقامت تقول قصدج انا حراميه و مادري وشو !!!

على فكره هي قالت لي من نفسها برسلها لج على البريد العادي وبتوصلج في خلال 5 ايام الى اسبوع ارخص و احسن لج و قلت لها انا عقب لو دريت ان هالسالفه بتصير كان قلت لج بالبريد الممتاز انا مب عيزانه ادفع فلوس و لكن على اساس انها طمنتني و انها طرشت اكثر من طلبيه ووصلوا كلهم و مب معقوله انها تضيع ..

هي تنصحني بشي و يوم يضيع الغرض تحتر علي و تحذفني بكلام مب عدل !!!!

والله العظيم انا عمري ما شفت جذي .. قسم بالله .. يعني الغلط المفروض منها و تقول لي في ذمتج و مب امينه و مادري وشو .. ما اقول الا حسبي الله و نعم الوكيل و الحين توبه يا اطلب من عيال بلادي لو موجودين او من مواقع موثوقه عن طريج النت عن طريج ناس عارفين :(

انا و الله كان قلبي ناقزني .. ولكن قدر الله و ما كان فعل .. ويشهد الله انكم بردكم على موضوعي جبرتوا بخاطري ..

المصيبه انها تقول لي لو ضاع الطرد بيرد لي .. وعقب ترد تقول لي شوفي لو انتي وحده عندج ذمه ردي لي الطرد الاولي قصدها اني خذت الاول و تصرفت فيه و طلبت واحد ثاني من عندها .. هاي اسلوب تاجره بالله عليكم ؟؟

حسبي الله و نعم الوكيل و اختي قطعة سكر ان شاء الله راح اقول لج من هي .. وهي مب من منتدانا واتمنى انها ما تكون هني الصراحه ..

بارك الله فيكم كلكم بدون استثناء .. والله لا يخليني منكم ان شاء الله وسعتوا صدري .. وهي طرشت لي طلب ثاني على البريد السريع و وصلني .. ولكن تقول لي طرشته على حسابي و في ذمتج فلوس الشحن والطلب الاول اللي تتهمني اني خذته و خليته عندي !!!!!

اقول لها يا بنت الحلال ضاع في البريد يمكن تقول لي لو انتي ثقه كان رجعتيه ؟! و الله حاله الله بلانا و الله بهالناس قسم بالله ندمت على الساعه اللي تعاملت مع وحده ما اعرفها ..

هي قالت اذا ضاع و الا شي بيرد لي و عقب تتناقض .. خلها الله عليها

وانتوا شرايكم اطرش لها فلوس الشحن الثاني اللي طرشته من عندها مع ان مالي ذنب في ضياع الطرد الاول ولا جبرتها تدفع من جيبها و قلت لها ردي الفلوس و في حال وصل الطرد برده لج او بيرجعه البريد تلقائيا .. او شسوي بارك الله فيكم افيدوني جزاكم الله الف خير يا الغاليين و اتمنى الكل يدش و يقول وجهة نظره في الموضوع من تاجرات و اهل خبره اقصد المشترين طبعا ..

بارك الله فيكم ..

[ذيبه مزاجيه]

قطعة سكر .. انا ما اقدر اطرش رسايل خاصه :(

الا اذا تعدت مشاركاتي ال100 ..

[al_qa76ani]

اختي لا تزعلين من ردي بس انا جربت اخذ بضاعه من الدمام ولعوزني البايع وتاخر علي واخرتها تواعدت معاه بمركز بو سمره وجابها لي باليد وفعلا كان عليها اختام بريد وخلافه بس المهم اني استلمت اغراضي بالنسبه للي قلتيه البنت ما اغلطت بالكلام لانها تبي اترزق الله وهذي الشغله تبي تخاطب العاطفه والا حساس عندج عشان تتأكد من كلامج ونظرا لانعدام الثقه جات الحساسيات المهم اختي صفي النيه والمفروض انها ترسل ايصال من البريد يدل على انها طرشت الطرد الاول في هذي الحاله انتي مطالبه برد المبلغ للطرد الثاني مع قيمة الشحن واذا كان المبلغ ما يسوى فهذا حق والحق ما ينزعل منه محد منكم غلطان بس لازم الانسان يثبت بأوراق اذا ما كان فيه ثقه . وبعدين اختي انا اشوف انها حسنة النيه وتبي تفك راسها من الصدعه لو على خسارتها بس ماعندها شوية تفكير بأنها تجيب الوصل او تراجع فيه بريدهم وما ادري ليش .وعلى قولتج انها طرشته بالبريد العادي يعني الشغله هينه مب مكلفه نصيحتي عطيها المبلغ واحتسبيه زكاه عنج وعن هلج .

[بنت الدوحه]

ارسلت لج بالخاص يالغاليه

[ذيبه مزاجيه]

اول شي اشكرك على رايك .. و فعلا الحق ما ينزعل منه .. انا ما قلت شي ..بس يا ناس في اسلوب حق الكلام مب جذي !!!!

يعني ترا المبلغ اللي انا دفعته ترا و الله مب شويه .. وشنو ذنبي لو ضاعت البضاعه في الذمه انا ضيعتها علشان ادفع مبلغ مثيل لبضاعه ثانيه بديله مع تكاليف الشحن ؟؟؟

انا هاي اللي مستغربه منه .. ويعني هي تقول لي طرشت لج الطرد الثاني واذا ما دفعتي الفلوس اعتبري ان انا تصدق به عليج .. شدعوه .. اولا انا ما جبرتها تطرش واحد ثاني و لا شي هي من نفسها قالت فلوسج ما بردها و حطتني في الامر الواقع و طرشت غيره و تبي فلوس عليه .. انزين تفرض انا ما عندي فلوس هو الناس لا يكون يلقون فلوسهم في الشارع ؟؟

اوكي تبي تترزق الله البنت انا شنو ذنبي تضيع الطلبيه و تقول لي خذتيها .. وانا هي قالت لي لا عندي رقم و لا شي ما اتهمتها انها جذابه و ما طرشت الطرد و على الاقل المفروض تحترمني مثل ما احترمتها مب تتلفض بصدقه و مادري وشو ؟!

كلن له ظروفه و هاي ما يعطيها الحق انها تقول لي جذي .. كنت اقدر ارد بنفس اسلوبها و لكن الحمدلله انا اعرف ارد بكل احترام .. وفوق هاي كله قالت لي ما اتعامل مع امثالج من الزباين و الله شي .. خذو ده و اسمعوا ده ..

ضربني و بكا و سبقني و اشتكى !!!!

لا حول و لا قوة الا بالله ..

[بنت الدوحه]

ماعليج يالغاليه

اسلوبها فعلا غلط الواحد لازم يعرف يتعامل مع الناس ويتكلم باحترام

مثل ما يبون حقهم الناس يبون حقوقهم

تبيني احترمك احترمني

خلاص انسي السالفه وريحي بالج

وطرشي لها فلوس الشحن وافتكي منها

[ذيبه مزاجيه]

شكلي بسوي جذي لا بارك الله في ناس ما تحترم الغير .. وحسبي الله و نعم الوكيل ..

[ذيبه مزاجيه]

اللي باط جبدي انها ترسل لي رساله تقول فيها لا تحاولين ترسلين لي رسايل ولا شي لاني من اشوف ان انتي صاحبة الرساله بحذفها على طول ولا بقراها .. وعقب قالت .. الله لا يحللج و آآآمين بعد !!!

اي صاحبة حق بالله عليكم تتصرف جذي .. اللي عنده حق يتعامل مع الناس عدل مب يسبهم و يتحسب عليهم بعد ؟!

لا و اكلمها باحترام و اقول لها يا اختي و يا الغاليه و من هالكلام على اساس اتفاهم معاها بالهداوه .. ترد علي بالله لا يبارك فيج و نوعج من الزباين ما ادانيه و مادري وشو .. شدعوه اطر من عندها انا لا يكون !!!

هاي انا شاريه الاغراض و جذي .. لو ببلاش شبتسوي فيني ؟! هاي فلوس الشحن اللي طرشته من نفسها و ما اجبرتها عليه و تقول ما بحللج .. هاي لو جبرتها شبتسوي بتذبحني يمكن ..

حسبي الله و نعم الوكيل فيها ..

[بدور]

اشوف هي الغلطانه واسلوبها الله يهديها ينرفز

البضاعه وصلت لج وعليج بالعافيه وما اعتقد في ذمتج شي

لان البضاعه الاولى ماوصلت ومالها عذر غير ردها اللاذع بسم الله

[ذيبه مزاجيه]

الف شكر على الرد اللي يشرح الصدر يا بدور ..

لا هان منطوقك .. والله لا يبلينا بهالاشكال من الناس ..

بارك الله فيك ..

[Index Signal]

اختي انا مره طلبت طلبيه من امريكا و ما وصلتني ..

كتبت ايميل لهم و طرشولي الطلبيه مره ثانيه على الدي اتش ال مع اني دفعت لهم فلوس للبريد العادي لكن لحرصهم ان الطلبيه ما تضيع مره ثانيه طرشوها لي على حسابهم بالدي اتش ال..!!

شفتي المسلمين اللي بدون اسلام مب الاسلام الي من غير مسلمين مثل اللي تسمي نفسها تاجره وهي بعيده عن اخلاقيات التجاره..

ما عليج منها انتي موقفج بإذن الله سليم ومافي شي اسمه الطلبيه ضاعت..

في وصل هي استلمته لما طرشت الطلبيه هذا اذا كانت فعلا طرشتها لج و هالوصل يحفظ حقها مع الشركه اللي طرشت منها الطلبيه والمفروض تطرش لج الطلبيه مره ثانيه و تاخذ حقها من الشركه في الطلبيه اللي ضاعت..

هاذي هي اصول التجاره البديهيه اللي يعرفها الكل حتى لو ما كان تاجر لكن في ناس دخيلين عالتجاره و يبون يكسبون حتى على حساب ذممهم و امانتهم.

[ذيبه مزاجيه]

الله يجزاك خير اخوي اندكس .. ولا هان منطوقك .. وفعلا للاسف الغير مسلمين و الله العظيم يوفون بالشي و بالعهد اكثر من المسلمين هالايام و انا ما اجمع طبعا و لكن اخص اللي من اشكال الاخت الله يسامحها ..

مادري شفيها ام حق هدت علي هده ..اظن لو اني جدامها كان ثورت علي والله ..

حشا لسانها و اسلوبها في الكتابه (كتابة الرسايل الخاصه) حشا ما تنتعاشر المره بالمره .. تتهم الناس بموت الذمه و هي حتى احترام للغير ما عندها !!!!

اذا انا ما احترم على قولتها و اكل الفلوس وما عندي ذمه مع اني و الله احترمت كلامها اللي يقهر و لا رديت عليها باسلوبها ... هي شنو تكون .. دون الاحرام مثلا ؟؟

يعني و الله لو صار معاكم هالشي شنو بتقيمون هالناس اللي تسوي جذي بانها قمه في الاحترام والذوق ؟؟

خذت عنها نظره غير النظره اللي خدعتني فيها اول ما كلمتها .. حشا ما يسوى علي الطلب اللي طلبته و ضاع مب بسببي بعد .. هاي لو بسبتي كان ذبحتني و الله ..

الله يجبر بخاطر كل من دخل على موضوعي و علق عليه .. الله يرضى عليكم ان شاء الله ولو اني كنت طماعه كنت ابي كل من يدش يعلق @_@

بس بيض الله وجوهكم يا عيال الاجاويد .. ما قصرتوا و الله ان هاي العشم في عيال بلادي و الله .. بردتوا قلبي يعل ربي يبارك في حياتكم و يخليكم لاهلكم ..

ولو حد بيضيف على اخواني و خواتي اكون شاكرة له ..

[% ام فهد %]

السلام عليكم

انا جربت كل انواع التوصيل

ترى ما في شي اسمه الطرد ضاااع

الطرد يكون عليه اسم المرسل اليه و رقم تلفونه و كل بياناته

و غير هذا مثل ما تفضلوا الاخوان و ذكروا قالو ان فيه وصل و الوصل يحتوي على كود

يعني هي لازم تعطيج كود الطرد هذا اذا كانت طرشته


والطرد اذا كان من دولة خليجية ياخذ له من يومين الى اسبوع كحد اقصى

و اذا كانت من امريكا او اي دولة ثانية تاخذ لها اكثر من 5 ايام

* ملاحظه : اذا كان الطرد مرسل على البريد عادي و يحتوي على اجهزة كهربائية

بتلاقينه في البريد اللي على الكورنيش لانهم ما يرسلون الطرود اللي تحتوي على اجهزة للفروع

الغالية شيكي الصندوق بتحصلين فيه الوصل و اذا ما لقيتيه اوصلي لين مبنى البريد اللي على الكورنيش

واذا ما لقيتيه معناتها ان الاخت ما طرشته على عنوانج

[ذيبه مزاجيه]

الله وكيلج يا الغاليه ام فهد اخوي كان يروح كل اسبوع و لا في طرد و لا شي

وعقب انا رحت شخصيا و الله العظيم قالوا لي مالج طرود و لا شي .. رحت مبني البريد الرئيسي اللي في الكورنيش .. وما لقيت شي و الله ..

هي تغلط بالعنوان الظاهر و تحاسبني انا ..

وتسلمين على كلامج يا الغاليه بيض الله ويهج ان شاء الله فديت قلبج..

والحين تاكدت انها الظاهر يا ما طرشت شي يا طرشته غلط و تتهمني اني خذيته و تصرفت باللي فيه او خشيته و ابي غيره ..

ما اقول الا حسبي الله و نعم الوكيل فيها ..

[ذيبه مزاجيه]

وملاحظه هي قالت .. انتي تجيبين كلام من عندج انا عمري ما قالوا لي في كود و رقم اعطيج اياه للبريد .. قالت الظاهر انتي تقصدين ان انا حراميه .. هاي كلامها

الظاهر انها تطرش حق عيال الناس بدون رقم طرد و لا شي .. مادري هاي قانون من عندها و الا شلون ؟!

[" روح قطر "]

حبيبتي هالمشاكل دوم تسير وخصوصا مع تاجرات الخليج الله يهديهم

وانا حصل لي نفس الموقف مع بياعه أماراتية الله يسامحهم ويعوض على اللي خسرتة

طلبت طلبية بمبلغ 1500 ريال وارسلت الفلوس ومن يومها حتي التلفون ماقامو يردون علية

وبعد فترة التلفون دوم محول ولاحياه لمن تنادى

وما اقول الا دفعة بلا من عمرى وعمر عيالي وحبايبي وربي ياخذ بحقي منهم ومن كل نصاب

بس اخذت درس يالغالية ومن يومها ما اشترى الا من ناس ثقة ومجربة وناس تخاف على سمعتها اكثر من الفلوس

أو من السوق سلم وستلم

وهذا درس لج حبيبتي واذا ماتواجهين المشاكل بأنواعها ما راح تستفيدين وتعرفين شلون تتعاملين مع الناس

الله يوفق لج وتحملي بروحج حبوبة

[ذيبه مزاجيه]

تسلمين يا الغاليه .. وشرفني مرورج الشيخه على الموضوع

وفعلا الواحد يستفيد

الله يبعدنا عن النصابين ان شاء الله و اللي لسانهم اطول منهم يا كافي الشر و يا دافع البلا !!!

[ذيبه مزاجيه]

بقول لكم شي غريييييب توني دشيت ذاك المنتدى الا رساله على الخاص من التاجره اللي ما تتسمى يوم شفت اسمها قلت لحووول الظاهر هذي بتلعوزني ام حق ... بتحن وبتسوي لي سوالف مثل كل مره اكيد ..

المهم كاتبه في الرساله ان بريدنا وايد يتصلون علي و انا اما مسكره تلفوني او ما ارد عليهم و صار لهم شهور يتصلون مادري وشو واذا ابي اتأكد من صحة كلامها حاطة لي رقم جوال من قطر ..تقول اتصلي عليه لان يوم اتصلوا لها قالت لهم ردوا الطرد قالوا لها لازم نكلم صاحبة الطرد على اساس نسألها موافقتها على ارجاع الطرد ..

وحلو اسلوب لو تكرمتي ردي على جوالج و هالاشياء منها !!!

كان اسلوبها على اساس استهزاء و لكنه احسن من قبل ..بس
الظاهر الحين طلع الاحترام و صار اسلوبها وايد زين ما شاء الله ..هذي تقول يتصلون فيني و انا كنت اروح لهم شهر و شي وكله يقولون لي ما وصل لج شي شلون صار لهم شهور يتصلون فيني و انا ما ارد واخوي لين اليوم كل ما يروح البريد ما يقولون له وصل طرد ؟! وهي كانت متأكده اني خذت الاغراض و تصرفت فيها و بقتها و مادري وشو الحين بس تأكدت اني ما استلمتها و جايه تطلبني الاغراض ؟!!! و الله عجيبه هالمره !!!

المهم حبيت اسأل لو البريد بيتصلون معقوله احد منهم بيتصل لي من جوال و الا المفروض يتصلون من رقم تلفون مكتب البريد ؟؟

وهل فعلا لازم اتصل لهم على رقم الجوال هذي علشان يردون لها الطرد و الا اتوماتيكيا الطرد يرد لها اذا انا ما وصلني او كان العنوان غلط لان الصراحه انا ما ابي اتصل و لا فيني شده اتصل على ارقام جوالات و اتوهق ..

انتظر ردكم الله لا يهينكم و انا من عقب اسلوبها معاي و ربي ما ارد حتى على رسالتها خل الاتهامات اللي اتهمتني اياها تنفعها ..

وانا الله يشهد علي على اسلوبها و لا مره قلت لها نصابه و حراميه بس اللي على راسه بطحه يحسس عليها الظاهر .. وهي اللي قالت لي انتي ذمتج وسيعه و مادري وشو و كانت قالت لي قبل هالرساله من شهر تقريبا لا عاد ترسلين لي رسايل خاصه لاني من اشوف اسمج بحذف الرسايل قبل لا اقراها حتى و الله لا يحللج و لا يبري ذمتج هذا كلامها لي ..فهل انتوا تشوفون انها تستحق اني ارد على رسالتها حتى ؟؟

[جنيه ذهب]

الله يكون بعونج على هاالمعاناه الي صار لها فتره طويله
والي تسبب ضغط نفسي على الواحد من جراء الاتهامات الباطله
انا اقول انها ما تستاهل الرد ولا المحاوله لاكن خليج انتي احسن منها واكرم منها وهذا مب غريب على الناس الاجاويد وعلى اهل قطر بالذات اثبتي لها من هم اهل قطر.
وتحملي مشوار ثاني الى البريد من دون اتصال وتاكدي اذا صج وصل الطرد واعطيهم الاذن باعادته لها.
واجرج عند ربج

[ذيبه مزاجيه]

تسلم اخوي جنيه ذهب لانك عبرتني ورديت على الموضوع.. واشكرك على ابداء رايك وان شاء الله راح افكر اذا اروح البريد والا لا لان على اللي سوته والله انها ما تستاهل ذره من كرم اهل الدوحه اذا تبي الصج
جزاك الله خير وبارك الله فيك اخوي لا هنت ..

[QtrTrd]

الظاهر ان هي ارسلت الطرد على البريد العادي وهذا يطول عادة يمكن 15 يوم

واذا هي قامت بالارسال لابد تاخذ معاها وصل او رقم الشحنه او الطرد عشان يقوم المرسل والمستلم بالمراجعه ... اذا حدث شيء..

بعد هذا المفروض هي ماتتضايق من هالنقطه اللي هي وصل او شي يثبت من البريد انها ارسلته لج ....

وبعدين حتى لو بعد مده محد استلم الغرض يرجع للمرسل .....

اما هي اتقول ان الغرض عندج وصدقه لج ومن هالقبيل ... نصيحه طرشي لها مبلغ الشحن اذا كان بسيط وانتي ماتتحملين اي شي ... لان في النهايه الطرد راح يوصلها اذا انتوا مااستلمتوه بعد فتره ...

او ربما يكون سرق من قبل العمال في البريد من الدوله المرسله ؟؟الخ .... تصير مب بعيده

وانا صارت معاي هالمواقف من كثير من الدول وحتى من مواقع معتمده ... بس مالك الا ان تظل صامت لان ماتقدر تسوي شي غير انك تراجع البريد والشحنه .. واخرتها يقولك انها وصلت للبريد وماوصلني شي ... او تم استلامها ... .. الاخطاء والسرقات وارده بكل تاكيييييييييييد

ونصيحه اختي لاتعطين الموضوع اكثر من حقه .. انتي تعرفين نفسج وتعرفين انتي من وانج ماتبين اي شي الا بالحلال ... اما هذيج انتي ماتعرفينها عشان تتضايقين من كلامها ونصبها لو نصبت مثلاً ...

انتي خلاص خذتي الغرض ... وانسي الموضوع .؟ بعد فتره وصل الطرد القديم او تم الاتصال بكم رديه لها ... بالنسبه للاتصال اذا هي حاطه رقم جوال على الطرد المرسل بيتصلون لج بس لو بريد عادي ماظن يتصلون ... البريد الممتاز يتصلون والشركات الاخرى فقط

اتمنى لج التوفيق

وشكرا

[ذيبه مزاجيه]

تسلم اخوي الغالي على الرد .. وفعلا هذا الطرد وصل بعد شهرين من السالفه و ما عاد يلزمني وانا وربي شاهد حتى اغراضها الاولى حذفتها في الزباله .. اما الاتصال فما اعتقد انه البريد لان كل هالتاخير وتوهم حضراتهم يتصلون؟؟؟؟

خلاص عيل خل اللي اتصل لها يرد الطرد وانا لو وصلني شي بيوصل على البريد ورقه زرقه ان في طرد ولازم استلمه... ما راح يتصلون... وهي مرسلته على البريد العادي الطرد الاول مو على الممتاز .. وخلاص خل يرجع لها من نفسه انا مو مضطره كل شوي ارز ويهي في البريد العام علشان خاطرها ..

وصدقني يا اخوي انا ما جبرتها انها ترسل لي على الممتاز الطرد الثاني هي حطتني في الامر الواقع وارسلته اظن انا مو مجبوره ادفع لها فلوس شحن طرد هي من نفسها ارسلته وانا قبل لا ترسله قلت لها ترا انا مابي شي وما اقدر اخسر على بضاعه ثانيه هي غصب عني ارسلته وعقب قالت هاتي فلووسه!!! بالله عليك هاي تصرف؟؟

والله ناس تفتقر للاحترام وحسن المعامله .. انا شخصيا ما بسوي لها سالفه ودام على قولتها وصل خله يتم لين عقب هم يرجعونه لها بروحهم .. لان هالشي اكيد ان عند عدم استلام الطرود ترجع لاصحابها ..وبعد هي لو كلمتني بالزين وباحترام كان حطيتها على راسي من فوق وتفاهمت لحل يرضيها ويرضيني ولكن انفعالها وردودها الهمجيه وطريقت الاستهزاء وحركة الصدقات اللي مسويتها خلتني اطلع من السالفه نهائي وخلاص الله يعرف اللي في نيتي وانا الحمدلله امشي في الحلال وما احب الحرام ..

ومع العلم تميت وايد احاتي السالفه ..وعقب هالسالفه طلبت من امريكا وضاع الطرد وارسلو لي طلبيه ثانيه بالبريد الممتاز على حسابهم وكان عليهم الشحن ووصلني خلال 3 ايام ..شوف الكفار شلون يتصرفون ويعتذرون وايد ..وهذي شبت فيني وسبتني ولا احترمتني ؟!

سبحان الله

وجزاك الله خير اخوي على ردك وشرفني مرورك الله يرضى عليك لا هنت .. اشكرك بعد لانك عبرتني ورديت :)