ابحث ...............عن.........وسيط [الأرشيف] - منتديات شبكة الأسهم القطرية

مشاهدة النسخة كاملة : ابحث ...............عن.........وسيط

الجوري

22-09-2005, 07:50 AM

السلام عليكم

ياااصحاب الخبره والخير

ابحث عن وسيط خاص لتشغيل اموالي

فمن لدية رقم وسيط متفاهم وعنده ذمة وضمير يرسل لي رقمة على رساله خاصه

ولكم مني جزيل الشكر والخير

الجوري

22-09-2005, 08:26 AM

ابي وسيط راعي ذمة وضمير وخايف ربه

لتشغيل اسهمي الله يجزاكم خير

فمن لدية يرسل لي رقم الوسيط على رساله خاصه

ولكم مني جزيل الشكر

فقط قطر

22-09-2005, 09:22 AM

والله يا اختي....دورت لي...وما لقيت
الكل يتعذر...لدرجة اني عرضت راتب باالاضافة الى عمولة...
انا اضم صوتي لصوتك.....

الجوري

22-09-2005, 11:20 AM

:eek3: :court: :court: :court: يلله الله يرزقنا مارزق غيرنا

:eek3: :eek3: :eek3:

الجوري

22-09-2005, 11:48 AM

تكفووون ياعيال الشيبان

ابي الفزعه

ابي وسيط

عزيز

22-09-2005, 11:57 AM

السلام عليكم

بروحي أدور لي وسيط وواحد من الشباب قالي انه ابوه يعرف لبناني يشتغل بأحد شركات الوساطه (من غير أسامي ) وله في البيع والشراء ويقول راضي ضمير وطبعا حتي لو فكر يبوقني مايقدر لانه لازم بحط شروط واتفاقات بيني وبينه

لما أصيده وأتفق معاه وأشوف فيه الخير راح أبلغج برساله خاصه أختي الجوري ولا يهمج أن شاء الله

وأذا حصلتي قبل مب تنسيني ;)

بالتوفيق أن شاء الله :) ..

عزيز

22-09-2005, 11:58 AM

راضي=راعي

للتصحيح فقط :d ..

قطر

22-09-2005, 12:17 PM

تم نقل الموضع من منتدى الاخبار الى منتدى شركاة الوساطة

يرجى تحري الدقة .. عند كتابة المواضيع .. والمنتدى المختص بها

الجوري

22-09-2005, 12:32 PM

:con2: :con2: :con2: :con2: :con2:

srs

22-09-2005, 01:01 PM

وسيط مووديت في البورصة روح واسئل

srs

22-09-2005, 01:02 PM

وسيط موجودين في البورصة روح واسئل (( سوري))

إنتعاش

22-09-2005, 01:20 PM

اختي الكريمه

اولا ً اسأل الله ان يوفقك انتي وبقية الاخوان والاخوات في اموالهم والربح الوفير ان شاءالله

ولكن سؤالي لماذا نعرض انفسنا ( لمعروف الغير ) وشاشات التداول واضحه وضوح الشمس

يعني ما يبيلها فن او قدرات خارقه . .

هناك اسهم قويه تصلح للاستثمار وتحقيق عوائد مجزيه

وهناك الاسهم الخفيفه ذات التداولات الضخمه والارتفاعات الموسميه المعروفه

انا اؤمن ان سوقنا القطري لا يحتاج لمثل هذه الوساطات

ولكن ان كان ولا بد . . فلديك ِ المحافظ الاستثماريه الجديده

وراجعي شركة اموال سمعت ان لديهم محفظه اسلاميه . .

وموفقه بارك الله فيج

عزيز

22-09-2005, 01:51 PM

أختي أذا المبلغ ألي عندج كبير جزئيه وسوي حق نفسج محفظه وتعلمي من الثانين بالمنتدي مب عيب

بس أذا المبلغ بسيط حطيه في صندوق الوطني اليديد وأن شاء الله بتتوفقين فيه يارب :)

نصيحه لج أختي والله يزيدج من خيره أن شاء الله :) ..

الجوري

22-09-2005, 06:36 PM

كيف يعني محفظه ؟؟؟؟؟؟؟؟؟

ابي اعرف المقصود بالمحفظه ؟؟؟ وووش الفايده منها ؟؟؟

الجوري

22-09-2005, 06:39 PM

انتعاش الله يعطيك العافيه والاخوان الباقييين ماقصروا

فهمني لو تتكرم ايش المحفظه الاسلاميه ؟؟؟؟ابي افهم بالتفصيل اذا ممكن

عزيز

22-09-2005, 07:15 PM

ياهلا فيج اختي جوري

المحفظه الله يسلمج عباره عن عده أسهم مختلفه وهي مجرد لفظ للي عنده أسهم كثيره

مثلا انا عندي المصرف والمواشي والصناعات والمتحده أو أي سهم أخري

أعتبرهم كلهم بمحفظه أستثماريه

ونوع المحفظه يعتمد علي رغبه الشاري

يعني ألي اشتراهم يبيهم مضاربه ؟ ولا أستثمار؟

وطبعا أختي هالمحفظه بتكون شخصيه فيج وقرارت بيع وشراء الاسهم بتكون برغبتج

بس المحافظ الأستثماريه تبع البنوك يديرها أشخاص متخصصون بهالسوالف ويبون يربحونج لانهم ربحج مرتبط بربحهم

ومافيه بنك يبي يخسر نفسه ;)

وبالنسبه للمحفظه الاستثماريه الاسلاميه تبع شركه اموال الي يقصدها أخوي انتعاش

كلمتهم من فتره بخصوصها

وقالو لي أقل مبلغ للأكتتاب هو 50 ألف ريال قطري

والفلوس ماراح تكون في سوق الدوحه بس

بل سيتم توزيعها علي أسواق الخليج جميعا

وهم ناس أدري وأخبر بأمور المحافظ

بس بصراحه أنا ماضمن شركه أموال لأنها شركه خاصه

لو تحطين فلوسج في الصندوق اليديد تبع بنك قطر الوطني أضمن من غيره

وأي سؤال أو أستفسار حاضرين أختي وبالتوفيق أن شاء الله :) ..

الجوري

25-09-2005, 08:25 AM

الله يعطيك العافيه

إنتعاش

25-09-2005, 12:40 PM

اخوي عزيز اشكرك على التوضيحات لاختنا

لكن بخصوص محفظة قطر الوطني

هل تضمن لي انها بتكون في الاسهم المجازه شرعا ً ؟

ما ظنتي والله ياخوك . .

الجوري

25-09-2005, 12:58 PM

يعطيك العافيه يالاخ الفاضل يانتعاش

والله يجزاك الف خير

بوخلف

28-09-2005, 04:11 PM

انا مثلك بالجوري ادور على وسيط عنده ذمه

:) والله كريم

انصحكم بالصندايق الاستثمارية عشان ترتاحين

Ya3

01-10-2005, 02:02 AM

السلام عليكم
اختي الجوري
هاي يعتمد على راس المال
لانه اول سؤال يسئله الوسيط هوه راس المال و نسبة العموله

قوليلي كم راس مالج و العموله ونشالله أحصلج احد

Ya3

01-10-2005, 02:10 AM

اخواني الكرام
بخصوص المحافظ الاستثماريه هيه أضمن فالربح ولكن بنسبه قليله
يعني محفظة الوطني العائد (الارباح) يكون 30% سنويا
محفظه اموال العائد (الارباح) يكون 80% سنويا

وبصراحه انا افضل اذا كان الواحد متفرغ وعنده وقت فراغ يشتغل بروحه في عمليات البيع والشراء ويفكر عدل فالشراء والبيع ومتابعة السوق.

شامخ قطر

06-10-2005, 01:58 PM

الجوري صج البورصه متروسه منهم الزلمات وغيرهم
وبعض السودانين ولقطررين حتى!!!!!!!!!!!!!!!!!!!!!!!!!!!!!!!!

شامخ قطر

06-10-2005, 02:00 PM

ســهم عايـــم

09-10-2005, 10:06 PM

السلام عليكم

ياااصحاب الخبره والخير

ابحث عن وسيط خاص لتشغيل اموالي

فمن لدية رقم وسيط متفاهم وعنده ذمة وضمير يرسل لي رقمة على رساله خاصه

ولكم مني جزيل الشكر والخير

عجزنا واحنا نحط اعلانات بالوسيط... محد عبرّنا!!!!!!

الجزيـرة $

11-10-2005, 12:56 PM

الجوري وانا صغير يسموني الجزيره للوساطه ليش ندور بعيد بس المشكله اني اوقات تصيب عندي واوقات تخيب صح اما نطلع فوووووووووووووووووق او اقرب مسجد لي ولج
ايش رايج :court: :anger1:

ولد المعاضيد

11-10-2005, 01:12 PM

السلام عليكم

ياااصحاب الخبره والخير

ابحث عن وسيط خاص لتشغيل اموالي

فمن لدية رقم وسيط متفاهم وعنده ذمة وضمير يرسل لي رقمة على رساله خاصه

ولكم مني جزيل الشكر والخير

اختي انا بضارب لج :funny:
حلوه هاي بضارب لج..

كان في وسيط..بس شكله حرامي..
شفت اعلانه في الجريده..
يقول يبي ثلث الأرباح..عادي انتي احسبيها وشوفي اشلون..
واذا ناسبج اتصلي يا جريدة الوطن او الشرق واسئليهم عن اعلانات الاسبوع اللي فات او اللي قبله...
تحياتي

حمد التميمي

12-10-2005, 09:27 AM

انا اقول اختي لو انتي تشتغلين حق نفسج احسن لانج بتشتغلين بخوف ووعي بس الوسيط ماعتقد

أنه بيخاف كثر ما انتي بتخافين

فااا نصيحه جربي وتعلمي من هل منتدى وتعلمي من اخطائج في الخسارو والربح وفي النهاية

لاتنسين انج تطلعين نسبة تطهير من بعض الاسهم وهذا اهم شي في الاسهم بالنسبة لي انا

وسلامتج

(مشوار الألف ميل يبتدى بخطوه)

ســهم عايـــم

15-10-2005, 03:13 AM

الله المستعان

كل واحد ربح له في السوق 200000 الف او 300000 صار يفتي بهالمنتدى !!!

القبقب

15-10-2005, 05:44 AM

اتمنى من اختي الجوري انها تقرا الموضوع الي كاتبته الأخت بنت الدحيل في المنتدى العام بعنوان
قف وانظر الى توقيعك احلال ام حرام ؟؟؟؟؟؟؟

وبدون اي زعل

بروكر عتيج

20-10-2005, 05:54 AM

بالدور وكل واحد على قد حجم تداوله ، الكبير قبل الصغير !!!

صحيح انا بروكر عتيج بس لين الحين فيني حيل :nice: