المساعد الشخصي الرقمي

مشاهدة النسخة كاملة : النيسان و الكروزر


Northman
22-09-2005, 12:42 PM
سوأل يا شباب:

لو خيروك بين النيسان بترول "سوبر سفاري" و ال GXR و كلهم موديل 2006.... شنو تختار .... و ليش ؟؟؟


:con2: :con2: :confused: :confused: :con2: :con2:
porsche
22-09-2005, 12:48 PM
أختار البورش طبعا هههههه
Northman
22-09-2005, 12:50 PM
أختار البورش طبعا هههههه


هههههههههههههههه .... خلك بعيد الشيخ ......

البورش لها ناسها ترى... و انا مب منهم كلش .....
srs
22-09-2005, 12:51 PM
تيوتا سمعه سمعة متانة فخامة وسع
LTX
22-09-2005, 06:03 PM
أختار البورش طبعا هههههه

تيربو ولا سبورت :app:

بصراحه انا اشوف التويوتا باش على السيكل قصدي النيسان

طيعني وتوكل على الله جي اكس ار على الاقل سعره فيه ولو ان الجديد قريب بنزل :funny:


بس لاتقرب النيسان
Northman
22-09-2005, 07:29 PM
يا الجديد هاذا الي محير العالم و لا حد عارف متى بينزل ... ذبحتنا الاشاعات والله...

المهم .. في فرق في السعر بين السيارتين .. و طبعا لصالح النيسان .. و المواصفات الموجوده في النيسان اكثر و احسن من الي في التويوتا .....
بس المشكله ان كل الناس تقولك تويوتا .. ... ؟؟؟؟
concord
22-09-2005, 07:40 PM
تيوتا ونت امغمض
لين ييت بتبيع بتعرف قيمة التيوتا
قيمته فيه وما تخسر
اما النيسان بلشة

لا تنسى
تيوتا ونت امغمض
هاي اذا لقيت حجز
انا كل يوم امر على التضامن وعلى معرض تيوتا كانوا يقولون شهر 10 بتوصل دفعه
الحين يقولون عقب العيد
hamoor4ever
22-09-2005, 08:22 PM
طبععععععععععععععععععععا تويوتا وكروزر وبس

اصلا شكل النيسان مايسوه فلس

هاذه رايي طبعا والسموحه حق ملاك النيسان اليديد
والسبب بالشكل احلا وسياره ماشاء الله عليها ماتخترب حق سفر وكشخه ورحلات
يمكن النيسان احلا من الداخل بس من برع كأنه كروزر موديل التسعين
Aigner
22-09-2005, 10:58 PM
والله انا احب التويوتا والنيسان بس باقولك شي على حسب رغبتك اخوي
كانك تبي سياره تكرفها في البر (الرمل) مهب بر قطر طبعا حزوم لا طعوس ونقيان فالنيسان ابرك لك ومن ميزات النيسان انه اذا تبي الدفلوك موجود فيه على حسب طلبك على اي نوع ستاندر ولا فل ابشن وبعد فيه انه مهب فورويل فل تايم والبريك ممتاز مقارنة بالتويوتا كل 4 شهور تبدل بريك واذا دعمت لا انشالله البدي قوي والصدام لو انه فيبر بس قوي والحديد فيه اقوى من التويوتا بوايد واسرع من التويوتا الجديد قومه وخط اسال مجرب ولا يبند مثل الجي عند 190 كم وحجم المكينه اكبر واقوى من التويوتا ويصلح للعبه وللشارع ونوعية الصبغ قويه ماتشمخ لاي سبب مثل لتيوتا ولاينقلب لونه من الشمس وحق شيل يصلح والمكيف حدث ولا حرج وفضلا عن ذلك كله ان الدفريشن الامامي مهب مساعدات نفس الخلفي يعني باختصاااار في الرمله عند الامتحان وحدها نيسان والسعر رخييييييييص
وبس فيه عيوب السعر يطيح بسرعه والبترول يشرب تقول جمس وقطع غياره من عند المانع ضووو غاليه مقارنة بالتويوتا ويتفكك البدي من داخل بسرعه يعني يتهربد
اما التويوتا فيه مشكله ان كل الانواع فور ويل فل تايم يعني انسى يحفص القومه ثقيله والعزم ردي خصوصا اذا كان قير اتوماتيك ولايشرب بترول وايد ولايتفكك البدي بسرعه القطع رخيصه ولونها غاليه عند عبدالغني والبدي ضعييييف جدا يعني دعمه تافهه والموتر مكنسل والصبغ ياسرع مايبهت لونه وياسرع مايتشمخ ومن قدام حدث ولا حرج بخصوص ثقل السياره وعدم توازنها مع الثقل الخلفي يعني مايشيل بس لاجيت تبيع السعر محفوظ والشراي موجود على ماقيل تويوتا وبسس.
Northman
23-09-2005, 12:01 AM
تيوتا ونت امغمض
لين ييت بتبيع بتعرف قيمة التيوتا
قيمته فيه وما تخسر
اما النيسان بلشة

لا تنسى
تيوتا ونت امغمض
هاي اذا لقيت حجز
انا كل يوم امر على التضامن وعلى معرض تيوتا كانوا يقولون شهر 10 بتوصل دفعه
الحين يقولون عقب العيد


اليوم مريت على التضامن و قالو لي عقب العيد .... قلت له اوكي ممكن احجز اذا في حجز ... قالي لي مرنا عقب العيد و يصير خير :( :( :( :( :( :( :( :looking: :looking: :looking: :looking:
Northman
23-09-2005, 12:07 AM
الثيم

hamoor4ever

concord

LTX

srs

و اخونا خفيف الدم porsche

شكرا على مروركم و آ رائكم
... يعطيكم العافيه

:) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :) :)
oqbah
23-09-2005, 11:24 AM
نصيحه اخوي

اشتر بقيمة النيسان جديد

تويوتا مستعمل وانت الربحااااااااااااان
Northman
23-09-2005, 12:25 PM
نصيحه اخوي

اشتر بقيمة النيسان جديد

تويوتا مستعمل وانت الربحااااااااااااان


:funny: :funny: :funny:

شكرا على النصيحه ..... :con2: :con2: :con2:
حمد
23-09-2005, 03:14 PM
انا باعطيك نصيحه ....

انت اول شي كم عندك .... ؟

اخوي قيمة النيسان في الدوحه ( safari ) في حدود 130 الف اوكي

روح السعوديه نفسه اخووووووووووه بـ100 الف بالضبط ....واحد من الربع شراله واحد من اسبوعين

نفس المواصفات .... صح كل موتر سواء الجي اكس ار او النيسان له مميزات وعيوب

بس شوف فرق السعر ..... واذؤا النيسان وانت شاريه بــ100 الف من السعوديه بيطيح سعره في الدوحه كم بيصير يعني

والجي اكس ار كم بيصير وانت اصلا بكم شاريه .... احسبها عدل اخوي ولك الاختيار

وبالنسبة للاستعمال واي هم احسن ... اعتقد الاخو الثيم ماقصر .... قالك كل شي حتى حق الاستعراض الله يهديه ....
Northman
23-09-2005, 05:48 PM
انا باعطيك نصيحه ....

انت اول شي كم عندك .... ؟

اخوي قيمة النيسان في الدوحه ( safari ) في حدود 130 الف اوكي

روح السعوديه نفسه اخووووووووووه بـ100 الف بالضبط ....واحد من الربع شراله واحد من اسبوعين

نفس المواصفات .... صح كل موتر سواء الجي اكس ار او النيسان له مميزات وعيوب

بس شوف فرق السعر ..... واذؤا النيسان وانت شاريه بــ100 الف من السعوديه بيطيح سعره في الدوحه كم بيصير يعني

والجي اكس ار كم بيصير وانت اصلا بكم شاريه .... احسبها عدل اخوي ولك الاختيار

وبالنسبة للاستعمال واي هم احسن ... اعتقد الاخو الثيم ماقصر .... قالك كل شي حتى حق الاستعراض الله يهديه ....


يعطيك العافيه اخوي حمد ...

بس معقوله الفرق في السعر .... ترى الفرق وايد والله... ولا عليك امر .. في وكيل للنيسان و التويوتا في الحسا ... اذا في و بهاذا الفرق مع نفس المواصفات .. صدقني ... بكره انا هناك ...و لوتتكرم تخبرني عن الجمرك اذا في .. و هل عليها اجرأت طويله عشان الموتر يدخل قطر ؟؟

مشكور مره ثانيه
حمد
23-09-2005, 06:30 PM
ياريال ... انا مثلك تعجبت وكنت داري انك بتعجب ....

شوف انتظر لي الاحد ... باروح ورى موتر الريال لانه معاي في الشغل وفي لزقة على الباب الخلفي

مكتوب عليها اسم الشركة وهي الوكيل في الرياض ( الفلاحي )

وقالي الموتر 105،000 سعودي

مع فرق العمله يطلع 100,000 قطري على كلام رفيجي

ويقول ولاتدفع ولا ريال الا تغيير ارقام ... في الدوحه بسسسسسسس

لان ايقول المبلغ الي تدفعه شامل كل شي

وعلى فكره السفاري ... الي ايجيك رفارف مثل لون السياره ... والسيتات مخمل

ومكيفين وثلاجه وبدون كشافات ( انت ركب عقب )

والرنجات المنيوم بس مب مثل الفل ابشن والطبلون اسود ( يعني مثل السفاري الي في قطر )

وعلى فكره الستاندر الي في الدوحه الي ايجيك مكيف واحد وبدون ثلاجه ... ورفارف سود 108،000

اتصل وسأل ولتنسى تدعيلي

حمد
حمد
23-09-2005, 06:32 PM
نسيت اقولك بالنسبة للوكيل الي في الحسا ولا الدمام ماذكر والله

ايقولك الموتر يتأخر لازم تدفع وتنطر اسوبع او اكثر

بس الي في الرياض غير


الريال حجز السياره بالتلفون ... وراح استلم وانتهى الموضوع

انت انطر لين الاحد باعطيك الرقم مال الشركة واستفسر على كيفك
concord
23-09-2005, 06:37 PM
حمد
اذا كلام رفيجك صحيح انا بعد باخذ لي واحد اذا هاي سعره
وبدعيلك بعد
الصراحة تعبت وانا انطر في الدوحة ذلوني ذل التضامن والتيوتا

لا تنسى يوم الاحد اتييب الرقم
Northman
23-09-2005, 07:30 PM
اخوي حمد .... شكلك بتتسبب في زحمه في الجمارك ..... هههههههههههه

الله يجزيك الف خير .. و ناطر ردك .. مشكور مره ثانيه
oqbah
23-09-2005, 11:32 PM
للفائده
انا من اهل الرياض
ارخص معرض بتلقى النيسان رخيص عنده بلا منازع

معرض نجد في النسيم
وكلام اخوي صحيح

والفلاح تراه اغلى من نجد بشي موب سهل
Northman
23-09-2005, 11:43 PM
للفائده
انا من اهل الرياض
ارخص معرض بتلقى النيسان رخيص عنده بلا منازع

معرض نجد في النسيم
وكلام اخوي صحيح

والفلاح تراه اغلى من نجد بشي موب سهل


يا الغالي ... ممكن تعطينا معلومات زياده ... و السوبر سفاري بكم عندكم بعد ... و ال GXR اذا ممكن

و وين النسيم .. تراني مادل عدل في السعوديه

ادري ثقلت عليك ... اسمح لي.. بس اذا الفرق في الاسعار مع الحفاض على نفس المواصفات بيكون شي مب سهل

السفاري عندنا بعد الخصم 142000 ريال اللي هو بنفس المواصفات الي ذكرها اخونا حمد يعني توفير 42000 ريال

ياخوي الكامري الجراندي توصل 90 الف يعني ازيدها عشر ه الاف و اركب فورويل...

انا للحين مو مصدق ... و يمكن اشتري الموتر و اجيبه الدوحه .. و بعد مابصدق... لهاذي الدرجه الوكالات مستغلينا هني... الله يسهل بس..

شكرا للكل
Qa6ar
23-09-2005, 11:44 PM
بخصوص النيسان انا جاي شركه النيسان بالاحساء قالوا لي سوبر سفاري مخمل 145000 كامل الزيادات
وبالدوحه اخر سعر 165000

اخر سعر ومع الواسطه بعد

والجي اكس ار بالدوحه 172000 الف طبعا الشركه ماتلاقي برع بالمعارض اصفار

والفي اكس ار بو شاشه 206000

والعادي تقريبا 195000

والموديل طبعا 2006
حمد
24-09-2005, 12:35 AM
ها شرايكم .... سعودي قالكم ان في نجد ارخص

المهم انا الي قالي قال عن الرياض .... وقال الحسا يتأخرون مادري ليش والله

وقالي بعد ان الفي اكس ار ... سعره مافيه فرق وايد عن الدوحه

هذا والله اعلم

المهم موعدنا الاحد الساعه 7،30 صباحا في نفس الموضوع

حمد
oqbah
24-09-2005, 11:59 AM
هلا اخوي حمد

طمرت بهالصبحيه عشان اردلكم العلم الوكاد

سفاري على الزيرو نوعين او فئتين2005

الأول 100000 الف ريال طبعا سعودي قير تماتيك
الثاني زود عليه رينجات المونيوم ومثبت سرعه 113000 الف ريال

وتلقى اللي ماشي شوي بالسوق طايح الى عشرة الاف

اسعار نجد بالنسيم طريق خريص
Northman
25-09-2005, 11:24 PM
بخصوص النيسان انا جاي شركه النيسان بالاحساء قالوا لي سوبر سفاري مخمل 145000 كامل الزيادات
وبالدوحه اخر سعر 165000

اخر سعر ومع الواسطه بعد

والجي اكس ار بالدوحه 172000 الف طبعا الشركه ماتلاقي برع بالمعارض اصفار

والفي اكس ار بو شاشه 206000

والعادي تقريبا 195000

والموديل طبعا 2006


اخوي..قطر ... يعطيك الف عافيه.. مشكور على المعلومات .. و الله يجزاك خير
Northman
25-09-2005, 11:25 PM
ها شرايكم .... سعودي قالكم ان في نجد ارخص

المهم انا الي قالي قال عن الرياض .... وقال الحسا يتأخرون مادري ليش والله

وقالي بعد ان الفي اكس ار ... سعره مافيه فرق وايد عن الدوحه

هذا والله اعلم

المهم موعدنا الاحد الساعه 7،30 صباحا في نفس الموضوع

حمد


حمد ... الشيخ .... وينك !!
Northman
25-09-2005, 11:27 PM
هلا اخوي حمد

طمرت بهالصبحيه عشان اردلكم العلم الوكاد

سفاري على الزيرو نوعين او فئتين2005

الأول 100000 الف ريال طبعا سعودي قير تماتيك
الثاني زود عليه رينجات المونيوم ومثبت سرعه 113000 الف ريال

وتلقى اللي ماشي شوي بالسوق طايح الى عشرة الاف

اسعار نجد بالنسيم طريق خريص

عقبه .. الشيخ ..... لك الف شكر مني .. و اسمح لنا على الازعاج ياخوي.. الموضوع مستاهل انالواحد يفكر فيه .... مشكور مره ثانيه
حمد
26-09-2005, 09:43 AM
حمد ... الشيخ .... وينك !!


اخوي اسف على التأخير الحبيب في اول يوم مارديت فيه كان ماخذ اجازه

واليوم خذت الرقم منه

والرقم هو

شركة الفلاحي في الرياض

096612160000

ونفس المعلومات الي ذكرها الاخ السعودي عن الاسعار

في بــ 100,000 وفي بــ 113.000

وطبعا في اختلاف اعتقد الرنجات وفتحه

انت اسالهم وشوف ورد علينا اذا انك شريت خل انبارك لك

اخوك حمد " قاتل احتكار السلع "
Northman
26-09-2005, 01:15 PM
ا
انت اسالهم وشوف ورد علينا اذا انك شريت خل انبارك لك

اخوك حمد " قاتل احتكار السلع "


ههههههههههههههههههه ....حلوه ... قاتل احتكار السلع.... لايسمعك المانع بس...... :funny: :funny: :funny:


انشالله يا الغالي.... بتجيك العلوم الطيبه انشالله...


الله يعطيك الف عافيه....ومشكور ياالشيخ.........
KHALIFA
26-09-2005, 01:19 PM
التويوتا
concord
26-09-2005, 03:49 PM
انا هونت عن النيسان
يقولون انه ما يدخل الوكاله في الدوحة واذا ابي ادخله الوكاله لازم افتح له ملف اب 5000 ريال
انا حجزت في اكس ار من عبدالغني وبنتظر لين يوصل
تيوتا وبس
Northman
26-09-2005, 05:49 PM
انا هونت عن النيسان
يقولون انه ما يدخل الوكاله في الدوحة واذا ابي ادخله الوكاله لازم افتح له ملف اب 5000 ريال
انا حجزت في اكس ار من عبدالغني وبنتظر لين يوصل
تيوتا وبس


اشدعوه ... خبر غريب والله ... !!!!!
oqbah
26-09-2005, 08:12 PM
صادق ياكنكورد

قد ردوني مره بسبب سيارتي سعوديه
وها يبدو انه اتفاق بين الوكلاء
سهم طايح
26-09-2005, 10:50 PM
اشتك عليهم وهددهم بمراسلة الشركة الأم وشوف وش بيسوون لك
حمد
27-09-2005, 05:45 PM
يااااااااااااااااااااااااا

طلعنا اخرطي .... لا قاتل الاحتكار ولا شي

اطلعوا الوكالات احسن منا

بس ياخي ايقولون ضمان دولي ومادري شنو

ليش جذي !!!!

حمد
Northman
27-09-2005, 07:17 PM
اشتك عليهم وهددهم بمراسلة الشركة الأم وشوف وش بيسوون لك


اتصدق ودي اسوي الي تقول عنه (لو شريت الموتر) بس الي يخوفك ان لو طنشو لك شبيصير فيك..
Northman
27-09-2005, 07:19 PM
يااااااااااااااااااااااااا

طلعنا اخرطي .... لا قاتل الاحتكار ولا شي

اطلعوا الوكالات احسن منا

بس ياخي ايقولون ضمان دولي ومادري شنو

ليش جذي !!!!

حمد
هههههههههههههههههههههههه

وين تقدر على الوكاله ... لازم لهم الف طريقه و طريقه...

باشيك على سالفه الضمان الدولي و باخبركم

يعطيك العافيه اخوي
oqbah
27-09-2005, 09:00 PM
صدقوني ياجماعة
ماتحتاجون الوكالة الا بالقطعه

يعني مافي هالبلد الا هالولد

دور الرخص

وبعدين نيسان وتويوتا كلن يقدر يصونها ويصلحها

الله من ورشه اطلق من الوكاله وافهم

ولا انا غلطان
concord
27-09-2005, 09:04 PM
حد يخبرلي في اكس ار 2006 اصفار ( صدفي ) فل ابشن مع شاشة نفغيتر ويكون مخمل ؟
الوكالة قالوا في آخر شهر 12 بيوصل والتضامن ما عندهم حجوزات ومعرض المشترك نفس الشي
شباب اللي يخبر حد عنده المواصفات اللي ابيها يقول لي حتى لو عنده حجز وبيتنازل عنه انا بدفع له كميشن
باريس
28-09-2005, 11:05 AM
[quote=سهم طايح]اشتك عليهم وهددهم بمراسلة الشركة الأم وشوف وش بيسوون لك[/quo

أخوي سهم طايش اتفق معاك مية بالمية...وبقولك قصة حقيقة معاي في الشغل وحدة المانية ومن النوع النبية وعايشة في قطر بحكم عملها سيارتها راف 4 باب واحد صار فية خراب اعتقد في قير سيارتها وراحت حق الوكالة تيوتا وقابلها الموظف وقال انها لازم تدفع 5000 الآف ثمن قطغ الغيار اللي هي محتاجتة مع التصليخ الخ....المهم حاولت معاة قالت هذا الشي لازم بالظمان واصر الحبيب على موقفة ورفض ...رجعت بيتها وفتحت كاتلوج سيارتها وأرسلت أيميل حق الشركة الأم في اليابان وشرحت لهم انها تحب سياراتها ومتعلقة فيها وان لها ذكريات جميلة فيها وانها قرت في الكاتولوج ان خراب الي صاير بسيارتها على الضمان وانها لما راحت الوكالة بقطر رفضوا ....المهم ماطول عليك يالحبيب ثاني يوم واصل الفاكس لتويتا قطر أمر انهم يصلحونها لها بلاش...واتصل مسؤول اكبر في تيوتا في قطر واعتذر لها عن الخطأ ووعدها بمعاقبة الموظف على سوء تصرفة معاها تصدق صلحوا سيارتها خلال 48 ساعة وقطعة جديدة اصلية.........وانا اخوك العلم نور
أنا احب التويتا عاى النيسان .......وبغض النظر عن المواصفات الداخلية يكفي قفا التويتا أحسن من قفا النيسان اللي كنة صندوق وسلالالالالالالالالالامتكم
حمد
28-09-2005, 12:45 PM
ها ياشباب

شوروا علي .... ترى اول مره باجرب النيسان .... والله اني اتهدد اخذ واحد ولالا .... ؟؟

واذا على سالفة الــ 5000 ريال اعتقد حتى لو دفعتها يطلع الموتر ارخص من وكالة الدوحه ... وعلى كلام

الربع ايقولون ان اصلا النيسان مايحتاج حق الوكاله .... ايقولك اذا اخترب اي جراج ايصلحه

حمد

ناطركم
A.L.I
28-09-2005, 01:04 PM
vxr

:nice: :nice: :nice:
Northman
28-09-2005, 01:42 PM
ها ياشباب

شوروا علي .... ترى اول مره باجرب النيسان .... والله اني اتهدد اخذ واحد ولالا .... ؟؟

واذا على سالفة الــ 5000 ريال اعتقد حتى لو دفعتها يطلع الموتر ارخص من وكالة الدوحه ... وعلى كلام

الربع ايقولون ان اصلا النيسان مايحتاج حق الوكاله .... ايقولك اذا اخترب اي جراج ايصلحه

حمد

ناطركم


ودي اشور عليك .. بس انا ادور الي ينصحني.. والله انها حيره ...

كل الكلام الي انقال منطقي و معقول ...
عزيز
28-09-2005, 06:46 PM
أخوي حمد بعطيك أيااها كاش

كان عندي نيسان سوبر سفاري 98 وبعته

وحاليا عندي جي أكس أر 2003

وأقولك غير التويوتا مافيه ويعتبر شيك في مخباك متي ماتبي تبيعه الشراي موجود وسعره فيه

وطبعا الشور الأول والأخير راجع لك بالتوفيق يالغالي :) ..
الســـهم
28-09-2005, 08:13 PM
بصراحة ..

لا نيسان ولا جي إكس آر ..

الـ V X R
عزيز
28-09-2005, 08:25 PM
الفي أكس أر حلو داخليا أحلى من الجي أكس أر

بس عيبه حنت الـ 8 سلندر وصرفه يبط الجيب :eek2:

علشان جذيه أنصحك بالجي أكس أر وبالتوفيق أخوي :nice:
حمد
29-09-2005, 11:59 AM
ياعزيز

ياريت تنصحنا

انت ايش الي خلاك اتبيع النيسان

ايش مشاكله .... وشنهو الي ايعيبه ؟؟؟

رايك مهم

حمد
عزيز
29-09-2005, 01:03 PM
النيسان حلو بس بصراحه أذا كرفته مايتحمل وايد نفس ماييفتكرون الناس

وعيبه قطع غياره تكسر الظهر تقول ألماني مب ياباني !!

وكل سنتين بتغير البوشات لانه بوشات النيسان تعبانه

وبصراحه أشوفه يصرف أكثر من التويوتا

علي فكره أنا كنت مأخذه من الوكاله أصفار سنه 99 وبعته بدايه 2003 وخذت لي جي أكس أر علي موديل السنه

والله مرتاح فيه كشخه وحلو ما شاء الله وأرز من النيسان لا عوار راس ولا صرفيه

بس الميزه ألي النيسان فيها مغطي علي التويوتا وهي ألي كانت عاجبتني صج

هي أنه النيسان مايعوووق يمشي علي الرمل في سيلين :D

ولاتظن أني راعي طعوس والله عمري ماركبته طعس

وكنت محافظ عليه وايد لدرجه ماتتصورها بس عيبي كنت وايد أسرع فيه ((أيام الربشه والمراهقه والعقل علي صوب :eek2: ))

وأخوي حمد أنت روح وكاله النيسان ألي قبل أشارات رمادا وجرب تسوقه هناك ماراح يرفضون

والتويوتا شكلك مجربه من مشاراكاتك السابقه

وعقب ماتسوق النيسان شوف الأحسن بالنسبه لك من ناحيه السواقه والشياكه والكشخه :deal:

والله يوفقك يالغالي :) ..
حمد
29-09-2005, 01:54 PM
اخوي انا سقت نيسان واحد من الربع معاي في الشغل وهو جايبه من السعوديه وماشي 2000

والله زين مب شين ..... وياخي الي مغريني الصراحه ان سعره رخيص التايب 1 سعره حدود 100.000

وفرق حول 30.000 بين وكالة قطر والسعوديه

واذا على الضمان تقدر تدفع 5.000 ريال ويدخلونه وكالة الدوحه ويمشيلك الضمان

والربع ايقولون ان النيسان ماراح تحتاج الضمان لانه موتر يستحمل

شرايك .... نبي رايك في الكلام الي انقال بصفتك مجرب

واذا على قطع الغيار وارتفاع اسعارها ... فالي اعرفه وشوفه ان قطع غيار النيسان اتطول اكثر من قطع غيار

تويوتا .... مثال السفايف
عزيز
29-09-2005, 05:46 PM
دامك مجرب الأثنين وعارف وسأل عن الفرق بينهم عيل الجواب بيدك يالغالي

وبالنسبه لقطع الغيار المستهلكه

من قالك أنه مال النيسان يعيشون أكثر من التويوتا؟

هو علي حسب الأستعمال لا أكثر :)

والله يوفقك بالأختيار يالغالي :) ..
أعمار
30-09-2005, 01:32 AM
مـــــــــــــــــــــــبروك على الجميع شهر الخير والبركة وجعله شهر عبادة وطاعة وغفران يارب
Qa6ar
02-10-2005, 09:50 PM
بخصوص الفي اكس ار يالربع عملي وقوي واللي يقول انه يشرب بترول ماعنده سالفه ..انا استعملت جي

اكس 2002 قير عادي و خذت لي جي اكس ار 2004 وستاندر 2005 وكلها تشرب شرب البترول ومافيها قوه

اللي بياخذ ياخذ في اكس ار اذا ميزانيته تسمح وماعليه من اي سوالف عنه
سهم طايح
03-10-2005, 02:12 PM
بالنظر لفارق السعر بين الموترين فالنيسان باشا على التويوتا ! الفرق اللي بينهم مب هين والمواصفات بين الموترين ماتختلف ومثل ما التويوتا يعيش معاك 10 سنين فالنيسان راح يعيش معاك 20 سنة يعني مافي فرق :)

راي شخصي
سهم الدوحه
03-10-2005, 04:31 PM
الرنج وبس
Northman
03-10-2005, 08:41 PM
بالنظر لفارق السعر بين الموترين فالنيسان باشا على التويوتا ! الفرق اللي بينهم مب هين والمواصفات بين الموترين ماتختلف ومثل ما التويوتا يعيش معاك 10 سنين فالنيسان راح يعيش معاك 20 سنة يعني مافي فرق :)

راي شخصي

رايك منطقي جدا جدا ..
ماجد
03-10-2005, 08:53 PM
بالنسبة لي لوخيروني بين الاثنين بختار النيسان بدون تفكير

اولا سعر الكروزر عموما سواء كان جي او جي اكس او في اكس ار

مبالغ فيه !!!!!!!!!!!!!

يالربع الفي اكس ار صار سعره فوق الميتين الف ؟؟؟؟؟؟؟؟؟؟؟؟؟؟؟؟؟

عسا ماشر تراه اللا جي لاراح ولا جا .

النيسان عن تجربة حمار مكدة وانتوا بالكرامة وخصوصا مكينه وجير

ماعليه كلام بس مشكلته الوحيدة وكيله عندنا تعبان شوي يعني فيه فرق

كبير في سعر قطع الغيار بيننا وبين الدول المجاورة .
concord
03-10-2005, 09:04 PM
Be Mine
انا توكلت على الله وشريت لي تيوتا
مر على معرض المشترك في شارع سلوى
لا حجز ولا هم يحزنون
اذا صدت موتر بتاخذه في نفس اليوم
وتوه من يوم الاحد ياتهم مواتر روح الحق قبل ما يخلصون
لأن الشركة والتضامن قالوا لي انطر 3 شهور