مديرة مدرسة تحتجز طالبا وحيدا بالمدرسة ( خوش تعليم عندنا )

[صعب المنال]

مديرة مدرسة تحتجز طالبا وحيدا بالمدرسة


كتب ـ سعيد الصوفي


طالب ولي امر احد الطلاب بمدرسة السيلية النموذجية المستقلة المجلس الاعلى للتعليم بالتدخل ووقف ما اسماه بـ «الظلم والتعسف» الذي تعرض له ابنه من قبل مديرة المدرسة التي قامت يوم امس الاول بإنزاله من الباص وحجزه في المدرسة وحيدا بعد ان غادر جميع الطلاب والمدرسين المدرسة ودون ابلاغ اهله بذلك، واضاف ولي الامر انه قام بالاستفسار من سائق الباص عن ابنه لماذا لم يأت معه للبيت كعادته الا ان السائق ابدى عدم معرفته بأي شيء وبالاتصال بالمدرسة لم يتم الرد مما حدا بالاهل بالبحث عن الطفل الذي لم يتجاوز الثامنة من العمر في كل مكان وبعد اكثر من ثلاث ساعات وجد في ساحة المدرسة وحيدا تحت حرارة الشمس، واشار ولي امر الطالب الى انه عند معاودة الاتصال بمديرة المدرسة وسؤالها عن مبرر ما قامت به ردت عليه بانها صاحبة المدرسة ولها الحق في فعل اي شيء وان الطالب المذكور يشاغب في الباص ولذلك فان منعه من الباص وحرمانه من الدراسة لمدة خمسة ايام هما العقاب الذي يستحقه. واكد صاحب الشكوى ان المديرة تعاملت معه بطريقة لا تمت الى التعليم ورسالته بصلة حيث اشار الى انها اخبرته بانه يجب ان يحمد الله بان قبلت تسجيل ابنه في مدرستها، وتساءل ولي امر الطالب هل يجوز مثل هذا التعامل مع الطلاب واولياء الامور واين الرسالة التربوية المشتركة التي يجب ان تكون بين البيت والمدرسة ام ان هناك معايير جديدة تتعامل بها هذه المدرسة؟.




تعليقاتكم لو سمحتوا :mad:

[المجروح81]

هذي اخره المدارس المستقله كل واحد ياخذ ترخيص من هيئة التعليم ويحسب المدرسه ع كيف اهله ويحسب الطلاب خدم عنده اذا كلمتهم يقول انا (صاحب المدرسه)
يفكرون انها مدرسه وارثينها من اجدادهم .

ويامالكم من مشاكل مدراس المستقله بتسمعون

انشالله يردون في قرارهم ويردون المدارس الحكوميه

[عتيج الصوف]

مافي افضل من التعليم الحكومي

[ورقــة أمــل]

هاي شلون تتعامل مع عيالها
اي والله صاحبة المدرسة

[صعب المنال]

كل واحد يتخيل ان هالطالب ولده ياترى شنهو بيسوي ؟:con2:

[ANONYMOUS]

الشرهه مب عليها..


على ابو الطفل الخيخه..



لو انا مكانه.. بشتكي عليها عند الشرطه.. والنيابه العامه والمحاكم القطريه.. وحقوق الانسان..


واذا حسيت ماخذوا حقي.. باخذ حقي بيدي..

[صعب المنال]

هذي اخره المدارس المستقله كل واحد ياخذ ترخيص من هيئة التعليم ويحسب المدرسه ع كيف اهله ويحسب الطلاب خدم عنده اذا كلمتهم يقول انا (صاحب المدرسه)
يفكرون انها مدرسه وارثينها من اجدادهم .

ويامالكم من مشاكل مدراس المستقله بتسمعون

انشالله يردون في قرارهم ويردون المدارس الحكوميه


اي والله شحالتها المدارس الحكومية :nice:

[واحد في حاله]

ردت عليه بانها صاحبة المدرسة ولها الحق في فعل اي شيء وان الطالب المذكور يشاغب في الباص ولذلك فان منعه من الباص وحرمانه من الدراسة لمدة خمسة ايام هما العقاب الذي يستحقه

هذي سوالف المدراس المستقله ... لا وتمنن انها سجلت ولده ..

هل هذا عقاب !!؟ ام جريمه في حق الطالب وفي حق اهله !؟

شنو تبعات هالعقاب على الطالب ..وعلى مستواه التعليمي وحالته النفسيه وحبه للمدرسه


يفكرون عيال الناس لعبه عندهم ..

[صعب المنال]

مافي افضل من التعليم الحكومي


اي والله صدقت :)

اييييه فين اياااااااااااام رفاعه الطهطاوي وقاسم أمين وزكي جمعه :nice:

[فارس 2007]

:anger2::anger2::anger2::anger2::anger2::anger2:

[بدور]

يا ويل قلبي على الياهل حسبي الله عليها من مديره

مريضه نفسياً ومغتره انها صاحبة المدرسه لايكون ورثتها مسكينه

المفروض الابو يتصل بالشرطه وهو داخل المدرسه حتى يشوفون سواد وجه المتسلطين

على عيال الناس الشكاوي زادت على هالمدارس ولايوجد رادع يردعهم

لان الدنيا صارت سبهلله لاحسيب ولا رقيب

[قطري طموح]

لايوجد عذر ولامبرر مقنع للتعامل مع طفل بهذي الصورة المقززه من مديرة مريضة نفسيا لاتستحق ان تدير مدرسة كان من المفترض منها ان تكون مثال يقتدى به على التعامل التربوي السليم والله اللي مثلها لازم تحال الى التحقيق والمحاكمه .

[الامل القديم]

والله الموضوع غريب شوي

ممكن نعرف مصدر الخبر اذا سمحت

[العـوا]

أعتقد المسؤولين في المجلس الاعلى ماراح يرضون على مثل هذا التصرف

[ناصر العمادي]

مافي افضل من التعليم الحكومي

وانا معك يالغالي مافي احسن من المدارس الحكوميه ..اللي علمتنا الرجوله واحترام مدرسينا واحترام انفسنا ..
المدارس الحكوميه هي من خرجت مسؤولين البلاد وهي التي صنعت الرجال الحقيقيين .. كنا نشكي من الضرب والقسوه ولكن لولا الضرب والقسوه ماوصلنا لما نحن فيه من خير ونعمه ومركز وثقافه ( وتربيه ) اين التربيه في المدارس المستقله اين احترام المدرس اين الأعتماد على النفس ...كل مايهمهم الطلبات التعجيزيه ... وانقلوا الدرس من الأنترنت وحطوه في ملف لونه وردي .. ايش هذا الدلع ... هل هذه الطلبات ستخرج جيل فاهم ومتعلم ...الله يرحم لما كنا ننسخ الدرس عشر وعشرين مره ونتعب ونسهر عشان نتعلم ...الله يرحم ايامنا .. والله يستر على اولادنا من اللي جاي ..ولا حول ولا قوة الا بالله
تحياتي لك اخي على الموضوع الهام
والله يوفقك يارب

[الزاجل]

الموضوع اشوي مخربط وناقصه تأكيد

علشان نتأكد منه

لابد من سماع تقرير المجلس الأعلى
+
رد مديرة المدرسة ..

لأن هالأيام الجرايد تستقبل
شكوى الواحد من مغص في بطنه

[الخيميائي]

الموضوع اشوي مخربط وناقصه تأكيد

علشان نتأكد منه

لابد من سماع تقرير المجلس الأعلى
+
رد مديرة المدرسة ..

لأن هالأيام الجرايد تستقبل
شكوى الواحد من مغص في بطنه

ذكرتني بالقاضي الى جاه الشاكي

يقول له فلان فقأ عيني

فهاج وماج الحضور وقالوا

قبحه من رجل احكم عليه

فقال القاضي

انتظروا لنسمع الشخص الثاني

فقد تكون فقئت عينيه الاثنتين :p

[الزاجل]

ذكرتني بالقاضي الى جاه الشاكي

يقول له فلان فقأ عيني

فهاج وماج الحضور وقالوا

قبحه من رجل احكم عليه

فقال القاضي

انتظروا لنسمع الشخص الثاني

فقد تكون فقئت عينيه الاثنتين :p


هذي سوالف الوالدة
ربنا يعطيها الصحة والعافية

[الخيميائي]

هذي سوالف الوالدة
ربنا يعطيها الصحة والعافية

الله يخليها لك يالزاجل :strong

ويعطيها الصحة والعافية وطولة العمر ان شاء الله :)

لي مداخلة ثانية بس بعد قليل

اخلص الى بيدي :p

[وطن]

حسبي الله ونعم الوكيل

بعض الناس مافي قلوبها رحمه
هذا طفل شلون تعامله جذي
ع الاقل تنزله من الباص وتتصل بأهله يجون ياخذونه
وتقعد معاه بعد
مو تتركه بروحه



للعلم مديرات المدارس بعد في الحكومه عندهم نفس المنطق
ولا يهتمون لا للتعليم العالي ولا غيره !!!
عن تجربه

حسبي الله ونعم الوكيل فيهم مافي قلوبهم رحمة

[امل الحب]

اممممم

لاتعليق

[التيما]

الموضوع مستحيل يصير بهالطريقه ... يا جماعه ممكن انها عاقبته يمكن .. ويمكن قالت للابو احمد ربك سجلته يجوز .. بس تخليه وتروح عنه ماعتقد .. الاب مكبر الساالفه .. بالمنطق يعني عشان الولد مشاغب في الباص قوم وعاقبه جذي ؟؟ صدقوني السالفه غيررررررر

[الخيال قطر]

اذا السالفه نفس ماتم ذكرها

اعتقد غلط كبير اللي عملته وبعدين هذا توه بالابتدائيه...
يكفي ان اخبر ولي الامر واذا كررها اخطر الولدين بأن تم شطب اسم الطالب من باص المدرسه

اما فيها حبس... وعقب الدوام ؟ << هيئاتنا ووزاراتنا ماسووها

[دلة الرسلان]

الامر فيه ان !!! مديرة مدرسة عارفة وراها محاسبة ويمكن يسحب منها التصريح فما راح

تجازف .

[دولـة قطـر]

هذي مهزله وتجاره فاشله

من الكلام المذكور اعتقد ان ولدي قبل لايلتحق بأي مدرسه

لازم اطلعله شهادة كمبيوتر ولغه وادارة اعمال

وكل ذي لان مستقبل اعيالنا راح يكون مظلم

الالتحاق بالمدارس المستقله اوصلت لمرحلة الواسطات وحسن سير وسلوك

التربيه والتعليم ............كلمه مفقوده في ظل المدارس الحديثه (المستقله)

افكار جديده وتطبيقات تعسفيه....وانفراد فالشخصيه في تطبيق الاوامر بحكم (الدراسه التجاريه)

امحق تصرف من الاخت

والسموحه ...بس قهر الصراحه

[امـ حمد]

حسبي الله عليها هل المديره والله ما عندها رحمه ولا حياء من الله فعلا انها مجرمه ولا تصلح تكون مربيه اجيال 00000مالت عليها0000

[Thamer_Qat]

الولد شكله شيطااااااااااااااااااااااااااااااااان
والأب كذااااااااااااااااااااااااااااااااااااااااااب
والصحفي مصري خرااااااااااااااااااااااااااط


ولا هل يعقل هالكلام

والأعضاء في المنتدى على طول تعاطفوا مع الولد وابوه وقبيلته ونسوا ان فيه يهال شياطين ولا لهم حل
والأب توهق من تصرفات وشطانة ولده ويدري ان سلوكه رايح فيها ولا راح يقبل في اي مدرسه وقام تلاغى مع المديره ومسك عليها كم كلمه وراح يتراكض عند المصريين بجرايدنا الفاشله

اللي عنده حد يدرس اولاد بمدارس نموذجيه وخاصه بالمناطق الجنوبيه من طخة السيليه يسأل وبيعرف شالسالفه وبلا عواطف
والحزم مطلوب في التعليم وفي هالجيل اللي رايح في خرايطها

[الخيميائي]

الولد شكله شيطااااااااااااااااااااااااااااااااان
والأب كذااااااااااااااااااااااااااااااااااااااااااب
والصحفي مصري خرااااااااااااااااااااااااااط


ولا هل يعقل هالكلام

والأعضاء في المنتدى على طول تعاطفوا مع الولد وابوه وقبيلته ونسوا ان فيه يهال شياطين ولا لهم حل
والأب توهق من تصرفات وشطانة ولده ويدري ان سلوكه رايح فيها ولا راح يقبل في اي مدرسه وقام تلاغى مع المديره ومسك عليها كم كلمه وراح يتراكض عند المصريين بجرايدنا الفاشله

اللي عنده حد يدرس اولاد بمدارس نموذجيه وخاصه بالمناطق الجنوبيه من طخة السيليه يسأل وبيعرف شالسالفه وبلا عواطف
والحزم مطلوب في التعليم وفي هالجيل اللي رايح في خرايطها

:funny::funny:

كلام منطقي ياخوي :)

[حيهور]

اذا كان صدق والقانون مايحمي الولد

الحل عندي

رصاصه في راس المديره والمشكله تنحل ياحكومه

[Thamer_Qat]

بسم الله الرحمن الرحيم
"يا أيها الذين آمنوا ان جآءكم فاسق بنبأ فتبينوا أن تصيبوا قوم بجهالة فتصبحوا على ما فعلتم نادمين"
صدق الله العظيم

[سلامي للكل]

صاحبة المدرسة....crazy

ما أقول الا مالـــــــــــــــــــت على البمبر

[سلامي للكل]

اذا كان صدق والقانون مايحمي الولد

الحل عندي

رصاصه في راس المديره والمشكله تنحل ياحكومه

:app: :app:

[صعب المنال]

هاي شلون تتعامل مع عيالها
اي والله صاحبة المدرسة



الله يهديها ان شاء الله

[صعب المنال]

الشرهه مب عليها..


على ابو الطفل الخيخه..



لو انا مكانه.. بشتكي عليها عند الشرطه.. والنيابه العامه والمحاكم القطريه.. وحقوق الانسان..


واذا حسيت ماخذوا حقي.. باخذ حقي بيدي..


يمكن ابو الطفل مسكين وعلى قد حاله وعلى نياته ومايدور المشاكل :confused: ويادوب قكر يتصل على الجريدة ويحكي لهم الموقف .

[صعب المنال]

والله الموضوع غريب شوي

ممكن نعرف مصدر الخبر اذا سمحت


المصدر فديت خشمك ملحق الوطن والمواطن بجريدة الوطن القطرية عدد الخميس

وهذا هو الرابط على النت

اضغط هنا (http://www.al-watan.com/data/20071005/index.asp?content=local1)

[صعب المنال]

أعتقد المسؤولين في المجلس الاعلى ماراح يرضون على مثل هذا التصرف


ننطر ونشوف

[Thamer_Qat]

:funny::funny:

كلام منطقي ياخوي :)

مهما كانت ظروف وملابسات الحادث, ومب دفاعا لا عن مديره ولا مدرسه ولا اداريه, بس اقدر اقول ان هالمدرسه المستقله راح تنظبط أكثر وراح تصير من احسن المدارس بالمنطقه وراح تنظف من الطلاب الأشقياء اللي يعتبرون عاله على التعليم
وتحيه للمديره الحازمه اللي ماتلاعب المستهتر واللي عجزوا اهله عن تربيته وجاي بغثاه و بقلة ادبه للمدرسه
ماصرنا نسمع بمثل هالحزم والشده هالأيام مثل أيامنا قبل - أيام "التربيه"والتعليم

وشكرا لوالد الولد المعني بالمشكله اللي اثار القضيه بالجرايد ليكون عبره للي مثله في جميع المدارس مستقله وغيرها وهذا تنبيه للأهالي ايضا بأنه لايزال يوجد حزم بالمدارس والمسأله مش سايبه و "سبهلله" مثل ماقالت عضوه بالمنتدى

"اضرب الكلب يستعدل النمر"

"ومن أمن العقاب, أساء الأدب"

[حيهور]

مهما كانت ظروف وملابسات الحادث, ومب دفاعا لا عن مديره ولا مدرسه ولا اداريه, بس اقدر اقول ان هالمدرسه المستقله راح تنظبط أكثر وراح تصير من احسن المدارس بالمنطقه وراح تنظف من الطلاب الأشقياء اللي يعتبرون عاله على التعليم
وتحيه للمديره الحازمه اللي ماتلاعب المستهتر واللي عجزوا اهله عن تربيته وجاي بغثاه و بقلة ادبه للمدرسه
ماصرنا نسمع بمثل هالحزم والشده هالأيام مثل أيامنا قبل - أيام "التربيه"والتعليم

وشكرا لوالد الولد المعني بالمشكله اللي اثار القضيه بالجرايد ليكون عبره للي مثله في جميع المدارس مستقله وغيرها وهذا تنبيه للأهالي ايضا بأنه لايزال يوجد حزم بالمدارس والمسأله مش سايبه و "سبهلله" مثل ماقالت عضوه بالمنتدى

"اضرب الكلب يستعدل النمر"

"ومن أمن العقاب, أساء الأدب"


اخوي ثامر قطر حتى لو الطالب غلطان المديره موب من حقها اتنزله من الباص وتحبسه في المدرسه ولاتطمن هل الولد عليه

في طرق اخرى لمعالجة الامر

ونحن نبي الانضباط في المدارس لكن بطريقه قانونيه ترضي الجميع

واذا القانون يعطي المديره الحق انها تحبسه تحت الشمس في المدرسه بعد نهاية الدوام واهله مايدرون رصاصه في راس المديره تكفي عشان القانون يتغير للاحسن ويكون في مصلحه المدرسه والطالب في نفس الوقت

وتقبل مروري

[رهيب]

و سلم لي على التربية التعليم

[Thamer_Qat]

طبعا ماحد يقبل بهالتصرف من قبل المديره
وانا اقول لك واكاد اجزم ان السالفه ناقصه وفيها افتراء

وعلى افتراض ان السالفه صحيحه, كان المفروض من المديره فصل الطالب فصل نهائي وبلا وجع راس

وافضل من رصاصه في راس هالمسكينه المبتلشه

[صعب المنال]

وانا معك يالغالي مافي احسن من المدارس الحكوميه ..اللي علمتنا الرجوله واحترام مدرسينا واحترام انفسنا ..
المدارس الحكوميه هي من خرجت مسؤولين البلاد وهي التي صنعت الرجال الحقيقيين .. كنا نشكي من الضرب والقسوه ولكن لولا الضرب والقسوه ماوصلنا لما نحن فيه من خير ونعمه ومركز وثقافه ( وتربيه ) اين التربيه في المدارس المستقله اين احترام المدرس اين الأعتماد على النفس ...كل مايهمهم الطلبات التعجيزيه ... وانقلوا الدرس من الأنترنت وحطوه في ملف لونه وردي .. ايش هذا الدلع ... هل هذه الطلبات ستخرج جيل فاهم ومتعلم ...الله يرحم لما كنا ننسخ الدرس عشر وعشرين مره ونتعب ونسهر عشان نتعلم ...الله يرحم ايامنا .. والله يستر على اولادنا من اللي جاي ..ولا حول ولا قوة الا بالله
تحياتي لك اخي على الموضوع الهام
والله يوفقك يارب


ماعلى كلامك زووود يابوبدر مبدع :app:

[صعب المنال]

الموضوع اشوي مخربط وناقصه تأكيد

علشان نتأكد منه

لابد من سماع تقرير المجلس الأعلى
+
رد مديرة المدرسة ..

لأن هالأيام الجرايد تستقبل
شكوى الواحد من مغص في بطنه


صحيح كلامك اخوي الزاجل

لازم نسمع للطرف الثاني لكن ايضا الصحافة مرآه تعكس الواقع اللي نعيشه
واعتقد الجريدة مسؤوله عن نشر هذا الكلام ، ونتمنى نلقى رد من المسؤولين عشان الرأي العام يعرف الحقيقة صح .

وناقل الكفر ترى مب كافر :mad: يعني انا نقلت الخبر وبس .

[صعب المنال]

حسبي الله ونعم الوكيل

بعض الناس مافي قلوبها رحمه
هذا طفل شلون تعامله جذي
ع الاقل تنزله من الباص وتتصل بأهله يجون ياخذونه
وتقعد معاه بعد
مو تتركه بروحه



للعلم مديرات المدارس بعد في الحكومه عندهم نفس المنطق
ولا يهتمون لا للتعليم العالي ولا غيره !!!
عن تجربه

حسبي الله ونعم الوكيل فيهم مافي قلوبهم رحمة


الله يهديهم ان شاء الله

[صعب المنال]

الموضوع مستحيل يصير بهالطريقه ... يا جماعه ممكن انها عاقبته يمكن .. ويمكن قالت للابو احمد ربك سجلته يجوز .. بس تخليه وتروح عنه ماعتقد .. الاب مكبر الساالفه .. بالمنطق يعني عشان الولد مشاغب في الباص قوم وعاقبه جذي ؟؟ صدقوني السالفه غيررررررر


لا مستحيل عندنا توقعي كل شي :) لكن على كلامج يمكن السالفه غير ننطر ونشوف

[صعب المنال]

الامر فيه ان !!! مديرة مدرسة عارفة وراها محاسبة ويمكن يسحب منها التصريح فما راح

تجازف .


كل شي جايز

[صعب المنال]

هذي مهزله وتجاره فاشله

من الكلام المذكور اعتقد ان ولدي قبل لايلتحق بأي مدرسه

لازم اطلعله شهادة كمبيوتر ولغه وادارة اعمال

وكل ذي لان مستقبل اعيالنا راح يكون مظلم

الالتحاق بالمدارس المستقله اوصلت لمرحلة الواسطات وحسن سير وسلوك

التربيه والتعليم ............كلمه مفقوده في ظل المدارس الحديثه (المستقله)

افكار جديده وتطبيقات تعسفيه....وانفراد فالشخصيه في تطبيق الاوامر بحكم (الدراسه التجاريه)

امحق تصرف من الاخت

والسموحه ...بس قهر الصراحه



صدقت في كلامك ، البعض ماخذ موضوع المدارس المستقلة من باب التجارة ، يعني نهاية السنه يطلع له مليونين والا ثلاثه صافي لمخباه وبطريقه فنية احترافيه خلها على ربك

[صعب المنال]

الولد شكله شيطااااااااااااااااااااااااااااااااان
والأب كذااااااااااااااااااااااااااااااااااااااااااب
والصحفي مصري خرااااااااااااااااااااااااااط


ولا هل يعقل هالكلام

والأعضاء في المنتدى على طول تعاطفوا مع الولد وابوه وقبيلته ونسوا ان فيه يهال شياطين ولا لهم حل
والأب توهق من تصرفات وشطانة ولده ويدري ان سلوكه رايح فيها ولا راح يقبل في اي مدرسه وقام تلاغى مع المديره ومسك عليها كم كلمه وراح يتراكض عند المصريين بجرايدنا الفاشله

اللي عنده حد يدرس اولاد بمدارس نموذجيه وخاصه بالمناطق الجنوبيه من طخة السيليه يسأل وبيعرف شالسالفه وبلا عواطف
والحزم مطلوب في التعليم وفي هالجيل اللي رايح في خرايطها

الله يصلحك اخوي ثامر من اشوي توك تكتب هالآية :


بسم الله الرحمن الرحيم
"يا أيها الذين آمنوا ان جآءكم فاسق بنبأ فتبينوا أن تصيبوا قوم بجهالة فتصبحوا على ما فعلتم نادمين"
صدق الله العظيم


والحين تقول الصحفي مصري وكذاب والولد مادري شنهو ، اتق الله ولا تناقض نفسك .

اينعم يعقل هالكلام ، ليش ما يعقل :)

بعدين ماشاء الله عليك عندك خيال واسع ليش ما تكتب مسلسلات والا تألف أفلام سينمائية :)

[صعب المنال]

اذا كان صدق والقانون مايحمي الولد

الحل عندي

رصاصه في راس المديره والمشكله تنحل ياحكومه


:looking::looking: :looking:

[هسلان]

بلا تعليم عالي بلا بطيخ
الدعوة كلها 10 ريال خيزرانه ويدخل على المديرة ويلبلبها لين تنطق الشهادة
وكان على التعليم العالي ما حولك احد

[على قد حالها]

الله عرفناه بالعقل ياجماعه ...وانا مادافع عن بس المديره مب غبيه عشان تودي روحها في داهيه عشان حد!! السالفه فيها تحقيق وينسحب الترخيص وممكن تنفصل ولا معقوله كونها مديره معناته سنييييين في هالمجال وعارفه القوانين تترك الولد بروحه فالمدرسه ؟؟؟؟؟ صدقوني لو صج جان راحت فيها بس اكيد الموضوع ناقص او فيه ان مثل ماقالوا الباقي .....
كوني كنت مدرسه واعرف بهالامور ساعات الضابطات المناوبات يروحون ملح اذا اتركوا طالب ومحد معاه يتمون ينطرونه لين العصر ولا هم يوصلونه مساكين لكن مايهدونه بروحه... وبعض الاهالي يتعمدون ومايجون الا متأخر كلش عشان المناوبه هي اللي توصل الطالب والله ياما مرت علينا مثل هالامور ...

عالعموم لازم نسمع من الصوبين حرام الظلم!

[بوحمد2]

الشرهه مب عليها..


على ابو الطفل الخيخه..



لو انا مكانه.. بشتكي عليها عند الشرطه.. والنيابه العامه والمحاكم القطريه.. وحقوق الانسان..


واذا حسيت ماخذوا حقي.. باخذ حقي بيدي..

كفو والله

[بوحمد2]

اي والله صدقت :)

اييييه فين اياااااااااااام رفاعه الطهطاوي وقاسم أمين وزكي جمعه :nice:

مين زكي جمعه ده؟

[صعب المنال]

بلا تعليم عالي بلا بطيخ
الدعوة كلها 10 ريال خيزرانه ويدخل على المديرة ويلبلبها لين تنطق الشهادة
وكان على التعليم العالي ما حولك احد



:happy::happy: