الدولي يالدولي ياهل الدولي سؤال؟؟؟؟؟؟؟؟؟؟؟؟؟؟؟

[مضارب بدرهم]

""""""""السلام عليكم ورحمه الله وبركاته """"""""
يالربع الصراحه انا ابي شوركم في شي عندي بعض الاسهم في الريان والخليجي والعقاريه
وعندي في ناقلات اشوي لكن واحد من الربع قالي شي وفكرت فيه قالي بدال ماتعب نفسك
الا ارتفع الا نزل بيع من كل الاسهم الي عندك نص او ربع الاسهم واشتر في الدولي وخله
بدخلك ارباح حلوه واسهم مجانيه وانت مرتاح وباقي الاسهم خلهم حق المدى البعيد وانساهم
وهذي الفكره تدور في راسي من ثلاثه ايام وقلت في نفسي مافي الا اسال اهل الخبره في الاسهم شرايكم شاسوي
"""""""" ويعطيكم العافيه"""""""

:con2::con2::con2::con2::con2::con2::con2::con2::c on2:

[بوحمد1]

وأنا بنتظار الإجابة

[الماسي]

خذ اسمنت الخليج وبتدعي لي

[الأصيل]

عليك بالدولي والله كريم

[كبير المستثمرين]

الدولي على طول غييييير وربك كريم انشالله

[مضارب بدرهم]

يعطيك العافيه اخوي بوحمد والماسي والاصيل وكبير المستثمرين على هذي الردود الطيبه وشرايكم نسمع بعض اراء الاعضاء يمكن نستفيد منهم كل ماكثرت الردود

[بوعبدالله3]

الدولي سهم استثماري من الدرجه الاولى وهو في بداية انطلاقته المنتظره ان شاء الله

ولكن انصحك في هالاسبوع هذا بالذات شراء اسمنت الخليج والمخازن والرعايه لانهم في بداية الصعود وقد بدت شرارتهم امس واليوم وان شاء الله بتجمع مبلغ محترم

وبعدها حط كل حلالك في الدولي وان شاء الله انك بتدعي لي بالخير

وموفق يالغالي ;)

[مضارب بدرهم]

يعطيك الف عافيه يابو عبدالله3

[كلمة مرور]

الدولي شي اكيد راح يرفع راس ماله وبالتالي مش اقل من 25 الى 30 اسهم مجانيه

[مضارب بدرهم]

يعطيك العافيه اخوي كلمه مرور على مرورك ومشاركتك في الموضوع

[simsim1963]

عليك بالدولي وانا اخوك

[مضارب بدرهم]

عليك بالدولي وانا اخوك


يعطيك العافيه اخوي لازم ارتبله اشوي ومشكور على مرورك