سؤال لخبراء السفر عن الشينغن ؟؟

[KHALID1]

عندي فيزا شينغن جديدة مطلعها من السفارة الالمانية صار لها يومين اقدر ادخل بها اسبانيا بدون ما اروح المانيا !!!!!!!!!!

ولا لازم امر على المانيا قبل ؟؟؟؟؟؟؟؟؟

[قطري طموح]

طبعا اخوي تقدر تدخل كامل التراب الاوربي المنضوي تحت مضلة منظمة اليورو - دول الاتحاد الاوربي - بما فيهم اسبانيا ، ولو تم سؤالك في المطار عن سبب استخراج الفيزا من السفارة الالمانيه ودخولك اسبانيا قول لهم غيرت قراري في اخر لحظه ، والامر سهالات ان شالله ورحلة موفقه

[al7elwa80]

محد يسأل المهم انها طلعت لانهم يطلعون عينك قبل مايطلعونها
بالسلامة

[Qatari 1980]

أخوي أنا بعد طلعت فيزا من السفارة الألمانيه على اساس أني مسافر الى ميونخ وكانت رحلتي دوحة / باريس / دوحه وما فيه أي شخص سألني عن اي شيء وعموماً مثل ما ذكروا الشباب طالما انك طلعت الفيزا ما أعتقد فيه اي مشكله اذا نزلت في أي مطار يتبع لأي دولة من دول الشينقن ولو فرضاً سألوا قول لهم غيرت رأيي في أخر لحظه وأنك بتأخذ لك جوله في أكثر من دولة أوروبيه ....


وتروح وترجع بالسلامه

[بدور]

الفيزا تقدر تدخل فيها المجموعه الاوربيه الا لندن

ربي يوفقك

[صغيرون قطر]

مرحبا اخوي

للعلم والانتباء ماتقدر تدخل فيه بريطانيا نهائيا لان فيزتها غير

تقدر تروح سويسرا - المانيا - فرنسا - يعني تقربيا اوروبا

ماعدا بريطانيا

تحياتي

بوناصر:deal:

[style]

هل صحيح يا اخواني ان من هذا الشهر..اقصد شهر 10 الفيزا الخاصة بالشينغن تقدر تدخل فيها دولة التشيك...هذا الكلام سمعتة من فترة ..ارجو الافادة لو تكرمتوا للي عندة اي معلومات

شكرا