المساعد الشخصي الرقمي

مشاهدة النسخة كاملة : مطلوب مسجات اتضحك عن العيد


الداعي
10-10-2007, 06:06 PM
السلام عليكم

طبعا الكل عارف ان عيد الفطر ان شاءالله بعد كم يوم، وكل واحد ياينطر ثوبه يخلص ولا وحده تنطر عباتها تخلص :-) والله يعينا على تجهيزات العيد اللي ماتخلص، حبيت اقولكم الف الف مبروك وكل عام وانتو بخير بمناسبة عيد الفطر السعيد والله يعيده علينا كلنا باليمن والبركات

طبعا مثل ما الكل عارف منتديات الانترنت تسخر بمسجات الموبايل اللي عن العيد واغلبها مسجات تهاني لكن جا في بالي في هالعيد اطرش للاهل والاخوان مسجات اتضحك عن العيد، مثلا نكته او تهنئه بطريقه مضحكه ، فهل مر عليكم شي جذي؟

والله يوفقكم :)
miss-qatr
10-10-2007, 06:22 PM
وانت بخير ياخوي


للأسف محد ارسلي لحد الحين شي :thumbdown:


وان شاء الله الاخوان يفيدونك :)
الداعي
10-10-2007, 06:28 PM
مو مشكله :) بالانتظار.. انا اللي عندي كلها تهاني عاديه واشعار :)

ودي هالسنه اغير اشوي
miss-qatr
11-10-2007, 01:43 AM
مو مشكله :) بالانتظار.. انا اللي عندي كلها تهاني عاديه واشعار :)

ودي هالسنه اغير اشوي

حط لنا ياخوي تهاني واشعار انا جهازي بمجاعه ماعندي شي :anger2:
قناص قطر
11-10-2007, 01:49 AM
المسجات اللي جات كلها mms

مب مسجات كتابيه عاديه

والاغلب ام خماس وربعها وفوانيس ونكت عن نعم و لأ المسلسل القطري و بيت الحارة

و و و و

بس للاسف تم المسح على طووووووووووووووول ما احب يكون شيء عندي بصندوق الوارد
الداعي
11-10-2007, 01:54 AM
حط لنا ياخوي تهاني واشعار انا جهازي بمجاعه ماعندي شي :anger2:

تامرين امر، هذا مسج شوي طويل على شكل قصيده


ياليت شوفي لك من العيد للعيد
واقول ياكل الغلا عاد عيدك
يصير يوم العيد بالذات تحديد
أشوف زولك واتسمع قصيدك
قال المشاعر صادرات ومواريد
وعنها لساني بالصراحة يفيدك
غلاك ما ينقص بقلبي ولا يزيد
معك قريب ومع بعيدك بعيدك
قلت المحبة له بقلبي مواريد
في ضامري ما يوجد الا رصيدك
اشتاق لك واتبع عليك التناهيد
واحب فيك الحب واحب كيدك
قلبي خضع لك دون شرط ولا قيد
مدري وش اللي صار لي صرت بيدك
قناص قطر
11-10-2007, 01:54 AM
وهذا مسج مسروق من جوال الوالده :

في العيد ( أم خماس ) بتغديك

و ( أم سعيد ) بالقهوه بتسقيك

و ( أم علاوي ) عالأميل بتهنيك

و دار الزمن على ( أم سلوم ) ونست شو تهديك

بس أنا مستحيل أنساك وبالعيد ما أهنيك

(( عساك من العايدين الفايزين ان شاء الله ))
الداعي
11-10-2007, 02:11 AM
وهذا مسج مسروق من جوال الوالده :

في العيد ( أم خماس ) بتغديك

و ( أم سعيد ) بالقهوه بتسقيك

و ( أم علاوي ) عالأميل بتهنيك

و دار الزمن على ( أم سلوم ) ونست شو تهديك

بس أنا مستحيل أنساك وبالعيد ما أهنيك

(( عساك من العايدين الفايزين ان شاء الله ))

مسج حلو وهو المطلوب:) ماقصرت يالغالي والله يعطيكم الصحه والعافيه انت والوالده وكل من يعز عليكم