فكرة عن عملية ربط المعدة

[al-erada]

ابي استفسر فية احد في المنتدىمسوي من قبل عملية ربط المعدة ومين احسن دكتور يسويها في الدوحة وهل في مركز متخصص لشد الترهل عقب العملية في الدوحة ومين احسن دكتور افيدونا الله يجزيكم الخير

[ضدالتيار]

احسن دكتور في قطر في مستشفى حمد هو الدكتور عبد العظيم حسين استشاري في عمليات ربط المعدة

[الطرف الأغر]

رفيجتي سوت العمليه ،، وصل وزنها 100 كيلو تقريبا :swoon:

سوت العمليه في رميله عند الدكتور عبدالعظيم ممتاز ويمدحونه وايد ،، وذا تبي تقرب موعد العمليه سوها في مستشفى الخور مواعيدهم أسرع

انزلت خلال سنه بين 15 الى 20 كيلو ،،

لكن بعد ما كملت سنه انزلت نزوول رهيب صار وزنها 58 ( تخيل ) ،،

بعدها سوت شفط لمنطقه البطن ،، لكن ما شاء الله ولا كأنها مسويه عمليه ،، كأنها كانت ضعيفه من البدايه وتلعب رياضات خفيفه ومشي

[al-erada]

مشكور الطرف الاغر بس مين احسن دكتور اومركز يسوي عملية شد الترهلات في البطن عندنا

[ALRAYYAN]

اخوي يمدحون دكتور عراقي في مستشفى الخور بحاول اجيب لك اسمه

وواحد من ربعي مسوي العمليه عنده من 3 شهور ونزل حوالي 20 كيلو للحين ومايشتكي من شي

وانا شكلي بسويها عنده .. بس مادري متردد شوي .. خصوصا ان الجسم يترهل عقب ماينزل الوزن

اما بخصوص الترهلات وطريقة التخلص منها ماعندي فكره

[al-erada]

فصدك اخوي الريان الدكتور العراقي متخصص في الربط ولا في الشد لاني ابي دكتور متخصص فيالشد بس بعد نزول الوزن بلكامل

[المخفي]

بس بعد في رجيم و رياضة بعد العملية للمحافضة على الوزن

ولازم أستخدام الفيتامينات على طول حتى لا يحدث نقص

[نونـــه]

لازم تسوي بعدها رجيم السوائل .. رفيقتي سوتها بس وزن ثبت على 80 وصار ماينقص من 7شهور تقول مدري شالفايده لو مسويه رجيم سوائل احسن..

[سهم طايح]

اذا الوزن زائد كثير الربط هو الحل الامثل والاسرع

اتكلم لاني على معرفة باحد الاشخاص سوى عملية الربط في مستشفى العمادي وكان وزنه قريب ال 175 على ما اعتقد والحين وزنه 105 يعني نازل 70 - 65 كيلو في سنة

طبعا لان وزنه اساسا مش طبيعي في السابق فنزل من الوزن وايد

عموما الله يعين اللي راح يسوي هذي العملية لانه مستحيل ياكل غير السوائل او الاكل اللين مثل المعكرونه والبيض والحمص

[شقران قطر]

روح مستشفى العمادي بفيدونك اكثر

[التيما]

واللي وزنه 75 يصير يروح لهم ؟؟

[PoBox]

احسن دكتور في قطر في مستشفى حمد هو الدكتور عبد العظيم حسين استشاري في عمليات ربط المعدة


ماعرف من احسن دكتور للربط
بس يمدحون مستشفى العمادي بس مادري من الدكتور هل العمادي نفسه ولا غيره الله اعلم
بس غالي سعرهم

لكن تبي رايي ابتعد عن د.عبدالعظيم
الله لايذكره بالخير وهذا من تجربة شخصية في عملية من العمليات البسيطة

اسمه صار يجيبلي المرض :anger3: :anger1:

[رجل المهمات]

اخوي al-erada احسن دكتور الله العالم بس اخوي مسويها في العمادي والحمدلله زي الفل
سعر الربط 24000 الف ريال قطري يصير ال rpm عندك على 2 بدل ما يكون على ال6

[al-erada]

اذا الوزن زائد كثير الربط هو الحل الامثل والاسرع

اتكلم لاني على معرفة باحد الاشخاص سوى عملية الربط في مستشفى العمادي وكان وزنه قريب ال 175 على ما اعتقد والحين وزنه 105 يعني نازل 70 - 65 كيلو في سنة

طبعا لان وزنه اساسا مش طبيعي في السابق فنزل من الوزن وايد

عموما الله يعين اللي راح يسوي هذي العملية لانه مستحيل ياكل غير السوائل او الاكل اللين مثل المعكرونه والبيض والحمص
شاكرلك علىردك بسوشسوى مع الترهلات الي بعد نزول الوزن لاني اخاف اسوي العملية وتصيدني ترهلات

[al-erada]

واللي وزنه 75 يصير يروح لهم ؟؟

بيكون جسمها ملكة جمال بس يكون طولها170وفوق:rolleyes::oops:

[ALRAYYAN]

تحمل تسويها في العمادي ... والله بيمصون دمك ع الفاضي

عليك بمستشفى الخور وبس ... اما الدكتور هو متخصص في عمليات الربط

[ضدالتيار]

صدقت وانا اخوك يا الريان

[حنان الدنيا]

احسن دكتور في قطر في مستشفى حمد هو الدكتور عبد العظيم حسين استشاري في عمليات ربط المعدة












كان احسن دكتور ومااعتقد الحين بالعكس

[حنان الدنيا]

اخوي انصحك بالرياضه ومافي احسن منهاا في شد الجسم

ولا تاكل وايد :) لازم يعني تطيحون في الاكل :)


نصيحه اخت

[التيما]

بيكون جسمها ملكة جمال بس يكون طولها170وفوق:rolleyes::oops:

واذا اقل ب 2 سم ؟؟ تصير دبه :cry2:

[جهام]

مافي احسن من الريااضه..وانك ماتكثر من الاكل الدسم..والله أعرف ناس سووا هالعمليه وماستفادوا شيء يمكن وزنهم زااد خخخ.. وبعد في ناس سووها صج اضعفوا بس تعال وشوفهم والله يتحسروون على العمليه .. وعقب فكووا الربط. من اللي شافووه..وحتى اللي يسوي ربط ينصحوونه بالريااضه..
والحين عندك الكورنيش والجوو حلوو..بيتحسن جسمك صدقني .. بدون هالعملياات وهالخرابيط

[الراقية]

أخي الفاضل ابتعد عن مثل هذة العمليات لما لها من اضرار على الصحة مستقبلا

اخي الفاضل عندي صديقة كويتية سوتها وصادها غرغرينا في المعدة واضطروا الى تسفيرها الى امريكا لزرع معدة

وفية ناس صادتهم مضاعفات كثيرة

اخي

ارجوك

اعتدل وقلل من أكلك وشوية رياضة
( ويا بختكم انتوا الشباب وين ما تبون تقدرون تسوون رياضة وبالملابس المريحة بعد)
اخوي راجع اخصائي تغذية :thumbup1:
وخل عنك العملية اللي راح تلحقها عملية

وعندي صديقة تعمل بمستشفى الامل ( بعيد عنكم للسرطان )
تقول معظم السرطانات من هذي العمليات والعمليات التجميلية

اخي الفاضل انت تسمع عن 1 او 2 نجحت عملياتهم بس الاغلبية فاشلة

وبعدين مثل هذي العملية تتبعها انظمة منها العيش مدة طويلة على السوائل
وعدم ممارسة الرياضة وما يتبعه من جسم مترهل يخوف
وتناول فيتامينات يومية

اخي....افضل لك الصحة فالصحة فالصحة

لان الانسان مغبون على الصحة omen


ولاتدور لك مرض

اختك الراقية

[>>> غــمـــوض <<<]

والله نصيحتي لا ربط معده ولا خرابيط
الواحد يحافظ على اكله مع الرياضه المستمره اللي تشد الجسم

[al-erada]

مشكورين اخواني وماقصرتوا على نصايحكم والله يجزيكم الخير ان شاء الله وانتطزر المزيد من ارائكم ومشاركاتكم

[الماسي]

هناك طريقه مجربه وناجحه ومريحه لكن عليك بالصبر لانها تاخذ وقت شوي ..
وهي ثلاث وجبات في اليوم مع التقليل من الدهون والاكلات الدسمه .. والابتعاد عن المشروبات الغازية والحلويات او التقليل منها وممارسة الرياضه .. لي صديق اتبع هذا النظام لكن بدون رياضه نزل 35 كيلو تقريبا خلال سنتين والنتيجه وصل للوزن الي يبغيه مع عدم وجود ترهلات


وقبل اتباع هذا النظام وهو الاهم لااازم تزور اخصائي تغذيه

[badr_vip55]

رفيجتي سوت العمليه ،، وصل وزنها 100 كيلو تقريبا :swoon:

سوت العمليه في رميله عند الدكتور عبدالعظيم ممتاز ويمدحونه وايد ،، وذا تبي تقرب موعد العمليه سوها في مستشفى الخور مواعيدهم أسرع

انزلت خلال سنه بين 15 الى 20 كيلو ،،

لكن بعد ما كملت سنه انزلت نزوول رهيب صار وزنها 58 ( تخيل ) ،،

بعدها سوت شفط لمنطقه البطن ،، لكن ما شاء الله ولا كأنها مسويه عمليه ،، كأنها كانت ضعيفه من البدايه وتلعب رياضات خفيفه ومشي



الطرف الاغر مشكوره على هالمعلومات ولكن انا سمعت ناس تقول مب زينه عملية ربط المعده لها اثار جانبيه ولكن ابي اتاكد من الخبر الي قلته ولكن تقدرين تقولين كم صارلها مسويه العمليه او بعد ماسوتها طلع لها اثار جانبيه سلبيه ولا لا ؟


تحياتي لك

[القناعة كنز]

هالرابط فيه عن عملية ربط المعدة (gastric banding)

http://hcd2.bupa.co.uk/fact_sheets/html/gastric_band.html

[al-erada]

رفيجتي سوت العمليه ،، وصل وزنها 100 كيلو تقريبا :swoon:

سوت العمليه في رميله عند الدكتور عبدالعظيم ممتاز ويمدحونه وايد ،، وذا تبي تقرب موعد العمليه سوها في مستشفى الخور مواعيدهم أسرع

انزلت خلال سنه بين 15 الى 20 كيلو ،،

لكن بعد ما كملت سنه انزلت نزوول رهيب صار وزنها 58 ( تخيل ) ،،

بعدها سوت شفط لمنطقه البطن ،، لكن ما شاء الله ولا كأنها مسويه عمليه ،، كأنها كانت ضعيفه من البدايه وتلعب رياضات خفيفه ومشي
اختي الطرف الاغر لوسمحتي اسألي ريفجتش وين سوت شفط لمنطقة البطن وهل هو احسن مكان وكم كلفت العملية وعند اي دكتور