طلب استشارة من اخواني .. وعيال بلادي الله لا يهينكم .. ضروووري

[مشتاقة لقطر]

مررررحبا شباب بلادي


والله انا ابي فزعتكم وشوركم علي بموضوع كنت باسويه بس قلت اخذ راي اخواني راعييين الخبرة


احسن


الجزء الاول

انا مطلعة سجل تجاري لمستلزمات نسائية ..
وكانت نيتي اني اخذ لي محل بس ماالله كتب لي احصل المكان اللي ابيه ولا سعر مناسب


ففكرت اني ااجر السجل على اي حد من الاجانب

شهريا او سنويا ؟؟
ولقيت لي وحدة عن طريق المندوب السوداني ..اللي خلص لي السجل ..

بس خوفوني من ناحية انه ممكن يسحبون على المحل فلوس من البنك او يجيبون فيز وغيره بدون علمي


وانا كنت مستبعدة هالشي لان تفكيري اللي بياخذ المحل .. بياخذه يزاول فيه نشاط تجاري وبس ..

؟؟ اللي غنده اي خبره او اي معلومة تفيدني

او عنده ناس مضمونين .. يستاجرون مني..

وممكن افتح افرع لاي نشاط ثاني

لو حد حاب

الجزء الثاني .. من استششارتي

رخصة البلدية .. كم تكلف ؟؟ لانه حيروني كل واحد يقوللي سعر ..


واكون شاكرة لكم ..

[الخيال قطر]

بالتوفيق اختي

ان شالله الاخوان يساعدونك للاسف ماعندي خلفية ولا كان نورتج بالموضوع

كل عام وانتوا بخير

[المشرفي التم]

اعتقد والله اعلم ان القانون ما يسمح تأجير السجل ويعتبر هذا من انواع التستر ولكن ممكن المشاركه حسب النسب اللي حددها القانون وهذا يفيدونك فيه وزارة الاقتصاد
كما ان المسأله القانونية بتكون عليك في اي موضوع يخص السجل لأنه باسمك
والافضل حسب رأيي المشاركه اذا ما تقدرين اتقومين بالعمل لحالك
والله يوفقك

[مستثمر 999]

اختي الكريمه كل شي جايز
والقانون الجديد للبلديه او( الداخليه ) بمنع وضع اسم الشريك في قيد المنشأة وذالك يعني ان الشريك او الشخص الي يأجر السجل ويلع رخص البلديه الخ الخ هو المخول الوحيد اذا فتح حساب في البنك باسم المحل او برقم السجل التجاري وكذلك في استخراج التاشيرات للعمال يدخلونهم البلد ويجبرونهم على دفع اجور لهم وهذا الشي غير قانوني ...وغيرها من المشاكل انتي في غنى عنها مقابل مبغ 500 في الشهر زايد قاصر شوي .

[مستثمر عقاري]

اختي مشتاقه لقطر


انصحج اختي تبعدين عن موضوع تأجير السجل .. وحاولي تلقين لج شريك للنشاط التجاري اللي بتستثمرين
فيه لان مثل ماتفضلوا اخواني المشرفي التم ومستثمر مقرود وقالوا انه فيه نوع من التستر وللأسف بعض
الناس اللي تستأجر السجل تقوم ببيع الفيز على بعض العمال الاسيويين المساكين اللي يدورون لقمه العيش
ولما يوصلون البلد يتفاجأون بواقع غير اللي كانوا جايين على أساسه ويخلونهم يسرحون ويمرحون في البلاد
الكلام يطول في الامور هذي وانا حبيت اوضح وأؤكد الكلام اللي اسبقوني فيه الاخوان واتمنى ان كلامي مايكسر عزومج في التجاره .. لكن التأني وعدم الاستعجال شي طيب وانا حاضر لاي استشاره


وبالتوفيق ان شاء الله

[مشتاقة لقطر]

مشكورين اخواني على مشاركتكم ..

بخصوص كلامكم كله صح ..


بس بعد انا مش محتاجة شريك


ولا احب الشراكة ابد .. لانه وراها حسابات وذمة .. وانا مش متابعة ..


بس يعني اللي فهته من كلامكم انه ... ممكن هم يستخدمونه باي طريقة يبونها سواء استقدام فيز او سحب فلوس

؟؟؟؟


هذي النقطة اللي ابي افهمها

يصير انهم يقدرون يسوون والا لا؟؟


القانون انا عارفته .. انه ما يسمح .. بس بباجر المحل باسمي والسجل باسمي واللي يشتغل فيه على كفالتي وين الغلط ؟؟ وين المخالفة ؟؟

بس النشاط والبضاعة على المستاجر انا اخذ شهريا .. مبلغ وقدره .. مش اقل من 3000


اخوي الي قلت لي اجاره 500 وين عايشين انا دافعة فيه 6000

يعني اذا 500 بالشهر ما سويت شي .. دفعت كاش 6000 واقسطها على نفسي 500 كل شهر بالسنة بتصير 6000

يعني صبها وردها .. او تيتي تيتي مثل ما رحتي جييتي ..

انا انعرض علي تاجيره ب4500 بالبداية بس خفت وعقب صار 3000 شهريا ..

بس استخرت بالموضوع وما ارتحت .. للشخص ..


عموما


بعد انتظر رد على اسالتي

[سوق واقف]

أنا قلت رأي على الخاص

[مشتاقة لقطر]

يسلموووو سوق واقف

عجبني رايك

بس الاسعار اللي قلتها .. مستغربتها انا ؟؟

لان اما الكواليتي مب لي هناك .. او انه السعر اللي بينحط خيالي على الشي ..

بس بعد اقول حلوة الفكرة اطبقها هنا ببوظبي ببيتي ملكي .. ومساحة الحوش عندي اكبر من الفيللا نفسها


اما ببيت اهلي بقطرمالي حكم ولا تصرف .. كفاية حاطة اغراضي واستلامهم وتسلمهم من عندهم . .


ربنااااااااااااااااا كريـــــــــــــــــــــــــــــــــــــم


ومشكوووووووووورين


وانتظر اراااااء اخرى .. تجااارية .. بصورة ادق

والقانونية للحين ما وصلتني الفكرة اللي ابيها ؟؟ اذا ممكن يسحبون فلوس او يستقدمون عمالة بدون علمي

[دولـة قطـر]

اجري وتوكلي على الله

لكن خلي كل شي بأسمك وتحت تصرفك

الامور البنكيه وجميع الاجراءات القانونيه

لاتعتمدي على الثقه لانها ماتوكل عيش

اهم شي ابتعدي عن التوكيل نهائيا

والموضوع بسيط ان شاءالله

والاستخاره مطلوبه

تقبلي تحياتي

[Qatar1122]

اختي الكريمة..
من باب النصيحة لا أكثر ولا أقل.. ابتعدي عن موضوع تأجير السجل لأسباب عدة..منها:-
1- عدم الإلتزام بسداد ايجار المحل
2- عدم دفع الفواتير ( واذا كانت الرخصة مؤسسة فالمصيبة أعظم )
3- عدم دفع رواتب العمال
4- الإشتغال بالرخصة و اذا كانت بضاعة قد يأخذ طلبيات بالأجل ومن ثم عدم السداد أو التلاعب سندات القبض و من ثم مشاكل مع الزباين
رأيي الإشتغال بالرخصة والله بيوفقج إن شاء الله

مع تحياتي
Qatar1122

[rebal_alnajm]

ممكن تشيكين الخاص

[مشتاقة لقطر]

مراحب اخواني

ما تقصرون والله


بس اللي لاحظته انه كل حد يقترح علي اني افتح المحل .. واشارك

او اسوي لي بضاعة ومش عارفة ايش ؟؟


انا مش جديدة بالتجارة انا لي سنتين وزود


ولي زباين على كبر الدوحة ومن زود الضغط اللي علي بالتوصيلات فكرت بسالفة المحل


بس الاجارات تكسررررررر الظهر .. يعني لو اخذت المحل وزدت باسعاري طفشنا الزباين ..


عموما

تبون الصدق طلعتو من راسي فكرة تاجير السجل


بس بعد اذا بااجره ..بااجره على هنيدي تصغير هندي يعني يخاف لا يتلاعب ..

هههههه


تسلمون

وممكن بعد تفيدوني وتفيدون غيري

بطرح افكاركم على العام افضل

ربل النجم

يسلمووو على الفكرة

بس بعد يمنعني منها شي ..
اني مش متواجدة بقطر عشان اتابع توزيع البضاعة ..