المساعد الشخصي الرقمي

مشاهدة النسخة كاملة : ارباح 5% شهريا ( اشك في ذلك !! )


Bin Hood
14-10-2007, 12:14 AM
السلام عليكم ورحمة الله وبركاته

قرأت في احدى المنتديات هذا الموضوع المنقول

واللي يقول راعيه ان الربح 5% شهريا :deal:

بس انا السالفه هب داخله راسي :anger3:

اقلبها اقلبها في راسي وافكر صج والا ؟؟ :playball:

وعنكم الحين يبتدي النقل

الشرح الموجز

السلام عليكم



الاسم التجاري


الدانه الزرقاء
المقر
دولة الامارات


نقوم بالاستثمار في عدة مجالات

المستثمرين لدينا من كل دول مجلس التعاون الخليجي

ولله الحمد



يتم عمل عقد بينا وبين المستثمر مدته سنه وشهر

يقوم المستثمر بتحديد راس المال الموجود لديه



يتم الاتفاق على توزيع ربح شهري بنسبة 5% لمدة سنه

كل ست اشهر يتم استخراج الارباح الناتجه عن المشاريع لدينا ويتم توزيع باقي الارباح على المستثمرين بشكل نصف سنوي



يعني مثال

لو ان الارباح وصلت 9% يكون المستثمر وقتها استلم 5% والباقي يتم تسليمه له

عند انقضاء فترة العقد المحدده يتم ارجاع راس المال الاصلي له
وفي حال استمرار المستثمر في العقد يتم عمل عقد جديد بالمده المحدده

يتم ايداع الارباح شهريا في حساب المستثمر سواء كان في اي دوله

انتهى النقل شرايكم

هناك بعض النقاط التي لم تذكر مثل , كم مدة استلام الارباح ؟

ملاحظة : تم وضع الموضوع للاستفسار منكم , وليس للترغيب في العرض او التنفير منه
وسأقوم شخصيا بالذهاب الى احد المكاتب التابعه لهم للاستفسار
قطري طموح
14-10-2007, 12:45 AM
خوي بن هود غلطت الشاطر بالف لاتقع في فخ هذي الشركات والقانون قد لايحميك في كل الاحوال ، اغلب هذه الشركات تتحايل على صاحب رأس المال وتمارس عليه النصب كما حصل مع شركة المدينة .
Bin Hood
14-10-2007, 03:56 AM
خوي بن هود غلطت الشاطر بالف لاتقع في فخ هذي الشركات والقانون قد لايحميك في كل الاحوال ، اغلب هذه الشركات تتحايل على صاحب رأس المال وتمارس عليه النصب كما حصل مع شركة المدينة .

تسلم على الرد اخوي

انا بعد شكيت في السالفة وقلت انها غير طبيعية
bo_besht
14-10-2007, 06:44 AM
ما اتوقع انه في شركه ممكن تعطيك على راس المال فائده او ربح شهري بقيمه 5%

تأكد من تسجيل هذه الشركه و مركزها القانوني من المصرف المركزي الاماراتي و اذا كانت تزاول هذي المهنه تحت اشرافهم
قبل لا تضيع عليك فلوسك مثل ما صار في شركه المدينه
هسلان
14-10-2007, 07:26 AM
التجارة ربح وخسارة
واللي يقولك ربحك مضمون كذا............... ولم يتحدث عن الخسارة معناته نصاب
نصيحتي خل فليساتك عندك وبعد عن الشر وغني له
حبّار
14-10-2007, 08:31 AM
الظاهر ان جورج هرب للامارات وفتح شركة جديدة !
tawash
14-10-2007, 12:02 PM
هذي خدعه قديمه من اوائل القرن الماضي وبدأتها المافيا .. وبدايه تعطيك من راس مالك وهي تعتمد على معادله رياضيه ان كل مستفيد راح يجيب لهم 10 زباين ومع الوقت تلاقي ان الايداع يزداد بنسبه اكبر من مايدفعوه ومايدفعوه ماهو الا من المبالغ التي تأتيهم ...
حتى يأتي وقت لاتجد لهم أثر .... يمكن الي دخلوا بالاول يستفيدون لانهم طعم للاخرين ..
بن كهلان
14-10-2007, 01:43 PM
اخوووووي بن هود جود فلوسك ثم عض عليها باالنواجد ولا تدخل مثل هذه الشركات النصابة لانها صارت عندنا في قطر نفس القصة مع شركة المدينة للاستثمار وانا احد ضحاياها (اتذكر مرة رحت با خذ ارباحي الشهرية والمفروض انها تتم بعملية رسمية يعني تستلم شيك با لارابح وتروح لقم الحسابات وتعطيهم الشيك ويعطيك فلوسك0000لكن اللي صار كان فيه شوية زحام ولا حبيت انتظر قلت با حاول اكلم احد المسؤلين ان يصرف لي الشيك 00شوي خذ الشيك من عندي وعطاني الفلوس من جيبه وقطع الشيك 00يعني نصب بس ما كنا ننته ولا نفكر) المهم يا بن هود ارجو ان تحذر ربعك وكل من يتحدث عن ها الموضوع با نه نصب واحتيا ل 0الله يوفق الجميع لما فيه الخير ودمتم بخير
الصياد
14-10-2007, 03:17 PM
يقول المثل :

" وش دراك إنها كذبه ........ قال من كبرها :yes:

أصلا أفضل بنوك في العالم لا تتجاوز أرباحهم في أحسن الأحوال عن عشره بالميه في السنه يعني بالشهر ما يتجاوز 0.8 % وانت تقول لي خمسه بالميه حدث العاقل بما يعقل ، وبعدين معقوله فيه ناس ما تعلموا للحين من أخطاء الآخرين !!!!

حسبك من شر سماعه :yes:
Bin Hood
14-10-2007, 06:04 PM
اشكر الجميع على الردود

طبعا انا اقتنعت في كلامكم بنسبة 100%

وقررت اني حتى ما امر على المكتب مالهم
نمر بن عدوان
15-10-2007, 01:56 AM
اخوي بن هود راعي الشركه اسمه /فادي من جنسيه شاميه والكفيل مواطن اماراتي .الشركه راس مالها 100الف درهم وعلى كلام راعيها وصلوا الحين 5مليون درهم ومقر الشركه العين واستثماراتهم في العقار والشركه توها جديده وحتى مقر الشركه توه ينصبغ .واذا تبي رقم راعيها خبرني باطرشه لك عالخاص
Bin Hood
15-10-2007, 03:30 AM
طرشه اخوي

بس انا الشركة شوي عافها الخاطر عقب كلام الشباب

بس انت ما قلت لنا رايك

على فكرة هالايام نكك ( اسمك المستعار ) قايم سوقه
AL-QATARE
15-10-2007, 03:41 AM
ياخوي انا بنصحك انحش لايصير فيك مثل للي صار فيهم نااااس واجد اعرفهم عندنا في الكويت ومن السعوديه

في شركة اسمها ( هاااابتكو )كان لها فرع في البحرين وفرع با الكويت كانت تعطي 10% شهريا على ماعتقد اذا مو اكثر واخر شي قفولو الشركة وربح من ربح وخسر الباااااااااقي

واسمه كان محمد على والحين مرفوع ضدها قضيه الشركة في الكويت وقضيه في لندن لانه مقيم في لندن المصري الحين صاحب الشركة

والراي لاول والخير لك
نمر بن عدوان
15-10-2007, 04:14 AM
طرشه اخوي

بس انا الشركة شوي عافها الخاطر عقب كلام الشباب

بس انت ما قلت لنا رايك

على فكرة هالايام نكك ( اسمك المستعار ) قايم سوقه

اخوي بن هود هذا الموقع تقدر تستفيد منه لان الحوار فيه مع صاحب الشركه وفيه اي شي تسئل عنه..
http://uaesm.maktoob.com/vb/showthread.php?t=150481


اما اذا بتسئلني عن رايي انا متوجس من الشركه لان نشاطها مابدى للحين وتواعد الناس ب5% شهريا وبضمان راس المال وبسحب راس المال اي وقت وهالشروط يصعب على اكبر الشركات تطبيقها.
simsim1963
15-10-2007, 09:00 AM
ممكن العنوان ياشباب والله فرصه ذهبيه 5 % ولا احسن بنك يعطيك
متابع الأسهم
16-10-2007, 11:47 AM
come on guys
Not Again
YOU ALL BECAREFUL

In the past we had
Al-Asta company in kuwait
Alrayan company in egypt
Hibtco company in UAE & BAHRAIN
AND NOW BLUE DANA IN UAE

what is unfortunate is that too many replies and no one talked about islamic fatwa in this issue.

Guaranteed profit is HARAM
عتيج الصوف
16-10-2007, 12:45 PM
خلنا على البورصة احسن لنا ,,,