للجادين فقط فقط فقط ولهاوين التجارة المربحة للبيع مكتب تأجير سيارات في شارع السد!!!

[فاهد العذبة]

الوصف : مكتب تأجير سيارات بالسجل التجاري بالأسم + عقارات وتخليص المعاملات
الموقع : شارع السد بالقرب من مرمرة اسطنبول
عدد السيارات : 14 سيارة
النوع : هوندا سيفك & هوندا أكورد
الموديل : 6 هوندا سيفك 2006 & 6 هوندا سيفك 2007 & 2 هوندا أكورد
اللون : ابيض الأغلبية & اسود & رصاصي & كحلي
الحالة : قاطعة موديل 2006 مابين 25 الف وال40 الف وال2007 مابين 20 الف وال10 الاف كم وبحالة جيده جداُ
التأمين : شامل لجميع السيارات ماعدا عدد 2 سيفك موديل 2006
المكتب : ميزان واحد ( خبرك مكتب تأجير سيارات ) أثاث راقي جداُ ودك ماتطلع منه :)
كم باقي ع السيارات ؟؟؟!!!
السيارات موديل 2006 تقريبا السنة الجاية اي 2008 ع نهاية 2008 بتكون متحرره او بداية 2009 اما سيارات ال2007 تو الناس يبي لها 3 سنوات تقريبا
القسط: السيفك موديل 2006 قسطها 1260 وال2007 قسطها 1400اذا ماخاب ظني
الأكورد قسطها حوالي 1670

الوضع الحالي : الحمد لله السيارات كلها متأجره وطالعة لفترات شبه طويلة والحالة الحمد لله ممتازة
ايجار المحل : 3500 لمدة سنة اي لشهر 6 السنة الجايه 2008
المدخول الشهري الصافي : مابين 15 الف لل 17 الف ( صافي ) اي بعد دفع الاقساط والايجار المكتب وراتب الموظف
المدخول ممتاز جداُ
ظروف البيع : والله مو عشان خسران ولا شي الحمد لله شهريان احط ف جيبي من ال15 الف ال 17 الف ريال بس فكرت اروح دراسه ع حسابي برااا بريطانيا وابي استفيد واصرف ع نفسي لاني بفنش والله هذا الظرف لحد يفكر انه خسران او عوار راس كل السيارات مأمنه تأمين شامل وكل شخص يدفع وعنده شيكات وعندك موظف شاطر جدا مريحك :)
واللي يحب يتكلم بجد يسأل عن النشاط وبيعرف انه يدخل ذهب بس يبي له واحد يعرف له او يتفرغ له
والللي عنده اي استفسار يراسلني او يرد ع الموضوع اظن كتبت كل اللي تبونه من الأسئله والموضوع شامل :)
السعر المطلوب : فوق ال400 ألف ريال للمزايده طبعاُ لأني ببيع المحل بكل مافيه
تحياتي للجميع بس للجادين ياشباب لأنه موضوع بزنس مافيه لعب :)

[اهـم001]

الله يوفقك ان شاء الله

[strong pilot]

الله يوفقك ويجزاك خير الصراحه شيء طيب والله مكان وسعر زينين بس اخا لو في قريشات
عالعموم الله يوفقك اخوي

[مشتاقة لقطر]

الله يوفقك يارب

[Bin Hood]

اخوي نصيحة اخويه

خل احد من ربعك هلك معارفك جماعتك او احد ثقه

يدير المحل مقابل مبلغ او نسبة

افضل من ان ينباع المحل

وخسارة عليه خاصتا ان المحل رابح ويدخل لك مبلغ لا باس فيه

الله يوفقك وشوف اللي اصلح لك

[فاهد العذبة]

الله يوفقكم جميعا صح المدخول حلو وممتاز بس عيبي اني بسافر دراسه يعني يبي لي راس مال لاني بروح ارس ع حسابي :)

[qatarGas]

could you please send me your contact number

[فاهد العذبة]

تم الارسال

[ملكة الأسهم]

الله يوفقك بس مثل ما قال لك اخونا خل المحل ينفعك خصوصا انك بتدرس ع حسابك

لو انك تطلب من احد يشاركك المحل لو النص بالنص بتكون انت الربحان

خسارة على المحل اذا هو ماشي سوقه واحسن لك انك تستخير

وما خاب من ستخار

وعرضك فرصه كبيرة للجميع بس فكر اكثر بالموضوع

الله يوفقك

[فاهد العذبة]

مشكوره اختي
بس والله اذا انا ما ادير الحلال بنفسي ماراح اكون مرتاح وخصوصا اني تعودت اني اكون مجابل حلالي وف نفس الوقت دام اني بسافر مده طويله بتفرغ لدراستي والبزنس لاحقين عليه يبيله وقت وراس فاضي :)
المهم انه معزم اي حد جاد يرسل لي رقمه او رساله ع الخاص
وللعلم انا بنزل اعلان بعد كم يوم ف الوسيط اللي يبي قبل حياه الله ترى سعر الوسيط اغلى :)

[ذيبه مزاجيه]

الله يوفقك ان شاء الله في دراستك و بعد ما ترد يعوض عليك باللي احسن من المحل ^_^

والله يجدم اللي فيه الخير لك .. وان شاء الله تلاقي شراي جاد :)

بارك الله فيك

[فاهد العذبة]

وبارك الله فيج ع هالرد
ونشوف الجاد

[Abu Abboud]

والله ياخوي الوقت غلط وله فرصه ماتتعوض بس ابشر بلي يجيبلك شراي

ولو عندي قريشات مانطرت الله المستعان

وانشاءالله مايصير الا كل خير اخوي انت لين مته بتكون موجود يعني انت اشكثر حاط وقت لين ينباع

يعني في وقت معين عندك وله لين مب مشكله لو يتاخر على الاقل شهر ؟؟؟

[فاهد العذبة]

انا قدامي تقريبا شهر ونص بس لو كان قبل احسن عشان ارتب اموري :)

[فاهد العذبة]

واذا ماجاب لي سعر زين او مافي احد جاد عادي بخليه يكد علي انا بصراحه بين فكرتين والحمد لله مب خسران فيهم

[الكاسر007]

بالتوفيق ان شا الله ياريت تطرش رقمك على الخاص بشوف لك واحد ان شا الله
وطرش اسم المحل على الخاص

[فاهد العذبة]

تم الإرسال الرقم واسم المحل ع الخاص اخوي الكاسر

[فقط قطر]

اخوي....الدفعات اللي دفعتها للسيارات كم....
عملية قلب عقد الايجار باسم المشتري...

[فاهد العذبة]

اخوي....الدفعات اللي دفعتها للسيارات كم....
عملية قلب عقد الايجار باسم المشتري...

تم الارسال الاسفسار ع الخاص

[فاهد العذبة]

في احد له خاطر ولا نسكر الموضوع

[hich]

انا رايي ان المحل بيجيب لك أكثر لان خلو شارع السد أقل شي 280 الف ريال
يعني محل مثل محلك شغال و سيارات وموظف المفروض يكون السعر في حدود 570 الف
هذا للعلم والمثل يقول لا تبخسو الناس حقوقهم

واحد من الشباب شاري محل تأجير في سوق التأجير في العزيزية ب500 الف وهاذي العزيزية

كيف السد


والله يوفقك يأخوي

[سلامي للكل]

السلام عليكم ورحمة الله وبركاته

ممكن اخوي السعر النهائي او السعر اللي وصل اليه المحل...؟ لو سمحت (على الخاص)

وان شاء الله خير

[فاهد العذبة]

تم الارسال اخوي ع الخاص

[][ بوجاسم ][]

الله يوفق ان شاء الله في دراستك

ونفس ما انت قلت خل البزنس بعد ماتجيب الشهاده لأنه لو خسرت في البزنس لاسمح الله ع الأقل بتحصل لك وضيفه تمشي امورك فيها

[فاهد العذبة]

[ بوجاسم ][;2091905']الله يوفق ان شاء الله في دراستك

ونفس ما انت قلت خل البزنس بعد ماتجيب الشهاده لأنه لو خسرت في البزنس لاسمح الله ع الأقل بتحصل لك وضيفه تمشي امورك فيها

جزاك الله خير انا عندي دراسه وعندي بزنس صغير يعني بقسم اللفلوس :) بس وين الجاد تعبت من الناس اللي بس :tomato: يحبون بس يسألون ومن حقهم بس بجديه :)

[mej462]

الله يوفقك

[فاهد العذبة]

ويوفق الجميع ان شاء الله

[مستثمر 999]

ممكن اخوي السعر النهائي او السعر اللي وصل اليه المحل...؟ لو سمحت (على الخاص)


وطريقة الدفع

[busnaidah]

بالتوفيق

[فاهد العذبة]

وياك يارب :)

[فاهد العذبة]

ممكن اخوي السعر النهائي او السعر اللي وصل اليه المحل...؟ لو سمحت (على الخاص)


وطريقة الدفع

تم الارسال اخوي وحياك الله وبالتوفيق ان شاء الله:app2:

[Qtrun]

اخوي سبيايســMaNــي يعطيك العافيه على سرعة ردك بالخاص بس اخوي بعد الاستفسار عن الموقع اللي قلت لي عنه قالوا لي عليه إزاله !!!

مادري اذا كان عندك خبر بالموضوع او لا ؟

[مساهم22]

ياليت تشوف الخاص اخوي

[فاهد العذبة]

اخوي سبيايســMaNــي يعطيك العافيه على سرعة ردك بالخاص بس اخوي بعد الاستفسار عن الموقع اللي قلت لي عنه قالوا لي عليه إزاله !!!

مادري اذا كان عندك خبر بالموضوع او لا ؟

مافي عليه ازاله لانه تبع الشيخ مو تبع الحكومة والشيخ سألته ومافي اي ازاله لمدة 5 سنوات قدام

[فاهد العذبة]

ياليت تشوف الخاص اخوي

:thumbup: بتصل فيك

[قطري عصامي]

ممكن السعر اللي وصله المحل؟

[فاهد العذبة]

420 الف بس الشراي لحد الان مو جاد 100 %

[قطري عصامي]

زين وين المحل على الخاص ، ابي امرك واشوفه

[فاهد العذبة]

زين وين المحل على الخاص ، ابي امرك واشوفه

تم الأرسال عالخاص

[فاهد العذبة]

للعلم المحل وصل 420 ألف حد بيزيد ؟؟؟؟
مع رخصة سجل عقارات وتخليص معاملات

[فاهد العذبة]

ننتظر الجادين :)

[بوحارب]

الله يعينك

[فاهد العذبة]

ويعين الجميع

[Qataraholic]

ويعين الجميع

ممكن تلفونك لز تكرمت والوقت المناسب للأتصال

[فاهد العذبة]

ممكن تلفونك لز تكرمت والوقت المناسب للأتصال

الشيخ انت توك ماكملت 100 مشاركه ماقدر اطرش لك ع الخاص
طرش لي ايميلك وان شاء الله خير

[فاهد العذبة]

أخوي مشرف القسم ارجوا الغاء الموضوع واغلاقة لعدم وجود الجديه في الشراء