المساعد الشخصي الرقمي

مشاهدة النسخة كاملة : مالفرق بين اليوكن(GMC) والتاهو (chevrollete)


رنج سبورت
17-10-2007, 02:20 PM
استفسار للي عنده خبره بها المواتر...

الفرق بين اليوكن الجديد والتاهو الجديد

الافضل من حيث الخدمه في الوكاله ...
الافضل من ناحية الشكل...
الافضل عند البيع ...

وهل الافضل شراء السياره بدبل والا بدون دبل ؟؟

رايكم اذا الواحد يجيبه من السعوديه يفرق بالسعر والمواصفات وهل يتم اعطائك ضمان من الشركه في الدوحه ؟؟
سهم123
17-10-2007, 02:26 PM
لا توجد خلفية لدي كثيرة

-اليوكن أفخم أشوي و سعره أعلى من التاهو

-الخدمة الأثنين ممتازين على ما أعتقد

-اليوكن أحلى لكن التاهو عملي

- الفورويل خيار ثابت و ليس أختياري ؟

- بخصوص السعر صديقي شرا يوكن من السعودية أرخص 20000 على حسب قولة

- و إن شاء الله الأخوان يفيدونك أكثر
رنج سبورت
17-10-2007, 02:28 PM
لا توجد خلفية لدي كثيرة

-اليوكن أفخم أشوي و سعره أعلى من التاهو

-الخدمة الأثنين ممتازين على ما أعتقد

-اليوكن أحلى لكن التاهو عملي

- الفورويل خيار ثابت و ليس أختياري ؟

- بخصوص السعر صديقي شرا يوكن من السعودية أرخص 20000 على حسب قولة

- و إن شاء الله الأخوان يفيدونك أكثر

تسلم عالرد ياسهم 123 وننتظر راي باقي الاخوان
rashid-1
17-10-2007, 04:00 PM
كلهم حق سنه بس وبعدين توديهم السكراب
Al@kuwari
17-10-2007, 06:40 PM
استفسار للي عنده خبره بها المواتر...

الفرق بين اليوكن الجديد والتاهو الجديد

الافضل من حيث الخدمه في الوكاله ...
الافضل من ناحية الشكل...
الافضل عند البيع ...

وهل الافضل شراء السياره بدبل والا بدون دبل ؟؟

رايكم اذا الواحد يجيبه من السعوديه يفرق بالسعر والمواصفات وهل يتم اعطائك ضمان من الشركه في الدوحه ؟؟



1 مافي فرق بينهم نفس المكينه ونفس البدي ونفس القير اهم شركه وحده اصلاا في امريكا اسمها جي ام موتورس ماعدا الوجه الاامامي طبعا التاهو وجهه احلى ..

2 انا بصراحه ماجربت خدمة الجمس لكني جربت خدمة الشفر واشوفها معقوله...

3 طبعا افضل في الشكل التاهو وجهه احلى بوايد من البوكن...

4 طبعا الاافضل للبيع اليوكن لانه اتعرف سوقنا مايعرف شي اسمه شفر...

5 واكيد احسن دبل لانه بينفعك عند البيعه....

6 وانا اشوف اتجيبه من السعوديه ارخص لك بوايد واتوفر لك كم الف انت في الفايده ةالضمان عالمي وفي كل مكان...

واي استفسار انا حاضر...
رنج سبورت
18-10-2007, 01:10 AM
كلهم حق سنه بس وبعدين توديهم السكراب

:omg::omg:
شكرا عالرد
رنج سبورت
18-10-2007, 01:11 AM
:nice:

1 مافي فرق بينهم نفس المكينه ونفس البدي ونفس القير اهم شركه وحده اصلاا في امريكا اسمها جي ام موتورس ماعدا الوجه الاامامي طبعا التاهو وجهه احلى ..

2 انا بصراحه ماجربت خدمة الجمس لكني جربت خدمة الشفر واشوفها معقوله...

3 طبعا افضل في الشكل التاهو وجهه احلى بوايد من البوكن...

4 طبعا الاافضل للبيع اليوكن لانه اتعرف سوقنا مايعرف شي اسمه شفر...

5 واكيد احسن دبل لانه بينفعك عند البيعه....

6 وانا اشوف اتجيبه من السعوديه ارخص لك بوايد واتوفر لك كم الف انت في الفايده ةالضمان عالمي وفي كل مكان...

واي استفسار انا حاضر...

وفيت وكفيت يالكواري
m6nesh1
18-10-2007, 07:04 AM
هلا اخوي
بالنسبه لي انا خذيت التاهو شكله احلى بس للاسف ما مشى معاى 15 الف كيلو وتبطل علي الايرباق بس لاني حكيت الرصيف
مو ظربت ولا رحت سيلين ولا شئ وبصراحه يقولك خدمه الطريق 24 ساعه كله كذب بكذب دقيت عليهم ماحد رد علي وتحول للكول سنتر اللى في دبي وبنفسه قال لي الريال بمعناه الخدمه تعبانه في الفرع اللى في قطر
وكنت اراجع الشركه علشان موضوع السيارة واتاري في سيارة ثانيه بعد تبطل الايرباك غير موتري هاى شفروليه
وقبل كم يوم يكلمني رفيجي يقول في ريجه عنده يوكن وعلى خط بوسمرة تعرف الطريق شلون حفر المهم عاد مشى على حفرة ولا تبطل عنده الاير باق بس الفرق يقول يابوله سطحه شركه الجمس مو الشفروليه ماحد رد عليك و مادفع شئ وعطوه موتر غير
اما بالنسبه لس دفعت حق الممشى الموتر ماشي 15 الف دفعت 15 الف عشان اخذ واحد يديد او يتصلح
طبعا خذيت يديد وعلى طول بعته
السني 73
18-10-2007, 11:00 AM
الفرق بس في الوجه والأصطابات الخلفيه لكن مافي شي ثاني .... بس اسأل عن السيارتين قبل لا تاخذها لأن اشوف الي عندي من قرب على الثلاث سنوات بطل حلجه .... والحين هو محذوف في الوكاله المكيف ضارب عندي من غير اي سبب .... لا وماعطيني ضمان 5 سنوات على الفاضي وفي الأخير يقولون لي هالقطعه هي عليك تصليحها .
رنج سبورت
18-10-2007, 01:29 PM
هلا اخوي
بالنسبه لي انا خذيت التاهو شكله احلى بس للاسف ما مشى معاى 15 الف كيلو وتبطل علي الايرباق بس لاني حكيت الرصيف
مو ظربت ولا رحت سيلين ولا شئ وبصراحه يقولك خدمه الطريق 24 ساعه كله كذب بكذب دقيت عليهم ماحد رد علي وتحول للكول سنتر اللى في دبي وبنفسه قال لي الريال بمعناه الخدمه تعبانه في الفرع اللى في قطر
وكنت اراجع الشركه علشان موضوع السيارة واتاري في سيارة ثانيه بعد تبطل الايرباك غير موتري هاى شفروليه
وقبل كم يوم يكلمني رفيجي يقول في ريجه عنده يوكن وعلى خط بوسمرة تعرف الطريق شلون حفر المهم عاد مشى على حفرة ولا تبطل عنده الاير باق بس الفرق يقول يابوله سطحه شركه الجمس مو الشفروليه ماحد رد عليك و مادفع شئ وعطوه موتر غير
اما بالنسبه لس دفعت حق الممشى الموتر ماشي 15 الف دفعت 15 الف عشان اخذ واحد يديد او يتصلح
طبعا خذيت يديد وعلى طول بعته
الموضوع يخوف
شفت اليوكون وسعره
150 الف omen

طيب اخوي الضمان شفايدته.؟.؟
رنج سبورت
18-10-2007, 01:30 PM
الفرق بس في الوجه والأصطابات الخلفيه لكن مافي شي ثاني .... بس اسأل عن السيارتين قبل لا تاخذها لأن اشوف الي عندي من قرب على الثلاث سنوات بطل حلجه .... والحين هو محذوف في الوكاله المكيف ضارب عندي من غير اي سبب .... لا وماعطيني ضمان 5 سنوات على الفاضي وفي الأخير يقولون لي هالقطعه هي عليك تصليحها .

ضمان 5 سنوات وادفع لهم :anger3:
السني 73
18-10-2007, 01:37 PM
ضمان 5 سنوات وادفع لهم :anger3:

يارجال الحين من شوي انا متصل فيهم يقولون لي ان الأشايء الي تحت الطبلون مايغطيها الضمان والسالفه كلها 600 ريال وخلاص واعطيه بكمن صرخه قالي خلاص 450 ريال ... وبعدها قلتله إذا اخترب الباور بتقولون لي الي تحت البراغي والبانه مايغطيها الطبلون ... لكن اقول الواحد يبا يدفعله 200000 حق الي موجود الحين في حوطة عبدالغني ابركله من هالمقصه كلها .... على الأقل سعره فيه لو بعته مب هاليوكن يدفعك من خراباته وفي الأخير موديل 2005 ينباع على 75000 :anger2:
m6nesh1
19-10-2007, 04:33 AM
الموضوع يخوف
شفت اليوكون وسعره
150 الف omen

طيب اخوي الضمان شفايدته.؟.؟

والله هالكلام اللى سمعته مني اللى صار واذا رحت شركه الجيده اسال عن المدير يقول لك بريطاني هالبريطاني قالي بالحرف الواحد لو ترفع قضيه في الاخير بتدفع بتدفع قلت له عيب مصنعي انا ما اتحمله قال علي كيفك قلت بكلم الجيده قال لي في الاخير بيرجع لي ويستشيرني لان هاى قوانين الشركه الام جي ام موتورز تدفع قيمة الاستعمال او الممشى ونعوضك بموتر يديد او يتصلح
ما في الا تويوتا
Aigner
19-10-2007, 01:28 PM
لاتحسبون ا ن ضمان التويوتا عدل

ترا ماعندهم الا الخراط

على الاقل ضمان الامريكي دولي
اذا تعطل عليك وانت مسافر تقدر تحطه عند الوكيل يصلحه

اما وكالة التويوتا عندنا ( العماله العربيه اللي عندهم بتوع الفهلوه ) لو المكينه احترقت وانت توك مستلم السيارة من داخل الوكاله

قال لك : ااااااااااااااااااه ماهو اصل ده من سؤ الاستعمال يا بيه
ادفع لك خماششر الف ريال ونصلح لك
ولا جيت تكلم المدير نفسه يبطل عيونه ويطالعك كانه اول مره يسمع بأن فيه ضمان يغطي العيوب المصنعيه اللي في السياره :eek5::eek5::eek5:

واذا على الامريكي وخرباته
عندي بالبيت اربع سيارات امريكيه ولا وحده تعطلت من نفسها
تدوس عليها تتعطل تخف رجلك تدوم معك
عندي شفر موديل 91 تم معي لين 2006 على يدي من الوكاله خرباته لاتذكر
وكل سوق له بضاعه وكل بضاعه ولها شراي

والسياره من رجل سايقها :fight:

والشفر والجمسي واحد ماكو اختلاف
mubarak2006
19-10-2007, 02:22 PM
هلا اخوي
بالنسبه لي انا خذيت التاهو شكله احلى بس للاسف ما مشى معاى 15 الف كيلو وتبطل علي الايرباق بس لاني حكيت الرصيف
مو ظربت ولا رحت سيلين ولا شئ وبصراحه يقولك خدمه الطريق 24 ساعه كله كذب بكذب دقيت عليهم ماحد رد علي وتحول للكول سنتر اللى في دبي وبنفسه قال لي الريال بمعناه الخدمه تعبانه في الفرع اللى في قطر
وكنت اراجع الشركه علشان موضوع السيارة واتاري في سيارة ثانيه بعد تبطل الايرباك غير موتري هاى شفروليه
وقبل كم يوم يكلمني رفيجي يقول في ريجه عنده يوكن وعلى خط بوسمرة تعرف الطريق شلون حفر المهم عاد مشى على حفرة ولا تبطل عنده الاير باق بس الفرق يقول يابوله سطحه شركه الجمس مو الشفروليه ماحد رد عليك و مادفع شئ وعطوه موتر غير
اما بالنسبه لس دفعت حق الممشى الموتر ماشي 15 الف دفعت 15 الف عشان اخذ واحد يديد او يتصلح
طبعا خذيت يديد وعلى طول بعته

اخوي بس سؤال لو سمحت ..يوم تبطل عليك الايرباق..السيارة تطفي وماتقدر تشغلها ولا تقدر تسوقها لين توديها الوكالة...لو سمحت رد علي... لان اذا السيارة ماتشتغل لين طلع الايرباق فهذي مصيبة

شكرا لك اخوي:strong3:
m6nesh1
19-10-2007, 07:17 PM
لاتحسبون ا ن ضمان التويوتا عدل

ترا ماعندهم الا الخراط

على الاقل ضمان الامريكي دولي
اذا تعطل عليك وانت مسافر تقدر تحطه عند الوكيل يصلحه

اما وكالة التويوتا عندنا ( العماله العربيه اللي عندهم بتوع الفهلوه ) لو المكينه احترقت وانت توك مستلم السيارة من داخل الوكاله

قال لك : ااااااااااااااااااه ماهو اصل ده من سؤ الاستعمال يا بيه
ادفع لك خماششر الف ريال ونصلح لك
ولا جيت تكلم المدير نفسه يبطل عيونه ويطالعك كانه اول مره يسمع بأن فيه ضمان يغطي العيوب المصنعيه اللي في السياره :eek5::eek5::eek5:

واذا على الامريكي وخرباته
عندي بالبيت اربع سيارات امريكيه ولا وحده تعطلت من نفسها
تدوس عليها تتعطل تخف رجلك تدوم معك
عندي شفر موديل 91 تم معي لين 2006 على يدي من الوكاله خرباته لاتذكر
وكل سوق له بضاعه وكل بضاعه ولها شراي

والسياره من رجل سايقها :fight:

والشفر والجمسي واحد ماكو اختلاف

انا معاك بس مهما كان ما تنكر في اخطاء مصنعيه
بحالتي ماشي 60 قاعد اتمشى حكيت الرصيف تبطل الايرباق
ولا عوضوني ولا شئ الا بعد ما ادفع والموتر يديد شالضمان هاى
m6nesh1
19-10-2007, 07:20 PM
اخوي بس سؤال لو سمحت ..يوم تبطل عليك الايرباق..السيارة تطفي وماتقدر تشغلها ولا تقدر تسوقها لين توديها الوكالة...لو سمحت رد علي... لان اذا السيارة ماتشتغل لين طلع الايرباق فهذي مصيبة

شكرا لك اخوي:strong3:


لا عادي اللى في الكول سنتر قالي ماحد بيجيك الحين من الشركه راقدين شكلهم
تقدر تشغل الموتر وترد البيت وباجر دق عليهم وبيجونك
Index Signal
19-10-2007, 07:38 PM
الجمس و الشفر ما عليهم كلام لكن المشكله في الوكلاء التعبانين اللي عندنا..

إسأل عن الخدمه في السعوديه و الامارات و الكويت و شوف الكلام اللي يسر الخاطر و الدليل شوف الامريكي شلون ماشي عندهم اكثر من الياباني..

بالنسبه للشكل انت مجرد ما تشوف وجه التاهو و وجه اليوكن بتختار التاهو بدون تردد..

التاهو احلى بالشكل اما من ناحية قطع الغيار و الماكينه كلها نفس الشي بالظبط..

ملاحظه : إذا تقدر تدفع زياده خذ لك تاهو Z71 دفع رباعي و ادعيلي..

بالتوفيق.
رنج سبورت
19-10-2007, 09:51 PM
والله هالكلام اللى سمعته مني اللى صار واذا رحت شركه الجيده اسال عن المدير يقول لك بريطاني هالبريطاني قالي بالحرف الواحد لو ترفع قضيه في الاخير بتدفع بتدفع قلت له عيب مصنعي انا ما اتحمله قال علي كيفك قلت بكلم الجيده قال لي في الاخير بيرجع لي ويستشيرني لان هاى قوانين الشركه الام جي ام موتورز تدفع قيمة الاستعمال او الممشى ونعوضك بموتر يديد او يتصلح
ما في الا تويوتا

يعني الضمان وجوده وعدمه واحد !!
رنج سبورت
19-10-2007, 09:52 PM
لاتحسبون ا ن ضمان التويوتا عدل

ترا ماعندهم الا الخراط

على الاقل ضمان الامريكي دولي
اذا تعطل عليك وانت مسافر تقدر تحطه عند الوكيل يصلحه

اما وكالة التويوتا عندنا ( العماله العربيه اللي عندهم بتوع الفهلوه ) لو المكينه احترقت وانت توك مستلم السيارة من داخل الوكاله

قال لك : ااااااااااااااااااه ماهو اصل ده من سؤ الاستعمال يا بيه
ادفع لك خماششر الف ريال ونصلح لك
ولا جيت تكلم المدير نفسه يبطل عيونه ويطالعك كانه اول مره يسمع بأن فيه ضمان يغطي العيوب المصنعيه اللي في السياره :eek5::eek5::eek5:

واذا على الامريكي وخرباته
عندي بالبيت اربع سيارات امريكيه ولا وحده تعطلت من نفسها
تدوس عليها تتعطل تخف رجلك تدوم معك
عندي شفر موديل 91 تم معي لين 2006 على يدي من الوكاله خرباته لاتذكر
وكل سوق له بضاعه وكل بضاعه ولها شراي

والسياره من رجل سايقها :fight:

والشفر والجمسي واحد ماكو اختلاف

عيب التويوتا ان الوكاله عندهم يخدمونك بالحجز :telephone:
رنج سبورت
19-10-2007, 09:54 PM
الجمس و الشفر ما عليهم كلام لكن المشكله في الوكلاء التعبانين اللي عندنا..

إسأل عن الخدمه في السعوديه و الامارات و الكويت و شوف الكلام اللي يسر الخاطر و الدليل شوف الامريكي شلون ماشي عندهم اكثر من الياباني..

بالنسبه للشكل انت مجرد ما تشوف وجه التاهو و وجه اليوكن بتختار التاهو بدون تردد..

التاهو احلى بالشكل اما من ناحية قطع الغيار و الماكينه كلها نفس الشي بالظبط..

ملاحظه : إذا تقدر تدفع زياده خذ لك تاهو Z71 دفع رباعي و ادعيلي..

بالتوفيق.

شكرا لردك بس حسب ماسمعت ان السيرفس في وكيل الجمس افضل من الشفر :looking:
Index Signal
19-10-2007, 10:11 PM
شكرا لردك بس حسب ماسمعت ان السيرفس في وكيل الجمس افضل من الشفر :looking:

يمكن يكون هالكلام صحيح و يمكن لا بصراحه ما جربت خدمتهم..

لكن شكليا لو انا مكانك بختار التاهو بدون تردد..

بالتوفيق
مفلوز
20-10-2007, 12:14 AM
السلام عليكم
اسأل مجرب ولا تسأل طبيب
السيرفس في الجمس والشفر ممتاز
بس احيانا تكون فيه زحمه
وبالنسبه للضمان انا عندي تاهو 2007 اخترب الزجاج مال الليتات الأمامية صار فيه مثل التشققات وديته الوكاله وقالولي عيب مصنعي وغيروا الليتاتالأمامية بالكمل ولا دفعت ولا ريال
اخو اشتر امريكي اذا انت مب راعي مطامر والله يفوقك .