يعني خلاص انقول طنش تعش و نسكت عن الحق

[مرحوم قطر]

السلام عليكم ورحمة الله وبركاته


شحالكم يا شباب و يا بنات


انا حبيت في هلموضوع اسرد لكم مشكله قامت تطلع في بلادنه و تنتشر ابشل كبير


وهي مشكلته الاجنبي الي صار شيخ علينه وهو ولا شي السبب انه حنى سكتنه

و سكتنه و سكتنه لين صرنه انخاف نتكلم




هذي هي بداية الكلام و بداية المشكله الي طلعت

وهلمشكله قامت تتجزء و تدخل في كل شي حتى خصوصياتنه و في دينه



حيث انه بدت اتصير حكم كن فيكون علينه



خلونه يا شباب انتكلم بصراحه و اناقش الموضوع ابعلاقنه و انحاول انحل مشاكلنه


يعني يا شباب شي يعور القلب صراحه

لما ايي اجنبي في بلاده ماعنده خبز ياكله ايي اهني و يتفلسف ابكلمتين و يصير شيخ من ولا شي

ولا اييك واحد تحت مسمى حرية الرائي يفرض عليك عاداته و يمنعك من عاداتك في بلادك



يالربع ما تلاحظون معاي ان قطر بعد ماكان اهلها يفتخرون ابتمسكهم بالدنيه

صارت هلبلاد و تحت شعار حرية الرائي اتطيح في الحفره الي طاحو فيها غيرنه



يالربع صرنا نشوف المناكر بعيونه قدامنه و محد يتكلم و اذا تكلم الحق مع راعي المناكر


صدق شي يعور القلب و يخلي الواحد يغلي لما يشوف هلانقليز و هلفلبينيات و الاندونيسيات

في الشوارع الي لابسه لين فوق نص الفخذ و الي لابسه بنطلوب لين تحت حدود الحوض


و تتمشى في الشوارع لا حسيب ولا رقيب وان تكلمت انطقيت على راسك


قمنه انشوف المناكر في كل مكان على بحورنه و في جزرنه و قدام الناس جهراً و بالعلن

هلاجانب ابمايوهاتهم متسدحات على السيف



كنهم يقولون لك يا مسلم هذا هو رضيت ولا انرضيت

قمنه نشوف في شوارعنا الاجانب تحرش عيني عينك ابشكل علني ولاهو ابمفتكر في حد

لانه يدري ان محد بيكلمه


نتمشى في السوق انلاقي اجنبي يمه اجنبيه يده على مناطق حساسه في جسمها قدام الخلق


و محد يتكلم لا شرطه ولا غيره الشرطه بس شاطره اتحط مخالفات



طيب و هلبلاوي من الي يحاسب عليها

من الي يحاسب على الصينيات و التايلنديات الي في الفرجان القديمه مثل الغانم القديم

و ام غويلينه في هلعمارات قالبينها دعاره بفلوس


ولا هلاجانب الي كلمن اييك شكله عربي وهو عربي و في يده تايلنديه يتمشى وياها

وين الشرطه وين الرقابه وين الدين وين الاخلاق

قمنه انشوف المساجد مانسمع فيها ذكر الله ولا الاذان ابتوصيات و تعاميم

قمنه نشوف الفسق و المنكر قدامنه وان تكلمت قالك انا كيفي



قبل كان يهبي اجنبي يتحرش في قطري


الحين مستعد يعطيه يسوي الي يبيه فيك لان يدري ان الحين القانون بينفصه


ولا اطلعت لنا حقوق الانسان

وينهي حقوق الانسان عن المشاكل الي اتصير حق المواطنين و البلاوي الي فيهم


بس شاطره اذا اشردة خدامه قالو كفيلها يضربها


انزين كفيلها صارف عليها دم قلبه عشان اييبها و في الاخير تطلع ماتشتغل تبي ترجع تشرد

اتروح حقوق الانسان ينصرونها ترجع المكتب اتروح بيت ثاني و انت ماشي مع الموال




وين الحكومه من المشاكل الي قمنه انشوفها

وينهم من البنات الي ياجرون لوميزينات و يطلعون من الفتحه يترقصون في الشوارع

و البنات الي يتبطحون في الكرنيش قدام الخلق كنهم الا يايين اهني يبشرون بالدين المسيحي





هلمشاكل وين الحل فيها


لين متى بنتم ساكتين لين يفوت الفوت


انا ابيكم يا شباب تدخلون و اتشاركون في هلموضوع و اتخلونه انلاقي حل

اتخلونه انحاول انلاقي حل عشان انحل مشاكلنه

ترى الله مايسعي مع العبد اذا هو ماسعا

و حنى ما بننصلح الا اذا حلينه مشاكلنه و وقفنه في وجها


ولكم التعليق

[حبر سري]

اخي الكريم

مع تحفظي على بعض ماورد في مقالك , ولكني احيي فيك غيرتك على اهل بلادك , واتمنى ان تتنامى هذه المشاعر مع كل المسلمين

وارى ان الحل اخي الكريم في ظل هذه الظروف والمغريات التي من حولنا , ان نجاهد الجهاد الاصغر :
جهاد النفس
نعم اخي الكريم

فلقد وصلنا الى مرحلة يصبح فيها القابض على دينه كالقابض على جمر , كما قال قائدنا محمد بن عبد الله عليه السلام

فاعتقد انه يجب على كل فرد يرى المنكرات ان يحاول تغييرها كما امرنا رسولنا الكريم عليه السلام , فان لم يستطع بيده او بلسانه , فليغيره بقلبه , مع اصراره هو شخصيا على عدم فعل هذا المنكر
اي انه يجب عليك ان تراعي الله في نفسك واهلك ومالك , وتحاول تغيير المنكر , فان لم تستطع تغييره فعلى الاقل احفظ صلاح نفسك واهلك

صلاح امرك للاخلاق مرجعه
فقوّم النفس بالاخلاق تستقم

شكرا لك اخي الكريم مرة اخرى على طرحك للموضوع

وتقبل تحياتي

اخوك
حبر سري

[خالد32]

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

[بوحارب]

محتاجين لوقوف رجال الدولة مثل الأجهزة الحكومية

معانا في وجه هذا الفساد اللعين

الصراحة الناس ماعاد قامت تحس انها في بلد أسلامي

والسبب كثرة البلاوي والفتن والمناظر البشعة

حتى الواحد ما عاد ودة يروح اي مكان خايف على نفسة لا ينفتن

مشكور أخوي مرحوم قطر على الموضوع الطيب

[مستثمره]

مشكور اخوي على الموضوع صادق,,,,,,,,,,, بس انا عندي اعتراض على الاسم اللي حاطه ممكن تغيره مع كل الاحترام

[القناعة كنز]

الله يجزيك خير اخوي مرحوم على غيرتك على دينك وبلادك

فيه قصة حلوة قريتها من فترة عن تربية النفس :

(((( أورد الغزالي في إحياء علوم الدين هذه القصة اللطيفة فقال : قال سهل بن عبدالله التستري : كنت وأنا ابن ثلاث سنين أقوم بالليل فأنظر إلى صلاة خالي محمد بن سوار فقال لي يوما : ألا تذكر الله الذي خلقك ، فقلت : كيف أذكره ؟ فقال : قل بقلبك عند تقلبك بثيابك ثلاث مرات من غير أن تحرك

به لسانك ، الله معي ، الله ناظري ، الله شاهدي ، فقلت ذلك ليالي ثم أعلمته ، فقال : قل في كل ليلة سبع مرات ، فقلت ذلك ثم أعلمته ، فقال : قل ذلك كل ليلة إحدى عشرة مرة ، فقلته ، فوقع في قلبي حلاوته ، فلما كان بعد سنة ، قال لي خالي : احفظ ما علمتك ، ودم عليه إلى أن تدخل القبر فإنه ينفعك في الدنيا والآخرة ، فلم أزل على ذلك سنين ، فوجدت لذلك حلاوة في سري ، ثم قال لي خالي يوما : يا سهل من كان الله معه وناظرا إليه وشاهده ، أيعصيه ؟ إياك والمعصية ، فكنت أخلو بنفسي فبعثوا بي إلى المكتب ، فقلت إني لأخشى أن يتفرق علي همي ، ولكن شارطوا المعلم أني أذهب إليه ساعة فأتعلم ثم أرجع ، فمضيت إلى الكُتّاب ، فتعلمت القرآن وحفظته وأنا ابن ست سنين أو سبع سنين ، وكنت أصوم الدهر وقوتي من خبز الشعير اثنتي عشرة سنة . ))))
ياليت كل واحد فينا يبرمج نفسه على هالكلمتين الله معي , الله ناظري , الله شاهدي
عشان الله يحمينا من فتن ومغريات هالعصر

[OTBD]

السالفة كلها ان القطري قاعد يغرق في البحر من جميع النواحي وعلماً اللحين

الدولة ماتشوف بس القطري اتشوف من جميع النواحي ايهما الانفع للبلاد القطري ام الاجنبي

واذا الاجنبي انفع للبلاد ومصدر استثمار للبلد الأولوية للأجنبي والقطري ................. ؟؟؟؟


وثانياً والاهم : اذا اشتكيت على الاجنبي القضية تنقلب ضدك بغض النظر عن المصايب الي

يسوونها في الشوارع

وأخيراً انا اقصد فئة معينة من الاجانب مش الكل وشكرا لحسن تفهمكم

[العقيد]

اخوي هذي ضريبة العولمه والانفتاح على الغرب وشروط منظمة التجاره العالميه وحقوق الانسان وهيئات الدفاع المختلفه ونتاج الرأس ماليه وغيرها من الامور .

الحل اخوي عليك بنفسك واولادك واخوانك واهل بيتك اغرس فيهم الدين وحاول قدر الامكان الابتعاد عن اماكن الفساد .

تبي الصراحه بالنسبه لي ماشوف هالسوالف الي تقول عنها والسبب اني من الدوام للبيت ومن البيت للمجلس ومن المجلس للبيت وفي الويكند في الصيف اقعد تحت المكيف وفي لشتا اخذ اليهال واروح البر وكان الله غفور رحيم.

[nooora]

يعطيك العافيه اخوي وبارك الله فيك والله يزيد من أمثالك ، والله مدري شو أرد عليك الواحد كان يسافر افغانستان حتى يعيش في جو ديني لطيف او الصومال الحين وين بتسافر الحل يا أخي العزيز ان نأمر بالمعروف وننهى عن المنكر، وواجب على وزارة الأوقاف ان تامرأئمة المساجد بالدعوة والنصيحه في مناطقهم وان يساندهم أهل الفريج وبالأخص المواطنين الطيبين، واذا في فئة من المنافقين تنشر الفتن والفساد في مجتمعنا ليش أجل حنا ساكتين عنهم حنا ما نحاربهم مجرد ننصح في الله ،،، باجر الكل بيخاف على عياله من وراء التصرفات الاجانب الغير مسلمين والمنافقين الذين هم عايشين بيننا ، نضحي من أجل الجيل القادم بيكون احسن قبل ان يفوت الأوان حتى ما يجي يوم ويصبح المواطنين والمسلمين غرباء في بلادهم نسأل الله أن يثبت الشباب القطري والمسلمين على الدين الحق والنشر الدعوه في سبيل الله

[mohd essa]

اللي مخرب على القطريين طيبتهم الزايده , وبعض الاجانب معروفين بخبثهم الشديد اللي يقدرون يخلون الحق وياهم ولو كان عليهم .

[صمت القلوب]

والله ياخوي فعلا الموضوع في ازدياد مستمر ...حتى في بعض المواقف انا شفت اشياء يقشعر لها البدن
والله اثنين قاعدين قبال بوابه المول وقاعدين يسووون اشياااء لا لها حسيب ولا رقيب...والله استغربت ان مافي احد يقول لهم STOP!!! :anger3:
وهذا غيييييير البنات واللبس الغلط صوب المطاعم والكورنيش ووووو:nono:
والله انا برايي ان لازم جهه متخصصه من الدوله تتدخل وتضع حد لهالمشكــــله ....لانها لا من دينا ولا من عاداتنا :nop:...
واللـــــــــــــــــه المســتــــــــــعان ..
احيـــــــكــ اخوي مــــرحوم قطر على طرح الموضوع ...
وانشالله نلاقيلها حــــــل

تحيــــــــاتي لكــ

[ام حبيبتي]

:app2::app2::app2:

[ذوق]

بس شاطره اتحط مخالفات

الله يضحك سنك على هالشطـر

وعني انا اذا شفـت الشي زاد عن حـده..أتصل على 999 ولا في أذني مـاي

ولن يغير الله قومـآ حتى يغيروا مافي أنفسهم (( ابتدي في نفسك أخوي )) وصدقني الكل بيسوي نفسك :)

شكرآ اخوي على غيرتك على بلدك..والله يكثر من أمثـالك

[بوسعود (USA)]

بااال ياكثرهم فالشاليهات .. !!
والمشكله .. مب بس اجانب .. الا عرب وخليجيين او حتى قطريين !!
اشوف شله شباب سودان ويه ووياهم فلبينيات رايحين فيها.. والله لو يهال جان قلنا هذيلا خدمهم !! لكنهم بغلان كل واحد فيهم شكبره!! وعادي ماعندهم اي مشاكل !! يعني الشي صار علني !!..

والا في فندق معروف فالدوحه .. مابي اذكر اسمه .. تلقى جدام بوابه اللوبي ماله صفة بنات اشكالهم اشكال "بنات دعاره".. والله بطلت عيني.. لي هالدرجه صار هالشي عادي يعني؟!!! @@

يعطيك العافيه اخوي عالموضوع .. وجزاك الله خير !!

[بدور]

يا ويلكم اذا ضايقتوا الاجنبي ....

اذا عطاك الاجنبي كف سلم عليه وحب خشمه ....

لين مر الاجنبي اوقف مكانك واضرب له سلام ...

معاملة الاجنبي ينهونها قبل المواطن ...

الاجنبي محصن من كل الجهات والمواطن في الطقاق ...

وووووووووو......الخ الخ الخ .......

بس تعبت كملوا انتوا ومانقول غير حسبي الله ونعم الوكيل

[سهم الخيانة]

والله يا أخوي الموضوع فتق لي الجروح برمضان هذا الشهر الفضيل شفت شخص مع فتاة عند سوق الجبر حوالي في الساعة 4:00 عندما توقفة سيارتهم لاشارة المرور صار الي ما يستوي حتى في بلادهم :nop: وكنت اضرب لهم الهرن (لاكن عمك اصمخ ) ولاهم مفتكرين خذت الرقم وكلمت واحد من الشباب العاملين في وزارة الداخلية ويوم شيك عليهم قال هذول اجانب اشلك في عوار الراس :swoon:

[haya99]

وعني انا اذا شفـت الشي زاد عن حـده..أتصل على 999 ولا في أذني مـاي

ولن يغير الله قومـآ حتى يغيروا مافي أنفسهم (( ابتدي في نفسك أخوي )) وصدقني الكل بيسوي نفسك :)

شكرآ اخوي على غيرتك على بلدك..والله يكثر من أمثـالك


هذا الكلام السنع

[امل الحب]

ياخوي عليك بنفسك لان الكلام مب جايب نتيجة

[بنتكم]

حولة ولاقوة الابالله مافي يدنا حيلة الا بالامر بالمعروف او على قولت امل الحب ماعليكم الا بنفسكم لانه الكلام مب جايب نتيجة وحسبي الله وهو نعم الوكيل

[التيما]

بحكم اني بنت يمكن مانشوف ولا نسمع الا نادر هالحجي .. بس ما ننكر وجوده .. لاحول ولا قوة الا بالله صرنا نشوف اشياء مخزيه وعيونا بتشهد وقلوبنا بتشهد وايادينا ولسانا .. الله يرحمنا برحمته

[ناصر العمادي]

والله ياخوي كلامك من ذهب بس الكلام ماعاد ينفع للأسف
وكل انسان مسؤول راح يتحاسب بأذن الله اشد حساب في الأخره
وخل الدنيا والأنفتاح ينفعهم ... والله الواحد صار يكره الطلعه من البيت...
اعيالي ماوديتهم في العيد مكان من الزحمه وقلة الأدب اللي في المجمعات ...
اليوم وديتهم الساعه 2 الظهر للستي سنتر عشر دقايق وطلعنا من المناظر العجيبه اللي شفناها ... جدامنا عائله من جنسيه عربيه الأم والأب والبنت في عمر 18 تقريبا ملا بسها فوق الفخذ ... مادري الأم والأب ماعندهم احساس ولا يتمشون معاها ( يترزقون ) والعياذ بالله
والله للأسف ان حالنا وصل لهدرجه من الأنحلال والتسيب
والله يرحمنا برحمته .. وماينزل غضبه علينا
جزاك الله خير على الموضوع الطيب
والله يبارك فيك يارب

[غزلان]

امس الظهر بالستي 2من الأجانب لابسين بناطلين وعليهم أغتروعقل مادري من معطيهم اياها ويتمشون بغيت أتفل عليهم وانتوا بكرامه مالت عليهم

[نبـــــراس]

حدث ولا حرج يا اخوي ,, ما بزيد على كلامكم لان هالشي صار واضح للاعيان .

مشكور على غيرتك على اهل بلادك ,,والله يكثر من امثالك.

[مرحوم قطر]

مابينصلح حالنه الا اذا الدوله اوجدت هيئه تامر بالمعروض و تنهي عن المنكر و يكون عنها صلاحيه

مثل صلاحية السعوجيه مب ظرب و اهانه بس سجن و محاسبه



و بخصوص ان نتصل على 999 ولا بذني ماي

يامه اتصلت قاولي طلعت عورتها قلت اي من فوق طالعه قالي لين تفصخ اتصل لنا


و مره واحد قالي ويه عليك ظبطها

و مره على سكران ماشي في الشارع عكس و بغيت ادعمه لول ان الله ستر و يوم وقفته الا سكران

قالي الشرطي خله يولي عنك لا تسوي حق نفسك مشاكل

و خذ رقمه و بكره الصبح تعال عند ظابط من عيال العطيه قدم بلاغ و افتح محظر و بنعطيه انشالله مخالفه

عذي عقوبة السكر





وين الامن الوقائي وهم الي شغلتهم هلاشياء وينهم ليش مايشتغلون ولا شاطرين يشربون شاهي و اقهوه


وين القسم الجديد الي افتحوه وهو العضيد




ليه مايسون هيئه عسكريه اتكون كهيئة الامر بالمعروف و النهي عن المنكر



اقتراحي

مافي الا حل واحد كلنا انروح انتظاهر في الكرنيش و انوصل طلبنا حق بو مشعل و بومشعل مابيقصر

[حقيقه]

الممنوع دائماً مرغوب :vampire:

[هسلان]

في السعودية الأجانب ملزومين بالباس المحتشم
ولهم نوادي خاصة لا يدخله ا إلا المصرح لهم يعني منبوذين من المجتمع
هيئة الامر بالمعروف لها صلاحيات واسعة
لا يمكن تشوف اللي تشوفه هينا من لبس وعري في شوارع السعودية
ومع هذا لم نسمع بأن الأجنبي منتهكة حريته
بصراحة العيب في الحكومة ليش ما تلزم الأجانب بالتقيد بعادات البلد وثقافتها مثل السعودية
الله يهداهم

[قهوة الضحى]

اولا اشكر صاحب الموضوع على الطرح

لان فعلا اللي انشوف اوووفر مايصير نسكت عنه
قله ادب اتصير جدام عيونا والوحدة تمشي مع ريلها وتشوف هالمناظر وريلي احذاي
شيكون موقفي انا استحي اشوف عيل ريلي وشو شعوره واللي لابسة ومفصخة ماتستحي على دمها
من القهر اقعد ادعي عليهم لانه صج صج مصخوووووووووها

[قطر501]

الدولة للاسف مهتمه تشدد الخناق على الموطن في قوانيين من قانون المرور الجديد وتترك المناكر اخوي الله يجزاك خير على غيرتك وانا معاك في كل كلمة قلتها

[مرحوم قطر]

بس شاطرين هات فلوس عليك مخالفه

هات فلوس رفعتنه اسعار المواد الاستهلاكيه

هات فلوس رفعنه الاجار

هات فلوس رفعنه نسبة السجلات التجاريه

هات فلوس عشان اتطلع بطاقه

هات فلوس عليك اقساط

هات فلوس حق تامرين طاولت ولدك في المدرسه

هات فلوس حق الباص

هات فلوس حق الادريس الجديد

هات فلوس رفعنه الاسعار في المحلات التجاريه

هات فلوس هات فلوس هات فلوس





الدوله يبلفيت تبغي اتطور و تبغي تعمر و تبغي اتنوع مصادر دخلها

حنى مع التطور

بس هذا مب معناته ان يرفعون رواتبنه من اهني و في نفس الوقت يحطون علينه اشياء تاخذ فلوسنه



لو فكرتو معاي من سنتين كانت قطر ارخيصه زادو الرواتب كل شي في قطر صار غالي نار

والحين بيزيدون الرواتب و انزلت التعاميم و نزل قانون المرور الجديد




هذا شي و الشي الثاني

التطور مب معناتها الانحلال و الانحراف عن الدين


والله يا اخوان ان اذا ماسوينه شي الله بيخسفنه مثل ما خصف بلادين غيرنه و مابي اسمي وكلكم تعرفون


بعدين بنصير مثل غيرنه في قطر و ديون و امراض و بلاوي و سكر و مخدرات و دعاره

وهذا الي مابي انه نوصله


شوفو بعض دول العرب و منها دول الخليج اشلون وصل فيهم الحال

من تشتت الاسر و ضياع البنات وراء المحرمات بحث عن الفلوس و بحث عن المتعه و الزواج


و الشباب سكر و عربده و مخدرات





يعني وشو نوصل الهلحال


حنى قمنه انشوف بنات في الشيش يشيشون و قدام الناس في شيشة سوق واقف


في رمضان في مطعم صوب اشارات عبدالغني من ورى ونت رايح صوب المينون

الدور الارضي مطعم و الدور الثاني و الله والله والله يا شباب ان مسوين بست عليه واحد قاعد يغني

و طاولات يعني مرقص ابمعنا الكلمه و بنات قاعدين من جنسيات عربيه و اسويه

انا و واحد من ربعي قلنه خلي نشوف شسالفه الا وحده من جنسيه عربيه اول ماشفتنه

قالت هلا هلا بالشيوخ اتفضلوا و اي شي بدكون اياه اني حاضره و تدلع و تتمخطر قدامنه


اتصلت حق واحد من الربع في العاصمه قالي بسالك

قالي كان في خمر و في رقاصات

قلت لا قالي الي كانو اهناك شفت منهم شي مشين

قلت اي شفت المغني يبوس البنات و شباب قاعدين مع بنات و تبوس و في وحده ارقصت عند طاولتها

قالي يعني ماراحت على البست (( يسالني ماراحت على البست ))

قالي اقول يا اخوي طنش ترى مابيسوون شي

و قالي ان في وايد مسويين كذا في رمضان مثل النادي الدبلماسي و غيره


يعني صار هلشي عادي و مسموح فيه ولا فيها شي


صوب بوهامور يعني صوب مثوا اهل البلاد الاخير

صوب المقبره


يبيعون خمر جنب مدرسة الصناعه ويبلفيت كلش يقلونلك لازم تصريح



هذي شي ينسكت عليه ؟.؟



الي اطالب فيه

انهم يفعلون قسم الامن الوقائي لان هذا اختصاصهم

و يحطون هيئه تامر بالمعروف و تنهي عن المنكر و تكون مثل السعوديه

بس بالمعروف و السجن من ظرب قدام الناس

و اطالب ابهيئات رقابيه اتراقب هلبلاوي الي صار مالها حل

قبل مانندمر


يالربع اشلون انوصل هلرساله اهني السؤال الي يبغي جواب ؟.؟



واسمحولي على الاطاله بس من حر مافي قلبي

[دنيا الاسهم]

اللهم لا تؤاخنا بما فعل السفهاء منا
اللهم من اراد بهذا البلد سوء اشغلة في نفسة ورد كيدة في نحرة واجعل الدائرة علية واجعل تدميرهم من تدبيرهم
اللهم اكفينا شر ما في الغيب
اللهم اجعل هذا البلد امنا مطمئنا سخاء رخاء وسائر بلاد المسلمين
في الحديث ( من راى منكم منكرا فليغيرة بيدة او بلسانة او بقلبة وهو اضعف الايمان) هذا ما امرنا بة ديننا الحنيف لكن الحاصل ان لا احد يريد ان يغير والكل مستسلم للامر الواقع
الله يهدي شباب وبنات المسلمين لان مثل ما قال الاخ الفاضل كل شي صار لا يطاق والواحد يقعد في بيتة احسن