المساعد الشخصي الرقمي

مشاهدة النسخة كاملة : جوال * i Phone * Apple ..اللي يقدر اساعدني فيه يدخل !!


shoog
19-10-2007, 10:14 PM
بسم الله الرحمن الرحيم
* i Phone * Apple

وين أقدر اشتريه ؟ بليز اللي اللي يعرف وين أقدر اشتريه في دبي

يقول لي ..لأني وصيت ناس ايجيبونه لي وراحوا دوروه في كذا مكان بس للأسف ماحصلوه


اللي يعرف فدبي وين يبعونه يقولي بسرعه بليز ...

ناطرتCOM
....
راعي النيسان
19-10-2007, 10:39 PM
موجود عندي الاصلي وشغال مية مية وبالكمية اللي تبي شيك على الخاص للتفاصيل ،،، وفالك طيب .. بس انا بقطر
وعلى استعداد توفير التلفون باسعار منافسة وبعروض اخرى مجانية فوق البيعه .. لاي أحد من المنتدى .. والنظام ادفع واستلم على طول ..
shoog
19-10-2007, 10:50 PM
بس انت الله يسلمك سعرك غالي ...فدبي ارخص يقولون ب 2050 ريال هناك ..
shoog
19-10-2007, 10:56 PM
طيب راعي النيسان أنا ما اقدر اتواصل بالخاص ..مشاركاتي ماتسمح لي ..

أبي استفسر عن الجهاز أكثر ...وهل أنت جربته شخصياً,,,...؟؟؟

وشرايك فيه ..أنا قريت عنه الكثير وأكثر شي ييذمونه ليش مادري ...
راعي النيسان
19-10-2007, 10:58 PM
بس انت اللي يسلم سعرك غالي ...فدبي ارخص يقولون ب 2050 ريال هناك ..

اذا موجود توكلي على الله ،، واشتري بالفين وخمسين ريال سعر :ok:
بس اشك ،، لانه اساسا سعره ارتفع بامريكا بعد ما تم فتحه وخير دليل مواقع البيع والشراء شوفي سعره بكم .. اقل موبايل مفتوح ينباع 700 دولار (2555 ريال قطري) غير فلوس الشحن ،، شوفي سعري على الخاص وقارني سعري ،، ,, وقولي كم فايدتي وبكل أمانة ,,,
وانتي تقدرين تجيبن الجهاز من برع . بس بسالج السالفة فيها مغامرة وخطورة مثل اللي يشتري سمج بماي .. يمكن تدفعين فلوسج ويمكن ما يجيك شي او يجيج شي ثاني ،، وبعدين انا اعطيج شي مضمون ميه المية ،، وانا اللي اتحمل المخاطرة في الشراء ,,, وانتي تشترين على الجاهز ...
shoog
19-10-2007, 11:01 PM
طيب كيف التواصل أخوي ؟ ...وبغيت بعد استفسر أكثر ..عشان اذا شريته اشتريه وقلبي مطمئن

خ خ خ
راعي النيسان
19-10-2007, 11:03 PM
انا لحد الحين بعت اكثر من 20 جهاز ،، وما عمري سمعت احد اشتكى منه ،، يعيبه اللغة العربية وهاي مشكلته الاساسية مافي له تعريب واضح .. ،، وبعدين بقولج معلومة اضافية ،، سعره بالرياض بالشعلة واصل 5000 ريال سعودي ،، وبالدمام بالراشدي سعره 4000 ريال سعودي ،، وبالكويت مووول سعره حول 480 دينا كويتي ..

وخاطري اعرف منو اللي ذم بالتلفون ،،، طيب اذا الناس تذم فيه ليش انتي تبينه شلج فيه ؟:playball:
shoog
19-10-2007, 11:10 PM
انا عاجبني الجوال

بس شكثر يذمونه فالمنتديات ..شدراني ..بس خاطري فيه ...
shoog
20-10-2007, 12:00 AM
بلين ...حيرتوني ...جاتني رسايل هاااااااااااااااااااات يامدح في الأي فون

وجاتني رسايل ذم ونصايح أني ما أشتريه ..

طيب أنا أحترت الحين ..

يعني

مع أو ضد

والله أحترت ..

أنا اللي ما أشك فيه أن الجوال أكيد لايدعم العربيه ..لكن مادري عن بلاويه الثانيه ..

لكن هو في خاطري ...!!!!!!!!!!

يعطيكم العافيه جميعاً وكنت حابه أستفسر من اللي مامدح اي فون لكن مشاركاتي لاتسمح لي ...


يعطيكم العافيه جميعاً لاهنتوا وماقصرتوا ...
أقتصادي
20-10-2007, 01:18 AM
عندي أي فون وأنا ما أنصح حد يشتريه لأن فتحه عوار راس وأذا فتحته ماتقدر تسوي له أب ديت بيتسكر من الشركة سعره في الشركة كان 599 وألحين 399 دولار وبينزل الشرق الأوسط 2008 و بالعربي
وعلى فكرة فيه برنامج يخليه يقرا عربي وألحين شغال أخوي ريان على تعريبه وأنشالله بيخلص قريب
وفيه ناس يفتحون التلفون ب 200 و300 و350 ريال في الدوحه يعني مايكلف 1800 ريال
shoog
20-10-2007, 01:26 AM
حلو ...رأي اخونا أقتصادي ...

ياريت نسمع آراء ثانيه مجربه ال أي فون ....بعد هو أكبر مشكله انه مافي عربي ..شلون بشوف مسجاتي !!!

والله أحترت أنا خلاص قررت بإذن الله تعالى أخذ لي واحد ..والحين صرت متردده

شوروا علي ياجماعة الخير .....


شوركم وهداية الله
ولد الرياان
20-10-2007, 01:37 AM
اختي نصيحه لاتشترين التلفون انطري لين ينزلونه في الشركه في الدوحه

الانه لي يجيبونه الحين يفكون الشفره

وهذا اكبر غلط

وفي واحد من اخوان كتب موضوع بعنوان

تحذير من فك شفرة لـــ iphone

ملاحظه مذكور المصدر تحت



شركة أبل تحذر من فك شفرة أجهزة "أي فون"
قد يتعذر على مستخدمي أجهزة "أي فون" إضافة مميزات جديدة إلى أجهزتهم في حال فك شفرتها
حذرت شركة أبل مستخدمي هواتفها أي فون iPhone من محاولة فك شفرتها بهدف استخدامها من خلال شبكة هاتفية غير مرخصة لأن من شأن ذلك إصابة أجهزتهم بأعطال غير قابلة لإصلاح.

وقالت الشركة إن الهواتف المحمولة التي تم تعديل شفرتها مرشحة لأن تصبح " غير قابلة للاستخدام" حالما يتم إدخال تحديثات شركة أبل عليها.

ويأتي تحذير شركة أبل وسط تزايد مزاعم من يدعون القدرة على فك شفرة هواتف أبل.

وكانت شركة أبل قد نفت أنها "تقوم بأي نشاط استباقي لتعطيل هواتف أي فون التي تم فك شفرتها أو اختراقها."

لعبة القط والفأر

وسيُنظر إلى التحذير على أنه ضربة استباقية من شركة أبل في معركتها المتواصلة مع مخترقي أجهزتها الذين استطاعوا صناعة برمجيات خاصة بفك الشفرة وتوفيرها لمستخدمي هواتفها المحمولة أي فون.

ويسمح فك الشفرة لأصحاب الهواتف المحمولة أي فون باستخدام مشغل شبكة من اختيارهم بدل مشغل شبكة مخول من طرف شركة أبل.

ويقول بن وود، وهو مدير شركة أبحاث تسمى سي سي أس إنسايت، إن "أبل تقول إنه في حال اشترى مستخدم جهاز أي فون وفك شفرته، فإنه قد يحرم نفسه من الاستفادة من المميزات الجديدة."

ويضيف قائلا "وبالتالي، فقد يتعذر تنزيل تحديثات شركة أبل على جهازك بشكل صحيح. وآنذاك ستجد نفسك تملك خردة قيمتها 270 جنيها أستراليا."

وعند إطلاق هواتف أي فون في بريطانيا، اعترف مدير شركة أبل، ستيف جوبس، أن شركته منهمكة في "لعبة القط والفأر" مع مخترقي أجهزتها.

وأضاف مازحا "لسنا واثقين إن كنا نحن القط أو الفأر."

وأدى فك شفرة أجهزة شركة أبل إلى إيجاد سوق متنام للتطبيقات غير المرخصة بما في ذلك وول بايبر وأنغام رنات الهاتف.

وقال وود إنه يظن أن الطريقة التي تسوق بها شركة أبل أجهزة أي فون جعلت عمليات اختراق أجهزتها حتمية ولا مفر منها.

وتابع قائلا "لقد طرحت أبل تحديا مؤداه أن أجهزة أي فون غير قابلة للاختراق ومن ثم كان الإغراء أقوى بالنسبة إلى المخترقين."

وأوضح أن "جيشا صغيرا من المخترقين استجاب للتحدي وأطلق العنان لمحاولات الاختراق حالما تم طرح منتج شركة أبل في الأسواق."



المصدر




http://news.bbc.co.uk/hi/arabic/business/newsid_7014000/7014035.stm


وانتي حره اختي انا اهم شي سويت لي علي
قدمة نصيحتي
المسافر
20-10-2007, 03:24 AM
بخصوص اي فون جهاز جيد جدا مشكلته الوحيدة التعريب
و الان يباع من قبل بعض المحلات بشكل غير رسمي بالسعر 3000 ريال قطري و يعمل بشكل جيد و فيه خدمات كثيرة و لا يوجد فيه مشكله سوء العربي
وانا عندي خذته من الدوحة بمبلغ 3000 مجرد رفعت بطاقة ا تي اند تي و تطحت بطاقت كيوتل ويعمل بالشكل مميز و لا يحتاج تكسر البروكسي

ممتاز الا ما في عربي
شاعر اللحظات
20-10-2007, 03:40 AM
انا مستعد استورده من امريكا بسعر 1600 ريال بس مالي خص بالشفرة
shoog
21-10-2007, 12:23 AM
شفتوا شلون ردودكم اتحير ...

اذا سمعت كلام ولد الريان اروح معاه وأقول خلاص مب شاريته ...

وأن جيت لكلام المسافر قلت خلاص مافي أذني ماي بشتريه ...

أيهيءء تيهيء ..حيرتوني ..

أهم شي الشفره ياشاعر اللحظات ..شالفايده ...

بس أنا وعدني راعي النيسان يظبط لي أي فون ويرتبه لي وبشتريه من عنده إن شاء الله ..

مع العلم ----> لازلت متردده ..
ولد الرياان
21-10-2007, 12:35 AM
اخوي المسافر للعلم لي في المحلات مشفر

الانه سعره بدون تشفير بتحصله بـ2050

وانت ماخذه بـ3000

مشفر وللعمل


الجهاز يشتغل فقط على شركه بطاقة ا تي اند تي

ومستحيل يشتغل على بطاقة ثانيه الا بتشفير

اختي شوق انتي حره احنا مانقدر نجبرج على شي

وتفضلي ادخلي على هذا الرابط وهذا الكلام لي موجود مانقدر نكذبه الانه مصدرها شركه ابل الشركه المصنعه للجهاز

اضغط هنا (http://news.bbc.co.uk/hi/arabic/business/newsid_7014000/7014035.stm)
shoog
21-10-2007, 12:42 AM
أي والله ياولد الريان أنا قريته للأسف من قبل هالتحذير ..

لكن عااااااااااااااااااااااااجبني داش قلبي ...أخاف أشوفه عند غيري تبط جبدي ...

وأذا شريته أخاف تطلع لي عيوووووووبه ...ما العمل يا إلهي .. ^_*

يعطيك العافيه ولاهنت ياولد الريان ..
ولد الرياان
21-10-2007, 03:33 AM
حتى انا عااااااااااااااااااااااااااجبني الجهاز وهو اكثر من رائع

لكن ماالفائده ان خذتيه وطلعت عيوبه وقفل الجهاز

خلج مثلي صاابر على جهاازي

لين ينزلونه في قطر
Qt.1
21-10-2007, 04:37 AM
أي والله ياولد الريان أنا قريته للأسف من قبل هالتحذير ..

لكن عااااااااااااااااااااااااجبني داش قلبي ...أخاف أشوفه عند غيري تبط جبدي ...

وأذا شريته أخاف تطلع لي عيوووووووبه ...ما العمل يا إلهي .. ^_*

يعطيك العافيه ولاهنت ياولد الريان ..



شوفي اختي الجهاز في منه نوعين نوع مقفول على شركة تي ان تي ونوع مفتوح ويشتغل على اي كرت والااثنين موجودين في امريكا بالعربي اذا شريتيه من اهناك لاايحتاج لاافك شفره ولااغيره ايي جاهز من اهناك ...

بس في ناس ايبون المقفول ويفتحون الشفره ويتوهقون وهذي الغلط مايشترون الجاهز الي ايي مفتوح لاا اييبون المقفول وايتعبثون فيه...

وبعدين العربي بصراحه بيلعوزج يعني لارسايل ولاااسماء المتصلين ماتسوى عليج بتلعوزين..

وتبين الصج ماينفع لاانه في وايد مميزات ماتشتغل اهني بس تشتغل في امريكا يعني مزود الخدمه بس يقدر ايوفرها وكيوتل ماعندهم هالخدمات يعني بتاخذين جهاز بس الو وبصكينه ولايسوى انا طلبت لي واحد من النت وقبل ليوصل شفته عند اخوي واستعملته سيده كنسلت الطلب الي طلبته لااني بصراحه شفته مايسوى...

اذا صج داش خاطرج نطري بينزل اهني بشكل رسمي مع ضمان الوكيل ويقرى عربي وهم يتحملون اي خلل في الجهاز في فلااجيو وكيل ابل كنت عندهم من كم يوم.....

بالعربي التلفون عادي كلش....

والله يوفقج...
Media
21-10-2007, 06:36 AM
اختي شوق

انا كنت على وشك اني اشتري الاي فون قبل كم يوم لين غيرت رايي بآخر لحظه، بغض النظر عن موضوع القفل والابديت بصراحه التلفون مايسوه كلش وعيوبه وايد اكبرها انه مب 3G يعني وايد مميزات انتي محرومه منها غير ان مثلا مايدعم اللغه العربيه (اكثر شي توصلوله بالتعريب ان يقرا العربي بشكل معكوس) وايضا ماتقدرين تستقبلين رسايل MMS وماتقدرين اتسوين فورورد لرسايل ال SMS وايضا مشاكل بالبلوتوث، وماتقدرين اتحطين الاغاني اللي عندج بالتلفون على شكل رنه وايضا المتصفح الخاص بالانترنت لا يدعم تقنية الفلاش.

ووايد عيوب خلتني اغض انلظر عن الجهاز، انا سمعت ان السنه الجايه بينزلون اي فون جديد فيه كامرتين وبيكون افضل من هذا، لذلك قررت انتظر، ولا تنسين ان نوكيا بدت اتطور جهازها الجديد Nokia Achieve واللي مايجي الآي فون ربع مميزاته

الاي فون شكله حلو وفكرته مبتكره.. لكن هذا فقط يعطيج انطباع انه شي رهيب..
والله يوفقج
بوسيف الهاجري
21-10-2007, 10:59 AM
انا عندي يقرا الرسايل عربي ومافي اي مشكله
shoog
21-10-2007, 01:57 PM
بعد المداولات ..والروحات والجيات ..والصكصكات

قررت الآتي

وبعد القرار لا زالت الرغبه موجوده في شراء الاي فون ...عنيده راسي يابس مب رخو ..شدخل

والله شكل كلامك سليم السليم وصح الصح ..بيض الله وجيهكم ..

يعني شوركم أني أنطر...؟؟؟؟

أأأأأأأأأمممممممممم ...الله المستعان ..هو المشكله انه مافي عربي وعقب الكلام اللي قلتوه بعد

حطمتوني ....!!!!

واذا شريته يعني هل ياترى بيقفل التلفون علي...........!!!!!!!!!!!!

شالفايده عقب شبيصير ووين بوديه ......!!!!

ياهادي يادليل ...!!!
shoog
21-10-2007, 02:11 PM
انا عندي يقرا الرسايل عربي ومافي اي مشكله


يه شلون .........!!!!!!

أكيد من اليسار ....؟؟؟؟

هذا اللي بيخليني أخذه ..متسببه :tease:
shoog
21-10-2007, 02:12 PM
Nokia Achieve


شنهو هالجهاز !!! أول مره أسمع عنه ..!!!
ولد التميمي
21-10-2007, 02:21 PM
السلام عليكم

انا عندي تلفون ومفتوح على بطاقة كيوتل وجربتة بطاقة البحرين والامارات وشغال وحتى بطاقة بريطانيا وكل شي تمام ولكن المشكلة نعم مايقراء عربي وسعر في البداية كان 4000 وبعدها 3400 والحين في حدود 1800 وفي 2000 وفي 2400 ومفتوح وانا جبت منهم مجموعة كبيرة وكل شي تمام . وتلفون جدا مريح وحلو وانيق وكشخة ملمسة جدا حلو مافي اي كيبورد ولا اي شي كلة با المس والتصوير اوكي يعني حلو في حلو واذا حاب تعرف اخوي اكثر عنة ممكن اتشوفة في المواقع او تسأل وان شاءاللة الاخوان ماراح يقصرون وانا ان شاءاللة ماراح اقصر وتحياتي لك
shoog
21-10-2007, 03:39 PM
طيب هل أنا أقدر أحط فالأي فون أغاني من الكمبيوتر ..هل أقدر أحط فيه اي شي من الكمبيوتر

أغاني +صور + ثيمات ..؟؟؟؟

ولا بلاقي مشكله بعد ..
shoog
21-10-2007, 04:13 PM
أسمحوا لي ياجماعة الخير ...

الرسايل الخاصه أنا ما أقدر أرد عليها ...

(( مشاركاتي لاتسمح لي ))

وآسفه جداً ...للي ماقدرت أرد عليهم ... أنا ما أدري شالمشكله اللي عندكم تخليكم

ماتقولون رايكم هنا فالموضوع ..!!!!!

خلوا الكل يستفيد !!!!

على العموم ..لاهنتوا وماقصرتوا ..ورايتكم بيضا

........

وباركوا لي أن شاء الله عقب المغرب بيوصلني الأي فون ...حلالي ...

ههه

الله يعطيني خيره ويكفيني شره ..وأذا قدرت أصوره لكم بصوره ...وبقول لكم رايي فيه ..

بس عساني ماشوف سلبياته ...الله يستر ...

ويعطيكم العافيه جميعاً وأنتظروني ...
شقردي
21-10-2007, 05:44 PM
http://g-ecx.images-amazon.com/images/G/01/ciu/07/20/db31228348a0402a35d85110.L.jpg

اختي هال الجهاز اللي تبحثين عنه اهو هاذا اللي بالصوره اذا اهو اقدر اوفره
بوسيف الهاجري
21-10-2007, 07:09 PM
انا لين الحين اقول ان عندي يقرا عربي ,, من اليمين الى اليسار والخط احلى من التلفونات الثانيه

يعني شوفي الكلام شلون ينكتب في المنتدى ,,, نفس الخط ونفس الطريقه عندي في الرسايل ,,, يعني مب حروف مقطعه ولا شي
راعي النيسان
21-10-2007, 10:01 PM
تمت البيعة بحمد الله والأخت شرت الجهاز وتمدح فيه الحين أحسن ما يكون والله يوفقها فيه ...:thumbup:
shoog
21-10-2007, 11:24 PM
بارك الله فيك والله يرزقك من طيباته ...والنعم فيك والله

ال أي فون شي شي عجيب ...أكو من يد وحده لي وحده ماتهنيت فيه ...ههههه

وهذي الصور ...




http://www.4nw.net/get-10-2007-4nw_net_03phwwvh.jpg (http://www.4nw.net)




http://www.4nw.net/get-10-2007-4nw_net_tgmqq2em.jpg (http://www.4nw.net)



http://www.4nw.net/get-10-2007-4nw_net_uhof2p2m.jpg (http://www.4nw.net)

بسم الله ماشاء الله ..تبارك الرحمن ..

علي بالعافيه أدري ....مشكورين وماتقصرون ...

أقول لل أي فون ( كلك على بعضك حلوووووووووو )

أحب أشكر أخوي راعي النيسان على حسن تعامله وماقصرت يابو مادري من ...

ومشكور على السي دي

كفيت ووفيت ..والله يرزقك الرزق الحلال .. بيض الله وجهك ...

مدحت وايد ..ها ..بس عاد اسكتي ..زين لادزين ..خ خ خ

بس صج صج وناسه هالتيلفون مايملل ..

حطيت فيه 4081 صوره خ خ خ خ

وحطيت فيه أغاني بس ماحسبتهم ...خوش شي

دشيت اليو تيوب ..وناسه ..

والله يسلمك ويسلمكم جميعاً

..................

يعطيك العافيه شقردي ..خلاص مثل ماتشوف تمت البيعه والحمدلله.
KHALiDiSH
22-10-2007, 12:22 AM
السلام عليكم ورحمة الله بروكاته

ارجوا ان يكون هذا الرد مرجع لكل من يريد شراء الايفون و معرفة ميزاته وعيبوة الحالية


اولاً: لنتطرق الى ميزاته
1- ميموري 8 جيجا
2- سهل الاستخدام
3- يمكن التنقل بين القوائم بسهولة بدون تعليق
4- خفيف
5- شاشة عرض ذو نقاوة عالية
6- شاشة باللمس
7- سهولة في تصفح الانترنت فيه
8- فيه خاصية الا iPod لعرض الملفات الصوتية
9- يوجد فيه Google Earth
10 - يمكنك مشاهدة Youtube على الجهاز مباشرة
11- يمكنك متابعة البورصة الاجنبية
12- يمكنك معرفة حالة الطقس ( هذا والله اعلم )
13- دعم معظم خوادم البريد الالكتروني المعروفة وسهولة تركيبها
14- طول عمر البطارية مقارنة بالهواتف الاخرى تعتبر الاعلى لحد الان
15- شاشة ضد الخدش
16- سعرة الرخيص مقارنة مع التلفونات الاخرى بنفس المميزات

الان نأتي الى عيوبة.......
1- لا يمكن ارسال او استقبال اي ملف عن طريق Bluetooth
2- لا يدعم العربية
3- لا يمكن اعادة ارسال او ارسال الى مجموعة اشخاص في SMS
4- لا يمكن نقل الارقام من Sim Card الا الهاتف
5- لا يدعم مكالمة الفيديو
6- لا يمكن تغير النغمة الياً ( لكن تستطيع تغيرها يدوياً )
7- احتكار الهاتف لشركات اتصال محددة ولا يوجد هاتف يعمل على جميع الشبكات صار من الشركة الام


والان بعد ان ذكرت لكم مميزاته وعيوبة

احب ان اتطرق الا نقطة معينة وهي التالي
جميع عيوب المذكورة يمكن حلها عن طريق التحديث والتطوير من الشركة ( سوفتوير فقط )

اي بمعنى انك لن تحتاج .... الا شراء هاتف جديد لان الهاتف لا يدعم خاصية معينة كما تعمل معظم شركات الهواتف ..... تقوم بإستغلال الناس بتأخير ميزات معينة ووضعها في التشكيلة الجديدة ومن ثم المبالغة في اسعارها......


الان لنتطرق الى موضوع نزول الهاتف في الشرق الاوسط وسبب التأخير

سبب تأخير نزول الهاتف الشرق الاوسط هو شركات الاتصالات
لان معظم الشركات الاجنبية تقدم خدمة GPRS بالمجان مع خدمة الهاتف ..... وبسبب اعتماد الهاتف على الانترنت في مميزاتة فالشركة تأخر نزولها في الشرق الاوسط

والموعد المحدد لنزول الهاتف هو في اواخر 2008 ليس في اوائل 2008 كما يعتقد البعض


الان نأتي الا سبب ارتفاع اسعار الهواتف في الشرق الاوسط

الاجابة على ما اعتقد سوف تكون سهلة( زيادة في الطلب و قلة توفر المنتج )


ارجوا ان اكون استطعت بتوفير جميع المعلومات حول iPhone


وشكراً
المشط
22-10-2007, 12:39 AM
التلفون ممتاز وعن تجربة لكن انا اشوف انه يصلح رديف حق نوكيا الى ان يتم تعريبه
راعي النيسان
22-10-2007, 12:49 AM
بارك الله فيك والله يرزقك من طيباته ...والنعم فيك والله

ال أي فون شي شي عجيب ...أكو من يد وحده لي وحده ماتهنيت فيه ...ههههه

وهذي الصور ...




http://www.4nw.net/get-10-2007-4nw_net_03phwwvh.jpg (http://www.4nw.net)




http://www.4nw.net/get-10-2007-4nw_net_tgmqq2em.jpg (http://www.4nw.net)



http://www.4nw.net/get-10-2007-4nw_net_uhof2p2m.jpg (http://www.4nw.net)

بسم الله ماشاء الله ..تبارك الرحمن ..

علي بالعافيه أدري ....مشكورين وماتقصرون ...

أقول لل أي فون ( كلك على بعضك حلوووووووووو )

أحب أشكر أخوي راعي النيسان على حسن تعامله وماقصرت يابو مادري من ...

ومشكور على السي دي

كفيت ووفيت ..والله يرزقك الرزق الحلال .. بيض الله وجهك ...

مدحت وايد ..ها ..بس عاد اسكتي ..زين لادزين ..خ خ خ

بس صج صج وناسه هالتيلفون مايملل ..

حطيت فيه 4081 صوره خ خ خ خ

وحطيت فيه أغاني بس ماحسبتهم ...خوش شي

دشيت اليو تيوب ..وناسه ..

والله يسلمك ويسلمكم جميعاً

..................

يعطيك العافيه شقردي ..خلاص مثل ماتشوف تمت البيعه والحمدلله.



مشكورة يالغالية وبيض الله وجهك على هالكلام الطيب ورحم الله والدايج دنيا وأخرة،، وان شاء الله بهالدعاية الطيبة يجيني الخير على يدج .. واقدر اكون السمعة الطيبة عند اخواني واخواتي بالمنتدى واكون دوم عند حسن ظنهم واكسب ثقتهم الغالية .. وانا مثل ماقلت مازلت مستعد أني اقدم أفضل العروض والاسعار اللي تناسب وترضي كل كل الاخوان بالمنتدى وخدمات ما بعد البيع موجودة عندي دون اي احد ثاني لأية استفسارات أو مشاكل فنية (شغل بيع وطير ماعندي) ،،و شعاري اهو درهم بالحلال ابرك من مليون ريال بالحرام ،، والله يرزقني على نيتي والشاهد الله .. ويكفني فخرا دعائكم لي بالخير وبالتوفيق ..
عيون قطر
22-10-2007, 12:53 AM
أخوي راعي النيسان على كم اسعار الاي فون عندك
راعي النيسان
22-10-2007, 12:57 AM
أخوي راعي النيسان على كم اسعار الاي فون عندك

اخوي شيك الخاص .. :ok:
shoog
22-10-2007, 02:25 AM
انا لين الحين اقول ان عندي يقرا عربي ,, من اليمين الى اليسار والخط احلى من التلفونات الثانيه

يعني شوفي الكلام شلون ينكتب في المنتدى ,,, نفس الخط ونفس الطريقه عندي في الرسايل ,,, يعني مب حروف مقطعه ولا شي



مايصير !!!!

أكيد اللي عندك ...تقليد مب أصلي ...!!!!


أنزين أذا صج مثل ماتقول ...صورلنا الجوال على وضع المسج خلنا نشوف شلون:thumbup:

...ويعطيك العافيه ....
shoog
22-10-2007, 02:28 AM
Shahbic

يعطيك العافيه ..كفييت ووفيت على هالشرح الوافي ...
سهم مضطرب
22-10-2007, 02:45 AM
اخوي راعي النيسان بكم سعره عندك .. انا حصلته في محل في الدوحه على 3300 بس اذا عندك ارخص باخذه من عندك ..
بوسيف الهاجري
22-10-2007, 09:58 AM
مايصير !!!!

أكيد اللي عندك ...تقليد مب أصلي ...!!!!


أنزين أذا صج مثل ماتقول ...صورلنا الجوال على وضع المسج خلنا نشوف شلون:thumbup:

...ويعطيك العافيه ....

انا انسان ماحب التقليد وماخذ غير الاصلي وانا اللي شاريه من امريكا بنفسي وانا اللي فاتحه بنفسي يعني اللي دفعته في التلفون بس 399 دولار + الضريبه 17% يطلع تقريبا 437 دولار

واللي يبي برنامج تعريب الرسائل والطريقه كامله يتفضل يقرا في هذي الصفحه طريقه البرنامج اللي سواه واحد من اخوانا السعوديين اعتقد
http://mem9.net/iphone

اذا بعد هالبرنامج ماصدقتوني على راحتكم

المشكله الوصله مب عندي ولا كان نزلت الصور ,,, لكن هذا البرنامج كامل موجود للفايده ومجاني
shoog
23-10-2007, 08:09 AM
yamaha710

حشى لله ما كذبناك ...لكن مب مستوعبه السالفه ،، الكل يقول ان ماله تعريب ..

وأنت الوحيد اللي كنت عكسنا ...

يعطيك العافيه ..
راعي النيسان
23-10-2007, 01:56 PM
اخوي راعي النيسان بكم سعره عندك .. انا حصلته في محل في الدوحه على 3300 بس اذا عندك ارخص باخذه من عندك ..

شيك الخاص يالغالي ومالك إلا طيبة الخاطر .. :D:happy::dance;)
G.M.C
23-10-2007, 03:33 PM
السلام عليكم
اخوي راعي النيسان بكم سعره عندك
قطري شايب
23-10-2007, 05:05 PM
السعر ع الخاص الله لايهينك راعي النيسان
y.o.y.o
23-10-2007, 08:08 PM
السلام عليكم

بكم سعرك اخوي راعي النيسان ؟؟
راعي النيسان
23-10-2007, 09:47 PM
السلام عليكم
اخوي راعي النيسان بكم سعره عندك

مرحبا اخوي وشيك الخاص وتاكد بتلاقي الشي اللي يطيب خاطرك ،، وعلى الله التوفيق ..:d
راعي النيسان
23-10-2007, 09:48 PM
السعر ع الخاص الله لايهينك راعي النيسان

شيك الخاص يالغالي ،، وان شاء الله راح تلقى اللي يطيب خاطرك ،، وعلى الله التوفيق .. :d
راعي النيسان
23-10-2007, 09:49 PM
السلام عليكم

بكم سعرك اخوي راعي النيسان ؟؟

اخوي شيك الخاص ، وان شاء الله راح تلقى الشي اللي يطيب خاطرك ، وعلى الله التوفيق .. :D
G.M.C
23-10-2007, 11:05 PM
اخوي راعي النيسان
تقدر تبرمج التلفون , في واحد من الشباب بيجيبة لي من أمريكا
وهل فية بلوتوث وgprs
والسموحة على الازعاج
راعي النيسان
23-10-2007, 11:43 PM
اخوي راعي النيسان
تقدر تبرمج التلفون , في واحد من الشباب بيجيبة لي من أمريكا
وهل فية بلوتوث وgprs
والسموحة على الازعاج

مرحبا اخوي شيك الخاص بعد شوي برد على استفساراتك بالكامل .. :thumbup1:
][ بوجاسم ][
24-10-2007, 01:11 AM
مرحبا اخووي


شيك ع الخااص
shoog
24-10-2007, 08:15 AM
مرحبا

اللي يبي يشتري الاي فون ...يشتريه لا يتردد ..تلفون من أحلى التلفونات

أستخدامه وايد حلو وكشخه ...حطيت في صور شكثر فوق الا 4000 صوره

وسويت لي البومات أغاني فيه محمدعبدو بروحه وعبدالمجيد بروحه وغيره وغيره..

حالياً حطيت فيه 500 أغنيه ويقول لي هل من مزيد ..بالإضافه الى القرآن الكريم ...

وبصراحه كلمة حق تنقال ...(( راعي النيسان )) ماقصر ،، راحه تامه فالتعامل معاه ,,
يعطيه العافيه ... والجوال كشششششششخه بس لين الحين ماقدرت اغير نغمته ...

ومع راعي النيسان أكيد بتنحل هالمشاكل البسيطه ...
a77md
24-10-2007, 11:11 AM
هاتف ممتاز وهنا موقع للتعريب وانا عربته بس الحروف متقطعه

http://www.iphone4arab.com/
shoog
24-10-2007, 11:26 PM
هاتف ممتاز وهنا موقع للتعريب وانا عربته بس الحروف متقطعه

http://www.iphone4arab.com/


أي أنا دخلت هالموقع بس فجيت حلجي فيه ولا عرفت شي ..خفت العب فالجوال ...

:confused::shy:
memo1966
10-01-2008, 10:11 AM
الأخ / راعي النيسان
السلام عليكم
انا مقيم في الدوحة وأرغب في شراء الأي فون
وجزاك الله خير
العلي
10-01-2008, 10:15 AM
من يومين شفت محل في السد يبيعه 2800ريال مع تعريب عربي 100% اعتقد ممكن ينزل شوي
memo1966
10-01-2008, 10:54 AM
من يومين شفت محل في السد يبيعه 2800ريال مع تعريب عربي 100% اعتقد ممكن ينزل شوي

ممكن ياخوي تدلني على اسم المحل
وجزاك الله خير
العلي
10-01-2008, 11:07 AM
ممكن ياخوي تدلني على اسم المحل
وجزاك الله خير

شيك الخاص
memo1966
10-01-2008, 11:14 AM
شيك الخاص

أولا : جزاك الله خير على تفاعلك معي وانا اتصلت فيه الحين وقال نفس السعر 2800ريال ولكن غير موجود حاليا
ثانياً : شكرا على تحذيرك لكن هم ممكن توضح السبب
وجزاك الله خير
العلي
10-01-2008, 11:28 AM
أولا : جزاك الله خير على تفاعلك معي وانا اتصلت فيه الحين وقال نفس السعر 2800ريال ولكن غير موجود حاليا
ثانياً : شكرا على تحذيرك لكن هم ممكن توضح السبب
وجزاك الله خير

واحد من الربع مغرم هاي الانواع من التلفونات اخذ واحد وبعد فتره بسيطه باعه سألته ليش قالي مشاكله وايد +++معقد جدا +++سعره ينزل بعد فتره بسيطه وايد وايد
بس هاي الايام أشوف عليه طلب بس ما أعرف شنو السبب
أتصلت الحين في المحل؟؟؟؟؟؟؟ وسالتهم قالي نفس الكلام
عليه طلب بس مش متوفر اليوم
memo1966
10-01-2008, 11:48 AM
واحد من الربع مغرم هاي الانواع من التلفونات اخذ واحد وبعد فتره بسيطه باعه سألته ليش قالي مشاكله وايد +++معقد جدا +++سعره ينزل بعد فتره بسيطه وايد وايد
بس هاي الايام أشوف عليه طلب بس ما أعرف شنو السبب
أتصلت الحين في المحل؟؟؟؟؟؟؟ وسالتهم قالي نفس الكلام
عليه طلب بس مش متوفر اليوم

الحين أتصلت في محل بشارع النصر قال سعر أغلى بكتير ونفس الكلام طلبات كثيرة عليه
فقلت أشتري N95 الأسود وخلاص وهو 8 جيجا
جميريه
10-01-2008, 09:17 PM
مرررررحبااا

كل ربيعاتي ماخذيينه من امريكا ب 1600

و اربيعتي نزلت عليه كل البرامج اللي تحتايها و عربته ...

و انشالله انا باخذه جريييب
شفاف
11-01-2008, 02:56 AM
مع ان الموضوع نزل شهر 10 العام

بس حاب اشارك

من تجربه شخصيه التلفون ممتاز للي يحبون الــ i-pod

نفس نظامه,,, وكل المشاكل الي ذكروها انحلَت لانها مجرد كراكات

الي له في هالسوالف بيفهم علي

يعني مشكلة التعريب والمسجات العربية و نسخ الاسماء و.... لقولها حلول

بس لحين ماحلوا مشكلة البلوتوث:: البلوتوث الحالي في الاي فون عشان تشبك مع السماعه بس

بعد اقول ان شغالين وقريب بيلقون الحل

الجهاز يبيله الي يتابعه ويعرف له ... مب اي حد بيتأقلم مع استخدامه

موفقين انشالله
memo1966
13-01-2008, 08:25 AM
ياخوانا ما فيه حد رد علي بخصوص طلب الشراء وأين أخوي راعي النيسان لقد طلبت منه ولم يرد علي
فرجاء الرد علي
ومشكوووووووووووووور
memo1966
13-01-2008, 08:30 AM
مع ان الموضوع نزل شهر 10 العام

بس حاب اشارك

من تجربه شخصيه التلفون ممتاز للي يحبون الــ i-pod

نفس نظامه,,, وكل المشاكل الي ذكروها انحلَت لانها مجرد كراكات

الي له في هالسوالف بيفهم علي

يعني مشكلة التعريب والمسجات العربية و نسخ الاسماء و.... لقولها حلول

بس لحين ماحلوا مشكلة البلوتوث:: البلوتوث الحالي في الاي فون عشان تشبك مع السماعه بس

بعد اقول ان شغالين وقريب بيلقون الحل

الجهاز يبيله الي يتابعه ويعرف له ... مب اي حد بيتأقلم مع استخدامه

موفقين انشالله

بس ال انا أعرفه ان الــ i-pod ليس هاتف لأن شوفته ووجدته كل امكانيات الأي فون نفس الشكل ونفس السيستم بس الفرق بينهم شريحه السيم فقط ولا غير