اين القانون من تربية الحيوانات المفترسه .. في المنازل

[100$]

السلام عليكم

في الفتره الاخيره اكثرت ظاهرة تربية الحيوانات الغريبه والمفترسه

نمر--- فهد -- داب -- اسد

وهذي كلها حيوانات خطيره على اهل البيت والجيران وخاصه الاطفال

بس سؤالي وين القنون من ردع مثل هذي الظاهره الي بدت تنتشر عندنا

[ورقــة أمــل]

اذا في حيوان مفترس حولكم على ماعتقد ممكن تشتكين عليهم في المركز

[وحيد-الشوق]

ليش ليكون حد من جيرانكم عنده اسد ولا نمر :whistling:

[ســـهم]

بصراحه أشرس حيوان في بيتنا

امممممممم


والله مافيه










يمكن يكون قطو مار بالصدفه بس :)








اليوم كنت اشوف بلوتوث في الجوال عن شاب أعتقد أماراتي معاه لبوه داخل مجلس يخوف ربعه فيها :confused:

وشفت المجلس واللي فيه صاروا كلمات متقاطعه :rolleyes2:

علما ان أقتناء مثل هذه الحيوانات لابد أن تكون من المحظورات وذلك لندرتها في زمننا الحالي

وعدم الفائده منها في التربيه المنزليه

لكن أعتقد أنها بالفعل ممنوع أقتنائها وانما يحصل عليها بعض الأشخاص عن طرق التهريب

والسوق السوداء !

[التيما]

بيت جيرانا عندهم حيوان مفترس بس مب قايله وشو عشان ماتعرفون بيته

[eXpert*]

الحيوانات هاذي متربية على اكل اللحم المطبوخ يعني مافي امل تاكل لحم نيئ او تعترض لبشر

[امـ حمد]

معلومه خاطئه اذا كان الحيوان جوعان ياكل اي شي جدامه من بشر او اي حيوان اخر

[حقيقه]

صعبه بعد نخرب علاقتنا بالجيران ونشتكي عليهم عشان حيوان :sneaky:

[ســـهم]

الحيوانات هاذي متربية على اكل اللحم المطبوخ يعني مافي امل تاكل لحم نيئ او تعترض لبشر



يعني هل في الغابات الأستوائيه في جنوب أفريقيا مطابخ لهذه الحيوانات :omg:

؟؟

[الطرف الأغر]

تذكرت وحده من البنات ،، كانت تقول ان عندها فهود ونمر و حيوانات مفترسه ،، عبالنا انها كذابه واتحب اتسوي أكشن حق نفسها عشان تلفت النظر لها ،، صج صج افتكرنا انها مب صاحيه خاصه لما تسولف عنهم باساميهم وتتكلم بكل واقعيه ،، هي اتحس ان احنا مب مقتنعين


يابت لنا صورهم وهي لامتهم ،، لامه فهد ونمر و أشياء غريبه :eek5:، وعندها تمساح صغير ، وكم مره مشتكين عليها الجيران لان النمر فوق الطوفه ههههههههههههه

عقب سورت البيت كامل بالشبك ،، ودفعت غرامات ماليه كبيره ،، لان في قانون اعتقد ان ياخذ منها الحيوانات + غرامه ماليه

وراوتنا مره يدها خياطه كامله جرح عميق النمر كان يلاعبها وشمخها شوه يدها ،، هاي يلعب :this:ما عصب ولاشي

بس هالكلام من 5 سنوات كانت تدرس معانا في المعهد بس الحين مادري اشصار عليها

وخالها هو الي ايب لها هالحيوانات وهم صغار كلش بيبيات وتربو على يدها :(

بس بالنسبه للقانون اتذكر انها ادفعت غرامات كبيره ،، وبس :)

شكرا لطرح الموضوع

[الخيميائي]

مهما كان الحيوان البري طيب واليف

مايقدر يقاوم الغريزة الى فيه

بيجيه يوم وبيرجع لغريزته الاصلية الصيد واكل اللحوم النية :p

انا اقول المفروض هالحيوانات تتصادر وتترحل من البلاد الى بلادها الاصلية :)