ظاهرة "البصق" في الشوارع ورمي المخلفات

[Media]

السلام عليكم ورحمة الله وبركاته

زملائي الاعضاء

صباح الخير

اكيد الكثير منكم لاحظ انتشار ظاهره غريبه ولكن ليست جديده على بلدنا الحبيبه وهي ظاهرة "البصق" بالشارع من قبل الكثير من الناس وخاصة من الجالية الآسيويه.. فترى سائق السياره يبصق بالسياره عند الاشاره او وهو يمشي في الشارع بلا اكتراث ولا اهمية لنظافة هذا البلد الذي يخدمه ويقدمله الكثير واهمها العمل والصحه.

هذا وايضا انتشار ظاهرة رمي المخلفات فمع القانون الذي وضع غرامه ليست بالهينه لذلك نرى الناس لا زالوا يرمون المخلفات بالشارع بلا اكتراث وعندما تتحدث معه وتنبهه لذلك لا تجد اي اهتمام او ردة فعل بل وقد يتم شتمك او ذمك على مافعلت.

سؤالي يا اخوان كيف نبلغ عن هؤلاء الناس، هل هناك جهات معنيه لذلك نقدر نتصل فيها مثلا ونعطيها رقم السياره؟ لان اعتقد التبليغ عن السياره اسهل من التبليغ عن شخص.. خاصة ان السياره لها رقم اما الشخص فماتقدر تعطيهم اي معلومات غير عن مكانه حاليا والذي يستطيع مغادرته بأي وقت قبل وصول السلطات.

اتمنى من الاخوان اللي لهم خبره في كيفية التبليغ اخباري عن الطريقه حيث انني من اشد المعارضين لهذه الظاهره واود ان اكون سببا لايقافها.

وتحياتي لكم
Media

[حيهور]

الحل عندي

اصدار قانون جديد لكل من يرمي المخلفات في الشارع بغرامه ماليه قدرها 50000 ريال قطري وتكون في نسبه للموظف الي راح يبلغ عليه صدقوني محد راح يفكر يقط شي برع سيارته من مخلفات انا عن نفسي ماسمح لحد يرمي المخلفات برع موتري الله لايهينكم جمعو الكشره بكيس واقرب زباله ارميها السالفعه سهله وماتعب

ونشر الوعي للاجانب او الجاليات الاجنبيه بان البصق عندنا عيب وهم راح يتفهمون هذا الشي والحين الكلام مايفيد لان معظمهم مايدرون عن عاداتنا وتقاليدنا

[بدور]

ياشين هالمنظر المقرف

خاصة وانت واقف عند اشارة المرور والقذر يفتح الباب ويسوي هالحركه وووعععع

ولاكنه مسوي شيء ليش المرور مايعاقبونهم مع هالقوانين الجديده المفروض لهم عقاب

خلااص قرفنا لاعت كبودنا منهم المقرفين مايحترمون احد ووووعععع عليهم

[قهوة الضحى]

صدقت اخوي منظر غير حضاري جدا

وتكثر بالاسواق واحنا مارين ونسمع صوت وهو يتفله ويطيح بالارض كأنه صوت قنبلة

اتمنى يطلعون قنون بخصوص هالشي وخاصة اللي يتفلون علوج بالارض ويلزق بجواتينا
وايد اتصير بالمجمعات

[سلامي للكل]

وخاصة اللي يتفلون علوج بالارض ويلزق بجواتينا
وايد اتصير بالمجمعات

خخخخخخخخخخخخخ

[سلامي للكل]

وعليكم السلام ورحمة الله وبركاته

صباااااااااااااااح الخير والبركة والسرور

اي نعم للاسف ظاهرة البصق ورمي المخلفات منتشرة بشكل كبير وظاهرة البصق للاسف ليست مقتصرة على الجالية الآسيويه وانما توجد عند بعض الاخوان سواءً مواطنيين او مقيمين

تعبر هذه الظاهرة ظاهرة اخلاقية فلو الشخص عنده اخلاق طيبة مستحيل يسوي هالحركه

وللاسف ظاهرة المخلفات, نشوف شخص في احلى موتر ورزة غترة وثوب جديد او بدلة وكرفته :pioneer: بكل سهوله يفتح لك الدريشة ويرمى اشدعوة ليكون الشارع شارعك وانا ما عرف وبالاخير يقول انا انسان محترم............ ياحبيبي روح طير اي محترم اي بطيخ

انا من المؤيدين بوضع مخالفة قاسية لكل من يقوم بعمل هذا العمل الغير اخلاقي:anger3:

حنا في دولة حضارية الدولة ما مقصرة تبني وترتب وتنظف وبالاخير تشوف واحد يشوه هالمناظر:anger3:

نعم للمخالفة القاسية

نعم ومليــــــــــــــــــــون نعم (نعم و لا) متأثر بالمسلسل واااااااااايد خخخخخخخخخخخ

نتمنى نشوف عقوبة صارمة من الجهات المختصة

بارك الله فيك اخوي الكريم على طرحك لهذا الموضوع:app2:

وفاااااااااااااااااااااااالك طيب

[ذوق]

هو جـات على الأجـانب الله يسلمك والشوارع؟؟ :)

على الأقـل الشـوارع أنت تبصـق فيها وتلوع جبدك وتروح.. وكان الله غفورآ رحيمـا:anger3:

الدور على الي يتمردغون في البـصاق ( الله يعزكم ) ...

تـابع مبـاريات القدم وبتفهم قصدي :swoon2:

[نبـــــراس]

اي والله يبيلهم قانون جازم وصارم على هالحركة << تلوع الجبد
لو فيه جهه نتصل فيها بنسندرهم لان يا مكثر اللي يسوونها
يبيلك عجره كل ما شفت واحد يسويها تضربه على راسه ههههههههه << شهالاجرام

[حورية البحر]

سالفة البصق بصراحة مب زينة ولازم من حل الحكومة تحطه لجل تتوقف هذي المسخره وبقوة وباقرب وقت


واهو يا يحطون رقم خاصة للاتصال به للتبليغ عن كل انسان بصق ومسئ بهالشي الوسخ

ولازم يكون وضع غرامات ماليه على هالشي الي يحصل لكل شخص يبصق وكبيره ويقتطع منها جزء للشخص الي بيشوف حد يبصق بالشارع وبيمسكه ويبلغ عنه بعد ماتعطي الدوله حق كل شخص يشوف هالشي انة يبلغ لجل يكفى اذى وضرر هذا الشخص الباصق للاخرين وله حق بالتبليغ واخذ حقه وحق الدوله منه فكثير ما اتشوف الي يبصق وهو ماشي مع الناس وكانة الي جنبة حيوانات لدرجة استياء الاشخاص منه وهذا اذا ما انضر من بصقه وجات هالوساخه عليه 000
فارجوا من الحكومة توقيف ههالشي عند حده وبالاخص للاجانب الي يجون من برع ومايندرى ايش فيهم من امراض وبكل وقاحه يبصق جنبك وعندك وقدامك والا من وراك وانت ماشي واتشوفها بصقته جدمك جايه وغصبا عليك تسودها بعد ما يفاجئك بهاالحركة وعلى بغته واهو ولاااا كانه يشوفك ولا سوى اي شي ؟

وهذا نداء صارم للدولة بتوبيخ فاعلي ومرتكبي هذا الشي الوسخ وعلى الكل مواطنيين واجانب وشكرا

[عندليب قطر]

بلدية الدوحة مازالت في سبات عميق ع هذة القوانين

لان هذا القانون مكلف

لابدمن تطبيق القانون

عليها بتوفير سلال قمامة خاصة بالبصق في شوارع الدوحة

اصدرا قرار صارم بالغرامة والتوعية للجاليات

اسوة بدول الجوار

[Media]

بالبدايه اشكر كل الاخوان والاخوات اللي ردو على الموضوع ومثل ما الاغلب اتفق ان لازم يكون في حل رادع لهالمشكله لان الموظفين اللي يضبطون مثل هالتصرفات انا ماني شايفهم مع اني عارف ان لهم وجود لكن بصراحه انا في كل مكان اشوف واحد يبصق ولا يقط الزباله.. لذلك يا ان هالموظفين قله.. يا انهم متواجدين في بعض المناطق بس..

مثل ماقالت احدى الاخوات ان لو في رقم نتصل عليه ونشتكي مثلا على راعي السياره يكون افضل لان بصراحه مو بس المنظر مقرف الا البلد تتوسخ بهالشي غير ان تخيلو هذا اللي يتفل يسوي جذي جدام ضيف من دوله اخرى.. بيعطي انطباع سيئ ان الدوله هذي مو نظيفه او مافي احترام لنظافتها.

انا ماعندي مشكله اكلم احدى الجرايد لإثارة الموضوع لو الكل اتفق على التفاعل وان فعلا ممكن يكون في حل من ورا اثارة الموضوع في الصحف، سبب اقتراحي لذلك هو ان يمكن المسؤولين مايتابعون المنتديات على الانترنت، لكن الصحف لما تثير موضوع اكيد بينتبهون له وذلك لانهم يقرون الصحف وايضا لوجود قسم علاقات عامه في كل وزارة وهيئه.

لكن اتمنى محد يقترح لي وطني الحبيب صباح الخير:) والسبب معروف

وتقبلوا فائق الاحترام والتقدير

[المجروح81]

يازين ماسوو من قوانين والله
بس وين الجهه الي تطبق هالقانون مدري البلديه ولا المرور
بس صج ظاهره البصق صارت منتشره عند الهنود يتفل ولا كنه مسوي شي الله يلوع بجبدهم

[على قد حالها]

صحييييح ان الظاهره القذره هذي يسوونها الاسيويين بكثره لكن هم بعض الشباب عندنا مايقصرون الحمدالله والشكر جنهم متخلفين ....
عالاقل ذيلاك بنقول عنهم مب متربيين عدل يمكن او مب متعلمين لكن بعض الشباب شنقول عنهم !!!!!

انا مره بط جبدي راعي الدكان اصيح له هرن وهو جايني الله يلوع جبده تفل وجدامي لكني هاوشته ماسكت عنه .....وشكله يقول في خاطره عادي ليش انتي مكبره السالفه ذي الشي عادي والكل يسويه!!!(تمنيت اني اعطيه طرااااااااااااق )

انا معاك ياخوي فالحمله اللي بتقودها فعلا نبي حل لهالتصرف الدنيئ والمنحط واللااخلاقي(اشفيني قلبت فصحى)

[دنيا الاسهم]

شكرا لمن تطرق لهذا الموضوع
الصراحة كنت ناوية اكتب عنة وهو ظاهرة البصق في الشوارع وخاصة عند اشارات المرور
لوع الله كبد الهنود والبتان الوصخين اللي ما يخافون الله
تدرون ان هذة الطريقة الوصخة تنقل الامراض حسبي الله ونعم الوكيل عليهم

هذا كلة يهون واللي شفتة في سوق الخضار في صوب :telephone:
يا جماعة اللي يدخل سوق الخضار يشوف العجب العجاب... تصوروا كل الهنود هناك يبصقون وجنب الفواكة والخضروات الله يلوع كبودهم ان شاء الله ويمكن هذة العادة تسبب امراض خطيرة واحنا ما ندري :anger2:
نتمنى من بلدية الدوحة الراقدة الميتة انها تسن قانون صارم وتكتبة باللغة الانجليزية والاوردو والباكستاني والبتاني .. حتى تفهم جميع الجنسيات المتخلفة في البلد في سوق الخضار وكل اماكن تجمعهم وتعطيهم تعليمات ان من يحاول البصق سوف يتحمل غرامة مالية كبيرة قدرها 5000 الى 10000 وصدقوني انهم راح يخافون من الغرامة ويحترمون البلاد اللي جابتهم وشغلتهم
وينبهونهم ويقولون لهم:
يو ار ان دوحة نت سوق البقر اللي في مدراس :tease:

[القناعة كنز]

اللي يتفل واللي ينظف خشمه بمكان عام كل هالمناظر غير حضارية وفعلا لازم لهم قوانين تردهم
بس احيانا بالعمل وخاصة عالدرج وغالبا يكون فاضي مافي زحمة اشوف لك من هالجماعة الاسيوية :blowing his nose ويرشه عالارض والناس عقبها تدوس عليه هالنوعيه شلون التصرف معاه :anger3:

[حد اعلى]

الله ياخذهم الهنود

هذي عادتهم البصق بالشارع

وللعلم البصق عند الهنود هي عاده قديمه واهي احدى وصايا غاندي

لما وصاهم انهم يبصقوا بالشارع ويعملوا شغلات اوسخ علشان يخلو الانجليز ينقرفوا ويهربوا

[Media]

شكرا لكل اللي ردوا.. باذن الله بحاول اوصل الموضوع للجرايد والله يكتب اللي فيه الخير

ادعوا ان الجهات المعنية تتحرك وتتخذ اجراء ضد هالظاهره، والموضوع مفتوح لكل الاقتراحات والحلول.