أسـتفسـار عـن { دايـت سـنـتـر }..؟

[RiQuElMe]

السلام عليكم ورحمة الله وبركاته

شخباركم ياشباب وبنات
حبيت أعرف اذا في حد منكم له خبرة في { الدايت سنتر }
حبيت أشترك لمدة شهر

وحاب أعرف :
عن السعر..؟
كم كيلو تقريبا ينقص من الوزن .؟

وشرايـكم فيه يستاهل ولا لا .؟

:anger1:

[المخفي]

الشهر 3000 ريال

[IPOD]

انا اعرف الايت سنتر والشهر اقل من 2000 ريال بحدود 1600

بس شهر واحد ماينفع راح ينقص الوزن حوالي 4 الى 6 كيلو وهذا راح يكون الماء الزائد في الجسم وماراح يكون فية تأثير كبير او مهم من ناحية الشكل

[بـوصـالـح]

من شاف الي بالاستقبال وزنها فووق ال 150

وين يصدق


عموما انا اعرف 2 من ربعي راحوووا اهنااااك


(( ياكلون كانهم ما ياكلون شي )) لين ما ازهقوووا من الاكل

وحثلوووها والحين ردوووا اكثر من قبل


(( اشرب قلاص ماي )) قبل الاكل ب ربع ساعه

وكل على راحتك (( بشرط انك ما تملي الكرشه فللللل ))

كل الاكل الي يكفييك

[مريديان]

انا واكثر من وحده من صديقاتي اشتركنا ب سليم اند لايت..الشهر ب2000



نقصنا تقريبا 6 كيلو بالشهر...بس الاكل ماتقدر تتحمله اكثر من شهر...:rolleyes2:

[RiQuElMe]

^^
يعطيكم العافية على الردود
وغريبه الأسعار في كل مكان مختلف..!

[حنان الدنيا]

بصراحه مافي احلى من اكل البيت واكل كل ماطاب من الاكل

لالالالالالالا لدايت

:)

[miss-qatr]

والله ياخوي رايي اتروح حق اخصائيه تغذيه اتسويلك بروقرام واكلك بيكون من البيت احلا :thumbup:

واتابعك بشكل اسبوعي واتكون اظمن من الناحية الصحة


يعطيك العافية

[ارستقراطي]

اخيو العام اشتركت بمحل اسمه سليم دايت الي موجود في بن عمران هي كثرت بصراحه واساميها تتشابه عشان كذا ماني متأكد عموماً كان الاشتراك 2200 ريال لمدة شهر

بس الاكل الله يعز النعمه ماينوكل بالغصب كنت اكله المهم مشيت مع الاكل بالغصب ونزلت عشره كيلو بس في نهاية الشهر ماعاد قدرت اكل اكلهم كنت اقطه لاعت جبدي منه المهم بعد الشهر ماجددت وياهم نزلت 10 كيلو استمريت على اكل البيت الغدا نص صدر دجاجه مسلوقه وشوية عيش ابيض والعشا اي شيء خفيف تفاحه او برتقاله المهم بعد شهرين نزلت 20 كيلو مع الرياضه طبعاً

نصيحه لك :

عط نفسك يوم في الاسبوع اجازه بس مب تترس بطنك شي خفيف واشترك علشان تتعود المعده وتصغر عندك

تحياتي

[RiQuElMe]

^^

يعطيك العافيه أخوي على التوضيح

[PoBox]

الصراحة هذي المراكز كلام فاضي

اللي يبي يضعف ياكل سلطة كل يوم وينوع فيها
بالعربي يصير نباتي الا مرتين بالاسبوع
ويتنحنح شوي بالمشي والرياضة
وبلا عوار راس

لان الدايت والسلم اند لايت تنقص وزنك بشهر 6 كيلو
وماتجدد
الشهر اللي بعده تزيد 12 كيلو

الموضوع ارادة وبس

مافي مراكز ثيك اند هيوووج ؟؟
يبيلنا واحد الصراحة :swoon2:

[*بوحمد]

الصراحه انا مشترك فالديت سنتر
واشتراكهم2650 ريال فالشهر

بس الي مستغرب منه الكلام عن الاكل
انت الله يسلمك تدخل على اخصائيه قبل ماتبدأ الرجيم
يعطونك قائمه بالاكل
الفطور
والضحى فاكه
والغدا
وسويت العصر
وعشاء

كل وجبه انت تختارها على حسب ذوقك مع الاخصائيه
بس اكلهم وايد حلو طبعا من اختيارك

انت جرب ومو غلط الواحد يجرب

بس للامانه اذا اشتركت وخلصت الشهر
عطني رايك
وراح تنزل 6 كيلو فالشهر تقريبا بدون رياضه
عاد انت شد حيلك وسو رياضه راح تنزل اكثر فالشهر

بس تعال ما قتلي كم وزنك

[سهم طايش]

اول 6 كيلو تنزل من الجسم بيكون عباره عن اخف دهون في الجسم و سريعة الذوبان

و بعدها تكون المعاناة بتلاحظ ان جسمك ينزل وزنه بشكل بطيء و غير ملحوظ الا اذا مارست رياضه المشي لمدة ساعه يوميا و بشكل منتظم بتشوف الفرق 0

انصحك بعدم الذهاب لهذه المراكز ما عليك سوى التقليل من النشويات و الدهنيات و الاكل بشكل معتدل مع ممارسه الرياضه يوميا 0

[الراقية]

أخي الفاضل

أنا ماعرف دايت سنتر

لكني اشتركت ب سليم لايت (2000) بالشهر

نعم مثل ماقالوا لك الاخوان 4-6 كيلو وبعدين اكل هوااااااااااء مافي فايدةcrazy

لكني اتبعت نظام اخر والحمدلله انافس الكثير وقد اثبت جدارته :thumbup1:

وهو اني ذهبت الى معهد اسمة ( كوزموسيرج )في جميرا بدبي واعطوني نظام غذائي
يناسبني ويناسب حتى اكل البيت يعني كل شي من البيت بس بكميات قليلة ( وذكرت لهم شرط اساسي ان ما يمنعوني عن الرز لان لو منعوني راح اترك وارجع فاحترموا هالشي وتقريبا الغداء يوميا يحتوي على رز بمقدار كوب )
بالاضافة الى امارس حاليا الرياضة يوميا ماعدا الجمعه والسبت
من 30 -60 دقيقة ما بين مشي وتمارين ضغط ومساج اسبوعيا او كل اسبوعين مساج تايلندي
واقدر اقولك اني راضية عن نفسي وكذلك اهلي يشوفوني عجايب
ودووووووووووم يذكروني بسليم لايت وعدم منفعته
اخوي
حاليا ما اتبع نظام ولكني ما اترك الرياضة ولو تركتها احس بتانيب الضمير :eek3:
ولكني قللت كل شي وخاصة العشاء يكون فقير جدا
سندويش جبن

او تفاحة+ روب

او اذا بغيت اطلع مع الاهل مطعم اعتمدت على السلطات والمشاوي

بالتوفيق ان شاء الله

واعتقد في صديقات لي يمدحون النظام الغذائي لمستشفى حمد ومستشفى العمادي

[ام حبيبتي]

انا اشتركت في لايت سنتر ... وبصراحه نزلت 5 كيلو في اسبوعين .. بس فعلا كنت ملتزمه مع رياضه ومشي وايروبيك ....:playball:

بس اللي مايلتزم بيكون حرمااااااان ... لاني في نص الداااايت تميت اصيح ابي اكل :swoon2:


وعلى فكره الشهر ب2000 ريال :)

[RiQuElMe]

بس تعال ما قتلي كم وزنك

وزني 81
وطولي 177

[*بوحمد]

بس تبي تنقص 5 كيلو

اقولك خل عنك دايت سنتر وخربيطه

عليك بالرياضه ونظم اكلك

[PoBox]

http://www.raya.com/mritems/images/2007/10/31/2_295388_1_209.jpg

[الخيميائي]

http://www.raya.com/mritems/images/2007/10/31/2_295388_1_209.jpg

ههههههههههههههههههههههههههههههههه

الجهاز معروض عندي للبيع :tooth:

[ضوى]

http://www.raya.com/mritems/images/2007/10/31/2_295388_1_209.jpg



اما هاي صج احنا اربع خوات وكل واحدة عندها جهاز مثل هذا استخدمناه كم يوم وبعدها خيوط العنكبوت استولت عليه

ما في قوت للمشي للاسف بس الحمد لله ما صار وزني اوفر للحين بس المشي رياضة تشد الجسم بطريقة حلوة

بس ما ارح اعرض الجهاز للبيع بانتصر على نفسي وبامشي :app:

[دانة الروح]

اختي مشاركه بدايت سنتر

والسعر 2600

ونزلت خلال شهر 5 كيلو