مــوضوع محيرني ،، أتمنى تفيدوني بأرائكم :(

[الطرف الأغر]

http://www.ikhwanonline.com:8078/Data/2006/11/7/rrewr666.jpg




أتمنى مشاركتكم ونصحي في موضوع الدراسة

ولدي في مدرسة انجليزيه خاصة ، لكنها صعبه جدا جدا وامتحاناتهم ماتخلص طول السنه مافي راحه :nono:

و ولدي بدا يمــل من الدراسة لأني أدرسه طوول الوقت علشان يحافظ على مستواه وهو من الأوائل دائما ( الحمدلله ) بس هالشي قام يأثر في نفسيته وايد ،، ونفسيتي انا بعد من كثر ما أدرس في اليهال ولدي مل وطفر من الدراسه وتوه صغير بصف الثالث ،، ما أبي أحرقه واحرق مخه وفكره كله في الدراسه ،، أبيه يعيش طفولته اشوي

انا مع الدراسه و تحفيز الطالب وتشجيعه وما أحب ان الياهل يكون بليد وكل همه اللعب ،، وكل ما زرعنا في الياهل النشاط والحيويه ودفعناه للعلم بيتعلم انه يكون انسان معطاء لما يكبر ،، كل ما شجعناه بيزيد في عطاءه ،، اما اذا تمينا نقول جدام اليهال دايما ( صغير ، مسكين ، مايقدر ، مايفهم ، تو الناس عليه ) راح يتعلم البلاده والاهمال ،، يمكن وجهة نظري قاسيه نوعا ما ،، لكن اشوفها الافضل ،،

فكرتي ان أبي ولدي يعيش طفولته انه يكون في ميزان عادل في حياته بدل الضغط النفسي الي نعيشه كل يوم دراسه في دراسه

وقت اللعب ما بيكون مجرد لهو وشطانه ( لأ )
، مسجلته من قبل في الكاراتيه وخذ الحزام الأصفر ( تو الناس :) )
وهو في المنتخب القطري للتنس + مع مدرب خاص
و أيضا أفكر اشركه الحين في نادي الفروسيه لأن الجو بدا يتغير وصار حلو + ميوله وحبه للخيل ويتمنى يركب الخيل ( لكــن مافي وقت لكل هواياته ) عالمه محصور بين الكتب والأقلام والنوم و بس

أتمنى تشاركوني بكلامكم الطيب وترشدوني بالي يناسب وضعنا

اسمحولي بالاطاله ،، لكن صج تعبانه نفسيا من التدررريس

حد عنده فكره عن أي مدرسه انجليزيه خاصه ، امتحاناتهم محدوده يعني امتحانين او 3 امتحانات بحد أقصى في السنه ،، أومقرراتهم خفيفه ،، ومبسطه

تقديري لكــم

[حقيقه]

لاتضغط عليه وايد والا بيكره الدراسه اكثر واكثر

[auto body]

كثر الدق يفك اللحام

[الطرف الأغر]

لاتضغط عليه وايد والا بيكره الدراسه اكثر واكثر

المشكله ان منهج وطريقة التدريس في مدرسته قويه وصعبه ،

فلازم مستواه يكون مرتفع رغم صعوبتها ،،

يعني غصب عني أضغط عليه

شكرا لك


كثر الدق يفك اللحام

:sorry: لا تخرعوني ،، ما أبيه يكره الدراسه ،، الحـــل :confused:

شكرا لك أخوي

[badr_vip55]

الطرف الاغر


مساء الخير




زين سويله حافز كل مادرس او قدم امتحان


مثلا وديه اي مدينة العاب وديه مطاعم يعني طلعيه من جو الدراسه شوي


وانشالله ينفع معاه هالحل ويرتاح وترتاحين



تحياتي لك

[مضارب بدرهم]

السلام عليكم
اختي بالنسبه عن المدرسه الانجليزيه صعبه مثل ماقلتي لكن اترتب عليها اشياء كثيره في المستقبل
لكن توجد المدارس القطريه المستقله الجديده هذي المدارس تحت اشراف قوي وادخلت الانجليزي تفريبا
في كل المواد وهذا الشي طبعا يعطي الولد لغه انجليزيه فوق الممتازه عند تخرجه لكن الاهم دراسه الولد بين
اهل بلاده عشان اعيش حياته مع ربعه وهو مستانس لان اختي الوناسه ماتيي حق الواحد الا وهو في الصغر
اذا كبر تكبر معاه المسؤليات لكن وهو اصغير خليه اروح مع اعيال عمه وعيال خاله لكن الاهم وجود عنصر
وشو هذا العنصر هو المراقبه والسموحه اني طولت عليج

[وطن]

اصعب من الشويفات مافي
ومناهجهم الصراحة اشوفها تعقد الطفل
وايد يعطونهم اشياء اكبر من سنهم
شفتهم عند عيال خالي لما كانو في الصف الأول وانصدمت
والحين اكيد المنهج اصعب واصعب مع التقدم في الدراسة

اذا هو في الشويفات الله يعينج
في وايد مدارس اجنبية قوية ومناهجها اريح من هالمدرسة

[سلامي للكل]

السلام عليكم ورحمة الله وبركاته اختي الكريمة

كلامج اختي الكريمة في محله طفل بــ الثالث ابتدائي يعني هو في بداية الطفولة الحلوة ويجب على اهل الطفل ان يوفروا له جو الطفولة ( لعب ووناسة , و ....الخ) بالاضافة الى الدراسة المناسبه الغير معقدة والمملة فالتوازن مطلوب وبشكل كبير خصوصا في هذا السن... وكثرة الدق يفك اللحام

طبعاً الكل عارف بــ المدارس المستقلة ومثل ما نشوف ان المدارس المستقلة مدارس لها وزنها وكل مدرسة تتنافس في تقديم افضل الخدمات في جميع النواحي

التعليم ممتاز والمدرسين على درجة جيده جداً من العلم والمعرفه والكل عارف ان المدارس المستقلة لا تقبل اي طالب يعني يجب ان يكون الطالب مستواه جيد وهذا دليل على قوة المدارس المستقلة

وبالنسبة للغة الانجليزية (اللي هي مستقبل الاجيال ) طبعاً موجودة بالمدارس المستقلة وبشكل كبير وعلى مستوى عالي

يعني بوجه نظري المدارس المستقلة هو الحل المناسب لكٍ اختي الكريمة

بالنسبة للمدارس الخاصة الاخرى ماعندي اي فكرة اختي - ان شاء الله الاخوان يفيدونج

والله يوفقج ويوفق ولدج ويوفق الكل ان شاء الله

وفااااااااااااااااااااااااااالج طيب اختي

[Media]

انصحج اختي اتشوفين المدارس الانجليزيه الثانيه، في كثير مدارس قويه لكنها توفر عدة نشاطات للطفل ومسابقات ورحلات ووايد اشياء وانا املاحظ هالشي في أكاديمية قطر اللي في المدينة التعليمية.. كل يومين اقرا انهم ماخذينهم مادري وين ولا امسوين لهم مسابقه ولا نشاط.. بالاضافه الى اني سمعت ان مناهجهم قويه وبهالشكل الولد ماراح يمل وبنفس الوقت مستواه يكون عالي.

ونصيحه خارج الموضوع.. قوي الجانب الاسلامي عند ولدج اختي.. انا مو متزوج ولا عندي عيال لكن الاحظ على الناس الشباب اللي تخرجوا من المدارس الانجليزية قلة الوعي باللغة العربية والدين الاسلامي (ليس الكل) حتى وان كانت التربية جيده.. لكن لازم يكون في تدريس في مرحلة الصغر لهالشيئين وهالشيئين لو فقدهم الواحد فبرأيي فقد اهم شيئين عنده..

والله يوفقكم وتقبلي مني فائق الاحترام والتقدير.

[الزاجل]

في اي مدرسة هو يا الطرف ؟

[الطرف الأغر]

الطرف الاغر


مساء الخير




زين سويله حافز كل مادرس او قدم امتحان


مثلا وديه اي مدينة العاب وديه مطاعم يعني طلعيه من جو الدراسه شوي


وانشالله ينفع معاه هالحل ويرتاح وترتاحين



تحياتي لك


مساء النور والسرور أخوي بدر

الحمدالله مب مقصره مع اليهال أوديهم أطلعهم كل ويك اند بس بالنسبه للطفل ما يكفيه يوم بالاسبوع عشان يطلع يستانس فيه ، وهويوميا بعد مايرجع من المدرسه 4 ساعات دراسه ( ظلم ) بالنسبه له ، لأن الجدول اليومي يكون متعب بعد الرجوع من المدرسه غدا وصلاه ودراسه وبعدين عشا ونوم ،، مافي وقت

وشكري الجزيل لتعقيبك الكريم

[badr_vip55]

ارجوا انج ماتفهميني غلط اخت الطرف



اقصد اوكي مثل جربي يوم طلعينه في نص الاسبوع مثلا



حاول تخففين وقت الدراسه بدال ماهي 4 خليها ساعتين ونص



غيري الجو الدراسي شوي في الايام العاديه




اذا له اطفال يقربوله وقريبين منكم وديه هناك شوي مع التذكير قبل الروحه او قبل الفكره انه لشد حيله بوديك عند ربعك


او اي شي الولد متعلق فيه


وارجوا اني اكون لقيت لك حل

[badr_vip55]

او تدرين احسن شي


اذا حسيتي انه تعب


قوليله خل الكتاب وريح شوي لمدة مثلا 20 دقيقه

واتركيه هو الي يبي يسويه بيسويه في 20 دقيقه

[الطرف الأغر]

السلام عليكم
اختي بالنسبه عن المدرسه الانجليزيه صعبه مثل ماقلتي لكن اترتب عليها اشياء كثيره في المستقبل
لكن توجد المدارس القطريه المستقله الجديده هذي المدارس تحت اشراف قوي وادخلت الانجليزي تفريبا
في كل المواد وهذا الشي طبعا يعطي الولد لغه انجليزيه فوق الممتازه عند تخرجه لكن الاهم دراسه الولد بين
اهل بلاده عشان اعيش حياته مع ربعه وهو مستانس لان اختي الوناسه ماتيي حق الواحد الا وهو في الصغر
اذا كبر تكبر معاه المسؤليات لكن وهو اصغير خليه اروح مع اعيال عمه وعيال خاله لكن الاهم وجود عنصر
وشو هذا العنصر هو المراقبه والسموحه اني طولت عليج

عليكم السلام ورحمة الله وبركاته أخوي مضارب

اذا تقصد ان المدرسه الانجليزيه صعبه فتترتب عليها أشياء كثيره من ناحيه التأسيس القوي للطالب ، انا معاك بهالنقطه
أما اذا كنت تقصد ان ماتسوا عليه هالصعوبه وبتترتب عليها أمور ثانيه مثل الملل و كره الدراسه ، بعد معاك بهالنقطه

عشان جي فكرت خير الأمور الوسط ،، مع اني وايد قاسيه في مسألة الدراسة ،، لكن طفح الكيل ، وما أبي أتجنى على مستقبل ولدي بالضغط النفسي الدراسي

وبالنسبه لمدرسته هي انجليزيه لكن 90% من الطلاب قطريين ،، ومعاه اعيال خواله واعيال عمه ، لكن مستواهم وايد ضعيف ،، وبعضهم عندهم سقوط و مقبول في أغلب المواد

حتى أتذكر العام في مجلس الاباء عشان يعطونا شهاداتهم ، كنت خاشه شهادة ولدي وطلعت بسرعه عشان لحد يقول نبي انشوفها ،، يايب امتياز وهم اعيالهم ساقطين و مقبول لكنهم فرحانين اليهال ويلعبون انا ولدي فرحان وبيض ويهي لكنه انحك حك مسكين :(

والسموحه اني طولت عليك أخوي ،، ولاهنت على مرورك الكريم

[الطرف الأغر]

اصعب من الشويفات مافي
ومناهجهم الصراحة اشوفها تعقد الطفل
وايد يعطونهم اشياء اكبر من سنهم
شفتهم عند عيال خالي لما كانو في الصف الأول وانصدمت
والحين اكيد المنهج اصعب واصعب مع التقدم في الدراسة

اذا هو في الشويفات الله يعينج
في وايد مدارس اجنبية قوية ومناهجها اريح من هالمدرسة


هلا أختي وطن

صاجه يا وطن ،، سألت عن المدارس و كنت بدخله الشويفات قالولي تحملي تراهم يعذبون الياهل بطريقة تدريسهم :secret:

وانا مب ناقصه ،، أبيه يرتاح و بس

مرت أخوي انصحتني قالت لي لا ادخلينهم ،، لأن الناس يطلعون اعيالهم من هناك وانتي تبين ادخلنيه

وتسلمين على مرورج عزيزتي ،، شكرا لك

[الطرف الأغر]

السلام عليكم ورحمة الله وبركاته اختي الكريمة

كلامج اختي الكريمة في محله طفل بــ الثالث ابتدائي يعني هو في بداية الطفولة الحلوة ويجب على اهل الطفل ان يوفروا له جو الطفولة ( لعب ووناسة , و ....الخ) بالاضافة الى الدراسة المناسبه الغير معقدة والمملة فالتوازن مطلوب وبشكل كبير خصوصا في هذا السن... وكثرة الدق يفك اللحام

طبعاً الكل عارف بــ المدارس المستقلة ومثل ما نشوف ان المدارس المستقلة مدارس لها وزنها وكل مدرسة تتنافس في تقديم افضل الخدمات في جميع النواحي

التعليم ممتاز والمدرسين على درجة جيده جداً من العلم والمعرفه والكل عارف ان المدارس المستقلة لا تقبل اي طالب يعني يجب ان يكون الطالب مستواه جيد وهذا دليل على قوة المدارس المستقلة

وبالنسبة للغة الانجليزية (اللي هي مستقبل الاجيال ) طبعاً موجودة بالمدارس المستقلة وبشكل كبير وعلى مستوى عالي

يعني بوجه نظري المدارس المستقلة هو الحل المناسب لكٍ اختي الكريمة

بالنسبة للمدارس الخاصة الاخرى ماعندي اي فكرة اختي - ان شاء الله الاخوان يفيدونج

والله يوفقج ويوفق ولدج ويوفق الكل ان شاء الله

وفااااااااااااااااااااااااااالج طيب اختي

عليكم السلام ورحمة الله وبركاته أخوي ( سلامي للكل )

ويسعدني مرورك وتعقيبك على الموضوع ،، وكلامك عالعوق ،،

لأني لاحظت شخصيته بدت اتغير يعني صار يتكلم بثقه أكبر و يتناقش بطريقه :omg: ممتازه
أبي أعطيه سبيس أكثر في حياته عشان يقدر يطور من نفسه وشخصيته بعد ،
لان شغل وقته بس في الدراسه يمحي جانب ( ما أدري شنهو ) من شخصيته ،،
أتذكر قبل معلمة ولدي الخاصه بريطانيه ،، انصحتني نصيحه رائعه ،، قالت لي علمي اعيالج كل يوم يقرون قصه لمدة خمس دقايق او عباره عن صفحه كامله ،،
وبيحبون وبيتعلمون علىالقراءه من صغرهم ،، الحين من كثر الدراسه صارو ما يقرون كتب كأنه شي من الهوايات بس ما يطبقونه :(

بس اسمحلي اخوي ،، المدارس المستقله على كثر الكلام عنها ،، :this:بس مب قادره اقتنع فيها لحد الحين ،،

ان شاء الله ،، بنحاول انشوف مدرسه انجليزيه خفيفه المنهج ،، وناس أفادوني بمدرسه دوحه اكاديمي الي في المعموره :)

وشكري وتقديري لك مره ثانيه

[الطرف الأغر]

الهذا المشكلة المدرسة اليكون باللغات الانجليزي

الهذا الناس المدرسين في المدرسات الانجليزي بالمجنون اليكون

انا الاشوف احسن الطلعي الولد اليكون في المدرسة اسلامي الاندلس او الفرقان

اليعلمونه باللغات عربي والدين وقرآن واليكون المكان الحلو

اليحب الدراسه

اذا الما يحب الدراسة التحلقين الشنباتي


شاكره تعقيبك أخوي ترتر

بس من وجهة نظري ان احنا مانعتمد على التربية الاسلاميه بس في المدرسه ونشل يدنا من الموضوع ،، ياما طلاب في مدارس حكوميه تدرس اللغه العربيه بشكل اساسي والتربيه الاسلاميه ، لكنهم مايحثون الطلاب على الصلاه وهي عماد الدين واهم مافي نظري وغير المشاكل الاخلاقيه الثانيه ،،

والعكس صحيح أيضا ،، الاعتماد في مثل هذه الامور على البيت فقط ما ينمي عنده هالشي بشكل جماعي في المدرسه

والحمدالله معظم المدارس الخاصه في قطر ،، طلابها قطرين ،، ويعطونهم اللغه العربيه و التربيه الاسلاميه منهج الحكومه بالاضافه الى باقي المواد باللغه الانجليزيه

تحياتي لك

[الطرف الأغر]

انصحج اختي اتشوفين المدارس الانجليزيه الثانيه، في كثير مدارس قويه لكنها توفر عدة نشاطات للطفل ومسابقات ورحلات ووايد اشياء وانا املاحظ هالشي في أكاديمية قطر اللي في المدينة التعليمية.. كل يومين اقرا انهم ماخذينهم مادري وين ولا امسوين لهم مسابقه ولا نشاط.. بالاضافه الى اني سمعت ان مناهجهم قويه وبهالشكل الولد ماراح يمل وبنفس الوقت مستواه يكون عالي.

ونصيحه خارج الموضوع.. قوي الجانب الاسلامي عند ولدج اختي.. انا مو متزوج ولا عندي عيال لكن الاحظ على الناس الشباب اللي تخرجوا من المدارس الانجليزية قلة الوعي باللغة العربية والدين الاسلامي (ليس الكل) حتى وان كانت التربية جيده.. لكن لازم يكون في تدريس في مرحلة الصغر لهالشيئين وهالشيئين لو فقدهم الواحد فبرأيي فقد اهم شيئين عنده..

والله يوفقكم وتقبلي مني فائق الاحترام والتقدير.

جزاك الله خير على ردك أخوي ،، وشكرا لتعليقك الكريم :)

ان شاء الله بحاول أمر على أكاديميه قطر و أكاديميه الدوحه بعد انصحوني فيها ،، لأني من النوع الوسواسي لازم اروح اشوف كتبهم وطريقة امتحاناتهم وادخل الصفوف :looking: ،، حشى موجه مب أم طالب :p ،، وأشوف دفاترهم بعد

وشكرا لنصيحتك أخوي وجزاك الله خير ،، لكن انا عن نفسي أكثر مايهمني علاقته بربه وبعبادته وبدينه أعظم من أي كتاب ومنهج دراسي ومايهمني الا انه يتربى على الخوف من الله أولا وحب دينه ،، مب كلام مثاليات ،، لكن هذي انا وطريقة تربيتي لعيالي وربي الشاهد
،، والله يقدرني اني ازرع فيه البذره الصالحه وهو صغير تكون وازع له في حياته يوم يكبر

و أتمنى انك تسمع رابط أطفالنا يحفظون القراءن ( العتقاء و سيف الله المسلول ) فازو اعيالي الاثنين بالمسابقه <<< أدري أسوي دعايه حق اعيالي ،، بس للحين مستانسه :p

تقديري لـك ،،

[الطرف الأغر]

ارجوا انج ماتفهميني غلط اخت الطرف



اقصد اوكي مثل جربي يوم طلعينه في نص الاسبوع مثلا



حاول تخففين وقت الدراسه بدال ماهي 4 خليها ساعتين ونص



غيري الجو الدراسي شوي في الايام العاديه




اذا له اطفال يقربوله وقريبين منكم وديه هناك شوي مع التذكير قبل الروحه او قبل الفكره انه لشد حيله بوديك عند ربعك


او اي شي الولد متعلق فيه


وارجوا اني اكون لقيت لك حل


فاهمتك أخوي :discuss: ،، بس الوقت ضيق ما يساعد على الطلعات في نص الاسبوع
لأن الجدول كالاتي قومه من الصبح الساعه 6 والرجوع للبيت 2 الظهر
من 2- 3 شاور+صلاه+الغدا مع مشاهده التلفزيون لان عقب مافي تلفزيون
من 4 -8 دراسه ساعتين انجليزي وساعه عربي وشرعيه وساعه فرنسي مع وجود بريك بين كل ساعه وساعه مدة 10 دقايق
وهالساعات الزاميه مايقدر ينقص منهم ولا دقيقه
من 8 - 9 شاور+عشا مع مشاهدة التلفزيون
نص ساعه لعب بعد الـ9 ،، 9ونص هم في سريرهم ميتين من الصياح يبون يلعبون ازياده ومايبون ينامون :(
حتى اعيال اخوي مانعتهم ايون بيت ابوي ،، عشان اعيالي يدرسون ( صج ظالمــه :eek5: )

شكرا لك أخوي بدر وشكرا لتواصلك

[badr_vip55]

الطرف وتقولين ليش يتمللون


ههههههههه


اذا انتي تخلينهم نص ساعه بس لعب واربع ساعات دراسه وين تبينه يحب شي



لا خليه على الاقل ساعه


وماعليج ترى الولد وهو صغير يتعلم اكثر منا وحنا الواحد شطوله شعرضه فينا



عموما تصبحين على خير


وانشالله لكل مشكله حل



سيو توموروا

[alsahran]

اللي قاعده تسويه مش غلط...بس خفي عليه شوي لانه مثل ما قلتي متفوق و ما شاء الله عليه ذكي.

عطيه مجال اكبر يمارس طفولته مع اللي في سنه...العلم مهم والشخصيه السليمه ايضا مهمه.

جربي وشوفي النتيجه عقب فتره...ولا تزيدين الحمل عليج لانه بينعكس عليه.

[البعد الرابع]

مرحبا اختي الطرف الاغر

سوف اروي لكي تجربتي الشخصية في كيفية إدارة مستقبل اولادي الدراسيه .

بنتي في مدرسة المها الانجليزيه وولدي فى اكاديمية الجزيره ولقد اخترت هاتيين المدرستين

بعد بحث ودراسه متواصله للافظل بين مدارس قطر الخاصه على اعتبار ان المدارس الحكوميه

والمدراس المستقله انتحار وخراب لمستقبل الاولاد الدراسي .

والحمد لله توفقت بهاتيين المدرستيين وانا ارى انهم الافظل لاسباب كثيره

من اهمها المنهج السليم والمترابط الذي يستوعبه الطفل بشكل جيد وسلس.

المتابعه من قبل الاداره مع ولي الامر لسلوك الطفل الدراسي والاخلاقي.

النظام والانظباط فى المدرسه مما ينعكس بشكل ايجابي على سلوك الطفل.

اما بالنسبه للطريقه المثلى في معاملة الاطفال وتشجيعهم للدراسه فساقول لكي

طريقتي انا ووالدتهم في ادارة المشروع التربوي لأولادي ان جاز لنا التعبير :

الدراسه والنجاح خط احمر لا يمكن التساهل فيه او التنازل عنه وهذا شئ متفق

عليه مع اولادي منذ الصف الاول ابتدائي .

موعد النوم اليومي اثناء الدراسه الساعه السابعه دون تأخير او اعذار .

المتابعه اليوميه للأولاد وتتم المتابعه بعد الغداء مباشره بشكل يومي .

وتشمل حل الواجبات المدرسيه والسؤال عن احوال اليوم المدرسي وماذا حصل في

المدرسه .

في حالة التفوق توجد هدايا شهريه قيمه يختارها الابناء كل حسب اختياره.

مثال :

ابني في الصف الثالث ابتدائي طلب مني جوال التيرم الماضي فقلت له ما المقابل الذي

تقدمه لي في الدراسه فقال لي سوف اجيب لك شهاده ( Star Student )

اي الطالب المتفوق او النجم وهي يحصل عليها التلميذ في حالة عمل شئ ايجابي

في الفصل من ناحية الانظباط او التفوق الدراسي .

فحصل على ما يريد لانه نفذ الاتفاق الذي بيننا .

اما يوم الجمعه او السبت فهو يوم مخصص للعب فقط ولا شئ غير اللعب

وهم يختارون المكان الذي يريدون اللعب فيه .

ولله الحمد حتى الان كل شئ يسير على ما يرام .

اختي الطرف الاغر نصيحه لا تساومي او تتنازلي عن شئ اسمه الدراسه فى المدارس

الجيده . فطفلك لو حس في لحظه انكي متردده فى موضوع الدراسه وعندك استعداد للتنازل

صدقيني راح يستغل هذه الثغره فيك ولن تستطيعي الامساك بزمام الامور وتفلت الخيوط

من يدك . اتفقي مع ولدك على كيفية المذاكره واوقات اللعب دون حتى المناقشه في

التخلي عن الدراسه الجاده التي تضمن مستقبل طفلك المهنيه .

واذا طفلك في مدرسه غير اكاديمية الجزيره انصحك بالتوجه لها فورا لانها الافظل

على مستوى قطر من جميع النواحي .

اما مدرسة الشويفات فلا انصحك بها برغم مستواها العالي ومتميزها لانها صعبه جدا

ويبالغون في تعقيد المنهج . مما ينعكس بشكل سلبي على مزاج الطفل وتقبله للدراسه.


وانا حاضر لاي استفسار او مشوره .



تحياتي لك

[السديم]

غاليتي الطرف الاغر ..

الف الف الف مبروك على فوز ابناءك في مسابقة حفظ القرآن الكريم وهو فوز لج انتي بالاول والاخير .. جعلهم الله من حفظة كتابه الكريم ..

بخصوص تساؤلج للأسف ماعرف نظام الدراسه هالكم سنه شلون صاير ماعندنا اي يهال في مرحلة الدراسه .. لكن اسمع وايد عن مدارس اجنبية واشوف عيال رفيجاتي يكون كلشي في المدرسة حتى الواجبات وفي البيت ماعليهم اي التزام .. مثل مدرسة نيوتن والمها والجزيرة ..
لان بصراحه اشوف شوي جدولج معاه صارم وقاسي بزياده وهو للحين في عمر محتاج انه يلعب ويستمتع بوقته ..

الله يوفقهم يارب ويفرحون قلبج ..

[ذربة ألكلام]

ماشالله على ولدج ..........


أهم شي تنظيم الوقت

هو اهم من كل شي ............

وخلي دراسته في اليوم ساعتين او ثلاثه بس ............

وصدقيني اذا نظمتي وقته ....

راح تستفيدين

حاولي تسويله جدول بالاعمال الوميه واهم شي اللعب .........

الى الامام داااااااااااااائما انشالله

وربي يكثر من الامهات الي امثالج

[الطرف الأغر]

اللي قاعده تسويه مش غلط...بس خفي عليه شوي لانه مثل ما قلتي متفوق و ما شاء الله عليه ذكي.

عطيه مجال اكبر يمارس طفولته مع اللي في سنه...العلم مهم والشخصيه السليمه ايضا مهمه.

جربي وشوفي النتيجه عقب فتره...ولا تزيدين الحمل عليج لانه بينعكس عليه.

بارك الله فيك أخوي ،، وشكرا لردك

فعلا مع كثر انتقادات الأهل لي بأني ضاغطه على اليهال وايد ،،
بس أشوف ان هالشي لمصلحتهم نزرع فيهم الجد والاجتهاد من الصغر وما نعلمهم عالكسل ،،
لكن قمت أشوف ولدي وايد متضايق من قل اللعب وهو ما شاء الله عليه شعلة نشاط ،،
ما أشوفه على الأرض كله متعلق عالطوف و والبيبان والكراسي ( طرزان )

معاك في نقطة أهمية العلم و تركيزي جامد عليه ،، وان شاء الله نشوف حل وسطي و مفيد ينسق بين الدراسه واللعب

شكرا لك مره ثانيه

[الطرف الأغر]

مرحبا اختي الطرف الاغر

سوف اروي لكي تجربتي الشخصية في كيفية إدارة مستقبل اولادي الدراسيه .

بنتي في مدرسة المها الانجليزيه وولدي فى اكادمية الجزيره ولقد اخترت هاتيين المدرستين

بعد بحث ودراسه متواصله للافظل بين مدارس قطر الخاصه على اعتبار ان المدارس الحكوميه

والمدراس المستقله انتحار وخراب لمستقبل الاولاد الدراسي .

والحمد لله توفقت بهاتيين المدرستيين وانا ارى انهم الافظل لاسباب كثيره

من اهمها المنهج السليم والمترابط الذي يستوعبه الطفل بشكل جيد وسلس.

المتابعه من قبل الاداره مع ولي الامر لسلوك الطفل الدراسي والاخلاقي.

النظام والانظباط فى المدرسه مما ينعكس بشكل ايجابي على سلوك الطفل.

اما بالنسبه للطريقه المثلى في معاملة الاطفال وتشجيعهم للدراسه فساقول لكي

طريقتي انا ووالدتهم في ادارة المشروع التربوي لأولادي ان جاز لنا التعبير :

الدراسه والنجاح خط احمر لا يمكن التساهل فيه او التنازل عنه وهذا شئ متفق

عليه مع اولادي منذ الصف الاول ابتدائي .

موعد النوم اليومي اثناء الدراسه الساعه السابعه دون تأخير او اعذار .

المتابعه اليوميه للأولاد وتتم المتابعه بعد الغداء مباشره بشكل يومي .

وتشمل حل الواجبات المدرسيه والسؤال عن احوال اليوم المدرسي وماذا حصل في

المدرسه .

في حالة التفوق توجد هدايا شهريه قيمه يختارها الابناء كل حسب اختياره.

مثال :

ابني في الصف الثالث ابتدائي طلب مني جوال التيرم الماضي فقلت له ما المقابل الذي

تقدمه لي في الدراسه فقال لي سوف اجيب لك شهاده ( Star Student )

اي الطالب المتفوق او النجم وهي يحصل عليها التلميذ في حالة عمل شئ ايجابي

في الفصل من ناحية الانظباط او التفوق الدراسي .

فحصل على ما يريد لانه نفذ الاتفاق الذي بيننا .

اما يوم الجمعه او السبت فهو يوم مخصص للعب فقط ولا شئ غير اللعب

وهم يختارون المكان الذي يريدون اللعب فيه .

ولله الحمد حتى الان كل شئ يسير على ما يرام .

اختي الطرف الاغر نصيحه لا تساومي او تتنازلي عن شئ اسمه الدراسه فى المدارس

الجيده . فطفلك لو حس في لحظه انكي متردده فى موضوع الدراسه وعندك استعداد للتنازل

صدقيني راح يستغل هذه الثغره فيك ولن تستطيعي الامساك بزمام الامور وتفلت الخيوط

من يدك . اتفقي مع ولدك على كيفية المذاكره واوقات اللعب دون حتى المناقشه في

التخلي عن الدراسه الجاده التي تضمن مستقبل طفلك المهنيه .

واذا طفلك في مدرسه غير اكادمية الجزيره انصحك بالتوجه لها فورا لانها الافظل

على مستوى قطر من جميع النواحي .

اما مدرسة الشويفات فلا انصحك بها برغم مستواها العالي ومتميزها لانها صعبه جدا

ويبالغون في تعقيد المنهج . مما ينعكس بشكل سلبي على مزاج الطفل وتقبله للدراسه.


وانا حاضر لاي استفسار او مشوره .



تحياتي لك

هلا فيك أخوي ( البعد الرابع ) ،،و تسعدني مداخلتك

معاك في نقطة المدارس المستقله ،، انا لحد الحين مب مقتنعه نهائيا فيها

ومدرسة ولدي الحالية نظامهم جيد جدا من حيث الانضباط واللباقه و التواصل مع الأهل أيضا ،، خاصه اني انا بعد اسبوعيا لازم أمر عليه المدرسه واقابل مدرساته ،، لكن المشكله في كم الواجبات والحفظ والامتحانات الي ماتخلص ،، بمعدل 4 امتحانات في السنه وكل امتحان ياخذ له شهر تقريبا و وقت الامتحانات يكون صارم وايد بالنسبه لي
وعجبني فيك عدم التساهل مع الخط الأحمر للدراسه ،، والحمد لله ماشين على جدول ذكرته سابقا محدد ونمشي عليه بدقه مع كسر الروتين احيانا ،، واصلا كل حياتهم جداول ،، حتى الصلاه مسوية لهم جدول يومي ،،
والتحفيز موجود و أساسي حق اليهال سواء من طلبات او نزهات او أي شي يطلبونه شرط الأخلاق العاليه و الانضباط في الدراسه
شاكره نصيحتك لي أخوي عن عدم المساوامه على دراسته في المدارس الجيده

وحبيت تفيدني أكثر عن أكاديمية الجزيره ،،
1 أهم شي كم امتحان عندهم في السنه ؟
2 طرق الواجبات عندهم كثيره يوميا أو متوسطه ؟
3 تقيم الطلاب بالشهادات اشلون ؟

شاكره مداخلتك الكريمه أخوي ،، تقديري لكــ ،، وبارك الله في أبناءك

[الطرف الأغر]

غاليتي الطرف الاغر ..

الف الف الف مبروك على فوز ابناءك في مسابقة حفظ القرآن الكريم وهو فوز لج انتي بالاول والاخير .. جعلهم الله من حفظة كتابه الكريم ..

بخصوص تساؤلج للأسف ماعرف نظام الدراسه هالكم سنه شلون صاير ماعندنا اي يهال في مرحلة الدراسه .. لكن اسمع وايد عن مدارس اجنبية واشوف عيال رفيجاتي يكون كلشي في المدرسة حتى الواجبات وفي البيت ماعليهم اي التزام .. مثل مدرسة نيوتن والمها والجزيرة ..
لان بصراحه اشوف شوي جدولج معاه صارم وقاسي بزياده وهو للحين في عمر محتاج انه يلعب ويستمتع بوقته ..

الله يوفقهم يارب ويفرحون قلبج ..

هلا بالغلا ،، وتسلم لي هالطــله

الله يبارك فيج ان شاء الله ،، شكرا عالدعاء الطيب من انسانه طيبه وعزيزه

المطلوب مثل ماذكرتي ،، ان تكون المدرسه متكفله نوعا ما بحل الواجبات مع تكليفهم بالمعقول في البيت ،،
عشان يكون عنده الوقت الكافي مب بس للعب ،، لممارسة هواياته على الاقل

وضميت أكاديمية الجزيره الى دوحه اكاديمي و قطر عشان أمر عليهم

والله يوفق الجميع ان شاء الله

[الطرف الأغر]

ماشالله على ولدج ..........


أهم شي تنظيم الوقت

هو اهم من كل شي ............

وخلي دراسته في اليوم ساعتين او ثلاثه بس ............

وصدقيني اذا نظمتي وقته ....

راح تستفيدين

حاولي تسويله جدول بالاعمال الوميه واهم شي اللعب .........

الى الامام داااااااااااااائما انشالله

وربي يكثر من الامهات الي امثالج

تسلمين عزيزتي ذربة الكلام ،، و تسعدني مداخلتج

بالنسبه للجدول الحمدالله منتظم جدا ،، لدرجه اني اتعمد اكسر الروتين لأن كل شي مجدول عنده مثل ماذكرت سابقا

واذا كانت الدراسه ساعتين يوميا ،، بيكون كل شي انحل ،،

لكن العقده مثل ماذكرت لج ،، في كميه الواجبات والحفظ و المواد الدراسيه

وتهمني وايد مسألة اللعب حق اليهال ،، ابيه يفرغ اشوي من طاقته في اللعب ويبتدي يركز مره ثانيه عالدراسه ،،

وربي يوفق الجميع ان شاء الله

[الطرف الأغر]

الطرف وتقولين ليش يتمللون


ههههههههه


اذا انتي تخلينهم نص ساعه بس لعب واربع ساعات دراسه وين تبينه يحب شي



لا خليه على الاقل ساعه


وماعليج ترى الولد وهو صغير يتعلم اكثر منا وحنا الواحد شطوله شعرضه فينا



عموما تصبحين على خير


وانشالله لكل مشكله حل



سيو توموروا


شفت اشلون اخوي بـدر :looking: ،، مظلوم هالانسان الصغير ( ولدي ) ،، مادرو عنه حقوق الطفل :p ،، مع ان أحس ان أغلب اليهال نفس الشي :)

وشاكره مداخلتك الكريمه ،، يعطيك العافيه ،، وانت من أهله

وانا أقولكم بعد

تصبحون على خير

[نبـــــراس]

الله يحفظه وتبلغين فيه يا رب ,,
اسمحيلي اختي ما اقدر افيدج ,, لكن منكم نستفيد .

[حيهور]

نظمي وقته للعب والدراسه والموضوع منتهي

50% دراسه في الاسبوع
50% لعب في الاسبوع

وكان الله غفورا رحيما

خير الامور اوسطها

[ارستقراطي]

في رمضان الي طاف كنت اسمع على قناة القران وحده متصله عمر ولدها تقريباً ست سنوات يحفظ من القران الكريم تقريباً على ما اذكر 8 اجزاء او 18 جء والله اعلم المهم ان الشيخ قالها ونصحها انها تخف على الولد يعني تخليه يلعب في اليوم من ساعتين الى ثلاث ساعات على الاقل عشان يعيش حياة الطفوله وباقي اليوم دراسه وتحفيظ

اعتقد راح تفيد هذه النصيحه الي قدمها الشيخ لمثل وضع ولدك الله يحفظه

تحياتي

[miss-qatr]

اختي والله ياريت اقدر افيدك كان من عيوني بس ماعندي خبره بهالسوالف



بس حبيت اقولك الله يكثر من امثالك صج نعم الام المثاليه في التربية ووالله مااجامل عجبتني شخصيتك وطريقه تفكيرك ..... فكر عالي وراقي للتربية



الله يوفقك ويخليلك عيالك يارب :)

[الخيميائي]

انزين سؤال

هو الى زهق من الدراسة والا انتي الى زهقتي من التدريس :p

معقولة المدرسة تعطيه واجبات تستغرق اكثر من ساعتين في اليوم للاستيعاب على سنة هذا

هذي بتطلع اشغال شاقة مب واجبات :)

بس يمكن انتي شادة عليه بزيادة في هذا المجال

يعني المفروض انتي بس تراجعين له على السريع الى خذاه بالمدرسة

وتشوفين هل عنده واجبات يحلها او لا

وبعدها تسكرين ملف المدرسة ويبدأ اللعب :p

لا تاخذين دور المفروض المدرسة تقوم فيه :)

وبس هذا الى اقدر اقوله حاليا

[rebal_alnajm]

السلام عليكم ورحمة الله وبركاته:
السؤال ليش مدرسة أجنبية؟
في مدارس خاصة قوية وتعطي لغة قوية وبيكون الولد بين أهله مومع ناس أغراب ما يعرف ايش دينهم وخصوصا الدين لأن الطفل في هذي المرحلة يتعلم أي شي وما ينساه
واذا ما لعب مثل باقي الأولاد بس يكبر (الله يسلمه) حتى لو أخذ أكبر شهادة ان شاء الله بيطلع نفسيته تعبانة وما عاد عنده قدرة على الابداع يعني الشهادة ما بيكون لها ذيك القيمة
بينما لما يكبر بين ربعه (وهنا دورك تنتبهين تشوفين مع مين يلعب ومين أصدقاؤه) ويحب بلده والاهم اللغة العربية والدين اللي نحنا تقريبا ننساهم شوية شوية - بيصير عنده ابداع وحافز يعمل شي حق بلده لأنه راح يصير يحبها
اعتذر على الاطالة ولكن برأيي اعملي استخارة وتوكلي على الله وانقليه مدرسة خاصة قوية وشرط تكون قطرية مو أجنبية
بالتوفيق ان شاء الله والله يحميه ويكبر بعزكم

[ضوى]

حبيبتي الغالية

اول شئ مبروووووووووووووووك فوز عيالج اللي هم عيالي بالمسابقة وان شاء ربي يقدرهم ويحفظون القرآن الكريم كاملا مجودا بإذن الله

يمكن انا اكثر واحدة من اللي مرو على الموضوع حاسة فيج وبمعاناتج ، ونصيحة مني دام فيه يومين في الاسبوع يلعبون ويسووووووون اللي يبون لا تغيرين من نظام التدريس عندج .

عيالي بمراحل مختلفة وبصفوف متفاوته لكن ولدي عبدالرحمن اللي برابع بعمر العلمية دراسته وايد صعبة لكن ما يكلفونه بواجبات كثيرة يعني تلاقينه خلال نص ساعة مخلص اللي عنده كله وللامانة أنا صار لي فترة مش بعيدة انسحبت من تدريسهم نهائياً ، يعني انا دوري ومهمتي اني اوفر لهم جو مناسب وتغذية مناسبة اثتاء الدراسة ، يعني خليت القرار بيدهم ، والحمد لله الحمد لله نجحت هالطريقة وحافظوا على تفوقهم السابق يعني انا عودتهم على الالتزام وهم استمروا عليه وبالنهاية اكيد لهم مكافأت حسب جهد ونتايج كل واحد فيهم

واللعب والوناسة يومين بالاسبوع كفاية ونص ساعة والا ساعة باليوم في ايام الدراسة بعد زين ، بس نصيحتي لج كأخت كبيرة لا تغيرين النظام اللي ماشية عليه اللهم انج تزيدين مساحة اللعب يعني بدل نص ساعة حاولي تخلينها ساعة كاملة اما شئ ثاني فلا

واتمنى من كل قلبي ربي يوفقج لتربية عيالج التربية الصحيحة اللي تقوم اخلاقهم وتهذب سلوكهم

وتقبلي تحيات اختك الكبيرة

ضوى

[وطن]

فاهمتك أخوي :discuss: ،، بس الوقت ضيق ما يساعد على الطلعات في نص الاسبوع
لأن الجدول كالاتي قومه من الصبح الساعه 6 والرجوع للبيت 2 الظهر
من 2- 3 شاور+صلاه+الغدا مع مشاهده التلفزيون لان عقب مافي تلفزيون
من 4 -8 دراسه ساعتين انجليزي وساعه عربي وشرعيه وساعه فرنسي مع وجود بريك بين كل ساعه وساعه مدة 10 دقايق
وهالساعات الزاميه مايقدر ينقص منهم ولا دقيقه
من 8 - 9 شاور+عشا مع مشاهدة التلفزيون
نص ساعه لعب بعد الـ9 ،، 9ونص هم في سريرهم ميتين من الصياح يبون يلعبون ازياده ومايبون ينامون :(
حتى اعيال اخوي مانعتهم ايون بيت ابوي ،، عشان اعيالي يدرسون ( صج ظالمــه :eek5: )

شكرا لك أخوي بدر وشكرا لتواصلك


اختي خفي عليه شوي
انا تعبت نفسياً من هالجدول
شلون هو
وبعدين تعب عليج انتي بعد

<==== وحده مالها طولة بال ع التدريس
الله يتمم عليج ان شاء الله ويحفظج ويحفظ لج عيالج من العين





هلا فيك أخوي ( البعد الرابع ) ،،و تسعدني مداخلتك

معاك في نقطة المدارس المستقله ،، انا لحد الحين مب مقتنعه نهائيا فيها

ومدرسة ولدي الحالية نظامهم جيد جدا من حيث الانضباط واللباقه و التواصل مع الأهل أيضا ،، خاصه اني انا بعد اسبوعيا لازم أمر عليه المدرسه واقابل مدرساته ،، لكن المشكله في كم الواجبات والحفظ والامتحانات الي ماتخلص ،، بمعدل 4 امتحانات في السنه وكل امتحان ياخذ له شهر تقريبا و وقت الامتحانات يكون صارم وايد بالنسبه لي
وعجبني فيك عدم التساهل مع الخط الأحمر للدراسه ،، والحمد لله ماشين على جدول ذكرته سابقا محدد ونمشي عليه بدقه مع كسر الروتين احيانا ،، واصلا كل حياتهم جداول ،، حتى الصلاه مسوية لهم جدول يومي ،،
والتحفيز موجود و أساسي حق اليهال سواء من طلبات او نزهات او أي شي يطلبونه شرط الأخلاق العاليه و الانضباط في الدراسه
شاكره نصيحتك لي أخوي عن عدم المساوامه على دراسته في المدارس الجيده

وحبيت تفيدني أكثر عن أكاديمية الجزيره ،،
1 أهم شي كم امتحان عندهم في السنه ؟
2 طرق الواجبات عندهم كثيره يوميا أو متوسطه ؟
3 تقيم الطلاب بالشهادات اشلون ؟

شاكره مداخلتك الكريمه أخوي ،، تقديري لكــ ،، وبارك الله في أبناءك


بقول لج عن الجزيرة عن تجربة ناس من أهلنا
وعن اللي سمعته من ناس من بره بعد
قبل كنت أسمع انهم يسحبون عيالهم لان التدريس مستواه مو عالي
وماكنت أصدق بس لما شفت اللي من اهلي سحبوا عيالهم لنفس السبب
قلت اكيد السالفة صج
المراحل اللي كانو فيها أول وثاني وثالث
من ناحية الهوم وورك ما يطولون اليهال لان كنت اشوفهم قدامي يدرسون في بيتنا
اما ا لامتحانات ما كنت ادري عنها لاني مو أمهم .. واكره التدريس الصراحة حدي اسوي معاهم هوم وورك واحد او اثنين بالسنة
بس هم امتحاناتهم ما كنا نحس بها هم على طول في بيتنا !!!
و الحمدلله نتايجهم دوم امتياز

السنة اللي طافت كنا نعاني من نظافة الطلاب والطالبات اللي معاهم بالصف غير الروايح المزعجة والكريهه بالمدرسة "في الصفوف بالتحديد"

وانتشار القمل بشكل مخيف ... لدرجة اني قلت لهم ما تجيبونهم بيتنا خلاص
"اخاف على نفسي"
والمعاناة استمرت لين اخر السنة لحد ما طلعوهم من هالمدرسة
مع العلم كم مره مكلمين ادارة المدرسة وفي مره من المرات انا اللي كلمتهم
بس ما في شي تغير بس نسمع وعود crazy

و في سبب اخر بعد لسحبهم من المدرسة وهي ان الادارة تغيرت
ومالك المدرسة تغير بعد .. فشوي شوي كل شي فيها راح يتغير


ان شاء الله أكون افدتج من تجربتنا مع الجزيرة
واكيد اخونا البعد الرابع له تجربة أفضل من اللي مرت علي

بس نصيحة اذا ولدج متعود على مستوى عالي من الدراسة لا تنزلينه لمدرسة مستواها أقل وفترة التدريس فيها في البيت اقل بمراحل

خليه وشدي عليه وكلها فترة ان شاء الله ويعتمد على نفسه
الخوف بس ان المناهج تزداد صعوبة وتحتاجين مدرسين له :thumbdown:


الحين عندنا 2 في الأمريكان سكول
هالمدرسة عيبها ان مافي تربية دينية والحين امي تدور لهم مدرسة تدرسهم قران ودين في البيت وتمشي بهم مع مناهج التربية والتعليم

والثالثه مادري شنو اسم المدرسة بس هي اللي في الدفنة يمكن قطر انترناشونال !!!


انزين سؤال

هو الى زهق من الدراسة والا انتي الى زهقتي من التدريس :p

معقولة المدرسة تعطيه واجبات تستغرق اكثر من ساعتين في اليوم للاستيعاب على سنة هذا

هذي بتطلع اشغال شاقة مب واجبات :)

بس يمكن انتي شادة عليه بزيادة في هذا المجال

يعني المفروض انتي بس تراجعين له على السريع الى خذاه بالمدرسة

وتشوفين هل عنده واجبات يحلها او لا

وبعدها تسكرين ملف المدرسة ويبدأ اللعب :p

لا تاخذين دور المفروض المدرسة تقوم فيه :)

وبس هذا الى اقدر اقوله حاليا

:ok::ok::ok:

[الزاجل]

غاليتي الطرف الاغر ..

الف الف الف مبروك على فوز ابناءك في مسابقة حفظ القرآن الكريم وهو فوز لج انتي بالاول والاخير .. جعلهم الله من حفظة كتابه الكريم ..

بخصوص تساؤلج للأسف ماعرف نظام الدراسه هالكم سنه شلون صاير ماعندنا اي يهال في مرحلة الدراسه .. لكن اسمع وايد عن مدارس اجنبية واشوف عيال رفيجاتي يكون كلشي في المدرسة حتى الواجبات وفي البيت ماعليهم اي التزام .. مثل مدرسة نيوتن والمها والجزيرة ..
لان بصراحه اشوف شوي جدولج معاه صارم وقاسي بزياده وهو للحين في عمر محتاج انه يلعب ويستمتع بوقته ..

الله يوفقهم يارب ويفرحون قلبج ..

قبل ما اعقب على الطرف الأغر

اسمحي لي يالسديم ابتدي معاج ..

عمره الطفل ما بيتوفق في دراسته لو تم
الاعتماد على المدرسة ..

ومدرسة نيوتن فيها وظايف ودروس
حتى البير سكول عندهم شيتات اسبوعية
مطلوب من الطفل انه يحفظ الكلمات اذا حب
يتطور في المدرسة ..

كم هاااااااااااااائل من الكلمات الجديدة على الطفل
اذا ما تمت مراجعتها في البيت من قبل الأم او الأب
الطفل راح يكون مثل الأطرش في الزفة ..
وممكن الأم تفرح ان ولدها صار يعرف كم من كلمة
لكنه في الأخير مب متفوق ..
اشلون الطفل يصير متفوق ونعتمد على المدرسة
وطفل ياخذ مادة يديدة عليه مثل الانجليزي والفرنسي ؟
اذا الرسبشن والبير سكول في نيوتن دخلوا
الفرنسي فيه .. اشلون الطفل بيعرف الحروف
من غير ضغط عليه في البيت ؟
فاستغرب من الناس
اللي يقولون ان عيالنا ما عندهم وظايف في هالمدارس
من جذيه افرحوا عيالنا لما دعسناهم في هالمدارس
وانصدموا ان اذا بغوا يصيرون متفوقين
عليهم انهم يراجعون ويدرسون ويحلون في البيت ..

عودة الى الطرف الأغر
اتفق مع البعد الرابع في كل كلمة قالها
اللهم في تصنيفه للمدارس ..
فالمدارس بشكل عام تعتمد على المدرسين اللي فيها
بالاضافة الى المناهج ..
فمتى ما توفق الطفل بمدرسين ممتازين
اهنيه نقدر نقول المدرسة هذه تستحق الاشادة ..

مدرسة ولدج
سمعت عنها انها صعبة على الطفل
من خلال احد اولياء الأمور ..
وكانت العصوبة تكمن بالنسبة له
انه هو ما كان يعرف اللغة الانجليزية
فيجد صعوبة بااااااااااالغة و وقت كبييييييييييير
في مراجعة دروس ولده سواء هو ام ام عياله ..
وفكر انه يطلع ولده
قلنا له ليش
قال صعب ..

قلنا صعب عليك والا على الولد ؟
قال علينا كلنا.. مب ملحقين يومنا يضيع واحنا نحاول
انترجم له ونشرح له ..

فنصحناه انه يبقى على هالمدرسة
ولكن
يحط مدرسين يعرفون اشلون يتعالمون مع المواد.

فمن غير المعقول ام ما اتعرف لغة فرنسية
وتبي اتدرس ولدها فرنسي .. وتقول دراستهم صعبة ؟

وما يصير اب ما يعرف انجليزي
ويضيع وقته ووقت ولده في مراجعة المواد
اللي باللغة الأنجليزية ..

اما بخصوص الوقت
امم
الطفل بحاجة الى اللعب .. وما اعتقد ولدج ما يحصل وقت للعب كلش
وما اعتقد انج طووول الاسبوع محبوسة في البيت
مع هالطفل .. لكن مب تضغطين عليه من اول ما يرد لين
يروح الفراش ..

ولكن بشكل عام
الضغط اليومي على الطفل من صالحه
هو اللي را ح يستفيد في الأخير .. واللي ينتقدون
اسلوبج مع احترامي الشديد لهم
يا ان عيالهم خوارق .. او انهم يعتمدون على قدرات عيالهم
في التحصيل العلمي دون مجهود مكثف ..
يعني هذي قدرات ولدي
ما يقدر يعدي 70 &#37;
وفي ناس عندهم 80 % متفوق..
وفي ناس عيالهم لو يابوا 97 % فالمرحلة الابتدائية ينحرم الولد
من هدية النجاح ..

فشوفي انت من اي نوع بالضبط ..

ونقطة مهمة جدا
حطي حوافز للطفل .. بحيث انه كل ما خلص اسرع كانت
له مكافأة غير مبالغ فيها ..
مثلا اذا خلصت بسرعة بنروح مكان هو يحب يروح له..

واتمنى انج مع الوقت مثل ما قالت ضوى
تحاولين تنسحبين من حياة الطفل
واتابعينه من بعيد لبعيد ..
يعني
اتفهمينه الاشياء اللي مب فاهمها
وتتركينه يحل كل شي بروحه .. ويدور بعد على
مصادر جديدة للاستزادة .. وكله من بعيد وتحت اشرافج
وتدعمينه بكل الطرق ..

[الزاجل]

انزين سؤال

هو الى زهق من الدراسة والا انتي الى زهقتي من التدريس :p

معقولة المدرسة تعطيه واجبات تستغرق اكثر من ساعتين في اليوم للاستيعاب على سنة هذا

هذي بتطلع اشغال شاقة مب واجبات :)

بس يمكن انتي شادة عليه بزيادة في هذا المجال

يعني المفروض انتي بس تراجعين له على السريع الى خذاه بالمدرسة

وتشوفين هل عنده واجبات يحلها او لا

وبعدها تسكرين ملف المدرسة ويبدأ اللعب :p

لا تاخذين دور المفروض المدرسة تقوم فيه :)

وبس هذا الى اقدر اقوله حاليا

اسمح لي اختلف معاك
بحكم اني بو عيال :D

لو رجعنا للمتفوقين راح نلاحظ
ان الأم او الأب هم اللي ورا عيالهم ..

يوم كنا صغار .. كنا انظن ان عيال المدرسين والمدرسات
لما يتفوقون علينا بسبة انهم خوارق ..

يعني اللي ياخذه في المدرسة يحفظه على طوول
من غير دراسة .. بس كل اللي عليه انه يحل الواجبات..

طيب ما هو الواجب فيه اسئلة امحورة
اشلون عرف يحلها وهي اكبر من عمره ؟
على الأقل اشلون توصل للطريقة هذه اللي خلته
يتبعها مع مسائل ثانية :spider:

ما كنا انعرف السبب
غير انهم اذكية من أكل الحمص والزيتون والجبنة المالحة
والمرتدلة .

واحنا كسالة بسبة البيض والطماط ..
فصاروا يحطون لنا على الريوق
زيت يتون زعتر وزيتون وجبنة مالحة
ويصرون علينا ناكل منه على الصبح :stop:

ولاحظ يا خم خم
انالأوائل من الطلاب عيال اخواننا العرب

لما يطلعون في الجرايد ويقولون اعتمدنا على نفوسنا
من غير دورس خصوصية .
هذا لأنهم مفهوم الدروس الخصوصية عندهم
متمركزفي كم دفعت نظير هالدروس ..

فالطرف الأغر ما تعتبر جهدها مع ولدها
دروس خصوصية .
لكن لو حطت مدرسة حق الولد
بتقول حاطتة له مدرسة خصوصية ..

ليش ؟
لأنها ادفعت لها فلوس ..
حتى لو اختها او جارتها تموا وراه طوول السنة
ما بتقول دروس خصوصية
تقول
جارتي يا حليلها
ما قصرت معاه طوول السنة وتم وراه
او اختي جزاها الله كل خير
رصت عليه في الفرنسي ..

من جذيه المتفوقين من ابناء الجاليات العربية
يتفوقون بعد متابعة كبييييييييرة من المحيطين
لأنهم ما يعدون الأب المدرس ( مدرس خصوصي )
وما يعدون الأم المدرسة ( مدرسة خصوصية )
وما يعدون العمارة بكبرها كلها مدرسين
وممكن اي واحد فيهم يشرح له اصعب المسائل
مدرسين خصوصين لأنهم جيرانهم ..

لكن احنا
اذا الأم ضغطت على ولدها
قالوا لها لا تاخذين دور المدرسة ؟

هل دور المدرسة يتركز على ان الطفل
يراجعون له اللي خذه يوميا .. ويركزون
على مكامن الضعف والقوة ل 30 طالب في صف واحد
من قبل مدرسة وحدة اتدرس 5 صفوف ؟

على المدرسة انها توفر للطالب المنهج الصحيح
اللي يدرس بالشكل الصحيح . والمدرس الكفؤ
وعلى البيت متابعة الطفل والضغط عليه
حتى يستوعب هالمنج ويصير ماي عنده ..

احنا في البيت اسلوب متابعتنا لعيالنا
قريب جدا جدا جدا شكرا :D
لاسلوب الطرف الأغر ..
مع الأخذ بنقاط ضعف وقدرات كل طفل عندنا
فاللي محتاج دعم خارجي المدرسين تحت امره
واللي مكتفي الحمدلله والشكر خير وبركة وتوفير في المصاريف :dance

ومع هذا
البنات والصبيان
دشوا في اعمار صغيرة
الكاراتيه
والتيكواندو
والسباحة
ويشاركون في مراكز ومناسبات وطنية
وبفضل الله ونعمه علينا
متفوقين على مستوى محترم .

ما شفنا ولا واحد منهم فقد طفولته والا فقد عمره
الا عايشين مراهقتهم وهم فخورين بنفوسهم..

الا لاحظنا ان كل ما رخينا معاهم كل ما تكاسلوا
وافقدوا روح الجدية في التعامل مع الأمور ..

يعني احنا يا خم خم
صحيح الاطفال في مدارس اجنبية

لكن الزام عليهم
اسبوعيا يكتب لي موضوع انشاء
واي واحد منهم اسلوبه مب عاجبني على طووول يعيد لي الموضوع
ولدي يقول لي عطني افكار علشان اكتب قلت له اكتب عن البحر وخلاص
يات اخته قالت لي انزين اشنكتب عن البحر ؟
قلت لها شفتي البحر شوو كبير
قد البحر ممكن تكتبين عنه ..
قالت لي
انزين
اكتب لنا انت وراونا اشلون تكتب من غير افكار
وجنت براقش على نفسها:wizard:
قلت لها باكتب لج 15 سطر بس بقول لج
اني هذه ما اتيي مقدمة بس عن البحر
وكتبت اللي قدرني ربي عليه
وانصدمت لما شافت اشلون ممكن معلومات بسيطة
جدا انشكلها واتصير موضوع انشاء
من غير افكار ومقدمات ..

لما اتحصل طفل حافظ جزئ عمه وهو مطلوب منه لين سورة الفجر
هل هذا المدرسة ؟

لما اتحصل طفل عنده كم كبير من الكلمات باللغة
الأنجليزية .. هل هالشي من المدرسة ؟

لما اتشوف عيالنا اللي بدوا يدرسون فرنسي مثلا
هل اللي بدوا يتعلمونه كان من المدرسة ؟
المدرسة بتوفر لهم منهج
ومدرس او مدرسة
بتعطيهم الحروف
وكيفية نطقها مع عشر او عشرين كلمة
طيب وبعدين ؟
من عليه المسؤولية بعدين ؟

على البيت


لأن
المتابعة الكثيفة من البيت
هي الكفيلة بان يتفوق الطفل ..
وخاصة في بداية حياته المدرسية
محتاج الطفل لدعم ووقوف من قبل الأم
والأب والأخ والعم والخال..

[badr_vip55]

شفت اشلون اخوي بـدر :looking: ،، مظلوم هالانسان الصغير ( ولدي ) ،، مادرو عنه حقوق الطفل :p ،، مع ان أحس ان أغلب اليهال نفس الشي :)

وشاكره مداخلتك الكريمه ،، يعطيك العافيه ،، وانت من أهله

وانا أقولكم بعد

تصبحون على خير



لا عاد الطرف الاغر لاتسوين فيه جي تعقدينه


وتقولين تدليلينه



هههههههههههههه



نفس حالت اخرة العنقود الصغنونه



ماتشوف في البيت غيري


بس خليه يلعب

ولدج شوي


تحياتي لج



وشكلي بتصل حقوق الطفل وببلغ عنج
:wizard:

[الطرف الأغر]

الله يحفظه وتبلغين فيه يا رب ,,
اسمحيلي اختي ما اقدر افيدج ,, لكن منكم نستفيد .


تسلمين عزيزتي ( نبــراس ) ،، والفايده تعم الجميع ،، لأن كثير من الأمهات يعانون من نفس الأزمه

تقديري لــك

[الطرف الأغر]

نظمي وقته للعب والدراسه والموضوع منتهي

50% دراسه في الاسبوع
50% لعب في الاسبوع

وكان الله غفورا رحيما

خير الامور اوسطها

أولا ،، شكرا لمداخلتك أخوي السقطري

وفعلا تنظيم الوقت موجود ،، بس كميه الدروس ماتعطي وقت اللعب حقه
ومع ردودكم اتضحت لي أمور تشجيعيه كثيره ،، جزاكم الله خير

تحياتي لك


في رمضان الي طاف كنت اسمع على قناة القران وحده متصله عمر ولدها تقريباً ست سنوات يحفظ من القران الكريم تقريباً على ما اذكر 8 اجزاء او 18 جء والله اعلم المهم ان الشيخ قالها ونصحها انها تخف على الولد يعني تخليه يلعب في اليوم من ساعتين الى ثلاث ساعات على الاقل عشان يعيش حياة الطفوله وباقي اليوم دراسه وتحفيظ

اعتقد راح تفيد هذه النصيحه الي قدمها الشيخ لمثل وضع ولدك الله يحفظه

تحياتي

شكرا لك أخوي ارستقراطي ،، وفعلا الياهل خاصه الولد يحتاج لمساحه كبيره من اللعب في حياته في هالعمر ،، بس أهم شي ما تأثر على دراسته ،، فالتوازن مطلوب بس أعتقد ان كفة اللعب تغلب في هالفتره

وجزاك الله خير على مداخلتك ،، تقديري لك


اختي والله ياريت اقدر افيدك كان من عيوني بس ماعندي خبره بهالسوالف



بس حبيت اقولك الله يكثر من امثالك صج نعم الام المثاليه في التربية ووالله مااجامل عجبتني شخصيتك وطريقه تفكيرك ..... فكر عالي وراقي للتربية



الله يوفقك ويخليلك عيالك يارب :)

تسلم عيونج عزيزتي ،، يكفيني تواصلج ،، والموضوع عام والكل يستفيد منه

وشكرا على الاطراء اللطيف من ذوقج ،، تقديري لـكِ

[الطرف الأغر]

انزين سؤال

هو الى زهق من الدراسة والا انتي الى زهقتي من التدريس :p

تبي الصج هو زهق ،، لأني انا من النوع الصامد و المكافح :strong ،، وفيني طولة بال على التدريس ،، لدرجه ان الي حولي يملون وانا ما أتملل

معقولة المدرسة تعطيه واجبات تستغرق اكثر من ساعتين في اليوم للاستيعاب على سنة هذا

هذي بتطلع اشغال شاقة مب واجبات :)

نعم معقوله لأن تخيل عنده 9 مواد دراسيه ،، بيعطونه أقل شي 3 واجبات ( أقل شي لاحظ ) ،، فانا لازم مب بس أحل الواجب واسكر الشنطه وخلاص ،، لازم يحفظ الدرس حفظ كتابه و شفهي ،، عشان لي يا وقت الامتحان يكون دارس كل شي وحافظ مجرد مراجعات سريعه مع تمارين
والله ان لي رحت أسأل عنه في المدرسه ،، تقولي المعلمه ،، ان في أهالي ما يفتحون حتى شنط اعيالهم لمدة اسبوع ( شالقلب الي عليهم ) ،، والكتب نفسها هي هي ،، والواجبات والاوراق منثره في الشنطه ،، انا ما أقدر أكون جي ،، حتى تواصل المدرسات مع الامهات الي يهتمون غير ،، ويعتنون بالتلميذ بطريقه أفضل ،، لأن يعرفون ان في أم وراه تراجعله وادرسه واتحاسبه على كل صغيره وكبيره

بس يمكن انتي شادة عليه بزيادة في هذا المجال

بالضبط شاده عليه من قلب :(

يعني المفروض انتي بس تراجعين له على السريع الى خذاه بالمدرسة

وتشوفين هل عنده واجبات يحلها او لا

اذا الموضوع على حل الواجبات بس مثل ماذكرت لك ،، بيكون الأمر مافي أسهل منه

وبعدها تسكرين ملف المدرسة ويبدأ اللعب :p

لا تاخذين دور المفروض المدرسة تقوم فيه :)

ماقدر :confused:

المدرسه عليها تشرح الدرس وتفهم الطلاب وتعطيهم أوراق تمارين يحلونها
أما حفظ الدرس كتابه و شفهي وتطبيقي ،، على البيت مب على المدرسه وبس هذا الى اقدر اقوله حاليا

شكرا لك على مداخلتك :)

[الطرف الأغر]

السلام عليكم ورحمة الله وبركاته:
السؤال ليش مدرسة أجنبية؟
في مدارس خاصة قوية وتعطي لغة قوية وبيكون الولد بين أهله مومع ناس أغراب ما يعرف ايش دينهم وخصوصا الدين لأن الطفل في هذي المرحلة يتعلم أي شي وما ينساه
واذا ما لعب مثل باقي الأولاد بس يكبر (الله يسلمه) حتى لو أخذ أكبر شهادة ان شاء الله بيطلع نفسيته تعبانة وما عاد عنده قدرة على الابداع يعني الشهادة ما بيكون لها ذيك القيمة
بينما لما يكبر بين ربعه (وهنا دورك تنتبهين تشوفين مع مين يلعب ومين أصدقاؤه) ويحب بلده والاهم اللغة العربية والدين اللي نحنا تقريبا ننساهم شوية شوية - بيصير عنده ابداع وحافز يعمل شي حق بلده لأنه راح يصير يحبها
اعتذر على الاطالة ولكن برأيي اعملي استخارة وتوكلي على الله وانقليه مدرسة خاصة قوية وشرط تكون قطرية مو أجنبية
بالتوفيق ان شاء الله والله يحميه ويكبر بعزكم

عليكم السلام ورحمه الله وبركاته

المدارس الأجنبيه هي الأقوى بشكل عام و منظمه أكثر في نظري من المدارس المستقله ( وجهة نظري الخاصه )
والمدارس الخاصه والاجنبيه 90% منهم قطريين يعني مسلمين ،،و أيضا في الغالب يكونون المدرسات مسلمات ،،
واللغه العربيه والتربيه الاسلاميه تدرس بمنهج الحكومه ،، وفي البيت مب مقصرين معاه مطوع القران ايهم دايما يحفظهم ويتابع معاهم الحفظ ،، اعتمادنا على التربيه الاسلاميه مب متعلق فقط على المدرسه ،، الدور الأول على البيت وعلينا أحنا كأولياء أمور ،، وأصدقاءه في المدرسه أغلبهم اعيال خواله وعمامه ،، وماعليه شر ان شاء الله دام في متابعه أسبوعيه وكبسات للمدرسه بدون علمه :victory:
وشكرا على المداخله الطيبه منك أخوي ،، وبارك الله فيك

[الطرف الأغر]

حبيبتي الغالية

اول شئ مبروووووووووووووووك فوز عيالج اللي هم عيالي بالمسابقة وان شاء ربي يقدرهم ويحفظون القرآن الكريم كاملا مجودا بإذن الله

يمكن انا اكثر واحدة من اللي مرو على الموضوع حاسة فيج وبمعاناتج ، ونصيحة مني دام فيه يومين في الاسبوع يلعبون ويسووووووون اللي يبون لا تغيرين من نظام التدريس عندج .

عيالي بمراحل مختلفة وبصفوف متفاوته لكن ولدي عبدالرحمن اللي برابع بعمر العلمية دراسته وايد صعبة لكن ما يكلفونه بواجبات كثيرة يعني تلاقينه خلال نص ساعة مخلص اللي عنده كله وللامانة أنا صار لي فترة مش بعيدة انسحبت من تدريسهم نهائياً ، يعني انا دوري ومهمتي اني اوفر لهم جو مناسب وتغذية مناسبة اثتاء الدراسة ، يعني خليت القرار بيدهم ، والحمد لله الحمد لله نجحت هالطريقة وحافظوا على تفوقهم السابق يعني انا عودتهم على الالتزام وهم استمروا عليه وبالنهاية اكيد لهم مكافأت حسب جهد ونتايج كل واحد فيهم

واللعب والوناسة يومين بالاسبوع كفاية ونص ساعة والا ساعة باليوم في ايام الدراسة بعد زين ، بس نصيحتي لج كأخت كبيرة لا تغيرين النظام اللي ماشية عليه اللهم انج تزيدين مساحة اللعب يعني بدل نص ساعة حاولي تخلينها ساعة كاملة اما شئ ثاني فلا

واتمنى من كل قلبي ربي يوفقج لتربية عيالج التربية الصحيحة اللي تقوم اخلاقهم وتهذب سلوكهم

وتقبلي تحيات اختك الكبيرة

ضوى


الله يبارك فيج يالغاليه :) ،، ومن طيبج تعتبرين اعيالي اعيالج ،، وتسلمين على الدعاء الحلو منج ،، والله يقدرنا على تربيتهم تربيه صالحه باذن الله

انا وايد تعجبني مثاليتج يا ضوى من غير مجامله أحس فينا تقارب كبير من هالناحيه ،، نكون صارمين وحازمين لمصلحتهم في النهايه

اتصدقين ضوى انا بنت عمي ما شاء الله عليها موجهه ،، واعيالها كلهم بعثات أمريكا ،، انصحتني ان اعلم اعيالي بروحهم يفتحون الشنطه ويحلون واجباتهم ويحفظونها ،، وعقب انا اراجع لهم علىالي هم سوه بنفسهم ،، بس انا من النوع الوسواسي ،، يعني ما اقدر اصبر اشوفهم بروحهم يسون شي احس يضيعون وقت لانهم توهم اصغار ،، لازم انا على راسهم حتى لو مع المدرسه الخاصه لازم انا مستمته في النص بينهم ،،:D

وان شاء الله احاول استقر على جدول يعطيهم حقهم في اللعب ،،

وتشرفني مداخلتك يا ضوى ،، أخت عزيزه وغاليه علي

[الطرف الأغر]

اختي خفي عليه شوي
انا تعبت نفسياً من هالجدول
شلون هو
وبعدين تعب عليج انتي بعد

<==== وحده مالها طولة بال ع التدريس
الله يتمم عليج ان شاء الله ويحفظج ويحفظ لج عيالج من العين



كلامج اينن يا وطن :D ،، مداخله لطيفه منج يالغاليه

وصاجه مسكين تراه تعبان نفسيا ،، يكسر الخاطر ،، من يخلص وقت الدراسه ما أحصله جدام عيوني دقيقه ،، بالأحرى ما اشوفه على الأرض كله متعلق :happy:


بقول لج عن الجزيرة عن تجربة ناس من أهلنا
وعن اللي سمعته من ناس من بره بعد
قبل كنت أسمع انهم يسحبون عيالهم لان التدريس مستواه مو عالي
وماكنت أصدق بس لما شفت اللي من اهلي سحبوا عيالهم لنفس السبب
قلت اكيد السالفة صج
المراحل اللي كانو فيها أول وثاني وثالث
من ناحية الهوم وورك ما يطولون اليهال لان كنت اشوفهم قدامي يدرسون في بيتنا
اما ا لامتحانات ما كنت ادري عنها لاني مو أمهم .. واكره التدريس الصراحة حدي اسوي معاهم هوم وورك واحد او اثنين بالسنة
بس هم امتحاناتهم ما كنا نحس بها هم على طول في بيتنا !!!
و الحمدلله نتايجهم دوم امتياز

السنة اللي طافت كنا نعاني من نظافة الطلاب والطالبات اللي معاهم بالصف غير الروايح المزعجة والكريهه بالمدرسة "في الصفوف بالتحديد"

وانتشار القمل بشكل مخيف ... لدرجة اني قلت لهم ما تجيبونهم بيتنا خلاص
"اخاف على نفسي"
والمعاناة استمرت لين اخر السنة لحد ما طلعوهم من هالمدرسة
مع العلم كم مره مكلمين ادارة المدرسة وفي مره من المرات انا اللي كلمتهم
بس ما في شي تغير بس نسمع وعود crazy

و في سبب اخر بعد لسحبهم من المدرسة وهي ان الادارة تغيرت
ومالك المدرسة تغير بعد .. فشوي شوي كل شي فيها راح يتغير


ان شاء الله أكون افدتج من تجربتنا مع الجزيرة
واكيد اخونا البعد الرابع له تجربة أفضل من اللي مرت علي

بس نصيحة اذا ولدج متعود على مستوى عالي من الدراسة لا تنزلينه لمدرسة مستواها أقل وفترة التدريس فيها في البيت اقل بمراحل

خليه وشدي عليه وكلها فترة ان شاء الله ويعتمد على نفسه
الخوف بس ان المناهج تزداد صعوبة وتحتاجين مدرسين له :thumbdown:


الحين عندنا 2 في الأمريكان سكول
هالمدرسة عيبها ان مافي تربية دينية والحين امي تدور لهم مدرسة تدرسهم قران ودين في البيت وتمشي بهم مع مناهج التربية والتعليم

والثالثه مادري شنو اسم المدرسة بس هي اللي في الدفنة يمكن قطر انترناشونال !!!



:ok::ok::ok:


قمل :looking: ،، روايح كريهه :looking:
مــابي :stop:

بصراحه انا يهمني ان تكون المدرسه مستواها مميز لكن يخفون من الواجبات والامتحانات الي اتهد حيل الياهل ،،

بصراحه صج مدرسة ولدي صعبه لكن ما شاء الله من صف الثاني يبتدي يقرا جرايد وكتب وقصص بسهوله عندهم التأسيس ممتاز ،، ويعطونهم كلمات طويله وكثيره ،، واملاء على طول،، وبعد بنفس الوقت انا أسستهم بروحي عدل يعني كنت جدا متعاونه مع المدرسه ،، و أعلمهم على القراءه بشكل يومي لين ماتمكنو عدل ،، حتى وقت اللعب عندي فالبيت على السبوره البيضا ،، اقول كلمه ومن يكتبها أسرع مسابقه بين ولدي وبنتي ،، حتى مستوا بنتي مع انها كانت بالروضه تأثرت بأخوها وايد مع انها اذكى منه ،،

أما بالنسبه للمدارس الأمريكيه ،، اولا ما أحب طريقة مناهجهم لسبب ،، انا ولدي قبل كانت بدايته في الاكاديميه الأمريكيه ،، نظامهم التأسيسي للحضانه والروضه فوق الممتاز ،، لكن عقب المرحله الابتدائيه أغلب الأسأله والامتحانات أغلبها 90% منها اختياري و توصيل وبس ،، انزين اشلون بيتعلم الكتابه والطلاقه اذا بيعتمد على صح وخطأ وتوصيل واملىء الفراغ!

اما النظام البريطاني الي تتبعه مدرسه ولدي ،، ان العام في الصف الثاني مب أقل من 40 سؤال كتابي يعني سؤال كامل وكتابة الجواب كامل مع القواعد ( اذا خطأ فيها تنخصم من الدرجه ) للماده الواحده غير طبعا اسأله التوصيل والصح والخطأ ,,, الخ

شفتي الفرق اشلون واضح ،، انا بنت اخوي للحين في الامريكيه ،، ماتعرف تكتب الكلمات الطويله عدل بدون أخطاء املائيه وهي طالعه الأولى على المدرسه ،، لأن خلوهم يعتمدون كبدايه على الفهم والتوصيل وبس

واسمحيلي على الاطاله ،، وتسعدني مشاركتج معانا عزيزتي

[وطن]

قمل :looking: ،، روايح كريهه :looking:
مــابي :stop:

بصراحه انا يهمني ان تكون المدرسه مستواها مميز لكن يخفون من الواجبات والامتحانات الي اتهد حيل الياهل ،،

بصراحه صج مدرسة ولدي صعبه لكن ما شاء الله من صف الثاني يبتدي يقرا جرايد وكتب وقصص بسهوله عندهم التأسيس ممتاز ،، ويعطونهم كلمات طويله وكثيره ،، واملاء على طول،، وبعد بنفس الوقت انا أسستهم بروحي عدل يعني كنت جدا متعاونه مع المدرسه ،، و أعلمهم على القراءه بشكل يومي لين ماتمكنو عدل ،، حتى وقت اللعب عندي فالبيت على السبوره البيضا ،، اقول كلمه ومن يكتبها أسرع مسابقه بين ولدي وبنتي ،، حتى مستوا بنتي مع انها كانت بالروضه تأثرت بأخوها وايد مع انها اذكى منه ،،

أما بالنسبه للمدارس الأمريكيه ،، اولا ما أحب طريقة مناهجهم لسبب ،، انا ولدي قبل كانت بدايته في الاكاديميه الأمريكيه ،، نظامهم التأسيسي للحضانه والروضه فوق الممتاز ،، لكن عقب المرحله الابتدائيه أغلب الأسأله والامتحانات أغلبها 90% منها اختياري و توصيل وبس ،، انزين اشلون بيتعلم الكتابه والطلاقه اذا بيعتمد على صح وخطأ وتوصيل واملىء الفراغ!

اما النظام البريطاني الي تتبعه مدرسه ولدي ،، ان العام في الصف الثاني مب أقل من 40 سؤال كتابي يعني سؤال كامل وكتابة الجواب كامل مع القواعد ( اذا خطأ فيها تنخصم من الدرجه ) للماده الواحده غير طبعا اسأله التوصيل والصح والخطأ ,,, الخ

شفتي الفرق اشلون واضح ،، انا بنت اخوي للحين في الامريكيه ،، ماتعرف تكتب الكلمات الطويله عدل بدون أخطاء املائيه وهي طالعه الأولى على المدرسه ،، لأن خلوهم يعتمدون كبدايه على الفهم والتوصيل وبس

واسمحيلي على الاطاله ،، وتسعدني مشاركتج معانا عزيزتي



في هذا معاج حق
الأمريكان عموما ما يهمهم السبيلينغ ولا حتى القواعد تشوفين اللغة الله بالخير

اما البريطانيين فضيعين

:)

[الطرف الأغر]

قبل ما اعقب على الطرف الأغر

اسمحي لي يالسديم ابتدي معاج ..

عمره الطفل ما بيتوفق في دراسته لو تم
الاعتماد على المدرسة ..

ومدرسة نيوتن فيها وظايف ودروس
حتى البير سكول عندهم شيتات اسبوعية
مطلوب من الطفل انه يحفظ الكلمات اذا حب
يتطور في المدرسة ..

كم هاااااااااااااائل من الكلمات الجديدة على الطفل
اذا ما تمت مراجعتها في البيت من قبل الأم او الأب
الطفل راح يكون مثل الأطرش في الزفة ..
وممكن الأم تفرح ان ولدها صار يعرف كم من كلمة
لكنه في الأخير مب متفوق ..
اشلون الطفل يصير متفوق ونعتمد على المدرسة
وطفل ياخذ مادة يديدة عليه مثل الانجليزي والفرنسي ؟
اذا الرسبشن والبير سكول في نيوتن دخلوا
الفرنسي فيه .. اشلون الطفل بيعرف الحروف
من غير ضغط عليه في البيت ؟
فاستغرب من الناس
اللي يقولون ان عيالنا ما عندهم وظايف في هالمدارس
من جذيه افرحوا عيالنا لما دعسناهم في هالمدارس
وانصدموا ان اذا بغوا يصيرون متفوقين
عليهم انهم يراجعون ويدرسون ويحلون في البيت ..

عودة الى الطرف الأغر
اتفق مع البعد الرابع في كل كلمة قالها
اللهم في تصنيفه للمدارس ..
فالمدارس بشكل عام تعتمد على المدرسين اللي فيها
بالاضافة الى المناهج ..
فمتى ما توفق الطفل بمدرسين ممتازين
اهنيه نقدر نقول المدرسة هذه تستحق الاشادة ..

فعلا معلمة ولدي في الحضانه والتمهيدي في الاكاديمية الأمريكيه ممتازه جدا جدا
و أيضاً في المدرسه الي الحين هو موجود فيها معلمته هي نفسها درسته صف الأول و الصف الثاني ،، واطلبت مني لما كان في الصف الثاني اني انقل ولدي لصفها بطلب من المديره عشان هي تبيه يكون معاها لأنه متوفق ،، وهي كانت متساعده ومتعاونه معاي وتدريسها ممتاز ،، لكنها تركت المدرسه وانتقلت ،، والدراسه صارت أصعب من حيث الكم الدراسي والمعلمات مب ذاك المستوى ،، فيه تفاوت ،، معاك اخوي الزاجل ان المعلمه لها دور

مدرسة ولدج
سمعت عنها انها صعبة على الطفل
من خلال احد اولياء الأمور ..
وكانت العصوبة تكمن بالنسبة له
انه هو ما كان يعرف اللغة الانجليزية
فيجد صعوبة بااااااااااالغة و وقت كبييييييييييير
في مراجعة دروس ولده سواء هو ام ام عياله ..
وفكر انه يطلع ولده
قلنا له ليش
قال صعب ..

قلنا صعب عليك والا على الولد ؟
قال علينا كلنا.. مب ملحقين يومنا يضيع واحنا نحاول
انترجم له ونشرح له ..

فنصحناه انه يبقى على هالمدرسة
ولكن
يحط مدرسين يعرفون اشلون يتعالمون مع المواد.

مثل ماذكرت من قبل المدرسه مستواها عالي جدا في الدراسه وما يلاعبون يعني حتى رسوب عندهم و امتحاناتهم ورا بعض وتقيمهم على كل شي وهالشي الي مشجعني ان التأسيس ممتاز خاصه ان ولدي الحمدالله ممتاز في اللغه الانجليزيه لاني انا بعد تعبت عليه وايد في تعليمه واتكلم معاه دوم بالانجليزي واشرح له ،، لكن أحس ان هالشي وايد عليه خاصه اني ابيه يكون من الأوائل والمتفوقين دايما ،، ما ابيه يكون حتى جيد جدا ابيه يكون ممتاز عشان لا يتعلم على الكسل ويحس ان هالشي عادي

فمن غير المعقول ام ما اتعرف لغة فرنسية
وتبي اتدرس ولدها فرنسي .. وتقول دراستهم صعبة ؟

مدرسة الفرنسي موجوده معاه باستمرار حتى في الاجازات ،، حتى انا تعلمت فرنسي من كثر ما ادرس معاهم ،، طبعا لأني حتى وقت الدروس الخاصه ارتز في الوسط ،، واستغربت ان ولدي متقبل اللغه الفرنسيه بشكل غريب ،، وبنفس الوقت معلمة اللغه الفرنسيه الي في المدرسه نفس الشي شديده وتقولي لا اتخافين على ولدج وهو تحت يدي :discuss:،، عندها ثقه وهي قدها
وما يصير اب ما يعرف انجليزي
ويضيع وقته ووقت ولده في مراجعة المواد
اللي باللغة الأنجليزية ..

اما بخصوص الوقت
امم
الطفل بحاجة الى اللعب .. وما اعتقد ولدج ما يحصل وقت للعب كلش
يحصل ساعه او ساعه ونص ان كثر واكثر الضغط وقت الامتحانات ومدرسته كلها امتحانات
وما اعتقد انج طووول الاسبوع محبوسة في البيت
اعتقد اني طول الأسبوع في البيت ما أطلع الا للضرورات،، الله يرحم ايام الوناسه :( واذا شي مهم استأذن من الشغل الصبح واقضيه وأي شي أخليه للويك اند ،، عشان اليهال مايكونون عندي :)
مع هالطفل .. لكن مب تضغطين عليه من اول ما يرد لين
يروح الفراش ..

ولكن بشكل عام
الضغط اليومي على الطفل من صالحه
هو اللي را ح يستفيد في الأخير ..
هاي تفكيري ان مصلحته فوق كل شي وهو صغير ما يعرف الي اسويه عشانه ،، بس يكسر الخاطر :(
واللي ينتقدون
اسلوبج مع احترامي الشديد لهم
يا ان عيالهم خوارق .. او انهم يعتمدون على قدرات عيالهم
في التحصيل العلمي دون مجهود مكثف ..
يعني هذي قدرات ولدي
ما يقدر يعدي 70 %
وفي ناس عندهم 80 % متفوق..
وفي ناس عيالهم لو يابوا 97 % فالمرحلة الابتدائية ينحرم الولد
من هدية النجاح ..

فشوفي انت من اي نوع بالضبط ..

ونقطة مهمة جدا
حطي حوافز للطفل .. بحيث انه كل ما خلص اسرع كانت
له مكافأة غير مبالغ فيها ..
مثلا اذا خلصت بسرعة بنروح مكان هو يحب يروح له..
الحمدالله من ناحية الحوافز و هالأفكار شغاله واختراعاتي ماتخلص ،، أحب أحفزهم بحدود المعقول والشي الي يفرح قلبهم بعد تعبهم معاي ،، زين منهم متحمليني :)

واتمنى انج مع الوقت مثل ما قالت ضوى
تحاولين تنسحبين من حياة الطفل
واتابعينه من بعيد لبعيد ..
يعني
اتفهمينه الاشياء اللي مب فاهمها
وتتركينه يحل كل شي بروحه .. ويدور بعد على
مصادر جديدة للاستزادة .. وكله من بعيد وتحت اشرافج
وتدعمينه بكل الطرق ..




وشكرا لمشاركتك الكريمه اخوي الزاجل ،، واسمحلي على التأخير بالرد ،، كان لازم أعطي مشاركتك حقها ،، والوقت قصير هالفتره بالنسبه لي

تقديري لــك

[الديمها قطر]

ليش جدية على الشيوفات هي صحيح مدرسة قوية وكلها امتحانات ، بس انا اجوف ها الشي وايد حلو لان اعيالنا مايدرسون الا وقت الامتحانات وادا ولدج متفوق هديه يعني انه دكي ماشاء الله وما له داعي اتضغطين عليه وايد يكفي ال ا ام اس والسبيلنغ وبعدين اهم ما شاء الله يفهمون الطلاب عدل و حرام اتطلعين الولد من مدرسة قوية جدية يعني يا تضغطين يا تطاعينة منها لا حرام وبعدين اساسا هناك في المدرسة ترفيه مثل الرياضة والموسيقى غير انشطة يوم السبت انا ولدي في الصف الثالث وما اضغط علية ما ادرسة الا قبل الامتحانات باسبوع و يوم الاربعاء ومش مهم يجيب لي التوب المهم انه ماشي ويستفيد.والله يحفظ اعيالنا و يبارك لنا فيهم. امين

[البعد الرابع]

مساء الخير

الاخت الطرف الاغر اعذريني على التأخر في الرد لإنشغالي المستمر .

بتانسبه للتقيم في اكاديمية الجزيره بالنسبه للصف الثالث الابتدائي . يكون التقيم

مستمر طول السنه ولا يوجد امتحانات وانما اعمال السنه هي اللتي تحدد نجاحه ورسوبه

في الصف .

اما الواجبات المدرسيه فالمدرسه انتهجت النهج الاسترالي وهو جديد اعتقد بدؤا به

منذ السنه هذه وهو يعتمد على الطالب فى البحث عن المعلومه بنفسه من خلال طرق

المعرفة المختلفه . وهذا الاسلوب جيد جدا لتعليم الطالب طريقة البحث والاستقصاء

وزيادة الثقافه للطالب.

اختي الفاظله الطرف الاغر :

كل اولاء الامور يبحثون لاولادهم عن الافظل سواء فى الدراسه او شتى نواحي

الحياة المختلفه . ولكن مستحيل ان نصل الى الكمال وانما هناك نسبيه فى الجوده

والمقارنه بين الامور من ناحية الافظل . فعلى سبيل المثال انا اخترت مدرسة المها

الانجليزيه لابنتي على اعتبار انها افظل مدرسه كانت في وقتها من ناحية الادارة

وهيئة التدريس والمنهج ولكن بعد كم سنه تغيرت الادارة ومعها تغير المنهج ومستوى

هيئة التدريس وطبعا كل هذه الامور تأثر بشكل سلبي او ايجابي على المدرسه بشكل عام

ولكن رغم كل ذلك لم اغير مدرسة ابنتي للاسباب السالفة الذكر. وهذا ما حصل ايضا

مع اكاديمية الجزيره كذلك.

اختي ادارات المدراس تتغير بأستمرار ولا تثبت على حال وخصوصا المدراس الخاصه

على اعتبار انها تتغير ملكيتها بين سنة واخرى .

لذلك نحن لا نستطيع ان نغير مدارس الاولاد مع تغير الاداره لانه بكل بساطه سوف

يحدث خلل وتشتت فى ذهن ومستوى الطالب التعليمي كثرة التنقل والتغير فى المناهج.

سمعت ممن اثق بكلامهم ان مدرسة نيوتن مستواها جيد اتمني ان تكون من ضمن

اختياراتك المستقبليه .

بالنسبه لاخي الزاجل :

النظام او المنظومه المتكامله والمعدة اعداد جيد شئ مهم واساسي لبناء صرح

قوي ومتماسك وهذا للاسف لايوجد سواء فى المدراس المستغلة(المستقله) او المدارس

الحكوميه التي اصبحت كالرجل المريض الذي تم توزيع ارثه وهو حي .

ان وجود مدرسيين جيدين فى مدرسة ما لا يعني مدرسة جيده . وكما هو معروف

هناك نظام متكامل حتى نستطيع ان نطلق على مؤسسه تربويه انها جيده.

ما الفائده اذا كانوا المدرسين اكفاء وجيدين وادارة عقيمه ولا توجد اي خطه او منهجية

فى التدريس. وهذا ما ينطبق على معظم المدارس المستقله او الحكوميه.



اخيرا اشكر الاخت الفاظله الطرف الاغر على طرح هذا الموضوع المهم الذي اتاح

لنا تبادل الخبرات والرأي والاطلاع على وجهات نظر مختلفه من اشخاص يملكون

رؤيه واطلاع جيد فى الامور مثل الاخوان والاخوات هنا .


تحياتي للجميع