اخواني عاجل

[المغترب 123]

اخواني عاجل ماهي الطريقة للحصول على تصريح لتركيب مخفي للسيارة كامل
ارجوا التفاصيل منكم

[PathFinder]

ممنوع تركيب المخفي الكامل ويمكنك الحصول على ترخيص تركيب مخفي على الجانبين عدا شبابيك السائق والراكب الأمامي من ادارة المرور

[NASEER]

لا ممكن اذا عندك تقرير طبي من اي مستشفي حتى اذا كان خاص بس شرط يتم تحويلك

الى عياده الشرطه لتصديق التقرير ومن ثم يصادق عليه من مدير المرور وتعطى تصريح

لسياره واحده فقط

[GS5]

السلام عليكم

اخواني اذا سيارة من مصنع جاية مخفي ولكن سيارة كوبيــه ؟؟؟

في مشكلة عليها ؟؟؟؟؟

[لورنس]

كل شي اسير ليييييش مايسيراسمع كلام الخ ناصر وتوكل على الله

[قطري عصامي]

شباب اذا اضبطت السالفه تكفون علموني ، لأني أعاني من حساسية من الشمس

[المغترب 123]

جزاكم الله خيــــــر اخواني على التوضيح

[AL_MUTAEM]

شباب اذا اضبطت السالفه تكفون علموني ، لأني أعاني من حساسية من الشمس


اخوي نفس ماتفضل احد الاخوان تقرير من اي مستشفى وانصحك من مستشفى الاهلي وتصدقه من عيادة الشرطه وتقدمه لمكتب مدير المرور وراح يصرح لك حسب المده المكتوبه بالتقرير ..

[لورنس]

بتوفيق

[قطري عصامي]

اخوي نفس ماتفضل احد الاخوان تقرير من اي مستشفى وانصحك من مستشفى الاهلي وتصدقه من عيادة الشرطه وتقدمه لمكتب مدير المرور وراح يصرح لك حسب المده المكتوبه بالتقرير ..

اشكرك اخوي المتيم بس هل فيه دكتور معين في الأهلي؟؟؟
او لما اروح لهم اي عياده اراجع ؟؟ الجلدية؟؟؟

[hamoor4ever]

اللي اعرفه يصير للبعض اللي مثلا عنده حاله مرضيه بالعين مثلا ويخاف من اشعه الشمس ع عيونه ، مثل ماقال لك الاخ بس لازم تقرير طبي وبس

[السلطان]

هلا الشيخ اذا تبغي مخفي يكون عندك مرض من الشمس مثل الامراض الجلدية وبعض المشاكل الي في العيون وتروح للمرور وتطلب تركيب مخفي بيعطونك كتاب توديه عياده الشرطه وهناك بيفحصك دكتور وبعدين تراجع المرور وتحصل اهناك النتيجه

[قطري33]

ماتشوف شر اخوي وبالتوفيق ان شاء الله

[AL_MUTAEM]

اشكرك اخوي المتيم بس هل فيه دكتور معين في الأهلي؟؟؟
او لما اروح لهم اي عياده اراجع ؟؟ الجلدية؟؟؟

اخوي دكتور الجلديه بيفحص ويكتب بالتقرير وانت وشطارتك :nono:

وذو راجعت المرور بيطلبون منك تصديق التقرير بعيادة الشرطه وكمان انت وشطارتك:deal:

عالعمووم تستاهل السلامه

[المغترب 123]

شباب اذا اضبطت السالفه تكفون علموني ، لأني أعاني من حساسية من الشمس

ضبطت معاي اخوي وركبت مخفي كامل اسود على الرنج لمدة ســنة يستجل لك في الملكية :app2:

[jajassim]

ضبطت معاي اخوي وركبت مخفي كامل اسود على الرنج لمدة ســنة يستجل لك في الملكية :app2:

كم النسبة أخوى :confused:

[قطري عصامي]

ماتشوف شر اخوي وبالتوفيق ان شاء الله

الشر ما يجيك

[قطري عصامي]

اخوي دكتور الجلديه بيفحص ويكتب بالتقرير وانت وشطارتك :nono:

وذو راجعت المرور بيطلبون منك تصديق التقرير بعيادة الشرطه وكمان انت وشطارتك:deal:

عالعمووم تستاهل السلامه

الله يسلمك اخوي

[قطري عصامي]

ضبطت معاي اخوي وركبت مخفي كامل اسود على الرنج لمدة ســنة يستجل لك في الملكية :app2:

1- ضبطت بواسطه؟ ولا بدون؟
2- كم نسبة المخفي؟
3- ما فهمت ( لمدة سنة) هل تقصد لفترة معينه بعدين الغوا الموافقه؟؟؟