المساعد الشخصي الرقمي

مشاهدة النسخة كاملة : استفسار عاجل لخبراء البحر والطرادات


بومتعب
24-10-2007, 09:21 AM
اشتريت طراد صغير نوع دنقي (12) قدم وزنه 100 كيلو تقريبا ..........

وبصراحة عمري مانزلت بطراد بنفسي في البحر ..... ...

وانا هاوي مش رايح تكون روحاتي للبحر متكررة يعني ممكن تكون مرة كل شهر او شهرين

ماخذه للوناسة بس ولا لي نيه اني ادخل فيه داخل البحر بس على السيف للحداق

واستفساري سلمكم الله .... ايش تنصحوني بحجم مكينة لهالطراد ..... مع العلم ان السرعة

ماتهمني ..... فهل مكينة ياماها 2 حصان تناسب وتمشي الحال والا لا .... ؟؟؟

وكيف ممكن احافظ على المكينة من الاعطال خاصة اذا كان الطراد واقف لاكثر من شهر او

شهرين دون تشغيل ؟؟؟

انتظر مساعدتكم جزاكم الله الف خير
بوسيف الهاجري
24-10-2007, 09:48 AM
اخوي ان اكيد تقصد 2 حصان يعني حصانين ولا 20 ؟؟
اخوي انا عندي دنقي 10 قدم بلاستك عليه 5 حصان واذا كنت مناحر الهوا احس انه مايتحرك
اخوي انا انصحك لاتركب اصغر من 8 حصان واذا تبي مكينه تشيله عدل وهي مرتاحه ركب 15 حصان
انا كان عندي قلص 12 قدم صناعة المفتاح ركبت عليه في البدايه 8 وكانت تمشي الحال وعقب ركبت 15 الصراحه كانت ممتازه عليه
بومتعب
24-10-2007, 09:54 AM
مشكور اخوي ياماها على الرد ....

نعم انا قصدي مكينة حصانين ..... رحت للبادي وكيل الياماها وقالي انها ممكن تمشي معاك اذا انت مو محتاج لسرعة ... بس انا متردد ..... خاصة وان طلعاتي للبحر رايح تكون على السيف وقليلة ...... ثاني شي ابقي اعرف كيف صيانة مثل هالمكاين اذا كانت وقفة الطراد لفترة طويلة من غير تشغيل .... هل تخرب في هالحالة ؟؟؟
بوسيف الهاجري
24-10-2007, 10:16 AM
الشيخ يفضل انك تشغل المكينه عقب ماترجع من البحر في ماي حلو لفتره خمس دقايق وبعدها تفصل هوز البترول وتخليها تبند بنفسها علشان مايكون في المكينه بترول نهائيا
هذا اللي انا اشوفه افضل شي وممكن ايحافظ على المكينه اطول فتره
وحاسب اتركب مكينه حصانين صدقني اتحسف قد شعر راسك
ركب 15 حصان ,, لاتزيد عنها ولا اقل شي 8 حصان
بومتعب
24-10-2007, 10:19 AM
الشيخ يفضل انك تشغل المكينه عقب ماترجع من البحر في ماي حلو لفتره خمس دقايق وبعدها تفصل هوز البترول وتخليها تبند بنفسها علشان مايكون في المكينه بترول نهائيا
هذا اللي انا اشوفه افضل شي وممكن ايحافظ على المكينه اطول فتره
وحاسب اتركب مكينه حصانين صدقني اتحسف قد شعر راسك
ركب 15 حصان ,, لاتزيد عنها ولا اقل شي 8 حصان

ارحم الله والديك اخوي ياماها .......... ان شاء الله رايح اخذ بنصيحتك واتوكل على الله ......... ماشاء الله عليك شكلك حريف بحر جزاك الله خير