من يخبر لي محل يبيع بدل رسميه رجاليه (توجد صوره)

[المترجم]

السلام عليكم ورحمة الله وبركاته

http://h-shrqia.com/up/uploads/aba35bba5a.jpg

مثل ماقريتوا في العنوان !!

بغيت اماكن ومحلات مجربه تبيع بدلات رسميه رجاليه
وتكون اسعارها مقبوله
لاني رحت السلام ولقيتهم على 7000 ريال وانا ابي اربع بدل ... يعني الفلس بعينه وعلمه :(
ولقيتهم في الصالون الازرق بـ4500 ريال

حد يخبر لي محل ارخص منهم بس بشرط تكون بضاعته ممتازه ومجربه واسعاره اقل منهم ؟

ويسلموووووووووووو مقدماً

[ضوى]

براندس بدلهم حلوة بس يبي لك قلب تدور عدل

[المترجم]

براندس بدلهم حلوة بس يبي لك قلب تدور عدل

مرحبا اخت ضوى

وين مكان محل براندس ؟؟

ويسلمو على الرد :)

[ضوى]

مرحبا اخت ضوى

وين مكان محل براندس ؟؟

ويسلمو على الرد :)

براندس بالسنتر على يدك اليمين الصراحة عنده بدل حلوة بس يبي لد تتعب شوي وتدور لانه بضاعته مو كلها شئ بس فيه قطع تكون مخشوشة بين القطع


في الخدمة اخوي :shy:

[المترجم]

براندس بالسنتر على يدك اليمين الصراحة عنده بدل حلوة بس يبي لد تتعب شوي وتدور لانه بضاعته مو كلها شئ بس فيه قطع تكون مخشوشة بين القطع


في الخدمة اخوي :shy:

اهنيك على سعة صدرك
وبكره انا عنده باروح باشوف بضاعته

يسلمووووو على الخدمه

وننتظر باقي الاخوان ممكن يفيدونا اكثر ...

[simsim1963]

جرب بيير كردان في السيتي سنتر دايما عندهم تنزيلات .... بس اذا تبي بدل ارخص دور على محل فاروق خان للبدلات البنجابي في سوق النجادة ترى موضه هالايام وتصلح اذا انت مسافر شرق اسيا

[FG]

فيه محل في السد مقابل صرافة السد

[المترجم]

جرب بيير كردان في السيتي سنتر دايما عندهم تنزيلات .... بس اذا تبي بدل ارخص دور على محل فاروق خان للبدلات البنجابي في سوق النجادة ترى موضه هالايام وتصلح اذا انت مسافر شرق اسيا

حلوه محل فاروق للبدلات

ههههههههههههههههه

لا فديتك انا رايح اوروبا مش بيشاور :funny:

وبامر على بير كردان :app2:

شاكر لك مرورك وتواصلك :yes:

[المترجم]

فيه محل في السد مقابل صرافة السد

مشكور اخوي على المشاركه

وبعد بامر عليه بكره :playball:

[راعي النيسان]

اخوي فصل لك احسن في محل اسمه خياط كشمير بشارع مشيرب بالضبط مشاهد بدالة كيوتل اللي بمشيرب ... شغله شغل عدل واسعاره معقولة وارخص من الجاهز وهاي من وواقع تجربة شخصية ، لاني مفصل عنده العام بدلتين وبصراحة شغل ولا ارقى ..

[QAT2020]

وعندك في شارع النصر بجانب مطعم التركي محلين بعد مضبوطين و100%

[المترجم]

اخوي فصل لك احسن في محل اسمه خياط كشمير بشارع مشيرب بالضبط مشاهد بدالة كيوتل اللي بمشيرب ... شغله شغل عدل واسعاره معقولة وارخص من الجاهز وهاي من وواقع تجربة شخصية ، لاني مفصل عنده العام بدلتين وبصراحة شغل ولا ارقى ..

يسلم راسك الغالي

والمحل عرفته بامر عليه وباشوف شغله

ودمت بود

[المترجم]

وعندك في شارع النصر بجانب مطعم التركي محلين بعد مضبوطين و100%

عرفته المحل وبصراحه رايح عن بالي

ماقصرت وبيض الله وجهك

[المفوض]

خذ نصيحة مجرب بشارع السد في محل اسمه لومو محل راقي ورائع تخصص بدلات واسعاره معقولة جدا هذا افضل شي وانا مجربه وطرشت عليه اكثر من واحد وعجبتهم بضاعته.. وصراحة شغله واسعاره وايد كوووووووووووووووووووووووووول.

[بدوي]

انصحك بمحل إيطالي إسمه بوجي .. BOGGY اذا ماخانتني الذاكرة

في فيلاجيو

وانا نفسك أخوي كنت رايح أوروبا لزيارة عمل

ومريت هالمحل وفصلت عنده كم بدلة واسعارة ممتازة (طب وتخير) تبدأ من 1500 وانت طالع :victory:

روح له ومب متحسف .. صدقني :ok:

وعليك باللون الكحلي والقميص البحري .. وقولة هو بينسقها ويخصرها لك شوي

فنانيين .. شغل إيطالي ماعليك :deal:

[hussam-ahmed]

مع احترامي لأراء الشباب بس نصيحتي روح بوجي ميلانو في فيلاجيو وخلص موظوعك عنده افضل شي في الدوحة

[][ بوجاسم ][]

اخووي في محل في الستي جمب ليميتد توو

وشكله شي زين مع اني ما جربته لاكنه شكله جيد

[بوسنافي]

ياخوي في خياط اسمه كورش بشارع النصر جنب المطعم التركي المركزي

انا متعامل معاه شغله زين وتفصيله حلووو ,, وسعاره على حسب الخلق

[ســـهم]

انا خذيت بصراحه ملابس من محل في السد والله ناسي اسمه

لكن قريب من صرافة السد هو شوي غالي لكن ارخص من الصالون الازرق وعنده بدلات حلوه رسميه

وسبورت عموما مر عليه واذا عطاك سعر نزله وبينزل لك تقريبا 30%

اسعاره جيده نسبة ما

..

[AL_MUTAEM]

غريبه محد ذكر زارا ..

انا خذيت بدله من عندهم وفصلت عليها بخياط كورش بس طبعا بلون ثاني ..

وصراحه طلعت نفس الاصل مع فرق السعر طبعا

[الجوري]

انصحك نصحيه وانت اختك اذا كنت من اهل الذوق الرفيع


روح فيلاجيووووووووووووووووووووووووووووووووووووووو و لاغير ولاتتعب نفسك


والله يوفقك

[abo0o0od QtR]

اخووووي البدله حلاتها متفصله لك يعني مرسومه عليك ما يهمك الماركه
براندس ما نصحك فيه بدلهم صج رخيصونه بس تعتفس بسرعه يعني تقعد تقووووم من ورا كلها معتفسه والجاكيت حالته حاله
في خياط انا جربته وفصلت عنده شغله نظيف اسمه كورش في النصر احذا تركيا المركزي
البدله اذا القماش اوكي تطلع بحدود 1200 الين 1500
بصراحه شغل عدل
الله يوفقك وتحصل الى تبيه

[desert hunter]

جنتل من رخيص وزين

[PoBox]

Zara
في اللاندمارك او فيلاجيو عندهم بدل في حدود الالف + / -

[PoBox]

هذا الموقع يعلمك انواع ربطات الكرفته
:ok::ok:

http://www.tie-a-tie.net

>>>>>> من الوهقة سابقا مدور في النت كيف يربطون :shy:


يقولك 40 صعيدي ماتوا خنقا ،، ليش ؟؟
:D:D

[مزيون الدوحه]

بيير كاردان ماركه معروفه وجيده
والمحل في الستي سنتر
وبالتوفيق

[رذاذ العطر]

:yes:

[سهم طويل الأجل]

وعندك ماسيمو دوتي في اللاند مارك وفيلاجيو

عنده بدل حلوة

[المترجم]

كل الشكر لكم على التعاون وتقديم الخدمه

وجعلها الله في ميزان اعمالكم

وماقصرتوا :)

[aiat9]

مرحبا اخوي
في محل في السيتي سنتر فالدور الثاني
اسمه اظن باريس مودا
بدله ماركات
واسعاره اظن معقوله

الدور الثاني وانت طالع عالدرج الكهربائي على يدك اليسار من الدرج إذا ماكنت غلطانه

اظن اللي اقصده اخ بوجاسم جنب ليمتد توو

[المترجم]

مرحبا اخوي
في محل في السيتي سنتر فالدور الثاني
اسمه اظن باريس مودا
بدله ماركات
واسعاره اظن معقوله

الدور الثاني وانت طالع عالدرج الكهربائي على يدك اليسار من الدرج إذا ماكنت غلطانه

اظن اللي اقصده اخ بوجاسم جنب ليمتد توو

مشكوره اختي على تقديمك للخدمه

وان شاء الله بامر عليه وباوافيكم باسعار المحلات كلها :)