المساعد الشخصي الرقمي

مشاهدة النسخة كاملة : معركة الخنور + مشكلة العديد .. معلومات


Index Signal
24-10-2007, 09:21 PM
السلام عليكم..

أرجوا من اللي عندهم معلومات تاريخيه عن معركة الخنور القطريه و مشكلة العديد اللي كانت بين القطريين و الظبيانيين من جهه و البحرينيين من جهه اخرى إنه ما يبخل علي بالمعلومات للضروره القصوى و أيضا لإستفادة الأعضاء و تثقيفهم وطنيا..

ملاحظه: إللي بيقول لي دوّر في قوقل ترى دوّرت وما حصّلت معلومات كافيه مجرد رؤوس أقلام.
المجروح81
24-10-2007, 09:30 PM
اخوي باستفسارك تشعل العدوات القديمه والحساسيات الي بينا وبين الخليجين واحنا اخوان في الاخيروجيران مهما صار والي فات مات ياخوي
وانت طالع المستقبل ولاتطالع الماضي الي فيه مشاكل مع الاخوان ياليت ننسى المشاكل بينا وبين جميع اخوانا
مليت
24-10-2007, 09:35 PM
عموم التاريخ واضح ولكن المشكله الي طرحتها او القصه في قبايل للاسف ما ودنا نطريها بشر
Index Signal
24-10-2007, 09:45 PM
اخوي باستفسارك تشعل العدوات القديمه والحساسيات الي بينا وبين الخليجين واحنا اخوان في الاخيروجيران مهما صار والي فات مات ياخوي
وانت طالع المستقبل ولاتطالع الماضي الي فيه مشاكل مع الاخوان ياليت ننسى المشاكل بينا وبين جميع اخوانا


اخوي المجروح اي عداوات الله يسلمك هذا تاريخ وطن يدرّس بالمدارس و الجامعات و انكتب فيه كتب و بحوث..

انا محتاج هالمعلومات لأني أكتب بحث بهالخصوص..

و هذا ماضي صار محد يقدر ينكره او يتجاهله و تاريخ وطن بنوه ناس بارواحهم و اقل واجب علينا ان نخلد تضحيتهم عالاقل تكون عندنا معلومات عامه عنهم و عن تاريخ وطنك.
Index Signal
24-10-2007, 09:47 PM
عموم التاريخ واضح ولكن المشكله الي طرحتها او القصه في قبايل للاسف ما ودنا نطريها بشر

والله ما هقيت انكم بتاخذون الموضوع بهالحساسيه..!!

عموما اللي يقدر يفيدني جزاه الله خير واللي يشوف ان الموضوع حساس بعد جزاه الله خير يقدر ما يشارك.