سالفتي مع شركه الرنج

[الدوحي7]

السلام عليكم ورحمه الله وبركاته
صباح الخير//
شحالكم كلن بحاله،،،سالفتي مع شركه الرنج ، طبعا لن اذكر لكم في اي دوله انا لكن عليكم الحذر من الحراميه الى في الشركه،، سالفتي عندي رنج 2004 طبعا السياره بدون ضمان،،طلع عندي كلام في الكمبيوتر بخصوص الجير(علبه التروس الاتوماتكيه) المهم اتصلت في الشركه بخصوص يشيلون السياره،، قالوا بنشوف السياره وبنقول لك اش فيها بعد كم يوم قلت طيب،، اتصلت فيهم بعد يومين تقريبا قال لي شخص المسئول عن السياره هناك ،سيارتك تكاليف تصليحها خمسين الف قلت له لاتكمل قال لحظه بقول لك قلت له تفضل قال احنا بنخاطب الشركه الام وبعدين يمكن انت تدفع بس شغل يدنا يعني علبه الجير بلاش قلت طيب،، انتظرت تقريبا 3 ايام او اكثر،،كلمتهم قال الشركه الام رفضت قلت له والحل قال تدفع 35 الف شرايكم في كلامهم ،، خلوني اكمل المهم قلت الشيخ ماعندي 35 الف طلع السياره خلاص مابغيكم تصلحونها طيب،،، قال ممكن تصبر على كم يوم قلت له ليش لا قال بكلم لك المدير هههههه قلت له طيب انا كنت مسافر،، اتصل فيني بعد يومييين تقريبا قال لي السعر النهائي والمدير كلم الشركه الام مره ثانيه 18000الف قلت له سلامتك طلع السياره خلاص مابقيكم تصلحونها،، اتصلت في اليوم الثاني قلت له اخر كلام شلون قال لي خلاص السعر النهائي23 الف هههههههههه صراحه ضحكني قلت هذا مب صاحي في قللبي قلت له امس 18الف قال لا الحسابات الاخيره 23 الف قلت خلاص انا باخذ السياره ،،،يتبع تعبت من الكتابه بكمل لكم سالفتي،،

[المهم1000]

ههههههههههههههههههههههههههههههه


ههههههههههههههههههههههههههههههه


صج نصب




كمل السالفه نبي نضحك


الله يعينك

[التيما]

هههههههههههههههههههه نفس سواتي مع الاكس فايف .. سندروني ومبالغ لين رب السما ومره نقعت عندهم 15 ساعه انطر السياره وعقب قالوللي ما اشتغلو فيها وانا حدي اخلي السياره عندهم نص يوم .. هو قالي ما اشتغلو فيها ؟؟ ويا التيما اردحي .. نسيت البرستيج هههههههههههه ونسيت امي وابوي ونسيت نفسي .. شرشحتهم كلبوهم وكلمت الصناعيه بعد وهناك استلموهم .. تحلفت فيهم اليوم تخلص وتتطلع وانا وديتها الصبح ورحت باخذها الظهر ويوم زفيتهم خلصوها ثمان ومع خصم محترم عقب هالزفه اللي خذوها ..

[زمن الغدر]

الله المستعان

[AL_MUTAEM]

الحمدلله والشكر عبالهم غنم مانفهم ..

تدرون بوكالة الرنج اللي بقطر واحد من الربع ضرب عليه القير قبل خمس شهور وطلبوا عليه مبلغ خيالي لتبديل القير ودينا الموتر بكراج معروف بالشارقه صلحه خلال 3 ايام وبشي بسيط جدا وبدون مايبدل القير وللحين الموتر زي الحلاوه ( عيني عليه بارده ) .

[التيما]

الحمدلله والشكر عبالهم غنم مانفهم ..

تدرون بوكالة الرنج اللي بقطر واحد من الربع ضرب عليه القير قبل خمس شهور وطلبوا عليه مبلغ خيالي لتبديل القير ودينا الموتر بكراج معروف بالشارقه صلحه خلال 3 ايام وبشي بسيط جدا وبدون مايبدل القير وللحين الموتر زي الحلاوه ( عيني عليه بارده ) .

وين وداه في الشارقه ؟؟ :confused:

[hich]

يا شباب الحل بسيط والعارف لا يعرف
بس أيميل لشركة الام تذكرون فيها موديل السيارة وان عندكم مشكلة كبيره وهي التأخير وعدم المصداقيه
مره مرتين بيصيرون يرجفون

كان عند ولد عمي بي أم المهم فيها مشاكل وكله على الظمان شهر شهريين مل الرجال ويطرش ايميل للوكالة الام في اللمانيا نسخه للوكيل وذكر المشاكل وانه منصدم من عدم مهنية الوكالة وعدم أستطاعتهم تقديم خدمات ترقى الى مستوى البي ام و الرنج

من ذاك اليوم السيرفس ماياخذ اكثر من نص يوم ويعطونه سيارة وكل ماشافه مساعد المدير في الجراج يرحب ويسهل

الايميل سلاح قوي جدا لمن يعرف كيف يستعمله

[الدوحي7]

اكمل لكم واكيد الكل يبقي يعرف اش سويت المهم طلعت السياره من عندهم وكلمت بركدون علشان يودي سيارتي الشارقه عند ورشه بوعمر،،،المهم زين طلعت السياره من قطر ،، وراحت السياره في رمضان هذا الكلام ،، وورشه بوعمر ماقصروا نقلوا السياره الى ورشه كبيره معروفه في الشارقه(النجوم العربيه لتركيب علب السرعه الاوتماتيك)واكيد الكل يبقي بكم سويت السياره،، سعر تصليح السياره 6500 ريال يعني شوفوا الفرق وطبعا مانسى ضمان على الجير شهر واحد،، وكلامي هذا احذركم من البوق والنصب على الناس الى ماعندها ضمان على سيارتها،،، والمهم 1000 شفت شلون والتيما ترا جير الرنج 2004 نفس x5 واشكر من شارك في الموضوع ولكم جزيل الشكر والاحترام،، واذا حد يبقي مساعده تراني حاضر،، مع السلامه..

[مستثمر 999]

اخوي الكريم ليش تروح الشارجه وفي الدوحه الله مكثرهم الا اذا كنت اماراتي ؟؟؟؟؟؟؟؟


كراج ( المركز الايطالي) + الارز + اسامه( ام باور ) عند الفحص الفني+ و( التايلندي بو شعر) شارع 19 وجمال شارع 24 + والطارق و.............و................وغيرهم
لا تقول حراميه لانك لو تحسب مصاريف الشحن والسفر والتذاكر الخ الخ تقريبا (4000-6000) ريال

وفي البحرين كراج المحرك الذهبي منطقه الخميس الصناعيه ( حسام ويونس ) بحرينيين ولكن شغلهم نظيف ومعروفين في قطر .

[الزقرت]

بدون تفكير اخوي ود موترك الامارات ودخله الوكاله فرع الرنج في دبي وما يكلفك شي

[الدوحي7]

مساء الخير للجميع،،
اخي مستثمر ومقرود وان شاء الله انك مب مقرود اول شي وثاني شي،، الى خلاني اودي السياره يوم حصلت عندي هذه المشكله وقالوا لي 50 الف اتصلت على طول في شركه الطاير في الامارات وكلمني مهندس الصيانه هناك اسمه (قيس) قال لي انت غاسل السياره جيك قلت له لا قال لي لازم نشوف السياره قلت له كم تقريبا التكاليف قال تقريبا قبل مانفحص السياره 6000 درهم يعني شوف الفرغ واحكم،، قبل لاودي السياره كلمت الايطالي الى جنب دوار عين خالد قعد يتفلسف يقول 12 الف بس قطع الغيار وكذا وكذا قلت في قلبي ماله غير الامارات،، كلمت ورشه بوعمر وهذه السالفه طبعا في رمضان ،، قال لي هذه تكلفه التصليح تقريبا 2500 ريال قلت وينك يالامارات مافيه شوف الفرق ،، قال لي واحد من الربع عنده سابقا اكس فايف صارت له نفس المشكله قال لي روح حق (ا م باور) الى في الصناعيه قريب الفحص بس طبعا اهو صلح في الشارقه بعد ،، قلت له السالفه( ام باور) قال هذه القطعه بس 10000الف ريال بس القطعه قلت في الامارت قالو لي اقل، قال الشركه ماتبيعنا القطعه بنفسها،قلت ماغير الامارات،، و طرشت السياره على بركدون الشارقه بمبلغ 2000 ريال من غير رسوم التامين وتكلفه تصليح السياره 6500 ريال وغيرت جو في الامارات وعندك الاحساب ،، والدنيا تعلم الواحد،،، وانا حذرت الناس لاغير من هذه الشركات الى تسحب فلوس الناس،، ولو سمحت تعطيني رقم المحرك الذهبي في البحرين،،ويعطيك العافيه على مداخلتك ،،،

الزقرت:شرفتنا انت والى دخلو الموضوع،،ومثل ماقلت من غير تفكير على طول الامارات ،، لاني عرفت اشلون الفرق في الاسعار،،

[المجروح81]

اقوووول يازين الجي اكس والفتك كل مكان يصلحه بدون عوار راس
ههههههههههههههههههههههههههههه

[المغترب 123]

اخوي غريب جدا موضوعك انا عندي رنج وقبل هذه السيارة كانت عندي سيارات اخرى وغير معاملتهم لاتوجد معاملة بالعكس ويعطون خصم ممتاز وسرعة في التصليح وكل قطعة تبدلها في الشـركة تحصل على ضمان عليها مدة سنة من تاريخ النبديل وانا قبل كم يوم اخذت سيارتي لتبدل الاويل فقط وهم قامو بفحص السيارة بالكامل وتاكد من سلامتها مجاناً ووجدو تلف بسيط في ربله وتم تغيرها بالمجان من عندهم وعند الدفع لقيمة الاويل قدمو لي خصم تقريبا 40% من قيمة التبديل والاويل ووعدوني بالحصول على العرض المقدم عندهم اذا تم فتحة قريبا كما حدث من ثلاث اشهر فقط واستفاد منه الكثيرون واحد سيارات الرنج عندي كان فيها هذا الضمان وهو تجديد الضمان الشامل خمس سنوات العداد مفتوح على السيارة بقمية 3 الاف ريال فقط

[الوهاااااج]

هذا النصب بعينه

[AL_MUTAEM]

وين وداه في الشارقه ؟؟ :confused:

اخاف احط اسم الكراج يقولون يسوي دعايه ..:deal:

بس انا بالخدمه بويه لج طبعا نسبتي معروفه :strong3:

شيكي عالخاص اختي

[الدوحي7]

المجروح81: صدقت يازينهم ، ولاتخاف لتويوتا بعد موجود،، والرنج موجود بعد لاتخاف،،

[الدوحي7]

الوهاج: صدقت اخوي هذا مب اول نصبه على بالهم لفلوس منثوره مايدرون اقساط،،،

[الدوحي7]

المغترب123:اخوي غريب جدا موضوعك انا عندي رنج وقبل هذه السيارة كانت عندي سيارات اخرى وغير معاملتهم لاتوجد معاملة بالعكس ويعطون خصم ممتاز وسرعة في التصليح وكل قطعة تبدلها في الشـركة تحصل على ضمان عليها مدة سنة من تاريخ النبديل وانا قبل كم يوم اخذت سيارتي لتبدل الاويل فقط وهم قامو بفحص السيارة بالكامل وتاكد من سلامتها مجاناً ووجدو تلف بسيط في ربله وتم تغيرها بالمجان من عندهم وعند الدفع لقيمة الاويل قدمو لي خصم تقريبا 40% من قيمة التبديل والاويل ووعدوني بالحصول على العرض المقدم عندهم اذا تم فتحة قريبا كما حدث من ثلاث اشهر فقط واستفاد منه الكثيرون واحد سيارات الرنج عندي كان فيها هذا الضمان وهو تجديد الضمان الشامل خمس سنوات العداد مفتوح على السيارة بقمية 3 الاف ريال فقط
،،
اول شي شلونك اخوي وثاني شي والله ردك الغريب اخي اذا يقرب لك صاحب الشركه هذا شي ثاني او انك باخ الى في الوكاله الى يشتغلون هناك هذا شي ثاني،، واحب اضيف لك شي ترا مب اول سالفه تصير معي،، وثاني شي انا ماحب اذكر اسم الشركه علشان مايقولون متحامل عليهم ولكن حذرت ،، وهذا ماحصل معي ويشهد على ربي،، وحط في بالك الرنج موجود ولن ابيعه على الشركه علشان ياخذه (..........) ولا مايحتاج وحط في بالك الله لايحوجني لهم ،،،

[الدوحي7]

Al_mutaem : يعطيك العافيه وماقصرت،،،

و الاشخاص الى طرشوا لي رساله ماقصرتوا،، و تراني ماقدر اطرش حق حد رسايل لان مشاركاتي قليله،،،

[FMA]

الله يعين ويكفينا سوالف النصب

لا تعقدوني أبي أطلع سيارة

بس ماأقدر أستحمل نفس ألتيما وأزفهم

أن زودوها معاي على طول بصيح

حشى مايسوى عيل تعب القلب

[المجروح81]

المجروح81: صدقت يازينهم ، ولاتخاف لتويوتا بعد موجود،، والرنج موجود بعد لاتخاف،،

شلون موجود قصدك

انا ماعلي من التويوتا
اهم النيسان مايكون موجود ههههههههههههههههههههههههههههه غرامي شركة النيسان بكبرها وبسياراتها كامله حتى الباصات

[abusultan707]

هلا اخواني انا بعد صار لي سالفه معاهم عندي رنج كان تو الضمان منتهي و من فتره اخترب عندي الجمبين الامامي وديتها قالو الجنبين 3500 قلت اوكيه المهم عقب ما جيتهم قالو الكمبيوتر عندك الي يتحكم برتافع السياره وانخفظها بعد مخترب قلت لهم شلي مخربه قالو الكمبيتور يقول انه مخترب المهم قلت لهم اوكيه بكم قالو 4 الاف قلت اوكيه المهم اول ما خليت السياره عندهم قلت له ابي سياره من عندكم قالو ما عندنا توزعت كلها شوي الا تلفون الموظف يرن ويقول له ايه تكرم عينك جيب سيارتك وخذ من عندنا سياره قلت له من شوي تقول ما عندكم سياره قال لا خيو هيدا حاجز من قبل ؟؟ يعني اذا تبي سياره لازم تعرف ان سيارتك بتخترب على شان تحجز(: ؟؟ سياره من عندهم المهم خلصت السياره وطلبو مني تقريبا 9000 ريال لاني غيرت زيت وسيور وبعدها طرشت ايميل الى الشركه الام ونفس اليوم ردو علي واليوم الثاني يتصلون فيني من دبي لانه مركز الخدمه في الشرق الاوسط للرنج ويقولون روح عند المدير ناسي اسمه وللاسف جاتني سفره بنفس اليوم والله تمو يتصلو فيني 3 مرات وانا مارجعت الا بعد اسبوع وكسلت اروح لهم بس اهم شي اذا غيرو لك قطعه تطلبها ولا تخليها عندهم ....

[الدوحي7]

مرحبا بوسلطان شلونك،، حلوه قبل لايخترب موترك احجز لك موتر هههه،، صدقني لو جايهم واحد ثاني من نفس جنسيتهم انهم يسون له الموتر في اسرع وقت ويعطونه موتر بعد ثاني لين يخلص موتره،، ولاحظ انهم اشكثر ياخذون الرنج والكس فايف ،، واهم شي خلك حذر،، والله يعطيك العافيه،،،

[الدوحي7]

Fma : لا ياخوي خذ ورتاح وماعليك،، ومايحتاج تصيح هههههههه،،

المجروح : قصدي يعني عندي تويوتا هذا قصدي،،واضح يعطيكم العافيه،،