تصويت : هل انت مع استضافة الدوحة لاولمبياد 2016 أم لا ؟!

[ترتر]

كل واحد يشارك في التصويت

هل انت مع استضافة الدوحة لاولمبياد 2016 ام لا ؟؟

ولماذا ؟؟


يعني اللي يقول نعم يقول لنا ليش نعم ..

واللي يقول لا يقول لنا ليش لا ..

:protest:

[Index Signal]

لا و 1000 لا

اكتفينا من الغلاء و الزحمه

[صقر بلادي]

نعم

اذا بتفيد البلد والمواطنين بالذات

لا والف لا اذا بتضرنا كمواطنين

[ترتر]

ياليت المشرفين يثبتون الموضوع لما فيه فائدة لمعرفة راي الشارع القطري في الموضوع

[وطن]

نعم اذا فيها خير للبلاد


ولا اذا فيها مضرة للشعب والبلد
كـ دين أولاً واقتصادياً واجتماعياً ثانياً

[@ دانتيل قطر @]

لالالالالالالالالالا
أحنا ناقصين زحمة

[ورقــة أمــل]

حطوا تصويت في الموضوع عشان الواحد يصوت

وانا ارفض وبشده

[mohamed ab]

مليار ,,,,,لآلآلآلآلآلآلآلآلآلآلآلآلآلآلآلآلآلآلآلآلآلآل آلآلآلآلآلآلآلآلآلآلآلآلآلآلآلآ

[سهم الخيانة]

ارجو من الاخ صاحب الموضوع بأن يقوم بأكمال الموضوع بعد الاستفتاء
بأن يكون هناك لسته بالموافقه والاخرى بعدم الموافقه وذكر الاسباب

لا يكفينا مشقه في العمل 12 ساعه دوام تلخبطة حياتنا صحيح قطر تستاهل وتمون
بس الشيء الي يزيد عن حده ينقلب ضده
صحيح نسيت كنت هناك سرقات من اشخاص في اللجنه الالمبيا مع الاسف ومشاكل خفيه (أو تم تغطيتها) في فترة الاسياد؟؟

[ترتر]

الشباب اللي يشاركون بإذا وإذا .. مافي اذا واذا

يعني الواحد يقول لا ويحط الاسباب

او يقول نعم ويحط الاسباب ..

نظمنا الاسياد واعتقد تجربة الكل عرفها وعرف نتايجها وعلى ضوءه يقدر يقول رايه

في الموضوع ..

[ترتر]

ارجو من الاخ صاحب الموضوع بأن يقوم بأكمال الموضوع بعد الاستفتاء
بأن يكون هناك لسته بالموافقه والاخرى بعدم الموافقه وذكر الاسباب

لا يكفينا مشقه في العمل 12 ساعه دوام تلخبطة حياتنا صحيح قطر تستاهل وتمون
بس الشيء الي يزيد عن حده ينقلب ضده
صحيح نسيت كنت هناك سرقات من اشخاص في اللجنه الالمبيا مع الاسف ومشاكل خفيه (أو تم تغطيتها) في فترة الاسياد؟؟


فالك طيب اخوي

بس على الاقل نبي المشرفين اشوي يساعدووونا في الموضوع

يعني يثبتونه

وغير كذا ماقدرت اضيف خاصية التصويت ..

مدري يمكن ذي مب من صلاحيات الاعضاء


ننطر نشووووف

ومشكور على مشاركتك

[الشحانية يونايتد]

لالالالالالالالالالالالالالالالالالالالالالالالالا لا

أحنا مب ناقصين أنفتاح وقلت حيا ومسخره نفس اللي صارت بالأسياد

والكل يعرف أن قطر إستفادة إعلامياً من الأسياد

أما من الناحية الإقتصادية فكانت خساره كبيرة والمردود المادي لم يكن باقدر الكبير

بالله عليك وش بنستفيد منهاااااااا ؟؟؟؟

[Mr Brox]

نعم .. وألف مليون نعم
ان استضافة مثل هذه الفعاليات تحقق عوائد وفوائد جمة منها:
تطوير البنية التحتية وأنشاء مزيد من المرافق والمنشآت وتدعيك شبكة النقل والمواصلات
زيادة النمو الاقتصادي وتحريك النقود داخل حدود الدولة وتنشيط الحركة التجارية
توصيل صورة مثالية وحسنة عن العالم الاسلامي والعربي خاصة وأن قطر ستصبح اول دولة اسلامية عربية تنظم هذه البطولة
اكتساب المزيد من الخبرات في تنظيم الفعاليات الدولية .. وتحقيق تواصل اكبر مع الثقافات والحضارات الأخرى
ستكون قطر على لسان الكل مما يحقق فوائد اعلامية وترويجية مختلفة الامر الذي سينعكس ايجابا على كافة المجالات في الدولة

ولكم التحية
وأتمنى من يعترض او يوافق يحدد اسباب قراره

[بوعليان]

مليار ,,,,,لآلآلآلآلآلآلآلآلآلآلآلآلآلآلآلآلآلآلآلآلآلآل آلآلآلآلآلآلآلآلآلآلآلآلآلآلآلآ

[غرفاوي]

لا مب ناقصين زحمة ,,, وطوارئ عسى ما شر

[وجه السعد]

نعم باذن الله

الاولمبياد ستجعل قطر لها دور فعال في المحافل الدوليه, كان ماسعت الدوله ورجال الدوله لربح الملف
وبخصوص الزحمه اي زحمه خلكم واقعيين الزحمه مش من الاسياد وهي عباره عن الطفره العمرانيه والعماله الكبيره الي ادخلت من اجل البناء والاستثمار.. هذا في قطر وتشتكون عيل ايش خليتو حق دبي .. المشكله ان العالم افرحت يوم الاسياد. وكل الكلام ظهر حجي فاضي عن التخوف.. فاالاسياد ذكرى لا تنسى والاولومبياد حدث اكبر واهم وسيتم في تاريخ قطر جيل بعد جيل سيتذكره هذا المحفل العالمي

والغلا ماجاكم الا بعد سوق الاسهم .. العالم ماشافت خير
من وجهة نظري الي يقول لا هذا شخص غير محب لقطر وخاصة اذا كان الموضوع كله 15 يوم


.

[AL_MUTAEM]

نعم .. وألف مليون نعم
ان استضافة مثل هذه الفعاليات تحقق عوائد وفوائد جمة منها:
تطوير البنية التحتية وأنشاء مزيد من المرافق والمنشآت وتدعيك شبكة النقل والمواصلات
زيادة النمو الاقتصادي وتحريك النقود داخل حدود الدولة وتنشيط الحركة التجارية
توصيل صورة مثالية وحسنة عن العالم الاسلامي والعربي خاصة وأن قطر ستصبح اول دولة اسلامية عربية تنظم هذه البطولة
اكتساب المزيد من الخبرات في تنظيم الفعاليات الدولية .. وتحقيق تواصل اكبر مع الثقافات والحضارات الأخرى
ستكون قطر على لسان الكل مما يحقق فوائد اعلامية وترويجية مختلفة الامر الذي سينعكس ايجابا على كافة المجالات في الدولة

ولكم التحية
وأتمنى من يعترض او يوافق يحدد اسباب قراره



نعم باذن الله

الاولمبياد ستجعل قطر لها دور فعال في المحافل الدوليه, كان ماسعت الدوله ورجال الدوله لربح الملف
وبخصوص الزحمه اي زحمه خلكم واقعيين الزحمه مش من الاسياد وهي عباره عن الطفره العمرانيه والعماله الكبيره الي ادخلت من اجل البناء والاستثمار.. هذا في قطر وتشتكون عيل ايش خليتو حق دبي .. المشكله ان العالم افرحت يوم الاسياد. وكل الكلام ظهر حجي فاضي عن التخوف.. فاالاسياد ذكرى لا تنسى والاولومبياد حدث اكبر واهم وسيتم في تاريخ قطر جيل بعد جيل سيتذكره هذا المحفل العالمي

والغلا ماجاكم الا بعد سوق الاسهم .. العالم ماشافت خير
من وجهة نظري الي يقول لا هذا شخص غير محب لقطر وخاصة اذا كان الموضوع كله 15 يوم


.

:thumbup1::thumbup1::thumbup1:

نعم ثم نعم فنعم

الاولمبياد ليس لها اي رابط بالغلاء المذكور ببعض الردود

كما ان الزحمه موجوده بكل وقت ..:thumbdown:

ومعظم اللي يرفضون هم من العساكر افراد الشرطه او الجيش لانهم بيصيرون طوارئ:con2:

انا اقول نعم لنفس الاسباب المذكوره اعلاه

لو ماكانت الاسياد موجوده ماكنا شفنا هالمنشات وهالابراج ..

لو ماكانت الاسياد موجوده ماشفنا هالاعلام الدولي وذكر اسم قطر بكل محفل ..

نحن يجب ان نعترف اننا دوله صغيره بمساحتها عظيمه برجالاتها وانجازاتها

[وحيد-الشوق]

لا والف لا مب ناقصين زحمة وشغل طوراى

مايسوى علينا هالاولمبياد كلها شهر واحد وخساير بالمليارات


ومعظم اللي يرفضون هم من العساكر افراد الشرطه او الجيش لانهم بيصيرون طوارئ

مب شرط اخوي مب بس العساكر ....

[دلة الرسلان]

في اثناء انعقاد دةرة اسياد كنت اشوف بعض الفرق في المجمعات والاسواق وسألت البايعيين

هل يشترون الضيوف فكانت الاجابة بالنفي وبعضهم ابدى خيبة امله لانهم كانوت يتوقعون ارباح

تتناسب مع الحدث .

كنت ايضا اتتبع صدى البطولة في الجرايد الاسيوية ونفس الشيء هنا او هناك خبر صغير على

استحياء في جريدة او جريدتيين يعني لاتتوقعون ملحق يتحدث عن قطر في وسائل الاعلام

الاجنبية ..... اسهل منه كتابة موضوع مدفوع الثمن في جرايد العالم عن قطر.

لمن يريد رفع اسم قطر في جميع المحافل .... سمعة قطر نصنعها هنا وفي الخارج من خلال

حسن التعامل الذي طبع عليه الشعب القطري مع الاخريين اما بطولة مدتها اسبوعيين فمن

بيتأثر بها وكم مدة الذاكرة علشان نضع بلادنا ع خريطة العالم يعنى بها الطريقة بنحتاج كل 10

سنوات بطولة عالمية لنتأكد من وجودنا في ذاكرة العالم .

اذا كان هناك فوائد فأنها لاتتناسب مع حجم الخسائر التي سوف تتكفلها الدولة وردا ع من يقول

اهتمام الدولة بالبنية التحتية اقول اردت مدحا فاصبحت ذما يعني دولتنا ما عندها خطط تنموية!!

المشاريع التي نفذت اثناء اسياد ولا اريد التعميم كانت سلق والدليل المدينة الطبية اللي احتاجت

صيانة لوجود عيوب فيها .

لذلك كله ارفض استضافة قطر لاولمياد 2016 .

[رياني1212]

نعم ومليار نعم

[HotBlood]

لا
الاولى البنية التحتية بالبلاد

[OTBD]

المبالغ التي يتم صرفها للرياضة والأجانب الشعب اولى بها وثانياً تطوير الشوارع وتعمير البلد

[قطر501]

لااااااااااااااااااااااااااااااااااااااااا مب ناقصين فساد

[البيرق]

لا
واهلاك الامم السابقة على الاسلام كان لمثل هذه الاعمال وما يرتبط بها فاتقوا الله

[ذوق]

ممممممممممممم اعتقد أني موافقه..لأني أحب أني أفتخر ببلادي

ويمكن لأ خايفه من الجرايم والعادات الدخيله ... مثل سالفه اكلة اللحوم الي طلعوا لنا بعد أسـياد:(

[ناصر العمادي]

لا




لأني اشوف المردود السلبي كبير على الشعب .... المتضرر الوحيد المواطن العادي

[الزقرت]

لا.
لأن اللي ينصرف ع الرياضة في قطر أكثر بوايد من اي دولة

[AL-ZAINA]

لا
بسبب مخلفات الاسياد اللي خلوها عندنا من جنسيات مختلفه ومنها الفساد المنتشر فالشوارع
توني جايه من دبي وماشوف فرق بين فساد قطر ودبي والسبب مخلفات الاسياد
وبعدين سندرونا ترى يسووون حفله تدشين في سنه 2007 حق 2016
ماندري من حي ومن ميت صج سنداااره

[مرحوم قطر]

لا و الف لا


اكفايه المسخره الي صارة في اسياد

و البوق الي كان من الاجانب الي امسكو


و تبذير الاموال الي كانت تنصرف رواتب حق الالمان و الاجانب فوق 50 الف بدون مايشتغلون



كفايه الفساد الاخلاقي و ظياع الدين الي صار في البلاد من بعد ماياتنه هلاسياد

كفايه هلاجانب الي جاو اهني على اساس انهم لاعبين و في الاخير انهدو في البلاد يدورون شغل

بدون كفيل و بدون اقامه انهدو يشتغلون في الدعاره و غيره



كفايه الي صار مانبغي زياده

[عذايب قطر]

والله بصراحة هو حدث مهم للدولة
بس انا اقول لا لانه اكيد في مضرة للشعب كثير
واسياد شاركنا معاهم من دون اي فايده

تحياتي لكم

[أم أبراهيم]

مليار لا لا لا :nono:

ضاعت أموال الدولة في الرياضه

كفاية يا مسؤولين ..

لا يوجد أي مردود مادي على الشعب والحكومه سوى الخساير !! :anger3:

الغلاء ذبحنا بسبب الألمبياد الغلاء في كل شيئ .

خلو فلوسكم للبنية التحتية أفضل .

[ذربة ألكلام]

نعم لان قطر سوف يزيد دخلها الاقتصااااااااااااادي

وستتقدم للأمام

وبالتالي نحن الربحانين ....................

[الكواري]

لا

لأسباب عديده

[المعتدل]

أرفض وبشدة

الأسباب أن هذا الاولمياد لن تخدم الوطن ولا المواطن إضافة إلى أن 98% من القادمين لايعيرون للإسلام ولا المسلمين أي اعتبار وتقالديهم وأفكارهم تميل إلى التفسخ والانحطاط فماذا يراد منهم شعوب الحرام في ديننا لديهم حلال ويكفينا ما نراه في اروباء وابريطانيا في الاعوام الأخيرة عندما يرون المسلم أو المرأة المتسترة يلتصق رجالهم بنسائهم بطرق فاضحة ومخزية وهذا ينم عن ما يكنه هؤلاء الخبثاء للمسلمين فماذا يراد منهم وماذا سيجلبون لنا دولتنا غنية وليست في حاجة إلى أموال هؤلاء مع انني اثق ان سكنهم سيكون مجاني كالعام الماضي؟

[الجنوبي 111]

من خلال خبرتي بتجربة الأسياد اللي كانت لها مميزات ومساوئ:playball:


والمساوئ كانت أكثر :pardon:


أقول لا :nea:



والفوز بالأستضافة صعب جدا في ظل منافسة قوية من عواصم أخرى:strong3:

[الراقية]

مع ( تم التصويت)
لما له من مردود ايجابي على التعريف بالدولة وعلى فتح باب السياحة
وفتح باب اقتصادي اخر للدولة ( غير البترول والغاز )

راي شخصي بحت
تحياتي

[الألماسي]

سؤالــي للمعـارضين :)

لو تم تسديد كافه ديون المواطن القطـري..!!

لو تـم تسـريع معـاملات القطريين في الاراضـي والاسكان ومنحهم البيوت جاهزه في حلول 2010 ..!!

لو سنـت الدولـه قوانين صارمه ضد التجار واحدث ثوره هائله في قلــه التضخم وبالتالـي انخفاض الايجارات + وانخفاض السلــع التجاريــه..!!

لـو تـم زياده كل مواطن قطري 10 الاف ريال قطري على راتبـه الحـالي..!!

لو تـم منح كل طفـل 1000 ريال شهـريا كـراتب شهري ..!!

لـو تم منح العاطلين عن العمل رواتب شهريه..!!

لو تـم منـح الطلبــه والطالبات رواتب شهريه الى حيـن الحصول على وظيفه..!!


هل ستكون من المعارضين..!!

[بوخالد2]

نعم اذا فيها خير للبلاد


ولا اذا فيها مضرة للشعب والبلد
كـ دين أولاً واقتصادياً واجتماعياً ثانياً


لا و 1000 لا

اكتفينا من الغلاء و الزحمه


لا يالغالي ضد ان شاءالله الاشياء التافه ذي ماعندهم سالفه كلش العاب والعاب شنو استفدنا من اسياد ابي حد يجاوب ؟؟؟


طبعا ولا شي سوى تصوير البنات في المجمعات ونشرها بالخارج

ان شاءالله بنات الهوى واعتقد الناس كلها اتعرف وينطرون هناك عند البوابات

ادخلت اشياء على المجتمع القطري وضرته في عاداته وتقاليده

لاحول ولاقوه الابالله

اتمنى ان قطر ماتفوز بالاستضافه :dance

[ترتر]

شباب التصويت انضاف ياليت اللي اكتبوا ردودهم في البداية ينتبهون فوووق لخانة التصويت ويختارون حسب اللي اكتبوه في الرد .. :yu:

[Index Signal]

نعم باذن الله

الاولمبياد ستجعل قطر لها دور فعال في المحافل الدوليه, كان ماسعت الدوله ورجال الدوله لربح الملف
وبخصوص الزحمه اي زحمه خلكم واقعيين الزحمه مش من الاسياد وهي عباره عن الطفره العمرانيه والعماله الكبيره الي ادخلت من اجل البناء والاستثمار.. هذا في قطر وتشتكون عيل ايش خليتو حق دبي .. المشكله ان العالم افرحت يوم الاسياد. وكل الكلام ظهر حجي فاضي عن التخوف.. فاالاسياد ذكرى لا تنسى والاولومبياد حدث اكبر واهم وسيتم في تاريخ قطر جيل بعد جيل سيتذكره هذا المحفل العالمي

والغلا ماجاكم الا بعد سوق الاسهم .. العالم ماشافت خير
من وجهة نظري الي يقول لا هذا شخص غير محب لقطر وخاصة اذا كان الموضوع كله 15 يوم


.



أتمنى اللي يقول رأيه من الأعضاء ما يجرّح بآراء الآخرين ولا يزايد بوطنيته و محبته لقطر عليهم.

[الكواري]

سؤالــي للمعـارضين :)

لو تم تسديد كافه ديون المواطن القطـري..!!

لو تـم تسـريع معـاملات القطريين في الاراضـي والاسكان ومنحهم البيوت جاهزه في حلول 2010 ..!!

لو سنـت الدولـه قوانين صارمه ضد التجار واحدث ثوره هائله في قلــه التضخم وبالتالـي انخفاض الايجارات + وانخفاض السلــع التجاريــه..!!

لـو تـم زياده كل مواطن قطري 10 الاف ريال قطري على راتبـه الحـالي..!!

لو تـم منح كل طفـل 1000 ريال شهـريا كـراتب شهري ..!!

لـو تم منح العاطلين عن العمل رواتب شهريه..!!

لو تـم منـح الطلبــه والطالبات رواتب شهريه الى حيـن الحصول على وظيفه..!!


هل ستكون من المعارضين..!!
:yes:
نعم سأكون ايضاً من المعارضين

تدرون

ان اللي مستفيد هم الشركات الخاصة بالمقاولات والنقليات والفنادق والبنوك

أما

أغلب المواطنين القطريين :nono:
والدليل جاتنا الأسياد وراحت وماحصلنا الا نار الأسعار مشعلله في كل شئ وخاصه العقار
والإيجارات سارت عامل طرد للكثير من الأسر .

أليس من الأولى

توفير البنيه التحتية لقطر وسكانها اللي يزيد كل يوم

أليس الأولى

توفير مسكن لكل قطري بدل التقلقص في حجره مع عياله في بيت ابوه

أليس الأولى

الحفاظ على مجتمعنا الطاهر المسلم من مايأتي به هولاء من تنصل وتفسخ أخلاقي

[امل الحب]

ضد وبقوة

مو ناقصنا زحمة ومو من زين شوارعنا والا من وشعها والا من كثر الطرق البديلة وارتفاع اسعار حتى وان كان هالشي في مصلحة البلد فهو ضد مصلحة المواطن

[حيهور]

لا


لاني ماقدر على مصاريف المعيشه

[~¤ العنود ¤~]

ضد

ماراح نستفيد منها اي شي !!

اذا فيها استفاده لـ قطر كفايه الاستفادة في اسياد .. انفتحنا للعالم والكل عرفنا واثبتنا وجودنا .. ايش المطلوب اكثر !!!

ماعتقد ان حدث رياضي ثاني بيزيد شي .. الا الخساير والزحمه والانفتاااح

[الزاجل]

سؤالــي للمعـارضين :)

لو تم تسديد كافه ديون المواطن القطـري..!!

لو تـم تسـريع معـاملات القطريين في الاراضـي والاسكان ومنحهم البيوت جاهزه في حلول 2010 ..!!

لو سنـت الدولـه قوانين صارمه ضد التجار واحدث ثوره هائله في قلــه التضخم وبالتالـي انخفاض الايجارات + وانخفاض السلــع التجاريــه..!!

لـو تـم زياده كل مواطن قطري 10 الاف ريال قطري على راتبـه الحـالي..!!

لو تـم منح كل طفـل 1000 ريال شهـريا كـراتب شهري ..!!

لـو تم منح العاطلين عن العمل رواتب شهريه..!!

لو تـم منـح الطلبــه والطالبات رواتب شهريه الى حيـن الحصول على وظيفه..!!


هل ستكون من المعارضين..!!

لو
تفتح عمل الشيطان

ولو دخل الشيطان في الموضوع :nono:

[ملكة الأسهم]

لا وبس

[ترتر]

نبي تثبيت يا مشرفين ياكرام ... لاني افكر ارسل الرابط للمواقع الالكترونية الخاصة بالجرايد المحليه .. عشان يطلعون على الموضوع

[وحيد-الشوق]

نبي تثبيت يا مشرفين ياكرام ... لاني افكر ارسل الرابط للمواقع الالكترونية الخاصة بالجرايد المحليه .. عشان يطلعون على الموضوع

:D شكلك بتودي المنتدى في داهيه :spider:

بيقولون ذولا مايجشعون بلادهم على استضافة الاولمبياد الي انا ضدها 100%100 :strong

[الزاجل]

نبي تثبيت يا مشرفين ياكرام ... لاني افكر ارسل الرابط للمواقع الالكترونية الخاصة بالجرايد المحليه .. عشان يطلعون على الموضوع

بل الموضوع فيها جرايد ؟


اصبر خلني احط صورتي مع عيالي :dance

ما ادري اذا صوت والا ما صوتت
المهم اني موافق مواااااااااااااااااااااااااااااااااااااافق ..

انت متأكد انك بتطرش الوصلة للجرايد ؟ :con2:


:D شكلك بتودي المنتدى في داهيه :spider:

بيقولون ذولا مايجشعون بلادهم على استضافة الاولمبياد الي انا ضدها 100%100 :strong

هذا انت كل اشوي ودورت لك عذر :nea:
الحمدلله اني موافق اشفيها يعني لو استضافوا الاولمبياد ؟:pardon:

ونااااااااااااااسة

العاب
وجمباز
وسباحة
وبااااااااااااليه
والرقص تحت الماي احلى شي هاللعبة..

بعدين لا تنسى نادي الانجازات
اللي كل ما لعب منتخبنا عليه خذ البطولة
منتخاباتنا كلها حتى في التيلة والكريم
بيشاركون لو استضفنا ..

اي لعبة عندك بيدخلونها
بطالب انهم يدخلون ايج اوف امبيرز حق خم خم
وبطالب يدخلون لي تايبيرييوم وورز
واي واحد خاطره في لعبة يرزها اهنيه ويطالب فيها
مع موافقته على استضافة البطولة العالمية :yawn:

لحظة
روز بنطالب لها بلعبة صياد حرامي :pic:

[الخيميائي]

اقول وافقت والا ماوافقت

الحكومة ابخص بمصلحة الوطن والمواطن

حد عنده اعتراض :deal:

[سوق واقف]

تم تدشين الشعار (( يعني رضيتو ولا ما رضيتو البطولة بتصير يعني بتصير ))وانا مع إقامة البطولة عشان السوق يتحسن شوي

[الخيميائي]

بل الموضوع فيها جرايد ؟


اصبر خلني احط صورتي مع عيالي :dance

ما ادري اذا صوت والا ما صوتت
المهم اني موافق مواااااااااااااااااااااااااااااااااااااافق ..

انت متأكد انك بتطرش الوصلة للجرايد ؟ :con2:



هذا انت كل اشوي ودورت لك عذر :nea:
الحمدلله اني موافق اشفيها يعني لو استضافوا الاولمبياد ؟:pardon:

ونااااااااااااااسة

العاب
وجمباز
وسباحة
وبااااااااااااليه
والرقص تحت الماي احلى شي هاللعبة..

بعدين لا تنسى نادي الانجازات
اللي كل ما لعب منتخبنا عليه خذ البطولة
منتخاباتنا كلها حتى في التيلة والكريم
بيشاركون لو استضفنا ..

اي لعبة عندك بيدخلونها
بطالب انهم يدخلون ايج اوف امبيرز حق خم خم
وبطالب يدخلون لي تايبيرييوم وورز
واي واحد خاطره في لعبة يرزها اهنيه ويطالب فيها
مع موافقته على استضافة البطولة العالمية :yawn:

لحظة
روز بنطالب لها بلعبة صياد حرامي :pic:


والفائز بالميدالية الذهبية بلعبة تايبيرييوم وورز

هو الزاجل

والفائز بالميدالية الفضية

ارنولد من الولايات المتحدة

والفائز بالميدالية البرونزية

كنج لونج يو من الصين الشعبية

الف مبروك لبطلنا الزاجل

وحيووووا فريقيييي

الى حضر

الزاجل

في قلووووبنا

بس اشلون بنستقبلك بالمطار

والانجاز على ملعب نادي السد :taunt:

[الزاجل]

اقول وافقت والا ماوافقت

الحكومة ابخص بمصلحة الوطن والمواطن

حد عنده اعتراض :deal:

كلامك مبط و مرفوض
وانت من المتذمرين المبطنين ..:tease:

قول موافق وما عليك من الباقي ..:secret:
شكلنا بنحرمك من حلم حياتك
وما بنطالب بادراج ايج اوف امبيرز ..

[الخيميائي]

كلامك مبط و مرفوض
وانت من المتذمرين المبطنين ..:tease:

قول موافق وما عليك من الباقي ..:secret:
شكلنا بنحرمك من حلم حياتك
وما بنطالب بادراج ايج اوف امبيرز ..

ههههههههههههههههههههههه

بالعكس

هذا شبابك ياقطر

حيوا فريقي الى حظر :tease:

شوف التصويت بتعرف اني موافق :tease::tease:

[الزاجل]

تم تدشين الشعار (( يعني رضيتو ولا ما رضيتو البطولة بتصير يعني بتصير ))وانا مع إقامة البطولة عشان السوق يتحسن شوي

تحسن يوم الآسياد ؟

الا اعتفس لأن السيولة انسحبت للمقاولات ( سوق العقار)
مجرد معلومة من التاريخ مالي خص فيها ..

بس ان شاءالله
يردون السوق اذا خذوا البطولة
علشان السوق يتحسن ..:omen2:


والفائز بالميدالية الذهبية بلعبة تايبيرييوم وورز

هو الزاجل

والفائز بالميدالية الفضية

ارنولد من الولايات المتحدة

والفائز بالميدالية البرونزية

كنج لونج يو من الصين الشعبية

الف مبروك لبطلنا الزاجل

وحيووووا فريقيييي

الى حضر

الزاجل

في قلووووبنا

بس اشلون بنستقبلك بالمطار

والانجاز على ملعب نادي السد :taunt:

معليه بيسوون لهم مطار السد الدولي :rolleyes2:
لا تستبعدها:omen2:
باخذ البطولة في السد
و بيزفوني من مطار السد :taunt:

[keep calm]

انا مع طبعا هذا فيه عائد كبير جدا للبلاد من الناحيه الاقتصاديه والماديه وفي خير كبيرلا اهل البلاد

وانا متوقع العوائد والارباح الماليه بعد تغطيه كافه التكاليف سوف تفوق العشره مليار

[القطوة]

اموت في قطر وترابها...وافديها بروحي
بس
بعد لا
ليش الاسباب لا حصر لها واهم سبب واوله...الإباحية والبعد عن الدين والمهزلة والعري اللي راح يصير بحجة التفتح...يكفي اللي نشوفه يوميا في المجمعات ، بعد ماكان هذا الشي مستحيل في بلادنا ...صار عادي لدرجة الواحد مايعرف متى يكون هاللبس مقبول وعادي ومتى لا !!!!!

غير الغلا اللي راح يتضاعف ...الحين والناس مب قادرين يعيشون من الغلاء الغير طبيعي ...ياريت اكتفوا بالعقار بس الا في كل شي حتى احتياجات المعيشة من المأكل!!!...فإيش بيصير بعدين!!!
عشت بلندن فترة وتسوقت من تسكو وازدا ... ومليت القاري ماطلع لي نفس السعر اللي طلع لي هني اول امس لما تسوقت من كارفور!!!!
الله يرحم ايام الرخص

[سهم طايش]

نعم و بقوة

تحدي جديد لقطر و كتابة انجاز يسطر للاجيال القادمه

[doha_vip]

لا ومليون لا .. كفاية اللي صاير في البلاد من غلا .. وتكسر .. وتعطيل في توصيل الخدمات الى المناطق

[الزاجل]

38 ضد










18 مع

اهم شي رابط الموضوع في الجريدة
ويمكن تعديل النسبة حسب مقتضيات الموضوع
نفس تصريح المسؤول في بنك الخليج :nop:

[خفايا الروووح]

مدري ليه احس ان قطر ماراح تستضيف الاولمبياد :looking:

[بنتكم]

لا ولا ولا ولا ولا
كافــــــــــــــــــــــــــي

[ترتر]

38 ضد










18 مع

اهم شي رابط الموضوع في الجريدة
ويمكن تعديل النسبة حسب مقتضيات الموضوع
نفس تصريح المسؤول في بنك الخليج :nop:


مب مطرش شي كلش ملش .. :court:

واحد مكلمني اليوم

يقولي مش بوزك ينشرون هالتصويت ..

اشتبي العالم يقولون عنا ..

الحكومة بصوب والشعب بصوب :whistling:

[Index Signal]

مب مطرش شي كلش ملش .. :court:

واحد مكلمني اليوم

يقولي مش بوزك ينشرون هالتصويت ..

اشتبي العالم يقولون عنا ..

الحكومة بصوب والشعب بصوب :whistling:

يا عيني على الرأي و الرأي الآخر..!!

صحافتنا شاطره بس بالتلميع و التزيين و قبض فلوس اعلانات التهاني و التبريكات و الاشادات..!!

[M O 7 A M M E D]

تم التصويت ..

:)

[فارس 2007]

:yes::yes::yes::yes::yes:

[سعادة الوزير]

اكيد لا!!
بعد الاسياد الحكومه الي استفادت والشعب هو الي خسر!

الحكومة استفادت السمعه والشعب خسر المعيشة!

[الزاجل]

مب مطرش شي كلش ملش .. :court:

واحد مكلمني اليوم

يقولي مش بوزك ينشرون هالتصويت ..

اشتبي العالم يقولون عنا ..

الحكومة بصوب والشعب بصوب :whistling:

:app2::app2::app2:


يا عيني على الرأي و الرأي الآخر..!!

صحافتنا شاطره بس بالتلميع و التزيين و قبض فلوس اعلانات التهاني و التبريكات و الاشادات..!!
:nono::nono::nono:


اكيد لا!!
بعد الاسياد الحكومه الي استفادت والشعب هو الي خسر!

الحكومة استفادت السمعه والشعب خسر المعيشة!
:swoon2:

[ترتر]

عدد المصوتين 72 ننتظر ان يكتمل العدد الى 100 مشارك وبعدها نعلن النتيجة ونضع النقاط على الحرووووف

[Index Signal]

عدد المصوتين 72 ننتظر ان يكتمل العدد الى 100 مشارك وبعدها نعلن النتيجة ونضع النقاط على الحرووووف

النتيجه واضحه وضوح مصيري انا و الزاجل :weeping:

لكن ننتظر عشان خاطر الديمقراطيه :secret:

[الزاجل]

النتيجه واضحه وضوح مصيري انا و الزاجل :weeping:

لكن ننتظر عشان خاطر الديمقراطيه :secret:

الحمدلله غيرت لوكي
وصرت مودرن ..

ومالي في سوالفكم ..

انتتظر مواضيع جديدة عن
بوب مورلي
برتني سبيرز
ريكي مارتن
:yes:

بس ملاحظ معاي اختفاء خم خم ؟
اتوقع خموه؟ :no:
لأن تصور معاي في الفترة الأخيرة واايد :looking:

[Index Signal]

بس ملاحظ معاي اختفاء خم خم ؟
اتوقع خموه؟ :no:
لأن تصور معاي في الفترة الأخيرة واايد :looking:


:eek5:

[Qa6ar]

نبي الزحمه اتخف وعقب يسير خير واهل قطر يلاقون بيوت يسكنونها... ومحد يشتكي من الغلا

مع ان رضا الناس غايه لاتدرك

[الجنوبي 111]

بس ملاحظ معاي اختفاء خم خم ؟
اتوقع خموه؟ :no:
لأن تصور معاي في الفترة الأخيرة واايد :looking:



شكلهم خموه بالفعل


بس اعتقد بيحطوا انترنت في المعتقل :playball:

[الخيميائي]

:secret:



:tease::tease::tease::tease:


كلنا قطر

والاولمبياد عندنا يعني عندنا

ونتحدى الفرنسين والانجليز والامريكان

يا احنا يا هم

[الخيميائي]

الحمدلله غيرت لوكي
وصرت مودرن ..

ومالي في سوالفكم ..

انتتظر مواضيع جديدة عن
بوب مورلي
برتني سبيرز
ريكي مارتن
:yes:

بس ملاحظ معاي اختفاء خم خم ؟
اتوقع خموه؟ :no:
لأن تصور معاي في الفترة الأخيرة واايد :looking:


:eek5:


شكلهم خموه بالفعل


بس اعتقد بيحطوا انترنت في المعتقل :playball:



سئلت عنكم العافية :tease::tease::tease:

بس الحمى ماتخلي الواحد في حالة متلحف ومشغل الدفاية وبعد كنت احس ببرد :p

اليوم اشوى :tease::tease::tease:

[قطرية عسل]

تم التصويت :victory:

[N7eEeS]

تم التصويت بلا
ومب ناقصين تبذير وتعري في بلادنا :)

[AL_MUTAEM]

لا
بسبب مخلفات الاسياد اللي خلوها عندنا من جنسيات مختلفه ومنها الفساد المنتشر فالشوارع
توني جايه من دبي وماشوف فرق بين فساد قطر ودبي والسبب مخلفات الاسياد
وبعدين سندرونا ترى يسووون حفله تدشين في سنه 2007 حق 2016
ماندري من حي ومن ميت صج سنداااره


اول مره اسمع بمخلفات الاسياد ..

:anger3::anger3::anger3:

[هسلان]

نعم وبشدة خل الناس تستفيد

[العقيد]

مع وبقوه .وهذا الحدث يعرف العالم بالبلاد ومنجزاتها وموقعها وغيره من الامور بطريقه لاتتصور ولاتستطيع حتى لو قعدت 100سنه تروج للبلاد ان تحصل على نفس النتيجه اذا فزت بالالعاب الالمبيه

[ترتر]

نتيجة التصويت النهائية كالتالي :

عدد الذين صوتوا : 101 صوت

منها 34 مع الاستضافة وبنسبة 33.66 %
والبقية 67 ضد الاستضافة وبنسبة 66.34 %

شكرا للجميع

[Index Signal]

نتيجة التصويت النهائية كالتالي :

عدد الذين صوتوا : 101 صوت

منها 34 مع الاستضافة وبنسبة 33.66 %
والبقية 67 ضد الاستضافة وبنسبة 66.34 %

شكرا للجميع


ان شاء الله تتحقق نتيجة هذا التصويت اللي يجسّد رأي الأغلبيه..

و تتجه الدوله لحل معاناة المواطن في اموره الحياتيه الأساسيه مثل السكن..

بدل استنزاف اموال البلد في امور تزيد معاناة المواطن و تنفخ جيوب الهوامير اللي بتنشق من الطمع و الجشع.

[الزاجل]

ان شاء الله تتحقق نتيجة هذا التصويت اللي يجسّد رأي الأغلبيه..

و تتجه الدوله لحل معاناة المواطن في اموره الحياتيه الأساسيه مثل السكن..

بدل استنزاف اموال البلد في امور تزيد معاناة المواطن و تنفخ جيوب الهوامير اللي بتنشق من الطمع و الجشع.

ان شاءالله ..اللي فيه الخير يقدمه ربنا

عيالنا بيفتخرون ان عندهم مباني رياضية عالمية للرياضين فقط ..
والبيوت الحكومية
قروضها ما تكفي يبني فيها الواحد من غير ما ياخذ ضعفين القرض
اللي ينخصم من جيب الموظف ورزق عياله ..

عيالنا بيفتخرون ان صارت عندنا مجمعات تركيب نفس المدينة الرياضية مالت الآسياد..
وان ..
وان ..

اهم شي نفتخر .. ونفتخر ونفتخر ..

[عضو المنتدى]

ضد الأسياد

لأن الميزانيه بدلا من أن تتوجهه إلي أنشاء مدن صناعية أو مدن سكنية جديده للمواطنين .

تتوجه إلي أنشاء مشاريع رياضيه لا فائده منها .

وهذا سبب لنا تضخم قياسي فوق 15 % !!!

مواطنين طلبوا أراضي صناعيه قالوا مافي لا توجد أراضي .!!!

وطلبوا أراضي سكنية قالوا أنتظر دورك لمده 15 سنة !!!

[ترتر]

75 ضد الاستضافه

[الزاجل]

75 ضد الاستضافه

:fight::fight::fight:

[ترتر]

مادري اطرش رابط الموضوع على ايميل موقع اللجنة الاولومبية :secret:

[الزاجل]

مادري اطرش رابط الموضوع على ايميل موقع اللجنة الاولومبية :secret:

اقلب النتايج
وخل الموافقون رافضون والرافضون مؤيدون وبقوة :fight:

[البنز]

لا .. :nono:

[كلاسيك للبيع]

التصويت لا وبشده

مايحتاج اقول ليش.... الكل يدري.