محطات في حياة الجني

[الجني]

بسم الله و الحمد لله و الصلاة و السلام على رسول الله

و على اله و صحبة اجمعين

من منا لم يلاحظ التغيير الهائل الذي طرأ على مجتمعنا , من مجتمع بسيط

عبارة عن فرجان الكل يعرف الثاني و الجار يفزع لجاره تجسيداً لمفهوم التكافل

الإجتماعي .


اتذكر و انا صبي كنت اقوم على أذان الفجر و اقود جدي الضرير رحمه الى المسجد ليصلي ثم

اعود به الى البيت , فيجلس و يقرأ القرآن عن ظهر قلب (اخ ليتني سجلته) . ثم اذهب الى الخباز

و اعود معي ماعون متروس باجلاء او نخي و 8 قروص خبز

و بعد الباجلاء اروح المدرسة

طبعاً مشي قبل ما نشتري المرسيدس الشبح ههههههههه

اطلع من البيت شايل طن كتب

و اختصر الطريق مروراً بمقبرة الفريج

و من جهة السور الاخرى تقع المدرسة

و استاد شاهر ضابط المدرسة يلعلع

كنا نخاف من المدرسة و المدرسين اكثر من سجن ابو غريب

و ابائنا يقولون حق المدرسين لكم اللحم و لنا العظم

و في الفرصة كلٍ يتدعس عند المقصف

مصروفي نصف ريال

اربعنات سندويتش زعتر و اربعنات بيبسي

طبعاً بيبسي مب الجيل الجديد

و بعد ما يرن الجرس ركض هيييييييييييييييييييييييييييييييي

"على البيت ... على البيت ... امي راحت الكويت ... يابت لي حبت تشوكليت"


و ارجع البيت من نفس الطريق مروراً بالمقبرة و بعض الاحيان اركض

و اتعلبش في الباص علشان اوصل من وهل

و الغداء كان طعام ناس تاكل علشان تعيش و ليس العكس

بعض الاحيان كنا نتغدى عيش شيلاني (ابيض) مع تمر

و بعد الغداء مقيال اجباري حتــــــــــــــى العصر

كانت جميع نساء الفريج امهاتي و كان مرفوع عني القلم ادخل بيت امي سعيدة مروراً ببيت

امي سبيجة , امي كلثم تعزمني على عصيدة و امي عائشة تأمرني اوصل خبيص الى بيت

امي علياء .


يازين الصبان في الحوش ابرك من الانترلوك و الغنم و الدياي

و اذا كنت في الدار تمر علي العنز تنشنش.

القعده في الليوان العصر و التمر مع القهوة احلى من القعده في فوشون و ستاربكس

نفرش برنوص على الارض و مسند و نتقهوى

ما اجمل ذاك الزمان

و صلى الله على سيدنا محمد و على اله و صحبه و سلم

[سيف قطر]

http://www.upload2world.com/pic18/upload2world_0d669.gif

:nice::nice::nice::nice::nice:

ذكرتنا ياخوك فيما مضى

[المزن الرياني]

رغم أني مب بعمرك اخوي الجني ومالحقت على اللي تقوله
بس والله ياليت الزمان يرجع ... على الاقل لمرحله الثمانينات
كانت ايام حلوه

الله يعطيك طولت العمر وجميع القارئيين

[Breakaway]

ياريت عندنا فيديو لأحد محطاتك او قطار ياخذنا لها..

[PoBox]

سرد رائع

لكنك قلت محطات !!

نامل أن تكون هناك تكملة بالسرد

جيلنا جيل النيدو مفتقد هالسوالف
:yes::yes::yes:

[التيما]

كني قاعدة اقرا في كتاب قديم كله اصاله وبراءة ومشوق ومابي اخلصه وان خلصته اعيد قراءته من جديد .. للاسف انا مالحقت على بعض اللي انذكر .. يمكن لان فريجنا كان جديد لمن كنت صغيره بس كانت قلوب الكل عالكل وانعرف بعض عدل وممكن اكل عند اي حد من جيرانا .. بس كانت عندنا سيارتين حق المدرسة وماكنت ارضى اركب باص .. بس بعد بقول صج كانت ايام ..

يعطيك العافية اخوي الجني ..

[al_lord]

يعطيك العافيه اخوي الجني على السرد الجميل

غريبه ما لحقتوا على هذه الفتره ؟ انا عشت طفولتي بالثمانينات ولحقت على هذه الاشياء ؟ الا الروحه للمدرسه مشي :) لانها كانت بعيده فنروح بالباص

[ناصر العمادي]

ينصر دينك يالجني ..... روح والقلب داعيلك ......

رجعتنا للماضي الجميل البسيط الممتع ...... رجعتنا للأنسانيه والأخوه والمحبه بين الناس

الله ما اجملها من ايام اللعب في الشارع حفي في عز الصيف وحنا ابد وحوش ما شاء الله

اه على زمن وراح اه

والله لها وحشه ذيك الأيام .......

جزاك الله خير على الذكريات الحلوه

عسى ربي يمد بعمرك ويوفقك ويسعدك دنيا واخره ان شاء الله

[وطن]

مالحقت على ولا شي من هذا

بس أذكر امي وابوي كانوا يسولفون لنا عن هالفترة



متاااااااااااابعه للمحطات الباقية

[abo rashid]

قريت و عرفت انت من اي مدرسه
ابوبكر الصديق

استاذ شاهر اشكثر حصلنا منه طق

كفر فينا

[سهم طايش]

راحوا الطيبين

اكيد الباجلا و النخي من عند عبدالرحيم الخباز

[مرحوم قطر]

عورني قلبي و اخنقتني العبره

[سوق واقف]

بسم الله و الحمد لله و الصلاة و السلام على رسول الله

و على اله و صحبة اجمعين

من منا لم يلاحظ التغيير الهائل الذي طرأ على مجتمعنا , من مجتمع بسيط

عبارة عن فرجان الكل يعرف الثاني و الجار يفزع لجاره تجسيداً لمفهوم التكافل

الإجتماعي .


اتذكر و انا صبي كنت اقوم على أذان الفجر و اقود جدي الضرير رحمه الى المسجد ليصلي ثم

اعود به الى البيت , فيجلس و يقرأ القرآن عن ظهر قلب (اخ ليتني سجلته) . ثم اذهب الى الخباز

و اعود معي ماعون متروس باجلاء او نخي و 8 قروص خبز

و بعد الباجلاء اروح المدرسة

طبعاً مشي قبل ما نشتري المرسيدس الشبح ههههههههه

اطلع من البيت شايل طن كتب

و اختصر الطريق مروراً بمقبرة الفريج

و من جهة السور الاخرى تقع المدرسة

و استاد شاهر ضابط المدرسة يلعلع

كنا نخاف من المدرسة و المدرسين اكثر من سجن ابو غريب

و ابائنا يقولون حق المدرسين لكم اللحم و لنا العظم

و في الفرصة كلٍ يتدعس عند المقصف

مصروفي نصف ريال

اربعنات سندويتش زعتر و اربعنات بيبسي

طبعاً بيبسي مب الجيل الجديد

و بعد ما يرن الجرس ركض هيييييييييييييييييييييييييييييييي

"على البيت ... على البيت ... امي راحت الكويت ... يابت لي حبت تشوكليت"


و ارجع البيت من نفس الطريق مروراً بالمقبرة و بعض الاحيان اركض

و اتعلبش في الباص علشان اوصل من وهل

و الغداء كان طعام ناس تاكل علشان تعيش و ليس العكس

بعض الاحيان كنا نتغدى عيش شيلاني (ابيض) مع تمر

و بعد الغداء مقيال اجباري حتــــــــــــــى العصر

كانت جميع نساء الفريج امهاتي و كان مرفوع عني القلم ادخل بيت امي سعيدة مروراً ببيت

امي سبيجة , امي كلثم تعزمني على عصيدة و امي عائشة تأمرني اوصل خبيص الى بيت

امي علياء .


يازين الصبان في الحوش ابرك من الانترلوك و الغنم و الدياي

و اذا كنت في الدار تمر علي العنز تنشنش.

القعده في الليوان العصر و التمر مع القهوة احلى من القعده في فوشون و ستاربكس

نفرش برنوص على الارض و مسند و نتقهوى

ما اجمل ذاك الزمان

و صلى الله على سيدنا محمد و على اله و صحبه و سلم


الله الله الله أكبر عليك حزنتني والله
والصبح تشرب حليب العنز الطبيعي وتروح تجيب ماي من الجليب

[ضوى]

مقبرة ؟؟ وخباز ؟؟

اكيد مقبرة الرميلة وخباز فلسطين

لاني عشت تفاصيل اللي تقوله تماما

يا ليت هذي الايام ترجع على الاقل ما فيها نفاق ولا خبث ولا حسد ، اللي ما عنده ما يعاير اللي ما عنده والفقير والغني على سفرة واحدة ما في تكليف ولا غرور

شكرا لك الجني طلعت من مواخيذنا

[الزاجل]

مقبرة ؟؟ وخباز ؟؟

اكيد مقبرة الرميلة وخباز فلسطين

لاني عشت تفاصيل اللي تقوله تماما

يا ليت هذي الايام ترجع على الاقل ما فيها نفاق ولا خبث ولا حسد ، اللي ما عنده ما يعاير اللي ما عنده والفقير والغني على سفرة واحدة ما في تكليف ولا غرور

شكرا لك الجني طلعت من مواخيذنا

ما في غيرها هالمنطقة (السلطة القديمة ) :rolleyes2:

بس مب خباز فلسطين الخباز لإيراني
لأن الباجلا والنخي تخصص ايراني
الفلافل تخصص فلسطين
بس اللي مستغرب منه طلع حجري الجني
وكنت اظن اني اكبر واحد في المنتدى
لحق على الزعتر يوم كان بربع ريال
واحنا على ايامنا كان بريال
انشوفه وما نقدر نشتريه كان غالي :omen2:

[ضوى]

ما في غيرها هالمنطقة (السلطة القديمة ) :rolleyes2:

بس مب خباز فلسطين الخباز لإيراني
لأن الباجلا والنخي تخصص ايراني
الفلافل تخصص فلسطين
بس اللي مستغرب منه طلع حجري الجني
وكنت اظن اني اكبر واحد في المنتدى
لحق على الزعتر يوم كان بربع ريال
واحنا على ايامنا كان بريال
انشوفه وما نقدر نشتريه كان غالي :omen2:



:rolleyes2::rolleyes2::rolleyes2:

ما اعرف غير الرميلة ووادي السيل والبدع والجسرة اللي كنت اقدر اروحهم مشي :taunt:


وانا بعد لحقت على ايام الزعتر بربع :rolleyes2:

[الزاجل]

:rolleyes2::rolleyes2::rolleyes2:

ما اعرف غير الرميلة ووادي السيل والبدع والجسرة اللي كنت اقدر اروحهم مشي :taunt:


وانا بعد لحقت على ايام الزعتر بربع :rolleyes2:

هااااااااااااااا

طلعتوا كلبوكم اكبر مني

شكلي آخر العنقود :taunt:

[shrook]

سرد رائع من انسان رااااائع

ايام زمان كانت احلى بكل تفاصيلها من حب ناس لبعضهم وخوفهم على بعض

يعطيك العافيه .....

[Breakaway]

هااااااااااااااا

طلعتوا كلبوكم اكبر مني

شكلي آخر العنقود :taunt:

فيه شيبه عمره 100 سنة والثاني أصغر منه يعني آخر العنقود عمره 90 سنه!:D

[ضوى]

فيه شيبه عمره 100 سنة والثاني أصغر منه يعني آخر العنقود عمره 90 سنه!:D

:anger3: اهم شئ انا 100 والا 90:anger3:

[الدوحه 2007]

سرد رائع جداً يا اخوي الجني

يعطيك العافيه

ويريت يرجع زمان اول

علشان نعيشه معاكم و نتذوق حلاوته اللي نسمعها منكم

الله الله الله

[خفايا الروووح]

مالحقت ع هالمحطات..بس مخبز فلسطين اتذكره .. يوم اختي صار لها الحادث وطيروها المسكينه :o بس الحمدلله جت سليمه

بس كاني قاعده أشوف مسلسل من هالمسلسلات القديمه .. اللي تختلف 360 درجه عن مسلسلاتنا اليوم ..

ويعطيك العافيه يالجني

[الزاجل]

فيه شيبه عمره 100 سنة والثاني أصغر منه يعني آخر العنقود عمره 90 سنه!:D

:nono:

[الزاجل]

:anger3: اهم شئ انا 100 والا 90:anger3:

آخر العنقود محسوبج الزاجل :nop:
تفاهمي مع بسم الله ( الجني )
شوفي من فيكم اكبر من الثاني :tooth:

[حقيقه]

يعني انا قد عيالكم لووووووول
حنا عيال البلاي ستيشن والنت وستاربكس وباص كروه حق المدرسه :funny:

[بنتكم]

تشكر اخوي الجني

ايام ايام ايام ولا اروع بصراحه حتى لو ما عشنا هــــــ الايام عاشه اخونا ابونا اختنا امنا بس ما احلاه من ايام ومن فرجان ومن ناس ومن ومن ........لو نضل نتكلم ولا مؤالف بارع يقدر يصور احاسيسنا

بصراحه عورت قلوبنا وبنتظار يالجني مو محطه منتظرين يوم من ايام محفوره بقلوبنا

[الجني]

اشكركم جميعاً اخواني و اخواتي على المشاركة

و دي ارد عليكم (على قولة اخوي بوكسينغ) فردا فرداً و نفراً نفراً

و ما توقعت ان الذكريات بتأثر فيكم جذيه

و كتبتها من باب التنفيس عن نفسي

ما دريت ان الضغط عندكم مرتفع بعد

عيل انتظروا المحطة القادمة

[بويوسف]

سرد رائع اخوي الجني .. وكأني اعود صغيرا ابحلق في التلفزيون الساعة اربع العصر

هذيك الايام كان مسلسلات الاطفال لها طعم اخر وكانت ساعة واحدة وبس مو مثل الحين اربع وعشرين ساعة !! ايام ساسوكي وجزيرة الكنز وتوم سوير وفلونة والسيدة ملعقة :) حتى افتح ياسمسم اللي كنا نستثقله بس نشوفه لان مافي غيره احسه كان حلو ويعلم اشيا كثيرة ..

الحين اليهال يبون لاب توب وانترنت واير ليش وبي اس بي 3 واكس بوكس وبلاوي ..

بس انه مالحقت على البيبسي بربع ريال والزعتر ربع ريال اذكر ايام قبل كان الزعتر يجينا عن طريق هندي يسوق بطبطة او سيكل ونشتري منه زعتر .. وسيارة (العسكريم) المربعة.

وكان في بتاني يسمونه (الدوار) شايل بقشة عودة وفيها ملابس حريم ويبيع لهم ملابس. واذكر حريم فريجنا كانو مسوين (لوبي) (عصابة) وكل يوم يتجمعون في بيت وحدة من الحريم وهات يالعط في الفواكة والساقو والبلاليط والهذرة. وانه اذكر كنت ارجع المدرسة مشي مع انها كانت بعييييييييدة هههههههههه

ويوم شريت سيكل جديد كان يوم عيد بالنسبة لي وشريت Bmx كان كشخة ولونه ازرق .. مافوقي فوق بالفريج (حزتها من كان يقدر يشتري جديد مب اي حد) بس كان الشي يتم سنين ونطلع قيمته مو الحين نشتري تلفون بعد شهرين نروح نغيره !


:)

[الجنوبي 111]

هالمحطات كانت جميلة



شاكر لك طرح الموضوع

[عتيج الصوف]

الله يرحم هذه الايام,,,يكفي انها لاهم بورصة ولاهم اكتتاب,,,,وصدق القال عتيج الصوف ولا جديد البريسم

[@ دانتيل قطر @]

الصراحه ختقتني العبرا
مشكور على هالذكريات
:nice:
وتسلم

[الزاجل]

سرد رائع اخوي الجني .. وكأني اعود صغيرا ابحلق في التلفزيون الساعة اربع العصر

هذيك الايام كان مسلسلات الاطفال لها طعم اخر وكانت ساعة واحدة وبس مو مثل الحين اربع وعشرين ساعة !! ايام ساسوكي وجزيرة الكنز وتوم سوير وفلونة والسيدة ملعقة :) حتى افتح ياسمسم اللي كنا نستثقله بس نشوفه لان مافي غيره احسه كان حلو ويعلم اشيا كثيرة ..

الحين اليهال يبون لاب توب وانترنت واير ليش وبي اس بي 3 واكس بوكس وبلاوي ..

بس انه مالحقت على البيبسي بربع ريال والزعتر ربع ريال اذكر ايام قبل كان الزعتر يجينا عن طريق هندي يسوق بطبطة او سيكل ونشتري منه زعتر .. وسيارة (العسكريم) المربعة.

وكان في بتاني يسمونه (الدوار) شايل بقشة عودة وفيها ملابس حريم ويبيع لهم ملابس. واذكر حريم فريجنا كانو مسوين (لوبي) (عصابة) وكل يوم يتجمعون في بيت وحدة من الحريم وهات يالعط في الفواكة والساقو والبلاليط والهذرة. وانه اذكر كنت ارجع المدرسة مشي مع انها كانت بعييييييييدة هههههههههه

ويوم شريت سيكل جديد كان يوم عيد بالنسبة لي وشريت Bmx كان كشخة ولونه ازرق .. مافوقي فوق بالفريج (حزتها من كان يقدر يشتري جديد مب اي حد) بس كان الشي يتم سنين ونطلع قيمته مو الحين نشتري تلفون بعد شهرين نروح نغيره !


:)

شكلج حجري مثلي ..

احنا لحقنا على أيام
كااااااااااااز كاااااااااااااااااااز

ولحقنا على ايام

بياااااااااا بيقير سمبوووووووووسة ..
ولحقت يوم كنت صغير
ايام ابونا خليفة كانت ايام الاستقلاق و 22 فبراير
يحطون لك ذيك السماعت في سيارة جمسي امريكي فورويل
ويشغلون لنا اغنية
حياك الله يا بو حمد
أميرنا وانت السند ندعي لك بطول العمر و......

بوالفعل ما كنا انبدل سياكلنا الا تتوارثها الأجيال
السيكل الحت بقدرة قادر يتحول يديد مع اللزقات والآرايل
واللحين ولدي الزعبوط يقول لي
اشتري لي سيكل يديد
قلت هل توهم ماخذين لك واحد
قال لي اخترب
اشبلاه اخترب ؟
رد علي :
افتر السكان:court:

ووين يا بو يوسف زمان اول ووين اللحين
الله على الكنار والبمبر :weeping:

[% ام فهد %]

بسم الله و الحمد لله و الصلاة و السلام على رسول الله

و على اله و صحبة اجمعين

من منا لم يلاحظ التغيير الهائل الذي طرأ على مجتمعنا , من مجتمع بسيط

عبارة عن فرجان الكل يعرف الثاني و الجار يفزع لجاره تجسيداً لمفهوم التكافل

الإجتماعي .


اتذكر و انا صبي كنت اقوم على أذان الفجر و اقود جدي الضرير رحمه الى المسجد ليصلي ثم

اعود به الى البيت , فيجلس و يقرأ القرآن عن ظهر قلب (اخ ليتني سجلته) . ثم اذهب الى الخباز

و اعود معي ماعون متروس باجلاء او نخي و 8 قروص خبز

و بعد الباجلاء اروح المدرسة

طبعاً مشي قبل ما نشتري المرسيدس الشبح ههههههههه

اطلع من البيت شايل طن كتب

و اختصر الطريق مروراً بمقبرة الفريج

و من جهة السور الاخرى تقع المدرسة

و استاد شاهر ضابط المدرسة يلعلع

كنا نخاف من المدرسة و المدرسين اكثر من سجن ابو غريب

و ابائنا يقولون حق المدرسين لكم اللحم و لنا العظم

و في الفرصة كلٍ يتدعس عند المقصف

مصروفي نصف ريال

اربعنات سندويتش زعتر و اربعنات بيبسي

طبعاً بيبسي مب الجيل الجديد

و بعد ما يرن الجرس ركض هيييييييييييييييييييييييييييييييي

"على البيت ... على البيت ... امي راحت الكويت ... يابت لي حبت تشوكليت"


و ارجع البيت من نفس الطريق مروراً بالمقبرة و بعض الاحيان اركض

و اتعلبش في الباص علشان اوصل من وهل

و الغداء كان طعام ناس تاكل علشان تعيش و ليس العكس

بعض الاحيان كنا نتغدى عيش شيلاني (ابيض) مع تمر

و بعد الغداء مقيال اجباري حتــــــــــــــى العصر

كانت جميع نساء الفريج امهاتي و كان مرفوع عني القلم ادخل بيت امي سعيدة مروراً ببيت

امي سبيجة , امي كلثم تعزمني على عصيدة و امي عائشة تأمرني اوصل خبيص الى بيت

امي علياء .


يازين الصبان في الحوش ابرك من الانترلوك و الغنم و الدياي

و اذا كنت في الدار تمر علي العنز تنشنش.

القعده في الليوان العصر و التمر مع القهوة احلى من القعده في فوشون و ستاربكس

نفرش برنوص على الارض و مسند و نتقهوى

ما اجمل ذاك الزمان

و صلى الله على سيدنا محمد و على اله و صحبه و سلم



الله عليك اخوي الجني

ذكرتنا بأيام اول يوم كنا يهال

كله ولا المقصف

اذكر يوم كنت في أول ابتدائي كنت اخاف لاني كنت انطوائية واخاف اروح المقصف بروحي

كانت امي الله يحفظها ويشفيها تسوي لي سندويش جبن و اودي معاي عصير المنجى المثلث

واذاكر ان اختي العوده ( اكبر مني ب 10 سنين ) كانت في صف خامس بس كانت اكبر وحده في المدرسه

هههههههههههههههه لانها كانت واااايد شاطرة بس تنجح في الرسم

لين يومكم اذا نتجمع نتذكر ايام اول و نموووت من الضحك على نفسنا

كله واذا طاحت في يدنا صور قديمه كل واحد يتطنز على شكل الثاني

هههههههههههههههه

والله اياااااااااااااااام

.........

و اذكر ذيج الايام ما نعرف سيتي سنتر ولا دوارة

و كانت التمشية الوحيده

حديقة المنتزة <............ تقول علاء الدين :thumbup1:

و الحديقة طبعا رحلة يوم الخميس

و يوم الجمعه ابوي يشقلنا في الموتر اللي ما كان عندنا غيره و نروح البحر ونقعد هناك لين الله يشوف لنا

و في الشتا نروح نتغدى في البر عاد على وقت شتى اول وقت المطر والخير


والله كانت ايام ولا اروع

اسمحولي فضفضت شوي

الجني اثار ذكريات الماضي البريئة

مع التحية للجميع

[لولوتي]

قريت و عرفت انت من اي مدرسه
ابوبكر الصديق

استاذ شاهر اشكثر حصلنا منه طق

كفر فينا

:looking:









حتى انا الابله الشريره كانت اتطقني لأني مااحب جدول الضرب:cry2::cry2::cry2:
ولا عمري بحفظه:anger3:

[nor85]

ايام حلوه كانت مع انه ماعشنها كلها لكن كان الناس قلوبهم بيضا

[ام الحناين]

قريت و عرفت انت من اي مدرسه
ابوبكر الصديق

استاذ شاهر اشكثر حصلنا منه طق

كفر فينا


وانا الله يسامحها ست لطيفه كانت وايد اطقني وتهزئني وتناديني يا الصبي جدام البنات
وكانت وكيلتنا زوجة طالب بلان مصرية بل يا ما شفت منها الويل:(

[عذوبـة قلم]

.♦. ♠ .♦
:
♥
:





.♦. ♠ .♦
:
♥
:

:


فالبدايـه تحيـه الى ملفات الجني

قد يكون فعلا هذا أول رد لي في موضوع من رقي مواضيعك

ولكن هذا لا يعني بإنني لم أقرأ لك موضوع من قبل

بل قرأت الكثير والكثير .. ولكن كنت دائما أجد نفسي

صعبه في تسطير الردود .. لما أحتاجه من وقت دفين أكثر

لمخملية مواضيعك ..

أتعلم ما أود أن أقوم به كلما قرأت لك سطراً

هو أن أخصص لي يوما كاملاً .. فارغا من المشاغل الدراسيه أو الإجتماعية

فأتفرغ لمواضيعك أنت وحدك .. وأعيش جوله في تنسيق ردود لـ جني الإسهم القطريـة

فلتاخذه وعداً مني .. سأخصص لمواضيعك يوماً .. يوفي حق إبداعاتك الفكريه والكتابيه

ولتلك الملفات الجنيــه ^_^

:
♥
:
.. ع ـذوبـة آنـ ث ــى ..
.♣.


على الوعد .. عدت ..

هذه ثاني محطه لي وللامانــه .. أعجبني سردك ..

أحسست وكأنني أسمع رواية أمي من جديد ..

فكانت تقول لي أنها تأخذ ريال واحد للمدرسـه ..

وقد كانو صديقاتها يشاركونها في زجاجه البيبسي ..

لا أعرف ماقصة الحصى الذي يرمونه في الزجاجه!! >> فلا أذكر تفاصيل النقطه بالتحديد

ولكن تقول بإننا نقسم الزجاجه الى اربع أقسام بالنظر .. فكل واحده تشرب جزئها المحدد ^_^


كم نستمتع بسماعها .. فما بالكم لو كنا نخوض معهم في أجوائها .. وذكرياتها ..


.. الجني ..

حروفك أبجديه عارمـه .. بملكوت رائد ..

بُح أيها القلم والفكر النابض .. لتستقر في حنايا قرائك ..



ومازلت مستمره في متبعة ملفاتك .. وحلقات قلمك ..

تقبل تحيات ريشة قلمي .. أختكـ فالله

:
♥
:
.. ع ـذوبـة آنـ ث ــى ..
.♣.