وقفة سريعة جدا مع قانون المرور الجديد

[حبر سري]

السلام عليكم

لن اطيل عليكم الحديث
فما قيل ونوقش اعتقد يكفي

لكن عندي سؤال ( وهو في الحقيقة عبارة عن خياران ) لكل من يقول ان القانون هو لجني الارباح واموال الناس

الكل يعلم ان القانون للمخالفين فقط
بمعنى :
مخالفة = غرامة
لاتوجد مخالفة = لاتوجد غرامة

سؤالي:
ايهما تختار؟؟

[Index Signal]

قانون المرور الجديد اقرب الى قانون ضريبه..

لو كان الهدف هو ردع المخالفين في طرق ثانيه تحقق الغايه..

ممكن سحب الرخصه..

ممكن حجز المركبه..

ممكن حتى توصل للسجن للمخالفات الجسيمه..

و ممكن ايضا توصل الى الغاء اقامة الاجنبي و تسفيره في حالة المخالفه الجسيمه..

و غيرها من العقوبات اللي فعلا تردع المخالفين..

لكن القانون الحالي اقرب للضريبه.

[حبر سري]

قانون المرور الجديد اقرب الى قانون ضريبه..


لكن القانون الحالي اقرب للضريبه.

تحية لك اخي الكريم على هذا الكلام الرائع

معنى هذا اخي الكريم ان الكل يجب ان لايخالف لكي لايدفع , اليس هذا ماتقصده؟
وهذا ماتريده ادارة المرور

شكرا على مرورك

[jajassim]

تحية لك اخي الكريم على هذا الكلام الرائع

معنى هذا اخي الكريم ان الكل يجب ان لايخالف لكي لايدفع , اليس هذا ماتقصده؟
وهذا ماتريده ادارة المرور

شكرا على مرورك

أخوى اذا كانت الايجابيات أكثر من السلبيات جراء تلك الغرامات ،، فتعتبر خطوة إيجابية نحو تقليل الحوادث المرورية ووضع حد لنزيف الدم والمال ،، ،، فهذه الدولة تسعى اليها ،، متمثلة بادارة المرور والدوريات ، والجهات الأخرى ،، ،،

واذا كانت الدولة ترغب بطريقة ما أو أخرى لزيادة حصيلة الدخل ،، فعندها ،، مليون طريقه ،، فالكل عارف ،، ،،

بس للأسف نحن دائما نفكر ونرى من جانب ضيق جدا ، ،، ما ننظر من جانب الأكثر فائده

حتى لوكانت هنالك بعض القصور في القانون ،، فهنالك اللجنة الوطنية للسلامة المرورية تم انشاءها ،، ومختصة برسم السياسة العامة للمرور ومتابعتها ،، يعني اذا طلعت هنالك أى قصور او بحاجة الى تعديل ،، فترفعها لجهات المختصة لتعديل القانون بما يتوافق مع الواقع

وفالكم طيب

[سهم المراقيب]

واذا كانت الدولة ترغب بطريقة ما أو أخرى لزيادة حصيلة الدخل ،، فعندها ،، مليون طريقه ،، فالكل عارف ،،

سؤال وجيه لكل من ابدى اعتراضه على قوانين المرور الجديده ,,

هل بالفعل وزارة الداخليه في حاجة لرفع ايراداتها من المخالفين؟:nono::nono:

اسئل نفسك كم هو ناتج دولة قطر القومي والأموال التي يتم رصدها للخدمات
والمرفقات المجانيه omen .. حينها ستعرف الجواب اليقين ,,

من اشهر النظريات الإداريه هي نظرية "80/20" ,, واذا طبقناها على حوادث
السير نستطيع ان نقول بأان 20% من المستهترين هم السبب في 80% من الحوادث ,,
انا اراهن على القوانين الجديده بأنها تصب في مصلحتنا ,, وستردع الكثير من المخالفين ,,

[jajassim]

سؤال وجيه لكل من ابدى اعتراضه على قوانين المرور الجديده ,,

هل بالفعل وزارة الداخليه في حاجة لرفع ايراداتها من المخالفين؟:nono::nono:

اسئل نفسك كم هو ناتج دولة قطر القومي والأموال التي يتم رصدها للخدمات
والمرفقات المجانيه omen .. حينها ستعرف الجواب اليقين ,,

من اشهر النظريات الإداريه هي نظرية "80/20" ,, واذا طبقناها على حوادث
السير نستطيع ان نقول بأان 20% من المستهترين هم السبب في 80% من الحوادث ,,
انا اراهن على القوانين الجديده بأنها تصب في مصلحتنا ,, وستردع الكثير من المخالفين ,,



كلامك عين العقل ما شاء الله عليك :nice:

[مساهمة بسFresh]

الله يستر على جميع شباب المسلمين
وعلى كافة المسلمين

[شاهيناز]

للاسف كل الاعتراضات على قانون المرور

الماده

الي خايف على امواله

ليش مايخاف على ارواح الاخرين وروحه
وروح ابنائه وبناته

قطع الاشاره الي مسويه صداع عند الناس

الحادث الي عند تقاطع فيلاجيو راح ضحيته سيدتين قطريات

وحده فيهم كانت حامل

الاخ مستعجل مواعد ربعه في الكافيه قال اقطع الاشاره
وادفع الغرامه
كانت نتجيه استهتاره تشتيت اسره

اتمنى لكل متعرض على قانون المرور ان يطلع على حجم ضحايا الحوادث
ويسئل نفسه من اغلى روح الانسان
ام المال الي بيدفعه نتيجه استهتاره؟

[إنسان]

حتى لوكانت هنالك بعض القصور في القانون ،، فهنالك اللجنة الوطنية للسلامة المرورية تم انشاءها ،، ومختصة برسم السياسة العامة للمرور ومتابعتها ،، يعني اذا طلعت هنالك أى قصور او بحاجة الى تعديل ،، فترفعها لجهات المختصة لتعديل القانون بما يتوافق مع الواقع


غالينا جاسم ممكن نعرف كيفية مراسلة اللجنة الوطنية للسلامة المرورية

هل هو نفس الإيميل لإدارة المرور والدوريات

[jajassim]

غالينا جاسم ممكن نعرف كيفية مراسلة اللجنة الوطنية للسلامة المرورية

هل هو نفس الإيميل لإدارة المرور والدوريات

ايه نعم

هذا الايميل الرئيسي http://www.moi.gov.qa/feedback/Feedback/Arabic/index.html

وهذا الايميل للمرور ،، traffic@moi.gov.qa

ويفضل ترسله على الرئيسي INFO :deal:

[سعادة الوزير]

هل تشوف ان الرادع الوحيد هو فرض غرامات باسعار خيالية؟؟

اعطيك مثال ، لو كان قدامك طابور غير منظم وكله فوضى ، وقلت للناس الي مايلتزم بالدور بادفعه 3000 ريال ، تتوقع ماراح يلتزمون؟ اكيد بيلتزمون غصب عليهم . لكن هل بنقول انك نجحت في ذلك؟ اكيد لا!! لانهم انتظموا خوفا من دفع الفلوس بس .

لكن لو قعدت تشرح لهم فوائد النظام وفي نفس الوقت حددت غرامه معقوله مثل 100 ريال ، هني راح تلاقي معظم الي التزموا مقتنعين.

الحل مب في فرض غرامات بارقام فلكية والتهديد والوعيد بالسجن وسحب السيارة والرخصة ووووو لاسباب لاتستحق!!

عموما ، بعيدا عن كل ذلك ، اعتقد شخصياً ان الغرض هو "جباية" المال من الناس باي شكب وباي طريقة.

[وحيد-الشوق]

هل تشوف ان الرادع الوحيد هو فرض غرامات باسعار خيالية؟؟

اعطيك مثال ، لو كان قدامك طابور غير منظم وكله فوضى ، وقلت للناس الي مايلتزم بالدور بادفعه 3000 ريال ، تتوقع ماراح يلتزمون؟ اكيد بيلتزمون غصب عليهم . لكن هل بنقول انك نجحت في ذلك؟ اكيد لا!! لانهم انتظموا خوفا من دفع الفلوس بس .

لكن لو قعدت تشرح لهم فوائد النظام وفي نفس الوقت حددت غرامه معقوله مثل 100 ريال ، هني راح تلاقي معظم الي التزموا مقتنعين.

الحل مب في فرض غرامات بارقام فلكية والتهديد والوعيد بالسجن وسحب السيارة والرخصة ووووو لاسباب لاتستحق!!

عموما ، بعيدا عن كل ذلك ، اعتقد شخصياً ان الغرض هو "جباية" المال من الناس باي شكب وباي طريقة.

:app2: :app2: :app2: :app2:

:yes:

[التيما]

اللي يقول ان قانون المرور الجديد في الصالح العام .. مو مختلفين احنا معاكم احنا نقول انه مبالغ فيه .. بذمتكم هاي ارقام غرامات ؟؟ صار عرس مو غرامه .. تخفف الحوادث ؟؟ ممكن تكون سبب لهالحوادث .. مثل الشباب اللي راحو ضحيه حادث ردارا مدرسة جاسم بن حمد الشاب كان شاخط ولمن تذكر الغرامه الجديده عطا بريك اقلبت السياره وراحو فيها كلهم ... هل انا هاي هدفي كأداره للمرور ؟؟ مثل ما قال الاخ سعادة الوزير الحل في التوعية .. طيب بيقولون وعينا ولا زلنا بس مافي فايدة .. نرد نقول الحل في قوانينكم الغلط .. ولا اكو حد يعطي شاب عمره 18 سنه ليسن ؟؟؟ مب صاير شي اذا حددو سن التعليم ب21 سنه .. او اللي يقطع اشارة تنسحب سيارته وتكون ملك للدوله تتصرف فيها ويكون ريعها لمنظمات الخيريه .. مو جذي بيتأدبون .. لكن تحدد لي غرامات بمبالغ خرافية وتقولون مو جباية .. الا تجارة ومربحه ..

[حبر سري]

هل تشوف ان الرادع الوحيد هو فرض غرامات باسعار خيالية؟؟

اعطيك مثال ، لو كان قدامك طابور غير منظم وكله فوضى ، وقلت للناس الي مايلتزم بالدور بادفعه 3000 ريال ، تتوقع ماراح يلتزمون؟ اكيد بيلتزمون غصب عليهم . لكن هل بنقول انك نجحت في ذلك؟ اكيد لا!! لانهم انتظموا خوفا من دفع الفلوس بس .

لكن لو قعدت تشرح لهم فوائد النظام وفي نفس الوقت حددت غرامه معقوله مثل 100 ريال ، هني راح تلاقي معظم الي التزموا مقتنعين.

الحل مب في فرض غرامات بارقام فلكية والتهديد والوعيد بالسجن وسحب السيارة والرخصة ووووو لاسباب لاتستحق!!

عموما ، بعيدا عن كل ذلك ، اعتقد شخصياً ان الغرض هو "جباية" المال من الناس باي شكب وباي طريقة.


اخوي سعادة الوزير

بغض النظر عن دوافع تطبيق القانون , فتطبيق القانون في حد ذاته هو هدف

يعني سواء التزمنا بسبب قيمة الغرامات او التزمنا لاحترامنا للقانون , فهذا سيان في نظر القانون

لأن القانون لايعتد بالنوايا , وانما النوايا علمها عند الله , والقانون له الظاهر فقط

انت تطبق القانون , فانت انسان سوي (حتى لو كان سبب تطبيقك للقانون هو الخوف من الغرامة)

وشكرا على مرورك

[حبر سري]

اللي يقول ان قانون المرور الجديد في الصالح العام .. مو مختلفين احنا معاكم احنا نقول انه مبالغ فيه .. بذمتكم هاي ارقام غرامات ؟؟ صار عرس مو غرامه .. تخفف الحوادث ؟؟ ممكن تكون سبب لهالحوادث .. مثل الشباب اللي راحو ضحيه حادث ردارا مدرسة جاسم بن حمد الشاب كان شاخط ولمن تذكر الغرامه الجديده عطا بريك اقلبت السياره وراحو فيها كلهم ... هل انا هاي هدفي كأداره للمرور ؟؟ مثل ما قال الاخ سعادة الوزير الحل في التوعية .. طيب بيقولون وعينا ولا زلنا بس مافي فايدة .. نرد نقول الحل في قوانينكم الغلط .. ولا اكو حد يعطي شاب عمره 18 سنه ليسن ؟؟؟ مب صاير شي اذا حددو سن التعليم ب21 سنه .. او اللي يقطع اشارة تنسحب سيارته وتكون ملك للدوله تتصرف فيها ويكون ريعها لمنظمات الخيريه .. مو جذي بيتأدبون .. لكن تحدد لي غرامات بمبالغ خرافية وتقولون مو جباية .. الا تجارة ومربحه ..

اهلا اختي العزيزة التيما
اولا احب احييج على مشاركاتج الواضحة في المنتدى واسمحوا لي طلعت برع الموضوع

ثاني شي : انا والله ماادري من وين اتجيبون هالامثلة

خليني انا ارد على مثالج ابمثال ثاني مشابه:
نعرف ان عقوبة جريمة القتل مع سبق الاصرار او الترصد هي الاعدام
طيب , افرضي ان كان في شخص ناوي يقتل حد , وكان معاه سلاح , وفجأة تذكر العقوبة , خاف و قام وخذ السلاح وثور في نفسه او ثور في شخص ثاني!!!!! هل تقدرين تقولين لي هنيه وين الخلل؟؟؟

اختي هذا مهب كلام , يعني الحين اللي يتذكر العقوبة يروح يرتكب الجريمة المسببة لها فهذا يدل على عدم احترام للقانون اصلا , وهذا يدل على ان الخلل في الشخص نفسه مب في القانون
وهنا التشديد واجب
اما بالنسبة لسن الحصول على رخصة قيادة , فالمفروض ان اللي وصل 18 سنة حسب القانون يكون شخص راشد , وطبعا هالقاعدة مستحيل تنطبق على الكل , لكن في ناس يوصلون 30 سنة ويمكن اكثر وللحين طايشين
هل يطلع لنا ويقول خلوا سن الحصول على رخصة قيادة هو 50 سنة مثلا؟؟؟!!!!!
وبعدين اختي لو رجعنا للاحصائيات بنلاقي ان معظم الشباب اللي راحوا نتيجة حوادث الدهس والانقلاب بالسيارة (اجارنا الله واياكم منها) كانت اعمارهم من 18 الى 25 او 26 , يعني السن ماكان رادع لهم
وانا ارجع واقول :
ارواح الناس اغلى من فلوسي وفلوسكم كلكم
وادعو ادارة المرور الى التشديد شوي اكثر , لعل وعسى

والله يوفقنا واياكم

[جمال اليافعي]

ايه نعم

هذا الايميل الرئيسي http://www.moi.gov.qa/feedback/Feedback/Arabic/index.html

وهذا الايميل للمرور ،، traffic@moi.gov.qa

ويفضل ترسله على الرئيسي INFO :deal:

والله يا خوك ياما راسلت المرور وللأسف لحياه لمن تنادي .. كأن الايميلات كلها على طول في الزباله .. ماعدا الايميلات الي خبري خبرك (شخصيات و وسطات)

[jajassim]

والله يا خوك ياما راسلت المرور وللأسف لحياه لمن تنادي .. كأن الايميلات كلها على طول في الزباله .. ماعدا الايميلات الي خبري خبرك (شخصيات و وسطات)

أخوى اذا عندك نسخه من تلك الرسائل ،، ارسلها لي :yes2:

[حبر سري]

أخوى اذا عندك نسخه من تلك الرسائل ،، ارسلها لي :yes2:

:thumbup1:

[كبير المتداولين]

اين ماوجدت المقومات لانشاء القانون يطبق القانون ولاكن مانراه في قانون المرور الجديد هو قانون من دون اي مؤهلات لطرح مثل هذا القانون الصارم

المواقف ومافي
الزحمه والشوارع فل
الشوارع ومحفره
قطع الاشاره ومافي اشارات ذكيه
السرعه والشوارع ضيغه
التجاوز من اليمين ومافي حواجز

مافي مؤهلات لطرح مثل هذا القانون

[حبر سري]

اين ماوجدت المقومات لانشاء القانون يطبق القانون ولاكن مانراه في قانون المرور الجديد هو قانون من دون اي مؤهلات لطرح مثل هذا القانون الصارم

المواقف ومافي
الزحمه والشوارع فل
الشوارع ومحفره
قطع الاشاره ومافي اشارات ذكيه
السرعه والشوارع ضيغه
التجاوز من اليمين ومافي حواجز

مافي مؤهلات لطرح مثل هذا القانون

وهل ننتظر على ارواح الناس وحياتهم الى ان نصبح مؤهلين؟؟
اخوي القانون وضع لحماية الناس , وهذا اهم شي ولايستطيع الانتظار

اشكر مرورك اخوي كبير المتداولين

[خالد32]

شرايكم تخسرون المرور و محد يخالف و الكل ينضبط
صدقوني ان هالشى مب صعب و لا حد بيخسر شى

[الدوحي7]

بحلف لك،، اقسم بالله ان القانون الذي وضع لنهب فلوس الناس وليس لحد من الحوادث وكلام فاضي اغلب الحوادث الى اشوفها من الشوارع الزينه،، وصدقني القانون فاشل اقل كلمه وراح تشوفون مردوده حق هذا القانون الفاشل بوضع كثير من الناس في السجون حالهم حال متعاطي مخدرات،،و و و

[jajassim]

بحلف لك،، اقسم بالله ان القانون الذي وضع لنهب فلوس الناس وليس لحد من الحوادث وكلام فاضي اغلب الحوادث الى اشوفها من الشوارع الزينه،، وصدقني القانون فاشل اقل كلمه وراح تشوفون مردوده حق هذا القانون الفاشل بوضع كثير من الناس في السجون حالهم حال متعاطي مخدرات،،و و و

وتحلف ،،،:oops:

[jajassim]

شرايكم تخسرون المرور و محد يخالف و الكل ينضبط
صدقوني ان هالشى مب صعب و لا حد بيخسر شى

:nice::nice:

[الوهم]

خل يسوون شوارع تستوعب هالقوانين بعدين افرضو هالقوانين

شوارع بلادنا ما تستحمل هالقوانين

طريق مثل طريق الصناعيه ما يتعدا 4 كيلو
خذت ساعتين لين خلصت من الزحمه ... شي يدخل العقل؟؟

وتدرو من اللي ماخر العالم .. الشرطه نفسهم.. مب عارفين كيف يتعاملون مع الزحمه لو مخلين المواتر على كيفها تمشي كان ما شفنا زحمه

ياليت يثقفون الشرطه قبل مايحطون هالقوانين

الشرطه عندنا بروحهم محتاجين تثقيف

الله يهديهم بس حاطين كم بزر يتحكمون في الشوارع

اللوم مب على الشرطه اللوم على اللي حطهم ومادربهم وثقفهم

[حبر سري]

شرايكم تخسرون المرور و محد يخالف و الكل ينضبط
صدقوني ان هالشى مب صعب و لا حد بيخسر شى

ياروحي عليك ياخالد

والله هذا بالضبط اللي ابي اوصل له
لكن الناس قاعدين يتكلمون الله يهداهم وكنهم مدمنين مخالفات , صعب عليهم يعيشون بدون مخالفات , طيب اللي بيخالف بيدفع , واللي مب مخالف مهب دافع , وشتختارون؟؟؟؟؟؟؟؟


بحلف لك،، اقسم بالله ان القانون الذي وضع لنهب فلوس الناس وليس لحد من الحوادث وكلام فاضي اغلب الحوادث الى اشوفها من الشوارع الزينه،، وصدقني القانون فاشل اقل كلمه وراح تشوفون مردوده حق هذا القانون الفاشل بوضع كثير من الناس في السجون حالهم حال متعاطي مخدرات،،و و و
اقول اخوي الله يرحم والديك ماله داعي الحلفان ؟, انت وشلون حكمت انه فاشل ؟؟؟ ليش السالفة وراها فلوس؟ارواح الناس اغلى من فلوسك وفلوسي وفلوس الدنيا كلها
وعلى فكرة ترى في احصائية لادارة المرور تقول ان المخالفات قلت بنسبة 80 في المية تقريبا واعلنها ضابط من الحبابي على مااذكر , واتمنى اخوي جاسم يصلح لي المعلومة اذا غلط , وكلنا لاحظنا ان صار انضباط في الشوارع اكثر من قبل , وادري ان للحين في ناس مستهترين , بس والله مب مثل قبل , الكل لاحظ هالشي , واذا تقول القانون فاشل , تقدر تقول لي الوضع قبل القانون كيف؟؟؟ واخوي بقول لك شي , تبي اتحكر حق ادارة المرور؟؟؟ لاتخالف



وتحلف ،،،:oops:

وجودك شرف لي في موضوعي اخوي جاسم
يعطيك العافية

خل يسوون شوارع تستوعب هالقوانين بعدين افرضو هالقوانين

شوارع بلادنا ما تستحمل هالقوانين

طريق مثل طريق الصناعيه ما يتعدا 4 كيلو
خذت ساعتين لين خلصت من الزحمه ... شي يدخل العقل؟؟

وتدرو من اللي ماخر العالم .. الشرطه نفسهم.. مب عارفين كيف يتعاملون مع الزحمه لو مخلين المواتر على كيفها تمشي كان ما شفنا زحمه

ياليت يثقفون الشرطه قبل مايحطون هالقوانين

الشرطه عندنا بروحهم محتاجين تثقيف

الله يهديهم بس حاطين كم بزر يتحكمون في الشوارع

اللوم مب على الشرطه اللوم على اللي حطهم ومادربهم وثقفهم

اخوي انا معاك في هالنقطة بس
ان بعض المرات الشرطة اللي على الدوار يكونون سبب في الزحمة , وهذا رايي
بس وشدخل هذا في موضوعنا؟؟؟
واخوي ترى بصراحة اشوف ان ترديد ان الشوارع ماتصلح والشوارع ماتصلح ترى كلمة حق يراد بها باطل

وشدخل الشوارع المكسرة في مخالفات الرادار؟؟؟ يعني اذا الشارع امكسر ليش نسرع؟؟
وشدخل الشوارع المكسرة في مخالفة عدم ربط الحزام؟
وشدخل الشوارع المكسرة في الوقوف في الممنوع؟؟؟

اخوي خلنا منطقيين

وارجع واقول نفس الكلام:
اللي مايبي المرور ياخذون منه ولا ريال , لايخالف
اللي يخالف ترى بياخذون منه

وشتختارون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟

[zeknon]

خل يسوون شوارع تستوعب هالقوانين بعدين افرضو هالقوانين

شوارع بلادنا ما تستحمل هالقوانين

طريق مثل طريق الصناعيه ما يتعدا 4 كيلو
خذت ساعتين لين خلصت من الزحمه ... شي يدخل العقل؟؟

وتدرو من اللي ماخر العالم .. الشرطه نفسهم.. مب عارفين كيف يتعاملون مع الزحمه لو مخلين المواتر على كيفها تمشي كان ما شفنا زحمه

ياليت يثقفون الشرطه قبل مايحطون هالقوانين

الشرطه عندنا بروحهم محتاجين تثقيف

الله يهديهم بس حاطين كم بزر يتحكمون في الشوارع

اللوم مب على الشرطه اللوم على اللي حطهم ومادربهم وثقفهم


[b]انا معاك 100% واحب اضيف انة الدول المتقدمة غرامة الرادار 200 درهم
والشوارع عندهم لاتقارن بالشوارع عندنا واحب اضيف معلومة مهمة وهي انة فية 20 كيلو سماح
يعني اذا الشارع سرعتة 100 مايصيدك الرادار الا فوق 121 يارب انة الفكرة اوضحت انا ادري انة عندنا 10 كيلو سماح بس ماتكفي
بعدين فية بعض الشوارع يحددلك السرعة القصوى والدنيا مب مثل عندنا بس القصوى
بعدين عندي ملاحظة مهمة ارجو انة حد يوصلها للمرور
يوم نزلو القانون ماثقفو الشرطة وفهموهم علية عدل
بحيث يعطيك الشرطي مخالفة برقم القانون القديم وقيمتها مثلا 300
لكن الطامة ان الرقم هذا في القانون الجديد مخالفتة 6000 ريال واعتقد انة معظمكم طاح في هالمشكلة
وايضا احب اضيف انة الهدف من المخالفة هو تعريف السائق بالخطاء الذي ارتكبة حتى لا يعيد الخطا ولكن بعض ولي الكل يعطيك المخالفة وانت مار بالدوار بدون ماتدري وبعد سنة لما تروح للتجديد تحصل مخالفات اوتدفعها بس ماتدري على شنو هالمخالفات لاتقول فية مطراش
اولا مب كل قطر تعرف تسجل اكثرهم شيبان مايعرفووون وثانيا مب كل اهل قطر جوالاتهم باسماهم عندك مثلا انا جوال ابوووي باسمي يعني مايقدر ايسجل سياراتة
لاتقولي انة مايقدر ايوقف الشخص في الدوار عشان مايسبب زحمة
ياخي اعملو نقاط تفتيش على مداخل المدينة وبعض الاماكن الجيدة لعمل نقاط تفتيش ومنها تشيكووون على البنات اللي ماعندهم لياسن والاستمارات المنتهية
وشكرا
B]

[حبر سري]

[b]انا معاك 100% واحب اضيف انة الدول المتقدمة غرامة الرادار 200 درهم
والشوارع عندهم لاتقارن بالشوارع عندنا واحب اضيف معلومة مهمة وهي انة فية 20 كيلو سماح
يعني اذا الشارع سرعتة 100 مايصيدك الرادار الا فوق 121 يارب انة الفكرة اوضحت انا ادري انة عندنا 10 كيلو سماح بس ماتكفي
بعدين فية بعض الشوارع يحددلك السرعة القصوى والدنيا مب مثل عندنا بس القصوى
بعدين عندي ملاحظة مهمة ارجو انة حد يوصلها للمرور
يوم نزلو القانون ماثقفو الشرطة وفهموهم علية عدل
بحيث يعطيك الشرطي مخالفة برقم القانون القديم وقيمتها مثلا 300
لكن الطامة ان الرقم هذا في القانون الجديد مخالفتة 6000 ريال واعتقد انة معظمكم طاح في هالمشكلة
وايضا احب اضيف انة الهدف من المخالفة هو تعريف السائق بالخطاء الذي ارتكبة حتى لا يعيد الخطا ولكن بعض ولي الكل يعطيك المخالفة وانت مار بالدوار بدون ماتدري وبعد سنة لما تروح للتجديد تحصل مخالفات اوتدفعها بس ماتدري على شنو هالمخالفات لاتقول فية مطراش
اولا مب كل قطر تعرف تسجل اكثرهم شيبان مايعرفووون وثانيا مب كل اهل قطر جوالاتهم باسماهم عندك مثلا انا جوال ابوووي باسمي يعني مايقدر ايسجل سياراتة
لاتقولي انة مايقدر ايوقف الشخص في الدوار عشان مايسبب زحمة
ياخي اعملو نقاط تفتيش على مداخل المدينة وبعض الاماكن الجيدة لعمل نقاط تفتيش ومنها تشيكووون على البنات اللي ماعندهم لياسن والاستمارات المنتهية
وشكرا
B]

اخوي
صدقني لو يخلون السماح 30 كيلو بعد نبي زيادة

وبعدين بسالك:
ليش السماح اصلا؟؟؟
ياخي قطر كلها وشكبرها يعني؟ تاخذها رايح جاي في خمس ساعات او اقل
لازم نسرع يعني؟
طيب انا بعطيك حل
اذا السرعة 100 , انت ثبت سرعتك على 99 , واذا قالوا لك ادفع تعال قول لي وانا بادفع عنك

وشرايك؟؟
وبعدين والله امركم غريب , يعني اذا تقولون ان الشوارع مكسرة وماتصلح , طيب ليش تسرعون فيها؟؟ حد يسرع في شارع امكسر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اما بالنسبة لموضوع المخالفات المؤجلة هاذي اخوي , فانا اعتقد معاك حق فيها , من ناحية المبدأ نفسه , لكن ارجع واقول لك اللي يخالف يستاهل , ليش اتخالف القانون؟؟؟ ياخي الدولة قالت لك لاتخالف , ليش تتحدى؟؟؟؟المرور قاعدين يقولون ليل نهار اللي يخالف راح يدفع , واللي مب مخالف ماراح يدفع , القانون نفسه يقول لك لاتخالف علشان ماناخذ منك فلوس , ليش اتخالف؟؟؟؟؟؟؟القانون يقول لك اللي يطوف السرعة المقررة بناخذ منه غرامة وقدرها ........ ( طبعا تعتمد على حسب السرعة) , طيب انت خلك ذكي ولا تسرع , القانون يقول لك اربط حزام الامان , واذا ماربطته بنخالفك 500 ريال , ليش ماتربطه؟؟(وطبعا هذا رد على اللي يقولون ان القانون كل همه الفلوس)
حتى اللي يقول نسيت او سهيت , طيب ياخي ادفع نتيجة اهمالك , يعني اللي يدخل امتحان مثلا ويطلع ويقول نسيت اجبة , هل متوقع ان المصحح بيعطيه درجة السؤال؟؟؟هو يتحمل نتيجة نسيانه
واستغرب والله من اللي يقولون هاذي ضرايب , ضرايب على من؟؟؟ ليش ماخذوها مني؟؟ ليش ماخذوها من ناس وايد؟؟؟؟ خذوها من اللي يخالفون , واللي يخالفون يستاهلون
لكن اخوي بقول لك على حركة ماراح اتخلي شرطة المرور تقدر تخالفك او تقرب صوبك
وانا هالحركة اسويها ومرتاح الحمد لله

لاتخالف

وارجع واعيد واكرر , اللي يقول ان الدولة كل همها الفلوس اقول له باعلى صوتي:
ياخي لاتخالف واللي فيه خير ياخذ منك ريال واحد

[عبــ الرحمن ــد]

القانون القديم لم يكن فيه عيوب سوى عدم الجدية في تطبيقه
القانون الجديد كان يكفيه فقط نظام النقاط دون الحاجة الى الغرامات التي لا مثيل له
اي انسان معرض للوقوع في الخطا وليس معنى ذلك ان نقطع رقبته ونجازيه اشد الجزاء
اؤيد من يقول ان حالة الشوارع والاشارات التي هي اشبه بالفخاخ لاتساعد على تقليل الحوادث بل ان الخوف الشديد من المخالفة ادى الى ارتباك الناس خاصة عند الاشارات وتجعلهم يضحون بسياراتهم لانها قد لاتساوي الغرامة

[حبر سري]

القانون القديم لم يكن فيه عيوب سوى عدم الجدية في تطبيقه
القانون الجديد كان يكفيه فقط نظام النقاط دون الحاجة الى الغرامات التي لا مثيل له
اي انسان معرض للوقوع في الخطا وليس معنى ذلك ان نقطع رقبته ونجازيه اشد الجزاء
اؤيد من يقول ان حالة الشوارع والاشارات التي هي اشبه بالفخاخ لاتساعد على تقليل الحوادث بل ان الخوف الشديد من المخالفة ادى الى ارتباك الناس خاصة عند الاشارات وتجعلهم يضحون بسياراتهم لانها قد لاتساوي الغرامة

اخوي لولا الغرامات صدقني محد بينضبط
لان الناس ماكان هامها غرامات ولا شي , لان 100 ريال تهم من في هالزمن؟؟ قصدي مخالفة عدم ربط الحزام قبل , على سبيل المثال
وبعديين اخوي ترى بصراحة تكرار مقولة ان القانون الجديد ساعد على زيادة الحوادث ترى بدون زعل كلام سطحي , ومايؤخذ فيه في معرض الجدل العلمي , تدري ليش؟؟
ياخي اصلا قطع الاشارة في جميع الاحوال ممنوع , سواء قانون جديد او قديم, ويعني اللي بيقطع الاشارة , بيخاف على سيارته وفلوسه ولا بيخاف على ارواح الناس؟؟؟

ارواح الناس اغلى

وبعدين ياخي من قال للناس يطيرون عند الاشارة؟؟؟
انت تدري ان الاشارة ممكن تستوي حمرة , خفف اشوي , ولا عزاء لمن لايفهم فن القيادة , مع العلم اني مااشوف هالحركة يبي لها فن

والله الموفق

[ورقــة أمــل]

برأيي قانون المرور ليس بمادي بقدر ماهو في مصلحة المواطنين والمقيمين

[حبر سري]

برأيي قانون المرور ليس بمادي بقدر ماهو في مصلحة المواطنين والمقيمين

:nice:

[الدوحي7]

صدقني القانون بحت مادي ،، وعلى فكره انت اتعرف من في اللجنه الى اجتمعت وحطت لك هذا القانون المرور (البوقي) اسميه انا،كل واحد راتبه فوق 30 الف ،،وعلى فكره شوف موااتر الناس في بوهامور وراح تعرف تقريبا نص مواتر قطر موجوده في بوهامور ،، وعلى فكره القانون مب على كل الناس على ناس وناس،،وعلى فكره تدري مابقي اطول الموضوع المفروغ منه،،

[حبر سري]

صدقني القانون بحت مادي ،، وعلى فكره انت اتعرف من في اللجنه الى اجتمعت وحطت لك هذا القانون المرور (البوقي) اسميه انا،كل واحد راتبه فوق 30 الف ،،وعلى فكره شوف موااتر الناس في بوهامور وراح تعرف تقريبا نص مواتر قطر موجوده في بوهامور ،، وعلى فكره القانون مب على كل الناس على ناس وناس،،وعلى فكره تدري مابقي اطول الموضوع المفروغ منه،،

اخوي حتى لو مادي بحت

ياخي لاتخالف
السالفة سهلة ترى
والله انا مادري ليش امصعبينها
مادي ولا معنوي , انا انسان مب مخالف واتحدى اكبر شنب فيهم ياخذ مني ريال ( مع احترامي لهم هاذول اخواني وربعي واهل ديرتي وعلى راسي طبعا)

واذا تقول على ناس وناس اخوي الدوحي طيب انا اقول لك انت من اي ناس فيهم؟؟
اذا كنت من الناس اللي ينطبق عليهم فلاتخالف لانك ماراح تقدر تتحداهم
اذا كنت من الناس اللي ماينطبق عليهم فخالف على كيفك

وشرايك؟
وتقول ماتبغي اتطول في الموضوع , اصلا الموضوع مايبي له اطالة الشيخ
لكن مادري الظاهر ان الشعب مدمن مخالفات ولا يقدر يستغني عنها, يبه الداخلية ماجات وقالت كل واحد بناخذ منه فلوس , قالت اللي يخالف بناخذ منه , الدنيا قامت ولا قعدت , وكن المخالفات صارت الهوا اللي نتنفسه

[الدوحي7]

اخوي حتى لو مادي بحت

ياخي لاتخالف
السالفة سهلة ترى
والله انا مادري ليش امصعبينها
مادي ولا معنوي , انا انسان مب مخالف واتحدى اكبر شنب فيهم ياخذ مني ريال ( مع احترامي لهم هاذول اخواني وربعي واهل ديرتي وعلى راسي طبعا)

واذا تقول على ناس وناس اخوي الدوحي طيب انا اقول لك انت من اي ناس فيهم؟؟
اذا كنت من الناس اللي ينطبق عليهم فلاتخالف لانك ماراح تقدر تتحداهم
اذا كنت من الناس اللي ماينطبق عليهم فخالف على كيفك

وشرايك؟
وتقول ماتبغي اتطول في الموضوع , اصلا الموضوع مايبي له اطالة الشيخ
لكن مادري الظاهر ان الشعب مدمن مخالفات ولا يقدر يستغني عنها, يبه الداخلية ماجات وقالت كل واحد بناخذ منه فلوس , قالت اللي يخالف بناخذ منه , الدنيا قامت ولا قعدت , وكن المخالفات صارت الهوا اللي نتنفسه

خاطري تصور شبك بوهامور من الداخل والسيارت الى برع وبس ،، وان شاء الله اذا قدرت اصور حق الناس بعدين بيعرفون اش اقصد نا،، تراني ماخالف بس انا اتكلم عن الناس اذا طبق القانون صدقني راح تشوف السجون متروسه من الناس لان مايقدر يدفع المخالفه وهذا غصب عنه وليس متعمد ،، والحمد لله على كل حال،،بس هذا القانون ماستوى في اي دوله ثانيه ههههه،، وهذه ضحكه على القانون،،

[حبر سري]

خاطري تصور شبك بوهامور من الداخل والسيارت الى برع وبس ،، وان شاء الله اذا قدرت اصور حق الناس بعدين بيعرفون اش اقصد نا،، تراني ماخالف بس انا اتكلم عن الناس اذا طبق القانون صدقني راح تشوف السجون متروسه من الناس لان مايقدر يدفع المخالفه وهذا غصب عنه وليس متعمد ،، والحمد لله على كل حال،،بس هذا القانون ماستوى في اي دوله ثانيه ههههه،، وهذه ضحكه على القانون،،

اخوي شوف
ضحكت ولا ماضحكت فالقانون تطبق
وبعدين والله ماسمعنا لحد اليوم باي حد انسجن من هالقانون , يعني لحد الحين مب امطبق 100% , وبعدين ابي اقول لك شي
لما اتصور مكان الحجز في بوهامور من الداخل , اتمنى منك تثبت لي سيارة وحدة انحجزت بدون مخالفة
وقتها لك اللي تبيه

ناس خالفوا واحجزوا مواترهم
وين المشكلة؟؟

وبعدين اخوي اللي مايقدر يدفع المخالفة , تقدر تقول لي ليش خالف؟
اللي مب قد المخالفة ليش يخالف اصلا؟؟
بتقول لي نسى او سهى؟؟ طيب يدفع نتيجة اهماله

يعني اللي يصدم شخص بسيارته (الله يجيرنا وياكم) , ويقول سهيت , مايتحاسب؟؟ الا يتحاسب على اهماله
والغريب اخوي انك تقول ماتبي تطول في هالمواضيع ومشاركاتك ماشا الله منورة الموضوع;);)
واشكرك على مرورك ومشاركاتك

[الدوحي7]

اخوي شوف
ضحكت ولا ماضحكت فالقانون تطبق
وبعدين والله ماسمعنا لحد اليوم باي حد انسجن من هالقانون , يعني لحد الحين مب امطبق 100% , وبعدين ابي اقول لك شي
لما اتصور مكان الحجز في بوهامور من الداخل , اتمنى منك تثبت لي سيارة وحدة انحجزت بدون مخالفة
وقتها لك اللي تبيه

ناس خالفوا واحجزوا مواترهم
وين المشكلة؟؟

وبعدين اخوي اللي مايقدر يدفع المخالفة , تقدر تقول لي ليش خالف؟
اللي مب قد المخالفة ليش يخالف اصلا؟؟
بتقول لي نسى او سهى؟؟ طيب يدفع نتيجة اهماله

يعني اللي يصدم شخص بسيارته (الله يجيرنا وياكم) , ويقول سهيت , مايتحاسب؟؟ الا يتحاسب على اهماله
والغريب اخوي انك تقول ماتبي تطول في هالمواضيع ومشاركاتك ماشا الله منورة الموضوع;);)
واشكرك على مرورك ومشاركاتك

عفوا، الايام راح تثبت لك وللمويدين(اصحاب الفلوس)ان القانون ممتاز ،،

[حبر سري]

عفوا، الايام راح تثبت لك وللمويدين(اصحاب الفلوس)ان القانون ممتاز ،،

:nice::nice::nice:

[الدوحي7]

:nice::nice::nice:

:weeping:مساكين الى (.........).

[حبر سري]

:weeping:مساكين الى (.........).

ايه والله مساكين
:nice::nice::nice:

[الدوحي7]

ايه والله مساكين
:nice::nice::nice:

تفهمها وهي طايره،، بس ترا انا مب منهم خخخخخخخخ،،وعندي كل شي انا ،، يعني اقدر ، ولازلت ،،

[حبر سري]

تفهمها وهي طايره،، بس ترا انا مب منهم خخخخخخخخ،،وعندي كل شي انا ،، يعني اقدر ، ولازلت ،،

ماشا الله عليك

اخوي الله يرحم والديك شارك في صلب الموضوع

انا قاعد اسايرك الحين , وانت قاعد اتخورها بصراحة ولا حد فاهم لك

:nice:

[الدوحي7]

ماشا الله عليك

اخوي الله يرحم والديك شارك في صلب الموضوع

انا قاعد اسايرك الحين , وانت قاعد اتخورها بصراحة ولا حد فاهم لك

:nice:

عيل ليش يوم قلت مساكين بصمت،،احسن هههههههه،، يعطيك العافيه اخوي،،

[حبر سري]

عيل ليش يوم قلت مساكين بصمت،،احسن هههههههه،، يعطيك العافيه اخوي،،

اسم الله عليك يبه

!!!
انت فاهم شي من اللي قاعد تكتبه؟؟
اخوي الله يرحم والديك عندك استراحة المنتدى اذا تبي اتكثر مشاركاتك بارك الله فيك

[الدوحي7]

اسم الله عليك يبه

!!!
انت فاهم شي من اللي قاعد تكتبه؟؟
اخوي الله يرحم والديك عندك استراحة المنتدى اذا تبي اتكثر مشاركاتك بارك الله فيك

والله مابقي اكثر مشاركاتي لو ينزلون مشاركاتي كان زين والله،،لو ابقي اكثر من مشاركاتي كان سويت مثلك،، اتغشمر،،

[حبر سري]

والله مابقي اكثر مشاركاتي لو ينزلون مشاركاتي كان زين والله،،لو ابقي اكثر من مشاركاتي كان سويت مثلك،، اتغشمر،،

ايه ايه صح

صح صح حبيبي

بارك الله فيك

مشكور على مرورك

[الدوحي7]

ايه ايه صح

صح صح حبيبي

بارك الله فيك

مشكور على مرورك

شكلك زعلت ،، على العموم روح رد على بنكك الثاني،، مع السلامه،،

[حبر سري]

شكلك زعلت ،، على العموم روح رد على بنكك الثاني،، مع السلامه،،

صح صح حبيبي
عفية عليك

مشكور على مرورك

[الدوحي7]

صح صح حبيبي
عفية عليك

مشكور على مرورك

ليش زعلان والله،،

[HotBlood]

ابي اعرف ليش زادوا الرادارات وكثروا الشرطه في كل مكان لما القانون الجديد نزل ؟؟
وينهم على ايام القانون القديم ...؟!! ليش ماأهتموا مثل الحين ؟؟؟
صدقني لو كان في اهتمام بالقانون القديم مثل الحين....كان بتقل الحوادث اقل من الحين
والقانون الجديد ... حلو ....بس مب في قطر، لان في قطر بعض الاحيان مضطر تخالف ... مثل منطقة الابراج مافيها مواقف...فالموظفين مضطرين يخالفون ويوقفون في اي مكان لاتقول الشرطه بيتساهلون معاهم...اذا هم بيتساهلون فانا بعد ماأرضى يخالفوني اذا وقفت في اي مكان ، اذا بتطبق القانون فلازم يتطبق على الكل لان فيها مبلغ كبير ونقاط وسالفه....اما لو كان على القانون القديم فأنا ماعندي مانع
ومثال ثاني ....عدم التجاوز من اليمين...انزين في بعض الشوارع اذا السيارات ماتجاوزت من اليمين في الزحمة بيتسكر الشارع من الدوار الاول الى الدوار الثاني
وغير بعض الشوارع عندنا هندستها غلط في غلط

[حبر سري]

ليش زعلان والله،،
ايه صح كلامك
شكرا على مرورك


ابي اعرف ليش زادوا الرادارات وكثروا الشرطه في كل مكان لما القانون الجديد نزل ؟؟
وينهم على ايام القانون القديم ...؟!! ليش ماأهتموا مثل الحين ؟؟؟
صدقني لو كان في اهتمام بالقانون القديم مثل الحين....كان بتقل الحوادث اقل من الحين
والقانون الجديد ... حلو ....بس مب في قطر، لان في قطر بعض الاحيان مضطر تخالف ... مثل منطقة الابراج مافيها مواقف...فالموظفين مضطرين يخالفون ويوقفون في اي مكان لاتقول الشرطه بيتساهلون معاهم...اذا هم بيتساهلون فانا بعد ماأرضى يخالفوني اذا وقفت في اي مكان ، اذا بتطبق القانون فلازم يتطبق على الكل لان فيها مبلغ كبير ونقاط وسالفه....اما لو كان على القانون القديم فأنا ماعندي مانع
ومثال ثاني ....عدم التجاوز من اليمين...انزين في بعض الشوارع اذا السيارات ماتجاوزت من اليمين في الزحمة بيتسكر الشارع من الدوار الاول الى الدوار الثاني
وغير بعض الشوارع عندنا هندستها غلط في غلط

انا معاك اخوي هوتبلود

لكن اخوي انت خذت مسالتين اللي هم المواقف والتجاوز من اليمين , طيب والسرعة؟؟؟ الناس كلهم يقولون الشوارع مكسرة , طيب ليش يسرعون؟؟
والتجاوز من اليمين اخوي شوف باقول لك شي

اذا انت واقف ومتعطل وكاره نفسك في الزحمة ( مثلي) , تأكد ان الكل معاك , يعني مب بروحك اللي واقف
بتقول لي في ناس يخالفون ويتجاوزون (وهاذول بصراحة ودي اضربهم) باقول لك هاذول ناس مب محترمين نفسهم , ليش انصير مثلهم؟؟

و احترم رايك واشكر لك مرورك وتعليقك اخوي هوتبلود

[MeSh3l_QaTaR]

القانون الجديد لن يستمر على هذا الحال

وراح يصير نفس الي صار فالكويت الي طبقت القانون من قبل سنوات

والقانون فيه عيوب ومبالغات أكاد لا اجدها في الدول الاوربية وحتى فالعالم

للأسف كانوا يقدرون يطبقون قانون النقاط فقط واعتقد أنه كافي لردع المخالفين

عموما راح تمر الايام وراح يبين هالقانون اذا كان يقدر يصمد ام لأ

تحياتي لكم والسموحة

[حبر سري]

القانون الجديد لن يستمر على هذا الحال

وراح يصير نفس الي صار فالكويت الي طبقت القانون من قبل سنوات

والقانون فيه عيوب ومبالغات أكاد لا اجدها في الدول الاوربية وحتى فالعالم

للأسف كانوا يقدرون يطبقون قانون النقاط فقط واعتقد أنه كافي لردع المخالفين

عموما راح تمر الايام وراح يبين هالقانون اذا كان يقدر يصمد ام لأ

تحياتي لكم والسموحة

الله يحييك اخوي مشعل قطر

وانا احترم رايك
والقانون مثل ماقلت اكيد فيه ثغرات وعيوب , وعلى فكرة اعتقد ان الفترة هاذي تجريبية على مااذكر انهم اعلنوا , ويمكن يلغونه ماادري لكني اشوفه مناسب وهاذي وجهة نظر شخصية ,

وبعدين اخوي اشوف من غير المنصف ان انقارنه بالدول الاوروبية لان احنا وضعنا مختلف
احنا سجلنا اكبر نسبة وفيات في العالم من الحوادث مقارنة بعدد السكان , وصدقني اخوي لو كانت نقاط بس بدون غرامات كان محد امتثل , لازم يكون في غرامات

لكن رايك على راسي اخوي والله يكتب اللي فيه الخير

شكرا على مرورك