ملاحظات مساهمة بسFresh على السوق

[مساهمة بسFresh]

السلام عليكم

شخباركم؟؟ ان شا الله كلكم ربحتوا

لي ملاحظات على السوق (وشفيها المحللة :omen2::omen2::omen2: ) وحبيت انكم اتشاركوني التعليق والمناقشة عليها:
1- اختفاء لمت اب :
كنا انلاحظ قبل ان لما السوق يطلع نلقى 3 او 4 شركات او يمكن اكثر لمت اب , وطلب بدون عرض , يعني ايسكر السوق وهم طلب بدون عرض , لكن انلاحظ الحين حتى مع طلعة السوق القوية ولله الحمد , مافي هالشي , يعني ممكن نلقى شركة او شركتين بالكثير في الايام اللي راحت , يعني ال 5 شهور اللي راحوا , لكن هالشي بدا يختفي ومادري ليش!!!

2-شركات وايد كانت تلحق بعض وتغار من بعض لكن الحين بعد تقريبا اختفى , والدليل المصرف والدولي , بنك الدوحة والتجاري , وانا كنت كاتبة موضوع في هالشي من زمان واعتقد انه تحقق , وشرايكم؟؟يعني قبل لما نشوف التجاري طالع على طول نلقى بنك الدوحة وراه , ولما الدولي يطلع المصرف يلحقه , وفي شركات ثانية بعد لكن الحين اختفى او خلنا نقول خف هالشي وايد

3-السيولة رجعت وبشكل قوي للسوق ,جاتنا ايام كنا نتمنى فيها السيولة توصل 100 مليون , لكن الحين الحمد لله اقل شي من 500 الى 600 مليون والله يزيد ويبارك , وطبعا ماندري مصدر هالسيولة , ناس يقولون محافظ , وهالشي وارد والمحافظ اصلا دوم في السوق , وناس يقولون مستثمرين اجانب , وناس يقولون هوامير , لكنها تبقى مجرد اقاويل , وايا كان المصدر المهم ان في سيولة

4-الشركات الخسرانة او اللي العائد عندها ضعيف صارت اقوى للمضاربة , لا وصارت تطلع اكثر من الشركات القوية اللي تحقق ارباح , ومادري هل هالشي مرده لان المضاربين يحبون هالشركات ولا شي ثاني؟؟الله اعلم بس اعتقد المضاربين هم السبب في هالشي , لان همهم الدخول والخروج السريع فمايهتمون اذا الشركة لها عوائد او لا , ربحانة ولا خسرانة , نموها قوي ولا ضعيف


5-عندي سؤال: شنو الفرق بين مجمع المناعي , والسينما , (من ناحية التداول)؟؟؟؟


6-وهاذي النقطة الاهم , طبعا كلنا فرحنا والحمد لله بالارتفاع ونتمنى يدوم لكن مالاحظتوا معاي ان السوق من ارتفع في شهر خمسة اللي راح ماصحح ولا تصحيح بمعنى تصحيح؟؟

يعني الحمد لله طبعا ينزل اشوي ويرد يرتفع اقوى , ومادري هل هالشي هو ردة فعل للنزول القوي اللي صار قبل , ولا انه شي ثاني واحنا ماندري؟؟
الله اعلم


وبس

ويعطيكم العافية

[العيبان]

ملاحظات دكتورة فى التحليل والاقتصاد والاسهم

وكلامج منطقى بس بالنسبه للارتفاع لمت اب قبل كان النسبه 5%واللحين10%وصار صعب على سهم يصير لمت اب مهما كان الطلب لان المضاربين كثار بالسوق
وبالنسبه للمناعى والسينما وجه الشبهه بينهم ان مافى تداول قوى على السهم(مالك السهم عبارة عن 13شخص ويبيعون على بعض والمستثمر اصبح واعى )

ومشكوره على الموضوع

[كلمة مرور]

الدور الجاي على المصرف وراح يلحقه الدولي

[مضارب جديد]

تريدين نصيحة أختي :


لا توجعين راسك بكثر التحليل , شوفي السيوله في أي اسهم و ادخلي فيها ,هذا اذا كنتي تريدين المضاربه السريعه , و تأكدي انه ماعندك اسهم في آخر اليوم , لأن السهم ممكن يكون نشيط اليوم وبكره تنتقل السيوله لسهم ثاني .

اما اذا كنتي مستثمره : شوفي اسهم العوائد و اشتري فيها و سكري الشاشه :yawn:

[السامر الأسود™]

السلام عليكم

1- اختفاء لمت اب :
كنا انلاحظ قبل ان لما السوق يطلع نلقى 3 او 4 شركات او يمكن اكثر لمت اب , وطلب بدون عرض , يعني ايسكر السوق وهم طلب بدون عرض , لكن انلاحظ الحين حتى مع طلعة السوق القوية ولله الحمد , مافي هالشي , يعني ممكن نلقى شركة او شركتين بالكثير في الايام اللي راحت , يعني ال 5 شهور اللي راحوا , لكن هالشي بدا يختفي ومادري ليش!!!

احنا لسه في بداية الطريق اختي مساهمة والمشوار طويل ان شاء الله
اللمت اب هذي من مميزات الثالثة من الثالثة ايا كانت ومتى ماتكون وهي جاية
ومر علينا منها وحده او ثنتين على ما اظن... جوابي: بدري شوي عليها

اسباب؟ الناس للحين مربوطين بقربهم بالموجة التصحيحة الاخيرة يادوب
طفنا سنة تخللها ثلاث تصحيات قوية كبيرة وهذا يدلج انه الثقة باقي فيها
شوي عشان تواكب سيولة السوق ويسكب السوق ثقة مستثمرينه مره ثانية
واكبر دليل للثقة واقعيا هو الشراء بنسب عليا وبدون اي مساومة

2-شركات وايد كانت تلحق بعض وتغار من بعض لكن الحين بعد تقريبا اختفى , والدليل المصرف والدولي , بنك الدوحة والتجاري , وانا كنت كاتبة موضوع في هالشي من زمان واعتقد انه تحقق , وشرايكم؟؟يعني قبل لما نشوف التجاري طالع على طول نلقى بنك الدوحة وراه , ولما الدولي يطلع المصرف يلحقه , وفي شركات ثانية بعد لكن الحين اختفى او خلنا نقول خف هالشي وايد

انتي تتكلمين عن فترة مضت "موجة مضت" وهي الي المستمثر يحس بالامان
وخاصة لما يشوف الربح السريع ... وهي العادة سبب في خسارته ايضا..

السيولة الذكية هي المحركة للسوق؟" من صناديث استثمارية على دراية ووعي
بوجهات استثمارهم...مثلا يركزون على قطاع واحد او مثلا يفضلون افضل شركة
من كل قطاع..او مثلا يحبون ادارة هذا الرجل ويفضلونها على ادارة الاخر.. او نفس
العقلية..يعني مستثمري الادارات او مضاربينهم ..مثلا ادارة الكهرباء والملاحة
يحبونهم نوع معين ومعروفه قدرته المالية ومعروفة طرق الاخذ والتعاطي معاه..
مثال اخر: منهم من يحب ادارة وقود واي سهم تديرة نفس العقلية.. وهكذا..ومثل
ايضا مواشي.. والريان واسمنت الخليج وباقي الشعبيات..؟ معروف نوعية من
يحرك سيولته لهم سزاء كاستثمار او مضاربة او خليط بينهم...

نفس الشي مع بنك الدوحة والتجاري من جهه ومن جهة اخرى الأخوين الدولي
والمصرف... شلي؟ صار اذا؟ استمر ارتباطهم ومن ملاحظتي الى مستويات
ال 7777 تقرريبا ومن ذاك الوقت تغير هذا الشي..لاسباب من وجهة نظري
مثل النتائج الربعية تفاوتت منها ماهو مرضي التوقع ومنها من خيب الظن
وايضا تنوع المحركات للاسهم والمستثمرين يعني اول تشوف الغلبة لهواة
الدولي والتجاري.. جو ناس جدد وقاموا يشترون في كل سهم بغض النظر
عن كونه حلال وحرام..ناهيكي عن العلاقات العامة بين الادارات ومدراء الاستثمار

4-الشركات الخسرانة او اللي العائد عندها ضعيف صارت اقوى للمضاربة , لا وصارت تطلع اكثر من الشركات القوية اللي تحقق ارباح , ومادري هل هالشي مرده لان المضاربين يحبون هالشركات ولا شي ثاني؟؟الله اعلم بس اعتقد المضاربين هم السبب في هالشي , لان همهم الدخول والخروج السريع فمايهتمون اذا الشركة لها عوائد او لا , ربحانة ولا خسرانة , نموها قوي ولا ضعيف

فيه انواع من المحافظ...والصناديق واهل السيولة لهم تصانيف..منهم من يدخل
في كل شركة من شركات السوق ..ومنهم لا..من يحدد مثلا 25% من المحفظة
لاسهم الشعبيات (المضاربة في شركات قوتها الماليه ضعيفة) يقوم مثلا ويحدد
مثلا 7% نسبة ربح او هدف وحتى لو تطول شهور.. ويحدد جميع اسهم الحلال
ياخذ فيها عند المؤشر..فعينة على المؤشر وفقط...

ومنهم من هو يحدد سيولته 30% مثلا قطاع بنوك في افضل البنوك و 30%
قطاع تامين والباقي مثلا سيولة وكاش نظير المغامرة واحتياطات السوق

طبعا في تحركهم يتابع المحللين الشخصيين او المحترفين او الي يتبعون محافظ
خاصة..هذي السيولة..ويبنون عليها التحليل ..ويتوقعون اهداف لهم.. وهم بهذا
يحركون الاسهم معاهم لاشعوريا...في هذا الخلال...يحدث توقيت اخر للدخول
فتاتي سيولة خارجية تريد ان تستثمر..هنا يحصل الاثنين منهم على ربح..هذي امثله
وعلى عدل.. طبعا المساله تداول وصراع مابين وبين.. ولكل فتره مزاج وخبر وتوقع

في جميع الاسواق نجد انواع من المتداولين : مستمثر امواله في انتظار عائد
ما على سهمه.. والعاده يكون كثير سيولة فائضة عن حاجته فبدل مايغامر بها
في سوق بالمضاربة او في عقار او تجارة غير مدروسة الجدوى... تجده يضعها
في مصرف معين يعطيه عائد معين (العادة 3-4 واحيانا 6%) على فلوسه سنويا!!

اذا شاف ان عائده في السوق الي مكرره مناسب "يفضل اقل من 25 " هنيه
بيطلع فلوسه من البنك..او يبيع عقاره اذا عاده اقل ..وبيتسمثر في اسواق المال

فالمال وتداوله دورات والكل يبي ربحه فيها ...الي ابي اصل له انه هذا المستمثر
اذا ماكان واعي لهدف استثماره وينقصه الفهم وثقافة البورصة راح يكون قطيع
سهل للمضارب الكبير.. يبيعه اسهمه ويضغط عليه ويردها مره ثانية.. يشتريها
فتجدين السيولة المستثمرة بشكل عام "فيه طبيعة البحث عن السلامة والامان"

شركة صح؟ سهم صح؟ سعر صح؟ عائد صح؟ هو هنيه يشتري ولايبالي بتقلبات
السهم سوقيا... وهو العاده طويل نفس.. شكلي طولتها كالعاده.. المهم..الي ابي اقوله
ان هذا المستثمر لو بغى يضارب فهذي مصيبة... مضاربة كثير السيولة قليل الخبرة
بمراس السوق.. وهنيه تجدين افضل اسهمه هي الشعبيات ..وهم فيها... وبكثرة

فالكل يبي اعلى سعر في اقل مدة محدده... طبعا يطول شرح وضع النوع الثاني الي
هو المضاربين "بجميع انواعهم" المحافظ المضاربة الصندايق الافراد والمحللين
اهل الاحتراف ..وهذكا..واسف على الاطاله

5-عندي سؤال: شنو الفرق بين مجمع المناعي , والسينما , (من ناحية التداول)؟؟؟؟

مافيه فرق "اول مانزلت المناعي سميتها مومياء السوق الجديدة"

6-وهاذي النقطة الاهم , طبعا كلنا فرحنا والحمد لله بالارتفاع ونتمنى يدوم لكن مالاحظتوا معاي ان السوق من ارتفع في شهر خمسة اللي راح ماصحح ولا تصحيح بمعنى تصحيح؟؟


يعني الحمد لله طبعا ينزل اشوي ويرد يرتفع اقوى , ومادري هل هالشي هو ردة فعل للنزول القوي اللي صار قبل , ولا انه شي ثاني واحنا ماندري؟؟
الله اعلم

باعتقادي انه ردة فعل لليومين الي فاتوا..ودليلي رصد وحسبة نقاط المؤشر وتوقعي
للصعود بهذا القدر 245 واكثر لاختراف مستوى 9111 ... ومساله ان الصعود
طال فهذي ميزات الموجات الخامسة والثالثة ؟؟؟ وهل تصحيحهم قوي ..نعم بيكون
قوي فقط بالنسبة للي فات من تصحيح...يعني مش قوي مثل ايام قبل..لا

بخصوص دخول وخروج؟ هذي واضحه والحمد لله
فأنا أدعوج واوصيج بالتزام التحليل التقني بجميع
انواعه وتعلمه والاخذ برايه من خلال تحاليل شبكة
الأسهم ومن من تشائين الأخذ بكلامه من الأخوة المحللين
فكلهم قدرات وجهود يشكرون عليها جميعا ومن ما يميز
هذا التكتل الفني عندنا هو مكافحة التطبيل والإرجاف والتخويف
بالاضافة الى التميز في رصد الدخول والخروج بشكل ممتاز
ينافس جميع محللي العالم والاقليم والمحافظ ..ومجاني بعد

فالهدف: ان ما زاد راس مالج... يكون الهدف هو
عدم التوصية بالمغامرة براس المال...يعني مش
مثل قبل...يعني طلوع بدري وفبلها بايام واحيانا اسابيع
او دخول صح بإذن الله

وبس

ويعطيكم العافية


الله يعافيج ..ماقصرتي.. كلام على العين والراس اختي مساهمة
انا بروحي استفدت منه خاصة مساله المت اب ومساله طول
الصعود بدون تصحيح

واسمحي لي طولت..برغم اني حاولت اوصل فكرتي باقل الكلمات

وتسلمين

[مساهمة بسFresh]

ملاحظات دكتورة فى التحليل والاقتصاد والاسهم

وكلامج منطقى بس بالنسبه للارتفاع لمت اب قبل كان النسبه 5%واللحين10%وصار صعب على سهم يصير لمت اب مهما كان الطلب لان المضاربين كثار بالسوق
وبالنسبه للمناعى والسينما وجه الشبهه بينهم ان مافى تداول قوى على السهم(مالك السهم عبارة عن 13شخص ويبيعون على بعض والمستثمر اصبح واعى )

ومشكوره على الموضوع


الدور الجاي على المصرف وراح يلحقه الدولي


تريدين نصيحة أختي :


لا توجعين راسك بكثر التحليل , شوفي السيوله في أي اسهم و ادخلي فيها ,هذا اذا كنتي تريدين المضاربه السريعه , و تأكدي انه ماعندك اسهم في آخر اليوم , لأن السهم ممكن يكون نشيط اليوم وبكره تنتقل السيوله لسهم ثاني .

اما اذا كنتي مستثمره : شوفي اسهم العوائد و اشتري فيها و سكري الشاشه :yawn:

مشكورين على مروركم
والف شكر اخوي العيبان على مجاملتك اللي احرجتني

[مساهمة بسFresh]

الله يعافيج ..ماقصرتي.. كلام على العين والراس اختي مساهمة
انا بروحي استفدت منه خاصة مساله المت اب ومساله طول
الصعود بدون تصحيح

واسمحي لي طولت..برغم اني حاولت اوصل فكرتي باقل الكلمات

وتسلمين

السامر الاسود
مهندس المؤشر القطري

مشكور على كلامك والتوضيحات الذهبية اللي اتحفتنا فيها

والله يعطيك العافية

[مساهمة بسFresh]

السلام عليكم

شخباركم؟؟ ان شا الله كلكم ربحتوا

لي ملاحظات على السوق (وشفيها المحللة :omen2::omen2::omen2: ) وحبيت انكم اتشاركوني التعليق والمناقشة عليها:
1- اختفاء لمت اب :
كنا انلاحظ قبل ان لما السوق يطلع نلقى 3 او 4 شركات او يمكن اكثر لمت اب , وطلب بدون عرض , يعني ايسكر السوق وهم طلب بدون عرض , لكن انلاحظ الحين حتى مع طلعة السوق القوية ولله الحمد , مافي هالشي , يعني ممكن نلقى شركة او شركتين بالكثير في الايام اللي راحت , يعني ال 5 شهور اللي راحوا , لكن هالشي بدا يختفي ومادري ليش!!!

2-شركات وايد كانت تلحق بعض وتغار من بعض لكن الحين بعد تقريبا اختفى , والدليل المصرف والدولي , بنك الدوحة والتجاري , وانا كنت كاتبة موضوع في هالشي من زمان واعتقد انه تحقق , وشرايكم؟؟يعني قبل لما نشوف التجاري طالع على طول نلقى بنك الدوحة وراه , ولما الدولي يطلع المصرف يلحقه , وفي شركات ثانية بعد لكن الحين اختفى او خلنا نقول خف هالشي وايد

3-السيولة رجعت وبشكل قوي للسوق ,جاتنا ايام كنا نتمنى فيها السيولة توصل 100 مليون , لكن الحين الحمد لله اقل شي من 500 الى 600 مليون والله يزيد ويبارك , وطبعا ماندري مصدر هالسيولة , ناس يقولون محافظ , وهالشي وارد والمحافظ اصلا دوم في السوق , وناس يقولون مستثمرين اجانب , وناس يقولون هوامير , لكنها تبقى مجرد اقاويل , وايا كان المصدر المهم ان في سيولة

4-الشركات الخسرانة او اللي العائد عندها ضعيف صارت اقوى للمضاربة , لا وصارت تطلع اكثر من الشركات القوية اللي تحقق ارباح , ومادري هل هالشي مرده لان المضاربين يحبون هالشركات ولا شي ثاني؟؟الله اعلم بس اعتقد المضاربين هم السبب في هالشي , لان همهم الدخول والخروج السريع فمايهتمون اذا الشركة لها عوائد او لا , ربحانة ولا خسرانة , نموها قوي ولا ضعيف


5-عندي سؤال: شنو الفرق بين مجمع المناعي , والسينما , (من ناحية التداول)؟؟؟؟


6-وهاذي النقطة الاهم , طبعا كلنا فرحنا والحمد لله بالارتفاع ونتمنى يدوم لكن مالاحظتوا معاي ان السوق من ارتفع في شهر خمسة اللي راح ماصحح ولا تصحيح بمعنى تصحيح؟؟

يعني الحمد لله طبعا ينزل اشوي ويرد يرتفع اقوى , ومادري هل هالشي هو ردة فعل للنزول القوي اللي صار قبل , ولا انه شي ثاني واحنا ماندري؟؟
الله اعلم


وبس

ويعطيكم العافية

نسيت اضيف ملاحظة اخرى
ان احجام التداول زادت بشكل كبير , لدرجة ان حتى المليار بدا يصير رقم عادي عندنا , والمشكلة ان صرنا مانعرف تصريف ولا تجميع , لان قبل كنا ماخذينها قاعدة ان متى مالسوق طلع بقوة او نزل بقوة وزادت الاحجام فجأة فهذا معناه تصريف او تجميع

لكن الحين ماشا الله التداولات دايما فوق سواء المؤشر احمر ولا اخضر

[مساهمة بسFresh]

الحمد لله على الارتقاع

بس مادري ليش تذكرت شهر 9 سنة 2005 !!!!!

الله يربحنا جميعا ان شا الله ولا يخسر اي مسلم

وعندي سؤال للمحللين :
مامعنى بل تراب (bull trap) ?

[khaldoon]

الله يجزيكي كل خير اختي على هذه الملاحظات الذكيه وكل الشكر للغالي السامر الاسود على التوضيح الرائع

[المجدم]

Bull Trap

A false signal indicating that a declining trend in a stock or index has reversed and is heading upwards when, in fact, the security will continue to decline.

A bull trap often causes some investors to buy the stock, but because the stock continues to decline after the initial signal, those who bought in are "trapped" in a bad investment.


هذا معنى بل تراب بالانجليزي ، بس أنا مش حريف بالانجليزي ممكن تبحث عن معناها وترجمة بطريقتك الخاصة مع تحياتي

[متابع الأسهم]

Bull Trap Translation
كمين أو فخ أو أرتفاع ليس حقيقي