المساعد الشخصي الرقمي

مشاهدة النسخة كاملة : 500 الف ريال خلال شهرين فقط


بوخلف
27-09-2005, 01:23 PM
مساء الخير :)

لو سمحتوا

اتمنى من اهل الخبره الإفاده

لدي سيوله نص مليون ريال

كيف يمكن استثمارها فقط لمده شهرين وكم سوف يكون العائد؟ :con2:

هل تنصحون اضعها في صندوق استثماري واريح بالي؟

ارجو المشاركه لاني فعلا ودي اشغلهم
بوخلف
27-09-2005, 01:28 PM
اول مره اطرح هذا الموضوع وليس كتعليق

حياك الله يا المعضادي :)

ولا تبخل علينا برايك
ولد المعاضيد
27-09-2005, 01:37 PM
امممم.. :con2:
انا اقول حط لك في الصناعات لأنهم بيوزعون ارباح
وعليك بالمتحده والتحويليه :nice:

وتقدر تضارب بمواشي لأنها قاعده ترتفع..خبرك رمضان قريب

وتحياتي لك
الريان
27-09-2005, 01:42 PM
اخوي ارى انك تضعها في الصناعات والعقاريه
وعليك بالاستخاره ثم العزم
$$$
27-09-2005, 03:54 PM
اخوي عندي لك اقتراح غريب شويه........امسك افلوسك اسبوعين وبعدين ادخل السوق ....وان شاء الله راح تدعيلي من كل قلبك....بس لو انك حالف انك تدخل......فاعتقد الوقود سعرها ممتاز
مزيون_قطر
27-09-2005, 03:58 PM
اخوي بقولك بصراحه ناقلات اخذها وبتكسب مو شرط اليوم بكره لكن عائدها لبعدين بيكون مضاعف واذا تبي

سهم قوي اقولك دلاله وبعد البنوك .
قطري طموح
27-09-2005, 04:02 PM
بوخلف الوقود اشتر وانت مرتاح
بوخلف
27-09-2005, 05:24 PM
اشكر الجميع على التجاوب

بكل صراحه ودي استثمر فقط لمده شهرين

يعني اشتري هاليومين واطلع بعد شهرين؟؟

ممممممممممم هل في سهم يعتبر سعره الحالي سعر دخول اي نازل

غير الوقود؟؟

وشكرا
بوخلف
27-09-2005, 05:28 PM
بالنسبه للصناعات مممممممممممممممم تتوقعون كم ارباحها؟ هالسنه

النسبه؟ والمنحه؟

وشكرا
الين الياباني
27-09-2005, 05:52 PM
اخوي بو خلف اهم تنوع في محفظتك يعني لاتحطها بشركه وحده نصيحه مني لك ...وقبل هذا كله استخر

وخذ لك في الاسهم اللي تتوقع بتحصل منها ربحيه اكثر يعني شوف الاسهم اللي ممكن تحقق لك اعلى نسبة ربحيه والله وياك ...وعن نفسي عندك وقود زينه والعقاريه وصناعات قطر والتحويليه وناقلات والمصرف والدولي الاسلامي بس ها البنكين مرتفعه اسعارهم بس الارتفاعات قادمه لهم بأذن الله وايضا النقل البحري ....كهرباء وماء زينه بس انتظر اعلان ارباحها اخوي... ....واولا واخير القرار بيدك ولا تستعجل اخوي ......نصيحه لاتستعجل الاسهم موجوده ومب طايره وفكر عدل قبل ما تحطها ...بس الحين حط في بالك ترى الاعلان عن الارباح مالت الربع الثالث للحين ما أعلنوها الا التحويليه ...ولك الاختيار من بين الشركات ..بس اسعار الاسهم الحاليه جيده للاستثمار لمدة شهرين ...

وايضا اخوي تابع التحليل الفني لكل من الشركات في منتدى التحليل الفني والاساسي ...وايضا تابع السعر العادل لكل سهم ...وفيه كم موضوع في النقاش الاقتصادي يتكلم عن السعر العادل لك شركه ..وصدقني تراه شي مهم تتابع السعر العادل للسهم ...وانت اعتمد في قرارك على الله ثم على السعر العادل لك سهم ...لانه يبين لك كم المتوقع انه يوصل السهم على نهاية السنه...

واحلى تحيه لكم

واتمنى لك كل الاستفاده
بوخلف
27-09-2005, 06:26 PM
الله يجزاك خير يا الين الياباني

والله يكثر من امثالك

كل الشركات قيد الدراسه والله يسهل

وشكرا
مراقب السوق
27-09-2005, 07:06 PM
توجه الى البنوك اقوى واظمن خلال الشهرين القادمين

وعن نفسي انا اقولك ادخل بنك الدوحه او البنك التجاري خلال هاليومين

لان اسعارهم ذهبيه واذا تلاحظ معاي اغلب البنوك تعدت حاجز ال 400 ماعدا التجاري والدوحه

تحياتي لك والله يوفقك
ontop
02-10-2005, 07:19 AM
أنا مثلك يابوخلف عندي سيولة وحاب أستثمرها خلال شهرين، ياريت اخوانا الخبراء يتفضلون ويعلمونا عن أفضل الشركات وأفضل توقيت لدخولها بالأرقام.
مليونير قادم
02-10-2005, 07:30 AM
اخوي ارى انك تضعها في الصناعات والعقاريه
وعليك بالاستخاره ثم العزم
بوخلف
02-10-2005, 08:42 AM
اشكر الكل على التجاوب :) والله احترت

افضل ذكر 3 شركات فقط

عشان اقدر اركز

وشكرا