مشروع سياحي على البحر ( ضع اقتراحك )

[روعه]

مساكم الله بالخير

اعضاء المنتدى الطيبين نحن في صدد انشاء مشروع سياحي على البحر

حبينا انعرف شنو الاشياء اللي انتوا حابين انها تتواجد او تتمنون ان تكون عندكم في قطر



ننتظر آرائكم الطيبة:thumbup:

[ورقــة أمــل]

"نحن"

من أنتم؟

[روعه]

يعني نحن تهمك وايد اخوي

اكثر من الاقتراحات

[روعه]

اشدعوه 15 زائر ولا رد

مشكورين بيض الله وجيهكم

[قطريه كوول]

امممممممممممم

نبي مدينة ملاهي مائية مثل الاكوبارك اللي في الكويت

والله يوفقكم

((ونحن .....؟؟؟؟))
من انتو صج نبي نعرف

[الجمارك]

امممممممممممم

نبي مدينة ملاهي مائية مثل الاكوبارك اللي في الكويت

والله يوفقكم

((ونحن .....؟؟؟؟))
من انتو صج نبي نعرف

بس على شرط يكون يوم واحد مخصص للانساء فقط ويكون بنص الاسبووع :pilot:

[" Snake "]

اقتراحي نفس قطريه كوول
خخخخ الله يعينكم احس طلبنا خيالي :(

[قطريه كوول]

بس على شرط يكون يوم واحد مخصص للانساء فقط ويكون بنص الاسبووع :pilot:

نبي يومين حرام عليج :thumbup:

[قطريه كوول]

اقتراحي نفس قطريه كوول
خخخخ الله يعينكم احس طلبنا خيالي :(

فديتج
معاً قلباً وقالباً
ليش خيالي الكويت سوته قطر اكيد بعد تقدر تسويه:thumbup1:

[الجمارك]

نبي يومين حرام عليج :thumbup:

:looking: الجمارك= ذكر

[التاجرة]

نبي مكان نقدر نمارس هواية السباحه في البحر بدون وجود رجال وباللبس المحتشم يعني ان شاء الله ندش البحر بعباه مانبي حد يقول لنا لا ممنوع... لان بصراحه مشتاقين للسباحه في البحر بس للأسف مافي مكان ... الا في ام باب واماكن ابعد من ام باب ...

[قطريه كوول]

:looking: الجمارك= ذكر

خخخخخخخخخخخخخخخخخخ :secret:اسمحلي خيووو

[شمسة]

:thumbup::thumbup::thumbup:

[الأصيل]

الله الله بالاسعار اللي تناسب الكل
وراعو تقاليدنا وعاداتنا
ما نبي اختلاط اول شي
نبي شاليهات معزولة للعايلات
وبرك سباحة للكبار وللصغار
واماكن العاب للاطفال
ومطاعم وسوبرماركت

[ورقــة أمــل]

يعني نحن تهمك وايد اخوي

اكثر من الاقتراحات

طبعا مهمة

عشان نعرف من هالجهة اللي تبي تتحفنا بمشاريعها؟؟

[الجمارك]

خخخخخخخخخخخخخخخخخخ :secret:اسمحلي خيووو

:) حصل خير خيتووو :)

[simsim1963]

نبي بارا سيلنج ( براشوت طائر مسحوب بطراد) .... أكوا بارك .... وتكون جزئيا مغطاه ..

[المجروح]

اكون مطعم سي فود بس راقي حده
والديكور اكون ارقه لان الي اساعد انه اطل على البحر

[روعه]

افكاركم حلوة ما شاء الله في منها تنفذ

والباقي بتنحط من ضمن الاقتراحات

[روعه]

اما اذا كنتوا تبون تعرفون من نحن

هو مشروع لزوجي :)

[الأصيل]

ما دام اعجبتك افكارنا عطينا بطاقة عضوية vip
فيها امتيازات وخصومات لكل صاحب فكرة تنفذونها

[البطرانة]

صح نبي مدينة مائية نفس الاكوا بارك و الواد وادي اللي فالامارات....

ونبي مكان يأجر اسكوترات,,, وبانشيات,,, عشان نستانس,,
وطبعا لازم يوم للسيدات عشان نستانس وعلى راحتنا نلعب,,,





وثانكيوو..!!

[بومحمد72]

بالتوفيق

[روعه]

الله يوفق الجميع يارب اخوي بو محمد
واقتراحاتكم عطيتها زوجي والله في بعض منه تنفذت خلاص وبعض منها ان شاء الله في المرحلة القادمة

ويا هلا ومرحبا بكل اقتراحاتكم سعيدة والله وفي النهاية هذا لكم ولوناستكم

[روعه]

للرفع

[مصرف]

اهم خلوا فيها بحر كل مكان ممنوع

البحر صار صخر وانا اخوج

[kymaw]

مرحبا - في الحقيقة عندي دراسة جدوى لمشروع منتجعات سياحية طبعا على البحر لدولة عربيةوكان جميل جدا المنظر العام لهذا المشروع لانه كان يرمز لسيادة ذلك البلد لذلك اقترح عليك وضع رمز من رموز الدولة او رمز لسيادة الدولة او شعار للدولة واعطيك مثالا على ذلك ليكن مثلا علم دولة قطر او اسم امير دولة قطر او كلمة قطر او شعار النسر العسكري او قطر صغرى داخل قطر كبرى وماشابه فاذا نظر لها الناظر من السماء لقى تعبيرا جيدا لهذا المشروع بالاضافة للمشروع ..... لاشك ايضا ان المطالبات الفطرية موجود كادخال التسالي الحديثة بانواعها والغريبة تحديدا وايضا ادراج الالعاب المائية وبكثرة لانها قليلة جدا ولاتنسى ايضا ادراج حدائق لطيفة تكون معمولة باتقان ولا اعني بذلك الحدائق العامة المعروفة فقط لا بل حدائق خاصة مثلا بالفراشات او الزواحف او الورود ............. اسف للاطالة وبالتوفيق

[فيوليت]

مبادره طيبه وراقيه

فكرة المشروع السياحي مطلوب وخصوصا اذا كان لنا موللاجانب واحنا لاء ..!!

واذا انوجد ناس مختصه لطهي المشاوي او الاكلات السريعه والذره المشويه

والمشروبات مثلا بكل انواعها واهم شي العصائر الطازجه محتاجين فيتامينات للسباحه

بيكون مريح لنا خصوصا انه الناس رايحه تتسلى وتريح اعصابها

وهذا الشي نفقده في الشاليهات اللي عندنا لان خدمتهم مثل اكل الفنادق

وياليت البحر المخصص للمشروع يتنظف بين فتره وثانيه

الصراحه اللي يدخل البحر عند الشاليهات يلاقي اشياء غريبه ..!! :spider:

واذا انوجد مكان مخصص لبيع مستلزمات السباحه في نفس مكان المشروع

بيكون مريح لزواره يعني بيشترون منه اذا كانوا ناسيين شي في بيتهم او غيره

بالاضافه الى بيع الطيارات الهوائيه في نفس المحل ان امكن

وبيع بطاقات هلا وجرج للجوالات ومكان يبيع ايس كريم :dance

وهالافكار ممكن تتلخص في فكره وحده

وهي اتخصصون اماكن ويتم عقد بينكم وبين محلات لتأجيرهم

وبهالحاله احنا وانتم واصحاب المحلات كلنا مستفيدين ;)

واهم شي الخصوصيه ثم الخصوصيه يابنت العم

والله يوفقكم لتنفيذ المشروع ويسهل لكم كل الطرق يارب

[زمن الغدر]

نبغي نفس واد وادي الي بدبي
ولا سوها مكان الملاهي الفاشله حقت علاء الدين
الي ولا لعبه فيها شغال

[خبير أقتصادي]

نبي مدينة سكنية تجارية على البحر نفس فينيسيا تماما ( مطابقة للواقع )و بشرط تكون مغطاة تفاديا لحرارة الطقس صيفا على طريقة سقف مجمع فلاجيو
و أيضا نريد حديقة مائية و نتمشى تحت الماء و السمك حوالينا
و نريد حديقة كبيرة مغطاة و مكيفة على طريقة حدائق أوربا و بالصيف ندخل الحديقة و ننسى الصيف شوي
و نريد زيادة ممرات المشاة و ما يحيطها من مطاعم و مقاهي المشابهة لسوق واقف حديثا و الطراز الأوربي و الممر المفتوح من الأعلى و تكون على واجهة بحرية بين كل كليو متر
و نريد متحف و مركز للمعلومات البحرية جزء منة لتعريف الأطفال على شكل ألعاب و الآخر للكبار

[AL_MUTAEM]

الله يوفق الجميع يارب اخوي بو محمد
واقتراحاتكم عطيتها زوجي والله في بعض منه تنفذت خلاص وبعض منها ان شاء الله في المرحلة القادمة

ويا هلا ومرحبا بكل اقتراحاتكم سعيدة والله وفي النهاية هذا لكم ولوناستكم

بالتوفيق اختي ..

بس ممكن نعرف وين مكان المشروع لانك ذكرتني ان بعض الاقتراحات تم تنفيذها ..:fight:

[الدوحي7]

صباح الخير،، الله يبارك ويتنفذ المشروع والشباب ماقصروا في مقترحاتهم ، بس اهم شي الاسعار بعد وثاني شي يوم لرجال فقط،،،

[sidokotbi]

صباح الخير،، الله يبارك ويتنفذ المشروع والشباب ماقصروا في مقترحاتهم ، بس اهم شي الاسعار بعد وثاني شي يوم لرجال فقط،،،

مثل ما قال اخوي الدوحي اهم الشي تكون الاسعار مدروسة
واذا بعد ممكن تسسوي اشتراكات شهرية او سنوية

والله يوفقك انشاءالله