الشحانية يونايتد يعيد في الريف النمساوي ( تقرير مصور )

[الشحانية يونايتد]

بسم الله الرحمن الرحيم

في البداية كنا قاعدين أنا وواحد من الشباب في 20 رمضان نسولف عن حال الأمة العربية وما وصلت إليه من تدهور :fight: <<<<< شدخلها بالتقرير
المهم قلت له يا ولد خاطري أروح زيلامسي قالي أفا عليك قوم يالله قلتله وين ؟؟
قالي نروح مكتب السفريات قلتله يالله :ok2:

المهم ذهبنا للسفريات وقعدنا ذيك القعده اللي ما قعدها لويس السادس عشر على عرشه :tease:

قلناله يالله نبي تذكرتين دوحه ميونخ دوحه ونبي سكن في زلامسي لمدة 5 أيام من تاريخ 14-10 إلى 19-10
قالنا ولو تكرم عيونكم :pilot:
قلناله أخلص علينا بس
قال التذكرة بـ 3650 على القطرية قلناله أحم أحم مافي أرخص :funny:
قال الإمارتيه 2600 بس بيروح عليك يوم في التنقل وما تستفيد شي
قلنا الله المستعان هات على القطرية
قال لنا 5 أيام بفندق سي هوتل 3500 ريال قلنا يالله هات

المهم طلعنا من عنده وثاني يوم بالسفاره الألمانيه وطلعنا التأشيرات

ونطرنا تاريخ السفره على أحر من الجمر

ويوم جاء العيد وعيدنا على العالم رحنا وشقلنا شناطنا ووينك يا المطار

وركبنا الطياره ووصلنا ميونخ وإذا بالأخ العراقي اللي إتصلنا عليه :telephone:

ينتظرنا المهم ربدأت رحلتنا إلى الريف النمساوي وبالتحديد زلامسي :nice::nice:

المهم مالكم بطويل السالفه أترككم مع الصور لزيلامسي وأأسف لسوء التصوير من المصور ومن الكاميره التعبانه

وإنتظروني مع هذا التقرير حيث أنني سوف أظيف صور لمناطق غير زيلامسي منها كابرون وتيكسن باخ وغيرهم وخلوكم متابعين عشان نوريكم صور الثلج والمطر :wizard:

[الشحانية يونايتد]

وهذه صورة الفندق والبحيرة ومناظر للتاون

[الشحانية يونايتد]

وهذه بعد صور

[ترتر]

رووعه ومشكور على التقرير الحلووو

:nice:

[الشحانية يونايتد]

يتبع....

[الشحانية يونايتد]

هذه الصورة اللي بيروح زيلامسي يعد على الكرسي السابع جنب فندق جراند على الكورنيش بيحصل هالذكريات

[khaldoon]

ما شاء صور روووعه ....تسلم يدك يا رب وحمد لله على سلامتك يا الغالي واحييك على طرحك الحلو للموضوع

[المجروح81]

الله صووور حلوووه جدااا
والله كنت بصيف هالسنه هناك وكنا شارين لبس حق فييينا بس كله من الي في بالي مارحت

[على قد حالها]

يااااااااااااعيني على جمالو شحانيّه وشغلو ميّه ميّه :ok:


ياسلااااااام عليك والله انك عرفت تنقي ماشالله عليك والصور روعه ياخوي .... :victory:

لا وفيها ثلج ومطر بعد :omen2:استعيل علينا فالصور ترا مافيني صبر
:rolleyes2:
اللللللللله مايصير حنا بعد من تطق السفره في بالنا ننقز ونحجز على طول:anger2:

[إنسان]

يعطيك العافيه اخوي الشحانيه يونايتد على الصور والموضوع

النمسا بلاد حلوه وبلاد أمان .. بالنسبة لي أنا شفت فيينا وما رحت الريف

السبب حرمنا المصون تحب المدن عشان التسوق .. وأنا سيدهم قيدهم :shy:

[ذوق]

:this: :this: :this: الله يسامح يالشحــانيه شفيتيني على السفر :this:

[مليت]

لا تنااااااااااااام كمل كمل

http://www.flugplatz-zellamsee.at/LA08.jpg

صوره شامله

[امـ حمد]

مشكور علي الصور

[الدوحي7]

الله عليك وعلى لصور ،، صج اصور، وجنه الله في ارضه،،،كمل يمكن اروح احجز الحين خخخخخخ،، والحمد لله على سلامتك ،،

[التيما]

الله على جمالك يا زيلامسي .. بس عورت قلبي على 5 ايام بس ماتكفي وانا اختك .. الصووور حلوووه يعطيك العافيه ..

[خشوف]

عجيبه تجنن الحمدلله على السلامه وعقبالي اروح

[سهم طويل الأجل]

يعطيك العافية على الصور الحلوة



هذه الصورة اللي بيروح زيلامسي يعد على الكرسي السابع جنب فندق جراند على الكورنيش بيحصل هالذكريات


والله لو ماسويت هالحركة كان وايد أحسن .. أنت سفير لقطر وتمثل أهلها
ألحين كل عربي يشوف هالحركة بيحكم على أهل قطر كلهم

تحياتي لك

[المخضرم85]

يعطيك العافيه عالصور والموضوع

[badr_vip55]

صور حلوه يالشحانيه وتسلم على المجهود الطيب وال رائع


بس شرايك تنصحني اروحلها لاني يمكن اخذ اجازتي السنويه في الشتاء


وخاطري اسافر بس مادري وين


تحياتي لك

[الراقية]

الحمدلله على سلامة الاسفار

صور رائعة من شخص رائع

متابعة

لين اثلج من الصور

تحياتي وتسلم الايادي

[alwahesh]

يعطيك العافيه اخوي الشحانيه يونايتد على الصور

[مضارب بدرهم]

يعطيك العافيه اخوي صور جميله الصراحه وتقرير روعه

[الشحانية يونايتد]

أسمحولي على التأخير الصراحة توني راد من برى وأشوف الفراش يقولي أهلاً وسهلاً
بكره بإذن الله راح أنزل الجزء الثاني بالرحلة وهي الذهاب إلى منطقة كابرون الجبال وركوب التلفريك وفلم الرعب اللي صار فيه فترقبوني غداً

[<<روز>>]

تقرير راااائع اخوي
والحمد لله على سلامتك

[relaax]

صور حلوووه:nice:

[**أبو سيف**]

:nice:

[الشحانية يونايتد]

بسم الله الرحمن الرحيم

ألحين بكمل لكم الجزء الثاني من الرحلة

لما صحينا من النوم في فندقنا في زيلامسي
:con2: قلنا وين نروح ؟؟؟
نزلنا عند الإستقبال تحت ولا ذيك الموظفه اللي تقول سلام عليكم :con2:
قلنا أحم أحم والله العرب مسوين شغل اللي خلوها تعرف السلام :p

المهم قلنالها وين نروح اليم قالت أفا عليكم عند جهينه الخبر اليقين <<<< جنها قويه نمساويه وتعرف جهينه ؟؟؟ :stop:
المهم قالت لنا روحوا كابرون صوب الجبال وأركبوا التلفريك وأطلعوا للثلج فوق قلنا يالله

المهم مالكم بطويل السالفه رحنا وركبنا الباص رقم 660 واللي يطلع من زيلامسي لين كابرون

ولما وصلنا جاااان أشوف التلفريك وشلون معلق في الهواء :eek3: جان أقول لرفيجي مافي أمل أركب
قالي بتركب وأنت رجال طيب قلتله طيب بركب بس لا تدف :threaten: <<<< خاف من التسطر
المهم ركبنا التلفريك وللأسف ما دريت أن التلفريك على ثلاث مراحل والمرحلة الأخيره توقف على إرتفاع 3 كيلوا فوق سطح البحر :cry2: <<<<<< لو درى ما ركب
وطول ما أحنا طالعين ما ظل صورة إلى وقريتها :no:

المهم طلعنا للمرحلة الأولى على إرتفاع 1976 متر فوق سطح البحر
وبعدها ركبنا التلفريك الثاني اللي يوصل إلى إرتفاع 2450 متر
وبعدها الثالثه اللي وصلنا لين أرتفاع 3020 متر فوق سطح البحر
يعني وصلنا للثلج

وبعد ما لعبنا بالثلج :happy: <<<< خبركم متخرعين :funny:

جينا نبي ننزل وبدى فلم الرعب عندي :omen2:

تدرون ليش لما نزلنا وفي نص المسافه وقف علينا التلفريك وصرنا معلقين omen:swoon:

جان أخوكم تصيده الرقاله :strong2:

المهم طالعوا الرزيليين قاعدين يحطون أغراض بعربه من العربات يبون يطلعونها فوق

ووقفنا حول العشر دقايق فوق لا حنا في أرض ولا في سماء

ولما نزلنا قلت وينج يا زيلامسي وتوبة أركب التلفريك مره ثانيه وقلت يا زين الأرض زيناه
وما دريت أني بكره راح أعيش مغامره ثانية تخوف بعد وهالمغامره راح أقولها لكم في الجزء القادم مع الصور فإنتظروني

والصورة الأولى رسمة توضيحيه للجبل ومسار التلفريك

[الشحانية يونايتد]

يتبع.....

[الشحانية يونايتد]

يتبع......

[Exclusiveperfumes]

يعطيك العافية على الصور الحلوة




والله لو ماسويت هالحركة كان وايد أحسن .. أنت سفير لقطر وتمثل أهلها
ألحين كل عربي يشوف هالحركة بيحكم على أهل قطر كلهم

تحياتي لك

اخووي كنت تقدر ترد رد نفس اللي علقوا مايحتاج هالكلام
وترى الريال حب يسوي ذكرى له والرجال ماسوا شي مب زين هناك

..
الشحانيه يونايتد الحمدلله على السلامه والحمدلله على سلامتك ورحله موفقه
وصور اكثر من روعه يالغالي

[أمة الله]

سبحاااااااااان الخالق

تسلم ايدينك عالصور الروووعه والحمدلله عالسلامه أخوي

[شجن]

روووووووعه يعطيك العافيه

[مريديان]

ماشاء الله الطبيعه روووعه سبحان الله

الحمدالله على سلامتك وتسلم على هالتقرير الحلو

[سهم طويل الأجل]

اخووي كنت تقدر ترد رد نفس اللي علقوا مايحتاج هالكلام
وترى الريال حب يسوي ذكرى له والرجال ماسوا شي مب زين هناك





أخوي العزيز أنا بديت ردي بشكر العضو على الصور الحلوة ، لكن يمكن تكون مشكلة عندي أني ما أرضى بالغلط ومن باب الغيرة فقط على سمعة بلادي قلت هالكلام .
وأظن راعي الموضوع قرا اللي قلته ومقتنع فيه أنه غلط ، ولا كان رد علي