وحوصرنا بالبناء العشوائي والعمال العزوبية

[دلة الرسلان]

السلام عليكم جميعا

اعرض لكم صورة تقدرون- تتخيلونها بس- بيت ساكنه فيه عائلة قطرية بالأيجار جزء من

الحوش حوله صاحبه بعد ما بناه بشوية طابوق وكيربي لسكن عمال وتخيلوا شعور الام

وهي تاركة اطفالها مع الشغالات اثناء عملها وما يفصلهم عن العمال الا حائط crazy

وغير بعيد عنهم بيت باعه صاحبه لمالك جديد ايضا حوله لسكن عزاب ولم استغرب صراحة

كثرة الطلب على التأجير على العزاب بعد ان علمت ان العنبر الواحد يؤجر ب40 الف فقط

ولكن استغرب من عدم وجود من يقول:stop: لمن يسمح بسكن العزاب وسط العوائل

طيب ليش كان في السابق ممنوع سكن العزاب والحين مسموح ؟؟

نسيت اقول ان البيتين اللي راح يتحولون لعنابر عمال من الف شكل ولون هم جيراني

الملاصقين لبيتي ...ايش رايكم مش قهر .

[ajaqeel]

شدووووووووووووووووووا
أمزح وين ممثلكم في المجلس البلدي خلوه يشوف شغله

[هسلان]

والله يا أختي قلبي معاتج بس للأسف الشديد ما في قانون يمنع سكن العمال داخل الأحياء السكنية وفي السابق كان الناس تراعي حرمة العوائل ولا تأجر للعزابة بس الحين تراعي حرمة الفلوس فقط
المشكلة بأن البلدية مش مهتمة بهذا الموضوع على الأطلاق وأصدار قانون مش وارد في هذا الوقت
الله يعينكم

[بوحارب]

الله يعينكم

[دلة الرسلان]

شدووووووووووووووووووا
أمزح وين ممثلكم في المجلس البلدي خلوه يشوف شغله

:oops: مش لما نعرفه وبعدين هذا ساير في مناطق عديده من الدوله واصبر اشوي جايكم الدور

[دلة الرسلان]

والله يا أختي قلبي معاتج بس للأسف الشديد ما في قانون يمنع سكن العمال داخل الأحياء السكنية وفي السابق كان الناس تراعي حرمة العوائل ولا تأجر للعزابة بس الحين تراعي حرمة الفلوس فقط
المشكلة بأن البلدية مش مهتمة بهذا الموضوع على الأطلاق وأصدار قانون مش وارد في هذا الوقت
الله يعينكم
شكراااا اخوي بس الحمد لله اني ما اشتغل علشان اراقب جيراني الجدد:eek5:


الله يعينكم

شكرااااااا اخوي

[al_lord]

بالاول الناس تمنعهم الشيمه والعشره الي بينهم وبين جيرانهم انهم يأجرون بيوتهم على عزاب وللحين هالشي موجود بس صار نادر

[أم حمد]

الشرهه على الدوله مب على المأجر

؟!!

حتى الدول المجاوره حسوا وسمعوا بمعاناتنا وشكاوينا

الا حكومتنا كن الامر مايخصها !!

[N7eEeS]

بما اني مستأجر بيتين عزاب واحد في الجنوبية واحد في ام اصلال محمد كسكن عمال فاقولج المشكله مافي بديل الدولة مو راضية توفر لنا اراضي نبي عليها سكن في المنطقة الصناعيه او اي منطقة جديدة لو يتم منع العمال من السكن في الاحياء السكنيه لن يجدوا لهم سكن في المنطقة الصناعيه لان الموجود مش كافي .
بتقولين لي انت راضي باقولج لا بس ايش الحل؟؟

[التيما]

الشرهه على اللي مأجر لو انه حاسب حساب شوفات وحرمه الناس ما رضى .. لاحول ولا قوة الا بالله ..

اسألي محامي اختي مايصير .. والله لو انا ماقعدت بالبيت ..

[ســـهم]

الدوله غير عاجزه عن انشاء مجمع سكني لهؤلاء العمال ولن يكلفها شي

بل على العكس ممكن أن تسفيد منه كأيجار شهري وحل هذا المشكله التي تؤرق الأسر القطريه

والمقيمه ..

[دلة الرسلان]

بالاول الناس تمنعهم الشيمه والعشره الي بينهم وبين جيرانهم انهم يأجرون بيوتهم على عزاب وللحين هالشي موجود بس صار نادر

الحين ياخوي قامت الناس تشد من بيوتها ومناطقها القديمه لبيوت اوسع واراضي اكبر ويبيعون

بيوتهم على مستثمرين لايعرفون جيرانهم ويبغون يعوضون نفسهم ومافيه احسن من التأجير

على الشركات ....بس الى متى ؟؟
الشرهه على الدوله مب على المأجر

؟!!

حتى الدول المجاوره حسوا وسمعوا بمعاناتنا وشكاوينا

الا حكومتنا كن الامر مايخصها !!

اختي الحكومة مدودهه من كثر المناطق اللي يبغون يزيلونها وين تحصل حل !!!:rolleyes2:

دام مدن الصفيح مش حول................ خلي القرعة ترعى .

[ضوى]

للاسف اختي دلة ما في اي حل

جار بيت ابوي رحمة الله عليه بيته لاصق الطوفة بالطوفة ببيتنا ولما توفى رحمة الله عليه ( الجار ) عياله حسبي الله عليهم اجروا البيت على عزاب وسوه سكن عمال ومخزن ، وابوي من كثر خوفه علينا اشترى البيت منهم بسعر خيالي بس عشان يريحنا الله يريحه بالاخرة ان شاء الله

والمشكلة الحين فيه بيوت حوالينا مو لا صقة فينا كلها ورش وسكن عمال وعزابية شنسوي ما لنا حل وين نروح وين نطق براسنا ؟؟ الله يعين والله مشكلتج عويصة يا دلة والخوف على اللي في البيت هذولا عزاب وعندهم نقص يعني عيونهم بتكون زايغة على اهل بيتج الله يحفظهم بس

مدري شاعلق وشاقول الا حسبي الله ونعم الوكيل

[دلة الرسلان]

بما اني مستأجر بيتين عزاب واحد في الجنوبية واحد في ام اصلال محمد كسكن عمال فاقولج المشكله مافي بديل الدولة مو راضية توفر لنا اراضي نبي عليها سكن في المنطقة الصناعيه او اي منطقة جديدة لو يتم منع العمال من السكن في الاحياء السكنيه لن يجدوا لهم سكن في المنطقة الصناعيه لان الموجود مش كافي .
بتقولين لي انت راضي باقولج لا بس ايش الحل؟؟

اشكرك اخوي الكريم على صراحتك وفعلا لازم يكون فيه حلول جذرية وحلول سريعة مثلا

السماح لاصحاب الاراضي في الصناعية ببناء سكن متعدد الطوابق 5 او 6 للعمال ..

بس وين خبراء التخطيط اصحاب رواتب الدولارات اكيد عندهم خططهم للتوسع العمراني

وزيادة السكان بس ليش خاشينها :tease:

[دلة الرسلان]

الشرهه على اللي مأجر لو انه حاسب حساب شوفات وحرمه الناس ما رضى .. لاحول ولا قوة الا بالله ..

اسألي محامي اختي مايصير .. والله لو انا ماقعدت بالبيت ..

لا يالتيما المؤجر حاسب حساب 40 او 50 الف كل شهر وبصراحة اختي انا ما الوم هذا

الشخص اللي ما اعرفه قدر ما الوم واعتب على حكومتي اللي رضت على شعبها يعاني

ها المعاناه وخلت ها الخليط العجيب الغريب يعيشون احذانا .

ترى ما احد سكن لحد الحين ما زالت ها البيوت تحت البناء وجاهزة بس اقولج من الحين

العيال متحلفين لايشوفون حد يتمشى جنب البيبان يضربونه .

[دلة الرسلان]

الدوله غير عاجزه عن انشاء مجمع سكني لهؤلاء العمال ولن يكلفها شي

بل على العكس ممكن أن تسفيد منه كأيجار شهري وحل هذا المشكله التي تؤرق الأسر القطريه

والمقيمه ..

كلامك صحيح والحمدلله خيرنا لحق البعيد والغريب ومش صعبه يستصلحون منطقة بعيده اشوي

ويحطون كم من بلوك وبعد يسمونها مدينة العمال السعداء ..ترى جد ما امزح :ok:

.

[دانة الروح]

المفروض يوضع حد لهذي المشكله

بس الكل ساكت

والله يعين

[london 1]

الكل يعاني من وجود العزاب بين العوائل والمشكلة عوايدهم الغريبة مثل بعض الجنسيات الاسيوية يلاحقون القطاوه ويمصعون رقبتها وهي حية هذا مثل ما اخبرونا به خدمنا ودريوليتنا
مدري طريقة سريعة للقضاء على القطاوة :yes:

[دلة الرسلان]

للاسف اختي دلة ما في اي حل

جار بيت ابوي رحمة الله عليه بيته لاصق الطوفة بالطوفة ببيتنا ولما توفى رحمة الله عليه ( الجار ) عياله حسبي الله عليهم اجروا البيت على عزاب وسوه سكن عمال ومخزن ، وابوي من كثر خوفه علينا اشترى البيت منهم بسعر خيالي بس عشان يريحنا الله يريحه بالاخرة ان شاء الله

والمشكلة الحين فيه بيوت حوالينا مو لا صقة فينا كلها ورش وسكن عمال وعزابية شنسوي ما لنا حل وين نروح وين نطق براسنا ؟؟ الله يعين والله مشكلتج عويصة يا دلة والخوف على اللي في البيت هذولا عزاب وعندهم نقص يعني عيونهم بتكون زايغة على اهل بيتج الله يحفظهم بس

مدري شاعلق وشاقول الا حسبي الله ونعم الوكيل

ياهلا ضوى واسمحي لي اختي انشغلت مارديت بسرعة والله يرحم الوالد اللي فككم من العزوبية

وترى زوجي شرى البيت بس تعرفين الحين العقار نار ومع ان البيت قديم وما يستاهل بس

كانت هاذي الطريقة الوحيدة لضمان عدم تأجيره على عزاب بس ما نقدر نشتري البيت الثاني

تدرين فيني حره ع ها القوانين الغريبه مثلا منع السيارات موديل 10 سنوات علشان المنظر

الحضاري .... وعشاش العزوبية بيننا منظر حضاري !!!!!!!!!!

[دلة الرسلان]

المفروض يوضع حد لهذي المشكله

بس الكل ساكت

والله يعين

اتمنى يكون لممثلينا في المجلس البلدي دور في تبني مشاكل المواطنين وحلها

الكل يعاني من وجود العزاب بين العوائل والمشكلة عوايدهم الغريبة مثل بعض الجنسيات الاسيوية يلاحقون القطاوه ويمصعون رقبتها وهي حية هذا مثل ما اخبرونا به خدمنا ودريوليتنا
مدري طريقة سريعة للقضاء على القطاوة :yes:

سمعت مثل ها القصص خاصة عن الفيتناميين هاه تحملوا يااصحاب الشركات لاتجيبونهم

لا تنقص القطاوة ويدورون غيرها:vampire: