محطات في حياة الجني (4)

[الجني]

بسم الله و الحمد لله و الصلاة و السلام على رسول الله
و على اله و صحبه اجمعين

الجني و التاكسي

كانت الحركة سابقاً اما مشياً على الاقدام او بالتاكسي

و عندما تقرر امي انروح مكان تطرش وكيل اعمالها

اللي هو انا

علشان احجز لها تاكسي

اوقف في الشارع و انطر ليما يمر تاكسي و بعد ما اوقفه

اروح اصوت (انادي) على امي علشان تكاسره (تتفاوض على السعر)

التوصيله من الفريج الى وادي السيل

بين نص ريال الى اثنا عشر انه (ثلاثة ارباع ريال)


و بعد ما درات الاسطوانات في سيارات التاكسي (اسطوانات الاغاني)

كنت اطل في التاكسي

اذا فيه اسطوانه وقفته

و اذا ما فيه اخليه يروح

و معظم دريولية التكاسي اخواننا ابو يمن

و اشغل ابو بكر سالم

"يا دوب مرت علي 24 ساعة"

و طربه الين ما نوصل وادي السيل

انا اقعد جدام اعابل الاسطوانه

و امي في الخلف

مره طلب راعي التاكسي ريال كامل

بغى ينضرب

و كانت التكاسي كلها تقريباً بيجو ستيشن

http://www.jawaher-qtr.net/uploads/e7aead17ae.jpg (http://www.jawaher-qtr.net)


او بيجو عادي
http://www.jawaher-qtr.net/uploads/e05659cafb.jpg (http://www.jawaher-qtr.net)

بعض الاحيان نأجر تكاسي للكشته

3 او 4 او 5 بيوت يتكودون في تكاسي

و نروح وقت الوسمي نتفقع او نروح النجيان

او وقت الجراد

و نودي معانا الدلال و بعض الاحيان جدور

و يطبخون النسوان على حطب سمر (وين البيئة عنا)

و البر كان بر خلاء و ماكان بعيد بمفهوم هذا الوقت

و كنا نحبل حق طيور (عصافير) بـ فخاخه


ابو يمن

مرة كنت راجع من سفر و ركبت في تاكسي برتقالي

و لقيت الدريول يمني

"اشلونك ابو يمن كم سنه صار لك مع التاكسي"

"صارررر لي 35 سنه تاكسي"

"ايش احسن الحين ولا اول"

"اول طبعا كانت الناس ما عندها سياررررات كلُ يركب التاكسي "
اهل قطر كانوا غير كانوا اهل كرم , اهل الفريج كانوا يطعمون كل
جيرانهم و الحين الجار صار ما يعرف جارو"

بعد ما وصلني البيت

قلت له هذه 10 ريالات للتوصيله

و اربعين ريال لأبو يمن

و صلى الله على سيدنا محمد و على اله و صحبه و سلم

محطات في حياة الجني (3)
http://www.qatarshares.com/vb/showthread.php?t=142272

محطات في حياة الجني (2)
http://www.qatarshares.com/vb/showthread.php?t=142031

محطات في حياة الجني (1)
http://www.qatarshares.com/vb/showthread.php?t=141863

[التيما]

لا عمري ركبت تاكسي ولا بركب .. بس حسستني انك عووووووووووووووود ههههههههههههه صج سنه كم الجني هالقصه عشان نوثقها يمكن نألف كتاب عن تاريخ قطر ..

[ناصر العمادي]

وينك ياخوي ذبحتني وانا واقف عند باب المنتدى العام .... تأخرت وايد اليوم وانا صار عندي ادمان لقصصك الرائعه .... تدري انا صغير واحب اسمع سوالف لول ......

يعطيك العافيه على السرد الجميل للماضي العجيب

الله يوفقك يارب

[@أم سعد@]

اسلوووب جدا جدا جمييل دليل على مقدرتك على تاليف كتاب تاريخي جديد<<<هههههههههه
ولا تحاتي ..المراجعه خلها علي ..أنا اتكفل بها..<<<هههههههه

لك الف شكر على القصه ..
تحياتي ..أم سعد

[al_lord]

اجمل ما يشدني لمتابعة قصصك هو سردك الجميل لها فسلمت يمينك على هذا السرد الرائع

قصص جميله ورائعه تذكرني بالماضي القريب الذي كنا نعيشه

اخر مره جانا جراد اذكر سنه 1987 الجراد الاحمر وكان هناك منع من اكل الجراد لانه مسموم او شي من هالقبيل

[PoBox]

:app2::app2::app2:
:pic:

[@ دانتيل قطر @]

:ok2::ok2::ok2:
فعلا
موضوع
رائع
يعطيك الله العافيه

[الجني]

لا عمري ركبت تاكسي ولا بركب .. بس حسستني انك عووووووووووووووود ههههههههههههه صج سنه كم الجني هالقصه عشان نوثقها يمكن نألف كتاب عن تاريخ قطر ..

اكثر ما يعجبني في اسلوبج الصراحة يا التيما خلج جذيه
في وايد ناس كانت عندهم سيارات و لكن اللي ما عندهم كانوا اكثر مهنم بوايد
و شرفني مرورج


وينك ياخوي ذبحتني وانا واقف عند باب المنتدى العام .... تأخرت وايد اليوم وانا صار عندي ادمان لقصصك الرائعه .... تدري انا صغير واحب اسمع سوالف لول ......

يعطيك العافيه على السرد الجميل للماضي العجيب


الله يوفقك يارب

و انا بعد صغير يا ناصر

الفرق اللي بيني و بينك اني اركب بيجو و انت كروزر


اسلوووب جدا جدا جمييل دليل على مقدرتك على تاليف كتاب تاريخي جديد<<<هههههههههه
ولا تحاتي ..المراجعه خلها علي ..أنا اتكفل بها..<<<هههههههه

لك الف شكر على القصه ..
تحياتي ..أم سعد

و الله ما استغني عن توجيهاتج و نصائحج يا ام سعد
شرفني مرورج اختي


اجمل ما يشدني لمتابعة قصصك هو سردك الجميل لها فسلمت يمينك على هذا السرد الرائع

قصص جميله ورائعه تذكرني بالماضي القريب الذي كنا نعيشه

اخر مره جانا جراد اذكر سنه 1987 الجراد الاحمر وكان هناك منع من اكل الجراد لانه مسموم او شي من هالقبيل

اخوي اللورد قاموا يخوفونا بالجراد الاحمر و العفريت الازرق و الا ليش يرشونه من كثر الزراعه اللي عندنا و الجراد هو نفس الجراد

شرفني مرورك و تعليقك يا اللورد



:app2::app2::app2:
:pic:

البوكسينغ يووز عني كل ما اسوي شي و انت لا حقني بكيمرتك
في حقوقق طبع و ملكية فكريه

تصدق كان عندي فطام جدي بس ضيعه احد اخواني



:ok2::ok2::ok2:
فعلا
موضوع
رائع
يعطيك الله العافيه

مرورج الاروع اختي قطرية

[متفائله]

أسلوب رائع في السرد وطريقه تجذب القارئ ويعطيك العافيه

[الجني]

أسلوب رائع في السرد وطريقه تجذب القارئ ويعطيك العافيه

الله يعافيج اختي متفائله

شرفني مرورج و تعليقج

[miss-qatr]

الصراحه يعطيك العافيه على هالاسلوب الرائع


بس نصيحه خل القصه اطول شوي :ok: يعني بالديتلز




تســـــــــــلم :)

[سهم طايش]

هههههههههههههه عيل يا دوب مرت علي 24ساعة اكيد دريول التكسي لابس كوت و قحفية

يا ليت اخوي الجني اتكلم عن الباعه المتجولين في تلك الفترة

الف مليار شكر لك و على روحك الطيبة

[بنتكم]

شاقول .....قواك الله وعساك ع طول للامام مافية احسن من جذيه

[% ام فهد %]

ههههههههههههههههههههه

والله ذبحتني من الضحك

عيل طلعت من النوع اللي يطل

يعاين التكسي قبل لا يخليه يوصله

و يشغل التيربو (( على قولتك )) ينادي الوالده

هههههههههههههههه

الله يعطيك الف عافية اخوي

[ابوعلي]

ما شاء الله عليك يا رواي المنتدى :ok::ok::ok::ok::ok:

اول ما قريت موضوعك تذكرت تكاسي البيجو ولما شفت الصور قلت ما شاء الله عليك :thumbup1:

[N7eEeS]

مادري وين البيجو اختفى اول المصريين كل عندهم بيجو ستيشن :)
ويعطيك العافيه ماحلى الماضي وخاصة فترة الطفوله .

[بدور]

يعطيك العافيه اخوي


يازين هالذكريات الطيبه

[الجني]

الصراحه يعطيك العافيه على هالاسلوب الرائع


بس نصيحه خل القصه اطول شوي :ok: يعني بالديتلز




تســـــــــــلم :)

خفت يكون الطرح ممل و لكن ابشري ان شاء الله

و شرفني مرورج اختي



هههههههههههههه عيل يا دوب مرت علي 24ساعة اكيد دريول التكسي لابس كوت و قحفية

يا ليت اخوي الجني اتكلم عن الباعه المتجولين في تلك الفترة

الف مليار شكر لك و على روحك الطيبة

قصدك "الحواي" اللي يمشي و يقول "تشيت تشيت"
ان شاء الله

و روحك اللي طيبة اخوي سهم طايش




شاقول .....قواك الله وعساك ع طول للامام مافية احسن من جذيه

الله يقوج اختي الخلليجية و شرفني مرورج



ههههههههههههههههههههه

والله ذبحتني من الضحك

عيل طلعت من النوع اللي يطل

يعاين التكسي قبل لا يخليه يوصله

و يشغل التيربو (( على قولتك )) ينادي الوالده

هههههههههههههههه

الله يعطيك الف عافية اخوي

الله يعافيج ام فهد و يبلغج بفهد ان شاء الله
شرفني مرورج و تعليقج الرائع


ما شاء الله عليك يا رواي المنتدى :ok::ok::ok::ok::ok:

اول ما قريت موضوعك تذكرت تكاسي البيجو ولما شفت الصور قلت ما شاء الله عليك :thumbup1:

ذكرتني بالراوي الشاعر اللي في رمضان عقب الفطور
شرفني مرورك اخوي بو علي




مادري وين البيجو اختفى اول المصريين كل عندهم بيجو ستيشن :)
ويعطيك العافيه ماحلى الماضي وخاصة فترة الطفوله .

الله يعافيك اخوي N7eEeS شرفني مرورك و تعليقك

[الجني]

يعطيك العافيه اخوي


يازين هالذكريات الطيبه

الله يعافيج اختي بدور

شاكر لج مرورج الكريم

[Pro]

على طاري السيارة
الوالد كان عنده بيك أب
خبرك للتجارة و العمال
و أتذكر كان فيه مسجل عجيب
شريط شمتنه نفس أشرطة سيارات الشيفر و الكابرس
و كان دايم يسمع الأخبار أول ما ينزل
يطلع لنا اخوي العود الفهيم
و يسمعنا بعض الأغاني
و طبعا كلها كانت أجنبيه
لأن هذه الأشرطة نادر ما تحصل عليها اغاني عربيه
إلا أم كلثوم و كان مدمن على اغاني ام كلثوم
و الوالد سم ضروسه الأغاني
مع انه كان يبيع مسجلات
:unsure::unsure:
و تدرون إني استانس لين اركب التاكسي
ركبته قبل لا يتكنسل إلعام تقريبا كنت راجع من دبي
و لا أقز التاكسي البرتقالي
طبعا كروه طبوا علي قلت لهم لا ما ابي
و أركب التاكسي البرتقالي
اول ماركبت وياه إلا هذا البتاني و يبين فيه الوقار
سلمت عليه و قلت له انت شتسوي اهني
ضحك و فهم إيش أقصد
و قالي إحنا مجموعه صغيره تمينا و مدودا لنا ستة شهور
و قالي خلاص انا اخلص المدة و أروح البلاد
قلت له ليش ما تشتغل في كروه
قالي انا ما اعرف إلا التاكسي
و كروه ما يبوني انا بلحيتي و سني
و قام يسولف الأخ عن حياة التكاسي في قطر
و في الطريق ما انسى فعلته
طلع لي دهن عود ربع توله
و قالي جيب هزا دهن عود أصلي
أنا إزا يحب رجال يطلع دهن عود أصلي
و فتح التكايه جوف هزا أغلى دهان عود
و يوم أجوف في التكايه إلا الغراش مرصصه بإنتظام
من دهن عود و مسك و جميع انواع العطور
و قلت له اكيد انت تبيع
قالي و هو يبتسم هزا حق زبون
بس زبون زين انا يعطي عطر زين
زبون ما في زين ما يعطي عطر
نزلت و عطيته المقسوم
و أثر فيني هذا المسكين
و صورته لين اللحين ما تغيب عن بالي
بلحيته البيضه و وجهه المنور
-
-

[خفايا الروووح]

والله عليك سوالف حلوه..

بس بخصوص البيجو انقلبنا فيها مره واحنا ع خط السعوديه والله ستر بس سوالف هالسياره عجيبه ..ويوم خالي الله يرحمه يتحدى الوالد ويطلع له وحده اجدد منه :D والله خليتني اتذكر شغلاااات

http://www.jawaher-qtr.net/uploads/e7aead17ae.jpg

الوالد عنده وحده مثلها بالضبط ومخليها ف متحف بيتنا :o

[لولوتي]

توني بقوم اجيب صورتي ويااخوي واحنا واقفين احذا البيجو مال خالي وكاشخين
ماادري بس جنه شتا لابسين صوف ومتسمتين حق التصوير:pic:

بس رفعت راسي ومالقيت الاسكنر عشان انزل الصوره ماادري من طيره:mad:

[nor85]

عيشتنا الاجواء