للمزيد من المعلومات حول الودائع البنكية ..

[قناص الاسهم]

السلام عليكم ورحمة الله وبركاته ..
اخواني الكرام لاحظت الكثير من الاساله تتردد حول موضوع الارباح البنكيه على الودائع في البنوك وحول تخفيض نسبة الفائدة 0.25 نقطة مئوية وحبيت افيدكم ببعض المعلومات الي وفقني الله لمعرفتها خلال اليومين الماضيين :
بداية لو شخص فكر يحط مبلغ مثل مليون ريال في مصرف قطر الاسلامي على سبيل المثال .. الي بيصير كا التالي :
اول شي تحدد نوع الوديعه؟ هل هي وديعة استثمار عاديه او وديعة امان او او او الخ
ثاني شي تحدد المده الزمنية للوديعة في البنك .. هل هي 6 شهور / او سنه ؟؟

المعلومات الي املكها حاليا تدور حول وديعة الامان .. ومواصفاتها كالتالي :
قيمة الوديعة يجب الا تقل عن : 100,000 ريال كحد ادنى والباب مفتوح لاعلى .
المدد الزمنيه المتوفره حاليا : 6 شهور و سنه كامله ( قابل للتجديد ) وراس المال مضمون ( باذن الله وما عليه خوف)
الميزه في هذا النوع من الوديعة: تقدر تسحب 10 % من قيمة الوديعة من غير ما تنكسر عليك الوديعة وارباحك محفوظة على باقي المبلغ .
لو حطيت مبلغ يقل عن 500.000 ريال .. نسبة الارباح ستكون : 5.75 %
لو حطيت مبلغ فوق الـ 500,000 ريال .. نسبة الارباح ستكون : 6.00 %
والارباح توزع كل ثلاث شهور ( اربع مرات في السنة الميلادية )

خلونا ناخذ مثال بشكل اوضح :
نفترض ان واحد بيحط مليون ريال ( 1000.000 ) نسبة الارباح 6% في السنه
الحسبة بتكون كالتالي :
1000,000 * 6% = 60,000 ريال ( في السنه )
60,000 / 12 ( شهر ) = 5000 ريال شهريا
الوديعه توزع 4 مرات في السنه ( كل 3 شهور مره ) = 5000 * 3 = 15000 ريال شهريا .
اتمنى اكون قدرت اوصل المعلومه بشكل واضح ومبسط لجميع الاخوان .. وانا حاظر لاي استفسار .
الله يوفقنا جميع ان شاء الله .