المساعد الشخصي الرقمي

مشاهدة النسخة كاملة : محطات في حياة الجني (5) الجني و التلفزيون


الجني
02-11-2007, 02:16 AM
بسم الله و الحمد لله و الصلاة و السلام على رسول الله
و على اله و صحبه اجمعين

الجني و التلفزيون



اول ما دار التلفزيون سمعنا عنه و كان ضرب من الخيال

و اشتروا جيرانا تلفزيون ابيض و اسود

التلفزيون الملون طلع بعد عدة سنوات

و كانت شاشة التلفزيون يمكن 13 بوصه بحجم الكمبيوتر

و شاع في الفريج ان تلفزيون الظهران

سوف يبث فلم "الغوريلا ابو عين وحده" ثاني يوم مساءً

و لكم ان تتخيلوا حجم الفضول عندي لمشاهدة الفلم

ليس لمتابعة القصة بل لمشاهدة التلفزيون

و كيف ممكن ان تتحرك الصورة و تطلع منه

و ثاني يوم رحت اسحب امي معاي الى بيت الجيران

علشان نشوف فلم "الغوريلا ابو عين وحده"

وصلنا متأخرين و لم نجد تذاكر للمشاهده ههههههههه

من كثرة الزحمه في بيت الجيران

و بيتهم كان صغير اضطريت اتدعس

علشان اوصل للتلفزيون و اشوف

جزء من الفلم عن العين و النفس

و لمحت الغوريلا ابو عين وحدة

شيء عجيب غريب

و كان على بالي انه يوجد غوريلا بعين وحده

و رجعنا البيت بسرعة

ثاني يوم في المدرسة الجني ما ترك

احد ما قال له عن الغوريلا ابو عين وحده

و بعض الاولاد متشفقين يشوفونه


بالضبط مثل عيال اليوم لما يشترون

بلاي ستيشن حديثة و يزابون

على ربعهم


بعد فترة شرينا تلفزيون بس المشكله

ان البيت دنشل و ما قدرنا نحط الاريل (الهوائي) فوق السطح

اضطرينا نحط الاريل فوق سطر الجيران

و كان سطحهم مسلح . خلونا نوقف شوي

انا اول ما سمعت عن البنيان المسلح

كان على بالي بيت فيه سلاح

و كان الجميع يتحدثون يبون يبنون بنيان مسلح

و انا يروح فكري على السلاح

والقصد حديد تسليح و اسمنت

نرجع للأريل فوق سطح الجيران

تشاركنا مع الجيران في نفس الاريل

و كانت ماسورة الاريل محطوطة

في درام مليء بالحصى للتثبيت

و مثبت في الماسورة سبانه (مفك سباكه) لسهولة الفر

و علشان نشوف القناه نحتاج جيش

واحد يفر الماسورة فوق سطح الجيران

و واحد تحت في الحوش

و واحد عند الدار اللي فيها التلفزيون

و الوالدة تشوف التلفزيون اذا واضح ام لا

ولكم ان تتخيلون الصراخ

"بعد"

"بعد"

"بعد"

"واضح شوي"

"واضح"

"زلال" اذا الصورة واضحه جداً

"زلال"

"خربتها"

"ارجع"

"ارجع"

"بس"

"بس"

"زلال"

و كل كلمه كانت تتناقل بين الطابور من السطح الى الدار

احلى شيء لما نتهاوش مع الجيران

احنا نبي نشوف الدوحه

و هم يبون يشوفون الظهران

و كل قناة لها توجيه اريل مختلف

و الاريل مشترك

عيالهم يروحون يفرون الاريل على الظهران

و عقبهم احنا نروح نفره على الدوحه

(كنت انصحهم يركبون دش و يفكون عمرهم بس خالك اصمخ)

احلى برنامج عندي كان الينانوه (الجنانوه)

يعني الرسوم المتحركه

كنا نطلق على الرسوم المتحركة اسم "الينانوه"

كانت الوالده اول ما تشوف الرسوم المتحركة

تناديني "تعال شوف الينانوه" و ركض على الرسوم المتحركة

بعدين تطور الوضع و اخترع القطريون

التلفزيون الملون مع الاريل ابو مكينه اوتوماتيك

و العجب العجاب كاااااااان ............



الريموت كونترول



نقله نوعيه من تلفزيون ابيض و اسود واريل فوق السطح

الى تلفزيون ملون و اريل اوتوماتيك و ريموت كونترول




اما الفرجه , نسوان و بنات الفريج و الافلام

اول ما نزلت افلام فاتن حمامه و عمر الشريف و عماد حمدي

و فلام حب و غرام و نهايات دراميه

دموع و صياح و سناسين




و من فريج بسيط الى مشاهد فيها فلل و اثاث و كراسي و سيارات

و لبس و فساتين و قصير و مزلط شيء جديد على المجتمع

و هم معجعجين في دراريع ما يلبسونها الخادمات الحين




اما الريايل اذا طلعت سميرة توفيق تغني

يتبريدون و توقف السوالف ويصاوخون

و كلٍ يطالع سميرة توفيق




و بعد ما سكنا في البيوت الشعبيه المسلحه

دار الفيديو و كان بـ 5000 ريال

و الشريط الفاضي بـ 130 ريال

علشان نسجل من التلفزيون و نعيد تشغيله

قبل او بعد ساعات البث

و كنا مستانسين عليه


و صلى الله على سيدنا محمد و على اله و صحبه و سلم

محطات في حياة الجني (4)
http://www.qatarshares.com/vb/showthread.php?t=142592

محطات في حياة الجني (3)
http://www.qatarshares.com/vb/showthread.php?t=142272

محطات في حياة الجني (2)
http://www.qatarshares.com/vb/showthread.php?t=142031

محطات في حياة الجني (1)
http://www.qatarshares.com/vb/showthread.php?t=141863
Qa6ar
02-11-2007, 02:20 AM
ايام الله يكون بالعون

ومحطه جميله اهم شيء واضح واضح
الجنوبي 111
02-11-2007, 02:23 AM
أسلوبك جميل في سرد الأحداث


شاكر لك طرح الموضوع


ودمت بكل خير
السديم
02-11-2007, 04:42 AM
:ok::ok::ok::ok:


رائع يالجني رائع في سردك ..

مجلسه امي حذاي واسولف لها الا تقول جنيكم شكله من جيلنا :rolleyes2:

يحليله ويعرف للنت بعد ..

علميني على المنتدى عشان اسولف لكم انا بعد :tease:

الله يعطيك العافيه ..

ومتابعين باستمتاع للجزء ال 100
nooora
02-11-2007, 09:35 AM
اي بالله جانت أيام حلوه
سهم طايش
02-11-2007, 10:16 AM
ههههههههههههههههههههههههههههه

ذبحتني من الضحك يا الجني صج ايام حلوه كانت

بسألك ليش الشياب يحبون المصارعة ؟؟

ملاحظة : ( محطات الجني رقم 5 و ليس 4 ) ارجو التصحيح يا الجني
بدور
02-11-2007, 01:26 PM
ههههههههههههههه


الله يعطيك العافيه يا النبته الصالحه وجزا والديك الجنه اخوي

دخلت المنتدى عشان اشوف مسلسل الجني >>> متابعتك تكفى عطنا من ذكرياتك الطيبه
miss-qatr
02-11-2007, 01:51 PM
كنا نطلق على الرسوم المتحركة اسم "الينانوه"

كانت الوالده اول ما تشوف الرسوم المتحركة

تناديني "تعال شوف الينانوه" و ركض على الرسوم المتحركة

هههههههههههههههه الله يا الجني خساره ايام حلوه مالحقنا عليها

الحين اليهال يبون ديزني لاند يشوفون الشخصيات الله على ايام قبل

بس ايام السبعينات التلفزيونات موجوده :con2: كنت اظن ببدايه الستينات أو نهايه الخمسينات -----------يعطيك الف عافية:thumbup:
بوناصر-قطر
02-11-2007, 02:16 PM
خسارة وين كنت عن القسم العام crazy

الصراحة اخوي الجني سردك لهذه الوقائع أكثر من رائع

=======

الظاهر اني في نفس سنك او انت أكبر مني بقليل :rolleyes:
أول مادارت التلفزيونات في فريجنا شروه بيت جيراننا أيضا" واحنا شريناه بعدهم بفترة لا أذكرها
المهم أول ماشرينا احنا التلفزيون استغربت من شيء وهذا كله مايستدعي الاستغراب
كانت محطة قطر تقريبا" وكان الوقت وقت أخبار فالمرأة اللي تقدم الأخبار آشوفها في تلفزيوننا بشكلها آرووح بيت الجيران سبحان الله نفس الشكل
أقول في قلبي شدعوه تلفزيونهم نفست تلفزيوننا crazy
آرجع البيت الا المرأة نفسها ماتغيرت .. آركض صوب بيتهم نفس المرأة ونفس المكان فصادتني عقدة من أول يوم تلفزيون مع ان الموضوع مايستاهل

كانت أيام والله

=======

اخوي الجني حاشني ( على قول اهل الكويت ) فضول السؤال عن شيء دوما" تكرره في مواضيعك هذه وهو ذكرك للوالده كثيرا" الله يطول عمرها ان كانت موجودة والله يرحمها ويرحم موتى المسلمين ان كانت غير موجودة

ذكرك للوالده دون ذكر الوالد فيني فضول آعرف سبب الإكثار في ذكر الوالده وسبب الندرة في عدم ذكر الوالد

آخر ملاحظة
الرقم (4) ورد مرتين فياريت واحد من الخبراء يغير رقم الحلقة من (4) الى (5) مع الشكر
qtrgirl
02-11-2007, 02:27 PM
سلام قول من رب رحيم

جني وما شاء الله عليك عندك هالاسلوب اللي يدش القلب شلون لو بني ادم

عيل انت جني مسلم

ترى اتغشمر يعطيك الف عافيه اخوي
Pro
02-11-2007, 02:30 PM
و الله ذكرتني بالماضي
انا لست من جيلك
و لحقت على التلفزيون الملون
بو أريل
لين تطورنا ركب لنا اخوي العود أريل فوق السطح
و الميزة في هذ الأريل أن بـيــبه مدور جاي من الدور الأرضي لي فوق السطح
المهم و كنا نعدل الأريل من تحت نمسك البيب و نفره و يفتر الأريل بكبره
و يوم الوالد راح الإمارات جاب لنا المكينه إلي تفر الأريل
و ذاك اليوم سوينه حفله طبعا يقود الحفلة أخوي العود
و إحنا طبعا كلنا ما نفهم و هو أبو الفهامه
و من فهمه ما قدر ايشغل الموتور
و وعدنا ان بكره يشغله
إكتشفنا بعدين ان أبو الفهامه راح بيت رفيجه
يغش طريقة التوصيل
و أشتغل الأريل
و بعد أسبوع و لا مخترب
تدرون ليش
انا و أخوي إستلمنا الأريل
و بالدور انا داخل و هو برا
يقولي فره يممممممين يالله فره يسار
و هو يطالع الأريل يفتر
و لي خلص انغير مواقعنا
كنا ما نشوف التلفزيون كثر ما نشوف الأريل و هو يفتر
كل شيء و لا الرموت الداخلي
كنا نستانس على صوته و حركته
و كنا نتحدى بعض شلون نوحد مؤشر الرموت
بحركة الأريل الخارجي
-
-
و طبعا بحكم تجارة الوالد
كنا اول ناس نحصل على الأجهزة الإلكترونيه المتطوره
و عندي في البيت مجموعه من الروادو القديمه بصورها لكم
-
-
و لكن الحمدلله على هذه النعمه
كنا وين واللحين وين
-
-
دخلت بيتنا القديم من سنه
و ما تخيلت إني كنت في هذا البيت
كل شيء صغير المطبخ و انتوا بالكرامه الحمام
الحوش المجلس الصاله الغرف
و انا مصدوم و أكلم نفسي إحنا شلون كنا عايشين في هذا البيت
و على طول رحت السطح اتذكر قفص الحمام و الدجاج
و درام التانكي الحديد المصدي
-
-
ما أقول إلا الحمدلله
ربنا أعطانا من النعم الكثيره
أعطانا الخير الكثير و وفر لنا الحياة السهلة
لذلك يجب ان نحمده على هذه النعم الكثيرة التي لا تحصى
و لا نتذمر إذا أصابنا مكروه
و لا نرى غيرنا من تغيرت حياتهم للأفضل
بل نحمد الله على إعطائنا هذه النعم الدنيويه و هي فانيه
و الواجب علينا أن نسأل ربنا
ان يعطينا اليقين الصحيح و الهدايه
PoBox
02-11-2007, 02:34 PM
هههههههههههههههههه
احلى محطة هذي
خصوصا سالفة فر الاريل والصراخ
لاني لحقت على أواخرها قبل ماتنقرض

وكنا يوم نصيد بالاريل ابوظبي
بووووووووووو
كانا صايدين القمر

ونقول ماشاء الله ماشاء الله
اول ما يبدا التلفزيون يشوش شوي
نقول للحضور
قولوا ماشاء الله بسرعة بسرعة بسرعة بسرررررررعة
قبل لا يشوش اكثر
ولك ان تتخيل شكل الحضور وهم يرددون خخخخخخخخ
كاننا في مجلس زار


واذا شخص غريب حضر معانا
نحط السبة عليه ان مايعرف ان كلمة ماشاء الله هي اللي تصفي التلفزيون
وهو ماقالها فاخترب كل شي والله يعينه طبعا علينا :vampire:

هههههههههههه


:ok::ok:
@ دانتيل قطر @
02-11-2007, 02:34 PM
:taunt:
دموع و صياح و سناسين

:taunt:

صج أنك فنان في الحزاوي
وأسلوبك ممتع وشيّق
يعطيك الله العافيه
:ok2:
ROSE
02-11-2007, 02:38 PM
متابعتك من الجزء الاول

بصراحه سوالفك تجنن وايام حلوه وبسيطه كانت
Pro
02-11-2007, 02:56 PM
هههههههههههههههههه
احلى محطة هذي
خصوصا سالفة فر الاريل والصراخ
لاني لحقت على أواخرها قبل ماتنقرض
وكنا يوم نصيد بالاريل ابوظبي
بووووووووووو
كانا صايدين القمر
ونقول ماشاء الله ماشاء الله
اول ما يبدا التلفزيون يشوش شوي
نقول للحضور
قولوا ماشاء الله بسرعة بسرعة بسرعة بسرررررررعة
قبل لا يشوش اكثر
ولك ان تتخيل شكل الحضور وهم يرددون خخخخخخخخ
كاننا في مجلس زار
واذا شخص غريب حضر معانا
نحط السبة عليه ان مايعرف ان كلمة ماشاء الله هي اللي تصفي التلفزيون
وهو ماقالها فاخترب كل شي والله يعينه طبعا علينا :vampire:
هههههههههههه
:ok::ok:

كل شي و لا أفلام عادل إمام كل خميس
و نكمل على الفيلم الهندي السهره
قطر
02-11-2007, 03:18 PM
انا زعلالالالالالالالالالالان
:spider:


:sorry:


ويني انا عن هالمحطاااااات


بروح اقرا اللي فاتني


صج صج استمتعت وانا اقرا


جزاك الله خير :pardon:
خفايا الروووح
02-11-2007, 05:19 PM
هههههههههههههه

عجيب عجيب يالجني:dance
ناصر العمادي
02-11-2007, 07:54 PM
يعطيك العافيه على الذكريات الحلوه ..... ومتابع على طول ان شاء الله

الله يوفقك دنيا واخره ان شاء الله

تحياتي لك
ابوعلي
02-11-2007, 08:08 PM
ذكرتنا بالتلفزيون الابيض والاسود يالغالي

كنا نحط ملاس مكان الاريل لأن الاريل الي مع التلفزيون كسرناه

فكانت الوالده اذا تعصب علينا من قريب تاخذ الملاس وضرب فينا:eek3:
المهاجر
02-11-2007, 08:15 PM
يا زينها من ايااام اخوي الجني

ذكرتنا باحلى ايام العمر

الله يذكرك باشهاده
بنتكم
02-11-2007, 08:43 PM
بالتوفيق ماشاء الله عليك احنا معاك وننطر المحطة الياية
التيما
02-11-2007, 09:53 PM
ماااااااااااااااقدر هههههههههههههههههه رووعه هالمره عن التلفزيون صراحه عجييييييييب .. ضحكتني لمن ذكرت عن اللي يتمون فوق يلفون الأريل والثاني تحت .. بعد ؟ لالالالا .. بعد .. ههههههههههههههههه

يعطيك العافية
أمة الله
02-11-2007, 10:51 PM
ما شاء الله عليك سوالفك وطريقة سردك رهييييييييييبه

تكفى لا تبخل علينا بمحطاتك وخلها مسلسل مكسيكي ومن عشر طعش ألف حلقه :)
relaax
02-11-2007, 11:42 PM
:ok::ok:

اذكر كان مع الاريل جاهز تحطه عند تلفزيون و تفره على اتجاه القناه لين ما تصيدها وشخط بالقلم على الاتجاه للمره الجايه

وسمع حنت الجاهز وهو يفتر :rolleyes2:

كانت ابوظبي الظهر :ok2:
لجين
03-11-2007, 12:14 AM
لا زال التلفزيون (ابيض واسود ) عندنا للذكرى : )

وتقول الوالدة اول ماطلع التلفزيون بعض الحريم الكبار يغطون وجوههم اذا طلع المذيع : )
بوناصر-قطر
03-11-2007, 12:59 AM
وتقول الوالدة اول ماطلع التلفزيون بعض الحريم الكبار يغطون وجوههم اذا طلع المذيع : )

الله يرحم الوالده ويرحم الملك فيصل
الوالده كانت تتغطى اذا طلع الملك فيصل تحديدا" في التلفزيون ولاتسألوني ليش لأني ما أدري
دلة الرسلان
03-11-2007, 01:25 AM
مشكور يا الجني على تصويرك خاطري اشوفكم وانتو متعلقيين في الاريل ... احنا احسن اريلنا

في حوشنا وبيتنا اول بيت في الفريق يجيب تلفزيون وهذا عطانا مكانة بين عيال الفريق ما

ننضرب الا وناخذ حقنا ... نطرد المغضوب عليه من حوشنا ما يشوفون التلفزيون :taunt:

واتذكر مره كان فيه لقطة يمر فيها القطار عاد من الخرعه دنع الصف الاول- رجال - بعدين

الصف الثاني صبيان وبعدين صف الحريم .

الكرتون كنا نسميه السكون المتحركه (الجنانوه )
الـدانـه
03-11-2007, 01:38 AM
ذكرتنا بالتلفزيون الابيض والاسود يالغالي

كنا نحط ملاس مكان الاريل لأن الاريل الي مع التلفزيون كسرناه

فكانت الوالده اذا تعصب علينا من قريب تاخذ الملاس وضرب فينا:eek3:



:funny::funny::funny:


احاول اتخيل شكله بالملاس :rolleyes2:
miss-qatr
03-11-2007, 04:12 AM
الجني طلعت سوالف اخوانا الاعضاء اتجنن ههههههههههههه


اول مره استمتع بردود موضوع لان كل شخص فيهم يقول احلا ذكرياته


يعطيكم الف عافيه للكل :)
Aljans
03-11-2007, 10:42 AM
حسب كلام الوالد المحطة الوحيده كانت الظهران ومرة لما قال المذيع نراكم الأسبوع القادم طفوا التلفزيون و مافتحوة الا بعد أسبوع. الأفلام الأجنبية كانت تنطق عربي المهم دخل واحد على ناس في البار و قال السلام عليكم.
ابوعلي
03-11-2007, 10:45 AM
:funny::funny::funny:


احاول اتخيل شكله بالملاس :rolleyes2:

اسئلي الجني :tooth::tooth::tooth:
على قد حالها
03-11-2007, 12:09 PM
ماشالله روعه روووووووعه صج انك يني ....كمممممممل سوالفك تونس الصراحه
% ام فهد %
03-11-2007, 06:48 PM
هههههههههههههههههههههه

الله يعطيك العافية اخوي الجني

والله ذكرتني

بس انا لحقت على التلفزيون الملون بس اللي بدون ريموت

و لحقت على الابيض و الاسود في اواخر جيله

و الله كانت ايام حلوة

اذكر مرة كان الاريل اللي عندنا خربان ما ادري اش سالفته

على ايام الارايل اللي فوق اللي جنها عظم سمجه

اكيد عرفتوها

المهم

راحت الوالده و حطت لنا معلاقه حديد

هي صج الصورة ما كانت لين هناك بس يالله كانت تمشي الحال

و تمينا على هالاريل اللي اخرعته الوالده لين شرينا اريل بو كهرب

واذكر بعد جدتي الله يطول في عمرها كان عندها تلفزيون اسود وابيض بو دريشه

للحين عندها

والله ان ذيج الايام كلها خير وبركه

...................

لك مني كل الشكر

في انتظار جديدك من المحطات
الجني
03-11-2007, 11:20 PM
ايام الله يكون بالعون

ومحطه جميله اهم شيء واضح واضح

ومرورك اللي اجمل اخي Qa6ar

واضح واضح :D


أسلوبك جميل في سرد الأحداث


شاكر لك طرح الموضوع


ودمت بكل خير

شرفني مرورك اخي الجنوبي


:ok::ok::ok::ok:


رائع يالجني رائع في سردك ..

مجلسه امي حذاي واسولف لها الا تقول جنيكم شكله من جيلنا :rolleyes2:

يحليله ويعرف للنت بعد ..

علميني على المنتدى عشان اسولف لكم انا بعد :tease:

الله يعطيك العافيه ..

ومتابعين باستمتاع للجزء ال 100

الله يعافيج و يعافي الغالية


اي بالله جانت أيام حلوه

شرفني مرورج يا نوره


ههههههههههههههههههههههههههههه

ذبحتني من الضحك يا الجني صج ايام حلوه كانت

بسألك ليش الشياب يحبون المصارعة ؟؟

ملاحظة : ( محطات الجني رقم 5 و ليس 4 ) ارجو التصحيح يا الجني

هههههههههههه
صج والله و يشتطون مع المصارعه



ههههههههههههههه


الله يعطيك العافيه يا النبته الصالحه وجزا والديك الجنه اخوي

دخلت المنتدى عشان اشوف مسلسل الجني >>> متابعتك تكفى عطنا من ذكرياتك الطيبه

الله يعافيج يا بدور

الله يسهل الوقت بس


كنا نطلق على الرسوم المتحركة اسم "الينانوه"

كانت الوالده اول ما تشوف الرسوم المتحركة

تناديني "تعال شوف الينانوه" و ركض على الرسوم المتحركة

شرفني مرورك اختي مس قطر

هههههههههههههههه الله يا الجني خساره ايام حلوه مالحقنا عليها

الحين اليهال يبون ديزني لاند يشوفون الشخصيات الله على ايام قبل

بس ايام السبعينات التلفزيونات موجوده :con2: كنت اظن ببدايه الستينات أو نهايه الخمسينات -----------يعطيك الف عافية:thumbup:

الله يعافيج اختي وشرفني مرورج


خسارة وين كنت عن القسم العام crazy

الصراحة اخوي الجني سردك لهذه الوقائع أكثر من رائع

=======

الظاهر اني في نفس سنك او انت أكبر مني بقليل :rolleyes:
أول مادارت التلفزيونات في فريجنا شروه بيت جيراننا أيضا" واحنا شريناه بعدهم بفترة لا أذكرها
المهم أول ماشرينا احنا التلفزيون استغربت من شيء وهذا كله مايستدعي الاستغراب
كانت محطة قطر تقريبا" وكان الوقت وقت أخبار فالمرأة اللي تقدم الأخبار آشوفها في تلفزيوننا بشكلها آرووح بيت الجيران سبحان الله نفس الشكل
أقول في قلبي شدعوه تلفزيونهم نفست تلفزيوننا crazy
آرجع البيت الا المرأة نفسها ماتغيرت .. آركض صوب بيتهم نفس المرأة ونفس المكان فصادتني عقدة من أول يوم تلفزيون مع ان الموضوع مايستاهل

كانت أيام والله

=======

اخوي الجني حاشني ( على قول اهل الكويت ) فضول السؤال عن شيء دوما" تكرره في مواضيعك هذه وهو ذكرك للوالده كثيرا" الله يطول عمرها ان كانت موجودة والله يرحمها ويرحم موتى المسلمين ان كانت غير موجودة

ذكرك للوالده دون ذكر الوالد فيني فضول آعرف سبب الإكثار في ذكر الوالده وسبب الندرة في عدم ذكر الوالد

آخر ملاحظة
الرقم (4) ورد مرتين فياريت واحد من الخبراء يغير رقم الحلقة من (4) الى (5) مع الشكر

الله يعافيك و لا تخاف تراك انت اكبر مني :D


سلام قول من رب رحيم

جني وما شاء الله عليك عندك هالاسلوب اللي يدش القلب شلون لو بني ادم

عيل انت جني مسلم

ترى اتغشمر يعطيك الف عافيه اخوي

الله يعافيج اختي و شكرا للتعليق الذرب
الراقية
03-11-2007, 11:27 PM
crazycrazycrazycrazycrazy


اما الريايل اذا طلعت سميرة توفيق تغني

يتبريدون و توقف السوالف ويصاوخون

و كلٍ يطالع سميرة توفيق


يعني هالموضوع من زمان مب بس الحين يفهون لين طلعت هيفاء ونانسي واليسا

:court::court::court::court::court:


يعطيك العافية يالجني ومحطاتك رائعة
الجني
03-11-2007, 11:31 PM
و الله ذكرتني بالماضي
انا لست من جيلك
و لحقت على التلفزيون الملون
بو أريل
لين تطورنا ركب لنا اخوي العود أريل فوق السطح
و الميزة في هذ الأريل أن بـيــبه مدور جاي من الدور الأرضي لي فوق السطح
المهم و كنا نعدل الأريل من تحت نمسك البيب و نفره و يفتر الأريل بكبره
و يوم الوالد راح الإمارات جاب لنا المكينه إلي تفر الأريل
و ذاك اليوم سوينه حفله طبعا يقود الحفلة أخوي العود
و إحنا طبعا كلنا ما نفهم و هو أبو الفهامه
و من فهمه ما قدر ايشغل الموتور
و وعدنا ان بكره يشغله
إكتشفنا بعدين ان أبو الفهامه راح بيت رفيجه
يغش طريقة التوصيل
و أشتغل الأريل
و بعد أسبوع و لا مخترب
تدرون ليش
انا و أخوي إستلمنا الأريل
و بالدور انا داخل و هو برا
يقولي فره يممممممين يالله فره يسار
و هو يطالع الأريل يفتر
و لي خلص انغير مواقعنا
كنا ما نشوف التلفزيون كثر ما نشوف الأريل و هو يفتر
كل شيء و لا الرموت الداخلي
كنا نستانس على صوته و حركته
و كنا نتحدى بعض شلون نوحد مؤشر الرموت
بحركة الأريل الخارجي
-
-
و طبعا بحكم تجارة الوالد
كنا اول ناس نحصل على الأجهزة الإلكترونيه المتطوره
و عندي في البيت مجموعه من الروادو القديمه بصورها لكم
-
-
و لكن الحمدلله على هذه النعمه
كنا وين واللحين وين
-
-
دخلت بيتنا القديم من سنه
و ما تخيلت إني كنت في هذا البيت
كل شيء صغير المطبخ و انتوا بالكرامه الحمام
الحوش المجلس الصاله الغرف
و انا مصدوم و أكلم نفسي إحنا شلون كنا عايشين في هذا البيت
و على طول رحت السطح اتذكر قفص الحمام و الدجاج
و درام التانكي الحديد المصدي
-
-
ما أقول إلا الحمدلله
ربنا أعطانا من النعم الكثيره
أعطانا الخير الكثير و وفر لنا الحياة السهلة
لذلك يجب ان نحمده على هذه النعم الكثيرة التي لا تحصى
و لا نتذمر إذا أصابنا مكروه
و لا نرى غيرنا من تغيرت حياتهم للأفضل
بل نحمد الله على إعطائنا هذه النعم الدنيويه و هي فانيه
و الواجب علينا أن نسأل ربنا
ان يعطينا اليقين الصحيح و الهدايه

الله يعطينا واياك الصحه و العافيه اخويPro


هههههههههههههههههه
احلى محطة هذي
خصوصا سالفة فر الاريل والصراخ
لاني لحقت على أواخرها قبل ماتنقرض

وكنا يوم نصيد بالاريل ابوظبي
بووووووووووو
كانا صايدين القمر

ونقول ماشاء الله ماشاء الله
اول ما يبدا التلفزيون يشوش شوي
نقول للحضور
قولوا ماشاء الله بسرعة بسرعة بسرعة بسرررررررعة
قبل لا يشوش اكثر
ولك ان تتخيل شكل الحضور وهم يرددون خخخخخخخخ
كاننا في مجلس زار


واذا شخص غريب حضر معانا
نحط السبة عليه ان مايعرف ان كلمة ماشاء الله هي اللي تصفي التلفزيون
وهو ماقالها فاخترب كل شي والله يعينه طبعا علينا :vampire:

هههههههههههه


:ok::ok:

هههههههههههه
قول ماشاء الله يابوكسينغ



:taunt:
دموع و صياح و سناسين

:taunt:

صج أنك فنان في الحزاوي
وأسلوبك ممتع وشيّق
يعطيك الله العافيه
:ok2:

و مرورج و تعليقج اللي اروع اختي قطرية


متابعتك من الجزء الاول

بصراحه سوالفك تجنن وايام حلوه وبسيطه كانت

مرورج و تشجيعج اللي اروع يا مشرفتنها العزيزة


كل شي و لا أفلام عادل إمام كل خميس
و نكمل على الفيلم الهندي السهره

هههههههههههههه



انا زعلالالالالالالالالالالان
:spider:


:sorry:


ويني انا عن هالمحطاااااات


بروح اقرا اللي فاتني


صج صج استمتعت وانا اقرا


جزاك الله خير :pardon:

هو انا اقدر ازعل الحكومة

تعيش الحكومة هههههههههه

الله يجزيك خير اخوي قطر


هههههههههههههه

عجيب عجيب يالجني:dance

شرفني مرورج اختي خفايا


يعطيك العافيه على الذكريات الحلوه ..... ومتابع على طول ان شاء الله

الله يوفقك دنيا واخره ان شاء الله

تحياتي لك

الله يعافيك اخوي ناصر و تقبل تحياتي


ذكرتنا بالتلفزيون الابيض والاسود يالغالي

كنا نحط ملاس مكان الاريل لأن الاريل الي مع التلفزيون كسرناه

فكانت الوالده اذا تعصب علينا من قريب تاخذ الملاس وضرب فينا:eek3:

بل ملاس مره وحده يا بوعلي
احمد ربك مب مضراب هريس هههههههههه




يا زينها من ايااام اخوي الجني

ذكرتنا باحلى ايام العمر

الله يذكرك باشهاده

اللهم امين
جزاك الله خير اخوي المهاجر
الجني
03-11-2007, 11:45 PM
بالتوفيق ماشاء الله عليك احنا معاك وننطر المحطة الياية

الله يوفقج اختي الخلليجية


ماااااااااااااااقدر هههههههههههههههههه رووعه هالمره عن التلفزيون صراحه عجييييييييب .. ضحكتني لمن ذكرت عن اللي يتمون فوق يلفون الأريل والثاني تحت .. بعد ؟ لالالالا .. بعد .. ههههههههههههههههه

يعطيك العافية

الله يعافيج اختي التيما و ان شاء الله دوم تضحكين


ما شاء الله عليك سوالفك وطريقة سردك رهييييييييييبه

تكفى لا تبخل علينا بمحطاتك وخلها مسلسل مكسيكي ومن عشر طعش ألف حلقه :)

الله يسلمج اختي امة الله
بس ايش نسيوي مع الترجمه هههههههههههه


:ok::ok:

اذكر كان مع الاريل جاهز تحطه عند تلفزيون و تفره على اتجاه القناه لين ما تصيدها وشخط بالقلم على الاتجاه للمره الجايه

وسمع حنت الجاهز وهو يفتر :rolleyes2:

كانت ابوظبي الظهر :ok2:

هذا كان اول اختراع للـ GPS هههههههههه

شرفني مرووك اخوي Relaax


لا زال التلفزيون (ابيض واسود ) عندنا للذكرى : )

وتقول الوالدة اول ماطلع التلفزيون بعض الحريم الكبار يغطون وجوههم اذا طلع المذيع : )

الله يرحم حريم قبل مب الحين
الحين المذيع لي طلع في التلفزيون يغطي ويهه


الله يرحم الوالده ويرحم الملك فيصل
الوالده كانت تتغطى اذا طلع الملك فيصل تحديدا" في التلفزيون ولاتسألوني ليش لأني ما أدري

الله يرحم الوالده رحمة واسعه
شرفني مرورك اخوي بوناصر


مشكور يا الجني على تصويرك خاطري اشوفكم وانتو متعلقيين في الاريل ... احنا احسن اريلنا

في حوشنا وبيتنا اول بيت في الفريق يجيب تلفزيون وهذا عطانا مكانة بين عيال الفريق ما

ننضرب الا وناخذ حقنا ... نطرد المغضوب عليه من حوشنا ما يشوفون التلفزيون :taunt:

واتذكر مره كان فيه لقطة يمر فيها القطار عاد من الخرعه دنع الصف الاول- رجال - بعدين

الصف الثاني صبيان وبعدين صف الحريم .

الكرتون كنا نسميه السكون المتحركه (الجنانوه )


صحيح في ناس كانت تسمي الكرتون سكون
شرفني مرورج يادلة رسلان


:funny::funny::funny:


احاول اتخيل شكله بالملاس :rolleyes2:

بفانيله و وزار فوق سعفه يطير ههههههههههههه


الجني طلعت سوالف اخوانا الاعضاء اتجنن ههههههههههههه


اول مره استمتع بردود موضوع لان كل شخص فيهم يقول احلا ذكرياته



يعطيكم الف عافيه للكل :)

شفتي شلون طلع الحجي طلع
انتي لو تصبرين شوي يغردون بالذكريات


حسب كلام الوالد المحطة الوحيده كانت الظهران ومرة لما قال المذيع نراكم الأسبوع القادم طفوا التلفزيون و مافتحوة الا بعد أسبوع. الأفلام الأجنبية كانت تنطق عربي المهم دخل واحد على ناس في البار و قال السلام عليكم.


هههههههههههههههه

حلوه
والله مواقف عجيبه
الجني
03-11-2007, 11:52 PM
ماشالله روعه روووووووعه صج انك يني ....كمممممممل سوالفك تونس الصراحه

مرورج اللي اروع اختي و شرفني مرورج


هههههههههههههههههههههه

الله يعطيك العافية اخوي الجني

والله ذكرتني

بس انا لحقت على التلفزيون الملون بس اللي بدون ريموت

و لحقت على الابيض و الاسود في اواخر جيله

و الله كانت ايام حلوة

اذكر مرة كان الاريل اللي عندنا خربان ما ادري اش سالفته

على ايام الارايل اللي فوق اللي جنها عظم سمجه

اكيد عرفتوها

المهم

راحت الوالده و حطت لنا معلاقه حديد

هي صج الصورة ما كانت لين هناك بس يالله كانت تمشي الحال

و تمينا على هالاريل اللي اخرعته الوالده لين شرينا اريل بو كهرب

واذكر بعد جدتي الله يطول في عمرها كان عندها تلفزيون اسود وابيض بو دريشه

للحين عندها

والله ان ذيج الايام كلها خير وبركه

...................

لك مني كل الشكر

في انتظار جديدك من المحطات

الشكر موصول لج لمرورج وتعليقج الرائعين ام فهد


crazycrazycrazycrazycrazy


اما الريايل اذا طلعت سميرة توفيق تغني

يتبريدون و توقف السوالف ويصاوخون

و كلٍ يطالع سميرة توفيق


يعني هالموضوع من زمان مب بس الحين يفهون لين طلعت هيفاء ونانسي واليسا

:court::court::court::court::court:


يعطيك العافية يالجني ومحطاتك رائعة

الله يرحم ريايل قبل عن الحين
وسميرة توفيق تعتبر منقبة

مرورج و تعليقج اللي اروع
وطن
04-11-2007, 12:10 AM
ما اتخيلكم وانتو توكم متعرفين على التلفزيون
والفيديو

اوبيــــــــــــــه
شي يعور القلب
صج مساكين مال اول
ماعندهم مثل اللي عندنا

بس بعد يمكن كانت حياتهم احلى وفيها هدوء
احسن من هالأيام
لولوتي
07-11-2007, 11:34 AM
اففففففففففففف
الاريل
يــــــــــــــــاااااااااااا الله
عزززززززززز الظهر الوالد يطرشنا السطح فرووووووا الاريل
بس***لا ***بس ***لا***بعد شوي
وللللللللللللللللل
مايسوى علينا هالاريل:anger3:

ويعطيك العافيه الجني

شكلي بطبع كل المحطات واحتفظ فيها
nor85
18-03-2008, 11:42 AM
الغولا بعين وحده ههههههههههههه