مستثمرون من 50 دولة في اكتتاب "دانة غاز"

[MUBASHER]

مستثمرون من 50 دولة في اكتتاب "دانة غاز"
:eek2:
دخل الاكتتاب العام بقيمة 572 مليون دولار على أسهم شركة "دانة غاز" في الشارقة في دولة الامارات أسبوعه الثاني والأخير، وشهد الأسبوع الأول للاكتتاب إقبالاً غير مسبوق من المستثمرين محلياً وإقليمياً، وشارك في الاكتتاب مستثمرون من أكثر من 50 دولة، تصدرتها دولة الامارات، كما برزت مشاركة السعودية، والكويت، وقطر، وعمان والبحرين بشكل لافت، ويغلق باب الاكتتاب في 3 اكتوبر تشرين الاول المقبل.

[بوخلف]

اخرتها 200 سهم :)

[alsahm 12]

توني جيت امس من دبي بتاريخ 30 وشفت العجب العجاب في بنك المشرق طابور خارج البنك مسافة ميل

خاصه من السعوديين ... المهم توهقت وتمنين اني ماجيت لاكن قلت في نفسي خلني اخلص من الموضوع وفكرت ثما فكرت ثما فكرت مالقيت الى اضربها عجمان وطبعاَ بنمر على الشارقه وخبركم بعد هي زحمه طبعاَ هل كلام ماجا الى من بعد مادخلت 7 بنوك كل واحد عذره معه الى يقول ماعندنا اكتتاب والى الطابور فيه على مسافه لاتصدق والي يقولك ماعندنا اصدار شيكات ... المهم وصلت عجمان ببنك اسمه العربي المتحد قالي لازم تصدر شيك المهم وصلت بنك العربي المتحد فرع ثاني في عجمان واصدرت شيك على اخر الدوام يعني تعب في تعب رديت الفندق وبديت اعد لمغامرة بكره .. المهم صحيت الساعه 7 الصباح والانطلاق الى عجمان
دخلت اكثر من ثلاث بنوك كلها مافيها اكتتاب الى واحد قالتلي الموضفه مانقبل توكيلات قلت لحول متعنيين من الدوحه ومافي توكيلات طيب ليش نتصل من قطر يقولون يقبلون توكيلات قلي الموضف الثاني البنك البريطاني مابيفهموا اشي باللهجه الشاميه قلت اللهياخذك انت وياها لأني عارف انهم يقبلون توكيلات بس الرجال مايبي يتعب روحه يبي يحط رجل على رجل ويشرب شاهي وهات ياسوالف معا الموضفه الى قدامه شوبدك وشومابدك وهات ياثرثره ... المهم عودت على بنك العربي المتحد الساعه 9 والشعب الخليجي متواجد بس قليل لاكن موجودين من السعوديه وقطر وبعض الكويتيين المهم وعبيت الأستمارات الى الساعه 11 .. ويالله يالله خلصت وصلت لين عند الموضف الاخير
يالله خلصني الساعه 12 وبعدي وقفوا استلام الاستمارات وهكذا خلت مغامره من الف ليله وليله ..
طبعاَ المغامره هذي وراه مشقه لاتوصف المشقه الأولى ننتضر التكاسي 30 دقيقه واكثر ياجماعه وين التكاسي قالوي في جيتكس .. وعلى هلمنوال في مرثون التكاسي الممل لدرجه السيارات العاديه قامت تشتغل تكاسي اي والله من ندرتها وانا ركبت 5 سيارات عاديه ماهي تكاسي .. والشغله الثانيه ارتفعت اسعار الفنادق الي كنا نأجرها 200 قمنا نأجرها 700 ... وصراحه تحسفت على جيتي من التعب الي شفته ..

[بوسعد]

أجر وعافية أخوي alsahm 12
ويعطيك ربي خير الأكتتاب ويكفيك شره

[KHALIFA]

اخرتها 200 سهم :)




اي والله صدقت

[alsahm 12]

أجر وعافية أخوي alsahm 12
ويعطيك ربي خير الأكتتاب ويكفيك شره

مشكور أخي وعزيزي بوسعد :)

[qnet]

اكثر من 50 دولة بال خخخخخخخخخخخ الله يكون في عون أهل قطر الي راحوا عيل ما يسوى عليهم ثمن التذكره والفندق واجار السيارة :)

واخرتها على اقل من 500 سهم

ويوم بنتطرح نقول يعني اذا كان 500 سهم بتتراوح من 2-4 دراهم

معروف سوق ابوظبي
تقريبا اعلى سعر سهم القطعات
في قطاع البنوك يوصل متوسط سعر الاسهم يعني من 12 الى 35 درهم :)

وقطاع الخدمات متوسط السعر فيه من 8 الى 25 درهم

قطاع التامين من 5 الى 15 درهم

قطاع الصناعات :)

من 5 الى 30 درهم لا بعد فيه اسهم على 3 دراهم


عيل اذا طرحت دانة غاز يمكن يتراوح سهر اسهم من 2 الى 4 مع لمت اب لها :)

لو نقول كل شخص حصل على 1500 سهم مثلا وهذا في الحلم يعني لانه عدد المكتتبين مشالله

1500*3= 4500 درهم :)
بال وربي العظيم ماااااااااااااااااااااااااااااااا تسوى كل التعب هذا

يعني نقول سعر التذكره 800 ريال + الفندق حق ليلتين 700 ريال + اجار سيارة 300 ريال المجموع 1800
وبعد ها نقول حق الاكل 200 ريال :) كلها تصير 2000 ريال وهذا بعد حق اللعبه هناك نقول 1000 ريال صار
3000 ريال :)
خخخخخخخخخخخخخخ الباقي من بيع اسهم دانه غاز 1500 ريال

يا جماعة والله الشغله ما تسوى


موب بس قالواا سهم يله نطير وراه يعني مثل ما صار في البنك البريطاني الاسلامي
العالم قاااااااامت تطير وراه والحين حتى يمكن بريال ونص سعره :)

الله يوفق الجميع ان شالله والف مبروك حق الناس الي كتتبت :)

[alsahm 12]

يأخوان ليش سعر الاسهم في الامارات منخفضه .. هل فيه عوامل معينه مثل تحديد نسبة الارتفاع والانخفاض او فيه سبب اخر ومشكورين