الي يعرف انجليزي يدخل

[ام علاوي]

السلام عليكم

عندي واجب انجليزي ماعرف احله

المطلوب اكتب عن الأجازه
where did you go
who did you go with
where did you stay
where did you go there
what did you do
did you enjoy your holiday
المطلوب اكتب قطعه عن الاجازه ابيه اليوم في حدود 80 كلمه

[BURBERRY]

السلام عليكم

عندي واجب انجليزي ماعرف احله

المطلوب اكتب عن الأجازه
where did you go
who did you go with
where did you stay
where did you go there
what did you do
did you enjoy your holiday
المطلوب اكتب قطعه عن الاجازه ابيه اليوم في حدود 80 كلمه

وين رحتي في الاجازه؟
مع من رحتي؟
وين قعدتو؟
شسويتي هناك؟
استانستو في الاجازه؟

جوابي و ان شاء الله اقدر اساعدج في القطعه :nice:

[qatar2go]

يعطيكم العافية:whistling:

[سعر الأغلاق]

اهلين اختي ام علاوي .. ذكرتيني بالواجبات والدراسه .. الله يادنيا .. ده كان زماااان..

عموما انا كتبت لك 107 كلمه .. يعني 27 كلمه فوق البيعه.. طبعا تقدرين تعدلين فيها على راحتك ... لكن اذا انتي من الأمارات .. اقلبي الرحله على قطر .. لأني خليت الأجازه في دبي



On my vacation, I went to UAE with my family

We flew from Doha In the early morning and the trip took 45 minutes to Dubai International Airport

We took a taxi to the Regency Hotel where we reserved our accommodation earlier time

We visited the Aquarium garden and enjoyed all the activities there

It is very big garden where you can find all entertainments around you

We bought some gifts for our friends in Doha from Dubai City Center

We went to Sea Food restaurants and enjoyed the meals

I really enjoyed my visit to Dubai and looking forward to visit it again on the next vacation



طبعا بعد نهاية كل جمله لاتنسين تحطين نقطه !! لأني اذا حطيتها في الموضوع قلبت الجمله فوق تحت ..

[المتأمل خيرا]

أخي "سعر الإغلاق" أعجبتني القصة التي كتبتها.. وأدخلت عليها تعديلات هامشية جداً - ولكل منها سبب - تشمل ربط الجمل وجعل القطعة على شكل فقرات.. ولا أظن أني أفضل منك في اللغة تلك.. لكن من يقرأ للآخر قد يلاحظ أشياء لا ينتبه لها من يكتب في الأول.. حيث لك السبق والجهد الأساسي.. وطبعاً موضوع وضع النقط الذي أشرت له أمر هام جداً.:nice:

فقط اود أن أشير لنقطة لـ "أم علاوي" في ظنـّي هامة.. هي أن القصد من أن يكتب الغير هي التعلّم.. فأفترض أنها ستتمعـّن في كل سطر.. بحيث تستفيد منه وتعرف الكلمات الجديدة - إن كانت هناك مثل هذه الكلمات - .. بهدف إلا يكون ماتقدمه نقلاً فقط.. وإنما استزادة معرفة في المقام الأول.

مع خالص التقدير،،،

On my vacation three months ago, I went to UAE with my family

We flew from Doha in the early morning, and the trip lasted about 45 minutes to Dubai International Airport; upon arrival there, we took a taxi to the Regency Hotel where we had reserved our accommodation

During our stay in Dubai, we visited the Aquarium Garden and enjoyed all the activities there; it was actually a very big garden where you could find all entertainments around you; we also went to Sea Food restaurants and very much enjoyed the meals

Of course, we bought some gifts for our friends in Doha from Dubai City Center

I really enjoyed my visit with the family to Dubai, and am looking forward to visiting it again on my next vacation

[~¤ العنود ¤~]

كنت بكتب لج شي :)

بس الاخوان ما قصروا

[BURBERRY]

سبقتني اخوي سعر الاغلاق ... يعطيك العافيه .. :nice:

بس حبيت اضيف بعض التعديلات على القطعه

القطعه في الملف المرفق

[jajassim]

والله خوش واجب :omg:

[المتأمل خيرا]

والله خوش واجب :omg:

المهم إنها تستفيد من المساعدة.. :) - كما سبق لي ذكره - ..

[ام علاوي]

شكرا
يعطيكم العافيه ...شكلها الابله راح اتشك فيني لان القطعه روووعه وبعض الكلمات ماخذناها
ولو اقعد سنه ماكتبت مثلها ...
مشكووووور كل يوم راح اجيب لك واجب

[rashid-1]

والله العظيم ماعندكم سالفة تكتبون لها

خلوها تعتمد على نفسها

والله هالشي ياأختي ماراح يفيدج إذا فاشلة بالإنجليزي فكري شلون اطورين من مستواج مهب تلجأين إلى أرخص الطرق أنتي قاعده ادمرين نفسج وعمرج ماراح تتعلمين وبتكوين فضيحة للي حواليج وقت الجد

[ام علاوي]

من قالك ماعرف انجليزي
اعرف بس الاملاء اخاف اغلط بعدين انا خليتهم يعلموني لان راح تعطينا نكتب عن غيب يعني احفظها وانا ابي قطعه حلوه نفس الي عطوني اياها

[المتأمل خيرا]

والله العظيم ماعندكم سالفة تكتبون لها

خلوها تعتمد على نفسها

والله هالشي ياأختي ماراح يفيدج إذا فاشلة بالإنجليزي فكري شلون اطورين من مستواج مهب تلجأين إلى أرخص الطرق أنتي قاعده ادمرين نفسج وعمرج ماراح تتعلمين وبتكوين فضيحة للي حواليج وقت الجد

أتفق معك أخوي "rashid-1" إذا كان القصد هو نقل المكتوب فقط.. أي نسخه. وقد سبق لي وأن أشرت لهذه النقطة.. من حيث أهمية أن تستفيد مما هو مكتوب.. والحين أخي راشد من السهل أختصار الوقت في التعلـّم بوجود أدوات مثل القاموس الناطق.. حيث يتم نطق الكلمة إضافة لذكر معناها.. وفي ظنـّـي أن الأخت "إم علاوي" ستجتهد في الإستفادة.. وملاحظتك - المشكور عليها - لابد وأن تكون عاملاً إضافياً لتحميسها حول هذا الأمر.

[القناعة كنز]

شكرا
يعطيكم العافيه ...شكلها الابله راح اتشك فيني لان القطعه روووعه وبعض الكلمات ماخذناها
ولو اقعد سنه ماكتبت مثلها ...
مشكووووور كل يوم راح اجيب لك واجب


ام علاوي تخيلي لو الأبلة مالتج تتابع المنتدى الحين وشافت هالقطعة:taunt:

[المتأمل خيرا]

ام علاوي تخيلي لو الأبلة مالتج تتابع المنتدى الحين وشافت هالقطعة:taunt:

بصراحة.. آظن ليست هناك أي مشكلة.. طالما أنها استوعبت المساعدة.. :nice:

" وإن شاء الله - الأبله - تشوف ردي هذا بعد .. :) .. " ..

[ام علاوي]

مايسوى علي هذا واجب اشلون لو اقول لكم حلو لي الاختبار
وبعدين اذا شافت الابله المنتدى راح اقول لها هذي امي مو انا

[المتأمل خيرا]

.. .. ..
.. .. ..

وبعدين اذا شافت الابله المنتدى راح اقول لها هذي امي مو انا

واذا بغيتي شاهد.. ترى أنا حاضر.. :funny:

[ام علاوي]

اوكى راح اقول لها هذا الي كل يوم يحل لي الواجب :funny:

[قطري33]

مشكورين كل اللي شاركوا بالموضوع وبالتوفيق اختي ام علاوي
مثل ماقالوا الاخوان هم ساعدوج على اساس انج تقرين القطعه عدل وتستفيدين منها مب مجرد كوبي بيست .. وان شاء الله نفرح فيج بنتائج زينه قريبا

[ورقــة أمــل]

من قالك ماعرف انجليزي
اعرف بس الاملاء اخاف اغلط بعدين انا خليتهم يعلموني لان راح تعطينا نكتب عن غيب يعني احفظها وانا ابي قطعه حلوه نفس الي عطوني اياها

اختي شلون تعرفين انجليزي وهالجمل البسيطة ما عرفتيها :eek5: ؟

ونصيحه اختي اذا بتكتبين عن غيب لازم تكتبين من جهدج انتي عشان تعرفين مستواج وتطورينه.. مب تحفظين شي وتعيدينه.. اختي يمكن تلقين مساعده مرة مرتين بس مب دايما صحح .. الله يوفقج :o ..

[بوحارب]

IF YOU WANT ANY THING ABOUT

GRAMMER

ASK ME I WILL HELP YOU IF I CAN

[المتأمل خيرا]

اختي شلون تعرفين انجليزي وهالجمل البسيطة ما عرفتيها :eek5: ؟

ونصيحه اختي اذا بتكتبين عن غيب لازم تكتبين من جهدج انتي عشان تعرفين مستواج وتطورينه.. مب تحفظين شي وتعيدينه.. اختي يمكن تلقين مساعده مرة مرتين بس مب دايما صحح .. الله يوفقج :o ..

أختي الكريمة.. اسمحي لي أن اذكر أن كتابة قطعة - مهما كانت قصيرة - بإسلوب قريب جداً من الدقة ليس بالأمر الهيـّن.. والموضوع ليس موضوع معرفة كلمات فقط.. بل تدخل فيه جوانب أخرى كثيرة ومتعددة.. وطبعاً هذا لا يتعارض مع ما تفضلت بذكره من أهمية تطوير الذات..

مع خالص التقدير لتعقيبك،،،

[ام علاوي]

شكرا اخوي قطري 33
ادعي لي اجيب مجموع عالي واطلع الاولى على قطر كلها انشالله

[rashid-1]

ادعي لي اجيب مجموع عالي واطلع الاولى على قطر كلها انشالله

والله ماظنتي تطلعين الأولى على قطر وين راحوا المصريات والفلسطينيات صار لهم 20 سنه محتكرين الأول ومادامكم مقابلين الأنترنت والتمشي بالستي والله ماأظن اشوف مواطنه تبيض الوجه

[ام علاوي]

مايسوى علي خلاص توبه ماراح اعطيكم اتحلون لي شي
اخوي بو حارب مشكور مابي بعدين راح يعصبون علي :weeping:

[ام علاوي]

راشد اصلا انا شاطره تبيني ادرسك انا حاضره:whistling:

[بوحارب]

والله ماظنتي تطلعين الأولى على قطر وين راحوا المصريات والفلسطينيات صار لهم 20 سنه محتكرين الأول ومادامكم مقابلين الأنترنت والتمشي بالستي والله ماأظن اشوف مواطنه تبيض الوجه

وقف وقف وقف وقف وقف وقف

خف الريس يالحبيب وظن فيهم الخير

أقل شي قول اااامين لا تحطم البنت

وأبشرك فيه قطريات بياخذون الأول بس يبيلهم تشجيع

أما ردك هذا جامد ما ينفع كلششششش:sneaky:

[بوحارب]

مايسوى علي خلاص توبه ماراح اعطيكم اتحلون لي شي
اخوي بو حارب مشكور مابي بعدين راح يعصبون علي :weeping:

dont give thim any face:nice:

[سلامي للكل]

والله ماظنتي تطلعين الأولى على قطر وين راحوا المصريات والفلسطينيات صار لهم 20 سنه محتكرين الأول ومادامكم مقابلين الأنترنت والتمشي بالستي والله ماأظن اشوف مواطنه تبيض الوجه

السلام عليك ورحمة الله وبركاته اخوي راشد

الكلام اللي قلته بخصوص الاحتكار صحيح ولا اختلف فيه معك

بس اخوي اختلف معاك بالجزء الثاني من كلامك

ومادامكم مقابلين الأنترنت والتمشي بالستي والله ماأظن اشوف مواطنه تبيض الوجه

اخوي في مواطنات يشرفون البلد وانت بكلامك جمعت, وهذا غير مقبول سواء مني او من الغير

اسمحلي اخوي على الملاحظة, ولازم الحق ينقال

وشكراً لك

[ترتر]

الشباب خديمه ماشاء الله عليهم .. :whistling:

لو انه ابوعلاوي اللي طالب مساعده محد تحرك :whistling:

عندي بحث في الشغل عن ظاهرة الانحباس الحراري المتكون من زحمة شوارع الدوحه والمؤثر على البطين الايمن للنصف العلوي من المخ ..

وطالبين مني اكتب حول هالموضوع بالانقليزي في 3 اسطر ...

ممكن حد يساعدني ؟؟ :whistling:

ملاحظة :

لا يشترط حصولك على التوفل :fight:

[ترتر]

dont give thim any face:nice:

وين وليم شكسبير عنك :nice:

[المتأمل خيرا]

وين وليم شكسبير عنك :nice: :funny:

[ترتر]

:funny:

يذكرني بسالفة فروم هير تو هير :nice:

[ام علاوي]

لا اعتمد على نفسك
حرام الغش:tease:

[بوحارب]

وين وليم شكسبير عنك :nice:

ويلم شكسبير مات الله يسلمك:whistling:

وأذا عندك بحث باسويلك بحث صدقني

أخلي مسؤولك يشقحك درجتين مرة وحدة

بس أذا الموضوع عن الدوحة والزحمة صعب وااااايد

معلية يالمتأمل:sorry:

[بوحارب]

لا اعتمد على نفسك
حرام الغش:tease:

ههههههههههههههههههههههههههههههههههههههههههههه

:ok2::ok2::funny::funny:

[badr_vip55]

السلام عليكم

عندي واجب انجليزي ماعرف احله

المطلوب اكتب عن الأجازه
where did you go
who did you go with
where did you stay
where did you go there
what did you do
did you enjoy your holiday
المطلوب اكتب قطعه عن الاجازه ابيه اليوم في حدود 80 كلمه





ام علاوي رجعتني ساعة الزمن الله يجزاك خير



بالذات الموضوع هذا كنت اغشه في براشيم



تحياتي لج على هالطرح الجميل والغريب

[المتأمل خيرا]

معلية يالمتأمل:sorry:

والله يا خوي "بوحارب" ترى انت غالي.. صدقني.. .. لكن إذا فيه تعقيب طريف ما آقدر آمسك نفسي :funny:

[سعر الأغلاق]

الشباب خديمه ماشاء الله عليهم .. :whistling:

لو انه ابوعلاوي اللي طالب مساعده محد تحرك :whistling:

:fight:


عز الله انك ظلمت حضك اخوي ترتر..

الكل سواسيه اخوان او خوات ..واللي يقدر يساعد يقدم اللي يقدر عليه

فاصله على جنب: اهم شي لتعلم اي لغه هو ممارستها باستمرار
حتى لو حفظ الواحد الاف الكلمات وما استخدمها ماراح يستفيد

[جرس الإغلاق]

كان الافضل اهي تكتب.. وتسوون لقطعتها تحرير.. وتوضحون لها الاخطاء وتعلمونها الصح
بهالطريقه راح تتعلم وتستفيد وتتذكركم بالخير


ذكرتوني بالمثل اللي تقريبا يقول

لاتعطني سمكه ولكن علمني كيف اصطادها

[مزيون الدوحه]

ذكرتيني بسافله صارت لي في الثانويه :eek2:
خليت اختي تكتب لي الموضوع وماقريته ولا اعرف شنو الموضوع
وعطيته الاستاذ وكم الطلاب عطوه الموضوع , وثاني يوم بعد ماصحح
الواجب قال بصراحه عجبني موضوع ( فلان ) يقصدني انا :fight:
وقال يافلان قوم اشرح الي كتبته وخلهم يستفيدون منك الطلاب :no:
وانا قاعد اتلفت مادري شسالفه ألا واحد من الطلاب حذاي قالي المدرس
يقولك قم اشرح الي كتبته :eek3:
قلت له من صجك ورفيجي يضحك علي لانه يدري مب انا الي كاتب الموضوع
وتداركت الموقف وقلت حق الاستاذ راسي يعورني وفيني دوخه ماقدر اشرح :funny:
بصراحه كان موقف محرررررررررررررررررررج:app:

[BODYGUARD]

البنت خلصت السنه وانتوا للحين تتكلمون في الموضوع ... :eek2:

[M-OH-A-ME-D]

البنت خلصت السنه وانتوا للحين تتكلمون في الموضوع ... :eek2:

يعني تبيه ينحذف؟؟؟

لا عااااااااااااااااادي

شكلة في دور ثاني ( الله لا يقول )

بس أمكن بعد مشاركتي ( :spider: )

[قطري شايب]

وانتو بس يالاعضاء ماتصدقوووووووووون
مشالله عليكم علموها الرباده والكسل
اخر مره لاعاد حد يعيدها
عاونها ع الخير مهب ع النوم

[قطري شايب]

صدقت ياترتر لو انه بوعلاوي كان تسكر موضوعه وانحذف منذ مبطي
وكان هبوا فيه الاعضاء اعتمد على نفسك

[سلامي للكل]

صدقت ياترتر لو انه بوعلاوي كان تسكر موضوعه وانحذف منذ مبطي
وكان هبوا فيه الاعضاء اعتمد على نفسك


بِسْمِ اللّهِ الرَّحْمنِ الرَّحِيمِ

يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَب بَّعْضُكُم

بَعْضًا أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ (12)

صدق الله العظيم


سورة الحجرات - اية 12