يا جماعه ما سر الرقم 2217659632xx+

[الجني]

دائما تصلني مكالمات يرن رنه و يسكر
و تكرر مع زوجتي و ولدي
و حصل ان زوجتي و ولدي اتصلو كلٍ بروحه و سمعوا
كلام غريب عبارات كأنها طلاسم و خزعبلات

في حد حصل معاه نفس الشيء

[جرس الإغلاق]

ممنوع وضع ارقام الهواتف حسب لوائح المنتدى

[ajaqeel]

نعم يحصل معي كثر حسب ماسمعت ساحر او عيار يقول لك انت مسحور طرش لي فلوس اذبح بقرة ينفك عنك السحر:wizard:

كل الي اسوية اتصل علية وسكر بعد اسوي مثلة لين عرف ان الله حق ومعاديتصل بي:happy:

[الجني]

انا حطيت الرقم ناقص اخوي محد يقدر يتصل عليه

[Qa6ar]

وانا يجيني بشكل يومي

وعلى تلفونين من تلفوناتي ولاأتصلت للعلم

[Qataraholic]

ياخوي هذولا بعض الكذابين ودوم يقصدون اصحاب الأرقام الخاصة المطلوب منك اهمال هالتلفونات الدولية وخصوصا الغير معروفه
موضوع يجب الأهتمام فية من قبل الموقع توعية للجميع

[المنسى]

ياخوى انا نفسك هالفتح الخط022 بس بارقام مختلفه كل يوم مره او مرتين بس مارد عليهم ياريت حد يقولنا وش سالفتهم

[المهاجر]

صحيح اخوي الجني
هذولا ناس مشعوذين ودجالين يتصلون ويقولن كلام يخلونك تقتنع فيه الا الناس الفاهمه ما تعطيهم ويه

وراحوا ضحيتهم ناس وايد
ابتزوهم واحتالوا عليهم

فنصيحه لك وللاخوان والاخوات عدم الرد عليهم
وساعات يوقولون الاسم صحيح

[mohamed ab]

لاتعور راسك ولا ترد صرت متعود احصل هلارقام فى التلفون ناس فاضيه

[لجين]

وانا واختي بعد بس صار لهم فترة ماتصلوا

رنة ويسكرون .. واعتقد والله العالم انهم من دول افريقيا

وهالسالفة منتشرة من زمان ان اصحاب هالارقام يتصلون رنة ويسكرون

عشان انت تتصل لهم وهم يسألونك اسئلة شخصية وبالاخير يقولون لك ان ناس مسويين لك عمل

ومن هالكلام وان هم اللي راح يفكون العمل .. هاذي السالفة باختصار

والله يكافينا شرهم

[الطرف الأغر]

أول أمس وانا مع أختي في السوق ،، تقولي وين فتح الخط لــ 022 ،، قلت لها مادري ! ليش؟

تقول اتيني اتصالات متكرره ،،

فالسوق ردت على الاتصال ،، المهم قالولها في عمل لج مدفون تحت البيت ،، قالت له يالله يالله لا عاد تتصل ،، قالها تعلين صوتج انا من الموصل :eek5: ،، عاد خفنا احنا وايد :whistling:

سكرت بويهه التلفون ،، ويتصل كم مره ولا اترد عليه ،،

عبالهم احنا أغبيا ولا مانعرف لسوالف الدجل ،، وماعندنا توعيه دينيه للي يصير

الله يكون في عون الغافلين

[على قد حالها]

فعلا هالارقام ماجاتني شخصيا لكنها جات حق وحده اعرفها اتصلوا فيها وفي خواتها وكان نفس الكلام ...
انهم في غابه (مجموعه من الرجال اظن انهم سحّر) واكتشفوا ان مسوين للبنت عمل ولازم يبطلونه واللي مسوين لها العمل 3 رياييل وحرمه.........الخ
بس لعبت شوي في حسبتهم قالت لهم انها شيخه فاسألوها كم مره ذكر اسم الله ؟قالت 77 وهي خراطه ماتعرف كم ..قالوا لها صح ...وكم عدد النجوم فالسما؟ قالت لهم انتوا عدوا وقولوا لي!!!!( هههههههه والله وسكرت في ويهم وماتصلوا فيها)

الحمدالله والشكر هذول يستعبطون ترا وافضل شي تطنشون للارقام هذي ....

[سهم مساهم]

+2137705868

[alwahesh]

اتصلت بكيوتل وحذروني منهم وفعلا ناس من القرن الافريقي واحذر الشباب بعدم الرد عليهم او العبث معهم

لان اقسم بالله في الفتره الاخيره زادو المرضى النفسيين بقسم الطب النفسي بشكل غير طبيعي وكله بسبب اللعب بالنار ( العبث مع السحره والمشعوذين )

اكيد الكل شاف او سمع عن الشاب الي في المعموره الي يمشي وكنه يسوق سياره ويحفص بريوله واذا سمع الهرن يكع بريك ويغير اتجاهه يقولــــــــــــــــــــــــــــــــــــــون والله اعلم انه رد على المكالمه من الدجال وقام بسب ويلعن فيه ويهدد الساحر او المشعوذ.

الحذر ....الحذر ...وحتى عدم الرد عليهم ومسح الرقم باسرع وقت لان وللأســـــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــف

كلنا اصبحنا تربه خصبه للجن بترك الصلاة او التهاون بها والبعد عن الصدقه والزكاة وقلة ذكر الله والاغاني في السياره والجوال وال ام بي 3 و 4 ,,,,,,نسأل الله العافيه

[مليونير قادم]

صحيح اخوي الجني
هذولا ناس مشعوذين ودجالين يتصلون ويقولن كلام يخلونك تقتنع فيه الا الناس الفاهمه ما تعطيهم ويه

وراحوا ضحيتهم ناس وايد
ابتزوهم واحتالوا عليهم

فنصيحه لك وللاخوان والاخوات عدم الرد عليهم
وساعات يوقولون الاسم صحيح

مثل ماقال اخوي المهاجر نفس الارقام اول واحد اخوي وثاني واحد انا بس والله العظيم من اول كلمتين قالها قريت ايه الكرسي ومن سنه لين يومك هذا افتكيت في الارقام الخبيثه وترا يعرفون صيداتهم والله الله في قراءه القران او التطنيش
كلهم مشعوذين ونصابين يمارسون الدجل على ضعاف النفوس
والله يحمي اخواننا واخواتنا منهم ومن امثالهم

تحيه للجميع

[غرفاوي]

وانا بعد اتصلي واحد يقولي انا الشيخ ابراهيم وتم يخربط وسكرت التلفون ورقم 2217639167xx+

[بولينجر]

أخوي الجني هذه الأرقام تيجي من السنغال وما تم حد في الدوحة ما اتصلوا عليه...
وكل يوم دجل شكل ثاني...
هم مايخسرون نفسهم شيء...يتصل ويسكر بسرعة....عقب يرد الواحد ويتصل فيهم...ويقولون له انت مسحور وهالخرابيط...تصور واحد منم يقول أنا كنت أصلي استخارة وشفت رقم جوالك قدامي يمر وأنا أصلي...شدعوه عنده كاشف واحنا ماندري!!! ترى الواحد لو عطاهم ويه ورد اتصل فيهم يتوزع رقمه على طول بينهم...تراهم ربع...ولذا وجب الحذر منهم...

[badr_vip55]

الجني



ماقدر اضيف شي على كلام الاخوان السابقين


نصابين وحراميه الي يتصلون من هالارقام


وانا مارد على اي رقم غريب ماعرفه

[AL_MUTAEM]

وانا بعد اتصلي واحد يقولي انا الشيخ ابراهيم وتم يخربط وسكرت التلفون ورقم 2217639167xx+

صج غرفاوي صار رفيجي من كثر ماكلمته .. :whistling:

بصراحه قبل فتره اتصل وانا كنت مسافر برا وكنت طفشان ذيك اللحظه وقام يقرا قران ويقولي انت من وين ؟؟

قلت له انا من ؟؟؟؟ وقمنا نسولف تقريبا ساعه

يسأل وارد عليه

لين ماقالي انه يطلب مساعده لبناء مسجد .. :telephone:

قلتله انا ما اقدر بصراحه لاني ما اعرفك وقالي انه الشيخ برهووومي قصدي ابراهيم وانه امام مسجد فطلبت منه قراءة القران فقرا لي نفس الايه اللي بدا فيها المكالمه ..:anger2:

وقلت له اقرا سورة الاخلاص فلم يعرفها فضحكت فعندما قريتها له اغلق السماعه ..
اتصل فيني بعدها بساعه وردد نفس الكلام فضحكت وقلت له انا من شوي انت سمعتني نفس المحاضره .. :court:

فضحك وقالي انت اللي من ؟؟؟؟ فقلت له ايه ... ومن ذيك اللحظه ماسمع صوته :nice:

========

اخوي الجني ترا لاسحر ولا خزعبلات اللهم اهم مأجحرين التلفونات من حكومتهم وياخذون نصيب اتصالاتهم ...!!

بتقولي وشلون ؟؟

الحين انا اذا اتصلت عليه المكالمه علي صح

اكيد بتقول صح

واتصالات الدوله التابع لها الشخص ياخذون نسبه من المبلغ المدفوع

وهالمبلغ يتحول لحساب برهووومي

واهو يحاول يطول المكالمه :telephone: اما بالسحر او بطلب المساعده ويمكن بكرا يعطيك موااال يبجي:whistling:

عالعمووووم اسمحولي عالاطاله

[القانوني]

انا رقم مشابه له ونفس فتح الخط

رديت عليه مره كلمني في البداية ماسمعته بعده حط مسيقى سكرت في وجهه ومابعده رد علي



القانوني ،،،

[جرس الإغلاق]

انا حطيت الرقم ناقص اخوي محد يقدر يتصل عليه

وانا اتغشمر اخوي :pioneer:

[M-OH-A-ME-D]

رقم فتح خط مصر 2+

[الدوحي7]

السلام عليكم ورحمه الله وببركاته
صباح الخير،،
صراحه جزاك الله خير على هذا التحذير،، والله جاني هذا الاتصال والرقم موجود في تيلفوني وشخص يقول لي انت مسحورر هههههه يقصدني وقلت ززين من ساحرني ، قال رجل وامراه هههه المهم وبعدين خذت وعطيت وياه خسرت شوي وادري بهم كذابين دجالين،، المهم يقول لي تبي نفك السحر لازم نقرا قران ونتصدق عنك ووو ،، وقلت له كيف قال في اشخاص في المسجد بيقرون قران وعدد هم والله مذكر كم العدد،، وبنعطيهم اكل لين نفك السحر هههههه، المهم قلت له كيف اعطيك فلوس عطاني اسم شخص وقال لي حول على هذا الاسم ،، ومن الاشياء اللى الستعبطت عليه قلت له محد يحبني هههههههه قال بنقول لك بعدين والله كنت اضحك ميت من الضحك على سالفته ،، وسفهت له وكل يوم يتصل سندرني الين هون،، لا وبعد يقول تحمل تقول حق حد خل الكتمان في الموضوع اذا قلنالك اسم الرجل والمراه وانا ضحك،، احذروا من هذه الاشكال ،، لكن لو اتصل على شخص ضعيف الايمان او شخص محتار والله يمكن يصدقه ،، ومع السلامه ،،

[امل الحب]

عادي فوق ال 10 الالاف مرة تيني طنش تعش تنتعش

[% ام فهد %]

انا ولا مرة جاني الرقم

و لله الحمد

[% ام فهد %]

رقم فتح خط مصر 2+

لا اخوي هذا مب فتح خط مصر

[ALHAJAJI]

انا بعد جاني رقم مشابه له اخوي
بس ما رديت علية

[al_lord]

مصر 020

وهذا ودك تطنشه ما ترد بس القهر اذا قومك من النوم

[البنز]

السـلام عليكم جميعاًً ،،،

إذا تتذكرون يا جماعة فيه أحد الأعضاء حط لنا موقع في المنتدى وقال انه بعد ما تحط رقم

موبايلك يجيك إتصال يقعدك حق صلاة الفجر ..

طلع الموقع له علاقة بشبكة الدجل والشعوذه والنصب والإحتيال :spider:

وأكيد انكم حطيتوا أرقامكم مثلي لأني حطيت رقمي وأرقام أخواني وكل ربعي


بغيت الأجر يا بلفيت !!

والدليل انه ولا واحد منهم رن تلفونه حق صلاة الفجر ، وكلهم وصلتهم هالأرقام الغريبة

crazy

[Aljans]

هل يستعملون الاتصال المرئي؟

[الهاوي28]

انا جاني الاتصال مرتين

هههههههههه بس في المره الثانيه رديت عليه عاد فاهم الطبخه

قالي انا الشيخ ابراهيم قلت يا هلا انا من زمان ادورك لاني حلمان فيك

وانك بتموت محترق ومعلق على عامود هههههههههه اول ما سمع الكلام

قال انت ما منك فايده وسكر التلفون في وجهي

[شيزكيك]

انا بعد يتصلون لي باستمرار الله ياخذهم وهالارقام وفتح الخط ذي طلع من السنغال

[جهام]

انا معاكم حصل هالموقف لاحد الاصدقاء اتصلوا عليه الفجر حوالي الساعه 4 وكان فيه فضوول انه يعرف من المتصل وهو في داومه اتصل الا رد عليه هالشخص وقاله انت متصل قال له اي وعرف انه من السنغال وقاله انت معمول لك سحر ولازم تدعي وتقرى قران المهم سكر منه راح اتصل بكيوتل وسال عن فتح الخط وصج طلع من السنيغال وعقبها كلم واحد من الربع وقاله عن الاتصال واتصله عقب ورد عليه رفيجي الا قاله انا مؤمن بقضاء ربي وقدري ...قاله انه احنا الحين سبعه من عباد الله ومجتمعين عشانك وقام وسكر بويهه..

وفي بعد واحد من اهلنا اتصله رقم من السودان انزين الا يقوله انا اقرب لعمر البشير ومحتاج فلوس ضروري هههههههههههههههههههههههههههههههههههه انا ضحكت صج على هالسالفه لين شفت الرقم وتأكدت قلت اكيد ولد خالي يتغشمر بس صج اطلعت السالفه والغريبه اشلون يتصلوون ؟؟

وبعد سالفة المسجات اللي من بريطانيا وغيرها من الدول الاوربية انك ربحت وراسلناا ..

كل هالاموور تسبب حيره..