ســؤال موجـــــه للخبراء مع التحــــية

[ذوق]

سؤال أخواني...؟؟

تنصحونــي أبيع أسهم الريـــان.. وأشتري فيهم أسمنت الخلــيج ؟؟

وشكــرآ

[بن الحاري]

لست بخبير وأتمنى من الاخوان الإفادة فسهم اسمنت الخليج بدأ يسطع نجمه

[جرس الإغلاق]

وانا هم مب خبير

بس الرزق مقسّم من الله

وزيد اخو عبيد

[الصيـاد]

الريان واسمنت عاد فيهم خير كثير اشتريتي هذا او هذا بتحصلين ربح

لانة 23 بالريان و26 بالاسمنت ولا شي توة الاهداف فوق

بس المشكلة مب هذي المشكلة من اللي يطلع قبل وعلي العموم ارتفاعهم

متزامن

[لله الحمد]

رايي لا تبيعين أسهم الريان لأن اعلان موعد تملك الاجانب قريب والله أعلم

[الفارس الرابح]

حاليا السهم اسمنت الخليج قوى من السهم الريان

[الموالي]

رأيي تقسيم المحفظة بين الإثنين وأيهما يطلع أولاً سينتابك من الكعكة ولو قطعة صغيرة وإن طلع الإثنين فالربح سيكون مضاعفاً.

مجرد رأي لا أقل ولا أكثر والقرار بيدك ورأي المحللين أكثر إطمئنان من رأيي المتواضع.

[قناص قطر]

السهمين ممتازين

50/50

تمسكي بالسهمين

وان شاء الله الخير قادم

[ذوق]

تسلموون أخواني

[السامر الأسود™]

سؤال أخواني...؟؟

تنصحونــي أبيع أسهم الريـــان.. وأشتري فيهم أسمنت الخلــيج ؟؟

وشكــرآ



الســــــــــــــــ عليكم ـــــــلام ورحمــة الله

أولا: أسمحو لي ماتوفر وقت عندي ولاقدرت أرد على اغلب المواضيع
ثانيا: أن توني أشوف هالموضوع وعليه أيضا أسمحي لي يا " ذوق"

=======

تحرك السوق وتحركت الأسهم معاه وصارت تطورات وأرقام جديدة:

1. الريان هدفه عندي والله اعلم هو 30.8 تقريبا إن شاء الله
2. اسمنت الخليج هدفه عندي والله اعلم هو 32.7 تقريبا إن شاء الله

الريان اغلاقه 23 - هدفه 30.8 = 7.8 ريال
الاسمنت اغلاقه 26 - هدفه 32.7 = 6.7 ريال

قوة السهم النسبية وشعبية الريان اكثر من قوة وشعبية اسمنت الخليج

نمو وتوسعات الريان اكثر واوضح واكبر من اسمنت الخليج

=============
وكلاهما فيهم خير بشكل عام وخلال اسابيع قادمه إن شاء الله
=============

وعليه: بإعتقادي ومن وجهة نظري وتوقعي وحساباتي وتحليل
الشخصي أن الريان واسمنت الخليج مقبلين على خير وقريب


وعليه الجواب:

لا.. لاتبيعين الريان واصبري شوي...
الخير جايج بالطريق,,,بإذن الي ماتنام عينه

خلال فترة قصيرة, إن شاء الله, قد تكون يوم يومين وقد تكون
اسبوع او اسبوعين... الوضع يعتمد على جلسات التداول

هذا رأيي الي طلبتيه يا ذوق, إن أصبت فمن الله وان أخطيت
فمن نفسي والشيطان, وكلنا نجتهد ونحاول وكلن له يمينه

في أمان الله

[رياني1212]

تسلم يا السامر دائم ترد على اخوانك الاعضاء وما تقصر معاهم بالنصائح

[mohamed ab]

مشكور الله يعطيك العافية

[بن كهلان]

يعطيك العافية اخوي السامر0000وهذا الكلام اللي يبرد القلب
الله يرزقنا وياك العمال الصالح والرزق الحلال

[المجدم]

بارك الله فيكم على هالتحاليل المطمئة وأنا بأضيف رأي المتواضع للاحتفاظ بالسهمين معاً مع ترجيح كفة الريان أكثر من الخليجي وعلى العموم في مثل بيقول : لا تضع جميع البيض في سلة واحدة ، ويومك أبو شاره أخضر انشاء الله

[غلا زايد]

يعطيك العافية أخوي السامر

[ذوق]

يعطيك العافيه أخوي..وماقصرت :)

[السامر الأسود™]

ذوق

تابعي قسم التحليل اول باول

عشان تتابعين اخر تطورات الاسهم

الامور تتغير بين يوم وليله ولازم
تتابعين حلالج

واهم شي ماتغامرين بفلوسج ولا
تبيعين بخسارة وحتى لو تصبرين فترات

اوصيج بمتابعة قسم التحليل هناك
مع الاخوة المحللين واطرحي اسئلتج
وتابعي حلالج هناك

لانه الواحد مايدري شي يصير مع السوق
ومفروض السوق ماله امان وعليه...تابعي

[شقران2]

الله لا يهينك ويرحم والينا ووالديك يارب

يلي ماتقصر مع احد ابد

[قناص الاسهم]

الله يرحم والديك يالسامر على هالكلام الطيب .. ولا تحرمنا من وجهات نظرك حول السهمين بشكل خاص والسوق بشكل عام .

[السامر الأسود™]

شقران وقناص الاسهم

جزاكم الله خير

وحاضر بالي اقدر عليه "ويمليه لي قلبي لكم من خير"
فهذا راي ورؤية وتوقعات - تصيب مره ومرة ماتصيب

وأسأل الله السداد والتوفيق