الجني
05-11-2007, 03:03 PM
بسم الله و الحمد لله و الصلاة و السلام على رسول الله
و على اله و صحبه اجمعين
في يوم من الايام و قبل ما اروح المدرسة ,
بعد ما لبست الهاف (الشورت) (ما كنا نعرف الصراويل)
و الفانيله و فوقهم الثوب
قالت لي امي "ترى يابويه ما عندي لك مصروف اليوم"
و هي منكسر خاطرها علي ,
قلت لها "ما عليه يمه ما ابي مصروف"
و رحت المدرسه طيران و انا منكسر خاطري عليها , مب على المصروف.
ثاني يوم تكرر نفس الشيء,
و باقي الايام يتقطع المصروف بين نصف ريال و اربعنات و بدون .
و كانت لما تعطيني مصروفي اقول لها ترى يمه اذا ما عندج ما ابي (اي ما احتاج)
و طل علينا العيد
و من اول الصبح طلعت اعيد في الفريج
و مصر اني اجمع اكبر مبلغ من العيادي
و ادور بين الفرجان و الدواعيس
و العيادي بين ريال نادراً و نصف و ربع ريال
و كثير من الاحيان 10 و 5 دراهم حمر
ما خليت داعوس ما دشيته
و عقب وقفت تاكسي مع ولد عمي
طبعاً ما سألت اذا فيه اسطوانات ابو بكر سالم ههههههههههه
و رحنا فريج الخليفات نعيد
و مشينا مروراً بالهتمي و السلطة و العسيري و الغانم و صلنا قريب البدع
و الوقت مبروك
و اعيد و اعيد و اعيد
ولد عمي يوقف عند الدكاكين
يستريح و يشرب بيبسي و ياكل بهلوان و عليولم
و انا اقول له بارجع لك
و اروح ادور في الدواعيس
ليما انهد حيلي
و كنا نخرد النصوص الى انواط في الدكاكين
و قبل ما اوصل البيت عديت عيديتي
و اذا هي 115 ريال (كنز)
دخلت البيت و امي مب في الدار
بطلت كبتها اللي على بابه منظره (مرايه)
و حطيت العيديه كلها في المكان اللي تحط فيها الفلوس
تحت الدراريع
طبعاً ما قربت من شنطها الـ Fendi و LVهههههههههههه
و الله لو تبي الوكاله كامله افرشها لها
و بعد العصر قعدت اكل سحّه (تمر)
و انا مب قادر اصبر اشوف شبتسوي اذا شافت عيديتي
و اشرب قهوه و اكل تمر
و كأني احبل لها بفخ
ما وعيت يوم قامت و فتحت باب الكبت
و انا قلبي يطق و مصاوخ اكل تمر
شافت فلوس العيديه
و فيها انواط بو 10 و 5 و 1
و قامت تقلب في الفلوس متعجبه
و التفتت علي و خزتني
و انا اكل تمر , كأني ما سويت شيء
و التفت عليها و اطالعها بطرف عيني و انا مدنع
و في هذه اللحظات
دار كلام وايد بيني و بينها بدون ما اتكلم
و كأنها تقول في نفسها
"انت ايش سويت في عمرك علشان تجمع هذا المبلغ"
و كأني اقول لها
"الدنيا كلها تفداج يا بعد عمري"
ما وعيت الا بلمتها لي بقوة و تحضني و تصيح و تدعي لي
طحت على صدرها الحنون و انا في قمة السعادة و الرضا
و الشعور بتحقيق الذات
بعد ما تقهويت طلبت منها اربعنات علشان اروح الدكان اشرب بيبسي ههههههههههههههه
"اي شيء في العيد اهدي اليكي"
"اي شيء في العيد اهدي اليكي يا ملاكي"
و صلى الله على سيدنا محمد و على اله و صحبه و سلم
محطات في حياة الجني (6) الدراسة و الواجبات
http://www.qatarshares.com/vb/showthread.php?t=143207
محطات في حياة الجني (5) الجني و التلفزيون
http://www.qatarshares.com/vb/showthread.php?t=142812
محطات في حياة الجني (4)
http://www.qatarshares.com/vb/showthread.php?t=142592
محطات في حياة الجني (3)
http://www.qatarshares.com/vb/showthread.php?t=142272
محطات في حياة الجني (2)
http://www.qatarshares.com/vb/showthread.php?t=142031
محطات في حياة الجني (1)
http://www.qatarshares.com/vb/showthread.php?t=141863
و على اله و صحبه اجمعين
في يوم من الايام و قبل ما اروح المدرسة ,
بعد ما لبست الهاف (الشورت) (ما كنا نعرف الصراويل)
و الفانيله و فوقهم الثوب
قالت لي امي "ترى يابويه ما عندي لك مصروف اليوم"
و هي منكسر خاطرها علي ,
قلت لها "ما عليه يمه ما ابي مصروف"
و رحت المدرسه طيران و انا منكسر خاطري عليها , مب على المصروف.
ثاني يوم تكرر نفس الشيء,
و باقي الايام يتقطع المصروف بين نصف ريال و اربعنات و بدون .
و كانت لما تعطيني مصروفي اقول لها ترى يمه اذا ما عندج ما ابي (اي ما احتاج)
و طل علينا العيد
و من اول الصبح طلعت اعيد في الفريج
و مصر اني اجمع اكبر مبلغ من العيادي
و ادور بين الفرجان و الدواعيس
و العيادي بين ريال نادراً و نصف و ربع ريال
و كثير من الاحيان 10 و 5 دراهم حمر
ما خليت داعوس ما دشيته
و عقب وقفت تاكسي مع ولد عمي
طبعاً ما سألت اذا فيه اسطوانات ابو بكر سالم ههههههههههه
و رحنا فريج الخليفات نعيد
و مشينا مروراً بالهتمي و السلطة و العسيري و الغانم و صلنا قريب البدع
و الوقت مبروك
و اعيد و اعيد و اعيد
ولد عمي يوقف عند الدكاكين
يستريح و يشرب بيبسي و ياكل بهلوان و عليولم
و انا اقول له بارجع لك
و اروح ادور في الدواعيس
ليما انهد حيلي
و كنا نخرد النصوص الى انواط في الدكاكين
و قبل ما اوصل البيت عديت عيديتي
و اذا هي 115 ريال (كنز)
دخلت البيت و امي مب في الدار
بطلت كبتها اللي على بابه منظره (مرايه)
و حطيت العيديه كلها في المكان اللي تحط فيها الفلوس
تحت الدراريع
طبعاً ما قربت من شنطها الـ Fendi و LVهههههههههههه
و الله لو تبي الوكاله كامله افرشها لها
و بعد العصر قعدت اكل سحّه (تمر)
و انا مب قادر اصبر اشوف شبتسوي اذا شافت عيديتي
و اشرب قهوه و اكل تمر
و كأني احبل لها بفخ
ما وعيت يوم قامت و فتحت باب الكبت
و انا قلبي يطق و مصاوخ اكل تمر
شافت فلوس العيديه
و فيها انواط بو 10 و 5 و 1
و قامت تقلب في الفلوس متعجبه
و التفتت علي و خزتني
و انا اكل تمر , كأني ما سويت شيء
و التفت عليها و اطالعها بطرف عيني و انا مدنع
و في هذه اللحظات
دار كلام وايد بيني و بينها بدون ما اتكلم
و كأنها تقول في نفسها
"انت ايش سويت في عمرك علشان تجمع هذا المبلغ"
و كأني اقول لها
"الدنيا كلها تفداج يا بعد عمري"
ما وعيت الا بلمتها لي بقوة و تحضني و تصيح و تدعي لي
طحت على صدرها الحنون و انا في قمة السعادة و الرضا
و الشعور بتحقيق الذات
بعد ما تقهويت طلبت منها اربعنات علشان اروح الدكان اشرب بيبسي ههههههههههههههه
"اي شيء في العيد اهدي اليكي"
"اي شيء في العيد اهدي اليكي يا ملاكي"
و صلى الله على سيدنا محمد و على اله و صحبه و سلم
محطات في حياة الجني (6) الدراسة و الواجبات
http://www.qatarshares.com/vb/showthread.php?t=143207
محطات في حياة الجني (5) الجني و التلفزيون
http://www.qatarshares.com/vb/showthread.php?t=142812
محطات في حياة الجني (4)
http://www.qatarshares.com/vb/showthread.php?t=142592
محطات في حياة الجني (3)
http://www.qatarshares.com/vb/showthread.php?t=142272
محطات في حياة الجني (2)
http://www.qatarshares.com/vb/showthread.php?t=142031
محطات في حياة الجني (1)
http://www.qatarshares.com/vb/showthread.php?t=141863