سؤال لاهل الخبره في التوفل [الأرشيف] - منتديات شبكة الأسهم القطرية

مشاهدة النسخة كاملة : سؤال لاهل الخبره في التوفل

miss-qatr

05-11-2007, 06:11 PM

السلام عليكم ....

الصراحه اخواني بغيت استفسر عن شهاده tofel iBT

للي خذها او يعرف عن هالاختبار شي ومده الشهاده هل سنتين وبعدين لازم الواحد يجدد الشهاده بامتحان جديد ؟؟؟؟

ووين يقدر الواحد يقدمها غير qatar foundation

وثاني سؤال شهاده الايتس البريطانيه من احسن هي ولا التوفل الامريكيه ؟؟؟؟؟

من حيث المستوى ؟؟؟؟

بليييييييييييييز حد يرد علي

سعر الأغلاق

05-11-2007, 06:58 PM

يرفع لعل احد يفيد اختنا

العـوا

05-11-2007, 07:19 PM

فكرت في أن أضع هذا الرابط لكل شخص مهتم بنيل شهادة التوفل في اللغة الانجليزية .. فهذا الموقع مفيد جدا جدا اذ انه يحتوي على العديد من التعليمات والدروس والقواعد الى جانب اختبارات متعددة يمكنك ان تختبر نفسك وتحصل على النتيجة والتصحيح كل ذلك أون لاين وفي ثوان ..

هذا هو الرابط :

http://www.tofel.org/

ويمكن ايضا تجربة هذا الرابط لمزيد من الاختبارات التلقائية :

http://www.testmagic.com

Index Signal

05-11-2007, 07:29 PM

اختي بالنسبه لاختبار التوفل يفرق عن الايلس انه الاول امريكي و الثاني بريطاني..

بالنسبه للمستوى الاثنين نفس المستوى من ناحية الدرجه يعني لو جبتي بالتوفل 500 تعادل بالايلس 5.5 ..

التوفل تحتاجينه اذا كنتي ناويه تدرسين بأمريكا..

الايلس تحتاجينه اذا كنتي تبين تدرسين في بريطانيا..

اما اذا كنتي تبين تدرسين بقطر فالاثنين معترف فيهم بقطر و أخص بالذكر جامعة قطر..

اي استفسار ثاني انا حاضر

miss-qatr

05-11-2007, 08:16 PM

يرفع لعل احد يفيد اختنا

جزاك الله خير ياخوي :)

فكرت في أن أضع هذا الرابط لكل شخص مهتم بنيل شهادة التوفل في اللغة الانجليزية .. فهذا الموقع مفيد جدا جدا اذ انه يحتوي على العديد من التعليمات والدروس والقواعد الى جانب اختبارات متعددة يمكنك ان تختبر نفسك وتحصل على النتيجة والتصحيح كل ذلك أون لاين وفي ثوان ..

هذا هو الرابط :

http://www.tofel.org/

ويمكن ايضا تجربة هذا الرابط لمزيد من الاختبارات التلقائية :

http://www.testmagic.com

ماقصرت والله صج فدتني كفيت ووفيت ربي يعطيك العافيه :)

اختي بالنسبه لاختبار التوفل يفرق عن الايلس انه الاول امريكي و الثاني بريطاني..

بالنسبه للمستوى الاثنين نفس المستوى من ناحية الدرجه يعني لو جبتي بالتوفل 500 تعادل بالايلس 5.5 ..

التوفل تحتاجينه اذا كنتي ناويه تدرسين بأمريكا..

الايلس تحتاجينه اذا كنتي تبين تدرسين في بريطانيا..

اما اذا كنتي تبين تدرسين بقطر فالاثنين معترف فيهم بقطر و أخص بالذكر جامعة قطر..

اي استفسار ثاني انا حاضر

اخوي انا مب محتاجه الشهاده بجامعه قطر انا ابغي الاقوى لين بغيت اكمل دراسات عليا أو اضافه لي لان الحين خريج بدون توفل أو شهاده قويه بالانجليزي ناقصه اشيى وايد

قالولي التوفل اصعب بواااااايد من الايلس

اشرايك انت؟؟؟

وثاني شي صج ان التوفل سنتين وبعدين اتجدد الاختبار؟؟؟؟

ومشكور على الرد ياخوي :)

Index Signal

05-11-2007, 08:55 PM

اخوي انا مب محتاجه الشهاده بجامعه قطر انا ابغي الاقوى لين بغيت اكمل دراسات عليا أو اضافه لي لان الحين خريج بدون توفل أو شهاده قويه بالانجليزي ناقصه اشيى وايد

قالولي التوفل اصعب بواااااايد من الايلس

اشرايك انت؟؟؟

وثاني شي صج ان التوفل سنتين وبعدين اتجدد الاختبار؟؟؟؟

ومشكور على الرد ياخوي :)

بالنسبه لاستفسارج الاول انج تبينها للدراسات العليا..

اختي هالشي حسب طلب الجامعه اللي بتدرسين فيها دراسات عليا..

في جامعات تطلب توفل و جامعات تطلب ايلس..

يعني الافضل تتأكدين من الجامعه اللي انتي ناويه تدرسين فيها ان شاء الله..

لكن عموما التوفل مطلوبه اكثر من الايلس في اغلب الجامعات..

بالنسبه للاصعب و الاسهل يعتمد عليج انتي..

يعني لو انتي قويه في المحادثه و الرايتنق قدمي الايلس لان التوفل مافيه محادثه و رايتنق فقط اختيارات متعدده..

لكن لا تعتقدين انه عشان اختيارات بيكون سهل بالعكس ساعات يكون سؤال و كل اجاباته صحيحه لكن يبونج تختارين الاصح فيهم..!!

و التوفل فيه ريدنق يمكن 5 قطع و عليها اسئله يعني عن تجربتي التوفل متعب ذهنيا لان الاسئله كثيره و الوقت محدود و كل سؤال بالتوفل له 5 ثواني عشان تختارين الجواب لان السؤال اللي وراه راح يبتدي يعني لازم تكونين سريعه بالحل..

الايلس انا ما جربته لكن اغلب اللي اعرفهم يقولون انه اسهل من التوفل و في مرونه بالدرجات اكثر لان بالنسبه للسبيكنق و الرايتنق تعتمد الدرجه على تقدير المصحح يعني يمكن يكون كريم و يزيدج اما التوفل يا ابيض او اسود صح او خطأ مافيها مساعده..

و انتي لا تتعبين نفسج بالاختيار بينهم اذا كنتي تبينها كشهاده تضيفينها في السي في فالشهادتين بنفس المستوى يعني بتكون اثبات لمستوى اللغه عندج اما اذا تبينها للدراسات العليا تأكدي من الجامعه اللي بتدرسين فيها اي شهاده يعتمدون..

اما عن استفسارج الاخير فالشهادتين صلاحيتهم مفتوحه يعني اللي قال لج لازم تقدمين كل سنتين معلوماته غلط..

بالتوفيق

miss-qatr

05-11-2007, 09:07 PM

بالنسبه لاستفسارج الاول انج تبينها للدراسات العليا..

اختي هالشي حسب طلب الجامعه اللي بتدرسين فيها دراسات عليا..

في جامعات تطلب توفل و جامعات تطلب ايلس..

يعني الافضل تتأكدين من الجامعه اللي انتي ناويه تدرسين فيها ان شاء الله..

لكن عموما التوفل مطلوبه اكثر من الايلس في اغلب الجامعات..

بالنسبه للاصعب و الاسهل يعتمد عليج انتي..

يعني لو انتي قويه في المحادثه و الرايتنق قدمي الايلس لان التوفل مافيه محادثه و رايتنق فقط اختيارات متعدده..

لكن لا تعتقدين انه عشان اختيارات بيكون سهل بالعكس ساعات يكون سؤال و كل اجاباته صحيحه لكن يبونج تختارين الاصح فيهم..!!

و التوفل فيه ريدنق يمكن 5 قطع و عليها اسئله يعني عن تجربتي التوفل متعب ذهنيا لان الاسئله كثيره و الوقت محدود و كل سؤال بالتوفل له 5 ثواني عشان تختارين الجواب لان السؤال اللي وراه راح يبتدي يعني لازم تكونين سريعه بالحل..

الايلس انا ما جربته لكن اغلب اللي اعرفهم يقولون انه اسهل من التوفل و في مرونه بالدرجات اكثر لان بالنسبه للسبيكنق و الرايتنق تعتمد الدرجه على تقدير المصحح يعني يمكن يكون كريم و يزيدج اما التوفل يا ابيض او اسود صح او خطأ مافيها مساعده..

و انتي لا تتعبين نفسج بالاختيار بينهم اذا كنتي تبينها كشهاده تضيفينها في السي في فالشهادتين بنفس المستوى يعني بتكون اثبات لمستوى اللغه عندج اما اذا تبينها للدراسات العليا تأكدي من الجامعه اللي بتدرسين فيها اي شهاده يعتمدون..

اما عن استفسارج الاخير فالشهادتين صلاحيتهم مفتوحه يعني اللي قال لج لازم تقدمين كل سنتين معلوماته غلط..

بالتوفيق

ياخوي مااااااااااااااااااقصرت والله

بس تخرعت وترددت مب عارفه انا بعدي مااخترت جامعه اكمل فيها بس بغيت اختصر الوقت دام طارحين دوره توفل والايلس اخاف ادخل التوفل وما اجيب السكور :(

ومثل ماقلت التوفل اقوى بس عالاقل خدت فكره عن الشهادتين ربي يوفقك بحياتك قول آآآمين :)

بس اتمنى ان مثل ماذكرت ان صلاحيه التوفل مفتوحه لان انقال لي كلام غير.... اول ما تبدل الكتب لازم اتجدد الشهاده :looking:

Index Signal

05-11-2007, 10:46 PM

ياخوي مااااااااااااااااااقصرت والله

بس تخرعت وترددت مب عارفه انا بعدي مااخترت جامعه اكمل فيها بس بغيت اختصر الوقت دام طارحين دوره توفل والايلس اخاف ادخل التوفل وما اجيب السكور :(

ومثل ماقلت التوفل اقوى بس عالاقل خدت فكره عن الشهادتين ربي يوفقك بحياتك قول آآآمين :)

بس اتمنى ان مثل ماذكرت ان صلاحيه التوفل مفتوحه لان انقال لي كلام غير.... اول ما تبدل الكتب لازم اتجدد الشهاده :looking:

نقطه مهمه اختي الكريمه ان الحظ يلعب دور كبير بنتيجة التوفل و اللي قدم التوفل اكثر من مره يعرف قصدي..!!

انا قدمته تقريبا 5 مرات و ساعات اكون مركز بالاسئله و مشتط وبالاخير احصل درجه عاديه..

و ساعات اكون مالي نفس للامتحان و اخمّن الاجابات بشكل عشوائي و احصل درجه اعلى..!!

بإختصار لازم تقدمين اول مره تتعرفين على الامتحان و تزيلين خوفج منه..

و لازم تكونين نايمه و مرتاحه عدل لان الاختبار مرهق يمكن 4 ساعات تركيز كامل..

اذا حابه تجربين نفسج قدمي في جامعة قطر في اختبار يسوونه للطلبه و لاي شخص يبي يقدم توفل لكن هالامتحان مب معترف فيه الا بجامعة قطر يعني مب عالمي لكنه نفس العالمي كمستوى و نفس الاوراق و نفس الاسئله تقدرين تسجلين فيه وهو اختبار عالورق مب عالكمبيوتر بيكون بتاريخ 29\12\2007 بيصادف يوم سبت يعني اجازه و التسجيل مفتوح الحين و الاماكن محدوده و الرسوم 150 ريال بس..

بخصوص صلاحية شهادة التوفل اذا تبين تتأكدين اتصلي على معهد اسمه ايمدست هو وكيل امتحانات التوفل في الشرق الاوسط و لهم مكتب بقطر لكن ما يسوون امتحانات تقدرين تتأكدين منهم بهالنقطه و بالنسبه للأيلس اتصلي على البريتيش كونسل بيعطونج الجواب الاكيد..

بالتوفيق و شكرا على دعائج لي والله يسمع منج.

PoBox

05-11-2007, 11:46 PM

بالنسبة لصلاحية التوفل
كصلاحية علبة التونة ، لا مافي صلاحية:tooth:

لكن النقطة اللي تقصدينها هي شرط في بعض الجامعات

مثلا جامعة تقول من شروط القبول توفل بسكور 5.5 بشرط ان ماعدى على اكتساب الدرجة سنتين او ثلاث سنوات او اكثر او اقل

وبعض الجامعات مايحددون تاريخ معين

كما ان بعض الجامعات لو كانت الدراسة السابقة باللغة الانجليزية ( واحضرتي اثبات بهالشي ، ورقة مثلا من المدرسة او الجامعة تفيد ان الدراسة بالانجليزي )

يتم الاعفاء من التوفل

وكل جامعة تختلف عن الاخرى في الشروط من ناحية الصلاحية او الاعفاء

حيهور

06-11-2007, 12:00 AM

التوفل صعب جداااااااااااااااااااااا

الايلس سهل جداااااااااااااااااااااااااااااا بالعربي مسخره

انا قدمت الاثنين

جبت في التوفل 450
جبت الايلس 5.5 وانا اضحك

وترى يعتمد على الجامعه الي راح تدرسين فيها بعض الجامعات تطلب منج التوفل وبعضهم الايلس انتي وحضج

وفي شي اسمه الكيل تيست هذا مثلهم بس كندي فقط واسهلهم الصراحه يطلبونه في الجامعات الكنديه

بالتوفيق

PoBox

06-11-2007, 12:07 AM

miss-qatr

06-11-2007, 06:13 AM

نقطه مهمه اختي الكريمه ان الحظ يلعب دور كبير بنتيجة التوفل و اللي قدم التوفل اكثر من مره يعرف قصدي..!!

انا قدمته تقريبا 5 مرات و ساعات اكون مركز بالاسئله و مشتط وبالاخير احصل درجه عاديه..

و ساعات اكون مالي نفس للامتحان و اخمّن الاجابات بشكل عشوائي و احصل درجه اعلى..!!

بإختصار لازم تقدمين اول مره تتعرفين على الامتحان و تزيلين خوفج منه..

و لازم تكونين نايمه و مرتاحه عدل لان الاختبار مرهق يمكن 4 ساعات تركيز كامل..

اذا حابه تجربين نفسج قدمي في جامعة قطر في اختبار يسوونه للطلبه و لاي شخص يبي يقدم توفل لكن هالامتحان مب معترف فيه الا بجامعة قطر يعني مب عالمي لكنه نفس العالمي كمستوى و نفس الاوراق و نفس الاسئله تقدرين تسجلين فيه وهو اختبار عالورق مب عالكمبيوتر بيكون بتاريخ 29\12\2007 بيصادف يوم سبت يعني اجازه و التسجيل مفتوح الحين و الاماكن محدوده و الرسوم 150 ريال بس..

بخصوص صلاحية شهادة التوفل اذا تبين تتأكدين اتصلي على معهد اسمه ايمدست هو وكيل امتحانات التوفل في الشرق الاوسط و لهم مكتب بقطر لكن ما يسوون امتحانات تقدرين تتأكدين منهم بهالنقطه و بالنسبه للأيلس اتصلي على البريتيش كونسل بيعطونج الجواب الاكيد..

بالتوفيق و شكرا على دعائج لي والله يسمع منج.

والله جد ماقصرت وتعبتك معاي ... الله يعطيك العافيه

بس عن شهاده التوفل اللي بجامعه قطر مسويينها حق بنات تأسيسي ويوم تقديم امتحانها بنفس يوم امتحان tofel IBT انا سألت قبلها

يعني تنصحني بالايلتس؟؟

لان عمري ما دخلت امتحان توفل هذي اول مره

بس بعد السالفه فيها اعاده للتوفل اكثر من مره :looking: ياووويلي

عالعموم مشكووووووووووور على الرد :)

بالنسبة لصلاحية التوفل
كصلاحية علبة التونة ، لا مافي صلاحية:tooth:

لكن النقطة اللي تقصدينها هي شرط في بعض الجامعات

مثلا جامعة تقول من شروط القبول توفل بسكور 5.5 بشرط ان ماعدى على اكتساب الدرجة سنتين او ثلاث سنوات او اكثر او اقل

وبعض الجامعات مايحددون تاريخ معين

كما ان بعض الجامعات لو كانت الدراسة السابقة باللغة الانجليزية ( واحضرتي اثبات بهالشي ، ورقة مثلا من المدرسة او الجامعة تفيد ان الدراسة بالانجليزي )

يتم الاعفاء من التوفل

وكل جامعة تختلف عن الاخرى في الشروط من ناحية الصلاحية او الاعفاء

بس حلو الانسان يضيف حق نفسه شهاده حتى لو تم اعفاءه منها :victory:

يعطيك العافيه ياخوي ماقصرت بالرد :)

التوفل صعب جداااااااااااااااااااااا

الايلس سهل جداااااااااااااااااااااااااااااا بالعربي مسخره

انا قدمت الاثنين

جبت في التوفل 450
جبت الايلس 5.5 وانا اضحك

وترى يعتمد على الجامعه الي راح تدرسين فيها بعض الجامعات تطلب منج التوفل وبعضهم الايلس انتي وحضج

وفي شي اسمه الكيل تيست هذا مثلهم بس كندي فقط واسهلهم الصراحه يطلبونه في الجامعات الكنديه

بالتوفيق

السقطري ماشاء الله عليك شكلك ممتاز بالانجليش :)

والله هذاني افكر ومتحتاره بس ربي يسهلها

وربي يوفقك ياخوي :thumbup1:

قطري شايب

06-11-2007, 06:27 AM

من وجهه نظري المتواضعه ان هالاختبارات ماتنحط بالبروفيشنل سي في او ريزوميه لانها وبكل بساطه امتحانات تحديد مستوى وقبول مشروط للجامعات الخارجيه يعني اذا بغيتي اضافه للغه الانجليزيه خذي دوره انجليزي من غير اختبارات
ومن ناحيه مده الصلاحيه ... نعم اغلب الجامعات الامريكيه لاتقبل بالتوفل الي عمره فوق السنتين مثل ماقالت الاخت.......... او ع الاقل هذا الي كان صاير على ايامانا
وموفقه انشالله

المتأمل خيرا

06-11-2007, 06:39 AM

أختي الكريمة..

حبيت آذكر بعض المعلومات البسيطة التي اعرفها عن امتحان الـ "tofel" تحديداً من خلال تجربة سابقة.. حيث سبق وأن قدمته منذ سنين طوال طوال عند التحاقي بإحدى الجامعات الأمريكية..

1- هو امتحان - كما ذكر الإخوة - لغير الناطقين باللغة الإنجليزية "أي الذين لغتهم الأم ليست الإنجليزية" معمول به لدى الجامعات الأمريكية - لكن ربما ليس كلها.. لا أعلم حول هذه النقطة تحديداً -..

2- هذا الإمتحان ليس لمعرفة مستوى اللغة الإنجليزية فقط، وإنما لتحديد مهارات الطالب المعرفية في اللغة.. "من بينها مثلاً هل مستواه في القواعد مناسب.."..

3- يمكن للطالب أن يقبل بالإلتحاق بالدراسة بالجامعة، لكن يأخذ دروساً لها صلة باللغة الإنجليزية - حسبما يظهره الإمتحان من حاجة - ، فمثلاً يمكن أن يأخذ مادة "إنشاء".. وفي نفس الوقت يأخذ مادة كمبيوتر :) .. لكن طبعاً هناك مواد تتطلب من الطالب/الطالبة أن يكون قد اجتاز المرحلة السابقة.. مثلاً يمكن أن تكون هناك مادة "لغة انجليزية متقدمة".. فلابد أن يكون قد اجتاز مادة "لغة إنجليزية أساسي" قبلها.. طبعاً أنا هنا اذكر أمثلة.

4- عند الإلتحاق بجامعة أخرى لاحقاً - مثلاً لدراسة الماجستير - ويكون الشخص المتقدم قد حصل على الشهادة الجامعية الأولى من جامعة تدّرس باللغة الإنجليزية.. فلا يطلب منه ذاك الإمتحان.

5- حسب علمي "قبل مدة" أن هناك كتباً في مكتبة العروبة - بشارع عبدالله بن ثاني - متخصصة في تقديم أمثلة تفصيلية ووافية عن امتحان الـ "tofel" ...

مع تمنياتي لك بكل الخير والتوفيق،،،

hasss1969

06-11-2007, 07:14 AM

المتأمل خيرا

06-11-2007, 07:56 AM

الله يرحم والديكم احتاج للكتب المطلوب دراستها لتقديم امتحان
ielts

حيث انني حاولت شراءها من المجلس الثقافي البريطاني وكلية شمال الاطلنطي حيث الامتحان يقدم لديهم ,لكنهم للاسف لم تصلهم نسخ للكتب المطلوبة من حوالي سنة ..
فمن لديه اي كتاب او ملزمة يريد بيعها ارجوه ان يخبرني, وفي حال عدم رغبته في البيع اخذها منه واصورها...حيث انني في حاجة ماسة لها للتقدم للامتحان وهو في شهر يناير ...
وشكرا...

أختي الكريمة.. حاولي الإتصال بمكتبة العروبة - التي في شارع عبدالله بن ثاني - فربما لديهم ما يفيدك.. لأنني اذكر أنه كان بحوزتهم - منذ زمن، ولا أعرف الآن - كتباً للتأهيل لامتحان الـ "TOFEL".. كما أن هناك مكتبة اسمها "مكتبة العائلة".. كانت تختص بالكتب الإنجليزية.. لكن لا أعرف الآن إن كانت موجودة أم لا.. جاء في بالي المكتبة القريبة من إشارات رمادا مع بداية طريق سلوى من الدوحة "أكبر مكتبة في قطر".. كيف يغيب اسمها عن بالي هذه اللحظة :).. "الجاحظ؟؟" ..

تحياتي،،،

امل الحب

06-11-2007, 08:47 AM

:looking::looking::looking:

مانصحج بالتوفل :anger3: مع اني دارسة انجليزي ومستواي فالانجلش 100% ولكن قدمته لحد الحين 7 مرات :looking: ولامرة وصلت 500 حدي واقفة عال497:no:

موفقة

Index Signal

06-11-2007, 12:07 PM