الصراحه محتاجه أرائكم للاهمية .. أتمنى الكل يدلوا بدلوه

[ريم]

الصراحه مفكره أبيع صناعات لانه الصراحه أصبح سهم ممل جداُ لايتحرك وأن تحرك قليلا للاعلى أرتد مره أخرى :anger2: مادري شنو رايكم أبيعه وأسثتمر فلوسي في سهم أخر مثلاُ ناقلات :looking: أم أنتظر عليه والله الصراحه أنا ناطرته من فتره وهو لايتحرك أبداُ ياليت أتفيدوني محتاجه رايكم على وجه السرعه

[عزيز]

السؤال هو أنتي ربحانه ولا خسرانه فيه ؟؟

لو أنج ربحانه بيعيه وأفتكي منه وبصراحه الصناعات صايره مزعجه هالسنه

أما أذا أنج خسرانه أصبري عليه لين أول سنه 2006 وعلي الأقل متوقع له يوصل 220 كأدني حد

انا متعلق فيه ومجمد حوالي الـ 53 ألف فيه علي الفاضي وخسران بعد شريت دفعه أولي شهر مارس ألي طاف بـ 248 وعقب شريت دفعه ثانيه بــ192 علشان أعدل المتوسط وأصبح المتوسط عندي 214

والله مقهور أني مجمد فلوسي علي الفاضي بس مضطر أخليهم وبخليهم لين يوم القيامه ولا أبيعهم بخساره :eek2:

والله ييوفقج أختي :) ..

[ريم]

السؤال هو أنتي ربحانه ولا خسرانه فيه ؟؟

لو أنج ربحانه بيعيه وأفتكي منه وبصراحه الصناعات صايره مزعجه هالسنه

أما أذا أنج خسرانه أصبري عليه لين أول سنه 2006 وعلي الأقل متوقع له يوصل 220 كأدني حد

انا متعلق فيه ومجمد حوالي الـ 53 ألف فيه علي الفاضي وخسران بعد شريت دفعه أولي شهر مارس ألي طاف بـ 248 وعقب شريت دفعه ثانيه بــ192 علشان أعدل المتوسط وأصبح المتوسط عندي 214

والله مقهور أني مجمد فلوسي علي الفاضي بس مضطر أخليهم وبخليهم لين يوم القيامه ولا أبيعهم بخساره :eek2:

والله ييوفقج أختي :) ..


الله يعطيك العافيه أخوي عزيز على مرورك وردك السريع بس أخوي أنا خسرانه والله فيه ولو مب خسرانه مانتظرت لين اليوم شاريته يوم كان 212ريال وماقدرت اعدل المتوسط مثلك أنت يمكن عندك سيوله وراح تنتظر بس أنا شنو أسوي يعني شنو رايكم أبي أرائكم أمانه لاتبخلون علي وأتمنى السرعه في الرد مابي أنام اليوم فليل وأنا مب متخذه قرار أرجوكم

[Qatarii]

السلام عليكم ورحوة الله
بما انج طلبتي الكل بأن يدلوا بدلوه ...فلي وقفه على هذ1 السهم
اعتقد بان معظم الناس صبر بما فيه الكفايه...والله اعلم هنا يكمن سر المده التى ثبت عليه سعره
هذا السهم لايصلح ابدا للمضاربه...نلاحظ فرق اعلى واقل سعر معدل 2-3 ريالات يوميا
والله اعلم ان معظم المساهمين هم اصحاب المدة الطويلة الأجل وهذا يدل على قوة الصناعات
نذكر جميعا ان الصناعات كانت الاقوى في وجود سهم الناقلات واعتقد ان هناك علاقه عكسية مابين السهمين تجد الاول يرتفع والاخر ينزل والعكس صحيح
لااعلم عن حال السوق في الربع الأول من اكتوبر ولكن اتوقع ان السوق سيكون جيد وخصوصا للأسهم القياديه
هذا والله اعلم

[كش ملك!!]

لا تبيعين الحين اختي


اصبري كم شهر بعد


:)

[A.L.I]

ناقلات

:nice: :nice: :nice:

[مسكين]

دامج طلبتي من الكل يقول راايه انا باقول لج وجهه نظري وانتي استخلصي منها رايج

شوفي الرسم


http://www.w6w.net/upload2/29-09-2005/w6w_20050929062051fd9c99c4.gif


نلاخظ المشورات وقد أعطت أذن أو شبه أذن بالدخوول فمثلا مؤشر

مؤشر بولينجر باندز ( Bollinger Bands )


اعطى اشارة وااضحه بالاستعداد لدخول كما في الدائرة الحمراء

ومؤشر مؤشر ستوكاستيك ( Stochastics )
كذلك اعطى اشاره استعداد للدخول كما هو في الدائرة السوداء

وكذلك مؤشر مؤشر القوة النسبية ( Relative Strength Index )

كاد أن يعطينا اشراره لولا ارتفاع السهم كما في الدائرة الزرقاااء


وكذلك هذا الرسم


http://www.w6w.net/upload2/29-09-2005/w6w_20050929062831b8e79260.gif

وكذلك موشر
مؤشر ويليمز ( Williams % R )

اعطانا بمجرد صعود السهم اشاره كما في الدائره السوداء

وأما مؤشر مؤشر MFI ( Money Flow Index )

فأتوقع أن يعطي اشارة واضحه بعد يومين لو واصل السهم طريقه صعودا

نلاحظ ايضا أن نقطقة الدعم تكونت من مجموع قمة وقاع أي بمجموع مقاومه ودعم فالسهم في مراحل الشراء لأنه لامس نقطة من الصعب عليه اختراقها
وأما الشمووع اليابانيه فقد نبئت بالتالي


http://www.w6w.net/upload2/29-09-2005/w6w_200509290653382f020508.gif

نلاحظ في الشعمة قبل الاخيره طويله الطرفين علوي وسفلي أن المضاربة تمت بشكل قوي، أعلى و أخفض من سعر الافتتاح الخاص بفترة المضاربة، لكنها أغلقت فعلياً قريبة من سعر الافتتاح والنتيجه تغير بسيط لكن في اليوم التالي
امتدت الشمعة البيضاء دليل البيع والشراء اكثف عن ذي قبله وان الاندفاعيين قد سيطروا على حركه السهم فهي بمعنى الأشاره أن السهم قد زرع الثقه في نفوس ملاكه وهو على بوابه الارتفاع


وأخيرا أنتي صاحبته القرار وليس لدي أي توصية ولكن أحبب التوضيح لأنك طلبتي المشاركة من الجميع .


وسلامتج

[ele-france]

شكرا لصاحبة الموضوع على طرحه .....




الأخ المسكين الله يعطيك العافية على الرسم البياني والتوضيح الرائع ...



وسهم الصناعات قادم لامحالة .....

[التاجر]

اختي بيعية واشتري اسهم ثانية احسن لج اذا تبين السيولة اللحين

"" لان اول السنة كل شي بيتغير للأحسن "" ان شاء الله

وكل عام والجميع بصحة وسعاده

[النوخذة]

اختي بيعي النص واستثمري في اسهم ثانيه واحتفضي بالنصف الاخرلفتره قادمه لعل الصناعات تتحرك

وهكذا تكوني مسكتي العصا من المنتصف

[عزيز]

أختي ريم والله حالي حالج وهالـ 53 ألف ألي معلقها بالصناعات أسدد فيها قروضي أبرك لي مب أنا مضطر أنطر عليها ودام أني ناطر من شهر 3 ماراح أبيع الصناعات بسعر أقل من 250 ريال في شهر 3 ولا 4 أن شاء الله عشان أنتظاري سنه كامله وتجميدي للمبلغ هذا مايكون علي الفاضي وأكون طلعت منه بربح ولو بقليل

أختي السؤال ألي يسدح نفسه

المبلغ ألي شاريه فيه الصناعات فلوسج الخاصه ؟ ولا دين ؟ ولا تبين تسددين الدين ألي عليج ؟

ممكن أختي أفهم وضعج علشان أحط نفسي مكانج وأنصحج بالقرار الأصح

بس أنا أفضل أنج ماتبيعين أذا أنج مب محتاجه :) ..

[nor85]

[والله مقهور أني مجمد فلوسي علي الفاضي بس مضطر أخليهم وبخليهم لين يوم القيامه ولا أبيعهم بخساره :eek2:

و :funny: :funny: :funny:

[ولد شمر]

عليكي بالمصرف والاسلامية

[بوعبدالله3]

اسمعي يا ريمه
بفيدج باذن الله بس جوزي عن خويي الغالي اشعب
بيعي نص الاسهم والنص خليه ليمن ترتفع الاسهم وتعوضين الخساره
اما النص الثاني اشتري بهم ناقلات وضاربي يوميه بهم
وانتي ماتنوصين بعد على المضاربه والهواش :)

وان شاء الله بتعوضينهم وبتلاقين من ربك خير

ثاني شي
انا الصراحه اتعجب من اللي يجمد فلوسه يترجاها تلقح له وتولد واشلون؟؟؟

الاحد اسهم الناقلات نازله على قولتكم دوان واذا في الظن خير راح تنزل لنقطة الدعم 61,60
اشتريها هنيه
وان ارتفعت لين نقطه المقاومه 63,73 بيعيهم وخلاص

ودمدم سالمين

[بوعبدالله3]

علاك بالمواشي هالايام بترتفع والعالم الله انها بتنحر الخمسين
قولي ان شاء الله

[اشعب]

انا اشعب يا خيتي ريم الي فالماضوع حق لمواشي مدري كنك عرفتيني بس ودي اساس سوال واشلون تبين تبيعين صناعت اماه من لسهم لجميله واشلون تبيعين سهم جميله شكرلاك
ياخاك بوعبدالله ثلاثة ورا متحضر عندي فماضوعي الي تحت شفه تحت شوي مهوب بعيد شكرلاك

[أعمار]

الصناعت سهم قوي .بدون ادنى شك .. بس مافيه مدى مثل غيره ... يعني لو بيرتفع خلال سنة كم بيوص 300 او 400 بالكثير ... يعني بيدبل مرة وحدة .. أنا اشوف تحتفظين بجزء منه ويكون 30% والباقي تبيعينه وتسوين لج محفظة واوصيج بوقود لانه يعتبر كنز بسعره للحالي وللفترات الطويله ...وبعد الاجارة .. وبالتوفيق

[ريال سعودي]

بارك الله فيك مسكين

مجهود تشكر عليه

اختي ريم ما لك إلا الصبر أو التحويليه والله أعلم

[سوبرمان]

أختي ريم انا عن نفسي بعتها

واشتريت بالناقلات والسبب؟؟


الصناعات تعتبر افضل شركات السوق لكن مستقبل الناقلات افضل

ثانياً الناقلات بأذن الله مضمونه توصل 200 ريال اما الصناعات مااقول مستحيله بس صعبه انها توصل 600ريال

نصيحتي لك اما الطبيه أو الناقلات

واذا عندك بالناقلات كميه ممتازه اشتري الطبيه ترى مستقبلها مره ممتاز

أخووك الصح السووبر

[المشعاب]

عليكي بالمواشي والمتحدة وراقبي وضع السوق العام

[الحزينه]

اختي ريم من رايي انج ماتبعينه الحين صبري عليه شوي ومن المؤكد والعلم عند الله انه بيرتفع بس يبي له وقت

صبري و لاتستعجلين عليه وبالذات مثل ماقلتي انج ماخذته غالي اتمنى انج ماتستعجلين والله يوفقج به .

صحيح هو بطيئ بالارتفاع بس راح يطلع على حسب علمي 250 الى 300 ريال تقريبا والله يوفق الجميع

[ولد المعاضيد]

اختي ريم من رايي انج ماتبعينه الحين صبري عليه شوي ومن الؤكد والعلم عند الله انه بيرتفع بس يبقي له

صبر لاتستعجلين به وبالذات مثل ماقلتي انج ماخذته غالي اتمنى انج ماتستعجلين والله يوفقج به

صحيح هو بيطئ بالارتفاع بس راح يطلع على حسب علمي 250 الى 300 ريال تقريبا والله يوفق الجميع

انا بعد سمعت ان السهم احتمال يوصل ال250 او 300 على بداية السنه

وانا ما انصحج تبيعين بخساره.. :court:

تحياتي

[الحزينه]

تسلم ياولد المعاضيد

[ريم]

أولا شكراُ الكل من نصحني في منكم المؤيد للبيع وفي الغير مؤيد وشكراُ جزيلا لكم جميعاُ بس في موضوع حبيت أوضحه لكم أخواني خواتي أكيد أيهمكم شنو قررت طبعاُ أنا قراري خذته بناء على أرائكم وصراحه قررت أبيع ال50% من أسهم الصناعات والاحتفاظ بالنصف الاخر أما قيمة النصف الي ببيعه طبعاُ بشتري فيه 30% ناقلات و20% السلام وجميعهم للاستثمار طبعاُ والمضاربه في حال كان السوق مطمئن وفي حال أرتفع الصناعات طبعا لدي المتبقي وأنشالله أتعوض خسارتي والله يرزقكم ويفتح لكم أبواب الرزق من حيث لاتعلمون :nice:

[الأستشاري]

أختي ريم أنصحك الأحتفاظ بالصناعات وبيع 30% والشراء في الأجارة .

وهذا رأيي الشخصي. وتجنبي الناقلات في الوقت الحالي

[ontop]

أختي ريم أنصحك الأحتفاظ بالصناعات وبيع 30% والشراء في الأجارة .

وهذا رأيي الشخصي. وتجنبي الناقلات في الوقت الحالي

كلام أخونا الاستشاري أفضل (شوفي توصية فارس نجد بخصوص الإجارة)، وعلى فكرة الصناعات إن شاء الله طالعة من 250 إلى 300 وما راح تخسرين. والله يوفقك. :D :D :D

[ريم]

أختي ريم أنصحك الأحتفاظ بالصناعات وبيع 30% والشراء في الأجارة .

وهذا رأيي الشخصي. وتجنبي الناقلات في الوقت الحالي



شكراُ لك أخوي الاستشاري بس أخوي بس والله مادري تبي الصج الي أجوفه اليوم من هبوط في السهم وكل ماتوقعنا يرتفع نزل أعتقد أبيع ما أملك في الصناعات وأستثمرها في اسهم ثانيه بيكون أفضل والصناعات أحين أمامها مقاومات وايد واذا حبيت ارجع لها أقدر ارجع بس لما يتعدل وضع السهم المهم أخوي أنا خذت أبشورك وانشالله الله يكتب الي فيه الخير ووفقكم جميعاُ ورزقكم من حيث لاتعلمون

[qatarilover]

سامحك الله يا اخت ريم فلماذا تقدمين على البيع والسهم يتداول عند نقطة دعم قوية؟
لقد انتظرتي كل هذه الفتره واحتفظتي بالسهم فلماذا لم تصبري لتري ما سيحدث في الأسابيع القليلة القادمة؟
انطلاقة الصناعات باتت وشيكة مع اعلان نتائج النصف الثالث بالاضافة الى أن مؤشرات السهم الفنية تبشر بالخير.
أتمنى لك التوفيق في المرات القادمة

[بدور]

اختي ::::: انصحج لاتبيعين الصناعات اصبري شوي اذا مو محتاجه للسيوله لاتحركين اسهمج خليها وان شاء الله بترتفع لانها شركه قياديه لاتفرطين فيها وانتي الكسبانه في الاخير :::::