ممكن المساعده

[الامير]

سلام عليكم صاري حادث بسيط والحمدالله ومادري واين الكراج الممتاز لتصليح سيارتي من غير الوكاله للعلم سيارتي لكزس ابيكم دلوني على كراج سريع ويضبط سمكر وتسلمون ومشكورين مقدمان

[رآعي موآجيب]

اول شي الحمدلله على سلامتك

الشي الثاني الكراجات الي شغلها ممتاز ما هقيت يخلصونك بسرعه من كثر الضغط الي عليهم

بس انت حاول عند كراج الكرستال او المسقبل شارع 27 وعندك كراج النورمندي شارع 6 وعندك شركة المناعي أو الاودي أو الديهاتسو .

[بدوي قطر]

انا جربت كراج نورماندي وفنان في السمكره والصبغ

[الامير]

الله يسلمك ماقصرت بس افضل واحد حق سمكر لان سيارتي لؤلؤي ابيهاولاكن شي فيها ومشكور

[رآعي موآجيب]

الله يسلمك ماقصرت بس افضل واحد حق سمكر لان سيارتي لؤلؤي ابيهاولاكن شي فيها ومشكور


لاتحاتي يالغالي الحين الموضوع تغير مب نفس قبل, الحين الله يسلمك اذا ماقدروا يطلعون نفس درجة للون السياره , ياخذون غطا البترول السياره الي فيها الحادث ويمررونه على جهاز معين ويطلع لك درجة اللون والرقم الصحيح 100%

[بن درهم]

اخوي الحمد الله الي سلمك

وعليك بكراج الاودي عند واحد اهناك اسمى سامر روح وشوف المواتر الي يشتغلون فيها كلها مواتر فخمة
وشغلهم فوق الممتاز واسئل امجرب

[مستثمر 999]

اخوي الكريم

اول شي الحمدلله على سلامتك

مثل ما قالو الشباب عندك وكالة المازدا والاودي والديهاتسو وحتى السوزوكي ....بس يحسون لك الشغل بالساعه .........واعتقد الساعه ب 100 ريال وعليك الحسبه .

عندك كراج قديم وعنده سيارات ما شاء الله وصدقني اللؤلؤي عنده كنه كرولا
الكراج .............اسمه النمر ( الكويتي ) احمد الحمد شارع 27 قبل المستقبل والكريستال

جرب وبتدعي لي

[*¤ بن قطر¤*]

نصيحة لوجه الله لا تتعامل مع

الكريستال

[رآعي موآجيب]

نصيحة لوجه الله لا تتعامل مع

الكريستال


ليش يالغالي الكرستال لا , تراني نصحت الرجال بالكرستال وانا صارلي اكثر من سنتين ما تعاملت معاه ولله الحمد , العيوب الي اخبرها فيه انه غالي ويتأخر , كان فيه شي ثاني فيدنا الله يرحم والديك .

[almalki2]

اخوي توكل على الله وعلى كراج النورمندي شارع 6 يضبط لك الصبغ خصوصا الون الذهبي الفاتح
بس خذ موعد عندهم .

[الهاوي28]

ولد عمي صابغ صدام موتره عند النورماندي لؤلؤي

والله ولا يبين ولاكأن فية شيء