للأمهات : مطبــخ الطفل ،،

[الطرف الأغر]

السلام عليكم ورحمة الله وبركاته

أخطرت على بالي فكرة للأمهات أو كل وحده مسؤولة عن أطفال ،،

الا وهي ( مطبــخ الطفل ):D

اشلون نهتم بتغذيتهم ،، وتوفير أطباق مفيدة وصحية وسريعة التقديم وتكون متنوعة :strong3:


طبعا غير المجبوس والبرياني و الصالونة :p ،،، نبي اختراع عجيب :thumbup: ،، يعني أكلات خفيفة ( وجبات للعشاء ) ،، تكون متكاملة ،، تحتوي على خضروات + سلطات + دجاج أو لحم


اخترت في البداية : طبقين أتمنى يعجبونكم واطبقونها مع اليهال كوجبات رئيسية للعشاء

سلطة السيزر + أصابع الدجاج مع البطاطا المشوية

سلطة السيزر
المقادير :
http://banco.agenciaoglobo.com.br/Imagens/Preview/200608/bf2b4d49-0a46-4568-a94a-0a3fe92c5091.jpg

شرائح خبز التوست الخبز الفرنسي او الايطالي

خس مدور ( شرائح كبيرة )

صدر دجاج مشوي في الفرن ومقطع شرائح عريضة

جبنة مبشوره

ملعقة لبن رائب

ملعقة مايونيز

نقاط من الخل للنكهة

ثوم مطحون خفيف للنكهة أيضا

الطريقة:

نحمص قطع الخبز في الفرن وندهنها بخليط الثوم والخل مع بعض ،،
ونعمل خلطة السيزر ( نخلط: ملعقة اللبن الرائب +المايونيز ) مع بعض
يقطع الخس ويغسل جيدا ،، ونضعه في اناء نخلطه مع الخلطة ( اللبن الرائب و المايونيز ) ثم نضع فوقه شرائح صدر الدجاج المشوي وننثر فوقة مكعبات الخبز المحمص المدهونة بالثوم والخل ،، وأخيرا اضافة الجبنه المبشورة

__________________________________________________ ___

الطبق الرئيسي :strong2:

أصابع الدجاج مع البطاطا المشوية
http://www.kraftfoods.com/images/recipe_images/Crispy_Coconut_Chicken_Fingers.jpg

المقادير:

صدور الدجاج الجاهزة

بيض

بقسماط

ملح + رشة فلفل أسود

الطريقة:

تقطع صدور الدجاج الى أصابع عريضة حسب الرغبة

يخفق البيض مع اضافة ملح حسب الرغبة ورشة فلفل أسود

يغمس الدجاج في البيض ثم يغمس في البقسماط

ثم يقلى في الزيت

البطاطا المشوية
http://whatscookingamerica.net/Foto4/BakedPotato2.jpg

المقادير :

حبات بطاطا كبيرة الحجم

زيت زيتون

زبدة أو جبنة حسب الرغبة

رشة ملح وفلفل أسود

الطريقة :

تغسل حبات البطاطا جيدا ،، وتشق من النصف شقا طويلا متوسطا

وتغلف بالألمنيوم

تدهن بزيت الزيتون بطريقة بسيطة ،، وتوضع في صينية فرن مدهونه أيضا بزيت الزيتون ،،

تترك في الفرن لمدة ساعة الا ربع حتى تنضج تماما

رشي عليها اشوية ملح وفلفل أسود

تجوفينها بملعقة صغيرة و تحشينها بالزبدة أو الجبنة أو حتى الدجاج والمشروم

وفيه العافية :victory:



الي عندها أطباق بسيطة صحية ومفيدة سهلة التقديم خاصة بالأطفال ،، تحطها لنا للاستفادة


لي عودة ان شاء الله ،، مع طبق خضار سوتيه ،، وباستا الصدف المحشو بالدجاج والمشروم

[<<روز>>]

يعطيج الف عافيه عزيزتي

[@ دانتيل قطر @]

مشكورا الاطباق
هذي لنا 00مب حق اليهال
ههههههههه
تسلمين
000000000

[الطرف الأغر]

يعطيج الف عافيه عزيزتي

الله يعافيج عزيزتي روز ،، شرفتي الموضوع

[الطرف الأغر]

مشكورا الاطباق
هذي لنا 00مب حق اليهال
ههههههههه
تسلمين
000000000


هههه ،، قلنا لليهال :court:

:p

اذا في خاطرج يالغالية اكلي وياهم أكل عصافير


مثلا لكل طبق طفل ،، طبق صغير من السيزر سلط + قطعتين أو 3 من أصابع الدجاج + بطاطا مشوية صغيرة

وانتي كملي عالباقي :D

نورتي الموضوع عزيزتي ،،

[بنـ الدحيل ـت]

يعطيج العافية أختي وإن شاء الله آسويها

[لولوتي]

بالفعل هذي الاطباق المفضله عند الاطفال
وبدال مايشترونها من المطاعم بالعكس بيكون احلى وافضل لو تم اعدادها في البيت

ويعطيج العافيه

[سلامي للكل]

وعليكم السلام روحمة الله وبركاته اختي

يعطيج الف الف عافية

ولا تنسين اليوم الشباب في المجلس يبغون شي من الطيب اللي عندج:eek2:

خخخخخخخخخخخخخخخخخخخخخخخ

[دلة الرسلان]

مشكورة عزيزتي وفعلا اطباق مطلوبة بس السيزر سلط حقي انا :p

[شذى الحياة]

وعليكم السلام روحمة الله وبركاته

اممممممممممم ...شكله لذيييييييذ ....وانا جوعاااانه ....هههههههههههه

يعطيك العااافيه غلاااتي على الأطباااق الشهيه....

[ناصر العمادي]

يعطيك العافيه ..... كان ودي اعلق على الموضوع بس المشكله انتي كاتبه للأمهات .. وانا أبهات ....:eek2::eek2::eek2::eek2:

مجهود رائع تشكرين عليه

تحياتي لك

الله يوفقك ويفرحك بعيالك يارب

[ROSE]

رووووووووووعه يالطرف فكره تجنن

انا بعد بشوف وبرجع لج

[غدير البورصه]

فكره حلوه

[الراقية]

يا زينج ويا زين افكارج

[مريديان]

ماشاء الله عليج..فكره اكثر من حلوه

تسلمين والله..وننتظر جديدكم

[الطرف الأغر]

يعطيج العافية أختي وإن شاء الله آسويها

الله يعافيج يالغالية ،، زين نزلت هالمضوضوع عشان انشوفج :yes: ،، وفيه العافية ان شاء الله



بالفعل هذي الاطباق المفضله عند الاطفال
وبدال مايشترونها من المطاعم بالعكس بيكون احلى وافضل لو تم اعدادها في البيت



ويعطيج العافيه

نورتينا لولوتي ،، عيل انا صرت أدخل المطبخ :eek3: ،، بس شنسوي لازم نتخترع لهم عشان صحتهم أحسن من أكل برا





وعليكم السلام روحمة الله وبركاته اختي

يعطيج الف الف عافية

ولا تنسين اليوم الشباب في المجلس يبغون شي من الطيب اللي عندج:eek2:

خخخخخخخخخخخخخخخخخخخخخخخ

سلامي قلنا لليهال :strong2: ،، مب زين حق الشباب يعور البطن :p

والله يعافيك أخوي ،، نورت الموضوع


مشكورة عزيزتي وفعلا اطباق مطلوبة بس السيزر سلط حقي انا :p

هههههه طحت عالعوق يا دلة هااا :p ،، اعيالي حبو السيزر سلط مني مدمنه عليها ،، الحين شي أساسي عندهم مزه :thumbup:

[الطرف الأغر]

يعطيك العافيه ..... كان ودي اعلق على الموضوع بس المشكله انتي كاتبه للأمهات .. وانا أبهات ....:eek2::eek2::eek2::eek2:

مجهود رائع تشكرين عليه

تحياتي لك

الله يوفقك ويفرحك بعيالك يارب

الله يعافيك أخوي ناصر ،، وبعدين مافي فرق الامهات والاباء مكملين لبعض ،، لازم نشوف شي من عند الشيف ناصر :thumbup:

وشكرا عالدعوه الطيبة منك


رووووووووووعه يالطرف فكره تجنن

انا بعد بشوف وبرجع لج

أنتظرج لا اطوولين :thumbup1:


فكره حلوه

تابعينا وفالج طيب :D


يا زينج ويا زين افكارج

الزين منج وفيج يالغالية ،، نورتي الموضوع :nice:



ماشاء الله عليج..فكره اكثر من حلوه

تسلمين والله..وننتظر جديدكم

الله يسلمج ومرورج الحلو عزيزتي ،، :thumbup:

[ضوى]

ما اقول الا مثل ما قالت الراقية يا زينج وزين افكارج الرائعة

موضوع شيق جدا والله اني كل يوم اقول شنهو العشا اليوم ؟؟ شاسوي ؟ وشتبون ؟ كل ليلة نفس الموال موضوعج راح يعطينا افكار لابتكار العشا لهم وفعلا مثل ما تفضلت صحتهم مهمة جدا عندنا واذا احنا ما اهتمينا مين را يهتم :looking:

اليوم الله يسلمج سويت لهم عشا عجبهم وايد وايد

ربيان مع مشروم وبطاطا وبصل وجزر وشوية سبانخ حمستهم شوي وبعدين حطيت الخلطة في طبق فرن وحطيت فوقه طبقة الباشميل ونثرت فوقه جبنة حلوم وشيدر مبشور ودخلته الفرن وقدمته لهم مع خس وجرجير وجبنة بيضا بصلصة خل البلسمك والثوم وليمون وملح ورشة سكر بس طلع شئ عجيب والف هنا وعافية على قلب اللي كلوا اللهم امين ولنا عودة يا الغالية باطباق اخرى

[khaldoon]

ما شاء الله عليكي وصفات رائعه وسهله جدا ومفيده

ان شاء الله راح اتابع هذا الموضوع

تحياتي

[الطرف الأغر]

ما اقول الا مثل ما قالت الراقية يا زينج وزين افكارج الرائعة

موضوع شيق جدا والله اني كل يوم اقول شنهو العشا اليوم ؟؟ شاسوي ؟ وشتبون ؟ كل ليلة نفس الموال موضوعج راح يعطينا افكار لابتكار العشا لهم وفعلا مثل ما تفضلت صحتهم مهمة جدا عندنا واذا احنا ما اهتمينا مين را يهتم :looking:

اليوم الله يسلمج سويت لهم عشا عجبهم وايد وايد

ربيان مع مشروم وبطاطا وبصل وجزر وشوية سبانخ حمستهم شوي وبعدين حطيت الخلطة في طبق فرن وحطيت فوقه طبقة الباشميل ونثرت فوقه جبنة حلوم وشيدر مبشور ودخلته الفرن وقدمته لهم مع خس وجرجير وجبنة بيضا بصلصة خل البلسمك والثوم وليمون وملح ورشة سكر بس طلع شئ عجيب والف هنا وعافية على قلب اللي كلوا اللهم امين ولنا عودة يا الغالية باطباق اخرى


الزين منج وفيج يالغالية ،، شرفتي الموضوع حبيبتي

اتصدقين نفس الشي ما أبي اليهال يملون من تكرار الوجبات ،، ونبي انعلمهم على أكلات متنوعه صحية

وفيه العافيه ،، عجيب طبقكم :thumbup1: ،، مع اني ما احب السي فود بشكل عام ،، بس اعيالي يحبونه وايد ولازم يوم ورا يوم ياكلون سمج عالغدا ،، لكن اي شي فيه مشروم يعجبني

شكرا عالطبق السريــع

لاعدمت هالطله :nice:

[الطرف الأغر]

ما شاء الله عليكي وصفات رائعه وسهله جدا ومفيده

ان شاء الله راح اتابع هذا الموضوع

تحياتي


نورت الموضوع أخوي خلدون ،، يكفي تواجدك معانا :thumbup: