محطات في حياة الجني (10) الضرب في المدارس

[الجني]

بسم الله و الحمد لله و الصلاة و السلام على رسول الله
و على اله و صحبه اجمعين

الضرب في المدارس

من يتذكر الضرب ايام المدرسه

السئوال اللي يشلخ نفسه
في احد ما انضرب في المدرسه

اللي ما يحل الواجب ينضرب

و اللي يحل غلط بعد ينضرب

و اللي يحل صح و ما يسطر الورقه ينضرب

بتنضرب يعني بتنضرب

و اللي ما يحفظ جدول الضرب يجيه ضرب

المدرسين مذاهب


الاستاذ حيدر

عنده شنطة صغيره و فيها عصا صغيره بطول الشنطه

و المدرس قصير و مدلقم

يخلي الطالب وراه و يسحب يد الطالب من تحت اباطه (المدرس)

و يمسك العصا الصغيره و يضرب 3000 ضربه في الدقيقه


الاستاذ حسن

عنه عصا طوليه ملفوفه بشلوشن

و هو منزلها على اليد لها صوت مثل صوت الرعد

الطالب يتبنج من الصوت قبل ما ينطق


الاستاذ محمد

طيب ما يستخدم عصا

يمسك القلم الرصاص و يحطه بين اصابع الطالب

و يرعص على اصابع الطالب يخليه يعور مكانه



الاستاذ خالد

عنده هوز اسود

خفيف الوزن و موجع

و ياويل اللي ينضرب بالهوز


الاستاذ سليم

يدور بين مساطر الطلاب و ياخذ اكبر مسطره خشب و خصوصاً

النوع اللي فيها خط حديد

يضرب الطالب بخط الحديد و يسوي له خط دم


الاستاذ مازن

بدون عصا و يأمر احد الطلبه يتسلف عصا

من احد المدرسين في الصفوف الاخرى

و انت و علاقتك مع الطالب اللي بيروح يجيب العصا

اذا انت رفيجه بيدور على اصغر عصا بين المدرسين

و اذا ما يدانيك بيجيب اكبر عصا في المدرسه

و اذا كثروا اللي بينطقون يصير طق على غرار خطوط الانتاج


انواع التعذيب

الضرب بالعصا

على اليد و الاكتاف


الفلقه

يسدحونك على طاولة المدرس

و عصا صناعة كاتربلر و على الريول


و فيه موديل للضرب

يمس رجوله الطالب

و هو ان يشد الطالب على طاولة المدرس

و يضرب على مؤخرته



عندما كنت في الصف الثاني الابتدائي

كنا في حصة الرياضه نلعب كرة و أحد الطلبه ركل الكرة بعيداً

و مسكها احد الطلبه الكبار في الصف الخامس او السادس

و رفض ان يعطينا اياها و حاولنا معه و لكنه اصر ان لا يعطينا الكره

هناك الجني التقط حصاه من الارض و حذفها عليه فاصابته في صدره

فحمل الطالب حصاه كبيرة

و ركض الجني بعيدا

و حذف الحصاه على الجني

و صادته في قمة راسه

و تحول الثوب احمر من الدم

قصة طويله

و لكن اوتي بالطالب ثاني يوم على الطابور

و وضعت الطاوله امام الجميع

و حطوه على الطاوله

و جميع الطلبه يشاهدون حكم الاعدام

و امسكا رجليه استاذان

و بداء استاذ شاهر بالضرب

و الطالب الذي فلعني يبكي

في تلك اللحظة خنقتني العبرة

و احسست بالحسره على الطالب

و هذا جزاء اكبر من ذنبه بكثير


و بعد كل هذا يقول ابائنا للمدرسين

"لكم اللحم و لنا العظم"


و يازين عيال هذا الوقت متروسين شحم


و صلى الله على سيدنا محمد و على اله و صحبه و سلم

محطات في حياة الجني (9). . . الشنتورة
http://www.qatarshares.com/vb/showthread.php?t=144121

محطات في حياة الجني (8) هوشه في الفريج (اكشن(
http://www.qatarshares.com/vb/showthread.php?t=143848

محطات في حياة الجني (7) مغامرات في العيد (دراما)
http://www.qatarshares.com/vb/showthread.php?t=143465

محطات في حياة الجني (6) الدراسة و الواجبات
http://www.qatarshares.com/vb/showthread.php?t=143207

محطات في حياة الجني (5) الجني و التلفزيون
http://www.qatarshares.com/vb/showthread.php?t=142812

محطات في حياة الجني (4)
http://www.qatarshares.com/vb/showthread.php?t=142592

محطات في حياة الجني (3)
http://www.qatarshares.com/vb/showthread.php?t=142272

محطات في حياة الجني (2)
http://www.qatarshares.com/vb/showthread.php?t=142031

محطات في حياة الجني (1)
http://www.qatarshares.com/vb/showthread.php?t=141863

[BODYGUARD]

هههههههههههههههههههه

صرنا عارفين ماضيك :D

حلوه يا الجني ابدعت

[لولوتي]

:eek3::cry2::eek3::cry2::eek3::cry2::eek3::cry2::e ek3::cry2:
:eek3::cry2::eek3::cry2::eek3::cry2::eek3::cry2:
:eek3::cry2::eek3::cry2::eek3::cry2:
:eek3::cry2::eek3::cry2:
:eek3::cry2:

اطالب بحذف المحطه المؤلمه ذي:eek3::cry2:

طقتني وايد ابلة ((الحساب))عشان جدول الضرب ...والله ولا بحفظه

بس الصراحه وانا في وظيفتي مرت علي مره وكانت ورا الدريشه وماقدرت اكلمها..
مره ثانيه كانت داخل عندي في المكتب...
واغتنمت الفرصه وجان اقولها ياابله تراج كفرتي فيينا الله يسامحج...وبس
وصج حسيت فيها اشكثر انها ندمانه على ضربها لنا
ساعتها حسيت بالراحه ...ولا صارت تطرا علي بعدها...
:eek3::cry2:

[السديم]

أييييييييييييييييييييييييه على المدارس اول يا الجني ..

كانت عندنا مدرسة للحساب ( رياضيات يسمونها اليوم ) الا بسألكم ليش غيرو اسم الماده من حساب لين رياضيات !!!

المهم المدرسة كان شكلها يخرع مثل ابلة عطيات بس شريرة .. انا بس تمر من حذاي اتصرقع وماكنت اتخيل انها في يوم بتصير ابلتي ..

ووصلنا لهذا اليوم وفي الصف الرابع ومع اني كنت من الطالبات المتوفقات لكن كلت منها كم مره ضرب بالمسطرة الخشب على يدي :anger3:
ومن خوفي منها حتى حق امي ماقول لها ان الابلة ضربتني اليوم .. والله اني كنت احلم فيها كوابيس اذا كانت هي علي بالحصة الاولى ..
بس الشهاده لله كان لها فضل كبير كبير علي في اتقان الرياضيات وجداول الضرب يعني أسستنا التأسيس السليم ..
الجني في كل محطة ترجعنا معاك للماضي عساك على القوة واطال الله في عمرك بالصحه والعافيه والعمل الصالح :app2:

[سهم طايش]

هههههههههههههههههههههههههههههههه

هذي صارت جونتنامو قطر مب مدرسة

المدرس الفلسطيني كان شرس و يقال انهم كانوا يبردون حرة اليهود فينا ( يقال في تلك الفترة )

كان المدرس يقول افتح ايدك وله لأكسر نيعك ( لي يومك ذي مب عارف شنهو نيعك )

وشيييييييييييييط شييييييييييييط

و اللي ما يقص اضافره ينضرب كانوا يكشفون عن الاضافر في الطابور الصباحي و لازم تمسك منديل

و اللي ما يقص اضافره راحت عليه

و الله مره شفت مدرس ماسك طالب في الصف الرابع ما حل الواجب من اذانية الثنين و يرفعه و ينزله

اجرام ما تشوف نص القطريين اللي عاشوا تلك الحقبة معقدين نفسيا

شكرا للجني

[ROSE]

اييييييييييييييييييييييييييه الجني ذكرتني باللذي مضى :eek3::eek3:


ماعندهم شاطر ولا كسلان تنضرب يعني تنضرب

مره كنت مستانسه توني ماخذه الشهادة ومتفوقه على خواتي وعلى الصف

وقاعده العب والشنطه قاطتها في صوب شوي الا وحده فضولية فتحت الشنطه

خذت منه غرض ونست تسكر الشنطه وكان يومها هوا قوي

شوي الا اشوف اوراق تطاير صوبي اثاريها اوراقي وشهادتي وانا خبر خير

قاعده العب واقول من هذي اللي منثره اوراها هالشكل
:eek3::eek3::eek3::eek3::eek3:


رحت اشوف الشنطه الا كل شي متنثر تعالي ياروز دوري عاد

جندت كل البنات وخواتي وصديقاتهم يدورون معاي حصلنا كل شي الا الشهادة

كان يوم كئيب رحت اكلم الوكيله وعينك ماتشوف الا النور

ماصدقت على الله الا جمعت 5 مساطر وضرب على ايدي

وانا اصيييييييييييييح والدموع تنزل رحت البيت ويومين اجازه من ابوي

راح تهاوش معاهم خذ حقي منهم :strong3::strong3:

[الزاجل]

الجني

داش اقول لك..
حط لنا وصلات لباقي الأجزاء ..

دخلت وحصلتها ..
خلنا نقراها على رواقة عقب ما انشوف
سوالف الشباب ..

[أمة الله]

و بعد كل هذا يقول ابائنا للمدرسين

"لكم اللحم و لنا العظم"




هيــــــــــــــه على أيام الضرب :no:

والله مع اني كنت شااااطره ومثاليه بس بعد انضربت....يااااوييييلي على ضربهم...بالذات لا جمّعوا كذا مسطره و قالوا فتحي يدج و طاااااااااااااخ....والله أرقص رقص وآنا في مكاني من الألم.....وبعد المسطره أم حديد :cry2:

حنا نفس أساليب ضربكم بس زياده عليه....فرص الإذن بأطراف الأظافر ويعوونها لين ما جسمك كلّه ينعوي من الألم :weeping:
و فرص اليد لين تعرف ان الله حق وأحياناً شد الشعر وبالذات القذله :sorry:


(( لكم اللحم ولنا العظم )) ياما قالها أبوي وياما حقدت عليه حزتها....كانوا كلّه مع المدرسه سواء كانوا على حق وإلاّ باطل crazy



* تســـــــــــــــــلم يالجنــــي :D

[على قد حالها]

هيــــــــــــــه على أيام الضرب :no:

والله مع اني كنت شااااطره ومثاليه بس بعد انضربت....يااااوييييلي على ضربهم...بالذات لا جمّعوا كذا مسطره و قالوا فتحي يدج و طاااااااااااااخ....والله أرقص رقص وآنا في مكاني من الألم.....وبعد المسطره أم حديد :cry2:

حنا نفس أساليب ضربكم بس زياده عليه....فرص الإذن بأطراف الأظافر ويعوونها لين ما جسمك كلّه ينعوي من الألم :weeping: و فرص اليد لين تعرف ان الله حق وأحياناً شد الشعر وبالذات القذله :sorry:


(( لكم اللحم ولنا العظم )) ياما قالها أبوي وياما حقدت عليه حزتها....كانوا كلّه مع المدرسه سواء كانوا على حق وإلاّ باطل crazy



* تســـــــــــــــــلم يالجنــــي :D


:cry2::cry2:ااااااااااااااااااه ياأذني والله اتذكر اني مره نسيت دفتر العلوم مادري شسمه تلخيص اظن ....وبالرغم اني من 5 الاوائل دوووووم وانا بطبعي جبانه وهاديه ...
الا لما مرت الابله (ظبيه) تشيك عالدفاتر مامداني اتحجى احترمت نفسي ووقفت والويه اشطوووووووله من الزعل والاحراج والخوف (كان حنجي شوي ويطق الارض:eek5:)

وفرصتني ذيج الفرصه الي قلبت اذني اللي تحت وصل فوق واللي فوق نزل تحت وهااااااااااااااااااااااااااات يا صياااااااااااااح وانا جسمي من النوع الحساااااس اقل شي يعلّم :weeping:

والله وتميت طول الوقت مطنقره وماسكه اذني من الألم والاحراج من باقي البنات وتعكر مزاجي طول اليوم وكرهت المدرسه من قلللللب مع انها ضعيفه ميته بس مادري من وين تييب القوه فالفرص:eek5: ومن عقبها قبل ماخمد اجيك 20 مره اذا كتاب العلوم والدفتر فالشنطه ولا لا!!!

ولا اللي درست في رقيه الابتدائيه بتتذكر ست صبحيه مالت الحسااااااب يممممممما منها كانت تضرب بعصايه مدوره وبفرجار لين ماتطلع الدم من الذراع!
ومره بنيه جات من الصبح قبل الطابور عطتها ورده جات تلتها بذاك الكف وقطت الورده عالارض :anger2: لانها حسبت ان البنيه تتطنز عليها بس والله كسرت خاطري انضربت من الصبح وقدام الكل :weeping: ومثل ماقلتوا الشاطر والكسلان ينضرب مافي مفر!
كانت مجرمه الله يسامحها ويرحمها اذا ماتت لانها من ذيج الايام عيوووز:looking:

والله انك ذكرتنا بذييييييييج الايام هييييييييييييييه يازمن :eek5:( بوك اشفيني):eek5:

[حالي الذوق]

ما شا الله عليك اخوي

ابداع بالسرد

متابعك من اول محطه

يعطيك العافيه

[بوناصر-قطر]

السلام عليكم

بصراحة ذاكرتي ماتسمح لي بتذكر أسماء المدرسين ولكن هناك استاذ لن أنساه ابدا" لا اسمه ولا شكله ولا جنسيته.

كان مشهور باسم بونوكيو وكان مدرس شرعية. هذا البونكيو لما يجي يضرب مجموعة طلاب مع بعض يسوي لهم دائرة وهو يكون في النص يضرب الأولي ودوري يا دويره يطيح فينا ضرب لين يذبحنا

وكان يشاع عن مدرس قطري بس الحمدلله اني مادرست على يده ما اذكر اسمه لكن كان يلعب لعبته في فنون الضرب والبهدلة

أيام لن ننساها ابدا"

اخوي الجني سؤال طياري
في مدرسة ابتدائية كنت؟
انا أتوقع مدرسة عمر بن الخطاب اللي كانت في وادي السيل صح؟

[حالي الذوق]

السلام عليكم

بصراحة ذاكرتي ماتسمح لي بتذكر أسماء المدرسين ولكن هناك استاذ لن أنساه ابدا" لا اسمه ولا شكله ولا جنسيته.

كان مشهور باسم بونوكيو وكان مدرس شرعية. هذا البونكيو لما يجي يضرب مجموعة طلاب مع بعض يسوي لهم دائرة وهو يكون في النص يضرب الأولي ودوري يا دويره يطيح فينا ضرب لين يذبحنا

وكان يشاع عن مدرس قطري بس الحمدلله اني مادرست على يده ما اذكر اسمه لكن كان يلعب لعبته في فنون الضرب والبهدلة
أيام لن ننساها ابدا"

اخوي الجني سؤال طياري
في مدرسة ابتدائية كنت؟
انا أتوقع مدرسة عمر بن الخطاب اللي كانت في وادي السيل صح؟

ههههههههههههههههههههههه ذكرتني فيه الله لايبارك فيه من مدرس استلمني في يوم من الايام وضربني فلقه ومسكني من ثوبي وبغى يقطني من الطابق الثاني وانا معلق بين السماء والارض يعني لو انشق ثوبي كان انا الحين في خبر كان:yu:

وهو كان مدرس في مدرسة عمر بن الخطاب :yu:

[@ دانتيل قطر @]

الصراحه ماقصرت في شرح
طرق كيفيه الضرب
والأدوات المستخدمه لهذه العمليه
ذيك الأيام 00
أذكر أبلة الشرعيه عطتني ذاك الكف بيدها
اللي كنها ملاس00
وأبلة الرسم:spider:00يعلّهم
000
أستغفر الله000

للحين متعقده منهم
مع أني كنت هاديه في الصف ومالي حس:shy:
الله يجازيهم وعيالهم ينضربون أنشاء الله

[الزاجل]

ما شاءالله بنات المنتدى وحريمها
كلهم متفوقات ومثاليات وامأدبات

بس كل وحدة فيهم امحصلة من الطيب نصيب:looking:
ظلم وافترا :anger3:

[% ام فهد %]

:looking::looking::looking:

اش هالمأساه

والله فعلا قبل كنا نخاااف من المدرسات و ما نتجرأ نرفع صوتنا ولا نسوي شي

لكن الحين المدرسه هي اللي صارت تخاف من الطالبه

انا ما انطقيت الا مرة وحده كنت في سادس ابتدائي و كان وقتها الضرب مسموح

كانت تجي مدرسة الاجتماعيات و اول 10 دقايق من الحصة هي مرحلة الرعب:(

و المرحلة الاكثر رعب هي مرحلة الاختيار المفاجأ للضحية اللي بتجاوب

واحنا طبعا من الخوف كنا ننسى و تتبخر كل المعلومات

وفي يوم من الايام الممطرة التعيسة قامت الطالبة البريئة ( انا ) و سألتني المدرسة سؤال

كان بمثابة الصدمة :tomato:

وقامت الحلوة اللي هي انا

وانسألت

و اكيييييد اني جاوبت

ولكن

.

.

.

.

.

.


جوابي كان غلط :tomato:

و قامت المدرسة الله يذكرها بألف خير وقالتلي تعالي :strong2:

و يوم جيت و قربت

قامت خذت المسطرة

و قالتلي فتحي يدج الكريمة

و فتحت كفوف الراحه الثنتين

و طاحت امطار الخير على يدي

مع ترديد انشودة المدرسة اليوميه (( درس خذيناه نحفظه )) طرااااااااااخ (( درس خذيناه نحفظه ))

و رجعت طاولتي وانا احس يدي صايره جنها طماطه ضخمه من هول امطار تكفخ المسطرة اللي انطبعت ماركتها على يدي

و كانت هذي اسوأ ذكرى لي في المدرسة

بس المدرسة هذي نفسها درستني في الثانوية

و صراحه للامانه رغم الطق اللي كلته ذاك اليوم الله العالم اني ما كرهتا

لاني يوم كبرت عرفت شنو نتيجة الطق للي ما يدرس

طبعا يخاف انه ينطق ثاني يوم ويتفشل جدام ربعه و يدرس غصب منعا للاحراج .

[المنــاعي]

ههههههههههههههههه

يعطيك العافيه محد ينسى هالايام والله

[PoBox]

العتب عليك المفروض تروح المجلس الأعلى تشتكي
:eek2::eek2:
:funny::funny:

بعد وحدييييه بعد وحديييييييه بعد وحديييييييه(11) :playball:

[دلة الرسلان]

اي يا الزاجل البنات كانوا شاطرين .....بس الموضة الضرب الجماعي :eek2:

اذكر في صف سادس قمت الصبح في امان الله وفجأة لمع في ذهني بريق ( مدرسة الأجتماعيات

طالبة نشاط لخريطة قطر ) وما ضيعت وقت ما دري غسلت وجهي ولا لا:no: ع طول الحوش

واجمع من الصبان واصمغ على الخريطة ... المهم كان الشكل مقبول :thumbup1: او

هكذا اعتقدت !!!!!!!! المهم رحت المدرسة وكانت علينا الحصة الأولى وتدور علينا والفرجار

معاها وهاك يا ضرب ع البنيات واضربتني النفاضة وعادني امني النفس ( على الاقل انا بذلت

جهد ) ووصلني الدور :eek5: وبس كفتني النظرة يعني لو ذابحة حد من اهلها با ستاهلها

:anger3: تقوم على دفتر الخرائط وتقطعه نصفين فوق راسي وينكت الرمل والصبان علي

:sorry: بس ترى والله كنت شاطرة وما استاهل نقوطها .

[ناصر العمادي]

اح .. اح .. اح ... وح .. وح .. وح ... اي .. اي .. اي ... وح .. وح .. وح ....

ياخوي ليش تذكرنا بهالأيام الحلوه ....:playball::playball::playball::playball:

والله ايام بس الضرب طلعنا رجال ووصلنا للي احنا فيه ...:thumbup::thumbup:

يعطيك العافيه على القصص الرائعه

تحياتي لك

الله يوفقك ويرضى عليك دنيا واخره ان شاء الله

[الجني]

اشكر جميع اخواني و اخواتي اللي شاركوا

و واضح ان الارهاب و الضرب كان جزء من

ثقافة التعليم لدينا في ذلك الوقت

و هذا اخرج جيلنا الذي منع الضرب في المدارس

مع وجود بعض الشوائب في بعض المدارس


مرة طلعني المدرس اكتب املاء على السبورة

و كنت في الصف الرابع الابتدائي

و قال لي اكتب "لكن"

و قمت و كتبتها "لاكن"

ما وعيت الا بذاك السطار على ساطري

و ضليت فتره متسندر , هو يتحلطم علي

و انا مبحلق فيه بس ما اسمع و لا افهم

و يهفني بكف ثاني دخلت في موت سريري

متسندر ما اسمع شيقول بس واقف مبحلق

الله يجازيهم على فعلهم

[OTOsan]

انا الحمدلله بطبعي متفوق -----> الحين الزاجل بيعلق ههههههههه

ماقول اني ما انضربت .. امبلى كنت احصل لي من الطيب نصيب !! بس لاسباب تتعلق بشغب او هواش ،،

لكن اول ماتجي سالفة الضرب في المدارس .. اتذكر استاذنا ( عمر الانقر ) في الريان الابتدائية !!

كان يعطينا مذكرات اجتماعيات نحفظها .. ويسالنا ببداية الحصه عشوائيا منها .. ويصفي الطلبة اللي ماجاوبوا ويصفهم على طوفة الصف .. ويخلي كل واحد يرفع ايدينه ووحده من رجيله ،،
ووينتقل لشرح الدرس اليومي .. وهو يشرح الدرس يتسلى بضرب اللي واقفين على رجيلهم هههههههههههههههه

والله كان اسلوب عجييب ..

يعني اتذكره للحين يوم يشرح ويقول : طبعا معروف ان مناخ الجزيره العربيه ( طااااااااااااااخ ) حار صيفا وبارد شتاءا .. بينما ( طاااااااااااااااخ ) مناخ افريقيا ..طااااااااخ

ههههههه الله يذكرهم بالخير كلهم .. بعمري ماحقدت على استاذ فيهم ، بالرغم من ان فيهم اساتذه الصراحه قمة البطش !!!

يعطيك العافيه اخوي الجني ،،

[% ام فهد %]

اشكر جميع اخواني و اخواتي اللي شاركوا

و واضح ان الارهاب و الضرب كان جزء من

ثقافة التعليم لدينا في ذلك الوقت

و هذا اخرج جيلنا الذي منع الضرب في المدارس

مع وجود بعض الشوائب في بعض المدارس


مرة طلعني المدرس اكتب املاء على السبورة

و كنت في الصف الرابع الابتدائي

و قال لي اكتب "لكن"

و قمت و كتبتها "لاكن"

ما وعيت الا بذاك السطار على ساطري

و ضليت فتره متسندر , هو يتحلطم علي

و انا مبحلق فيه بس ما اسمع و لا افهم

و يهفني بكف ثاني دخلت في موت سريري

متسندر ما اسمع شيقول بس واقف مبحلق

الله يجازيهم على فعلهم

:eek2::eek2::eek2:

:thumbup:

احلى ما في السالفة البحلقة

[سهم طايش]

اشكر جميع اخواني و اخواتي اللي شاركوا

و واضح ان الارهاب و الضرب كان جزء من

ثقافة التعليم لدينا في ذلك الوقت

و هذا اخرج جيلنا الذي منع الضرب في المدارس

مع وجود بعض الشوائب في بعض المدارس


مرة طلعني المدرس اكتب املاء على السبورة

و كنت في الصف الرابع الابتدائي

و قال لي اكتب "لكن"

و قمت و كتبتها "لاكن"

ما وعيت الا بذاك السطار على ساطري

و ضليت فتره متسندر , هو يتحلطم علي

و انا مبحلق فيه بس ما اسمع و لا افهم

و يهفني بكف ثاني دخلت في موت سريري

متسندر ما اسمع شيقول بس واقف مبحلق

الله يجازيهم على فعلهم

هههههههههههههههههههههههههه صج اجرام

انا كانت مشكلتي في الكتابة على السبوره

اول ما ابتدي الكتابه اكون ماشي اوكي بعد شوي اشوف السطر ينزل شوي شوي و انزل بالكتابة كأني نازل من طعس سطرين و تشوف السبوره خلصت اول ما اخلص يقول الاستاد يالله وله امسح السبوره و عيد كل اللي كتبته مره ثانيه 0

اللي احفظه من درس الجغرافيا الى الان راسخ في عقلي هو مناخ قطر ( حار جاف صيفا ,, ممطر دفيء شتاءا ) و اعرف ارسم خريطة قطر احط كف يدي على الورقة و امشي بالقلم الرصاص على الاطراف 0 و بسسسسسسسسسسسسسسس 0

[لولوتي]

اشكر جميع اخواني و اخواتي اللي شاركوا
و واضح ان الارهاب و الضرب كان جزء من
ثقافة التعليم لدينا في ذلك الوقت
و هذا اخرج جيلنا الذي منع الضرب في المدارس
مع وجود بعض الشوائب في بعض المدارس
مرة طلعني المدرس اكتب املاء على السبورة
و كنت في الصف الرابع الابتدائي
و قال لي اكتب "لكن"
و قمت و كتبتها "لاكن"
ما وعيت الا بذاك السطار على ساطري
و ضليت فتره متسندر , هو يتحلطم علي
و انا مبحلق فيه بس ما اسمع و لا افهم
و يهفني بكف ثاني دخلت في موت سريري
متسندر ما اسمع شيقول بس واقف مبحلق
الله يجازيهم على فعلهم

الله يسامحهم
كانوا يطلعون حرة قلوبهم فينا
بس الحمد لله هي مرتين اللي انضربت فيهم وكله سبة جدول ((الزفت))
والله لو اموت ماحفظته

[خفايا الروووح]

ايه والله المدرسات ماكانوا يحبون الطالبات مب حلوات ... ودوم يفرقون بينهم وبين الحلوات

وياخذونهم في النشاط اكثر وخصوصا اذا كانوا بنات مدرسات ..والباقي بنات الطبه السوده

الله يسامحهم بس.. عقدوا بعض البنات

[الجني]

ايه والله المدرسات ماكانوا يحبون الطالبات مب حلوات ... ودوم يفرقون بينهم وبين الحلوات

وياخذونهم في النشاط اكثر وخصوصا اذا كانوا بنات مدرسات ..والباقي بنات الطبه السوده

الله يسامحهم بس.. عقدوا بعض البنات

انا اشوف المدرسين تكفخ فيني من دون باقي الطلبه ليما جنيت (الجني) و قعدت

لأني كنت احلى واحد في الصف :funny:

[miss-qatr]

الصراحه مت من الضحك على مواقفكم ههههههههههههههههههههههههههههههههه



الحمد لله مالحقنا على هالحقبه التاريخيه :funny:


واللي متابعين ماشاء الله بنفس الجيل :)

يعطيك العافيه يا الجني وانا متابعه :app2:

[القطوة]

اوف ...ايش هالذكريات المؤلمة !!!!
بس فديتها امي كانت تسوي هجوم كاسح على مديرة المدرسة اذا حد ضربني...

ولي ذكريات مؤلمة مع مدرسة الحساب (حاليا اسمه Math) في صف رابع ابتدائي...شوفوا اشلون مانسيت ....كانت تكرهني لاسباب عنصرية بحتة ...لاني كنت شاطرة بشهادة الجميع...وتخيلوا من كم سنة صدف وشفتها في عرس كان ودي اروح واتفل عليها بس احترمت نفسي...
اكيد انطقيت وايد من مدرسات ...لكن هاذي المدرسة كان لها شأن ثاني
والله كنا ننضرب ظلم..لما كنت في الابتدائية
لكن في الاعدادية اعترف اني انتقمت من المدرسات...
بس خاطري اعرف ليش المدرسات لما يحملون مايطيقون عمرهم ...محد قال لها تحمل وتحط حرتها وتتوحم فينا