الابراج والمواقف .. ارجو النقاش

[desert hunter]

السلام عليكم ورحمة الله


احيانا تجول في خاطري بعض الاساله

وحبيت اتناقش معاكم لكي اخذ من ارائكم الطيبه


فانا من محبي هذا المنتدى الرائع اللذي اصبح كالدم يمشي في عروقي اتابعه كل يوم


السؤال هو عن الابراج في قطر

كنت سرحان وافكر في هالابراج

اوكى الابراج في قطر وايد ولله الحمد وهاي شي ايجابي وانا فرحان بالنهضه العمرانيه


لكن السؤال اللي يطرح نفسه

وين المواقف للناس :playball:

يعني ابراج النصر مثلا وين المواقف اللي لها

ولو تلاحظون برج النصر بجانبه برج البنك التجاري بجانبه برج الخدمه المدنيه

لكم لو تتصورون لو في كل برج 300 موظف ( كحد ادني )

المجموع لو قلنا مع الغياب 300*3 = 900 - 50 موظف غايب = 850

بذمتكم وين بتوقف 850 سياره وخلنا نقول 700 يله عشان نخفف باقصى حد :nop:


----------
مثال ثاني ياجماعه

الابراج الي جدام الستي الفنادق

احين تنبني وين مواقفها

بوقفون برع ؟؟

تشوفون الابراج الي جدام الستي كنها نيويورك ستي الله يزيد ويبارك

لكن بعد وين مواقفهم .. 3 ابراج جنب بعض بشكل حلو على طرف الشارع وين مواقفها


انا اشوف ان هاي مشكله راح تكون في المستقبل لو مانحلت

وهاي من وجهة نظري لان بكره الشعب بزيد وفي توقع بوصول سكان قطر الى مليون


يعني تخيل الزحمه في الصبح ليما تروح الدوام

0----


والله اخواني واخواتي في هالمنتدى الطيب المشكله تراها كبيره

وراح تسوي ازمة زحام الي تجيب لنا الضغط والهم النفسي .. وضيف لهاي الحوادث الي تصير لاسمح الله



ابي اراء وحلول .. ابي اشوف كلامكم الي عنده هم يقوله عن هالمشكله

وفي النهايه احنا نتناقش عشان نخدم بلدنا قطر الله يحفظه عشان لو هالمشكله مانحلت راح تصير ازمه الله العالم بها


في انتظاركم :yes:

[خالي مشاعر]

اخوي اعتقد بس مب متأكد ان ابراج الستي لو اتشوفها من تحت اللي من جهت كارفور في تحتها تقريبا خمس طوابق مواقف ابراج
اما بالنسبه للابراج الثانيه انا معاك 100% ان مافيها مواقف ابدا

[desert hunter]

اخوي اعتقد بس مب متأكد ان ابراج الستي لو اتشوفها من تحت اللي من جهت كارفور في تحتها تقريبا خمس طوابق مواقف ابراج
اما بالنسبه للابراج الثانيه انا معاك 100% ان مافيها مواقف ابدا


اخوي

اوكى نقول ان المواقف في خمس طوابق ابراج

زين الابراج الكثيره الي جدام الستي وين مواقفها

صج سبايدر مان بيستانس وايد ابراج

لكن وين اللي يشتغل بصف هناك نص ساعه ليما يلاقي موقف

ترا المساله مب هينه وخصوصا لما يخلص برج البدع
وبرج قطر دبي وبرج الملاحه .. لازم يكون في حل للمواقف


اتمنى سماع رايك وفي انتظارك

اخوك

[ابن الوطن]

كلامك في محله اخوي !!!!!
وين المسؤلين .............

[desert hunter]

كلامك في محله اخوي !!!!!
وين المسؤلين .............

سلام عليكم

اشكرك اخي الكريم

وهاي رساله للمسؤولين لحل المشكله اللتي قد تكون مشكله كبيره بعد كم من سنه

لازم يحلونها ولا راح تصير ازمه مانبيها خصوصا في منطقه رائعه في قطر واللتي تعتبر من اجمل مناطقها

اتمنى يسوون مواقف وايد مايخلون كل برج بجانب الثاني تقول طابور مدرسه

لازم يكون في مساحه للمواقف

بمعني اخر " متنفس " شمةهوا

ومواقف ومحلات بين الابراج عشان الواحد يقدر ياكل او يشرب لو جاع او عطش

لان هاي مشكله ثانيه في وقت الذروه الكل رايح الستي على الساعه 12 فلك تتخيل الزحمه

فليش مايسوون محلات بين كل مجموعة ابراج على الاقل اكشاك صغيره

[السديم]

السلام عليكم ورحمة الله وبركاته ..

اتفق معاك اخوي بما ذكرته .. هالابراج الكبيرة اللي صايرة ومالها مواقف الا معدودة وتكون لكبار الموظفين والباقي يدبرون حالهم !!!!

بالنسبة لنا احنا حاليا نوقف في ساحة الشيراتون باتفاق مسبق بين الجهتين وهناك باصات تنقل الموظفين والموظفات بشكل مستمر من الصبح لين انتهاء الدوام ..والبترول والتخطيط والباقي في الطريق ..كلهم راح يتبعون نفس الطريقة ..

واللي سمعته من مصدر موثوق باقامة برج بعدد 30 طابق مخصص كمواقف لكل المؤسسات والهيئات اللي على الكورنيش وكل جهة راح يكون لها عدد من الطوابق بحسب عدد موظفينها وتسيير باصات تنقل الموظفين من و الى ..

المفروض كل برج يكون تحته على الاقل 5 او 4 ادوار مخصصة كمواقف مب هالبهدله اللي هم مسوينها :playball:

[desert hunter]

السلام عليكم ورحمة الله وبركاته ..

اتفق معاك اخوي بما ذكرته .. هالابراج الكبيرة اللي صايرة ومالها مواقف الا معدودة وتكون لكبار الموظفين والباقي يدبرون حالهم !!!!

بالنسبة لنا احنا حاليا نوقف في ساحة الشيراتون باتفاق مسبق بين الجهتين وهناك باصات تنقل الموظفين والموظفات بشكل مستمر من الصبح لين انتهاء الدوام ..والبترول والتخطيط والباقي في الطريق ..كلهم راح يتبعون نفس الطريقة ..

واللي سمعته من مصدر موثوق باقامة برج بعدد 30 طابق مخصص كمواقف لكل المؤسسات والهيئات اللي على الكورنيش وكل جهة راح يكون لها عدد من الطوابق بحسب عدد موظفينها وتسيير باصات تنقل الموظفين من و الى ..

المفروض كل برج يكون تحته على الاقل 5 او 4 ادوار مخصصة كمواقف مب هالبهدله اللي هم مسوينها :playball:

تسلم اخوي السديم
وبصراحه شي حلو ان العالم قاموا يستخدمون الباصات

وفي وايد ابراج متلاصقه ويا بعضها البعض
ليش مايسوون برج مواقف .. يعني بالغلط خل يسوونه ويحسون بالفرق :thumbup:

بتشوف الكورنيش منظم وفاضي وشي راقي وعجيب

اتمنى يصير هالشي عشان تسهل الحركه المروريه
مانبيها تصير زحمه في كل مكان

كفايه زحمة رامادا والسد و بو هامور وراس بو عبود والسوق
ويوم الجمعه عند ناشونال :no:

والله المستعان

[الجني]

الابراج و مداخل الدفنه لا تكفي مواقف و لو كفت لن تكفي مداخل مخارج

الحل: لا يوجد :thumbup:

[desert hunter]

الابراج و مداخل الدفنه لا تكفي مواقف و لو كفت لن تكفي مداخل مخارج

الحل: لا يوجد :thumbup:

عيل شنو الحل

مستحيل لايوجد :nono:

لازم في حل فكر يالجني وخلك يني

[الجني]

عيل شنو الحل

مستحيل لايوجد :nono:

لازم في حل فكر يالجني وخلك يني

200 برج
بمعدل مساحة 30,000 متر مربع

= 6,000,000 متر مربع

لكل 50 متر موقف = 120,000 موقف = سيارة

صف 120,000 سيارة على الكورنيش

على 3 خطوط و شوف وين الطابور بيوصل

120,000 سيارة تدخل الصبح و
120,000 سيارة ترجع الظهر


با سوي لك خصم 20% اخوي G MAN و بسويهم 100,000 سيارة

بعد عندك مشكله

با سوي لك خصم 80% اخوي G MAN و بسويهم 20,000 سيارة

بعد عندك مشكله

[PoBox]

الحل :
ناخذ العبرة من منطقة الابراج بالدفنة
في تصميم منطقة الوسيل ومايتكرر الغلط omen


او تكون الابراج من ابو 50 طابق
25 طابق منها مواقف - غير مجدي - :looking:


او تبني 10 ابراج متلاصقة كل برج 25 طابق فقط للمواقف
ويتم توصيل الموظفين للابراج من خلال نظام مواصلات متطور من كروة
( ملاحظين اني قلت متطور من كروة - في شي مب راكب -:eek2: ):looking:

[رايق]

كلامك يا الجني 100% صحيح

المشكلة مب مشكلة مواقف بس .. على الشوارع الحالية في منطقة الأبراج .. حركة السير راح تكون كابوس مزعج لمستخدمي 200+ برج

يكفي انك تمر على الشارع المقابل للسنتي سنتر في أوقات الزحمة .. مأساه .. هذا و للحين 90% تقريبا من الأبراج تحت التشييد

[الطرف الأغر]

التضارب العمراني واضح وتناقض تام في البنيان العشوائي بدون أي تخطيط مستقبلي للمنطقة

ما تفرحني الأبراج على كثرتها ،، اذا بتسبب الهم والتعاسة والنكد خاصة الصبح لما تبي اتلحق على الوقت عشان اطق كرت ،، ولا وانت تعبان مهدود حيلك الظهاري

بيكون في قلق نفسي عام مسيطر على الأوضاع ،، اش يبون يسوون فينا أكثر ( بيننونــا ):playball:

طبعا غير تشمخ السيارات والحك الي يصيدها ،، انا اوقف سيارتي احذا البرج كلش وأقلقصها داخل عشان ما اتشمخ ،، وللحين في الوكاله الي رايح والي ياي يشمخ فيها ،، يبيلنا سياره قوطي حق الشغل ،، وسياررتنا العادية :looking: بعد اتم في البيت ابرك ،، انتمنظر فيها ،، من الزحمه الي بتهلكنا كلنا صبح وليل ،،

وبعدين اشلون يعني بنتكود كلنا عند الشيراتون ،، الي ما يشتري يتفرج ،، ويحملونا ( تزاكر ،، تزاكر ) ويوصلونا أشغالنا ،،

القعدة في البيت أبرك ،، انا من الحين مستقيلة ولا أبي أشتغل ،، ولا أروح صوب الخليج الغربي

عاد انا أبي حجه عشان أستقيل :p ،، يصيــر أتقاعد :looking:

شكرا لك أخوي ،، لفتح مثل هذه المواضيع المحزنة

[أمة الله]

جيت عالعوق أخوي.....وآنا شنهو سبب في بعض مشاكلي إلاّ المواقف فالشغل crazy

[الزاجل]

السلام عليكم ورحمة الله وبركاته ..

اتفق معاك اخوي بما ذكرته .. هالابراج الكبيرة اللي صايرة ومالها مواقف الا معدودة وتكون لكبار الموظفين والباقي يدبرون حالهم !!!!

بالنسبة لنا احنا حاليا نوقف في ساحة الشيراتون باتفاق مسبق بين الجهتين وهناك باصات تنقل الموظفين والموظفات بشكل مستمر من الصبح لين انتهاء الدوام ..والبترول والتخطيط والباقي في الطريق ..كلهم راح يتبعون نفس الطريقة ..

واللي سمعته من مصدر موثوق باقامة برج بعدد 30 طابق مخصص كمواقف لكل المؤسسات والهيئات اللي على الكورنيش وكل جهة راح يكون لها عدد من الطوابق بحسب عدد موظفينها وتسيير باصات تنقل الموظفين من و الى ..

المفروض كل برج يكون تحته على الاقل 5 او 4 ادوار مخصصة كمواقف مب هالبهدله اللي هم مسوينها :playball:


على الله بس ما اتكوشون على مواقف الكورنيش
كيوتل في كل مكان ..........> يتحرش :playball:

[الزاجل]

جيت عالعوق أخوي.....وآنا شنهو سبب في بعض مشاكلي إلاّ المواقف فالشغل crazy

لا اتداومين وخففي الزحمة ووفري مواقف ..

مقدم حلول سريعة :thumbup:

[أمة الله]

لا اتداومين وخففي الزحمة ووفري مواقف ..

مقدم حلول سريعة :thumbup:

هذاني مب مداومه حالياً :p


* تبيني أزيدك من الشعر بيت .... ترى المواقف عندنا ممكن تنعطى للبنات بس (( الملونات ))

[الزاجل]

هذاني مب مداومه حالياً :p


* تبيني أزيدك من الشعر بيت .... ترى المواقف عندنا ممكن تنعطى للبنات بس (( الملونات ))

:eek2:
اطلعوا الجماعة كلهم اذكية :thumbup:

[أمة الله]

:eek2:
اطلعوا الجماعة كلهم اذكية :thumbup:

:p:p:p

[بوناصر-قطر]

السلام عليكم

كان يا ماكان في قديم الزمان اووه اندمجت :) والله ياجماعة سمعت من زمان ان بروة قاعدة تسوي مركز المعارض اللي حذا الأنتركونينتال
والصالة الحالية سيقام عليها برج ما أعرف كم دور بس يقال انه لعدد 4000 سيارة
ومع ذلك فالعدد لايساوي الا Xx% من العدد المطلوب

يعني أيام الأسياد وتحديدا" بجانب أبراج ثاني بن عبدالله (بصراحة ما أعرف اسمهم) كنت واقف عندهم هذاك اليوم وقاعد آعد الأداور فاطلعوا 32 دور تقريبا"
وماشاءالله تبارك الله كل دور عريض لدرجة انه يشيل بالراحة 10 شقق
طيب 10 شقق في الدور في 32 دور = 320 شقة في ستة ابراج = 1920 شقة
قولوا كل شقة فيها سيارة واحدة فقط مع اني متأكد ان العدد أكثر بس تجاوزا" نقول سيارة واحدة هذا يعني ان عدد سيارات تلك الأبراج = 1920 سيارة
لو تحفر الدفنة حفار مالقيت موقف واحد لنصف هذه السيارات

المشكلة موب في مواقف للسيارات وانما كما قال زميل الجهاد الجني المشكلة في طرق المداخل والمخارج لهذه الأبراج ولهذا العدد المهول من السكان

وسلامتها أم حسن

[هسلان]

اعتقد ما فات الأوان لسى عند الأشغال فرصة لتصحيح الخلل

[قطري شايب]

صباح الخير
التخطيط العمراني
شخباركم عساكم ع اقوه

[Mishaal]

أصلا ً ما يعطون تصريح بناء برج إلا لما يكون عنده المساحة الكافية للمواقف ..

وعادة تكون المواقف تحت الأرض ، وبالأحرى تحت البرج نفسه .

[السديم]

على الله بس ما اتكوشون على مواقف الكورنيش
كيوتل في كل مكان ..........> يتحرش :playball:

بس المواقف :ok2:

قول الشيراتون بكبره :playball::tooth:

[السديم]

هذاني مب مداومه حالياً :p


* تبيني أزيدك من الشعر بيت .... ترى المواقف عندنا ممكن تنعطى للبنات بس (( الملونات ))

:looking::looking::looking:

عندنا وعندكم خير

[kooool]

زبدة الكلام ............

حنا نفذ بعدين نفكر

[امـ حمد]

جزاك الله خير

[desert hunter]

الحل :
ناخذ العبرة من منطقة الابراج بالدفنة
في تصميم منطقة الوسيل ومايتكرر الغلط omen


او تكون الابراج من ابو 50 طابق
25 طابق منها مواقف - غير مجدي - :looking:


او تبني 10 ابراج متلاصقة كل برج 25 طابق فقط للمواقف
ويتم توصيل الموظفين للابراج من خلال نظام مواصلات متطور من كروة
( ملاحظين اني قلت متطور من كروة - في شي مب راكب -:eek2: ):looking:



سلام عليكم

ياجني ترا الابراج راح تكون في منطقه واسعه مو منطقه وحده

يعني لو قسمناها لمناطق هي بتكون 3 مناطق

1- مجابل الشيراتون
2- مجابل الستي
3- خلف شارع الكورنيش الخلفي

وهالتقسيمه البسيطه نقدر نحط مواقف ( على الاقل ) تساعد في تخفيف الزحمه

اخي الجني شي احسن من لاشي ولازم هالمشكله تنحل لتحسين الوضع
ومانبي ازمه في البلد:no:
فهاي حل من الحلول

وانا اشوف ان الدوله لاز م تسوي مساحات بين الابراج

او على الاقل من البدايه منطقه خاصه بالابراج مو عند الكورنيش الي كان من الممكن استغلاله سياحيا اكثر من مباني وعمارات شاهقه قد نستطيع وضعها في نصف قطر كمنطقه خاصه لها مداخل كثيره

والله المستعان وتسلم

[desert hunter]

كلامك يا الجني 100% صحيح

المشكلة مب مشكلة مواقف بس .. على الشوارع الحالية في منطقة الأبراج .. حركة السير راح تكون كابوس مزعج لمستخدمي 200+ برج

يكفي انك تمر على الشارع المقابل للسنتي سنتر في أوقات الزحمة .. مأساه .. هذا و للحين 90% تقريبا من الأبراج تحت التشييد

سلام اخوي جزاك الله خير

واي والله صج مابتكون رايق ساعتها :eek2:

لكن لازم يكون في حل بزيادة المداخل كحل

او يسوون جسر على بحر الكورنيش كحل اخر صج راح يكلف

لكن مافي الا هاي

عشان تزيد المداخل خصوصا في المستقبل لما تخلص الابراج تخيل الزحمه

الله المستعان omen

[desert hunter]

التضارب العمراني واضح وتناقض تام في البنيان العشوائي بدون أي تخطيط مستقبلي للمنطقة

ما تفرحني الأبراج على كثرتها ،، اذا بتسبب الهم والتعاسة والنكد خاصة الصبح لما تبي اتلحق على الوقت عشان اطق كرت ،، ولا وانت تعبان مهدود حيلك الظهاري

بيكون في قلق نفسي عام مسيطر على الأوضاع ،، اش يبون يسوون فينا أكثر ( بيننونــا ):playball:

طبعا غير تشمخ السيارات والحك الي يصيدها ،، انا اوقف سيارتي احذا البرج كلش وأقلقصها داخل عشان ما اتشمخ ،، وللحين في الوكاله الي رايح والي ياي يشمخ فيها ،، يبيلنا سياره قوطي حق الشغل ،، وسياررتنا العادية :looking: بعد اتم في البيت ابرك ،، انتمنظر فيها ،، من الزحمه الي بتهلكنا كلنا صبح وليل ،،

وبعدين اشلون يعني بنتكود كلنا عند الشيراتون ،، الي ما يشتري يتفرج ،، ويحملونا ( تزاكر ،، تزاكر ) ويوصلونا أشغالنا ،،

القعدة في البيت أبرك ،، انا من الحين مستقيلة ولا أبي أشتغل ،، ولا أروح صوب الخليج الغربي

عاد انا أبي حجه عشان أستقيل :p ،، يصيــر أتقاعد :looking:

شكرا لك أخوي ،، لفتح مثل هذه المواضيع المحزنة


سلام عليكم
اختي اول شي لاتتقاعدين بروحها الاسعار لهيب :cry2:

وثاني شي نفس ماقلتي بتجيب ازمه نفسيه وضغوطات الله العالم بها :tomato:

يعني في الزحمه شوي بدعم شوي بمشي يمين شوي وقف بريك مره وحده

يعني الواحد قام يتازم ويجيله ضغط نفسي

وممكن نستغل هالوقت في قراءة القران او قراءة كتاب كحل اخر

لكن بعد راح يكون في ضغط نفسي

الشوارع لازم يكبرونها ويسهلون حركة السير فيها

عشان يضمنون 50 سنه قادمه في الكورنيش بدون زحمه

ممكن يسكرون الشوارع ويوسعونها ويحاولون يخلصونها في سنتين

معلش سنتين نعاني ووبعدها نرتاح احسن

والله المستعان

[desert hunter]

جيت عالعوق أخوي.....وآنا شنهو سبب في بعض مشاكلي إلاّ المواقف فالشغل crazy

مشاكلنا كلنا :cry2:

هاي الي احاتيه يوم اطلع من باب البيت

واتوقع الكل :deal: مو انا بس


الله ييسر بس

[desert hunter]

السلام عليكم

كان يا ماكان في قديم الزمان اووه اندمجت :) والله ياجماعة سمعت من زمان ان بروة قاعدة تسوي مركز المعارض اللي حذا الأنتركونينتال
والصالة الحالية سيقام عليها برج ما أعرف كم دور بس يقال انه لعدد 4000 سيارة
ومع ذلك فالعدد لايساوي الا Xx% من العدد المطلوب

يعني أيام الأسياد وتحديدا" بجانب أبراج ثاني بن عبدالله (بصراحة ما أعرف اسمهم) كنت واقف عندهم هذاك اليوم وقاعد آعد الأداور فاطلعوا 32 دور تقريبا"
وماشاءالله تبارك الله كل دور عريض لدرجة انه يشيل بالراحة 10 شقق
طيب 10 شقق في الدور في 32 دور = 320 شقة في ستة ابراج = 1920 شقة
قولوا كل شقة فيها سيارة واحدة فقط مع اني متأكد ان العدد أكثر بس تجاوزا" نقول سيارة واحدة هذا يعني ان عدد سيارات تلك الأبراج = 1920 سيارة
لو تحفر الدفنة حفار مالقيت موقف واحد لنصف هذه السيارات

المشكلة موب في مواقف للسيارات وانما كما قال زميل الجهاد الجني المشكلة في طرق المداخل والمخارج لهذه الأبراج ولهذا العدد المهول من السكان

وسلامتها أم حسن

سلام عليكم

الله يعين ياخوي وصدقت

المشكله تراها كبيره خصوصا كمستقبل

واتمنى الجهات المسؤوله تسوي حل سريع

لان في المستقبل راح يزيد عدد السكان الامر الي بخلي الحاجه للمواقف تزيد

ضيف لهاي السائح الاجبني يجيك ويبي يزور قطر

ويتفاجىء بالزحمه ويقول

oh qatar is so crowded .. dont wanna come back

واحسنله لايجي :funny:

بس بعد انت وانا عندنا عائله ونبي نطلعهم نغير لهم جو

نوديهم هناك زحمه وهاي المتنفس الوحيد في الدوحه

شلون بعدين !!

لازم يكون في حل وعدد المداخل حل فرعي رائع

واتمنى يطبق

جزاك الله خير

وسلامتها ام حسن :app2:

[desert hunter]

اعتقد ما فات الأوان لسى عند الأشغال فرصة لتصحيح الخلل

غصبن عنهم مافات الاوان :mad:
تبي ينكبونها كفايه نكبة الاستقالات :swoon2:

والله المستعان

[desert hunter]

صباح الخير
التخطيط العمراني
شخباركم عساكم ع اقوه

والله بخير طيبين

بس خلنا نسكر الحفر في فرجان الدوحه ونجيك

ورانا خمسين حفره نسكرها :deal:

هههههههههه

الحمدلله على كل حال


الله يعين

[desert hunter]

أصلا ً ما يعطون تصريح بناء برج إلا لما يكون عنده المساحة الكافية للمواقف ..

وعادة تكون المواقف تحت الأرض ، وبالأحرى تحت البرج نفسه .

معاك حق اخوي لكن وين المواقف انا ماشوفها :unsure:

يعني شوف برج النصر وجبنه بنك تجاري وجنبه خدمه مدنيه

بذمتك وين يوقفون موظفينه احين وزحمه شلون لما يفتحون البرج :cry2:

الله المستعان لازم مشكلة المواقف ينظر لها بوجه اكبر مايسون موقف لخمسين سياره في برج يكفي ل 500 موظف

والله يعين

[desert hunter]

زبدة الكلام ............

حنا نفذ بعدين نفكر

وهاي الشي الواقع للاسف

واتمنى بعد يعيدون وجهة النظر وياخذون الموضوع بجديه اكبر

الله المستعان

[desert hunter]

جزاك الله خير

واياك اخي الحبيب