نقطة تحول في حياتي ياليت الكل يشاااارك

[ترتر]

بقولكم سالفة اعتبرتها نقطة تحول في حياتي صارت لي يوم الخميس ليلا الساعه 1 ونص تقريبا crazy

كنت صوب اشارات عبدالغني في الليل طبعا 3 مسارات للإشارة .. عاد انا كالعاده خذت المسار الايمن كلش عشان اقدر اقز السيارات اللي على يساري وعشان ما اشتت تفكيري اذا مسكت المسار اللي في النص :yawn:

المهم واقف بسيارتي ( القرمبع ) مابي اقولكم موديلها ولا ماركتها .. انطر الاشارة تخضر .. عشان احرك ..

اشوي الا صووووت اكشن قوي شووووووووووووووووووووووووووووووووء

اطالع يساري الا سيارتين كاعين بريك وما شفت غير خشم كل سيارة مثبت على خطوط عبور المشاه من قوة كعة البريك ..

المراد

التفت الا اشوي السيارة اللي في المسار الثاني حوت يمكن موديل 2006 وشغل مرتب .. واللي يسوق واحد من اخوانا الشامييين :con2:

في المسار الثالث على اليسار كلش سيارة بورش سبورت نفس لون الحوت واللي تسوقه فتاة شقراء جميلة :D وايضا وحده من اخواتنا الشامييات ..

المهم الحبيب ياشر لها انه يبي يسابقها ويعرفها طبعا .. لانه كان مطول على الصوت ويترقص وعقب لين شافني فر ويهه واستحى وقصر على الصوت ..

لمراد اول ما ولعت الاشارة وشوف الدعس .. مسابق وياها .. غبروا بي ..

طبعا موتري القرمبع يالله يالله يقووووووم ..

طبعا اللي صار ان اخينا طلع اتيكيت وخلا الاموره تطوفه واهو ملبق وراها بموتره يابلفيت سبقتيني حبيبتي .. :pardon:

الزبدة

هالموقف اثر فيني وايد

وقررت اعتبره نقطة تحول في حياتي ..

وانه من عقب السالفة ذي حلفت الا اوصل لمستواهم من البطره

وقررت انه خلال العشر سنوات القادمة اصير ملياردييير

واشتري لي موتر احسن من اللي عندهم ..

والوعد اشارات عبدالغني اذا انكتب لنا عمر .. :eek3:


اشرايكم في اللي صار ؟؟

ليمتا المواطن بيتم على هالحال ؟؟

ليمتا فيه ناس غرب وعايشين حياتهم وماكلين الاخضر واليابس ؟؟

وليمتا انا بتم على الحال مع موتري القرمبع

ليش ما يحق لي ابطر مثلهم ؟؟

طولت عليكم ..

الموضوع للنقاش

واللي عنده سالفة مثلت له نقطة تحول في حياته ياريت يكتبها لنا

crazy

[متفائله]

ما أقول الا الحمدلله على كل شي والصحه أخوي أهم من أموال الدنيا كلها والقناعه كنز لا يفنى والفلوس ما تيجي بالجنسيه لأن الأرزاق بيد الله

[ANONYMOUS]

والله يا اخي موضوعك ذو شجون

انا نفسك

موتري قرمبع

ولكن بعتبر نقطة تحولك هي نفسها نقطتي مالت التحول وكل يوم بروح اشارات عبدالغني عشان اشوف الموضوع عن كثب

:)

[rebal_alnajm]

السلام عليكم ورحمة الله وبركاته:
أخي العزيز ترتر مشكور على الموضوع ولكن أحب أعقب بشي بسيط وهو:
أولا: لا تدعي الله سبحانه وتعالى تصير ملياردير على شان تعمل هالشي لأن هالشي غلط وحرام لأنه اسراف وقول الله يهديهم ويهدي شبابنا وبناتنا
ثانياً: اسمحلي, لكل مجتهد نصيب اجتهد تصيب اللي صابوه وبالنهاية هو نصيب وتوفيق من الله عز وجل
وتذكر قول الله سبحانه وتعالى: (( إن أكرمكم عند الله أتقاكم))
وقول رسولنا الكريم عليه الصلاة والسلام (لا فضل لعربي على أعجمي ولا لأعجمي على عربي إلا بالتقوى. رواه أحمد )
ولا تفرق بين شامي ومغربي ترا الكل عرب واخوان والكل فيه الخير واياك يا أخي من الكبر تراه يمنع من الجنة
والمعذرة

[OTOsan]

مادري موضوعك متشعب وذو شجون على قولتهم !!

انت يعني حاسد هالشامي انه يعرف شاميه حلوه على قولتك ،
ولا انت حاسدهم اثنينهم على سياراتهم ،
ولا انت تشتكي ان المواطن حقه مهضوم ،
ولا زعلان عشان اسبقوك !!

مادري الصراحه كل نقطه يبيلها موضوع بروحه ،، الله يرزقني ويرزقك بموتر كشخه ، اذا كان هذا صلب الموضوع اللي تبيه !!

[المتأمل خيرا]

قريت موضوعك أخوي "ترتر".. وجه في بالي بصراحة احتمال إنك حاط الموضوع حتى تمزح معانا.. :) ..

[porsche]

السلام عليكم
أولا الدنيا جهد وعمل ومثابره,صحيح ان فيها حظ لكن هالحظ ناتج من الجهد والعمل.
ثانيا في اشياء اهم بكثير من البورش والا الحوت,دعاء الوالدين وراحة البال والاصدقاء هاذي اشيء ما تعوض في حياة الانسان بالاضافه الى الصحه طبعا.
فلا تخلي هالاشياء تأثر عليك,وابشرك ما يحتاي تكون ملياردير علشان تشتري هالنوع من السيارات,كلها متين والا متين وخمسين الف علشان البورش كايمن او البوكستر.:playball::playball:

[الهاوي28]

في ناس ملياديرية اغنيا

يمشون وفي مخابيهم دواهم


يالله بالصحه والعافيه

[حقيقه]

لكل مجتهد نصيب :fight:
وبدون زعل شباب قطر البعض منهم مستهتر يعتمد بس على الراتب اللي يخذه من الشغل
وكله سلفيات ولعب :court:
اما الاجانب بشكل عام يشتغلون ومايكتفون بشغله وحده ويجتهدون وما عليهم سلفيات نفس شسمه :court::whistling:
فدور لك على مشروع صغير وان شاءالله تكون ملياردير صغيرون وراعي مواتر مب موتر :sneaky:

[مشروع هاموور]

ههههههههههه

والله مت ضحك

على كلامك وخصوصأ الوعد إشارات عبد الغني بعد عشر سنين

صراحة اسلوبك في الكتابة والسرد جدا ً رائع ومنسق

وبعدين اشفيك حاقد ع الريال عشانه يعرف وحده حلوة وعندها بورش بعد ؟؟؟؟:sneaky:

شد حيلك وخذلك قرض محترم من البنك ودش البورصة وضارب من الصبح

ابيك تنتشر بكل الشركات في البورصة ما تخلي سهم إلا وتاخذه :fight::fight:

واوعدك في اقل من شهر بتكون خسرت:weeping: كل المبلغ :yes:

وهنيه !! :telephone:ابيك تعتبر هذي هي نقطة التحول الحقيقية لتبدأ من جديد....... :looking::looking:

[shrook]

من زرع حصد ...

وان شاء الله ربنا بيرزق سيارة كشخة

يعطيك العافية ....

[BODYGUARD]

ليش مابلغت ..!!! :eek2: سباق يعني استهتار بحياة الاخرين وفيها سحب سياره ..

[مشروع هاموور]

ليش مابلغت ..!!! :eek2: سباق يعني استهتار بحياة الاخرين وفيها سحب سياره ..

:nono:

[قطري شايب]

لو منك خذيت ارقام سياراتهم وعطيتهم اخونا جاجاسم بالمنتدى وخله يسحبهم
وخل الرقص ينفعه مستر شامي

[قطري شايب]

بعدين ياجاري جري الوحوش غير رزقك ماتحوش

يمكن الله يبيك اتم ترتر طور عمرك ماتدري ويمكن تصير مليونير تالي عمر

النوعيه الي قلت عليها يبطرون لانهم مايفرقون بين الحلال والحرام وحنا هل قطر والحمدالله نراعي هالشي وخلنا بساطتنا ياخوي ترا الفلوس تخلي الانسان يتكبر ويدوس ع الي حوله
مو الكل طبعا

تحياتي لك انت شد حيلك بس مهب عشان تصير غني عشان تصرف على عيالك المتترترين الله يحفظهم

[ترتر]

ما أقول الا الحمدلله على كل شي والصحه أخوي أهم من أموال الدنيا كلها والقناعه كنز لا يفنى والفلوس ما تيجي بالجنسيه لأن الأرزاق بيد الله

صحيح الحمدلله على الصحه والعافيه بس بعد ما يمنع انه الواحد يكون له طموووح :anger3:

هم احسن مني في شنهو ؟؟ :anger3:

[ترتر]

والله يا اخي موضوعك ذو شجون

انا نفسك

موتري قرمبع

ولكن بعتبر نقطة تحولك هي نفسها نقطتي مالت التحول وكل يوم بروح اشارات عبدالغني عشان اشوف الموضوع عن كثب

:)


زين لقيت حد يناصفني الطموووح :no:

[ترتر]

السلام عليكم ورحمة الله وبركاته:
أخي العزيز ترتر مشكور على الموضوع ولكن أحب أعقب بشي بسيط وهو:
أولا: لا تدعي الله سبحانه وتعالى تصير ملياردير على شان تعمل هالشي لأن هالشي غلط وحرام لأنه اسراف وقول الله يهديهم ويهدي شبابنا وبناتنا
ثانياً: اسمحلي, لكل مجتهد نصيب اجتهد تصيب اللي صابوه وبالنهاية هو نصيب وتوفيق من الله عز وجل
وتذكر قول الله سبحانه وتعالى: (( إن أكرمكم عند الله أتقاكم))
وقول رسولنا الكريم عليه الصلاة والسلام (لا فضل لعربي على أعجمي ولا لأعجمي على عربي إلا بالتقوى. رواه أحمد )
ولا تفرق بين شامي ومغربي ترا الكل عرب واخوان والكل فيه الخير واياك يا أخي من الكبر تراه يمنع من الجنة
والمعذرة


وعليكم السلام والرحمة ...

اولا : ياخي اسراف اذا ماعندي لكن اذا الله انعم علي ليش ما ابطر روحي :anger3:

ثانيا : ادري ان كل شي نصيب واجتهاد عشان كذا قت لي هالموقف نقطة تحول في حياتي ولازم اشتغل صح الخوف انهم ماخذينها بالساهل :anger3:

مشكور اخوي

[ترتر]

مادري موضوعك متشعب وذو شجون على قولتهم !!

انت يعني حاسد هالشامي انه يعرف شاميه حلوه على قولتك ،
ولا انت حاسدهم اثنينهم على سياراتهم ،
ولا انت تشتكي ان المواطن حقه مهضوم ،
ولا زعلان عشان اسبقوك !!

مادري الصراحه كل نقطه يبيلها موضوع بروحه ،، الله يرزقني ويرزقك بموتر كشخه ، اذا كان هذا صلب الموضوع اللي تبيه !!

لا مب حاسده لان عنده شاميه لان البنات ياكثرهم وعلى افا من يشيل وان بغيت بس ااشر والبنات يتسدحون قدامي :anger3: اخوي انت من صجك اتكلم ؟؟؟

صلب الموضوع يسلم لي اياك ان هالموقف اثر فيني يعني ليش انا ماعندي موتر نفس المواتر اللي عندهم ؟ شاللي قاصرني ؟؟ :anger3:

بعدين انا مواطن وذي بلادي اشلون ذيلللا ماخذين راحتهم ويسوون هالحركات :anger3:

بس خلاص

[ترتر]

قريت موضوعك أخوي "ترتر".. وجه في بالي بصراحة احتمال إنك حاط الموضوع حتى تمزح معانا.. :) ..

لا والله مب مزح هذا اللي صار :anger3:

[ترتر]

السلام عليكم
أولا الدنيا جهد وعمل ومثابره,صحيح ان فيها حظ لكن هالحظ ناتج من الجهد والعمل.
ثانيا في اشياء اهم بكثير من البورش والا الحوت,دعاء الوالدين وراحة البال والاصدقاء هاذي اشيء ما تعوض في حياة الانسان بالاضافه الى الصحه طبعا.
فلا تخلي هالاشياء تأثر عليك,وابشرك ما يحتاي تكون ملياردير علشان تشتري هالنوع من السيارات,كلها متين والا متين وخمسين الف علشان البورش كايمن او البوكستر.:playball::playball:

وعليكم السلام

اولا كلامك صحيح اخوي

ثانيا ما يمنع تجتمع هالسوالف مع اللي ذكرته :anger3:

بالعكس احلى شي ان هالموقف اثر فيني وعطاني حافز ومثل لي نقطة تحول في حياتي للافضل ... :anger3:

وانا قررت اصير ملياردييييييييير

[ترتر]

في ناس ملياديرية اغنيا

يمشون وفي مخابيهم دواهم


يالله بالصحه والعافيه

الحمدلله على الصحه والعافيه

[ترتر]

لكل مجتهد نصيب :fight:
وبدون زعل شباب قطر البعض منهم مستهتر يعتمد بس على الراتب اللي يخذه من الشغل
وكله سلفيات ولعب :court:
اما الاجانب بشكل عام يشتغلون ومايكتفون بشغله وحده ويجتهدون وما عليهم سلفيات نفس شسمه :court::whistling:
فدور لك على مشروع صغير وان شاءالله تكون ملياردير صغيرون وراعي مواتر مب موتر :sneaky:


ان شاء الله :anger3:

[ترتر]

ههههههههههه

والله مت ضحك

على كلامك وخصوصأ الوعد إشارات عبد الغني بعد عشر سنين

صراحة اسلوبك في الكتابة والسرد جدا ً رائع ومنسق

وبعدين اشفيك حاقد ع الريال عشانه يعرف وحده حلوة وعندها بورش بعد ؟؟؟؟:sneaky:

شد حيلك وخذلك قرض محترم من البنك ودش البورصة وضارب من الصبح

ابيك تنتشر بكل الشركات في البورصة ما تخلي سهم إلا وتاخذه :fight::fight:

واوعدك في اقل من شهر بتكون خسرت:weeping: كل المبلغ :yes:

وهنيه !! :telephone:ابيك تعتبر هذي هي نقطة التحول الحقيقية لتبدأ من جديد....... :looking::looking:


ياشريررررررر :anger3:

[ورقــة أمــل]

اخوي اجتهد وشد حيلك وان شاء الله بتصير احسن منهم

واهم شي هلايام هو الشهادة.. وفتح مخك شوية

لان هالاجانب وبعض العرب ما يعتمدون على راوتبهم وبس لانها ما تسوي لهم شي

معتمدين على عقولهم يمكن قبل شهاداتهم....

والمهم في السالفه ان هالشي اثر فيك ويمكن يوجهك للافضل

بس في ناس يشوفون وماعندهم الا الحسرة ولا يبون يطورون من انفسهم

لنفسهم ولبلادهم.. بس يشوفون اللي عند غيرهم ويحسدونهم.. ومعتمدين

ان الدولة هي اللي تاكلهم وتشربهم وتترس مخابيهم عشان يفوشرون على غيرهم..